CMP: AIE: رواية مع وقف التنفيذ الجزء الثاني2 الفصل الثامن8بقلم نجمة براقة
أخر الاخبار

رواية مع وقف التنفيذ الجزء الثاني2 الفصل الثامن8بقلم نجمة براقة

رواية مع وقف التنفيذ الجزء الثاني2 الفصل الثامن8

بقلم نجمة براقة

حل الظلام ولم يعود " سعد" للمنزل ولم يُجيب على مكالماته


 الواردة،  لتتصل "لبني" على والدها  تشكي له ما حصل 

لبني= بابا انت لازم تيجي  
مصطفى= اجي فين 
لبني= بيت جدو..  علشان خاطري تعاله
مصطفى= ايه اللي حصل،  فهميني 
لبني= عرفت ان خالي مغلطش، ومكنش بوعيه وقتها.. ولما اعتذرتله وقولتله اني كدبت عليه مصدقنيش وطلب نروح لدكتور وانا رفضت،  ومن وقتها مشي مرجعش
مصطفى = انا مش قولتلك انك هتتعبي علشان تقنعيه، ياريتك سمعتي كلامك ومعملتيش كده من البداية 
لبني = انا كنت مجروحه وعاوزه احسسه باللي انا حسيته
مصطفي = اهو انتي بتقولي مغلطش، 
لبني= وانا كنت اعرف منين بس،.. ماهي  كل حآجه كانت قدامي 
مصطفى = طيب انتي عاوزاني اجي  ليه 
لبني= عشان تقوله اللي حصل،.. واني كنت معاك 
مصطفى = بس هو مش هيصدقني،
لبني = لازم يصدقك،  اتصرف اقنعه..  انا مينفعش اكشف الكشف ده 
مصطفى= الحقيقه يابنتي" سعد" مش بيحبني ولا هيصدقني،  مش قدامك غير انك تكشفي 
لبني= اكشف ازاي دي اهانه ليه قبل مني
مصطفى= معرفش بقا،  اتصرفي وخليه يصدقك 
لبني= هو زعله عامي عنيه دلوقتي مهما اقول مش هيصدق
مصطفى= هو جوزك 
لبنى= ايوه.....  يعني ايه 
مصطفى= شوفي انتي مع نفسك وفكري....  فهماني طبعا 
لبنى بربكه= اها....  طيب انا هقفل،  مع السلامه 

اغلق الخط ليستدير وينظر له

مصطفى= اديك سمعت المكالمة بنفسك.. وانا مكنتش متفق معاها على اللى هتقوله
سعد يتنهد= اها....  ماشي... لكن انا عاوز اعرف ايه علاقة الاب الحنين اللي طلعت عليك مره واحده دي؟!....  توبت بجد يا مصطفى؟! 
مصطفى= يهمك في ايه؟!  سعد! انا سبت الناس وكل حآجه وجيت هنا..  متجيش انت ورايا علشان تقول كلمتين من بتوعك
سعد= عندك حق...  بس بردو مش لايق عليك دور الراجل الطيب...( يتابع)  فاكر لبني اختي لما كنت تضربها هي وحامل، ولما خدت منها دهبها، ولما خليتها تكمل حملها بالمثبتات.... مع انها اتحدت بابا عشانك 
مصطفى يوطئ رأسه= فاكر،  واتمنى أن ربنا يسامحني على  كل حآجه عملتها ( يتنهد ويتابع) انا حاسس انه خلاص مش مطول عشان اروحلها
سعد= تريح وترتاح
مصطفى بتنهيده= الحمدلله 
سعد يتجه للباب= عارف يا مصطفى!..  في  الفتره اللي فاتت عرفت ان الجينات بتتوارث حتى لو العيل مشافش ابوه.....  بنتك بردو نسيت كل حآجه.. ولما قررت تهرب.. اختارت تقعد معاك انت بذات وتستندل معايا 
مصطفى= هي من كتر حبها كانت صدمتها قويه....  كنت  لما  اقولها كلنا بنغلط تزعق وتقولي كله يغلط الا خالي ( يبتسم ويتابع) هي شايفاك غير الكل ولو اتحطينا في مقارنه هتختارك 
سعد= كان في الاول ممكن اصدق بس بعد المكالمة دي انا عندي شك...  احتمال كبير تختارك انت 
مصطفى= بس انت طبعا مش هتخيرها؟! 
(يتطلع به بصمت ثم يذهب) 

ـــــــــــــــــــــــــــــــــــــــــــــــــــ

عاد لمنزله ليدخل غرفته ويجدها هناك تجلس على السرير وعندما تراه تنهض وتتقدم نحوه بقلق 

لبني= كنت فين  
يتجه الخزانه وينزع جاكته = قاعدة ليه هنا 
لبنى تذهب خلفه= مستنياك علشان اطمن عليك 
سعد= اطمني انا  كويس  
لبني= انت لسه زعلان منى 
سعد وهو يخرج ثيابه من الخزانه = ازعل ليه؟!
لبني = خالي، عشان خاطري كلمني كويس انا متعودتش منك علي كده 
سعد يستدير وينظر لها= عاوزة ايه 
لبني= عاوزة خالي 
سعد= خالك تستنيه بره في  الصاله مش في اوضة نومه 
لبني= استناك في اي حتة..  بس انت  هتفضل تعاملني كده لامتي
سعد= شوفي.... انا ممكن اسامحك في اي حآجه بس مش هقدر ولا كرامتي تسمحلي اكمل في موضوع الجواز...  ده اولاً...  ثانيآ بقا...  مش  عاوز اي كلام  بينا غير لما نروح لدكتور ويقولنا انك سليمه 
لبني بدموع= انا بقولك اني سليمة...  والله سليمة ما حد لمسني
سعد= قولتلك ان مفيش ثقه دلوقتي تخليني اصدقك من غير دليل 
لبني بدموع= متعملش فيه كده ابوس ايدك،  انت عارفني معملهاش 
سعد= ده اللى  عندى،  لأما تكشفي والدكتور يقول انك سليمه، لأما مش  عاوز اعرفك تانى 
لبني بدموع= هتقبلها عليه وعلى نفسك؟! 
سعد= ايوه 
لبني  بدموع= انا باين عليه ضايقتك أوي.... وانا مستعده اعمل اي حآجه عشان تسامحني إلا دي
سعد = وانا مش عاوز غير كده 
لبني = ما انت لو اطرتني لكده انا نفسي مش هحب اقعد معاك 
سعد= وهتروحي فين بقا
لبني= اي حتة 
سعد= هتروحي لابوكي مثلا؟!
لبني= اه
سعد = اممم...  طيب بصي،  انا خلاص مش عاوزك تكشفي 
تبتسم= بجد 
سعد = اه
لبني تبتسم وسط دموعها = كنت عارفه اني مش ههون عليك
سعد= استني لسة هكمل انتي وقفتيني لية؟!
لبني = ايه 
سعد= متكلميش ابوكي ولا تشوفيه
تتطلع إليه بذهول= ايه  دخله هو في موضوعنا 
سعد= والله انا مبحبهوش،  ولو هتشوفيه هتخسريني انا
لبني بدموع= خالي!.... بلاش الحلين دول...  لو عاوزني انزل تحت رجلك، انا مستعده....  بس بلاش  الحلين دول 
سعد= لدرجة دي...  مش  هو ده  ابوكي اللي احنا كتبنا الكتاب عشان متروحلهوش
لبنى = اه بس هو اتغير وبقا انسان تاني....  مينفعش  اسيبه مهما كان هو ابويا 
سعد= انا ولا هو
لبني= انتو الاتنين.... مقدرش اتخلا عن حد فيكم 
سعد= لازم تختاري يا انا يا هو
لبني ببكاء= مقدرش اسيبه، ابوس ايدك يا خالي متعمل فيه كده( تتابع) انا موافقه اروح لدكتور 
سعد= لا، انتي هتختاري بيني وبين ابوكي
لبني ببكاء= خالي
سعد= انا ولا ابوكي اختاري بسرعه
لبني بصعوبه وهي تبكي = انت 
سعد= تمام اوى،  دلوقتي  نرجع  خال وبنت اخته زي زمان ( يفتح لها ذراعيه)  حضن لخاله 

