رواية مع وقف التنفيذ الجزء الثاني2
بقلم نجمة براقة
الفصل الحادي عشر
خرج في اليوم التالي قاصد عمله،، وعند وصوله شقة سمر، يطرق الباب، لرؤيتها وللأطمئنان عليها، لتفتح له "شهد" ويجدها ترفع حاجب وتخفض الآخر وهي شفتها باشمئزاز، لتعدل النظاره بالسبابه وتنظر له من اسفل لأعلي
شهد= مش موووجوده
عمر= راحت فين؟!
شهد= معرااافش
عمر = راحت الشغل يعني؟!
شهد = معراااافش
عمر = ياربي، كنت عايز اشوفها
شهد= معرااافش
عمر يتطلع بها باشمئزاز ويقلد طريقتها = معرااافش ( قالها ساخرآ منها ليضع يده علي وجهها ويبعدها) بقيتي رزله
شهد= طيب وديني ما تكررها تاني لا افضحك في المنطقه كلها
عمر= انتي يا شبر ونص تخصص فضايح،، رغم صغر سنك وضئالت حجمك ونضارتك دي اللي واخده نص وشك
شهد= بس ماليه مركزي وفاهمه اللي بيحصل حولية ( قالتها لتبهت مالمحه ليصمت للحظات ثم يتحدث بجمود)
عمر= عديني
شهد= لأ، انا قاعدة لوحدي
(يبعدها ويدخل ويغلق الباب خلفه ثم يمسك يدها ويذهب للكنبه يضعها عليها ويجسي امامها علي ركبتيه)
عمر = ها قولي
شهد= اقول ايه؟!
عمر= بتلمحي لايه كل شويه؟!.. اتكلمي
شهد= مش بلمح لحاجه
عمر= اتكلمي يا شهد
شهد= اتكلم اقول ايه، قولتلك مفيش
عمر= طيب قوليلي بصراحه، انا مزعلك في حآجه غير اني ضربتك؟!
شهد= وهو الضرب قليل
عمر= لا بس تلمحاتك دي من قبلها، يعني في حآجه؟!
شهد= مفيش حآجه
عمر= فيه يا شهد.. فيه، اتكلمي و اوعدك مزعلش منك مهما تقولي، انا مش وحش وانتي عرفاني.. و اوعدك لو حد مزعلك هجبلك حقك منه... قولي حبيبتي ( قالها بنبره بعثت الطمئنينه لقلبها لتتطلع إليه لبعض الوقت ثم تجيب)
شهد= لما يتصلح التابلت كلنا هنعرف حصل ايه
عمر= حصل ايه في ايه؟!
شهد= في موت ياسين
عمر= وانتي شاكه ان حد قتله؟!
شهد= انا متاكده ان حد قتله
عمر بترقب= ومين اللي شاكه فيه
(توطئ رأسها ولا تجيب لينظر لها بشك ثم يتحدث)
عمر= شوفتي ايه؟! ( قالها باختناق ليتابع ) شهد اتكلمي... انتي كده بتشككيني في نفسي
شهد= مش انا اللي شوفت؛ ياسين هو اللي شاف وقالي؛ ياسين كان طالع يصور اللي بيحصل وقتها
عمر= راح فين؟! ويصور ايه؟!
