CMP: AIE: رواية مع وقف التنفيذ الفصل الاول1بقلم نجمة براقة
أخر الاخبار

رواية مع وقف التنفيذ الفصل الاول1بقلم نجمة براقة

رواية مع وقف التنفيذ

 الفصل الاول1

بقلم نجمة براقة


تعريف الشخصيات والفصل الاول


سعد 35 سنه دكتور جامعي 


لبني 20 سنه، يتيمه الام وتعيش في بيت جدها ( ومش هقولكم سعد خالها ولا لأ  ) 


عُمر 29 سنه عاطل وفاشل 


سمر 25 سنه تعول اسرتها بعد وفاة ابيها 


مازن 24 سنه 


نانسي 20 سنه 


روان 20 سنه 


عنود 27 سنه (

الفصل الاول

( كان متمدد على الاريكه في غرفته ويحمل كتابه بيده وهو يقراء بتركيز حتى شعر بفتح الباب وبدء احدهم يتسلل بحذر إلى الداخل ليرا قدميها من اسفل الكتاب الذي يخفي عينيه،.. وينوي ان يُجاريها لنهايه،  وهو يخفي ابتسامته خلف الكتاب.. ثم تخطفه منه فجأه) 


_ بوووم 

( يصتنع الخوف والفزع)

=  انتي في مره هتموتيني من الخضه، حرام عليكي

_ ههههههههههههههه وااااللهي انت هتموت مسروق مش مخضوض.... اذا كنت مش بتحس باللي داخل عندك وانت صاحي هتحس بالحرامي ازاي وانت نايم 

= نعمل ايه بقا،  انتي ذكيه وبتقدري تدخلي من غير ما اخد بالي 

( تمط شفتيها بغرور مصتنع)

_ مبحبش اتكلم عن نفسي كتير 

= متواضعه اوي 

_ طلعالك يا دوك، والله واحشني من وقت الغدا مشوفتكش، مش تطمني عليك، ولا تسأل

= اممممم.... عاوز ايه يا لبني 

_ لا متحسسنيش اني استغلاليه ومبكلمكش غير لمصلحه، كده ازعل،.... خااالي و وحشني وجيت اشوفه فيها ايه دي

= اللي ربا..... قولي يا بابا وبلاش لف ودوران

_ ههههه انا مفضوحه اوي كده

= اوووي 

_ ههههه  طيب هقولك..... انت واحشني طبعاً، بس في سبب انقح من انك واحشني،..  جيالك عشانه، وعارفه انك مش هتكسفني

= اممممم 

_ انت عارف ان البت روان قالتلي انك مستحيل تساعدني وانا قولتلها انك هتساعدني وتكسفها

= اممممم 

_ وقولتلها كمان هو انتى فاكره خالي ندل زي خالك، قالتلي هنشوف ولوت بوزها كده قال يعني مستحيل هتساعدني 

= اممممم وبعدين

_ ايه يا دوك لسه مش فاهم،.. طيب ده انا تراهنت علي ذكائك 

= اممممم 

( تقترب منه وتنفض قميصه، ليزيح نظره عنها ويتنهد بزهق)

_  حلو القميص ده، 

= امممم 

_ إيه يا سعدوشي انت علقت، ايه اممممم دي كمان

= ما انا مستني اسمع عاوزة ايه، عشان انتي مبتعمليش كده غير عشان مصلحه 

_ ههههه طيب والله انت ظالمني 

= طيب خلصيني، وقولي

_ شوف،...  بأختصار يا سعد ياخويا ومن غير مقدمات،.. انا عاوزاك تغششني الامتحانات وتقولي الحل، ويبقا كتر خيرك لو حليت الورقه وادتهاني في الخباثه

( يمسك شعرها) 

= بتلفففي وتدوري من الصبح،  وانتي  عارفه  اني  مش  ممكن اغششك، 

_ يااااخالي بقا،  سيب بضايق من الحركه  دي ( تبعد يده  بتذمر)  ياااخي انت خال انت 

= شوفيلك خال غيري  لو مش  عاجبك، وبردو مش  هغششك 

( تبتسم بلطف،  وتقترب منه  وتطوق رقبته بيديها لترمش ببراءة  مصتنعه وهو يرفع حاجبه ثم تغلبه ابتسامته )  

_ هو انا مش "لولو" حبيبتك وبتحبني من ايام ما كنت قد كده

= معرفكيييش، ومتحاوليش،( ينزع يديها) وامشي من هنا بدل ما ارميكي من الشباك

( تنفس بضيقه وهي تمط شفتيها)

_ برااااحتك،  بس لو سِقطت هتيجي في وشك انت،   والناس يقولو سعد  النجار بنت اخته سقطت وهو دكتور جامعي قد الدنيا

= خليهم يقولو اللى يقولوه

_ انت خال انت، الله يباركلك يا خالي عُمر، لو طلبت مساعده مش هيكسفني زيك 

= طيب ما تطلبي منه و وريني هتنجحي ازاي

_( تتمتم) امممم، الابتزاز العاطفي مش هيجيب نتيجة معاه..... ههههه بهزر معاك، انا خدت موضوع الامتحانات ده، مدخل لموضوع تاني اهم ويخصك

= اممممم 

_ البت روان!

