رواية زواج اطفال الجزء الثالث3
الفصل الخامس عشر 15
بقلم الكاتبة الصغيرة
الصحافه مشيت من هنا ومازن دخل وكان كله غضب
اقتحم البيت غصب عن الحرس ودخل
لين كانت واقفه هي وانس علي الباب بعد توديع الصحافه ولسه داخلين سمعوا صوت مازن
مازن.. يابن ال*** وشده من قميصه ونزل فيه ضر. ب
كله اتلم علي الصوت ولين بتحاول تبعده.. ابعددد يا مازن خلاااص عشان خاطري
امينه.. حد يشيله هيمو. ت ابني يا ناااس
عمران كان واقف يتفرج بس
لمار نزلت جري وهي بتردد اسمه.. انس انسسس ابعد عنه يابني ادم انت بصت في وشه وافتكرت انها شافته يوم ماكانت في الكليه
بالرغم من صغر سن مازن عن انس ولكن كان بيسدد له كل لكمه اقوي من التانيه وانس مستسلم
لين بدموع وصوت عالي .. يا مازن وحياتي ابعد عنه بقي حرام عليك ابعددد
مازن بعد عنه وهي نزلت علي الارض بسرعه تقومه هي ولمار
كانت ماسكه وشه.. انت كويس
هز راسه بنعم وهي رفعت وشها لمازن اللي كان بيبصلهم بشر
مازن.. لسه حسابك مخلصش علي انت عملته دا وانك تقول انك متجوز اختي انا هعرفك مين مازن البنا يلا يا لين من هنا
لين مردتش عليه
مازن.. لييين بقولك يلا
لين.. بس هو مكدبش احنا فعلاً اتجوزنا
مازن بصدمه.. ايه الكلام الفاضي ده
لين.. مش كلام دا اللي حصل فعلاً
مازن مسكه من طوقه.. يا بن ال ** لسه هيضر. به جه صوت عمران
عمران.. مازن ممكن نتكلم بهدوء شويه
مازن بعد عنه احتراما لعمران.. تمام
عمران.. اتفضل علي المكتب
مازن طلع معاه ولين سندت انس.. قوم معايا انا آسفه جدا علي اللي حصل
قعد علي الكنبه وامه ولمار جمبه
هدي وعمر شمتانين فيه وصفاء صعبان عليها
*****♡♡♡♡♡******♡♡♡♡♡♡♡*****
عمران.. انا عارف انه غلطان وهعاعقبه بس انتظرت لما الصحافه تخلص شغلها وكان ممكن ابعدك عنه بس أنا عارف ان دا شئ مش سهل عليك ان اختك يحصلها كدا سواء هي او بنت عمك عشان كده سيبتك تضر. به وتطلع غضبك
مازن.. والمطلوب دلوقتي
عمران.. هيكتب عليها رسمي وبعدين يطلقها واي حاجه تطلبها هنفذها تعويض ليك
مازن وقف.. وانا مش قاعد اتكلم مع حضرتك عشان تعويضات انا جاي اخد اختي من هنا ومليزمنيش اي حد وحكاية يكتب عليها دي اختي اللي تقرر مش انا عن اذنك
عمران بعد ما خرج .. يسلم اللي رباك يا ابني والله
مازن نزل .. لين يلا
لين كانت بتبص لمازن وصعبان عليها .. بس
مازن.. اسمعي هتعقدي هنا ويكتب كتابك بعدين يطلقك ولا تيجي معايا وننهي الحوار مع العلم اني مش هحضرلك حاجه ولا ليا دعوه وكلامي مش هيتكرر اختاري
لين بحيره ودموع.. مازن متحطنيش في موقف زي ده عشان خاطري
مازن.. موقف ايه واحد غريب متعرفيهوش محتاجه تفكير دي
لين غمضت عينها بألم.. هفضل مع أنس
مازن الكلمه وجعته معقول فضلته على اخوها .. تمام ايلين فين
لين.. مع يوسف