(تتطلع إليه وهي تبكي ثم تحتضنه ليلف ذراعيه حولها وهو يحاول حبس دموعه ثم يتركها ويذهب للحمام وهي تغادر الغرفه وتعود لغرفتها وترتمي علي سريرها وتبكي) 

#سعد 

مش عاوزها تبعد عنه  بس كنت عاوز اشوف هتتمسك بيه ولا تسيبني علشان عاشت معاه شهر واحد...  كنت  عاوز اعرف صبري وتعبي معاها هيتمر ولا بزرع في ارض بور 

#لبنى 

الاختيار كان صعب بنسبالي،  لكن هو عمل عشاني كتير هو اللي رباني، ومقدرش اسيبه عشان واحد مشفتهوش كل عمري غير شهرين...  مع وجعي اني هسيبه في وقت زي دا وانا شايفه انه اتغير، وبقا انسان كويس

ـــــــــــــــــــــــــــــــــــــــــــــــــــ

« شقة ضياء» 

كان متمدد علي الكنبه ينظر للمائة جنيه بإبتسامة  وهو يتذكر ما حدث،  ليتطلع اليه مازن   

مازن= انا بقلق
ضياء ينتبه له= بتقول ايه 
مازن = بقول  في  ايه 
ضياء يعتدل= مفيش 
مازن= يا ولااا عليه بردو.....  ايه  حكاية الفلوس دي؟!
ضياء يضعها بمحفظتها= كسبتها في  رهان 
مازن= الابتسامة دي انا عرفها كويس، اتكلم
ضياء= ههههه معلمها ولا ايه
مازن= ايوه، انجز 
ضياء= مفيش حآجه يا شهيد الغرام
مازن= والله شكلك داخل في سكة الاستشاد قريب
ضياء= في ايه يااض... انا ضياااء يلااا في ايه.... لا ياباااا مش انا
مازن= طيب وطي الصوت وقولي عملت ايه مع البت
ضياء يأوم نافيا وهو مبتسم= ولا حآجه، عادي
مازن= طيب والله حصلت حآجه وما عاوز تقول
ضياء= مفيش يابني فكك مني
مازن= ماشي ياعم
ضياء= انا قايم اعمل شاي تشرب معايا
مازن= اشرب 
ضياء= اوووكى 

ذهب للمطبخ وبعد  وقت عاد بالشاي ليجد مازن يشاهد شيء بالهاتف واراد ان ينظر ولكن يتوقف بسبب خوف مازن ان يخطف منه حبيبته، ليتراجع.ويضع الشاي علي الطاولة، ثم ويجلس علي الكنبه 

ضياء= ايه يا شهيد؟!
مازن يخفض الهاتف= ايه
ضياء= وصلت لفين؟!
مازن بتنهيده= هو في غيرها.. يا ما نفسي اشوفها واعرف ايه مانعها تتصل بيه
ضياء= ولو اتصلت وطلع عندها عذر يستاهل هتعمل إيه
مازن= من غير تفكير هطلب ايدها واتجوزها
ضياء= جواز جواز؟!
مازن= ايوه
ضياء يشرد= انت مش خايف تمل لو اتجوزت
مازن= امل من من ايه
ضياء= من شخص تصحا كل يوم على وشه، وتتورط بيه بقيت عمرك.... تفتكر الحب اللي عندك ليها يكفي الباقي من عمرك علشان متحسش بالملل
مازن= مش ممكن امِل منها،.. وافتكر لو هي حبتني زي ما بحبها مش هنحس بالملل أبداً ( تبهت ملامحه) دا ان مكنتش راحت مع التاني
ضياء= انا معرفهاش،.. بس مش قادر ألوم عليها حتى لو راحت لتاني،.. هي في الاول والاخر موعدتكش بحاجة،  وكانت صريحه معاك
مازن= ماشي معاك... بس من الذوق انها تطمني عليها بعد اللي حصل.. ك زميل يا سيدي بلاش حبيب
ضياء= هي عارفه رقمك؟!
مازن= كان عندها بس مش عارف خدت تليفونها معاها ولا لأ
ضياء= طيب تعرف عنوانك؟!
مازن= لأ
ضياء= تعرف حد من صحابك او قرايبك؟!
مازن= لأ
ضياء= طيب لو هتسال، هتسال ازاي؟!
مازن= انت قولت لو مهم عندها هدور 
ضياء= لا كده ليها عذرها اوي، ويمكن بتحاول 
مازن= يمكن... عارف، انا اتمنا متسألش خالص عشان مش عارفه توصلي احسن من انها متكونش مهتمه بقلقي عليها
ضياء= ياااه يا ميزو لدرجة دي
مازن= واكتر
ضياء يشرد= تصدق مخلي عندي فضول شديد اني اجرب احب، نفسي افهم ايه السر الي فيه مخليك كده
مازن= اقولك... هي دايما علي بالي... حتي وانا بتكلم معاك دلوقتي حاسس بطيفها في المكان.... ووحشاني اوي،... وزعلان منها لدرجة لو شوفتها وحسيت انها مش مهتمه، ممكن اقتلها( يعبس ويتابع) مش هكون كويس لو كانت مع حد غيري ونسياني
ضياء= مازن، انا بدأت اضايقلك بجد ( يتابع) بلاش الضعف ده غلط عليك
مازن= مش قادر 
ضياء= لو هتفضل كده، انساها احسن
مازن= وانا لو اقدر انساها هزعل نفسي ليه..... تقدر تنسا انت 
ضياء= لا ياعم ان بره اللعبة انا لا افتكر ولا انسا
مازن= والله بحسدك
ضياء= قل اعوذ برب الفلق ههههه... اشرب الشاي
مازن= بصلي على النبي في سري متخافش

#ضياء

وانا بسمع كلامه بسأل  نفسي  ياترا ممكن الاقي واحده تعمل فيه كده...  لكن  برجع  واقول مستحيل ده عبط وهيافه

« شركة يونس» 

عاد لشركة مره اخرى، بالملف ليدخل مكتبها ويجدها تُمسك بهاتفها مثل المره السابقة، ليتقدم نحوها

