رواية مع وقف التنفيذ
الجزء الثاني2 الفصل السابع7
بقلم نجمة براقة
«في شقة ضياء»
مازن = من الصبح تعاله تعاله،.. ايه ولعت؟!
ضياء = خد نفس
مازن = ضياء انا وصاله معايا لهنا ( يشير الى عنقه) ارغي
ضياء = طيب متتصدمش
مازن = ياعم اخلص ياعم
ضياء = اترجاني شويه
مازن = هتف عليك اقسم بالله
ضياء = اعتذر واركع علشان اغفرلك يا و*سخ
مازن يركله بقدمه= ما تخلص نشفت دمي
ضياء = خلاص ياعممي اهدا انت هترفص( يتابع) موزتك لسه عايشه
مازن = إيه؟!
ضياء = زي ما سمعت
مازن بتركيز = وانت عرفت منين؟!
ضياء = ام اربعه وأربعين شافت الرساله بدال جوزها، وكلمتني، والكلام جاب بعضه لغيت ماقالتلي، ان نانسى هربت منه لما كان عاوز يقتلها
مازن= وانت صدقتها؟!
ضياء = ايوه
مازن = ليه بقا؟!
ضياء = فكرت مع نفسي ولقيت انها هي هتستفاد لو جوزها قتلها علشان تخلص منه
مازن = يعني ايه
ضياء = يعني حبسه علشان قتل اخته هيبعده عنها، وتورث كمان
مازن= يعني نانسي عايشه
ضياء = المفروض
مازن = عايشه ومسألتش عليه.. ولا قالت اطمن الكلب اللي قلقته عليه
ضياء = محدش يعرف ظروفها، متلومش عليها.. اذا كان ابوها ميعرفش طريقها
مازن = متحاولش تقنعني انها مجبوره متسالش،... ( يتابع بتذمر) هي راحت للواد التاني، وباعت ابوها وباعتني انا كمان
ضياء = طول بالك، احنا منعرفش ظروفها
مازن = انت بتدافع عنها ليه؟!
ضياء = انا عليك انت.. معصب نفسك وانت مش فاهم السبب اللي مانعها.... وقولتلك قبل كده لو مكنش ليها عذر ومسألتش تبقا انت الكسبان
مازن بتذمر = خلاص انا مش عاوز اسمع عنها حآجه.. انا أصلا غلطان اللي جريت وراها بعد ما رفضتني اكتر من مره
ضياء= جربت تشوف صحبتها وتسألها
مازن = لأ
ضياء = حاول مره اخيره وبعد كده سيبك منها
مازن = مش عاوز اعرف عنها حآجه
ضياء= اللي تشوفه
يجلس على الكنبة ويشرد لينعقد حاجبيه ويتنهد بضيقه ليجلس جانبه ضياء
ضياء = روق دمك..و قوم نخرج
مازن بضيقه= يلا
ضياء = عاااش يا بطل.. بلا بنات بلا قرف خليك باارد وابعد عن الحكاوي دي
مازن بضيقه = مش هتحس بيه غير لما تجرب الرفض من اكتر واحده اتمنيتها
ضياء = ههههه انا يحصلي كده.... انا ضياااء يلااا في ايه
مازن = تصدق بحسدك علي تفكيرك وجمدانك...... انسان فاضي مفيش دم
ضياء = اتبرعت بيه وانا صغير... يكفينا شر الدم اللي يزلنا للبنات ( يتابع) أنت المفروض تكون عارف ان الحب والجو ده كلام افلام.. انما الواقع غير كده..... الواقع لصحُبيه ولحظه عابرة مه موزه حلوه وكل واحد يروح لحاله.. مش تقولي حب
مازن = بارد اقولك ايه
ضياء = ههههه عارف
#ضياء
اكتر حآجه بتضايقني لما اشوف واحد زي مازن او غيره، متأثر كده بواحده.. واقعد افكر،.. إيه المميز والعجيب اللى فى البنت دي ولا غيرها، يخليه مزعل نفسه وبيتعذب علشانها بشكل ده... انا طول عمري عارف ايه بيجذبني للبنات، وبحاول اوصله مع اي واحده تعجبني، لو وصلتله كان بها.. ولو موصلتش بنفض، ولا بزعل نفسي ولا بصيح زيهم.. ورغم كل البنات اللي عرفتهم، بس لسه مش عارف النقطة اللي بتخلي مازن واللى زيه ينشغلو بيهم ويتعذبو كده.. وده ليه احتمالين اتنين.. الاحتمال الاول انهم خيخه وبيضحكو علي نفسهم او انا اللي معنديش دم.. وانا عن نفسي شايف ان هما اللي خيخه.. واني عمررري ما هكون زيهم
« امام شركة يونس»
روحت هناك علشان افتح سكه معاه، واقدر بعد كده اشوفها.. ومكنتش اعرف انها شغاله هناك ولا جه علي بالي
دخل مكتب السكرتيرة لينظر إليها ويجدها تجلس على المكتب وبيدها هاتف محمول تنظر له وتزفر بضيق.. وعندما تراه تنهض بغيظ
نانسي= إيه جابك هنا
ضياء يعقد حاجبيه= انتي هنا؟! ايه الصدف دي؟!
نانسى = صدف زفت على دماغك.. انت بتمشي ورايا؟!
ضياء = مين دي اللي امشي وراها،.... انا ضياااء يابت في ااايه
تمط شفتيها= مين يعني ضياء ده؟!.. واحد صايع
ضياء يتقدم نحو مكتبها= صايع بس عسل وكل البنات بتترما لما ابصلهم بصه بعيوني( قالها وهو يرقص حاجبيه)
نانسى باشمئزاز = عيونك بالواحده يعني.. قول اعوذ برب الفلق
ضياء = هههههه يخربيتك.. دمك عسل ( يتابع) بس ميجوش حآجه جمب عيونك
نانسى = انت بتعاكس؟!
ضياء = انا قصدي انك حسوده وحقوده وسوده
نانسى = بقولك ايه يا جدع انت.. اتفضل قول جاي ليه وفي معاد ولا لأ
ضياء = لأ مفيش معاد.. و انا جاي اقابل مديرك يا سكرتيره
نانسى: مديري في اجتماع مهم، واتفضل غور من هنا
ضياء= اسمها اتفضل، احترميني ها
نانسى باشمئزاز= اتفضل
ضياء= بصراحه يا!.. اسمك ايه؟!