مازن بسخريه.. ودا اتجوزها كمان
لين هزت راسها
كان عينها فيها دموع صدمه ورا التانيه لف وشه عشان يمشي بعد ما قالها .. انتي اللي اختارتي من النهارده انا معرفكيش
مسح دموعه بسرعه وكمل طريقه بعد نداءات كتير متكرره من لين .. مازن استني بالله عليك مازن مازن اسمعني
دخلت تاني وهي بتعيط كان كلهم جوا
أنس استغرب لما لاقاها
عمران.. ما مشتيش مع اخوكي ليه
لين.. مينفعش اسيب انس في وقت زي دا وهو تعبان اخويا هعرف اصالحه بعدين
عمران.. أنا بجد مش عارف اقولك إيه انتي واخوكي اثبتولي معني التربيه مع انه رفض يحضر كتب كتابك بس انا مقدر زعله مش زي ناس وبص لانس بقرف ومشي
امينه.. قوم يا انس معايا قوم ياحبيبي
انس.. متقلقيش يا ماما انا كويس سابهم وطلع اوضته
لين.. انا بعتذر منكم بالنيابه عن اخويا
امينه.. بتعتذري علي ايه يابنتي احنا اللي اسفين لك
لمار.. انس طيب والله بس اكيد في سبب عشان يعمل كده
لين.. عارفه والله طيب ممكن قطن ومعقم عشان الجرح اللي في وشه انا هطلع اشوفه
لمار جابتهم وادتهملها
**********♡♡♡♡♡♡♡♡********♡♡♡♡♡♡
يوسف وقف عند بيت ايلين
بحزن.. يعني خلاص مش هشوفك تاني ونتخانق
ايلين.. هههه كانت فتره سعيده او حالة اختطاف سعيدة
يوسف.. أنا
ايلين.. انت ايه
يوسف.. مش عارف علي العموم كانت فرصه سعيده سلام
ايلين.. سلام يا يوسف
يوسف.. هتوحشيني.. اقصد يعني الخناقات بتاعتنا
ايلين ضحكت وسابته ومشيت وهو فضل واقف شويه وبعدين مشي
الباب خبط ولارا راحت تفتح
لارا.. ايليييين
ايلين اترمت في حضنها.. ماما وحشتيني اووي
لارا بدموع.. الحمدلله يارب الحمدلله انك بخير مسكت وشها بين ايدها انتي كويسه ياقلب ماما محصلكيش حاجه صح كنتي فين وايه اللي حصل ولين فين روحت هي كمان
ايلين مسكت ايدها.. اهدي بس ياقلبي تعالي هحكيلك كل حاجه
سليم نزل.. مين يا لارا
ايلين طلعت جري حضنته.. بابا وحشتني
سليم حضنها جامد.. ياروحي كنتي فين ايه اللي حصل أنا قلبت عليكي الدنيا
ايلين.. هحكيلكم كل حاجه والله
قعدت حكت لهم كل حاجه وهما في حالة صدمه
سليم.. ايه يعني ايه اتجوزتوا
ايلين.. اجبرونا والله العظيم ولين وانا مكناش موافقين فكرنا نهرب كذا مره ومنجحناش
سليم.. ولاد ال والله ما هرحمهم أبداً
ايلين.. يابابا والله العظيم م اذونا في حاجه اول يوم كانوا بس صعبين بعد كده محدش قربلنا وقالوا هنرجعكم لاهلكم دول من عيله غنيه بس طيش شباب واحنا رجعنا كويسين اهو محدش اذانا بلاش نأذيهم عشان خاطري
لارا.. انتي هبله يعني ايه خطفوكم واحنا بنموت من القلق كل يوم وتقولي محدش اذانا
ايلين مسكت ايد سليم.. بابا اسمعني انت فاهم قصدي صح وحضرتك علمتني منجيش علي طالما كويس معانا والله كانوا كويسين معانا
سليم حضنها.. فاهمك ياحبيبي
