رواية زواج اطفال الجزء الثالث3
الفصل السابع عشر 17
بقلم الكاتبة الصغيرة
$$.. خلاص حقك عليا وادي راسها ابوسها
مازن حط ايده الاتنين علي كتاف الولد وبعده بهدوء.. تبوس ايه يا باشا هو حد قالك انكوا راضعين علي بعض ولا ايه!!
الشاب اتحرج وحس انه هيدخل في جدال ومع مين مع مازن البنا انسحب بهدوء بعد ما كرر اعتذاره
لمار مكنتش عارفه تعمل ايه تشكره ولا تمشي هو اصلا لسه مدي اخوها علقة موت 😂
مشي هو من جمبها ولا كأن حاجه حصلت كاريزمااا مووت
هي استغربت من رد فعله وراحت علي مدرجها
فارس.. ايه عرفت تكلمها
اشرف ودا نفس الشاب اللي كان بيحاول يكلم لمار.. لا هزقتني ومشيت وانا رايح وراها طلع مازن في وشي
فارس بانتباه.. مازن مين ده
اشرف.. مازن البنا ياعم ابن مالك البنا وعمه اللي اسمه سليم مش بتقول دول المنافسين لكم في السوق
فارس بتذكر.. بس بس انت ناقص تقولي امه اسمها ايه اه وهو ماله بقي ان شاءلله ومال لمار
اشرف.. معرفش بس سمعت ان اخته متجوزه انس اخو لمار فهمت بقي
فارس.. اخته لين اللي كانت معانا دي برضو
اشرف.. بالظبط
فارس بتفكير.. اممم وهو بقي عمل فيها البطل ودافع عن لمار
اشرف بضيق.. هو في ايه انا مش فاهم مفيش غيرها في الكليه ما البنات كتيره
فارس بإبتسامة جانبيه.. القلب وما يريد
اشرف.. طيب يعم وانا معدش ليا علاقه بالموضوع شوف حد تاني يعكاسهالك سلام عندي سكشن
فارس وهو ينفث دخان سيجارته.. سلام ي اشرووف
♡♡♡♡♡♡*******♡♡♡♡♡♡♡♡♡
رهف في كليتها وكل واحد فيهم راح الشركه لين كانت قاعده مع امينه وهدي بعد الموقف اللي حصل مع انس
هدي.. انا طالعه اشوف الحاج كان متضايق
امينه.. وانا هحاول ارن علي انس تاني
لين كانت قاعده بتفكر في اللي حصل وزعلانه
عمر جه قعد ورجع ظهره لورا.. حاسه انك غريبه هنا
لين.. لا عادي
عمر.. امال مالك كده زعلانه ليه
لين.. هو مش طبيعي ازعل من اللي حصل ده
عمر.. لا اصل احنا متعودين انس طايش ومش بنخلص من مشاكله المره اللي فاتت كان جدي شد معاه خرج متضايق والنتيجه اهو انتي قاعده قدامي المره دي معرفش هيعمل ايه
لين.. تقصد ايه
عمر وهو يتفحصها بنظرات اقلقتها.. اقصد انك صغيره لسه وحلوه وحياتك لسه معيشتهاش قدامك كليه وحاجات كتير ولسه هتحبي وتختاري شريك حياتك يعني انا طبعاً لو مش خايف عليكي زي اختي مش هتكلم معاكي كدا
لين .. ياريت تتكلم دغري
عمر.. اطلقي منه انس بيلعب
لين وقفت.. اوكي نصيحتك وصلتلي متشكره
عمر بابتسامة سمجه.. علي ايه ياقمر انا موجود في اي وقت تحتاجي فيه نصيحه
لين مشيت من قدامه وهو ابتسم
بعد ربع ساعه كانت في مكتب عمران
لين.. انا جيت اخد الاذن من حضرتك عشان امشي
عمران.. تمشي فين دا بيتك طالما انتي علي ذمته