شهد= ناس هنا في العمارة
عمر= عنود ( قالها بصعوبه وهو يدقق النظر لوجهها ليراقب انفعالاتها عند سماع اسمها)
شهد= لأ دول ناس تانية
عمر= ولما هما ناس تانيه انتي بتلمحيلي انا ليه؟! ارجوكي يا شهد اتكلمي، قولي اللي حصل
شهد= اللي اقدر اقوله ان في ناس هنا في العماره بيغلطو وياسين شافهم وهما اللي موتوه
عمر= طيب سؤال واحد وتردي ب أه او لا وبصراحه ( دام صمته لحظات ليتابع) قصدك عنود ولا لأ
شهد = وانت مش عارف مراتك اذا كانت بتغلط ولا لأ
عمر بنرفزه= اااه وولا لأ
شهد = لأ مش هي
عمر ينهض ليتطلع اليه بضيقه= رغم صغر سنك بس تدخلي الشك والقلق بكلمة واحدة... ربنا يسترها منك لما تكبري ( قالها وذهب)
#عمر
معقول اكون مغفل لدرجة دي.... بس ازاي وانا ولا مره لاحظت عليها حآجه... يعني معقول كل المنطقه والعماره خدو بالهم من دخول هيثم عند شهد ومخدوش بالهم من حاجه تخص عنود..... معقول عيله زيها تبهدلني كده وتدخل الشك في قلبي، وانا زي الاهبل مهتم لكلامها
عاد منزله ليجدها جالسه امام التليفزيون ليتقدم نحوها وعندما تراه تمد لها يدها بإبتسامه ليمسكها ويجلس جانبها، ويظل متوتر ويريد محادثتها في الامر وسؤالها عنه ولكن لا يستطيع لحساسيه الموضوع
عنود= مالك
عمر = مفيش
عنود= امال زعلان ليه كده
عمر= مفيش حآجه، انا كويس
عنود تشك بالأمر= طيب تحب اعملك قهوه
عمر= لأ
عنود= ولا شاي
عمر ينفخ بضيقه= مش عاوز، ولو عوزت هعمل لنفسي
عنود= طيب متعصب ليه؛ فرفش كده شكلك وحش انت وزعلان
(ينظر لها بصمت وعقله تتضارب به الأفكار،.. ويشعر ان قلبه سينفجر بسبب ما قالته شهد، لتضع يدها علي وجهه ليهداء قليلآ)
عنود بخفوت= مالك يا حبيبي صارحني، مش انا مراتك حبيبتك؟!
عمر= بتحبيني ياعنود ؟!
عنود= بحبك بس؟! كلمة حب قليلة علي اللي حساه نحيتك
عمر باختناق= ياريت... والا هتكون شديدة اوي عليه
عنود= هي إيه؟!
عمر= في حد انا بثق فيه بس شكله مش قد الثقه دي... عارفه ما يثبت الكلام اللي اتقال عليه لا اقتله بأيدي دي ( قالها وهو يرفع يده ويضمها امام عينيها لتنظر له بهدوء وبرائه مصتنعه)
عنود= يستاهل القتل... بس هو مين وخانك ازاي
عمر يراقب انفعالاتها ليجدها طبيعيه= خاني وخلاص
عنود باستنكار= مش فاهمه حآجه؛( تتابع) بس علشان خاطري متتهورش؛ انا وابنك محتاجينك
عمر = قصدك ولادي، بطنك كبيره علي ابن واحد
عنود تنظر لبطنها بإبتسامه= دي طبيعتي؛ وإني رفيعه ف باينه اوي؛ وطريقة لبسي كمان بتظهرها أكتر
عمر= اها.. طيب احنا ولا مره روحنا مع بعض نطمن على الحمل
عنود= شوف هتفضا امتي ونروح
عمر= ماشي ( ينهض) هروح الشغل
عنود= انت رجعت ليه صحيح؟!