= مالها 

_  معجبه بيك،.. ومش بس روان، دي نوره و غاده ونادين ومها،... كلهم معجبين بيك،  وانا ممكن اجبلك ارقامهم دلوقتي حالا، بس بشرط( يبتسم ويمسح لحيته)

= هو إيه بقا

_ مع كل رقم ادهولك، تبعتلي سؤال وإجابته،.... ايه رأيك؟!


= ههههه لبني حبيبتي، هعد لخمسه لو لقيتك قدامي والله لا هسقطك حتى لو حليتي صح.... يلا.... واحد

_ استنا بس هفهمك 

= اتنين 

_ وحياتك عندي لحظه وهمشي

= تلاته 

_ يااااخالي انا  مذاكرتش ومش  فاهمه  حآجه  خالص 

= ااااربعه 

( تضع يدها  علي  فمه والايد الاخرى  خلف  رأسه) 

_ سؤال  واحد وبس،  علشان  خاطري 

( ينظر لها ثم يزيح يديها ويحدثها بهدوء) 

= خمسه 

_ يااااخي منك ل....... 

= كده انتي عيدتي السنه 

( تمسك كتابه  وتمزقه امام عينيه  ثم ترميه على  الأرض  وتدوس عليه  بقدميها) 

_ هاتلك بقا كتاب غيره 

( يمسكها  من شعرها بغيظ ويشدها اليه  لتبكي ثم ترتخي يده ويتنهد بضيق) 

= بتبكي  ليه  دلوقتي،  هو  انا  اللي  قطعت كتابك 

( تنظر  إليه  ودموعها تغرق عينيها) 

_ انت مش  عاوز تساعدني 

= اساعدك ازاي  بالغش،  انتي  عارفه  اني  مش  هعمل  كده  علشان  اي حد  

_ انا  حد 

= بلاش  تستعطفيني وتستغلي نقطة  ضعفي،....  مفيش  غش يالبني...( تهدء نبرته) بس  لو في  حآجه  مش  فاهماها تعالي  اشرحهالك براحه 

_ انا  مش  مركزه  بجد  ومش  عارفه  اركز 

= ليه  بقا،  ايه شاغلك 

_ انت عارف 

= لا مش  عارف 

_ مش عارف يعني الكلام اللي طالعين بيه اعمامي وابويا علشان يخدوني عندهم 

= اااه.....طيب ومن امتي احنا بنركز في اي كلام يتقال،

_ مركزش ازاي ، دول لو جابو عسكري هيقدرو يخدوني ومحدش يقدر يكلمهم 

( يضربها بخفه خلف رأسها)

=  مسمعكش تقولي الكلام ده تاني ولا تفكري في حآجه غير المذاكره

_ ازاي مفكرش يعني،  هو انت عندك شك انهم يقدرو

= وانتي عندك شك اني اقدر احميكي، ومخلهمش يخدوكي

( تهز رأسها نافيه)

_ لا، بس انت هتعمل ايه

= اعمل اي حآجه علشان ميخدوكيش، حتى لو هموتهم واحد واحد

_ انا عارفه بس بردو مش عاوزة حد يتضر بسببي 

= ايه العقل ده

_ انا يمكن بهزر والعب معاك بس من جوايا خايفه اوي ،  انا معرفش الناس دي ولا اعرف هيعاملوني ازاي،.. مش كفايه انهم مفتكرونيش طول السنين دي، جاين دلوقتي يقولو عاوزين بنتنا 

( يمسك وجهها بين يديه بلطف ويتحدث بخفوت)

= لولو!..... طول ما انا هنا محدش هيقدر يقربلك 

_ وانا مفيش حآجه مطمنناني شويه غير وجودك،  محدش هنا متمسك بيه قدك

= كلهم بيحبوكي وانتي عارفه كده كويس.... محدش هيسيبك لا انا ولا هما، بطلي التفكير ده

_ انا سمعت تيته وهي بتقولك مش عايزة مشاكل مع اهلي واني لو روحت مش هيضوروني في حآجه

= هي متقصدش انك تمشي، وبطلي تفكير ويلا روحي هاتي الكتاب علشان نشوف المسائل المعقداكي 

_ طيب اوعدني انك مش هتسيبهم يخدوني....( تدمع عينيها) انا معرفش اهل غيركم انتو،.. حتي امي ماتت وانا مشوفتهاش