نانسى تزفر بزهق= يا أستاذ خلصني عيب كده
ضياء= يابنتي قولي اسمك علشان اعرف اتكلم، الله في ايه
نانسى بزهق= ملاذ.... اسمي ملاذ
ضياء بإبتسامة= ملاذ؟!..... اقولك حآجه ومتفكرنيش بعاكس؟!
نانسي= اممممم ها
ضياء= اسمك حلوو اوي
نانسى= اووف ايه الرزاله دي ياعم ما تغور
ضياء= ياستي اناهستنا استاذك.. مالك في إيه
نانسى= طيب اترزع ومتتكلمش يكون خلص
ضياء= حاضر ربنا يسامحك
(تجلس لترفع جفنها وتتطلع اليه في صمت وهي تحدث نفسها بأن تضربه ليبادلها النظرات وهو يرفع حاجب ويخفض الاخر، حتي اخفضت جفنها، وامسكت الهاتف الذي احضره لها يونس.. وعادت تتصل برقم لبني وتجده مغلق.... ثم تشرد وتحاول تذكر رقم مازن ولا تستطيع ثم تتصل ب رقم والدها وقبل ان تصل الرنه تغلق الخط ثم تغلق الهاتف وتشرد،. وهو يظل يراقب انفعالاتها بإبتسامة خفيفه)
ضياء = لو مش عاوزة رقمك يظهّر انا ممكن اساعدك
نانسى باستنكار= افندم
ضياء = شايفك بتتصلي وتهربي قولت اساعد
نانسي = اممم، قولي الطريقه طيب
ضياء = هاتي
نانسى = لا قول، انا هعمل
ضياء = ياستي مش عاوزك تعرفي الطريقه عاجبك ولا بلاش
نانسي باشمئزاز = خد بس متفتش
ضياء = حاضر ياست المهمه
( يأخذه منها ويجد انها تتصل بوالدها لينظر لها باستنكار)
ضياء = ابوكي مش عاوزة رقمك يظهّر عنده ليه؟
نانسى = انت هتعمل ولا تديني التليفون
ضياء = ماشي ياستي اهو( يفعل الخاصية ويعطيه لها) خدي يارب يتمر بس
نانسي = يعني لو رنيت مش هيظهر رقمي عنده
ضياء = لأ، هيقوله رقم خاص
نانسى = طيب
(اعادة الإتصال به و وضعت الهاتف على اذنها لتغمض عينيها بتوتر، حتى رد اباها.. لتفتح عينيها لاخرهم وهي تسمع صوته ثم تنهض وتذهب عند النافذه وضياء يتطلع إليها ويلاحظ رجفة يدها وعبس وجهها، ودمعتها التي سقطت من عينيها.. لتغلق الخط بدون حديث ثم تلملم نفسها وتعود مره أخرى وتجلس على مقعدها)
ضياء = نفعت
نانسى تأوم ايجابآ= شكلها كده
ضياء = اي خدمه
نانسى = شكراً
ضياء = العفو
نانسى = قولي بقا.... جاي هنا ليه، ... وحركة الموتسيكل حقيقي ولا مقصوده..... ومتكدبش انا بحس باللي بيكدب
ضياء بإبتسامه = وانا هرمي نفسي تحت الموتسيكل بالكدب ليه؟!
نانسى = اسأل نفسك؟!
ضياء = اقولك الحقيقة؟!
نانسي = قول
ضياء = انا بدور على شغل ف رميت نفسي كده علشان اتعرف على مديرك يمكن يلاقيلي شغل عنده
نانسى = يعنى انت محتاج شغل
ضياء = جداً لازم اشتغل واجيب فلوس
نانسى بعبس= طيب ومقولتش ليه بدل ما تعمل كده.. ده استاذ يونس طيب وممكن يساعدك
ضياء = ما انا معرفهوش وفكرت ان دي طريقه كويسه
نانسى = اها..... طيب استنا يخلص وشوفه
ضياء = ادعيلي الاقي بس
نانسى = ان شاءلله هتلاقي
ضياء = يارب.. أصل أنا كنت بوصل طلبات بالمكنه بس للأسف اتسرقت لما سبتها
نانسى = ما انت غلطان بردو مكنش ينفع تسيبها عشان تعمل حركه زي دي
ضياء = الحوجه يا انسه ملاذ اعمل ايه.. امي بقالها اسبوع من غير دوا.. واختي لازم اكملها جهازها
نانسى بعبس= إيه ده.. دا انت طلعت غلبان قوي
ضياء بحزن مصتنع= الحمدلله نصيب،.. بس بيوجعني اني اشوف امي بتتوجع قدامي وانا عاجز اني اجبلها العلاج
نانسى تتذكر موت امها لتشرد بحزن ثم تنتبه له = طيب انا ممكن اساعدك في علاج مامتك يكون اشتغلت
ضياء = لا مش ممكن اقبل
تخرج مائة جنيه= خد ولما تشتغل رجعهالي.. معلش مش معايا غيرها كنت ادتلك اكتر
ينظر إليها ليشعر بالخزي = لأ مش لدرجة دي
نانسى = خد بس.... واعتبرها بدال الخدمة اللي قدمتهالي دلوقتي
ضياء = مش هينفع ( يتنهد ويتابع) انا هتصرف
نانسى = خد بس ولما تتصرف رجعهالي.... بلاش تسيب امك من غير علاج
ضياء يمد يده ويأخذها= متشكر...... هرجعهالك قريب
نانسى بإبتسامه = براحتك
( قالتها لتعود لهاتفها وتحاول تذكر رقم مازن وتعصر مخها ولا تستطيع وهو ينظر لها بإبتسامه لتتطلع اليه)
نانسى = عندك طريقه اوصل لرقم حد مش فكراه
ضياء بإبتسامه = لا الحقيقه، بس انتي ممكن تسالي صاحب الرقم
نانسي = ما انا مش عارفه اوصله
ضياء = مش فاهم؟!