عمر= اصلك وحشتيني
عنود بإبتسامه = وانت كمان ياقلبي بتوحشني لما بتمشي
عمر يتطلع بها = كويس اوي
عنود بإبتسامه = مع السلامه ياقلبي
( قالتها بإبتسامة ليتطلع إليها وكأنه يبحث عن الكذب في عينيها ويتمنا ان ترتبك للحظه؛ ولكنها ظلت ثابته لا يظهّر عليها شئ ليتنهد بضيقه ويضم يده ويرخيها لغيظه من شهد، ويقرر ان ينزل وينتظر ما يفعله هيثم عند خروجه)
#عنود
عاوزين يثبتوله اني بخونه علشان يحلالهم الجو؛ بس ده مش هيحصل، محدش هيقدر عليه وهعرفهم مين عنود اللي بيلعبو معاها
«اتصلت ب هيثم»
هيثم = طالعلك اهو
عنود= متطلعش عمر شاكك فيه
هيثم يعود= ايه اللي حصل
عنود= الحربايتين اللي تحت بيحاولو يوقعو بيني وبينه
هيثم= مفيش غير شهد؛ انا هعرفها تلم لسانها ازاي
عنود= زود العيار شويه مينفعش اللي بيحصل ده؛ لازم عمر يتأكد انهم بيحاول ليصقو فيه اللي بيعملوه
هيثم= اتقل العيار ازاي
عنود= انا اللي هفهمك بردو
هيثم= قصدك شهد ولا سمر
عنود= اللي تقدر عليها
هيثم= اه بس شهد مهما كانت ف هي صغيرة مينفعش
عنود= الصغيره دي قادره تودينا في داهيه؛ نفز انت بس وانا لسة عند وعدي ليك؛ اتنين مليون كاملين هيكونو تحت ايدك، اول ما تخلص
هيثم= ماااشي النهارده هنهيلك الموضوع ده
عنود= ماشي شوف ورد عليه
هيثم= طيب
اغلق معها الخط، ثمدخل العماره ليراه عمر الذي يقف بعيد في انتظار فعله لاي شيء وعندما يدخل؛ يذهب خلفه بسرعة ويختبئ أسفل السلم حتى رأه يطرق باب سمر ولكن هيثم قد شعر به ف قرر أن يشككه بالامر ف يخرج هاتفه ويتحدث به
هيثم= ايوة ياقلبي... اه انا قدام الباب ومحدش شافني... افتحي بقولك مفيش حد... يلا بقا قبل ما سمر ترجع
( قالها وطرق الباب مره اخرى، لتفتح له وفورآ يدخل ويغلق الباب خلفه)
شهد بخوف= انت لو ممشتش هصرخ والم عليك الناس
هيثم= لو حد جه هقوله انك انتي اللي بتتصلي بيه علشان اجيلك
شهد = طيب انت عاوز مني ايه.. انا مقولتش لحد حآجه
يمسك شعرها ويتطلع لها بشهونيه= تجوزيني يا شهد
شهد تترجع للخلف وتبعد يده= يا هيثم الله يخليك ابعد عني ( قالتها لتسمع صوت خطوات وتريد الصراخ ليمسك بها ويسد فمها بيده)
هيثم= اششششش... اي نفس هد*بحك دبح، ولا كلمة
( تنظر إليه بخوف شديد حتى سمعت طرق الباب بسرعة وعمر يناديها)
هيثم= هيسيبك تفتحيلو، بس لو حس بحاجه هشوه وشك بمية النار انتى واختك؛ فاهمه يا شهد
(تأوم ايجابآ ليتركها، ثم تركض للباب ليقف امامها بسرعة ويخرج المطوه وتأخذ تنظر إليها بخوف ليقربها من وجهها)
هيثم= انا قاعدلك ورا الباب، ياااارب تغلطي
تأوم ايجابآ بخوف= مش هقول
( قالتها ليبتعد عنها وهي تفتح الباب لعمر لتجده ينظر لها بغيظ ويريد صفعها ليضم قبضته ويرخيها )
عمر = بتعملي ايه
شهد = مش بعمل حآجه
عمر= سمر رجعت؟!