( يضع يده خلف رأسها ويضمها لصدره لتتشبث بثيابه وتبكي بدون صوت ليخرج منها شهقات تجعل قلبه يتمزق، فاهو لا يحتمل ان يراها حزينه )

= اوعدك يا لبني، واللهي ما حد هياخدك من هنا، بطلي عياط بقا، انتي عارفه اني بضايق لما اشوفك زعلانه

( تبتعد عنه وتمسح دموعها بيدها)

_ حاضر يا خالي

= برافو عليكي، ايوة كده اسمعي الكلام لا اضربك ( يداعب انفها بأصبعه لتتذمر بسبب هذه الحركه كعادتها)

_  ماشي متشكره اوي،.. عشان بقولك بتضايق من الحركه دي وبردو بتعملها

= انا بعملها عشان اضايقك اصلا

( تطوق خصره)

_  انا عارفه ومش هضايق عشان اضايقك ههههه..... ربنا يخليك ليا يا خالي 

= ويخليكي ليه حبيبتي


( فاطمه تدخل )


_ لبني 

( تبتعد عنه وتنظر لها)

= نعم يا تيته

_ روحي ذاكري وسيبيني مع سعد شويه 

= حاضر 

_ زي ما قولتلك ذاكري ومتفكريش في حآجه

= حاضر يا خالي ( ترتفع علي اصبع قدميه وتقبله قبله سريعة ثم تمشي ليبتسم بخفه وينظر إليها حتى خرجت ليقطع ابتسامته عندما يرا فاطمه تضع يد علي الاخره  وهي  تنظر له وتتنهد بعدم رضا)

= مالك يا ماما؟

_ مالي يا سعد؟..... مالي؟

= انا بسألك 

_ بزمتك يا شيخ مش عيب اللي بيحصل ده

= في ايييه؟،.... ايه اللي حصل

_ ياحبيبي مينفعش تقعدو لوحدكم في اوضة نومك،ومينفعش تحضنها ولا تبوسك كده 

( ينفس بضيق)

= ماما من فضلك متبدئيش،

_ لا هبدء يا سعد، هبدء وهتكلم لغيت ما تعقل وتعرف بتعمل ايه،... انت مش صغير لتصرفات دي

= تصرفات إيه،!؟... ماما!... لبني بنت اختي، عيب الي بتلمحي ليه ده.... عييييب 

_ بنت اختك؟!

( يتحدث بتذمر)

= اه بنت اختي، انكريها دي كمان

.. من فضلك  سيبيني عاوز اقعد لوحدي


( عُمر يدخل)


_ في  ايه مالكم 

= شوف اخوك  عشان  انا  هحط صوابعي في  الشق منه

_ في  ايه يا سعد 

= مفيش،.....  اتفضلو وسيبوني لوحدي  عندي  شغل 

_ هنسيبك،  بس والله  لو ما بطلت  تتعامل بشكل  ده مع لبني،  لا هخلي ابوك يوديها لاهلها النهارده  قبل  بكره 

= مامااا!.. والله لو لبني  مشيت بسببك انا  كمان  همشي ومش  هرجع تاني 

_ طول  بالك  ياعم،  .....  ماما  اسكوتي  انتي  كمان 

= وحياااة  ربنا  انتو الاتنين  ما هتسكوتو  غير  لما  تموتوني مشلوله،  .....  واحد  فاشل  بيجري ورا بنت صايعه،.. والدكتور  العاقل  اللي  مفروض يكن قدوه لتلمذته،  بيتصرف بمراهقه 

_  هو  انا  دايما  كده  متاخد في  الرجلين،  انا  مالي.... بدخليني في  كل مشكله  ليه 

= لا ادخلك ولا  تدخلني،....  سيبهالكم

( تذهب وهى  منفعله،  ليذهب سعد  علي  مكتبه ويجلس على  المقعد ويضع يديه  علي  وجهه  بضيق) 

_ هي شافت أيه  عشان  تضايق  كده  ....  عملت  إيه  يا خلبوص ههههه 

( يُمسك علبة المناديل  ويرميه بها بغضب، و عُمر يميل ليتفادها)  

= انت بارد يلااا.....  بزمه مش  مكسوف من نفسك  

_ وانا  اتكسف ليه، هو  انا  اللي  طول  الوقت  معاها زي خيالها

= الله  يخرب  بيووووتكم.....  يا متخلف يا غبي،  بتلمح لايه،  دي بتقولنا انا وانت يا خالي، افهمو   

_ انا  عن نفسى  مش  خالها،  شوف  انت بقا تقربلها ايه ههههه.....  يلا  باي عنود مستنياني 


***


« اليوم الثاني بداخل الجامعه»


تدخل الجامعه وتبحث بعينها على " نانسي" صديقتها واثناء انشغالها بالبحث عنها وهي غير منتبهه لطريق ارتطمت بشاب، ليقع منها دفاترها، لتنزل سريعآ كي تحملهم، وينزل هو الاخر، وترتطم رؤسهم، لتضع يدها مكان الألم وترتفع 