نانسي = ولا حآجه خلاص
ضياء = انا ممكن اساعدك لو فهمت شويه
نانسى = دي،.. زميله ليه في الجامعة رقمها ضاع ومش لاقياه
ضياء = روحيلها البيت
نانسى بعبس= مش عارفه عنوانها
ضياء = اسألي حد من صحابكم
نانسى = معرفش ارقام... كله ضاع في التليفون القديم
ضياء = ابحثي عنها علي الفيسبوك
نانسى = معرفش غير اسمها بس
ضياء باستغراب = واحده متعرفيش عنها حآجه كده بتدوري علي رقمها ليه
نانسى بعبس= اصل( تتطلع اليه وتتابع) وانت مالك؟! بتدخل ليه؟!
ضياء = انتي عندك انفصام؟
نانسى = تعرف تسكوت انا صدعت بسببك
ضياء = حاااضر سكت،.. انا قولت اخدم بس
نانسي بزهق= افصل انا تعبتلك
(يعقد حاجبيه ويبتسم ويظل يراقبها بصمت وهي تنظر لهاتفها، وتعقد حاجبيها مره وتمط شفتيها مره اخرى وتغمض عينيها مره وتفتحها مره واحيانا تضرب رأسها من الخلف وهو يحاول إخفاء ضحكته حتى خرج الموظفين من الداخل وبعد وقت يطلبها يونس لتدخل عنده وضياء يتتابعها بعينيه حتى دخلت)
دخلت لتجده يجلس علي كرسيه ويمسك قلمه بين يديه وهو يضم فمه بتذمر
نانسى = افندم
يونس = قاعد معاكي بقاله ساعه بتاع إيه
نانسى = مين يافندم
يونس = الولد اللي في مكتبك
نانسى = مستني حضرتك
يونس ينهض = يعني ايه مستنيني، فرن بلدي هنا
نانسى بعبس= مش حضرتك قولت ادخلك العملاء
يونس يزفر بضيقه ثم يجلس= في حاجه اسمها ياخد معاد الاول مش يجي كده بالبركة.... ودي مش مشكلتي دلوقتي... انتي ازاي تقعدي وتحكي معاه وتديلوه فلوس... تعرفيه منين علشان تتصرفي معاه بالسذاجه دي
نانسى = انا ادتلو عشان مامته تعبانه وهو محتاج يجبلها دوا( تدمع لتتابع) وانا اسفة، لسة مش فاهمه الشغل كويس
يونس = خلاص محصلش حآجه بس خلي بالك الموضوع ده ميتكررش
نانسى بدموع= انا اسفه
يونس= خلاص..( يعطيها منديل) امسحي دموعك
تأخذ منه المنديل= متشكره
يونس= انا بقولك كده علشان انتى لازم تحرصي
نانسى= ده جاي يدور علي شغل.. و هو ميعرفنيش علشان كده مقلقتش منه
يونس بحده= تقلقي من اي حد،.. اللي ازاكي اخوكي ما بالك بالاغراب،.. بطلي سذاجه
نانسى بحزن= حاضر
يونس= طيب اظبطي وشك وخليه يدخل
نانسى= حاضر
" تذهب لينظر للكاميرات ويراها تحدث ضياء وبعدها يتجه نحو مكتبه.. ليضم قبضته ويرخيها حتى طرق الباب"
يونس= ادخل
ضياء يفتح الباب ويدخل= السلام عليكم
( يأشر له علي المقعد ليجلس)
يونس= اهلا وسهلا
ضياء= اهلا بيك
يونس= اقدر اساعدك ازاي
ضياء= كنت جاي اشكرك على اللى عملته معايا
يونس= وتشتغل؟!
ضياء بربكه= يعنى لو فيه شغل
يونس: اها،.. طيب انت خريج ايه
ضياء= نظم ومعلومات اداريه
يونس= اشتغلت فين قبل كده؟!
ضياء= مشتغلتش
يونس= والدك عايش؟!
ضياء= اه
يونس= شغال ايه؟!
ضياء= عنده شركة البان
يونس= امممم سوري في السؤال،.. ابوك منفصل عن مامتك؟!
ضياء= لأ
يونس= طيب ومعقول هو مش قادر يجيب العلاج لست والدتك؟!
ضياء= مش فاهم
يونس= ولا حآجه هات ال Cv بتاعك وتعاله
ضياء= اوي اوي
يونس يتطلع به ببرود= هو فاروق عامل إيه؟!
ضياء باستنكار= فاروق مين؟!
يونس= اها... ولا حآجه، يلا اتفضل
ضياء ينهض= ماشي
يونس=مع السلامه
ذهب من عنده وخرج عند نانسى ليجدها جالسه تفكر وعندما تراه تعتدل
ضياء= متشكر
نانسى=العفو
ضياء=مع السلامه
نانسى= مع السلامه
ذهب من المكتب وهو ممسك بالمائة جنيه ومبتسم،.. وعند نانسى يناديها يونس مره أخرى لتذهب إليه
نانسى=افندم
يونس بتنهيده= متزعليش لو كان اتنرفزت عليكي
نانسى= مش زعلانه
يونس يأوم ايجابآ= الواد ده هيشتغل معانا،.. ياريت تاخدى بالك من تعاملك معاه،.. انا مش مرتاحلو
نانسى= انا كنت زيك بس طلع غلبان وبيدور على شغل،.. وكمان شاطر في التليفونات
يونس = اممم. وانتي لحقتي تعرفي عنه ده كلو في شويه دول
نانسى= هو قالي
يونس= وانا لو قولتلك دلوقتى ان الشمس طلعت من مغربها هتصدقيني
نانسى= هو في إيه؟! احنا كنا بنتكلم والكلام جاب بعضه
يونس بجديه= مش عاوز الموضوع ده يتكرر،.. مينفعش تقعدي تحكي مع اي عميل او موظف في اي حآجه كده،.. انتي في شركة مش عند كوافير
نانسى توطئ رأسها= مفهوم بس انا مقصدش حآجه... لكن نبرتك بتقول انك مضايق مني ومش حابب وجودي هنا،.. وانا ممكن امشي ( قالتها ونظرت إليه ليتطلع إليها في صمت ثم يجيب)
يونس= ملاذ!..... انا لما مضايق من وجودك همشيكي، مش هتلككلك،.. انتي مش جبراني علي شغلك معايا،... بس انا بكلمك علي مصلحتك وبفهمك انك في خطر ومينفعش تتكلمي مع اي حد معدى
نانسى= صحيح يا فندم
يونس= وحاجه كمان
نانسى= إيه
يونس= انتى دلوقتى بقيتي هدف لناس عاوزين يعرفو كل حآجه بتحصل هنا.. دا اختبار ليكي ياريت متخلنيش اندم اني ساعدتك
نانسى= اخونك يعني؟!....... انت قلقان مني؟!