شهد = لأ لا
عمر يمسك يدها = طيب تعالي ( اخرجها من المنزل ليحدثها بصوت خافت) اقسم بالله خبيثه وتبوظي بلاد.... بتشككيني في عنود وانتي مصحباه
شهد بدموع= انا معملتش حاجه
عمر بغيظ= انتي ايه؟!..... راعي سنك مخلتيش مصيبه معملتهاش
شهد ببكاء = انا معملتش حآجه ( قالتها وهي تنظر لداخل)
عمر باستحقار= دا انتي يتخاف منك...( يتابع بغيظ) خرجيه قبل ما اتصل بسمر دلوقتي واخليها تيجي تشوفه
هيثم يخرج وهو يتحدث= شوشو ( يراه ليتابع بخبث) تمام يا شهد الانبوبه ركبت
عمر يتطلع به بسخط ثم يعود بنظره إليها = والانبوبه مكنتش تستنا اختك تيجي
هيثم= لا مش هتستنا البت ممكن تعوذ تسخن اكل ولا ايه يا شهد
(تأوم ايجابآ بخوف ثم تدخل وتغلق الباب)
عمر يقف امامه = بزمه مش مكسوف من نفسك وانت ماشي مع عيله صغيره
هيثم ببرود = احنا متفقين علي الجواز،.. وانت مالك؟! ما تخليك في حالك؛ بدال ما انت مركز معانا اوي كده
عمر = جواااز، ودي هتجوزها تعملها بيها ايه
هيثم = ههههه هما الناس بيتجوزو ليه
( قالها وتركه يستشيط غضبآ ليعود لطرق الباب لتجيب من الداخل وعندما تعلم انه هو تفتح له)
شهد تتطلع يمين يسار وتريد ان تتحدث ليقاطعها حديثه
عمر= هقولها... انتي ايه يابنتي، الله يخربيت الطفولة لو كانت كده... طيب والله ما هسيبها شيفاكي بريئة كده( قالها وذهب لتعود لداخل بسرعة وتغلق الباب وتظل تبكي)
« علي بعد مسافه من المنطقة يتصل ب سمر وهو منفعل»
عمر = انتي فين
سمر = في الشغل، في إيه؟!
عمر = لازم نتقابل دلوقتي حالا
سمر= ايه اللي حصل
عمر = اللي حصل كارثه عليكي وعلي اختك
سمر = ايه اللي حصل؛ في ايه قلقتني
عمر = انتي نايمه علي ودانك مش فاهمه ايه بيحصل حوليكي، اختك مصيبه وانتي مش عارفه
سمر= ما تقول في ايه
عمر = هيثم كان عندها من شويه ويعالم بيعملو إيه
سمر بصدمه= فتحتله؟!
عمر = ايوا فتحتله ودخل عندها ولما كلمته يقولي متفقين علي الجواز
سمر = انا قولتلها متفتحش لحد غيري، ازاي تفتحله
عمر= فتحتله يا سمر، اختك علي علاقه بالواد ده واكيد بيحصل حاجات مش محتاج اقولك هي ايه
سمر بدموع= انت فاهم غلط شهد متعملش كده
عمر= انتي اللي مش فاهمه حآجه... شهد بتعمل مصايب... بس انا مش قاهرني غير انها بتحاول تشككني في عنود مع هيثم نفسه اللي هي مصحباه
سمر = متنساش انك بتتكلم عن اختي.... شهد مش بتغلط
عمر= اتعبي نفسك وراقبيها وشوفي بيحصل ايه من ورا ضهرك.. انا مش عدوها علشان اكدب عليها... الواد اتصل بيها قبل ما يدخل وسمعت كلامه بوداني
سمر= واتصل ازاي بقا؟!