_ مش تفتح( قالتها وهي تغمض عينيها وينعقد حاجبيها من الألم)

= انا اللي افتح بردو

( تفتح عينيها وتنظر له بغيظ)

_ لا امي اللي تفتح، 

= اوووومي،..... انتي جايه من حاره ولا اية ههههه( يلبس نظارته بتفاخر وغرور ثم يداعب انفها بأصبعه وهو يبتسم باستفزاز ويتركها تستشيط غضبآ،.. ليرتطم ب سعد في طريقه)

= سوووري يا دكتور

_ و انت عرفت منين اني دكتور؟

= اكيد مفيش طالب هيجي ب بدله

_ صح،.... طيب نخلي بالنا واحنا بتتعامل مع زمايلنا البنات بعد كده( قالها بجديه وبنبره اقرب لتحذير)

= So  

_ يعني لو تعاديت حدودك تاني بصباعك ده هخليك تتفصل من الجامعه كلها وهقطعهولك

( ضحك بسخريه)

= ههههه اه مفهوم،.. البنت دي موزتك صح

( يصفع علي وجهه ليتلقي الصفعه بذهول ويأخذ ينظر إليه وهو يضع يده على وجهه ليردف قائل)

_ انت بتضربني 

= واقتلك لو عيدتها تاني

( لبني  تأتي وتمسك بذراعه وتشدها بعيد وهي تقول( يلا يا خالي) ليستدير الشاب وينظر اليهم وفي عينيه نظرات توعد )


_ ضربته ليه 

= لو كلمك تاني، تيجي تقوليلي 

_ هو عمل إيه علشان تضربه كده، حرام عليك يا خالي

( يرفع يده بغيظ)

= اخبطك على وشك انتي كمان،... يعني ايه عمل إيه

_ عمل إيه؟!  مانت بتعمل زيه كل شويه وانت عارف اني بضايق

=  بتقولي إيه انتي...... انا خالك، بس هو يعمل كده بتاع إيه

( تبتسم وهي تدير رأسها وتنظر إلى الشاب وتعض شفتيها)

_ الواد حلو بردو ويغتفرله ايه حآجه يا سعدوشي ( عادت بنظرها اليه لتجد ينظر لها باستنكار وهو يمد رأسه إليها ويقرب اذنه منها)

= قولتي ايه سمعيني

_ ممقولتش حآجه( قالتها بتوتر وخوف وهي تحمي وجهها بيديها خوف ان يضربها)

= امممم،..... لو دخلت قبلك المحاضرة هطردك قدام زمايلك ( يرفع اصبعه في وجهها) واللى سمعته ده، هحاسبك عليه في البيت

_ ياخالي انا بهزر والله ( يطالعها بسخط ويذهب وهي تمشي خلفه)

_ ياخالي يا حبيبي انا بهزر معاك والله

= امشى مش عاوز اسمع صوتك ولا اشوفك قدامي( قالها بغضب)

_ ونبي ونبي، والله ما هقول كده تاني

( يقف فجأه لترتطم به ثم تتراجع خطوتين للخلف)

= قولتلك امشي،.... مش عاوز اسمع كلمه تانيه 

( قال هذا وذهب لتقف وتقرقض اظافرها بضيقه ثم تسمع صوت من الخلف يحدثها)

_ هببتي ايه تانى

= انا عارفه!،.. هو اللي غريب وكل شويه يزعقلي كده( قالتها بعبس وهي تنظر إلي ذلك الشاب الذي يقف بعيدآ لتنظر نانسي الي موضع عينيها ثم تعود بنظرها إليها بتساؤل)

_ مين ده وبيبصلك ليه

= ماهو هو ده السبب 

_  عمل ايه

= خبط فيه... وهو وماشي نكشني في منخيري،.. وجه خالي ضربه بالقلم، وزعقلي عشان قولت عليه حلو ههههه، طيب بصي بذمتك مش واد موز مع انه قليل الأدب

_ والله تستاهلي، رايحه تقوليلوه حلو عادي كده انتي هبله

= بطلي توقفي معاه ضدي، انتي صحبتي انا مش هو 

_ لا معاكى ولا معاه بالاذن انا ورايا محاضره مهمه 

( تتسع عينيها بصدمه لتتركها وتذهب ركض عندما تذكرت حديث سعد عن تأخيرها)


ذهبت ركض إلى المحاضرة ودلفت إلى الداخل بدون ان تطرق الباب وركضت إلى المقاعد، جلست و وضعت دافاترها امامها ليتحدث وهو يكتب بدون النظر إليها

= اطلعي بره

( تنظر حولها وهي تشعر بالحرج)

_ انا آسفه مش هتأخر تانى يا دكتور

( استدار ونظر إليهم جميعآ بجديه)

