رواية الحب يعشق الصدف
بقلم رحمه محمد
الفصل السابع والثامن عشر
عدا اليوم وفي صباح يوم جديد
ليلي حست بحركه جنبها ولما فتحت عيونها
ليلي : عشق
عشق كانت بتحاول تقوم
ليلي : عارفيني عايزه اي طيب
عشق مردتش عليها لغايت ما ليلي قامت وساعدتها تقوم واول ما قامت مسكت دماغها بتعب
ليلي بخوف : انتي كويسه
عشق حركة دماغها بالايجاب ومشيو الإتنين ولما طلعو من الاوضه كانت مني وساره جايين بالفطار وكانو هيدخلو ليهم بس وقفو لما شافوهم
مني سابت الفطار علي طربيزه كانت جنبها وجريت علي عشق : اي خلاها تقوم من مكانها
ليلي : معرفش ي ماما مش عايزه تفضل مرتاحه علي السرير
عشق اتكلمت بتعب : مش عايزه اقعد في الاوضه انا كويسه
ساره : طب هاتيها تقعد ي ليلي دي مش قادره تقف
مني : لا هتدخل ترتاح في الاوضه
عشق : عشان خاطري ي ماما خليني هنا
مني : بس...
ليلي : خلاص سبيها ي ست الكل
مني اتنهدت : حاضر
وسندت عشق مع ليلي لغايت ما وصلو للصاله وقعدو كلهم
عشق : فين بابا
مني : عنده شويه شغل
ليلي : وفين مراد
ساره : لسه هو وعمرو نايمين
عمرو جه من وراها : بتنادي ي حبيبتي
ساره لفت ليه وهمست : حبك برص
عمرو سمعها وحب يضايقها اكتر قرب منها وحط ايدو علي كتفها : صباح الفل علي عيونك
ساره ببتسامه مصطنعه قدام مني وعشق بس ليلي فاهمها وضحكت : صباح النور
عمرو طبع بو.سه علي جبينها وساره برقت وبصت لمني وعشق الي كانو مركزين ولليلي بداري ضحكتها بالعافيه
عمرو : بحبك
ساره ضربته بالبو.كس في بطنه من غير ما حد ياخد باله : امم وانا كمان
عمرو : اااااه ي مج.نونه
مني : مالك ي حبيبي
عمرو بصلها بالم وهو ماسك بطنه : لا مفيش انا جعان بس
مني ضحكت : الفطار جاهز ي حبيبي روح شوف مراد وتعالو افطرو
عمرو ببتسامه : حاضر (وبص لساره وهمس) ماشيي
ومشي راح يشوف مراد لقاه خارج من الحمام ومش لابس تيشرت
عمرو : انت يسطا
مراد وهو واقف قدام المرايه بيظبط شعره : عايز اي
عمرو : يلا عشان جعان مش وقت تظبيط العروسه مش واقفه قدام الباب يعني
مراد : ولاا غور مش وقته قرفك علي الصبح
عمرو ضحك وغمز : ايوا ما ليلي برا صح لازم تتظبط
مراد لف ليه : هي صحيت
عمرو غمز : ايوا وسالت عليك كمان يعم
مراد ابتسم ولبس التيشرت بتاعه : يلا
عمرو قعد علي السرير : لي ما نقعد شويه دا حتي الاوضه هواها لطيف
مراد مسكه من هدومه وطلع برا الاوضه
عمرو : الشاجت الشاجت
مراد سابه قبل ما يوصل ليهم : عشان شكلك قدام ساره بس
عمرو ابتسم : ايلاهي تنستر هات بوسه
مراد : يعع امشي ياض
ومشيو الإتنين وراحو الصاله كانت مني بتأكل عشق وكلهم كانو بيضحكوا
مراد ببتسامه : صباح الخير
كلهم : صباح النور
مراد بص لليلي ببتسامه وهي بدلته ببتسامه رقيقه وجميله
وعمرو كان بيبص ليهم الإتنين وبيبص لساره الي بتكلم عشق ولا معبراه اصلا : ونعمه حظوظ اه يحوستي السوده ياني يما
دخل عليهم ادهم
ادهم : صباح الخير
كلهم : صباح النور
ادهم بص لعشق : انتي كويسه ي قلب بابا
عشق ببتسامه : ايوا ي حبيبي
ادهم اتنهد هو عارف انها مش كويسه وبتحاول تداري حزنها : طب مش هنفرح بمراد وليلي بقا
ليلي بصتلو : بس ي بابا مش هينفع دلوقتي
عشق : ولي بقا
مراد ابتسم وقرب منها : لما تكوني كويسه الاول
عشق : بص ي جوز اختي المستقبلي لو عايزيني اكون كويسه في ياريت تفرحوني بيكم ودي هتبقا احسن فرحه في الدنيا
ليلي : بس ي عشق....
عشق : مفيش بس وافقوا بقا انا كمان عايزه افرح
ادهم ابتسم كان متاكد انها اكتر واحده هتتحمس للفرح بتاعهم وكمان تشغل وقتها
عمرو : الله الله وبالنسبه ليا بقا محدش عايز يفرح بيا
عشق ضحكت وقامت وقفت : لا طبعا عايزين نفرح بيكم كلكم
مراد ضحك وقرب منها : خلاص ماشي الي تشوفي ي اخت مراتي المستقبليه
واتفقو يعملو كتب الكتاب اخر الأسبوع في قصر مراد و تاني يوم رجعو بطيارة مراد الخاصه
ولما رجعو القصر رحبت بيهم فاتن جدا وكانت مبسوطه ب ليلي اوي
فاتن ببتسامه : اهلا بيكم نورتو
مني ببتسامه : الله يخليكي
وفضلو الإتنين يتكلمو مع بعض
عمرو لفاتن : فين جاسر ي ماما
لسه هترد كان جاسر داخل القصر
جاسر : ي اهلا بالصحبه الهباب
بس سكت لما شافها واقفه قدامه مكنش مستوعب هي عشق واي هيجبها هنا اكيد بيحلم مش حقيقه بصتله ببتسامه كبيره
عشق : جااسر
جاسر كان مصدوم مش عارف يعمل اي و.....