لين.. طيب ممكن اروح اشوف اهلي وارجع تاني لغاية ما يكون هو جه البيت عشان يطلقني ونخلص الموضوع ده
عمران.. اكيد يابنتي تقدري تروحي في اي وقت اخلي عمر يوصلك
لين.. لا لا بلاش عمر
عمران.. ليه في حاجه حصلت منه
لين.. ابدا بس مش عايزة اتعب حد معايا ممكن اروح بتاكسي ولما ارجع مازن يوصلني او عمو شكرا جدا لحضرتك عن اذنك
عمران.. اتفضلي
نزلت بسرعه بعد ما كانت حاسه بخنقه هو لما كان موجود كانت متطمنه بوجوده
طول الطريق بترن عليه مغلق فكرت في يوسف واتصلت عليه
يوسف.. لا مشتفهوش ولا كلمني
لين.. طيب لو عرفت حاجه قولي
يوسف.. حاضر
كانت في الطريق لبيتهم رنت الجرس واروي فتحت
لين بدموع .. ماما
اروي حضنتها وعيطت هي كمان.. كدا يا لين تعملي كده وجعتي قلبي عليكي
فضلوا قرابة الربع ساعه حاضنين بعض وبيبكوا لغاية ما لين جدتها خرجت
لين الكبيرة.. قلب تيته وحشتيني
لين طلعت جري حضنتها
لين الكبيره بحنان.. بس ياقلب تيته اهدي متعيطيش
لين كانت بتكرر كلمة انا اسفه من بين دموعها
زين خرج هو كمان راحت باست ايده.. سامحني يا جدو عشان خاطري
زين ضمها وطبطب علي شعرها بحنان.. مش زعلان منك ياحبيبتي
رفعت راسها ووشها كله دموع.. بجد!!
زين وهو يزيل دموعها.. ايوه بجد لان دا مش ذنبك وغصب عنك انا واثق فيكي وايلين حكتلنا كل حاجه
لين.. بس م مازن قالي
لين الكبيره.. مازن دا عبيط انتي عارفه انه عصبي وبيهبل كتير
اروي.. خاف عليكي ياحبيبتي ما انتي عارفاه متعلق بيكي ازاي
لين.. عارفه بس انا مبسوطه انكم مش زعلانين كنت خايفه اوي تبقوا زي مازن
زين .. احنا دايما جمبك انتي وايلين وفي ظهركم
لين.. ربنا ميحرمني منك ابداا يا جدو
*****♡♡♡♡••***********♡♡♡♡♡
معتز.. ايه يا رحمه كل ده وقت
رحمه.. خلاص قولتلك خلاص هشوف النهارده صدعتني
معتز.. طيب اما اشوف اخرتها معاكي ايه سلام
رحمه رمت التليفون على المكتب بعصبيه ولفت بالكرسي وهي بتنفخ
في نفس الوقت كان عز رايح مكتب ريناد
ريناد.. ياااه عز بنفسه في مكتبي
عز بإبتسامة جذابه.. هو احنا نطول
ريناد بحرج.. ميرسي احمم تشرب ايه بقي
عز.. نتي وذوقك
ريناد بضحك.. يبقي قهوه
عز.. كنت واثق في ذوقك
ضحكوا سوا والقهوه وصلت وهما كانوا بيشتغلوا على كذا ملف
عز.. فين اوراق المصنع
ريناد وهي ممسكه بكوب القهوه.. لحظه هجيبه اتحركت للناحيه التانيه واتكعبلت تقوم القهوه واقعه علي عز
ريناد.. يا نهار ازرررق انا والله م قصدت سحبت مناديل بسرعه وبدات تنشفله البليزر
عز سرحان فيها ومش مركز
ريناد.. اسفه بجد
عز بهدوء ولا يهمك مسك ايدها وهي بترتعش.. اهدي محصلش حاجه هغير في المكتب
هنا رحمه دخلت لترفع حاجبها بضيق.. والله!