الباب خبط ولارا فتحت.. تعالي يا مازن ايلين رجعت لين كمان رجعت صح
مازن.. عارف
لارا استغربت من رده ومن شكله المفروض يبقي مبسوط
سليم.. مين يا لارا
مازن دخل .. انا يا عمو
ايلين قامت بسرعه.. مازن عامل ايه وحشتني
مازن.. الحمدلله
سليم.. تعالي اقعد هحكيلك كل اللي حصل
مازن.. عرفت كل حاجه
سليم.. يعني ايه روحت ل لين طيب
مازن.. ايوا
سليم.. مالك بتتكلم كدا ليه
مازن.. مفيش حاجه انا جيت اشوف ايلين وصلت بالسلامه ولا هروح اطمن ماما بص ل ايلين بحزن مبروك يا ايلين كنت بتمني احضر فرحك في ظروف احسن
ايلين.. مازن انا
مازن.. سلام ياعمو اشوفك في الشركه
مشي علي البيت وحكي لاروي وزين ولين كل حاجه
اروي.. ليه بس كده ياربي ايه اللي بيحصل فينا دا
زين.. وانت سيبت اختك يا مازن
مازن.. عايزني اعمل ايه يا جدو وهي اختارته وسابتني
زين.. وده ميدلش علي حاجه ان اكيد في سبب لو كان وحش كانت سابته وجت كانت بلغت الشرطه انت مسمعتهاش ليه اتسرعت ليه
مازن.. انا اسف يا جدو بس مش قادر اتكلم عن اذنكم طلع اوضته
لين.. سيبه يا زين انت عارفه عصبي زي مالك بكرا يهدي
زين.. ربنا يهديه يارب
*******♡♡♡♡♡♡♡*******
رحمه.. بقولك معرفتش قالي الورق عند رحيم
معتز.. وفيها ايه ماتتصرفي
رحمه.. رحيم مش سهل ومش هيخليني اخد حاجه
معتز.. ماتحاولي تعملي حركه كده ولا كده
رحمه.. بطل كلامك الزفت دا انت عارف ان انا ورحيم من زمان مفيش بينا حاجه
معتز.. والله براحتك بقي المهم الورق يكون عندي
رحمه.. تمام باي
عمر خبط ودخل.. بتعملي ايه
رحمه.. مفيش قاعده اي الأخبار
عمر.. يعني الامور ماشيه زي ما خططت انس خد بهدله وكل علقه من اخو البت لووز
رحمه.. يعني انت اللي كنت عامل التريند دااا
عمر.. ششش وطي صوتك آه كلمت الواد ياسر هو ليه في الحاجات دى عمله هو
رحمه.. اه منك
عمر.. بس البت جامده
رحمه.. يابني هي اي انثي بتكراش عليها طب ورهف
عمر.. لا دي اجمد شباب العيله دي جايبين مزز المهم اي الدنيا معاهم انا امبارح لقيتهم في المطبخ سوا
رحمه.. معرفش والله أصلا معتز طالب مني ورق وهو عند رحيم فعايزه اعمل حركتين كدا
عمر.. ما تخليهم تلاته عشان هي تبعد عنه وتبقي ليا
رحمه.. هو انت اي كل حاجه نفسك مش هامك اختك خالص
عمر.. انتي هتشتغلي نفسك دا احنا دافنينه سوا
رحمه.. طب غور من هنا يلا
قام خرج وهي فضلت تفكر
**********♡♡♡♡♡♡♡********
رهف كانت نايمه ورحيم دخل اوضتها
رحيم.. بسسس رهف انتي نمتي حركها مردتش عليه ابتسم وقرب منها راح باسها من خدها براحه حست بيه صحت بسرعه
رهف وهي بتشد الغطا عليها.. انت بتعمل ايه
رحيم.. كنت جاي اقعد معاكي عشان احكيلك زي ما قولتلك
رهف.. الصبح طيب
رحيم.. هو في ايه انا هاكلك ما تسيبي اللحاف دا وبيشده وهي بتشد
رهف.. لالالالالا انا لابسه حاجه قصيره