#بقلمي رحمه محمد
#الحب يعشق الصدف
البارت 18
ادهم ومني استاذنو وفاتن عرفتهم مكان اوضتهم وراحو يرتاحو في دخول جاسر
جاسر : ي اهلا بالصحبه الهباب
بس سكت لما شافها واقفه قدامه مكنش مستوعب انها عشق واي هيجبها هنا اكيد بيحلم مش حقيقه بصتله ببتسامه كبيره
عشق : جااسر
جاسر كان مصدوم مش عارف يعمل اي
عشق جريت نحيته : ازيك (وكملت بستغراب) بس انت بتعمل اي هنا
جاسر كان باصص ليها وساكت مش مصدق انها قدامه
عشق : جاسر
جاسر انتبه ليها : عشق انتي بتعملي اي هنا
عمرو قرب منهم : عشق تبقا اخت ليلي ي جاسر
جاسر : اه تمام بعد اذنكم عندي شغل
ومشي وسبهم عشق فضلت بصه ليه لغايت ما اختفي من قدامها
فاتن ببتسامه : طب يلا روحو ارتاحو شويه
عمرو قرب منها وتكلم معاها من غير ما حد يسمع فاتن بصتله ببتسامه
فاتن عرفت كل واحده من البنات اوضتها
ساره كانت ماشيه علي اوضتها فجأه لقت حد بيشدها
ساره : عااااااا
كان عمرو : اهدي دا انا
ساره بصتله : منك لله ياخي قطعتلي الخلف(ولحظة ان عمرو قريب منها اوي فتوترت) عمرو ابعد
عمرو قرب اكتر : تؤ
ساره بتوتر وكسوف : قولتلك ابعد هصوت والم عليك الي في القصر كله
عمرو وهو باصص في عيونها وسرحان : هاا
ساره : طيب يالهوووووي الحقوناااااااي
عمرو فاق وبعد بسرعه : اهدي خلاص بعد
ساره ضحكت : باي ي بيبي
عمرو بصلها بغيظ وسابها ومشي
عشق كانت في اوضتها ووقفه في البلكونه بتفكر في جاسر وفتكرت لما اعترف ليها بحبه وهي رفضته عشان سيف قاطع تفكرها لما شافت جاسر ومراد قعدين في جنينه القصر وقررت تنزل تتكلم معاه
جاسر : يعني انت كنت عارف ان عشق البنت الي حكتلك عنها
مراد حرك راسه بالايجاب
جاسر : طب ازاي
مراد ضحك وبصله : سهله مش صعبه عليا
جاسر ضحك : ايوا
مراد بصله : قدامك فرصه تانيه ي جاسر فكر ازاي تخليها تحبك
جاسر بحزن : ازاي وهي لسه بتحب سيف
مراد لسه هيرد قاطعتهم عشق
عشق : هلا ي شباب
مراد بصلها ببتسامه : منمتيش شويه لي
عشق : مش عايزه
مراد قاف وقف : طب انا هروح ارتاح شويه
(وبص لجاسر وغمز ليه ومشي)
مراد مشي وفضل جاسر وعشق ساكتين لغايت ما قطعت الصمت دا عشق
عشق : امم قولي بقا يعم اخبارك
جاسر : كويس وانتي
عشق اتنهدت : انا كويسه برضو
رجع تاني السكوت بنهم
عشق بصت ليه : انت لي اختفيت فجاه
جاسر بص ليها : وافضل لي وجودي مكنش مهم
عشق : جاسر انا عارفه اني جرحتك واسفه علي دا بس انت كنت اعز صديق ليا ولسه زي ما انت مكنتش عايزه اخسرك ولا تبعد عني
جاسر اتنهد : مش حابب اتكلم
ولسه هيقوم ويمشي
عشق مسكت ايدو وبصت في الارض وتكلمت ودموعها نزله : جاسر انا محتجاك جنبي محدش كان بيفهمني غيرك انت كنت علطول جنبي ومعايا وانا مش عايزه اخسرك تاني خليك معايا
جاسر قعد تاني وابتسم : وجودي مهم اوي يعني
عشق بصتله ببتسامه وهزت راسها بالايجاب بسرعه : ايوا اكيد
جاسم ابتسم : وانا ديما جنبك
ليلي خدت شاور وغيرت هدومها لقت باب اوضتها بيخبط ولما راحت وفتحت الباب كان مراد
ليلي ببتسامه : اي الي جابك هنا
مراد دخل الاوضه وقفل الباب : جاي اشوف مراتى عندك مانع
ليلي ضحكت : شوفتها امشي بقا
مراد قرب منها : لا لسه
وحضنها بحنان وهي حضنته وبعدين بعدها عنه وطلع بوكس صغيره من جيبه وفتحه كانت سلسله رقيقه وجميله
ليلي بصلها : الله يمراد حلو اوي
مراد خرج السلسله من البوكس ولبسها ليها وطبع بو.سه رقيقه علي جبينها
في دخول...
مصطفي : هنعمل اي ي بابا
الصياد ابتسم بخبث : تؤ للاسف ي مراد اخر الاسبوع مش هيبقا فرح هيبقا موتك
مصطفي ضحك وبص للصياد و.....