عمر= اتصل بالتليفون.. هيكون اتصل ازاي
سمر= بس تليفون شهد معايا علشان ابيعه يا عمر
عمر= ازاي يعني وانا سامعه بودني بيكلمها ويقولها سمر مشيت
سمر= عارف يا عمر... محدش صعبان عليه غيرك.. بجد والله لما بفكر فيك عنيا بدمع
عمر= قصدك ايه
سمر= ولا حآجه... ورايا شغل هكلمك بعدين
عمر= لا استني..... سمر، والله انتو هتجننوني ( يتابع باختناق) عاوزين توصلولي ايه بظبط.... يعني اكدب عيني و ودني و اصدق تلمحاتكم.... ولا يكون بتعملو كده علشان اسيبها ونكمل انا وانتي( يتابع بتساؤل) انا دلوقتي عاوز افهم السبب اللي خلاكي تطلبي نتجوز
سمر= علشان بحبك يا عمر، وعشان اكون جمبك بعدين.... ولغيت ما يجي بعدين ده وتفهم اننا مش بنحاول نشكك في حد واننا مش بنخطط ناخدك من مراتك، ف احنا مش هنتكلم تاني
عمر= استني من فضلك... متقوليش بتحبيني وانتي بتولعي نار جوايا...( يختنق صوته ليتابع) انتي عارفه معني كلامكم؟!... معناه ان انا مليش لازمه ومش راجل ( يتابع بصوت متحشرج) انا قولتلك بحبك وعاوزك بس مفيش داعي تعملي فيه كده انتي واختك
سمر بدموع= وانا مش شايفه حد زيك ولا في رجولتك، واسفه لو فهمت كلامي غلط.... انا اقصد ان هيثم بيهددها وليه علاقه بواحده في العماره فعلاً
عمر= ومين الواحدة دي
سمر= مش عنود
عمر= وطبعا شهد قالتلك بيهددني وليه علاقه مع واحده وانتي صدقتيها
سمر= مصدقاها، شهد مبتكدبش
عمر= والله انتي طيبة أوي
سمر= اقفل يا عمر
عمر= مدخلش يعني... اها ماشي يا سمر... سلام
ـــــــــــــــــــــــــــــــــــــــــــــــــــ
«منزل توفيق»
كان نائم وهو جالس على الكنبة بداخل غرفته لتأتي وتدخل بحذر وتجلس امامه تتطلع به وتملي عينيها منه ثم تجسي على ركبتيها بجانبه وتمسك يده ليستيقظ وينظر إليها وفورآ ينهض لترتفع بسرعة وتعانقه
لبنى= انا اسفه
يبعدها عنه= اسفه علي ايه؟! انا مش زعلانه من حآجه.... متصلتيش ليه كنت هاجي اخدك
لبنى تتطلع اليه بتمعن وهي تدمع= متكلمنيش كده عشان خاطري
يبتسم بخفه= لبني حبيبتي، والله مش زعلان، هننسا كل اللي فات تمام ونرجع زي الاول واحسن
تمسك بثيابه = مش هنرجع زي الاول... مش هقدر اشوفك خالي تانى... انا بحبك وعاوزاك، والله عاوزاك
( قالتها وهي تقترب منه ليشرد لحظات معاها ثم يبعد وجهه ويتنهد بضيقه )
سعد = حرام اللي بيحصل، خليكي بعيد
تضع يدها علي وجهه وتجذبه اليها = حرام ازاي احنا متجوزين... هتقدر تشوفني بنت اختك ازاي بعد اللي بيحصل
سعد = انا هقدر
لبنى = لا مش هتقدر، حتى لو قولت كده انت مش هتقدر تشوفني بنت اختك
سعد يتطلع إليها = يبقا واحد فينا لازم يمشي
لبنى بدموع = دا انت بايع قوي على كده... ههون عليك تسيبني
سعد يبعد يدها= مش هسيبك بس مش هنقعد في نفس البيت... ولغيت ده ما يحصل متدخليش عليه اوضه وانا لوحدي ( قالها وذهب اللي الحمام وتركها)
ـــــــــــــــــــــــــــــــــــــــــــــــــــ
« منزل يونس »
كانت تهبط السلم بكل حيويّة ونشاط ثم تتجه نحو هند تسلم عليها وهي مبتسمه
نانسى = صباح الورد
هند = صباح السكر حبيبتي، نمتي كويس النهارده
نانسى تأوم ايجابآ= ايوة. وانتى
هند = الحمدلله
نانسى = امال يونس فين
هند = في الجنينة بيشرب القهوه
نانسى = طيب انا هروحلو عشان نروح الشغل
هند = ماشي حبيبتي
ذهبت إليه لتجده جالس هناك ينظر للاب توب وهو يرتشف القهوه وعندما يشعر بها يتركه وينظر إليها بإبتسامة
نانسى بإبتسامه = صباح الخير
يونس = صباح الورد.. عامله اية
نانسى = كويسة اوى... هنروح الشغل النهارده
يونس = انتي روحي مع السواق وانا هعمل حاجه وهجيلك
نانسى = حاجة ايه دي؟!