ريناد بعدت بتوتر.. ا تفضلي يا رحمه
رحمه.. برن عليك ياعز مش بترد
عز قام وقف.. كان عندي اجتماع
رحمه.. ااه اجتماع مع ريناد
عز ابتسم.. زي ما شوفتي كده
رحمه اتنرفزت من اسلوبه.. عمو عايزك عن اذنكم عطلت الاجتماع خرجت وقفلت الباب جامد
عز ببراءه.. مالها دي؟
ريناد رفعت كتفها بمعني معرفش
عز.. تمام انا هروح اغير واشوف عمو ابعتي الملف مع سحر
ريناد.. اوك
♡♡♡♡♡*****♡♡♡♡♡♡♡
لين فضلت منتظره مازن بس مجاش ف استأذنت منهم ومشيت
عند ايلين كانت راجعه من الكليه مع مازن نزلت وهي بتشاورله وبتضحك.. ماشي ياعم سماح المره دي
مازن وهو بيفك الحزام.. هنزلك والله
ايلين.. بهزر وربنااا يلا سلام
مازن.. سلام يختي دا انتي كنتي مريحاني وانتي مخطوفه
روح البيت وعرف منهم ان لين كانت موجوده
اروى.. خلاص صالحها بقي انت مشوفتهاش كانت بتعيط ازاي
مازن.. حاضر يا ماما
اروى.. يحضرلك الخير ياحبيبي هتتعشي
مازن.. لا كلت برا مع ايلين
اروى.. ماشي
لين وصلت البيت واتصلت تاني علي انس مردش
لمار.. مساء الخير قاعده لوحدك ليه
لين.. مفيش مخنوقه شويه فقعدت هنا
لمار.. انس مش بيرد برضو
لين.. للاسف الوقت اتاخر ومرجعش هنعمل ايه
لمار.. مش عارفه بس هو زعله وحش وجدو كمان زودها وضر. به وهو اصلا كان لسه واخد علقه من اخوكي
لين.. مازن صعب شويه حتي مخاصمني
لمار اتذكرت الموقف بتاع الكليه.. صح علي فكره انا قابلت اخوكي مرتين
لين.. ايه ازاي
لمار.. مره خبطنا في بعض بس قبل ما اعرفك انتي وهو ومره النهارده
لين بقلق.. اوعي تقولي عملك حاجه انهارده
لمار ضحكت.. لا يابنتي هو للدرجادي حصل موقف رخم مع ولد وهو اتدخل كنت عايزة اشكره بصراحه بس ملقيتش كلام اقوله
لين ابتسمت.. عادي هتلاقيه مشي اصلا ولا كان حصل حاجه
لمار.. فعلااا عمل كده
لين لسه هتتكلم تليفونها رن .. جبنا ف سيرته اهو يستي
مازن.. اي مش عايزة تردي هتعملي فيها زعلانه
لين.. هعمل فيها؟
مازن.. امم مشيتي ليه
لين دمعت.. لو كنت موجوده مكنتش هتحب وجودي
مازن بحنان.. متقوليش كدا انتي عارفه اني مقدرش اعيش من غيرك وعارفه اني كنت زعلان بس لين انتي بالنسبالي كل حاجه
لين.. يعني مش زعلان منى
مازن.. بقولها كل حاجه في حياتي تقولي زعلان منى انتي مخك تعبان كفايه ايلين عليا الله يستركم انتوا اتجوزتوا لسه انا
لين ضحكت.. كمان اقتنعت بجوازي
مازن.. هعمل ايه يعني مانتي حطيتني قدام الامر الواقع بس انتي هتطلقي صح
لين.. حصل موقف هنا وانس ساب البيت ومشي
مازن.. ربنا يهديه ويرجع بقي خلينا نخلص
لين.. يارب اه لمار بتقولك شكرا
مازن.. لمار مين؟
لين.. اخت انس اللي انت عملت فيها تامر حسني قدام الجامعه النهارده
مازن.. تامر حسني اه والله انتي هبله يابنتي دا موقف عادي يعني محصلش حاجه