= من النهاردة لو حد دخل بعدي بثواني مش هخليه يحضر المحاضرة..... لبني اطلعي بره 

( دمعت عينيها وهي تنظر لجميع بحرج ثم تحمل دفاترها وتوطئ رأسها وتذهب لتقف عند الباب للحظات تنظر اليه بعتب ليحد من نبرته )

= قولت برااا

(  تبعد نظرها عنه وتذهب لتجد ذلك الشاب أتي الي نفس المكان ثم تتجاهله وتمشي، و تصل إلى الكافتيريا لتجلس علي احدى الطاولات ثم تخفض رأسها بحزن وهي تسند ذراعيها علي الطاولة لتجد، ان أحد يقف امامها وعندما ترفع رأسها وتراه، يجلس دون استأذان)

_ هاي..... انا مازن وبيدلعوني بميزو، وانتي

= يا بجاحتك، وكمان جاي ورايا لغيت هنا

_ علي فكره انا زميلك في نفس الكليه ونفس القسم، وجيت هنا لما خالك طردني وراكي

= زميلي ازاي وانت شحط كده يعنى انت عشرين سنه

_ 24 بس اتاخرت شويه في دخول الكليه

= انا مشوفتكش هنا قبل كده

_ ماكنتش فاضي احضر بس ماما اصرت اني اجي عشان الامتحانات

( تقوس شفتيها باشمئزاز)

= طيب يلا وريني عرض قفاك

_ انا ممكن اقولك مقاس قفايا كام، بدل ما اقف ههههه

( رفعت شفتيها باشمئزاز لتقلد حركته)

= هاهاها، لتيف زريف.... قوم من وشي... ولا اقولك انا اللي همشي( تحمل دفاترها وتنهض)

_ هنتقابل تاني!

=حل عن دماغي انا مش نقصاك 

( تتركه وتذهب وهو يظل جالس مكانه يفكر في طريقه يتقرب منها، وبعد وقت تدلف "نانسي" الي الكافتيريا لتبحث عن "لبني" وعندما يراها ينهض سريعآ ويذهب نحوها)

_ ازيك

( تنظر له باستنكار لتنظر خلفها ثم تعود بنظرها اليه وهي تشير الي نفسها)

= ازيي انا

_ايوة انتي

= تمام....... انت اللي كنت

_ ايوة انا... بس انا معملتش حآجه هو الغلطان 

= طيب والمطلوب 

_ ولا حآجه حبيت اسلم بس

= اممم... طيب( استدارت لتمشي ليوقفها صوته)

_ استني انتي مستعجله ليه

= انت العشم واخدك قوي كده ليه، يعني ايه مستعجله ليه

_ خلاص انا اسف حبيت اكون اصدقاء بس

= لا متكونش أصدقاء معايا

_ طيب امشي مستنيه إيه

= لا بقا مش همشي امشي انت

_ لا انا قاعد شويه اتفضلي انتي

= طيب ياخويا

( ذهبت ليقف وهو يحدث نفسه ويبحث عن طريقة يجمع بها معلومات عن لبني لينتقم من سعد بها)


#عُمر 


انا الابن الصغير لبابا وماما  والمفروض اني  اكون  مدللهم، بس لأ،  انا  دايما  الفاشل  في  نظرهم،  عمرهم  ما شافوني بشكل كويس،  حتى  في  اختياري ل عنود شايفين اني  فاشل  ومش  موافقين عليها  مع اننا بنحب  بعض  من زمان  


( يقف بسيارته أمام محل لصنع الحلويات، وينزل منها ليدلف إلى الداخل ويحدث البائع)


_ لو سمحت 

= اتفضل  يافندم،  حضرتك  تؤمر بأيه 

_ عاوز تورته شكلها  حلو علشان  عيد ميلاد  خطيبتي 

= تحت  امرك،  تحب حآجه  معينه  ولا  اختارلك  انا 

_ ممكن  توريني  اختار 

= حاضر  

_ سمر هاتى الشغل اللي  عملتيه كده 

( تتحدث  من الداخل = حاضر 


( انتظر لحظات لتأتي بتورته واحده وتضعها امامه  وهي مبتسمه) 

_ اتفضل 

= اممم في  حآجه  تانيه 

_ في  كتير،  ثانيه  هجيب  تانى 

= اوك  

( ذهبت وعادت سريعآ)

_ إيه  رأيك  في  دي

= لا مش  عجباني،  عندك  حاجات  فيها  ورود  وياسلام  لو فيها  عروسه  من فوق،  فهماني 

_ فهمتك،  طيب ممكن  تتفضل  معايا  تشوف  كل  اللي  موجود  وتختار 

= اوكي  ،  


( ذهب معاها  الي  الداخل) 