ضياء = عينيكي هتتعمى
نانسى تتطلع لمصدر الصوت= هو انت  تاني،  انا  زهقتلك اقعد في حته
ضياء= انا جاي عشان الوظيفه انتي نسيتي ولا ايه؟!
نانسي = تصدق صح...  طيب  اقعد هناك في الزاويا علشان انت هتعمل  مشكله 
ضياء = مشكله مع مين؟!
نانسى تتحدث  بخفوت= مع المدير هو  زعقلي عشانك وقالي متعمليش كده تاني 
ضياء= ليه بردو؟!
نانسى= قالي  مثقش في  اي حد، وانه مش  مرتاحلك 
ضياء  يبتسم= مش مرتاحلي ليه؟! وهو  هيناسبني؟!
نانسى = اصل انت الانطباع الأول عنك انك صايع، علشان كده مرتحلكش،  بس انا  قولتله انك غلبان
ضياء = ههههههه وقال ايه لما  قولتيلوه اني غلبان 
نانسي= كلمه مني علي  كلمه منه خصملي سبع ايام  بسببك
ضياء بإبتسامه = حد قالك  انك  هبله قبل كده 
نانسى = انت اول  واحد 
ضياء= انا  مقولتش..  انا  بسأل  بس
نانسى = لا محدش  قالي
ضياء = انا  بقولهالك
نانسى= هبله ليه بقا
ضياء = بتحكي اسرارك لواحد  متعرفهوش
نانسى= دي مش  اسرار علي  فكره..  وانا  غلطانه  اني بنبهك عشان  تفلح هنا،  بدل ما تترفد
ضياء= لا الله  يكرمك  انا  محتاج  الشغل  ده
نانسى = صحيح نسيت اسالك،  مامتك عامله  ايه دلوقتي؟!
ضياء= بتدعيلك 
نانسى  بإبتسامة = ربنا  يخليهالك ويبارك  في عمرها 
ضياء بإبتسامه = امين 
نانسى= طيب  اتفضل  يكون  استاذ  يونس  خلص 
ضياء يجلس امامها = اوكي.....( يتابع) اممم انتي  قولتي  انك  في  الجامعه  صحيح؟!
نانسى = ايوه 
ضياء = وبتشتغلي في  الاجازة؟! 
نانسى= اول مره  اشتغل ليه يومين 
ضياء= برافو عليكي 
نانسى = وانت؟!
ضياء = اول  مره  ادور على  شغل  في  شركة 
نانسى = امال كنت  بتشتغل  إيه؟!
ضياء = علي  باب الله 
تتطلع  اليه  بتساؤل= اللي  يشوفك يقول  مش شقيان 
ضياء = اه فعلا  كله بيقول  كده.. بس  يعني  كنت  بوصل طلبات  مش  بشيل طوب يعني 
نانسى = برافو عليك  علي  فكره..  حلو انك  تكون  بتتحمل مسؤولية 
ضياء = أكيد 
(نانسى  تبتسم مجاملة  ثم تعود لهاتفها تبحث في الفيس  بوك عن حساب مازن او اي حساب  للبني ولا  تجد) 

ضياء = واضح ان التليفون  عملك ادمان
نانسى  بتنهيده= لا خالص، بس بدور على واحده صحبتي مش عارفه  اوصلها..  قلقانه عليها 
ضياء = علي فكره  انتي  لو قولتي  اسمها بس انا  ممكن  اساعدك 
نانسى تشرد ثم  تجيب = وهتعرفها ازاي  من اسمها 
ضياء = ليه  طريقتي
نانسى = طيب  انا  ممكن  اقولك  اسم قريبها.. ولو هتقدر  تجيبلي رقمه اكون شاكره افضالك
ضياء = ماشي قولي 
نانسى  بعبس= لا خلاص..  اسفه  اني  بدخلك
ضياء = علي  فكره  انا  مش  هتعب في  حآجه،  كله بتليفون 
نانسى  تتطلع  إليه للحظات = طيب،  هو  دكتور  في  الجامعة  اسمه  سعد توفيق  النجار 
ضياء= سعد توفيق النجار.... لحظه كده...(يتابع) جامعة القاهرة ولا؟!
نانسى= اه 
يخرج هاتفه ويبحث عن شيء ثم يعود لمحادثتها= كلية إيه؟!
نانسى= اثار
ضياء= اوووكى....( يدير لها الهاتف) هو ده
نانسى تبتسم= اه هو، لقيته ازاي؟!
ضياء= مش هقولك علشان تحتاجيني تاني
نانسى= ههههه انت تحفه هستغلك كتير الفتره الجايه
ضياء بإبتسامه= اي خدمه... اهو رقمه لو عاوزة
نانسى= طيب مليني 
ضياء= اوكي زيرو ميه وعشره 

تكتب 010010 
ضياء= تسعه وستين 
نانسي= اه
ضياء = اتنين سته زيرو 
نانسى= ميرررسي قوي.. شكرآ
ضياء= شكراً ايه خدي بقيت الرقم
نانسى= باقي ايه.. 11 رقم اهم
ضياء= انتي كتبتي ايه وريني
(نانسي تريه الهاتف ليضحك)
ضياء =ههههههههههههههه انتي كتبتي ايه.. زيرو ميه وعشره يعني زيرو واحد واحد زيرو مش زي ما كتبتي
نانسى بعبس= طيب ما تملي بالرقم ده انت فصيل
ضياء= انا اللي فصيل بردو.. هاتي هاتي ههههه
تعطيه الهاتف= اهو بس متفتش 

(يبعث رسالة لرقمه من عندها ثم يكتب الرقم سريعآ ويعطيه لها)

ضياء= متحسسنيش انك واصله اوي كده
نانسى بإبتسامة= متشكره اوي يا..... قولتلي اسمك ايه؟!... اه صح ضياء يابت في ايه ههههه
ضياء= ههههه ذاكرتك قويه، بس اسمها انا ضياااء يابت في ايه.. شدي علي حرف ال أ
نانسى= وبتجويد كمان ههههه

يخرج يونس خلف العميل ويتوجه خلفه للخارج لتقف نانسى وهي تنظر لضياء بأن يصمت ليعود بعدها ويمد يده لضياء ليعطيه الملف 

يونس وهو يتطلع بالملف سريعآ دون التركيز في التفاصيل= عظيم أوي هتنفع معانا.... انزل بقا لأستاذ حاتم وهو هيفهمك كل حآجه
ضياء= يعني انفع؟!
يونس= طبعاً تنفع  اوي.. وباين على شكلك مريح.. ولا ايه يا انسه ملاذ
نانسى= ودا رايي
يونس يضرب على كتفه= وشاطر في التليفونات هينفعنا 
نانسي بإبتسامه= صح 
ضياء= متشكر جداً
يونس= طيب يلا اتفضل استاذ حاتم مستنيك 
ضياء= حاضر ( قالها لينظر نظره اخيره لنانسي ثم يذهب)
يونس بحده = ورايا علي المكتب
نانسى= حاضر