لين.. يعني اقولها بيقولك العفو
مازن.. ريحي هااا انا فاهمك ومفيش الكلام ده انا معرفهاش أصلا
لين.. خلاص خلاص اهدي يعم
مازن.. غوري عايز انام
لين.. انا كده اتأكدت انك صالحتني
مازن .. عبيطه سلام
لين.. سلام
راحت قعدت جمب لمار.. دا مازن اخويا
لمار.. اتصالحتوا
لين بفرحه.. ايوااا انا كده بقيت كويسه ومش شايله هم حاجه غير انس بس
لمار.. انتي بجد طيبه اوي يابخت انس بيكي اقولك حاجه اول مره اشوفها في اخويا انا حاسه انه اتعلق بيكي
لين اتوترت ووشها احمر .. انا هطلع انام بقي
لمار.. تصبحي على خير
طلعت وبعدين عمر كان داخل ولمار لسه قاعده
لمار.. عمر ازيك
عمر.. اهلا يا لمار
لمار.. احمم تعالي اقعد معايا شويه نتكلم لو فاضي يعني
عمر..فاضي انا عايز انام تصبحي على خير
لمار بحزن.. وانت من اهله قعدت تتذكر معاملته معاها وانه دايما متجاهلها
♡♡♡♡♡♡♡♡*****♡♡♡♡♡♡♡
رحيم دخل اوضته لقي رحمه
رحيم باستغراب.. ازيك يا رحمه
رحمه.. الحمدلله
رحيم.. في حاجه ولا ايه
رحمه وهي بترجع ظهرها للكرسي.. لا بس مش راحه الشركه بكره وقولت نسهر من زمان مسهرناش زي الاول
رحيم.. يااه كانت ايام قذره 😂
رحمه بضحك.. بالنسبالك
رحيم.. هغير وجايلك شوفي فيلم
رحمه.. اوكي
بعد شويه كان خرج وهي مشغله فيلم علي اللابتوب وقعدوا يتفرجوا
رحمه.. الورق بتاع اخر صفقه ده مش لاقياه خالص
رحيم وهو بينزل كوباية العصير من علي بوقه.. عايزاه ليه
رحمه.. لا مفيش كنت حابه اقرأه بس اخد خبره زياده
رحيم بسخريه.. خبره اهه انا وانا عارفين انتي في الشركه ليه
رحمه .. رحيم انت اللي بعدت وعشان انساك قررت اقرب من عز بس مفيش غيرك في قلبي بجد
رحيم بعد شويه لانها كانت قريبه منه.. متفتحيش في القديم
رحمه بحزن.. اللي انت عاوزه انا اسفه علي الازعاج تصبح على خير
اومأ برأسه بشرود وهو ينذكر شيء ما..
عدي اربع اسبوع كامل الاحداث عاديه فيه مفيش تغيير لين كل يوم منتظره انس مفيش فايده كانو متجمعين علي السفره
عمران بقلق.. طب محدش فيكم عرف يوصله
كلهم ردوا بالنفي
امينه.. انا قلقانه اوى عليه خايفه يكون حصله حاجه
هدي.. هتلاقيه هنا ولا هنا او مع اللي اسمه يوسف ده
لين.. لا يوسف ميعرفش حاجه عنه
عمران.. حاسس اني زودتها عليه المره دي كنت شايف الندم في عينه بس كان لازم اقرص ودنه
خلصوا اكل ولين قاعده تفكر ممكن يكون فين اتصلت بيوسف
يوسف.. مفيش اخبار جديده برضو
لين.. لا بس كنت عايزه منك خدمه
يوسف.. اتفضلي
..............
عدي حوالي 4 ساعات
فتحت الباب ودخلت المكان مكركب هدوم مرميه علي الارض وعلب كانز كتير مرميه علي الارض
انس وهو يضع يده علي عينه لتفادي ضوء الشمس.. امشي يا يوسف مش عايز اتكلم مع حد
لين.. كنت متأكده اني هلاقيك هنا