_ انا  متاكده  ان الشغل  بتاعنا  هيعجبك  أوي 

= شغل جميل  فعلاً،  بس اللي  شوفتهم  مش  هينفعو 

_ طيب  ما تقولي  إيه  المناسبة  وانا  ممكن  اساعدك  تختار 

= عيد  ميلاد خطيبتي بكره 

_ واووو،  خطيبتك  برج الاسد 

= صحيح 

_ اوك دي محتاجه  تورته فخمه وفيها تفاصيل  كتير،  مش  هيمشي معاها  الورد  والعروسه وكده 

= وانتي  إيه  عرفك 

_ علشان  البرج بتاعها،  ...  هي  هتحب الورد طبعا  بس هتنبره  بالفخامه  اكتر،  وفي  الاخر  القرار قرارك 

= بتفهمي  في  الابراج  شكلك 

_ شويه مش  كتير،  بس بفهم  في  تحليل  الشخصيه  ولغة  الجسد 

_ ههههه اها،  حلو  أوي،....  فين الشغل  بقا 

= حاضر  اهو  اتفضل ( تفتح  الثلاجة) 

_ امممم كلهم  حلوين  بس انا  محتار اخد ايه،  ...  انتي  رأيك  إيه 

= لو هنختار حسب الشخصية  ف هي دي،  صدقني  هتنبهر بيها 

_ ولو منبهرتش اعمل  ايه 

= تيجي  تاخد  فلوسك  

_ شكلي  هاجي  تاني  فعلاً 

= تنور يافندم 

_ اوكي  يااا...  سمر صح  

= ايوه  يافندم ( قالتها  بإبتسامه  مبهجه) 

_ اوكي يا سمر،  انا  عاوز حد  يجبهالي بكره  علي  العنوان  ده ( يعطيها  ورقه لتأخذها منه  وتتطلع  بها) 

= تمااام يافندم،  بكره  هتكون عند  حضرتك 

_ ماشي،  متشكر.... عن اذنك 

= مع السلامه 


#سمر 


من خلال  خبرتي في  تحليل  الشخصيات  وعلم النفس  فهمت  انه مهزوز ومش  عارف  هو  عاوز إيه،  وفي  الغالب  خطيبته  من النوع  الصعب  ارضائه،  ودي توقعتها  من حرصه  انه يلاقي حآجه  تعجبها،  وزاد تأكيدي لما  سابني انا  اختارله  لما  عرف  اني  بفهم  في  الابراج  .....  انا  مكاني  في  علم الفلك والله  معرفش  ايه شغلني في  محل  حلويات  .....  اعرفكم  علي  نفسي،  انا  سمر عبدالوهاب  المنفلوطي،  ايوة  بظبط المنفلوطي،  الي  انا  مش  فاهمه  لغيت  دلوقتي  معناه إيه  ....  وبابا توفا من خمس سنين،  وسابني انا  وماما  مريضة  السكر  واخويا  ياسين  عشر سنين مريض سكر  بردو،  وراثه من ماما،  واختي  شهد  15 سنه ودي فيلسوفه وبتتفلسف علينا عمال على بطال، اصلها  غاويه قرايه  ،  وانا  سني 26 سنه،  وفي    اخويا أصغر مني، ودا الله  يرحمه  توفا من زمان،  وسابوني  انا   اشيل  مسؤولية  اسره  كاملة  لوحدي،  ....  بس ربنا  لاهمني الصبر  والقوه  والرضا،  عمري  ما حسيت  اني  مش  قدها 


( داخل  منزل سمر) 


تفتح  الباب وتدلف الى  الداخل  وهي  تحمل اكياس بها  خضروات وكيس صغير  به دواء،  لتترك الخضروات على الطاولة، وتذهب إلى  غرفة  أمها  لتجدها تسلم من الصلاة،  ثم تجلس جانبها وتقبل يدها 


_ حرمآ ياغاليه 

= جمعآ ان شاءلله....  اتأخرتي ليه

_ عديت على  الصيدلية وعلى  السوبر ماركت  جبت شوية حاجات  وانا  جاية،...  اتفضلي،  انا اسفه  اني اتاخرت في  جيب الدوا 

= ياحبيبتي  والله  ما عارفه  انتي  تاعبه نفسك  ليه....  ليه جبتيه 

_ يعني  ايه ليه جيبته،  ده سكر يا ماما  مش  صداع 

= هيحصل  ايه يعنى  لما ماخدهوش.....  هموت؟  ...  عادي  يابنتي  الاعمار  بيد الله 

_ بعد  الشر  عليكي متقوليش  كده  عشان  خاطري  انتي  عارفه  اني بستقوا بيكي 

= والله  ما انا  عارفه  مين  بيستقوا  بمين، دا انتي راجل  البيت  بعد  ابوكي،  حتي  ناسيه نفسك عشانا 

_ ومين قالك  اني  زعلانه  بالعكس  انا  مبسوطه  باللي بعمله،.....  بس لو السكان الباردين يحسو شويه،  معقول عشر شقق منحصلش منهم خمسين جنيه  في  الشهر  علشان  الاجار الزفت القديم 