يونس= لأ بس انا بفهمك اللي بيحصل ولازم تكوني عارفه ان في اغراءت هتتقدملك
نانسى بتذمر= تبقا قلقان ومش مطمنلي.... وشايف اني سهل اغدر بيك..... لكن يا أستاذ يونس مش كل الناس زي بعض،.... انا بكره الخيانه والمفروض تكون فاهم كده من الكلام اللي قولتهولك عني
(يتطلع بها بصمت وهي تتابع)
نانسى بدموع= انت مخوني ولسه مشوفتش منى حآجه..... لا يا أستاذ انا لا يمكن اقبل بكده.. انا همشي( قالتها واتجهت للباب)
يونس= وقفي عندك
( لا تُجيب، وتذهب الي مكتبها وهو يذهب خلفها سريعآ ويشد يدها لترتطم به.. ثم ترفع وجهها وتتطلع إليه لتلتقي عينيهم للحظات ثم تبتعد عنه وتخفض جفنيها بربكه)
يونس = انا مش بكلمك؟!
نانسى=انا مش ممكن أقعد في مكان اكون فيه مصدر شك
يونس= مش بشك فيكي،.. افهمي الخوف عليكي ازاى.. والشك ازاي
نانسى = يعني إيه؟!
يونس = يعني انا مش شاكك فيكى
نانسى = ايوة طيب
يونس = يعني اقتنعتي
نانسى = شويه
يونس = لا اقتنعي كتير انا مش شاكك فيكى أبداً
نانسى = طيب
يونس = كده مش زعلانه مني؟!
نانسى بإبتسامه = لا خلاص
يونس يضع يديه بجيبه= مخصوملك تلات أيام
نانسي بعبس= ليه تلات ايام انا عملت إيه
يونس = اولآ اتكلمتي مع واحد غريب.. ثانيآ سيبتيني اتكلم مع نفسي ومشيتي ودي فيها تحويل لتحقيق
نانسى = انا اسفه مش همشي واسيبك تتكلم مع نفسك تاني
يونس = وهتتكلمي مع حد غريب؟!
نانسى = انت كل اللي ليك مطلعش اسرار وبس
يونس = مخصوملك خمس أيام
نانسى = يا أستاذ
يونس = ست أيام
نانسى= يافندم ليه كده؟! انا غلطت في ايه؟!
يونس بحده= سبع ايام وكلمه تانيه هخصملك عشرين
( قالها وذهب لتمط شفتيها بحيره)
نانسى = مالو ده؟!
ـــــــــــــــــــــــــــــــــــــــــــــــــــ
خرجت من المنزل بحذر.. و كانت ذاهبه لوالدها في المقابر.. ولكن شعرت إن أحد يمشي خلفها لتقف للحظات.. وتخرج المرأه من حقيبتها وتنظر لوجهها لتراه خلفها يختبئ وراء سور أشجار،.. ثم تضع المرأه في الحقيبة وتمشي حتى وصلت عماره ودخلت بها،.. واختبئت خلف البوابة.. وهو يذهب خلفها ويصعد السلم للأعلي لتخرج هي من خلف الباب.. وتخرج بسرعه من العمارة وتوقف تاكسي في منتصف الطريق وتذهب وهي تضحك حتى وصلت لسوبر ماركت اشترت منه بعض الأشياء ثم ذهبت فوراً لوالدها
لبني = صباح الخير
مصطفى بإبتسامة = صباح النور... ايه ده؟!
لبني= شوية اكل
مصطفى= جيباهم ليه
لبني= عشان نتغدا سوا والباقي تخليه عندك.... يلا انا جعانه
وضعت الطعام امامهم وبدؤ بتناوله
مصطفى= عملتي ايه؟!
لبني= في ايه؟!
مصطفى= مع سعد
لبني= ولا حآجه، لسه زي ما احنا
مصطفى= هو موضحلكش حآجه
لبني= لا، دا قالهالي بلسانه انه راحلها بمزاجه
مصطفى= وانتي لسه مفهمتهوش انك بتكدبي عليه؟!
لبني= لا
مصطفى= ولأمتي هتفضلي تشككيه فيكى كده
لبني بتنهيده= لغيت ما اكرهو
مصطفى= انتي كده بتشوهي سمعتك وشكلك،.. دا مش انتقام ليه، انتى بتأذي نفسك
لبني= انا بأذيه هو... وبجرحه في رجولته،.. هو اللي بدء.. يستحمل بقا
مصطفى= هتندمي قوي وهترجعي تقولي ياريت
لبني تترك الطعام= انا ندمت مره ومستحيل اندم وازعل علشان خسرت واحد خاين زيه،
مصطفى= اقول ايه؟! ربنا يهديكم
لبني= يارب.... انا ماشية محتاج حآجه؟!
مصطفى= خليكي شويه
لبني= مش عايزة اتاخر اكتر من كده
مصطفى= طيب متتاخريش عليه، ابقى كلميني
لبني= حاضر
مصطفى= وابوس ايدك اعقلي..... فكرى كويس قبل ما يفوت الاوان
لبني= حاضر؛ بس نعذبه شويه وبعدين اقولك تكلمه وتقوله اللي حصل
مصطفى= امتي؟!
لبني= لما يتعذب
مصطفى= ياخوفي محدش يتعذب غيرك علشان تخليه يصدق انك مخونتهوش
لبني= لو مصدقش براحته، واحده بواحده
مصطفى= انتي بتلعبي بنار ومش فاهمه اخر اللي بتعملية ده
لبني= بابا سيبك منه، وخلي بالك من نفسك
مصطفى يبتسم= بقيتي تقولي بابا عادي شكلك سامحتيني
لبني= سامحتك.. بس بردو مش قادره انسا ان حد رباني وابويا لسه عايش( تبتسم) بس الوقت اللي قعدته معاك كان كافي بنسبالي، ولسه هنكمل
مصطفى بإبتسامة= فرحتيني بكلامك ده
لبني بإبتسامة= ربنا يخليك ليه... خلي بالك من نفسك
يأوم ايجابآ = حاضر
ـــــــــــــــــــــــــــــــــــــــــــــــــــ
عاد للمنزل واتجه لغرفته مباشرة لتذهب خلفه منار وتجده يدور حول نفسه بانفعال
منار= مالك في ايه
سعد= مفيش... ابعدي عني دلوقتي
منار= فهمني طيب ايه اللي حصل
يدور حول نفسه بانفعال وهو يمسح على رأسه= انا هتجنن بسببها،... انا علي اخر الزمن تلففني وراها زي المجنون كده
منار= عملت اية؟!