يونس = مفاجأة
نانسي بإبتسامه = ماشي
ـــــــــــــــــــــــــــــــــــــــــــــــــــ
« منزل ضياء»
ظل نائم لوقت متأخر ليأتي مازن ويوقظه
مازن = ضيااااء قوم
ضياء = مالك ياخي سيبني انام
مازن = مش هتروح الشغل النهارده
ضياء = لا انا هستقيل
مازن = تبقا حمار
ضياء يعتدل = دا علي اساس مقطع نفسك في الشغل
مازن = لا بس انت بدأت تشتغل ليه ترجع زي الاول
ضياء بعبس= ياريت ارجع زي الاول، انا نفسي ارجع زي الاول
مازن = ايه الحلو في عيشتك اللي فاتت عشان تتمنا يرجع، مانت كنت مقضيها مع اي نتايه تقابلها
ضياء = طيب ما دا الحلو ههههه
مازن = تصدق انا بقرف منك، انت كده عمرك ما هترتاح ولا هترضا بواحده بس، في حياتك
ضياء = البحر يحب الزيادة، ممله الحياة مع واحدة بس، جرب تحب عشره وتنوع؛ ياااه على الجمال والمتعه؛ مش زيك رابط نفسك بواحده بس... عايش ازاي انت
مازن= حاجات اللي زيك ميفهمهاش.. بس هي بكل البنات ومش عاوز غيرها ( يتابع بضيقه) بس هي ترجع او اعرف هي فين ( يتنهد ويتابع) انا تعبت وقربت ايأس يا ضياء
ضياء= ترجع دلوقتي
( قالها ليرن هاتفه برقمها ليخطفه بسرعه ومازن ينظر إليه بإبتسامه)
مازن = شوفتها... بتخبي ليه نفسي افهم
ضياء = متعيش الدور، اقعد واسمع بنتكلم ازاي ( يجيب) ايوه
نانسى = اتأخرت ليه كل ده
ضياء = مش جاي، انا قرفت من شغلكم ده
نانسى = لاااا والله، دا انت قلبك جمد بقا
ضياء = وانتي شوفتي قلبي ضعف امتي.... ملاذ فكك مني
نانسى= ماهو شوف والله ما هحل عنك غير لما اعرف ايه شقلب حالك كده
يتطلع لمازن بربكه= اصل البت اللي قولتلك عليها فركشت معايا وانا مكنتش لسه قولتلها بحبك حتي.... وكمان مديرك رزل مش طايقني مش عارف ليه.. فكك مني بقا وقوليلوه استقال
نانسى = طيب والله ما تزيد فيها لا اجيلك البيت دلوقتي اجيبك من شعرك، يلا بسرعه
ضياء= لااا
نانسى= يبقا هجيلك.. وانا مجنونه واعملها
ضياء يتنهد بضيقه = خلاص ماشي
نانسى= هتيجي ولا لأ
ضياء= جاي يختي، مانتو اهم حآجه شغلكم يخلص
نانسى = نص ساعه وتكون هنا قبل ما يرجع يونس
ضياء = ماشي
اغلق معاها الخط وعاد لمازن
ضياء = اهو ده تعاملنا، لا انا طيقها ولا هي؛ وعامله فيها ست الناظره بتزعق للمواظفين
مازن = ههههه موزة ايه يا ضياء اللي بتكلمها عنها؟!،.. انا مش شايف موزز الايام دي... بتكدب عليها ليه بقا
ضياء = وانت شايفني اصلا الايام دي؛ مانت نايم علي طول؛.. في موزه وموزه جامده كمان
مازن = يعني أهو في موزه؛ و واقع معاها لشوشتك كمان؛ مخبي ليه بقا
ضياء = اصلها متجوزه وبتعند، وتقولي جوزي ومعرفش ايه... ما تتطلق
