رواية زواج اطفال الجزء الثالث3
الفصل السادس عشر 16
بقلم الكاتبة الصغيرة
انس.. انا مخنوق اوي
لين.. الحاجه اللي هتريحك اعملها
مكنتش متوقعه انه ممكن يعمل كده واذا به يرتمي بين احضانها ويدفن وجهه في شعرها وعيونه بتدمع
لين كانت في موقف لا تحسد عليه محتاره تعمل ايه رفعت ايدها وحاوطت ظهره
كان شكلهم حلو جدا ولكن اللحظه لم تكتمل
الباب اتفتح مره واحده وكان عمران 🤡🙂
لما شافهم كدا قفل الباب بسرعه تاني.. استغفر الله العظيم
ومشي 😂
لين وشها كان احمر من الاحراج والمشكله ان انس مبعدش لا فضل زي ماهو ولا كأن حاجه حصلت
لين.. انس انت كويس؟
انس.. بقيت كويس بعد عنها وبعدين بص في عيونها.. شكرا يا لين
لين هزت راسها بإيماء
انس.. قومي نامى انتى علي السرير انا هخرج اشوف جدي وانام عند رحيم خدي راحتك
لين.. تمام تصبح على خير
انس.. وانتي من اهله
**********♡♡♡♡♡♡*********
عند مازن كان قاعد علي السرير زعلان علي كل اللي حصل حاسس بالذنب ناحية لين لقي تليفونه بيرن
مازن.. عايزه ايه يا ايلين
ايلين.. اولا اسمها ازيك ثانيا عايزه اشوفك عشان نتكلم دا مكنش اسلوب النهارده من امتي واحنا كدا
مازن.. انا تعبان ومش فايقلك
ايلين.. انا جيالك دلوقتي متنمش بقولك
مازن.. جايه فين الساعه 12 بليل بطلي هبل
ايلين.. خلاص تعالي انت يإما والله هتلاقيني عندك انت حر
مازن.. اووف اقفلي جتك القرف
ايلين.. حبيبي تسلم باي باي
بعد حوالي نص ساعة كان تحت البيت استأذنت من سليم ونزلتله
ركبت العربيه جمبه.. ايه مش بتيجي غير بالتهديد
مازن.. عايزه ايه
ايلين.. مازن متزعلش اللي حصل كان غصب عننا
مازن.. اقفلي الموضوع دا
ايلين.. لا عشان انت فكرت من وجهة نظرك بس علي فكره دا كان مش بمزاجنا احنا اتخطفنا بجد والجواز ده كان بالاجبار والله العظيم
مازن.. ماشي ورجعتوا وقولنا خلاص الموضوع اتحل ليه بقي هي تختاره ومترضاش ترجع معايا هاا
ايلين.. لان هي عملت كده وكدبت علي الصحافة عشان سمعة العيله سواء بتاعتنا او عيلتهم حرام عليك هي برضو في موقف صعب ودا حصل غصب عنها انت توأمها المفروض تحس بيها اكتر منى كمان كل يوم كانت بتعيط وتعبانه وزمانها بتعيط دلوقتي ومفيش حد جمبها طب انا موجوده مع ماما وبابا هي لوحدها والله العظيم هترجع البيت هي عملت كده عشان الصحافه كلمتني وقالتلي هترجع بكرا او بعده لما يكتب كتابها عشان يطلقها
مازن حس بالذنب اكتر.. طب انا قولتلها تعالي وكله هيتحل
ايلين.. مانت ضر. بت انس وهي كان لازم تبقي جمبه وعلي فكره هو مش وحش هو فضل جمبها وحاول يخرجها من اللي هي فيه ساعه ماعرفت بوفاة عمو هو طيب والله وهي حبت تردله الجميل تعرف هو كلم ابن عمه قبل حوار التريند ده وكان هيرجعنا قبلها كمان وكان يوسف لو علي صوته علي حد فينا يزعقله ويتخ. انق معاه اكيد هي شايفه فيه حنيه عشان كده اختارت تبقي جمبه
مازن.. انا مخنوق ومحتار يا ايلين
مسكت ايده.. فكر براحتك بس بطل عصبيه عشان خاطري وخاطر لين
مازن.. وانتي هتعملي ايه في موضوعك
ايلين بحزن.. مش عارفه اعمل ايه
مازن.. اتعلقتي بيه؟
ايلين بتوتر.. اي الكلام العبيط ده
مازن.. طب مش عليا الحركتين دول مع اني زعلان عشان كنت هتجوزك بس يلا بقي ملكيش نصيب تنولي الشرف وتتجوزيني
ايلين.. نينيني مكنتش هوافق اصلا
مازن.. انتي تطولي يا بقره انتي
ايلين.. متغلطش يالااا
مازن زقها.. طب يلا بقا من هنا عشان محطكيش تحت العربيه وادوس عليكي
نزلت وهي بتضحك.. هتكلمها صح؟
مازن.. هشوف يلا تصبحي على خير
ايلين.. انت من اهلو سلم على تيته وجدو
******♡♡♡♡♡♡♡♡*******
لين فضلت تعيط لغاية ما نامت
وانس راح لجده الاوضه
عمران.. كنت جاي اقولك المأذون جاي الصبح قول للبنت تجهز ومش عايز كلام عشان مش طايق اسمع صوتك ولا ابص في وشك
انس هز راسه بإيجاب وخرج وهو حزين 😔