يذهب وهي تذهب خلفه، ليقف أمام لوحة معلقه بالحائط وهو يضع يديه في جيبه

نانسى= نعم استاذ يونس؟!
يونس بدون النظر اليها= ايه رأيك فيه؟!
نانسى باستنكار= رأيي فيك ازاي
يستدير ويأشر لنفسه= باين عليه اني عيل قوي قدامك؟!.. شخصيتي هايفه في نظرك؟!
نانسى= لا خالص حضرتك انسان محترم ومقدرش اشوف غير كده
يونس= ولما هو كده.. كلامي متسمعش ليه.. بتهزري مع الواد ده وياخد رقمك بتاع آيه
نانسى= لا مخدش رقمي.. دا ساعدني اوصل لدكتور في الجامعه
يونس بغيظ= ومقولتليش ليه... انتي فاكره اني مقدرش اجيبلك تاريخك كله وارقام عيلتك وصحابك واحد واحد دلوقتي حالا
نانسى = في ايه؟!... عملت ايه للعصبيه دي؟!
يونس= وكمان مش عارفه؟!
نانسى=  مش عارفه .. انا مغلطتش في حآجه.. وهو بقا زميل دلوقتي ف عادى يكون بينا كلام
يونس يأوم رأسه= امممم طيب ارجعي مكتبك 
نانسى= يافندم حصل ايه؟!
يونس يصرخ بوجهها= بقولك ارجعي مكتبك ايه مش مفهوم في كلامي
(تنتفض بفزع وتظل تنظر له بصمت)
يونس= انا بكلمك
نانسى بدموع= ماشي بس هنزل اجيب حآجه وارجع، ممكن
يونس= روحي
نانسى= شكراً

 ( قالتها وذهبت، ثم خرجت من المكتب وهي تدمع حتى وصلت لخارج الشركة وابتعدت عنها مسافه كبيره، وفي الطريق هدئت قليلآ واتصلت برقم سعد ليجيب بعد لحظات)

سعد= مين؟!
نانسى= دكتور سعد؟!
سعد= ايوه... مين؟!
نانسى= انا.... انا صاحبة لبني
سعد يفكر لحظه= نانسى؟!
نانسى بربكه= ايوة انا
سعد= انتي فين، قالولنا مشيتي ومحدش عارف طريقك 
نانسي= ظروف حصلت كده.. ممكن متقولش لحد في الجامعه
سعد= وانا من امتي بحكي في حاجه... بس انتي فين دلوقتي
نانسى= في مكان كده
سعد= اها مفهوم... طيب خير محتاجه مساعدة
نانسى= بتصل علي لبني بيديني مغلق هي فين
سعد= لحظه هديها التليفون
نانسى= ماشي متشكره اوي

" اتجه لغرفة لبني ليطرق الباب وهي تجيب بأن يدخل،.. ثم يفتح الباب ويجدها تجلس علي سريرها وعندما تراه تنهض وتوطى رأسها ليتقدم نحوها ويتطلع إليها للحظات ثم يمد يده بالهاتف"

سعد= صحبتك عاوزة تكلمك
لبني= صحبتي مين؟!
سعد= نانسى

(لبني تخطف منه الهاتف   وهو  يبتعد ويقف بجانب الباب ينظر لها)

لبني= نانسى؟!
نانسى تدمع= وحشتيني 
لبني= انتي نانسى بجد.... مش معقول
نانسى= معقول... انا موجوده لسة
لبني= ايه اللي حصل واختفيتي فين كل ده، انا ( تدمع) انا قولت اني مش هشوفك تاني
نانسى بدموع= من اخر مره كنت معاكي فيها وانا حياتي اتبدلت حتي اسمي اتبدل  
لبني= إيه اللي حصل فهميني 
نانسى بدموع= ابقي اتصلي بيه علي الرقم ده وبعدين افهمك
لبني= ماشي انا هحاول اصلح تليفوني واكلمك 
نانسى= طيب طمنيني عنك، اتجوزني ولا لسة
تتطلع لسعد= لا 
نانسى= لسه بتقولي خالي
لبني = دي الحاجه الوحيدة اللي باقيه زي ماهي... هحكيلك بعدين
نانسى= ماشي..... بقولك؟!... عندك رقم مازن؟!
لبني= لا حذفته أصلا
نانسى= تقدري تجيبيه من اي حد
لبني= هحاول اشوفه مع حد في الجروب... بس مالك بيه؟!
نانسى= هقولك بعدين لما نتكلم
لبني= ماشي حبيبتي هتصل بيكي
نانسى= ماشي حبيبتي مع السلامه

اغلقت معاها الخط لتتقدم نحوه وتعطيه له وهو تبعد نظرها عنه ليمسك يده مع الهاتف  لترفع وجهها وتتطلع به

سعد= مش طايقه تبصي في وشي؟!
لبني= عادي
سعد= مش عادتك؟!،... انتي كرهتيني ولا اية؟!
بتنهيده= مش ممكن اكرهك
سعد= حتي بعد ما منعتك تشوفي ابوكي
لبني=  انا مقدرش الومك في كده.... بس انا زعلانه علشان هو بقا كويس، وانا قولتله، اننا  هنكون مع بعض، ومش هسيبه ( تتطلع إليه بدموع) بس مهما كان التغيير اللي حصله، مش ممكن يعوضني عنك
سعد = طيب هنشوف هتكملي كده ولا هتبعيني عشانه
لبني تأوم نافيآ وهي تبكي بدون صوت = مش هبيعك  

ظل يتطلع بها بصمت وهو يضم يده ويرخيها، ويريد لمسها ولكن يقاوم رغبته ويذهب فوراً

ـــــــــــــــــــــــــــــــــــــــــــــــــــ 

بعد  انهاء  مكالمتها مع  "لبني" اغلقت الخط  واستدارت ،   لتجد فاروق  خلفها،  ومن بعيد  يأتي يونس ويراهم،  ليقف ويتوارا عنهم ويراقبهم من بعيد،.. وهي تحاول المرور، ولكن فأروق يُعيق طريقها

نانسى = عديني
فاروق = مش  تسلمي  عليه  الاول 
نانسى = انا  شوفتك  فين  قبل كده 
يأشر على  راسه بشكل  مسدس = بيشووو،.. افتكرتيني؟!
نانسى باندهاش= انت؟!... انت عاوز مني إيه؟!
فاروق= ممكن نقعد في اي مكان نشرب حآجه واقولك
نانسى= لا مش هاجي معاك، انا معرفكش 
فاروق= بس انا اعرفك، واعرف حكايتك.. اقول حآجه كمان.. اخوكي صاحبي
نانسى بصدمه= حسام؟!
فاروق= ايوه.. ولعلمك  هو مش مستني يلاقيكي علشان يقتلك بعد ما هربتي
نانسى تدمع= بس انا معملتش حآجه، دي  مراته هي اللي ضحكت عليه،.. فهمو كده 
فاروق= ما انا ياما قولتله اختك متعملش كده.. وهو حالف ما يسيبك وبيقولي جابتلنا العار
نانسى بدموع= هو مش هيصدق طول ماهي بتزن عليه
فاروق= انا هقنعه، بس تقوليلي إيه علاقتك بالولاد اللي اتصورتي معاهم وانا هتكلم معاه
نانسى= طيب وانت عرفتني ازاي
فاروق= اقولك.. حسام صاحبي،  ولما حكالي، طلبت اشوف صورتك، ولما شوفتها افتكرت اني شوفتك عند يونس،.. بس انا مقولتلهوش عشان كان متعصب ونويلك
نانسى بدموع= متشكره
فاروق= العفو.. هتحكيلي ولا لا؟!
نانسى تأوم ايجابآ =هحكيلك
فاروق= طيب نقعد في حته بدال ما نقف في الشارع؟!
نانسى= ماشي