سعد= معملتش.. سيبيني دلوقتي
منار تقف امامه= ممكن تسمعني ( تتابع) اسمعني؟!
سعد = قولي
منار= انا هقولها.. لازم تعرف
سعد = لأ
منار =دي حآجه تخصني وانا عاوزة اقولها
سعد = قولت لا يعني لأ
منار = انا مش هقعد هنا تاني خلينا نعرفها اللي حصل
سعد = قولت لأ، مش هتقولي ولا هتمشي...( يرا لبني تقف بجانب تستمع إليه ليتابع) انتي مش عاوزاني؟!.... انا موافق وهنتجوز بجد
( تتطلع إليه بصمت ليمسك بيدها ويخطو نحوها وهو يضم يده ويرخيها ويريد ان يتقرب لها لتبتعد عنه)
منار= انت عاوز تثبتلها انك مش عاوزها بطريقة دي؟!
سعد = مش عاوز اثبت حآجه،.. انتي عملتي كتير عشان تكوني معايا مع انك عارفه اني مكنتش عايزك،.. هي بقا نسيت كل حآجه في لحظه وراحت مع واحد تاني.. الحقيقه يا منار ان لبني فعلاً صغيره ومش مناسبين لبعض.. وانا مش هستفاد حآجه من الحب لو مفيش تفاهم وتوافق فكرى.. وانا دلوقتي بطلب ايدك بكامل ارادتي
منار تتطلع به ثم يقترب منها ويعانقها لتلف ذراعيها حوله وتغطي وجهها بكتفه وهو يتطلع للبني التي تقف عند الباب وتنظر لهم وهي تدمع بغزاره ثم تتركهم وتغلق الباب بعنف لتنتبه منار وهو يبتعد عنها لتنظر للباب وهي تشير إليه
منار = لبني كانت واقفه؟!
يستدير ويتجه للحمام= انسي اللي اتقال
تتقدم نحوه وتمسك يده = يعني كنت بتعمل كده علشان هي واقفه
سعد = ايوه
منار بصوت متحشرج= لتاني مره تضايقها بيه.....( تتابع بدموع) ما انا قولتلك امشي وانت روحلها
سعد = منار انا عمري ما هحبك.. وفي النهايه انتي اللي وصلتينا لهنا، اعتبرى ده عقاب ليكى
تاوم ايجابآ وهي تبكي = عندك حق انا اللي عملت كده واستاهل
سعد = انا اسف
( قالها ودخل الحمام لتذهب لهاتفها وهي تبكي،.. تجرى اتصال ثم تفتح الخزانه وتجمع اشيائها بالحقيبه.. وبعدها تأخذ من جيبها شيء وتخرج من الغرفه وهي تجرها خلفها.. لتفتح باب المنزل.. وتضعها بالخارج.. وتعود لغرفة لبني لتجدها نائمه وهي تحتضن الوساده وتبكي وعندما تراها تنهض بانفعال)
لبني = اطلعي بره
منار = انا مسافره بس لازم تسمعيني الاول
لبني = في ستين داهيه ، مش عايزة اسمع منك حآجه.. ولا عاوزة اشوفك لا انتى ولا هو
منار بحده = هقولك حآجه وهمشي( تتابع ) ولغيت ما اخلص تقفلي بوقك ده
(تتطلع بها بصمت)
منار = اول حآجه انا عايزة اقولك اني بحقد عليكي... خدتي اغلي حآجه في حياتك.. انا من صغرى بحبه، وبعشقه لحد الجنون،.. ومرضتش اتجوز خالص عشانه هو،.. كنت كل يوم اقول لما يفكر يتجوز هيجيني انا.. وبردو مكنش يجي ( تدمع وتتابع) عمره ما حس بيه شفقه حتى.. ولما كان بيكلمني برقه كان عشان يغيظك انتي
لبني بدموع = ماهو عوضك مره واحده وكسر قلبي انا،.. عاوزة ايه تاني اكتر من كده
منار = مكنش بمزاجه( توريها حبة المخدر) انا حطتلو دي في العصير
لبني= ايه دي؟!