رحيم.. طب وفيها ايه 😉
رهف.. بطل رخامه بقا واطلع
رحيم راح قفل الباب بالمفتاح وحطه في جيبه وراح على السرير .. انا تعبان مش قادر هنام هنا النهارده بقي
رهف.. رحيم لا عشان خاطري بلاش مينفعش كدا
رحيم طفي الابجوره.. ليه يا روحي ينفع ونص تصبحي على خير
فكرته نام وكانت بتتسحب عشان تنزل من علي السرير شدها وحضنها من ظهرها.. راحه فين
رهف.. بالله عليك ابعد هروح اغير
رحيم.. مش هبصلك والله نامي بقي انا تعبان اووي كان يوم مرهق من الصبح وانا مع انس وجيت روحت الشركه تعبت من كتر الاجتماعات
رهف.. ربنا معاك بس عايزه اسأل علي حاجه
رحيم وهو لسه مغمض.. ها
رهف.. هو احنا مكناش بنطيق بعض ازاي بقينا كدا
رحيم فتح عينه وبص في عينها.. مش عارف هو دا مش حب بس تقدري تقولي حاليا اعجاب او اتعلقت بيكي بحب اعاندك
رهف.. وانا برضو مش عارفه اتقبلت دا ازاي حاسه اني بحلم يعني نزلت مصر اتعلم قومت اتجوزتك
رحيم.. بس احلي صدفه يا زوجتي العزيزة وشدد علي حضنها هي ضحكت عليه
رهف.. بتفكرني بفريد
رحيم عقد حواجبه.. فريد مين يابت
رهف.. حبيبي
رحيم قام قعد.. حبيبك ازاي مش فاهم
رهف بضحك.. فريد كورهان يعم بطل في مسلسل تركي
رحيم.. اه يا بارده
ضحكت عليه ولفت وشها عشان تنام وهو نام هو كمان
♡♡♡♡♡♡♡♡♡*******♡♡♡♡♡♡♡♡♡♡
انس كان قاعد علي الكنبه بعد ماغير هدومه ببنطلون وتيشرت هي اخدت هدوم من لمار لبستها ودخلت الاوضه
راحت عنده وقعدت جمبه كان باصص قدامه وسرحان
لفت وشه وهي ماسكه قطنه وبتمسح اثر الد. م اللي علي وشه من اللكمات بتاع مازن
انس مسك ايدها وبعدها
قربت جمبه اكتر.. وبعدين بقي بص كدا وكررت اللي بتعمله تاني
هو سرحان في عينها وفي حركات وشها وهي بتنفخله في الجرح وصعبان عليها
انس.. مروحتيش معاه ليه
لين.. عشان مش هينفع اسيبك وانت تعبان
انس.. دي تاني مره تقوليلي الجملة دي مره وانا خاطفك ومره دلوقتي بس انا هنا مش لوحدي انا مع اهلي هيهتموا بيا
لين.. ممكن تبطل كلام عشان اركز في اللي بعمله
انس.. انا آسف عشان عملت الخلاف دا بينك وبين اهلك حاسس ان كل حاجه اتدمرت بسببي انا كر. هت نفسي يا لين
لين حطت اللزقه عليه الجر. ح وحاوطت وشه بإيدها.. بلاش كلام ملهوش لازمه كلنا بنغلط المهم نتعلم من الغلط وانت اتعلمت
مسك ايدها.. انا مش هعرف ابقي محل ثقة من حد تاني حتي جدي الغلط المره دي كان كبير عينه دمعت
لين.. متزعلش كل حاجه مع الوقت هترجع لطبيعتها
انس.. انا مخنوق اوي
لين.. الحاجه اللي هتريحك اعملها
مكنتش متوقعه انه ممكن يعمل كده واذا به يرتمي بين احضانها ويدفن وجهه في شعرها وعيونه بتدمع
لين كانت في موقف لا تحسد عليه محتاره تعمل ايه رفعت ايدها وحاوطت ظهره
كان شكلهم حلو جدا ولكن اللحظه لم تكتمل
الباب اتفتح مره واحده وكان عمران 🤡?