ذهبت معه بالسيارة ليخرج يونس من خلف الشجر، ويتطلع اليهم ليضم فمه بغضب ثم يعود مره اخرى ليجد ضياء يقف خلفه بمسافه ليتقدم نحوه وينظر له بجمود 

يونس= انتو كتير اوي كده؟!
ضياء باستنكار= يعني ايه
يونس يربت علي كتفه= ولا حآجه

( قالها وذهب لينظر إليه ضياء ويلاحظ انه كان يراقبها،... ليمسك هاتفه ويريد الإتصال بها ليخبرها بمراقبة يونس لها، ولكنه يتراجع)

ضياء= وانا مالي

ـــــــــــــــــــــــــــــــــــــــــــــــــــ

استيقظت من نومها علي كابوس، لتنهض بفزع وتأخذ وقت حتى هدئت، ثم تنظر حولها ولا تجد شهد جانبها، لتنزل من سريرها وتخرج من الغرفه، وتبحث عنها في غرفتها ولا تجدها، ولم تستطيع دخول غرفت ياسين او غرفة امها لتناديها من الصاله وبعد لحظات تخرج من غرفة ياسين وهي تحتضن التابلت وعينيها مُحمُره من كثرة البكاء، لتدمع هي الاخرى وتقترب منها

سمر= هاتيه
شهد =  خليه معايا
سمر = اشوفه 
شهد تعطيه لها= اتكسر يوم يومها

سمر تنظر إليه وتتحسس شاشته المكسورة بيدها لتبكي = من يوم ما جاله وهو مش بيسيبه دقيقة
شهد ببكاء= يومها قولتله يدهوني وياخد تليفوني مرضيش ( تهدء لتتذكر شيء ثم تتابع) ايوه هو خده معاه ( تتابع) هاتي ( تأخذه وتحاول تشغيله ولكن دون فائدة،.. كانت شاشته احترقت 
سمر= مالك
شهد= سمر!... صلحهولي ممكن
سمر= ماشي بس لما يكون معايا فلوس 
شهد= اتصرفي علشان خاطري
سمر= اتصرف منين مانتي عارفه اني ليه شهر مشتغلتش.. معلش استحملي شويه 
شهد بدموع= طيب اقولك حآجه... انتي بيعي تليفوني وصلحيه 
سمر= تليفونك هيجيب ايه؟!... استنى عليه شويه و اوعدك هصلحه 
شهد= طيب 

سمر بتردد بعد صمت= جه؟! 
شهد = مين؟!
سمر تتنهد = مفيش....  هاتى  خشبتين وشويه مسامير وشاكوش 
شهد = هتعملي  بيهم ايه 
سمر = ولا اقولك خلاص 
شهد = عاوزة  تقفلي الاوض؟! 
سمر = كنت،  بس خلاص 
شهد = احسن،  انا  مش  عاوزاهم يتقفلو 
سمر = طيب  انا  هجهز عشان  اروح  الشغل  ،  بس يارب  ما يكونو  صرفو نظر عني
شهد = خديني معاكي، انا  هخاف وحدي
سمر = مينفعش  حبيبتي انا  مش  عارفه  ظروفي ايه لسه 
شهد = ونبي خديني علشان  خاطري 
سمر = اقولك  حآجه..  انتي  تروحي  عند  روحيه النهارده  ولما  اظبط دنيتي هاخدك معايا 
شهد = طيب 
سمر = معلش  حبيبتي  انا  مش  عارفه  هيحصل  ايه ..  والا كنت  خدتك معايا 
شهد = خلاص  مش  زعلانه 
سمر = طيب  ممكن  توعديني ماتتكلميش مع  عمر  مهما  حصل 
شهد = ليه  يا سمر  ده حتي  هو  كويس  وطيب ( يعبس وجهها)  بس  مراته هي  اللي  حربايه 
سمر = هي  مغلطتش..  هي بتحافظ  على  جوزها 
شهد = دي بتخونه مش بتحافظ عليه
سمر باستنكار = إيه...  ايه اللي  بتقوليه  ده 
شهد = مفيش 
سمر = امال ايه  الكلام  اللي  بتقوليه  ده،  تعرفي  منين  انتي  الخيانه  عشان  تتكلمي  عنها؟!..( تتابع بعتب) كده  يا شهد 
شهد بدموع = اسفه 
سمر = اخر  مره  اسمع  تتكلمي  عنها ولا  عن غيرها  كده 
شهد  بدموع = بس هي  بتخونه  يا سمر 
سمر = وانتي  ايه عرفك  شوفتي ايه علشان  تقولي  الكلام  اللي  يودي في  داهيه  ده 
تخاف ان تقول  عن ما فعلته مع ياسين  لتنكر= معرفش  اهو  انا  بقولك  كده  وخلاص 
سمر تمسك يدها  وتذهب للكنبه لتجلسها جانبها = اسمعيني... لازم  تعرفي  ان الدنيا  بتدور وكل  كلمه  او فعل بتعمليه مهما  كان  صغير  بيتردلك،  وخصوصا سيرة  الناس..  واللى  انتي  بتقوليه  ده  ممكن  يخلص من واحده  فينا..  وكمان  يخرب بيت  عمر.....  يرضيكي حد يقول  علينا كده  او عمر  حياته  تبوظ بسببك    
شهد = انا فاهمه  بس والله  ده  اللي  حصل 
سمر = شوفتي حآجه  بعينك
شهد = لأ 
سمر = سمعتي اي حآجه 
شهد = لا
سمر = طيب بتقولي  كده  علي اي اساس 
شهد = باين عليها 
سمر = استغفر الله العظيم..  ياحبيبتي مفيش حآجه اسمها كده.. ماهو لأما تشوفي وتسمعي بنفسك.. لأما متحكميش علي  حد من شكله،..  هي اه لبسها مش كويس،  بس احنا ملناش دعوه بيها 
(شهد تدمع وتنظر بعيد) 
سمر بشك= شهد!....  في ايه؟!...  انتي عارفه  حآجه ومخبياها 
شهد بدموع = لأ 
سمر = بصيلي هنا...( تمسك وجهها  وتديره)  في ايه اتكلمي؟!
شهد = مفيش انا شاكه فيها من غير سبب
سمر = متأكده يا شهد؟!!
شهد = ايوه 
سمر = يعني مش مخبيه عني حآجه؟! 
شهد = لأ 
سمر = طيب  ممكن الموضوع دا ميتفتحش تاني أبداً،  وعمرك ما تتكلمي مع حد فيه؟!
شهد = حاضر 
سمر = ياريت يحضر
شهد = طيب 
سمر = طيب انا هجهز نفسي وهمشي وانتي اقفلي على نفسك لغيت ما تروحي لروحيه 
شهد = انا هقعد هنا ومش هروح 
سمر = هتخافي
شهد = مش هخاف 
سمر = طيب انا هتصل بيكي  كل  شويه
شهد= ماشي  