منار = مخدر.. حطتلو منها لما سمعت خالتى بتقولك روحيلوه... بس مكنتش عايزة ده يحصل من غير جواز.. لكن بقا هو مكنش حاسس بنفسه.. وانا مقدرتش امنعه عشان اللى مخططالوه يتم
لبنى بنرفزه= انتى كدابه
منار = انتى اللى عبيطه وعيله هايفه، المفروض كنتى فهمتي لوحدك ان فى حآجه غلط .. طيب ياريته بيحبني زيك.. والله كنت عديتها عشان يفضل معايا،. بس انتى زي ما قال انك عيله ونسيتي كل حآجه فى لحظه.. وروحتي تقوليله انه طمع فيكي وحاجات تانيه هو مقالش عليها
لبني بدموع = هو اللي قالك تقولي كده.. انتى وهو كدابين
منار = جدتك عندك اسأليها مين شربهم عصير .. ومين اللى قدملكم بأيده عشان عارف الحبايه فى اي كبايه
لبني تبدء بالبكاء = اه بس هو قالي انه راحلك بمزاجه
منار = هوانتي لوحدك اللى تعرفي تضايقي؟!.. هو اتوجع لما قولتيله طمعان فيكى وانه كبير عنك ونسيتي كل حآجه.. عشان كده قالك انه جه بمزاجه... بس والله ما حصل.. ده حتي وقتها كان فاكرني انتى
لبني تتجه للباب لتوقفها منار = لا استنى
لبني ببكاء = هروح اعتذرله
منار = متقوليش انك عرفتي غير لما تصلحي اللي قولتيه واللي عملتيه.. فهميه انك قولتي كده من زعلك
لبني = ليه
منار = علشان يعرف انك حباه حتى وهو غلطان.. لو قولتي انك عرفتي عشان كده بتعتذري مش هيسامحك
لبني ببكاء = انتى السبب، كنا كويسين من غيرك
منار = كويسين ايه؟! انا من اول ما جيت وانتو زي القطط مع بعض.. وبعدين انتي بذات متلوميش عليه انا لولا زعلي عليه وكسرت قلبه والله ما كنت فكرت فيكي
لبني بدموع = انتى مش كنتى مسافره امشى.. منك لله انا بكرهك
منار باشمئزاز = انا بقا بكرهك اضعاف( تبكي) دلوقتي طفحت عليه الرقه وعشمني... وطلع بيغيظك بيه،... فيكي ايه زيادة عني نفسي افهم.. بس صحيح هو. متصابي وذوقه زباله
لبني = اهو انتي.. متغلطيش في خالي ( تمد لها يدها) وهاتي الحبايه دي
منار = هتعملي بيها ايه
لبني = هشربها وتأكد من كلامك
منار = خدى بس اقفلي علي نفسك بالمفتاح قبل ما تخديها
لبني = ملكيش دعوه واطلعي بره
منار بدموع = انا اسفه يا لبني، بس والله حبيته ( تبكي) انا بجد بكرهك وبكرهو
لبني = الحب مش بالعافيه، انتي كنتي عارفه انه بيحبني انا
منار= مكنتش قادره اشوفه مع واحده غيري.. ومكنتش هقدر استحمل.. عشان كده انا همشي.. عشان مشفكومش مع بعض.. وبجد مش بتمنالكم السعادة.. ولسه عندي امل يكون ليه انا.. لكن مش قادره اشوفه زعلان كده وانا السبب
لبني= طيب سؤال وتجاوبي بصراحه
منار= اسألي
لبني= كان بيبات معاكي علي السرير
منار= هه.. بينام في الحمام، روحي دلوقتي هتلاقيه جوه البانيو
لبني تبتسم وسط دموعها= بجد
منار بخيبه= بجد.. حتى مقدرش ينام على الكنبه مش السرير
لبني بدموع= طيب هروح اشوفه
منار= بس متقوليش قبل متصلحي اللى عملتيه، دا لو عاوزاه يسامحك
لبني تأوم ايجابآ= ماشي
خرجت من الغرفه وتركتها تنظر لصورته ثم تقترب منها وتلمسها بيدها وهي تدمع بغزاره... ومن جهه اخرى لبني تدخل غرفته وتنادي عليه ليخرج بعد لحظات من الحمام
سعد= فين منار؟!
لبني تقف امامه= معرفش جيت ملقتهاش
سعد= طيب جاية ليه؟!
لبني= جاي اقول اني اسفه
سعد= على ايه؟!
لبني= علي الكلام اللي قولته
سعد يشك بالأمر = منار فين؟!
لبني= مشوفتهاش،.. خالي احنا لازم نتكلم.. ارجوك
سعد= ايه اللي جد فهميني؟!
لبني= اللى جد اني مش حمل زعل تاني معاك،.. عاوزة نرجع زي الاول
سعد= نرررجع زي الاول اااه.... زي الاول انهي فيهم
لبنى= اللي تشوفه المهم منفضلش زعلانين من بعض كده كتير
سعد = هتقبلي تتصالحي معايا وانا غلطت.. وكمان طمعت فيكى
لبنى تقترب منه وتدمع= انا اسفه،.. انا من حبي فيك كنت عايزة اجرحك زي ما جرحتني
سعد يبعدها = وسعي.. فين منار؟!
لبني = سيبك من منار دلوقتى
(يبعدها ويتجه للخارج وهي
تذهب خلفه)
سعد = منار..... اطلعي عاوزك
فاطمه = في ايه يا سعد؟!
سعد = فين منار؟!
فاطمه = خرجت من شويه
ينظر للبني = منار راحت فين؟!
توطئ رأسها = سافرت
سعد = سافرت من غير ما تقولي ( يتابع) وقالتلك ايه قبل ما تمشي
لبني تدمع = قالتلي اللي عملته معاك
سعد = وصدقتيها في اللي قالته( يتابع) دي بتكدب عليكي
لبنى بدموع = مبتكدبش...( تبكي) انا اسفه
فاطمه = ايه اللي حصل مالكم؟!
سعد = مفيش
( قالها وعاد لغرفته واتصل بمنار لتُجيب بعد لحظات)
سعد بنرفزه =انتي ايه اللي عملتيه ده... بمزاجك توقعي بينا وبمزاجك ترجعينا
منار = انا قولتلها متقولكش دلوقتي،.. قالتلك ليه
سعد بغضب= انتي فين دلوقتي
منار = مسافره لأهلي
سعد= ارجعي مفيش سفر
منار = عاوزني اقعد عشان تضايق بيه لبنى..( تتابع) انا همشي وانت صالح الباقي معاها
سعد بغضب = انا ممكن اجيبك بالبوليس لو مرجعتيش