مازن بصدمه= متجوووزه؟! ضياء متهزرش اقسم بالله ما اعرفك تاني
ضياء = حبيتها الله وفيها ايه... وانا بقولها تطلق مش راضيه
مازن = ياخي انضف بقا متبقاش مقرف.... والله بتكلم جد انت لو وصلت للحته دي انا مش هعرفك تانى
ضياء = تفرق ايه المتجوزه عن غيرها
مازن = كله فساد وقرف بس بلاش خيانة... تعمل علاقة مع واحده متجوزه، دي وساخه
ضياء = انا بحبها بس معملتش علاقة لسه
مازن = حتى البصه ليها غلط... ياخي اتقي الله بقا متبقاش ضايع وداخل في اي حآجه زي الخنازير
ضياء= اها..... هشوف
مازن = دلوقتي تقولي هتكمل ولا لأ
ضياء = وهيفرق معاك في ايه
مازن = يفرق، انت لو كملت انا مش هعرفك تانى
ضياء = مقدرش يا صاحبي
مازن بغيظ = متقدرش تسيبها... ياخي انا كرهتك
ضياء= مش هي... انا عليك انت... الموزز كتير بس مش هلاقي صاحب زيك ( يتابع بعبس) ننسا اي كلام فاضي علشان خاطرك
مازن = ياعم علي الاحساس اللي طفح عليك مره واحده... بس هنشوف هتقدرني ولا لأ
ضياء ينهض ويقف امامه = انسااا، ومتخافش مش هكمل معاها... روح جهز فطار علشان انا يدوب الحق اغير
مازن = ماشي ياعم
( قالها وذهب ليدخل هو الحمام ويقف تحت الدش ويغمض عينيه بضيقه)
ـــــــــــــــــــــــــــــــــــــــــــــــــــ
(أتاها اتصال من رقم غريب)
نانسى= الو
المتصل= انزلي دلوقتي هتلاقي على الطرف التاني من الطريق حآجه تخصك
نانسى= انت مين؟!.. وايه الحاجه دي؟!
المتصل= شوفي بنفسك
قال ذلك واغلق الخط لتقف بسرعه وتنظر من الشباك وتجد صندوق هدايه كبير علي الجانب الآخر؛ لتنزل بسرعه لخارج الشركة وعندما تصل لمنتصف الطريق لا تجده، وتأخذ تنظر هنا وهناك لترا ضياء أتى من إحدى الجهات لتقف وتنظر إليه، وتنتظره لتقول له ما حدث وهي تشعر بريبه من ذلك الامر وعند اقترابه يتحاشا النظر إليها لتشعر بسؤء من تعامله، وفجأه تأتي سيارة من الجانب الآخر بسرعة وهي لا تعيرها انتباه وتنظر إليه بسخط حتى وجدته يلتفت إليها ويقول لها ان تبتعد، ثم يركض نحوها ليشدها بعيدآ لتمر السياره بسرعه؛ وان تأخر لحظه لكانت دهستها تحت اطاراتها' ليتعرقل بالأرض ويرتطم مرفقه بالرصيف، وهي تقع جانبه وتأتي رأسها على صدره، ليرفع رأسه وينظر اليها وفي تلك اللحظة تنظر إليه عن قرب ليتعمق في النظر لعينيها ويشعر بيديها تلامس صدره لترتفع عنه بسرعه، وهو ينهض ويحاول إخفاء تعبير الألم الناتج عن إصابة مرفقه، وربكته عند اقترابها منه، ليشيح بنظره بعيدآ عنها.. ويأتي الأمن ركضآ إليهم، ليمسك احدهم بيديها ويرفعها
الامن= حصلك حآجه؟!.. انتي كويسه؟!
نانسى= اه...( تتابع ) ضياء انت كويس.. حصلك حآجه؟!