تجهزت وخرجت من الشقه لتجد هيثم يصعد السلم 

هيثم = صباح الخير يا سمر
سمر= صباح النور 
هيثم = بقيتي احسن دلوقتي 
سمر = اه الحمدلله..  متشكره على تعبك معايا 
هيثم = تعبك راحه يا ست الكل...  امال على فين كده 
سمر = راجعه الشغل 
هيثم = طيب تعالي اوصلك 
سمر = لا متشكره كتر خيرك 
هيثم = طيب براحتك...  امال شهد فينها
سمر= في البيت 
هيثم = مش هتخاف لوحدها
سمر = بتقول مش هخاف 
هيثم =تمام...  وانا مش عاوزك تنشغلي عليها انا هاخد بالي منها لو احتاجت حآجه 
سمر = ماشي ياهيثم متشكره كتر خيرك
رائ عُمر أتي ليكمل= احنا ولاد منطقه واحده، واقف معاكي بعنيا انتي وهي 
سمر = متشكره تسلم..  عن اذنك 
هيثم = مع السلامه 

ذهبت ليقف مكانه وينظر إليها ثم يستدير وهو يبتسم ليجده امامه يتطلع إليها من اسفل لاعلي

هيثم = صباح الخير يا أستاذ عمر 
عمر = صباح النور 

( قالها بجمود ليتركه ويذهب سريعآ.. وهو يُكمل للأعلي، ويطرق باب شهد لتُجيب من الداخل، ولا يرد عليها حتي فتحت الباب، ليدخل بسرعة ويغلقه خلفه) 

شهد تركض لغرفتها وقبل غلق الباب يلحق بها ويوقفها لتتراجع للخلف بخوف وهو يتقدم نحوها

هيثم = خايفه من ايه يا شهد  تعالي  يا حبيبتي 
شهد ببكاء = انا مشوفتش حآجه ومقولتش حآجه لحد 
هيثم = انتي بتتكلمي عن أيه؟!
شهد ببكاء = معرفش 
هيثم = طيب تعالى متخافيش انا مش هأذيكي...  تعالي 
تبتعد بخوف= لأ 
(يقترب منها ويمسك ذراعها ليشدها ناحيته وهي تريد ان تصرخ ليغلق فمها بيده) 
هيثم= انتي عاوزة تصرخي عشان الناس تتلم ويقولو عليكي  بنت وحشه قاعده مع ولد لوحدهم؟!..  عيب ياحبيبتي
(شهد تنظر له بخوف) 
هيثم = متخافيش انا مش هأذيكي ولا هد**بحك ولا  هرميكي من فوق السلم..  مع اني اقدر اعملها معاكي ومع اختك،  بس انا  بحبكم ومقدرش اعمل كده 
شهد تبعد يده وتتحدث بخوف= والله ما هتكلم بس سيبني
هيثم = مفيش حآجه تقوليها.. انتي  شوفتي ايه علشان تقوليه
شهد = مش هقول انك جيت هنا 
هيثم = دا انتي  لو قولتي  هيقولو شهد بنت قليلة الادب بتفتح لولد  وهي لوحدها 
شهد تأوم بنفي= مش هقول 
هيثم ينهض = برافو حبيبتي...  انا  هبقا اجى اطمن عليكي كل يوم 
شهد ببكاء = ماشي 
هيثم يتطلع إليها ويتحدث بخفوت= صغيرة  بس جامدة 
(تتراجع للخلف بخوف) 
هيثم = قولتلك متخافيش انا مش هقربلك
شهد = طيب امشي ونبي
هيثم = ماشي يا شهد،  علشان تعرفي  اني بعزك 
(تتطلع اليه بصمت) 
هيثم = سلام  يا عسل 

(ذهب ليقف بجانب الباب ويستدير لينظر لها للحظات ثم يفتح الباب ويخرج.. ويصعد فوراً  للاعلي ليطرق باب عنود وهي تفتح له وتدخله بسرعه) 

عنود= الله يخربيتك هتفضحنا 
هيثم = انا شوفت المحروس جوزك نازل ف جيت 
عنود = طيب  خلص وقول عملت ايه 
هيثم = ولا حآجه..  سألت  ونعمت في صوتي وبس
عنود= يا حنين،  نعمت صوتك ودا من آيه 
هيثم = البت جد ومش هتسمح باكتر من كده اصلها محترمه 
عنود بغيظ= طيب  عدي يومك معايا 
هيثم = طيب يا شريفه 
عنود = صبرك عليه بس 
هيثم = اهدى على نفسك شويه مش كده لا يجيلك شد عضل
عنود = طيب اسكوت وقولي هتعمل ايه 
هيثم = اديني بقرب منهم شويه شويه....  بس متاكده انها مش هتلين بسهوله
عنود = هتلين ياخويا...  دي خطافت رجاله 
هيثم = انتي عارفه انها مش خطافة رجاله.. جوزك هو اللي عينه منها من وقت ما جه
تمسكه من ثيابه بغيظ = مش  عنود اللي يتبص لغيرها
هيثم يفلت يدها = هو علي الاقل بيبص بس.. غيره بياكول..  ايه مستكتره عليه  البص،  دا انتي انانية اوي 
عنود = انت اللي ضحكت عليه وفهمتني انك ابن ناس بس طلعت صايع 
هيثم = وانتي قولتي لأ؟!.. ما كله كان بمزاجك ( يتطلع لبطنها للحظات لتخفيها بيدها)   حامل؟!....  ايه السرعة دي
عنود = ملكش دعوة 
هيثم = حامل؟! 
عنود = لأ 
هيثم =   انتي مش بتاخدي مانع حمل 
عنود = قولتلك مش حامل 
هيثم = بطنك بتقول انك حامل....  حامل من مين؟! 
عنود = ياعم غور بقا انا باخد مانع حمل،  عشان حضرتك 
هيثم = اهاااا...  بس متقلقيش حتي لو حامل مني ميلزمنيش 
عنود = لا ياخويا اطمن لا منك  ولا من غيرك 
هيثم = مسكينه لو حصل مش هتعرفي مين ابوه ههههه 
عنود بغيظ = انت جاي ليه دلوقتي 
هيثم = وحشتيني بقالنا كتير متكلمناش ( قالها وهو يغلق الباب بالمفتاح ويعود إليها) 
عنود = اوووف...  احنا دلوقتي مينفعش نلعب،  لازم نخلص من سمر وبعدين نتنيل 
هيثم = لا ياحبيبتي،  دي ملهاش دعوه باي مواضيع تانيه 