منار بدموع= سعد انا وصلت اهو مع السلامه
سعد = طيب ليه قولتي.. كنتي مشيتي من غير ما تقولي، انتي مين ادالك الحق تتصرفي بمزاجك في موضوع يخصني
منار = ياسعد انت عاوزها وهي عاوزاك،.. اتفاهمو.. وهي خلاص فهمت وجتلك عشان توضحلك اللي حصل.. ناقص ايه تاني
سعد= مش عارف اقول اية غير ربنا يسامحك على اللى عملتيه فينا
( قال ذلك واغلق الخط ليجد لبني خلفه)
سعد بحده = شوفي من اولها علشان منتعبش نفسنا.. لو مش هتحكي اللى حصل بالحرف هتمشي من هنا دلوقتى حالا
لبنى بدموع = هقولك كل حآجه
سعد = قولي
لبني = انا كنت مع بابا
يصرخ بوجهها = كدااابه.... انا روحت سألته وقالي مشافكش
لبني ببكاء = والله ده اللي حصل انا كنت عنده في المقابر واستخبيت لما انت روحت هناك
سعد بغضب = طيب اجهزي هنروح لدكتور يكشف عليكي
لبني بدموع = انت مش مصدقني
سعد= قولت هنروح لدكتور ( يتابع) مبقاش في بينا ثقه عشان اصدق كلامك، وخصوصا بعد ما شوفتك دخلتي العماره اياها
لبنى بدموع= انا كنت شيفاك جاي ورايا علشان كده دخلت.. بس بعدين خرجت وروحت لبابا والله ده اللي حصل
سعد = لبني!... حتى لو كلامك صح انا مش هصدقك من غير دليل
لبنى بدموع = هنروح لبابا وهو يقولك بس انا مش هكشف الكشف ده
سعد = انا مش هصدق ابوكي حتى لو حلفلي علي المصحف.... انا عاوز الدكتور يقولي بنفسه
لبني بدموع = يعني انت ربتني وعارفني اكتر من نفسي ومش عارف اذا بكدب ولا لأ
سعد = لأ، انا مبقتش عارفك
لبنى = براحتك بس انا مش هكشف
سعد = تبقى هتمشي وتروحي مطرح ما جيتي
لبنى = انا قاعده في بيت جدي
سعد = جدك لو عرف اللي حصل هو بنفسه هيوديكي الدكتور
لبنى بدموع = عارفه ( قالتها وخرجت من الغرفه.. ليذهب هو خلفها ويخرج من المنزل)
ـــــــــــــــــــــــــــــــــــــــــــــــــــ
« بالمستشفى»
كانت جالسه وهي تميل رأسها بانكسار.. و وجهها شاحب.. وتظهر هالاتها اسفل عينيها بوضوح، لتدخل عنود وعندما تراها شهد تقف وتنظر لها بسخط للتجاهلها بتكبر وتجلس أمام سمر
شهد= الدكتور قال لازم ترتاح.. روحي بيتك
عنود ترمقها باستكبار= اقعدي انتى ( تتطلع لسمر وتتابع) سلامتك يا سمر.. قلبي عندك
تتطلع بها بانطفاء= شكراً
عنود= احنا كلنا جمبك.. تقدري تعتبريني انا وعمر اخواتك
(تخفض جفنيها بحزن لتتابع عنود وهي تضع يدها على بطنها)
عنود = و اوعدك لو اللي في بطني ولد هنسميه ياسين
تتطلع إليها بتفاجئ = انتى حامل؟!
عنود بإبتسامة = ايوه
سمر توطئ رأسها وتدمع = مبروك
عنود = حبيبتي ربنا يخليكي.. والله اللي حصل ده بوظ فرحتنا، عمر كان طاير من الفرحة بالخبر لغيت ما عرفنا اللي حصل لمامتك وياسين
سمر بصوت متحشرج = معلش
عنود = حبيبتي ربنا يصبرك.. انا اسفه انى بقول دلوقتى.. بس يمكن لما تعرفي اني هسميه ياسين ده يخفف عنك
(سمر تضع يدها على فمها وتبكي
وشهد تضمها إليها وتتطلع بعنود بسخط)
شهد بسخط = طيب شكراً مش وقت اخبارك دلوقتى
عنود = اسفه مقصدش
( يدخل عمر ويتفاجئ بعنود هناك)
عمر بربكه= عنود؟! جيتي امتي؟!
عنود= لسه حالأ.. جيت اطمن علي سمر، بس لقيت ان نفسيتها وحشه اوى يا حبيبي
يتطلع إليها = إيه يا سمر، احنا قولنا اتحسنتي
شهد = وهتتحسن ازاي وحد بيفكرها كل شويه
عمر = إيه اللي حصل ؟!
شهد بتذمر = مراتك......
سمر بمقاطعه= مفيش حآجه... متشكره يا مدام.... شكراً يا أستاذ عمر علي تعبكم.... كفايه كده واتفضلو
عنود= احنا بنعزك،.... وتقدري تعتبرينا اخواتك ياحبيبتي.... مش كده ياعمر
(تتطلع إليه بدموع ليأوم ايجابآ بدون النظر إليها لتنهض من سريرها)
سمر = انا هروح كفاية كده
شهد= انتي لسه تعبانه
سمر= انا بقيت كويسه
( نهضت ثم اختل توزنها ليلحق بها عمر ويسندها حتى افاقت ثم تعتدل وتشد يدها منه وتبعد عنه لجهه الاخرى من السرير،.. لتمسك يدها شهد وفي تلك اللحظة يدخل هيثم ويجد عنود هناك لتأشر له بعينيها على سمر)
هيثم= رايحه فين انتى لسه تعبانه
سمر= بقيت كويسه، يلا يا شهد
(يمسك يده من شهد التي ترمقه بسخط ليخرسها بنظره حاده حتى ابتعدت عنه.. وسمر تريد ابعاده ولكنها لا تفعل ليفقد عمر الأمل بها)
هيثم = انتى لسة تعبانه تعالى ارتاحي
سمر بدموع = بقيت كويسه انا هروح
عمر = بتقولك بقت كويسه... شهد اسندي اختك
سمر تشد علي يد هيثم = لأ مش هتقدر
عنود = اي حد يسندها بس يلا بينا
عمر = انا راجع الشغل ( قالها وافلت يد عنود وذهب سريعآ.. لتنظر إليه سمر ثم تغمض عينيها بوجع وتدمع بغزاره لتترك يد هيثم وتمسك يد شهد ويذهبو.... لتعود شهد بنظرها اليهم وتجد هيثم يتطلع إليها بحده لتبعد نظرها بخوف)
هيثم= شكلها هتحصل اخوها
عنود= تعرف تخرس، انت السبب في اللي احنا فيه دلوقتي، البنت مشافتش حآجه وبعبطك شككتها فين
هيثم= البت كانت عارفه ان اخوها فوق علشانا