= مفيش  ضمير، بس اهم قربو يخفو واحد  يمكن  يجي بداله واحد  عنده دم 

_ يخفو ازاي،  هيروحو فين  يعني 

= الراجل  الخمورجي اللي  شابهنا في  العماره  شكله  بيموت بقاله يومين  مش  بيقدر يتحرك من مكانه  وبيشربوه الميه بالحقنه 

_ يا ساتر يارب،  ليه  كده  بس،.. ربنا  يحسن خاتمتنا يارب....  زعلتيني بجد،  انا  هطلع اشوفه 

= تطلعي  فين،  هتعمليلوه ايه،  ما يموت،  اهو العماره  تنضف منه 

_ حرام  عليكي يا ماما، دا بيموت،  حتي  في  الموت الناس تزعل  من بعضها...  انا  طالعه  اشوفه،  يمكن  ربنا  يوقفلنا اللي  يشوفنا لما  نتعب

= اقولك  ايه!؟...  روحي وربنا  يرحمنا جميعآ 

( تقبل رأسها)_ تسلمي  ياست الكل،...  خمسه وجايه مش هتأخر 

= روحي  ربنا  يكرمك يابنت قلبي ويفرحني بيكي  قريب،  قادر  يا كريم 

_ ههههه  حبيبتي  مش  هنولهالك،  قاعده  على  قلبك ومربعه...  يلا بقا  خليني  الحق الراجل 


( تخرج  من الغرفه  لتجد شهد تفتش في  الاكياس  وتأكول التفاح) 

_ خلي لغيرك 

= انتي فكراني باكول التفاح فجع مني 

_ ياسلااام... امال إيه بقا

انا  باكول التفاحة  عشان  اثبت لينيوتن الزفت ان التفاح بيتاكل مش  بيثبتو بيه قانون  الجاذبيه،  ....  ماهو  لو كان  الله  يجحمه، كالها كان  ريحنا من المواد المعقده اللي  بناخدها 

_ لااا ياشيخه، طيب  وبنسبه للموزه اللي  في  ايدك  التانيه  هتعملي  بيها  ايه

= هاكولها عشان  احلي،  انتي  عارفه  التفاح لا يستهويني ولا استهويه بالمرة،  ولكني أمشى خلف مقولت، تفاحه كل يوم  تبعدك عن  الطبيب،...  علي  أساس  كل  اللي  مرمين في  المستشفيات ماكنوش ياكلو تفاح،  انا  مش  عارفه الناس دي بتفتي في  ايه،...  طيب  انتي  عارفه  ان عباس العقاد لما  كان 

_ بااااس،  اسكوتي،  الراجل  هيموت  وانتي  بترغي 

= شكلك  مسمعتيش عن المقوله  اللي  بتقول،  ان الصوت  العالي  هو.... 

_ اخررررسي،  اخرسي،....  يااااامه يا دماغي،  ادخلي صحي ياسين  عشان  نتعشا مع  بعض 

= وانا  مالي،  ماعنه ما صحي ده حتى قال الاستاذ  الكبير  مصطفى  محمود  عن النوم بدون عشاء انه مفيد ويعمل علي تنظيف  ال......( تركض وتتركها لانها تعلم ان لا شئ  يُسكتها اذا بدأت،.. وهي تنطر لها وهي تركض لتقضم التفاح بشراهه) 

_ بنتعامل مع ناس جهله،  منك لله  يا قاسم  امين عشان ناديت بتعليم المرأه ونسيت تنادي باعدام المرأة  الجاهله اللى  زي سمر اختي.. اللي  مبطقش اني  اكلمها بالعلم والمعرفه،  ( تعدل نظرتها باصبعها ثم تمسك الموزه وتقشرها وتبدء بأكلها ثم تمسك كتاب وتقراء به) 


( منزل توفيق النجار)


تفتح باب غرفته ببطئ لتجده يجلس على مكتبه ويدون بعض الأشياء وعندما يراها يغلق الدفتر  


_ اطلعي واقفلي الباب وراكي 

( تدلف لداخل ولا تلقي اعتبار لما قاله!)

= انا اسفه 

_ قولت اطلعي 

( تدمع عينيها)

= انا اسفه

_ مش هتكلم تاني( قالها بحزم وصرامه 

( تقترب منه وتجسي على ركبتيها بجانبه وتزداد دموعها)

= اسفه 

( لم يستطيع ان يقسو عليها أكثر من ذلك، ليُمسك بها ويرفعها لتجلس امامهم على المكتب،وهو يمد يده بلطف ويمسح دموعها)

_ خلاص مش زعلان، بس اوعديني متتكررش

= حاضر،والله مش هتتكرر 

_ طيب بطلي عياط 

= حاضر

_ كلمك الواد ده تاني؟!