ـــــــــــــــــــــــــــــــــــــــــــــــــــ 

ذهب خلفها حتي لحق بها علي بعد مسافه من المنطقه 

عمر= سمر استني 
تقف لتجيبه= افندم
عمر = جاي اطمن عليكي وماشي
سمر = انا بخير طول مانت بعيد عني 
عمر = ياسمر افهمي،  انا مقدرش اسيبك في الوقت ده،..  خلينا صحاب ياستي 
سمر = مننفعش.. ركز في حياتك وابعد عني 
عمر = مش هبعد.. وهكون معاكي حتي لو مش عايزة 
سمر تتطلع به = مراتك حست يا عمر( تتابع) قالتها بالذوق ابعدي عنه.. حرام علينا نكون انانين كده..  وانت هتكون اب بعد كام شهر..  سيبك مني وشوف حياتك 
عمر = وحياتك عندي ما قادر،  كل ما افكر ابعد احس اني بتخلا عن روحي
سمر  = انت قولتلي انك هتمشي ممشيتش 
عمر = لانك دلوقتي بقيتي لوحدك وانا خايف عليكي 
سمر = انت تخاف عليه من وجودك جمبي..  ولأني بقيت وحدي ف أي كلام بينا هيشوه سمعتي انا وشهد
عمر= طيب خلينا على رسايل بس..  اطمن عليكي من بعيد 
سمر = لأ... عن اذنك انا  اتأخرت على الشغل ( تقدمت خطوات لتتوقف وتنظر له)   هي عنود حامل فى الشهر الكام؟!
عمر يأوم نافيآ = لينا شهرين متجوزين ومعرفش 
سمر = شهرين؟!  ( تنظر له بشك) مبروك 
عمر = في ايه؟!
سمر = مفيش 
عمر = لا افهم معني البصه دي 
سمر= يعني ما شاءلله بانلها بطن بسرعه...  شكلها  حامل في تؤم...  او
عمر = او ايه 
سمر = مش عارفه..  علي العموم الف مبروك،  تقوم بالسلامة 
عمر= قولي في إيه.. انتي شغلتيني
سمر= يعني بطنها كبيره عن شهرين.. ف ممكن يكون تؤم( تبعد نظرها وتتابع) أو انتو مقدرتوش تستناو لغيت ما تجوزو
عمر= لا محصلش حآجه قبل الجواز.. بس ممكن يكون تؤم فعلاً
سمر تبتسم بخيبه= كل حآجه بتقول لازم نبعد حتى الحمل بيقولها مرتين
عمر بخفوت= لو بعدت لأخر الدنيا مش هقدر انساكي( يتنهد بضيقه) ياريت يحصل معجزه ويكون لينا نصيب مع بعض
سمر بدموع= انا اللي مليش نصيب في الفرح( تتابع باختناق) كان لازم افهم كده قبل ما افكر فيك

ـــــــــــــــــــــــــــــــــــــــــــــــــــ 

من وقت  عودتها لمكتبها وهي  شارده تفكر فيما قاله فاروق، ويونس، بمكتبه يراقبها من الكاميرات،  حتى  عادو للمنزل وهي دخلت غرفتها بدون حديث مع احد ليأتي بعد  ساعات ويطرق باب  غرفتها

نانسى = ادخل 
يونس يفتح الباب = صاحيه؟!
نانسى تنهض = ايوه 
يونس = ممكن اتكلم معاكي شويه؟!
نانسى = طبعاً اتفضل 

يدخل ويقف امامها = انا اسف لو زعلتك الصبح 
نانسى = مفيش حآجه 
يونس = طيب ممكن اعرف خرجتي وروحتي فين؟؟
نانسى تتطلع به لتخفض جفنيها= خرجت اتمشا شويه
يونس= اممم..  وأرتحتي لما خرجتي؟!
نانسى تتنهد وتتابع= بصراحه حصلت حآجه وخايفه اقولها متصدقنيش 
يونس = حاجة إيه؟!
نانسى = لما خرجت قابلني الراجل اللي كان هنا لما جيت 
يونس= راجل مين؟؟
نانسى = اللي كان معاه مسدس
يونس= فاروق؟!
نانسى = اه هو 
يونس = غريبه...  طيب  وبعدين؟!
نانسى = هو  مكنش جاي عشانك، هو  جاي عشاني انا 
يونس = ازاي؟!
نانسى = طلع صاحب اخويا ويعرف حكايتي كلها 
يونس = وانتي مكنتيش تشوفيه مع اخوكي ؟!
نانسى = لأ، اخويا مكنش يدخل صحابه البيت 
يونس = طيب وياترا عاوز ايه؟!
نانسى = عاوز يصالحنا 
يونس = يصااالحكم،  اه.. طيب السؤال المهم بقا،..  هو  عرفك ازاي؟!
نانسى = بيقول شاف صورتي
يونس = وياترا نداكي باسمك الحقيقي ولا ملاذ؟!
نانسى = بأسمي الحقيقي 
يونس = انتي  جيبتيلوه سيرة اسمك؟!
نانسي = اه لانه طلع يعرفني 
يونس = ملاذ، انا  مصدقك جداً  ومعنديش شك فيكى...  بس انتى ساذجة لدرجة العبط....  انا قولتلك متتكلميش مع  حد،..  ورايحه تحكي قصة  حياتك لواحد جديد فى الشغل 
نانسي = قصدك ضياء؟!
يونس = ايوه ضياء،  ..  ضياء اللي انا متأكد  انه من طرفه 
نانسي = لا ضياء مش مدسوس عليك 
يونس = وانتي ايه عرفك،  ماهو مع ظهوره،  ظهر فاروق  في  حياتك..  هو  اللي  عرفه بيكي..  وقاله حكايتك 
نانسى = بس ضياء ميعرفش حكايتي   
يونس = ماهو  لو مكنش  ضياء،  يبقا  انتي  بتكدبي عليه 
(تتطلع به بصمت ليتابع) 
يونس = ملاذ افهمي.. فاروق جاي يخليكي  في صفه.. مش  علشان  يساعدك،...  ولما يعرف  كل  ده  عنك،..  يبقا انتي  قولتيله زي الهبله..  لأما حكيتي لضياء وهو  حكاله 
نانسى = انت مش  واخد بالك انك مخون كل اللي حوليك؟!...  طيب  ولما  انت شاكك فيه  انا  وضياء مخلينا ليه،  ما تطردنا وترتاح
يونس= لحظه...  انا  مقولتش  شاكك فيكى..  بس انتى  ساذجة  وبتحكي تفاصيلك لأي  حد....  وبنسبه لضياء  ف انا  مخليه علشان  من خلاله هوصل لفاروق معلومات  غلط،  فهمتي 
نانسى = ماشي  انا  عبيطه  وهبله،  بس والله  ضياء ما ليه دعوه  بيه..  هو  غلبان ومش  مدسوس  عليك 
يونس = مش شايفه انك بتحكمي عليه  بطريقة كويسه  وانتي  لسة  عرفاه من يومين...  ولا هو  معرفه قديمه...  ولا  يكونش هو  زميلك اللي  صوروكي معاه 
نانسى =و انت مش  شايف  انك  بتحاسبني كتير علي  حاجات  تخصني لوحدي... ولا  ده  عشان  بتساعدني ومقعدني في  بيتك 
يونس = ده علشان  انا  عاوز ااطلب ايدك 
نانسى بصدمه= إيه 
يونس = انا  عاوز اتجوزك
نانسى = ازاي احنا منعرفش بعض بقالنا كتيرر.. و حاجات كتيره متعرفهاش عني  حتى  اسمي 
يونس= مش مهم اي حآجه 
نانسى= طيب  واشمعنا انا 
يونس= حاسس اني  بدات احبك 
نانسى  بربكه= إيه 
يونس = اه وكمان  بغير عليكي 
تبتسم  لتخفض  جفنيها  بارتباك = انت بتقول  ايه؟!
يونس بإبتسامة= انا مش  بفهم في  تزين الكلام  ف قولت  اقولهالك لطع
نانسي = اممم طيب يعني...  سيبني  افكر 
يونس = براحتك  خدي وقتك
نانسى  بإبتسامة = ماشي 
يونس= وممكن متتكلميش  مع اي مخلوق في  تفاصيلك  ممكن  يااا....  ملاذ ولا  هتقولي  اسمك 
نانسى = حاضر مش هقول تفاصيل..  بس والله  ضياء  ما يعرف  عنى  حآجه انا  مقولتهوش حآجه  عني 
يونس = ولو اثبتلك انه مدسوس علينا هتصدقي
نانسى = حتى  لؤ كان  كده  ف هو  مش  قاصدني انا 
يضم قبضته بغيظ= انا  لسه  طالب ايدك...  يعني  لو هتوافقي هنكون واحد وانتي  تقولي  كده 
نانسى = انا  اسفه 
يونس بتذمر =  مقولتيش اسمك  ؟! 
نانسى = نانسي 
يونس يتنهد = عاشت  الاسامي  يا نانسى 
نانسى = ممكن  تقولي  ملاذ،  بلاش  نانسى  انا  كرهته
يونس = وانا  عجبني  ملاذ اكتر 
نانسى بإبتسامة = متشكره  عليه..  ومتشكره انك  صدقتني 
يونس = انتي  عارفه  لو مكنتيش  قولتي  دلوقتي  عمري  ما كنت  صدقتك 
نانسى = ربنا  ستر 