عنود= هو جه قدام عمر ومشي.. تثبت بقا انه كان عندي،... وتثبت اني كنت موجوده وقتها
هيثم= يا برودك... انتي شكلك مش خايفه خالص
عنود= ركز انت مع سمر وابعدها عن طريق عمر والباقي سهل
هيثم= بس شكل جوزك واقع علي بوزه، شوفتيه اضايق ازاي لما مسكت ايدها
عنود بغيظ= اخرس خالص.. هي اللي بتلف حوليه وشغلته.. عمر بيحبني انا وبس
هيثم= متاكده
عنود بغيظ= ايوة ( تزفر بغيظ) هو بدء يميل ليها بس مش لازم تشغله اكتر من كده،.. ودا دورك انت
هيثم= طيب امتي هتجيبي الفلوس
عنود= لما تخلص مهمتك
هيثم= عنيا... اصبري عليه بس فتره كده علشان اللى حصل هيعطلني شويه
عنود= اضرب علي الحديد وهو سخن هي دلوقتي مكسوره ومحتاجه اللي يوقف جمبها
هيثم= دا انا اقف واقف.. مش عارف ازاي مخدتش بالي منها قبل كده، ليه حق جوزك يحبها
تمسك عنقه بغيظ= اطلع روحك في ايدي لو عدتها
يبعد يدها= هههههههه مش هعيدها كفايه انك هتشوفيها في عنيه كل ما اقربلها ( قالها وتركها تستشيط غضبآ)
#عمر
مش من حق حد غيري يقربلها.. ومش من حق حد غيري يهون عليها اللى هي فيه....سمر تخصني انا لوحدي.. و جه واحد زي ده يمسك ايدها ويعمل فيها جدع... لا وهي كلبشت في ايده.. لولا حزنها وتعبها مكنتش عديتلها اللى حصل ده
#سمر
صدمه ورا صدمه،.. وجع ورا التاني لغيت ما بقيت ضعيفه، هشه، عايشه بالاسم بس، جسد من غير روح، مبقتش عاوزة اعيش دقيقه تانيه والحاجه الوحيدة اللي مخلياني منتحرش هي شهد، غير كده مكنتش ترددت للحظه
دخلت منزلها وخلفها بعض الاشخاص من اهل المنطقه لتنظر للمنزل ودموعها تنزل بغزاره.. لتتجه لغرفة امها ببطئ وهي ترفع قدميها بصعوبه عن الأرض حتى وصلت هناك، ورأت اسدال الصلاة على السرير لتتقدمه نحوه وتمسكه وتستنشقه ثم تحتضنه لتخرج شهقاتها بصعوبه وهي تبكي لتأتي امرأتين ويأخذوها للخارج.. ليرتخي جسدها ويزيد بكائها حتى اوصلوها غرفتها وشهد خلفها تبكي،.. ثم وضعوها علي سريرها لتتمدد وتحتضن وسادتها وتستمر بالبكاء حتى جف دمعها،.. وتمر الساعات على تلك الحاله، حتى غفت، وذهب الجميع.. وبعد وقت تستيقظ على لمسة يد احدهم على رأسها لتفتح عينيها وتجده امامها يجسي علي ركبتيه ويتطلع إليها بحزن لتعتدل في مجلسها وتنظر إليه بانطفاء
سمر= جاي ليه؟!
عمر= جاي اطمن عليكي
سمر= انا كويسه، شكراً على سؤلك
عمر= انا عارف انك زعلانه بس خليني جمبك لغيت ما تعدي الفتره دي
سمر بصوت متحشرج= انا خسرت اخويا وبعده ابويا، وعديتها لوحدي،... ودلوقتي امي واخويا التاني في ساعه واحده،.. ولسه عايشه.. ومش هموت لما اخسرك انت كمان.. روح لمراتك، واهتم بابنك اللى جاى.. انا كويسه وقويه مش هقوا بحد
عمر بحزن= بس انا عاوز اكون معاكي
تنهض بانفعال= انا مش عاوزاك لا انت ولا غيرك.. اطلع بره
عمر= اهدى ارجوكي
(تمسك يده وتشده للخارج ليشدها اليه ويعانقها رغمآ عنها وهي تحاول ابعاده وفي النهاية تسكن وتبكي ليمسح على رأسها بحب)
سمر ببكاء= انت عاوز مني ايه
عمر= عاوز اكون جمبك الفتره دي
تبتعد عنه بهدوء وتنظر إليه بدموع= وانا مش عايزة حد.. متخافش مش هأذي نفسي ولا هنتحر.. لسه عندي اللي اقوم عشانها.. ولو عاوز تساعدني بجد، ابعد عني ومتجيش هنا تاني، حتي لو شوفتني بموت
عمر= طيب.. انا همشي دلوقتي وهرجعلك تاني
سمر تمسح دموعها= مش عاوزاك جمبي.. انا مش محتاجه حد يسندني.. خليك في حالك..( تتابع) مش انت اللي بعتني وقولتلي هتمشي.. امشي يلا، ايه رجعك تاني اصلا.. ولا فاكر اني هنسا كلامك
عمر= هحاول لغيت ما الاقي حل عشان نتجوز، اوعدك
سمر= نتجوز؟!.. امي واخويا مكملوش الاربعين وانت جاى تقولي نتجوز.. اقول ايه بس.... اطلع بره يا عمر لا الم عليك الناس
عمر= اهدى لو سمحتي انا مش قصدي اللي فهمتيه
سمر بانفعال= اطلع براا... اطلع برا يلا ( تمسك يده وتخرجه لتوقفها شهد) ابعدي
شهد ببكاء= متخلهوش يمشي يا سمر ونبي ما تخليه يمشي
سمر= بقولك ابعدي
عمر = خلاص يا شهد
شهد ببكاء= مش خلاص،.. انت لازم تفضل معانا.. والا هنموت احنا كمان
عمر يتطلع لها بتساؤل = شهد في ايه، انتي ايه اللي مخبياه
سمر تفتح الباب وتخرجه = دي حاجه تخصنا متدخلش فيها انت
عمر= استني، شهد خايفه من حآجه.. شهد اتكلمي( قال ذلك لتغلق الباب بوجهه ثم تعود لشهد)
سمر بجديه = انا خلاص رجعت ومش هسيبك تاني.. مش محتاجين حد يحمينا
شهد ببكاء= ونبي خليه معانا
سمر بنرفزه= اسكوتي،.. هو ملهوش علاقه بينا.. احنا منعرفهوش انتي فاهمه.. لو سمعت انك كلمتيه والله يا شهد ما هكلمك طول عمري
شهد تأوم ايجابآ وهي تبكي= حاضر
سمر تعانقها = متخافيش، انا لسه زي ما انا .. ومش هنحتاج حد يحمينا
تتشبث بها وتبكي= حاضر
سمر= بطلي عياط.. يلا هنام مع بعض في اوضتي
شهد = حاضر