=اه بس انا مشيت وسيبته

=  طيب لو حاول يكلمك تاني تيجي تبلغيني في الكليه

_ ليه يا خالي

= هنشوفله حل ولا انتي عاجبك كلامه معاكي

_ هو قال اية يعنى ده حتى لطيف مش بيغلس ولا حآجه

= لطيف؟!

_ قصدي يعني انه مغلطش 

= اممم،...... طيب ارجعي اوضتك 

_ في ايه يا خالي انت زعلت تاني ليه

= ارجعي اوضتك بقولك

(تجلس على قدمه ليدير وجهه بعيد عنها، ثم تمسك وجهه وتديره لها لينظر لها بصمت)

_ مش هتكلم تاني

= طيب..... اا..... يلا سيبيني ورايا حاجات لازم اخلصها 

_ يعني مش زعلان

= لأ 

_ ههههه انا كنت متاكده انك مش هتزعل منى كتير

= بس متتعوديش علي كده، لو اتكررت، مش هكلمك تاني طول عمري

_ حاضر والله مش هقول ايه حآجه تضايقك 

= هنشوف 

( تنظر له بإبتسامة ثم تقبله على خده ليشعر بتوتر و ويرفعها عنه)

= يلا امشي خليني اخلص اللي بعمله

_ حاااضر.... تصبح على خير 

= وانتي من اهله ( قالها وهو ينظر لعمله وعندما تتقدم للباب ينظر لها، ليخفض جفنيه سريعآ عندما تعود لنظر إليه وهي ترجع مره اخره)

_ علي فكرررره، طردك ليه قدام زمايلي واحراجك ليه مش هعدهولك،..... انا تكسفني قدامهم كده

= ولو كررتي غلطك هطردك تانى

_ ماااشي يا خالي..... طيب ايه رايك بقا ان سعد سعد يسقط سعد ويسقط يسقط حكم الدكتور..... ياشيخ ربنا يوريني فيك يوم،.... انت مبتتجوزش ليه ها، مش تجوز وتجيب واحده تقرفك في عيشتك 

= ما انا مش عاوز اجيب واحده عشان عارفك هطلعي عليها جنانك بسبب غيرتك 

_ ههههه عندك حق، انا فعلا مش هستحمل واحده تجوزك،... دا انا بكره البت روان علشان عينيها منك... اقولها ياهبله ده كبير عنك وفي مقام ابوكي تقولي بردو هتجوزو....... صحيح يا خالي انت ممكن تجوزها

= مش روان دي زميلتك اللي بتقعدى جمبها ترغو في المحاضره

_ اه هي

= وانتي زعلانه منها علشان هتاخدني ولا لأني كبير عليها

_ لا انا بقولها كبير عشان تغير رأيها،

= يعني انتي رايك اني كبير ولا لأ

_ كبير ايه،.. عيني باردة عليك، والله لو ماكنت محرم عليه ماكنت سيبتك من أيدي، 

= ههههه...... طيب امشي خليني اخلص اللي ورايا

_ طيب قولي الاول، انت ممكن تجوزها بجد

= هخليكي انتي تخطبيلي 

_ لا متخطبش ولا تجوز، انت لو اتجوزت.. مراتك هتاخدك مننا وتبعدك عني

= وايه يعنى مش مراتى ومن حقها 

( تعبس ملامحها)

_ انت بتتكلم جد

= ههههه لا بهزر،... مش هتجوز غير لما اجوزك 

_ اذا كان كده ماشي، بس بردو هتجيني كل يوم تزورني

= طبعا، بس لو في حآجه كده ولا كده تيجي تقولهالي

_ حآجه زي ايه

= لو في حب او اعجاب بحد

_ ههههه حب ،.... تصدق معرفش يعنى إيه حب...... يعنى ايه حب صحيح يا خالي

= وانا زيك مجربتش قبل كده

_ ليه محبتش صحيح،... معقول مصادفتش واحده تحبها 

= لأ خالص،.... بس يمكن لما اجوزك وارتاح من همك،اركز مع البنات، واحب

_ ماشي، بس انت كمان لو حسيت بمشاعر تجاه حد تيجي تقولي

=  اكيد ما احنا صحاب

_ صح...... يلا، انا رايحه انام... تصبح على خير

= وانتي من اهل الجنة يا زهرتي

_ ههههه وحشني الاسم ده

= طول مانتي بتسمعي الكلام هناديكي بيه 

_ ههههه ماشي 


( ذهبت وهو ينظر إليها بإبتسامه خفيفه حتي اغلقت الباب لتبهت ملامحه ويشرد ثم ينفس هوائه، ويعود لعمله)

                     الفصل الثاني من هنا 

لقراة باقي الفصول من هنا



تعليقات



حجم الخط
+
16
-
تباعد السطور
+
2
-