يونس بإبتسامة = ومتشكر انك صرحتيني
نانسي = العفو... بس  انت مقولتليش اتصرف ازاي،  اصدقه ولا  ايه 
يونس = لما  تشوفيه تاني،  اديلو علي  وشه وسلميلي عليه...  تعرفي  تديلو على  وشه
نانسى = طيب  افرض طلع  يعرف  اخويا  صح 
يونس = انا  بقولك  ميعرفهوش،  وحتي  لو يعرفو انا  هحميكي من اي حد 
نانسى بتنهيده = طيب 
يونس = متخافيش 
نانسي = حاضر 
يونس = ماشي...  تصبحي  علي  خير 
نانسى = وانت من  اهله 

ذهب  لتغلق الباب  خلفه وتعود لسريرها وتجرى مكالمة 

نانسى = انا  مش  عارفه  اشكرك  ولا  ازعل  منك انك خدت الرقم من غير استأذان




ضياء = لا ده ولا  ده... اشربي معايا  قهوه بكره 
نانسى = لا قهوه  ايه؟!  انت لا تكلمني  ولا  ترمي عليه  السلام حتى 
ضياء = انا طلعتك  من مصيبة  وانتي  مستكتره عليا  القهوة، وكمان هتتكبري عليه
نانسى = هو بصراحه حذرني منك.. بس  انا  كان  لازم  اشكرك  على  اللي  عملته 
ضياء = ماهو انا حسيته شكاك.... ف   لما  شوفته مستخبي وبيراقبك قولت  ممكن  يحصلك مشكله  علشان  كده  بلغتك،  
نانسي = اقولك  حآجه  وتصدقني
ضياء = اشتمي ياستي 
نانسي = لا مش  هشتم....  بس انت  جدع  فعلاً 




ضياء  يبتسم = انا  عارف 
نانسى = يهاااااهاها،  خفه اوي
ضياء بإبتسامة = طيب  ممكن  سؤال،..و لو مش  هينفع  خلاص 
نانسى = سؤال  واحد 
ضياء = اوكي....  يقربلك إيه يونس 
نانسى = شوف  بصراحه  هو  ميقربليش...( تتنهد وتتابع)  انا وقعت في  مشكله  وهو  ساعدني، واستضافني في  بيته،  ف بنقول انه ابن عمتي  قدام  الناس.. عشان موقعش في مصيبة لو اتعرفت





ضياء = ملاذ انتي متخلفه اقسم بالله.... يابنتي  لو عندك  خلل في  مخك قولي 
نانسى = ماااالك 
ضياء = يا ماما  غلط...  انتي  فيكي  كمية عبط يكفو بلد
نانسى = مالك  يابني..  قولت  ايه  غلط 
ضياء = رغايه..  وكمان  هبله...  ازاي  ميعرفكش وقاعده في  بيته،  وازاي تقوليلي  وانتو مخبين،  ..  دا انتي  ممكن  تقولي  لأي حد  معدي عادي 
نانسى = لأ ما انا  مطمنالك وحساك انسان  كويس.. وبذات بعد  ما نبهتني
ضياء  يتنهد = لأ...  بصي...  هو  انا  مش  من طبيعتي انصح البنات  بذات..  بس ممكن  بلاش  تدبي في  الكلام مع اي حد
نانسي = ههههه انت قلقان من نفسك  ليه...  ولا  يكون  أستاذ  يونس  عنده  حق  من نحيتك




ضياء بتنهيده = شوفي...  انا  مش  هطلع  عبيط زيك واقولك كل  حآجه  بسرعة  كده...  لكن  حرصي،..  انتي متعرفيش  المشاكل  بتيجي  منين 
نانسى  بإبتسامة= علي  فكره  انت كده  بطمني ليك  اكتر 
ضياء يبتسم = اممم...  روحي  نامى.. روووحي جتك وكسه  
نانسي = ههههه  ماشي،  تصبح  على  خير 

اغلقت الخط  لتتمدد علي  سريرها وتبتسم لكلام ضياء  وتعقد حاجبيها لكلام يونس وطلبه يدها بشكل مفاجئ،.. وتعبس عندما  تتذكر مازن وقلقها من أجله

اغلق الخط ليشرد بإبتسامة  ليقطع شروده مازن

مازن= ايه يا بسكوته دوبتي ليه 
ضياء = ههههه  ايه ياحبيبي  في  ايه 
مازن = لا بس  انا  عايزة  اعرف  الحنيه  دي علشان  توقعها ولا  من قلبك 
ضياء = ميزووو...  انا  ضياء مش  انا  اللي  اقع وقعتك ( يتنهد  ويتابع) بس بصراحه البت  هبله واحرجتني لما  ادتني فلوس  لعلاج امي..  حسيت انها  متستاهلش العب بيها 






مازن = قال يا خبر بفلوس،  ادينا قاعدين.  وادي دقني لو ما جيت  تقعد جمبي  نندب حظنا 
ضياء يشرد= اطمن شكل يونس ده  عينه منها.. واكيد مش  هيسمحلي احاول  معاها 
مازن = ولما  هو  كده  هتشتغل عنده  ليه 
ضياء = حاسس انها  هتكون  مغامرة  حلوه..  نجرب الشغل  بدل ما بابا  رامي طوبتي 
مازن  = مش  مصدقك في  دي





ضياء = يعني  اضرب نفسي  بالشبشب عشان  كلمتها قدامك...  مازن،  مش  انا  اللي  اقع وقعتك 
مازن = وقعتك وقعتك.. انت بتعايرني.. متفكرنيش... و متفتحش السيره  معايا  تانى،  عاوز انسا 
ضياء = والله احسن  قرار خدته


ضياء 

هبله اووي،  ومخلياني مضايق من نفسي وانا ناويلها نيه



 وحشه، وهي مطمنالي كده...  غيرها  لما  اقرب منهم بيكونو  فاهمين،  ومنهم اللي  بتصُدني.. ومنهم اللي  بترحب،  بس 


دي ساذجة  اوي وهبله،  وبتثق في  اي حد  يكلمها

مازن

علي  قد ما انا  نفسي  اشوفها  علي  قد خوفي انها  تكون  مع حد  تاني 


 ونسياني.. و ياريت  اقدر انساها وابطل استنا
 
تعليقات



حجم الخط
+
16
-
تباعد السطور
+
2
-