اتصل علي رحيم وهو ماشي في الطرقه سمع صوت الرن في اوضة رهف استغرب
فصل التليفون ورن تاني سمعه برضو
انس.. ازاااي؟ اكيد في حاجه غلط كرر مره تالته نفس الشي
عند رهف صحت علي صوت التليفون لقت رحيم حاضنها ونايم مش حاسس بحاجه
رهف.. رحيم تليفونك رن كتير قوم
رحيم.. اممم ردي طيب
رهف.. ارد ايه في الوقت دا هيقولوا ايه اللي جاب تليفونك عندي
رحيم قام بتذمر.. يادي انس الزفت مورايش غيره
رن ليرد انس.. انت فين
رحيم.. في الملاهي هكون فين يعم نايم عايز ايه دلوقتي
انس باستغراب.. نايم فين؟ انا في اوضتك دلوقتي
رحيم.. ايه؟ بتعمل ايه
انس.. لا بقي دا انت تجيلي دلوقتي حالا عشان افهم في ايه اخلللص
رحيم.. طب غور
رهف.. في حاجه
رحيم.. اتقفشنا يروحي 😊
رهف.. مش فاهمه ايه اللي حصل
رحيم.. انس في اوضتي وبيقولي امال انت نايم فين هروح انا بقي اشوف حل
رهف.. طيب اقفل الباب وراك بقي
رحيم.. ماشي
انس.. تعالالي بقي اي اللي حصل دا انا برن سمعت صوت تليفونك عند رهف ازااااي
رحيم.. ششش وطي صوتك بص طالما قفشتنا يبقي انت تاني واحد يعرف بعد جدي واقسم بالله لو حد عرف هدفنك هنا
انس.. هو في ايه وجدي عارف ايه
رحيم.. انا ورهف كاتبين كتابنا
انس بصدمه.. ايييه ازاي وامتي
رحيم.. هحكيلك........
انس.. يااه كل دا حصل من ورايا ع العموم مبروك يعم بس خد حذرك بقي رب سترها لو حد عرف هتروح في داهيه
رحيم.. ربنا يستر يلا نام بقي عندي شغل بكره
*******♡♡♡♡♡♡********
تاني يوم تم كتب الكتاب
انس راح يبوس ايد جده بعد عنه
انس.. أنا اسف يا جدو خلاص سامحني
عمران.. عملت كده ليه هي دي اخلاق عيلتنا
كان المأذون مشي والعيله كلها متجمعه
انس.. جدو انا
عمران.. بسألك ترد عليا عملت كده ليه انطققق
انس خفض راسه مش عارف يرد هيقوله ايه عشان اجيب عربيه؟! كرر الجد سؤاله بعصبيه وصوت عالي كل اللي موجود اتنفض من مكانه
انس بخوف وصوت متقطع.. ع عشانن اجيب عربيه
اذا بكف يهوي علي وجنة انس لينصدم الجميع ولين تضع يدها علي فمها اثر الصدمه
عمران.. يخسارة تربيتك وطيت راسنا عشان حتة عربيه ولا انت فالح في حاجه حتي كليتك مش عارف تخلصها انت لازمتك ايه في الدنيا جيت عشان توطي راسنااا في الارض اخواتك كلهم خلصوا كلياتهم وبيشتغلوا لكن انت .. انت صاايع كل يوم خروج وسهر مع صحابك الصيييع زيك يا وس* اتفو عليك
سابه ومشي والكل شفقان علي انس ولين كانت بتدمع حتي هو دمع ومسح عيونه بسرعه وخرج من البيت بعد نداءت متكرره من امه ورحيم مردش علي حد
لمار راحت كليتها وهي زعلانه علي اخوها وسرحانه في اللي حصل
شاب.. مالك ياقمر سرحانه في ايه
لمار.. وانت مالك؟
$$.. تعالي الكافتيريا اطلب حاجه بس واحكيلي
لمار.. انت عبيط احكيلك ايه ابعد عن وشي هو انا اعرفك منين
$$.. مانا في البينج اللي جمبك
لمار.. والله كدا عرفتك امشي من هنا لو سمحت
$$.. طب والله لازم اعرف مالك مقدرش اشوفك زعلانه
لماربعصبيه وصوت عالي.. تشوف ايه يا بني ادم انت من بقيت اهلي ماتحسن كلامك اي الاشكال دي علي الصبح
حط ايده علي كتفها.. اهدي ياقلبي متتعصبيش بس
لمار.. قلب مين وجع في قلبك اي القرف ده
كل ده مازن كان واقف بعيد وشايف الموقف
هي مشيت والشاب دا وراها وبيكلمها بالعافيه خافت منه وكانت مسرعه خطوتها
$$ ماتقفي بقي انا هاجري وراكي كان رايح يمسك ايدها بس مازن بعده براحه كدا ووقف قدامه
مازن بهدوء.. مش كفايه ولا ايه
لمار وقفت وبتبص للولد بقلق وخوف هي عارفه مازن يوم م راح البيت عندهم واتخانق مع اخوها
الولد ده كان عارف مازن هو كمان
$$.. مش قصدي حاجه علي فكره كنت بشوف مالها بس
مازن.. وهي مش عايزة تقولك مالها
$$.. خلاص حقك عليا وادي راسك ابوسها
مازن حط ايده الاتنين علي كتاف الولد وبعده بهدوء.. تبوس ايه يا باشا هو حد قالك انكوا راضعين علي بعض ولا ايه!!