رواية ابن مراته
الفصل الاول1
بقلم هويدا زغلول
روؤف _يعني انتي خليتني اسيب مراتي يوم
فرحي وانزلك علشان تقولي الكلام الفارغ ده يا امي
الام _كلام فارغ يا ابني هو انت مكنتش مكسوف لما نزلت على رجل مراتك وبوستها قدام العيله كلها
رؤوف _لا اتكسف من اي واحد وبيحب مراته
ومحدش ليه دعوه
وقبل ما نقول الحكايه اعرفكم بنفسي
انا فاطمه عندي ابني وحيد حياتي
ودائما كنت بسمع عن واحد ابن أمه انما
اول مره اشوف واحد ابن مراته وبدأت
الحكايه لما جه رؤوف وقالي
رؤوف _الحمد لله حجزت القاعه اللي امل عايزها
وكده خلاص خلصت كل حاجه
الام _اقعد يا حبيبي ارتاح عايزه اتكلم معاك شويه ما ينفعش يا رؤوف كل حاجه خطيبتك تقولك عليها تعملها يا ابني لازم تعرفها برده لازم هي تمشي على قد ظروفك
رؤوف _معلش يا ماما بقى خلاص انا كده كده خلصت الشقه وكل حاجه خليها تفرح بالله عليكي
ما تنكدي علينا
الام _خلاص يا حبيبي المهم متقولش لحد من
العيله ان هي كان مكتوب كتبها قبل كده
رؤوف _يادي العيله اللي على طول خايفه منها وهما مالهم اصلا يا ماما ان شاء الله تكون كانت متجوزه مش مكتوب كتابها بس اظن انها حاجه ما تخصهمش
الام _اسمع كلامي بس يا حبيبي مش عايزه
حد يبص ليها بصه وحشه المهم هي هتيجي
تفرش الشقه أمتي
رؤوف _بكره هي وامها واختها
الام _كويس انك قولت ليا يا حبيبي
علشان اعملهم اكل ، وتاني يوم كنت تعبانه
اوي وقولت
الام _اي يا فاطمه كبرتي ولا اي قومي
يا وليه اعملي الاكل علشان الناس اللي جايه
دي وبعدها روحت فتحت التلاجه ومكنش
عندي الا بانيه بس عملت بانيه ومكرونه
وفي شقه ابني راحت امل لأختها هبه وقالت
امل _ بقولك اي انزلي هاتي الاكل من الوليه
اللي تحت دي مش عايزه تطلع هنا الشقه
هبه _وليه مين تقصدي حماتك عيب يا بنتي الكلام اللي انتي بتتكلمي بيها دي الست كويسه جدا معانا
امل _لا بقولك ايه انا مش عايزه محاضره في الاخلاق اتفضلي
انزلي خليني اخلص اللي ورايا
هبه _والله انا خايفه علي الست دي منك والله
اسلوبك وحش اوي ، وبعدها هبه نزلت عندي
وانا كان شكلي تعبان
الحما _هبه معلش يا حبيبتي اكيد اخرت عليكم الاكل ما تزعليش انا قربت اخلص اهو هحمر البانيه بس
هبه _اي ده طنط مالك شكلك
عامل ليه كده
الحما _ما اعرفش يا حبيبتي شكلي واخده دور برد ولا ايه حاسه ان انا جسمي مكسر قوي ومش قادره اقف على رجلي
هبه _طيب يا حبيبتي روحي اقعدي وانا اخش اكمل بقيه الاكل معلش والله انا عارفه ان تعبينك معانا بس احنا ما نعرفش محلات هنا كنا جبنا اكل
الحما _اخص عليك يا بنتي ايه الكلام اللي انتي بتقوليه ده ادخلي يا حبيبتي اعملي الاكل انا عامله مكرونه وسلطه وبانيه يا رب يعجبكم
هبه _حبيبتي كفايه تعبك والله حاضر وبعدها
دخلت عملت الاكل وطلعت حطت الصنيه
وامل قالت
امل _ياه اخيرا انا جعانه جدا ايه ده مكرونه وبانيه ايه الاكل اللي هي عاملاه ده
هبه _ادي يا امل بلاش طريقه كلامك دي ست تعبانه جدا تحت على فكره
امل _لا هي قصده تعمل فيها كده والله لانزل اعرفها شغلها الست دي
هبه _هو انتي غاويه مشاكل وخلاص
امل _اوعي كده من وشي وبعدها نزلت
الحما _تعالي يا امل يا حبيبتي والله انا كنت لسه بعمل شاي وهطلع لكم اهو
امل _ممكن افهم بقى ايه الاكل اللي انت عاملاه ده عامله ليناا مكرونه وبانيه هو انتي لما بتيجي عندنا ب اكلك مكرونه وبانيه
الحما _حقك عليا والله يا بنتي انا كنت تعبانه قوي ما قدرتش انزل اجيب حاجه النهارده
امل _والمفروض اللي هيحضر الحاجه تكون
من امبارح ولا من انهارده يعني ، وفي الوقت ده نزلت هبه
هبه _بس يا بنتي انتي ناسيه أن في جيران معاكي في العماره وطي صوتك
امل _قولتك خرجي نفسك انتي من الموضوع
ده
هبه _يا بنتي هو انتي غاويه تتجوزي كل شويه وتطلقي حرام عليكي نفس اللي كنتي بتعمليه مع حماتك الثانيه
الحما _اي الكلام اللي قولتي ده امشي اطلعي
قدامي فوق ، وبعدها طلعوا وانا اتصلت
ب رؤوف جه
. رؤوف _ماما ايه اللي انتي عملتيه ده بالظبط مش قادره تعملي اكل اتصلتي باي حد يجيبلك اكل جاهز ينفع يعني تطلعيلهم الاكل ده
الحما_هي خطيبتك كان مكتوب كتابها ولا كانت متجوزه يا رؤوف
رؤوف _وهو ايه اللي فتح السيره دي بس يا ماما يعني
الحما _رد عليا يا رؤوف خطيبتك كانت متجوزه ولا كان مكتوب كتابها انت بتكذب عليا يا رؤوف ازاي تفهمني ان انا لسه انسه وهي كانت متجوزه
رؤوف _اظن دي حاجه ما تخصكيش ده الموضوع ده يهمني وانا موافق عليه مالكيش انتي دعوه ،وبعدها انا قولت