ضياء يأوم ايجابآ= كويس....( يتحدث بتذمر) مش تخلي بالك شويه
نانسى تدمع = كانت قصداني صح
ضياء = لا انتي اللي كنتي واقفه في النص ( قالها وهو ينفخ من شدة الألم)
نانسى بدموع= حد اتصل بيه وقالي انزل... اكيد قاصدين يموتوني
ضياء = تصدقي انك تستاهلي.. ابقي استخدمي مخك مش توقفي في نص الشارع
( قالها وذهب لتنظر إليه باستغراب حتى دخل وبعدها تعود لداخل ولا تستطيع ان لا تنظر لمكتبه لتجده قد نزع الجاكت، ويمسك مرفقه، وقد تورم قليلآ ليغمض عينيه بألم، ثم تدخل عنده وتحاول لمسه ولكنه يوريه خلف ظهره )
نانسى بقلق = ايه ده؟!.. انت اتعورت؟!
ضياء = انا كويس
نانسى = بطل نشفان دماغ وريني لايكون في كسر ولا حآجه
ضياء بزهق = تؤ... ملاذ انا كويس شكرا، اتفضلي على مكتبك
تمسك ذراعه = ياخي بطل بقا،.. استنا هشوف
( تلمسه بخفه ليعبس وجهه من الألم ويضغط علي اسنانه.. لتهدء ملامحه و ينظر إليها ويشرد حتى رفعت وجهها ونظرت إليه بعبس لمنظر يده )
نانسى = انت لازم تروح لدكتور
يبعد يده = يخف لوحده دلوقتى
نانسى = مش هيخف لوحده، اسمع مني وروح لدكتور
ضياء = طيب ما تسمعي مني انتي وتروحي مكتبك، هخف اسرع
نانسى تتطلع إليه = انا مزعلاك فى إيه... مالك مبقتش طايقني كده ( تتابع) طيب انا اسفه لو قولت حآجه زعلتك من غير قصدك
ضياء= مزعلني كلامك الكتير، انا بزهق من الرغي... افصلي شويه
نانسى= انا قلقانه عليك بس، بتعاملني كده ليه.... ولا زعلان علشان انا السبب
ضياء= لا ياستي مش زعلان، انا بس عندي شويه دوشه ومفيش دماغ لحاجه
نانسى = طيب ممكن تروح لدكتور... عشان خاطري... لربما يكون في كسر
ضياء= يووووه قولتلك كويس
(نانسى تتطلع إليه للحظات)
ضياء بزهق= روحي.... امشي واقفه ليه
نانسى= خلاص متزعلش نفسك اوي كده.... انا بس قلقت عليك، مش برمي نفسي عليك يعنى
(استدارت لتذهب ليدخل يونس ويتقدم نحوها بسرعه، ويمسك بها ويتطلع لوجهها وجسدها بقلق، وضياء ينظر لاثنتيهم والي يديه التي تلامس ذراعيها ليبعد نظره عنهم)
يونس = ايه اللي حصل؟!.. انتي كويسه؟! حصلك حآجه
نانسى = انا كويسه بس هو وقع علي كوعه وشكله اتكسر... ومش راضي يروح لدكتور
يونس ينظر له= وهو ايه اللي وقعه اصلا
نانسى تتطلع لضياء= هو اللى لحقني، بس وقع واتعور ( قالتها لينظر لها نظر سريعة )
ضياء = انا كويس
يونس = اشوف كوعك
ضياء = بسيطة
يونس بجديه = وريني
( قالها ليتنهد بضيقه ثم يوريه مرفقه ليجد انه تورم قليلآ ويوجد به خدوش )
يونس= لازم دكتور.. يلا هنروح
ضياء = لا مش هروح، متشكر
يونس = انا قولت يلا
ضياء بتذمر = لا حضرتك دي مش تبع الشغل عشان تقولي اعمل إيه، متشكر علي اهتمامك
(يونس يتطلع إليه بشك ثم ينظر لنانسي ويمسك يدها ليحاول ضياء ان لا يهتم وبداخله يحترق)
يونس= اوكي زي ما تحب.. تعالي معايا
( اخذها لتدير رأسها وتنظر إليه وتجده يتطلع بها ولا يزيح نظره عنها لتشرد وتأخذها الحيره من ناحيته)
« مكتب يونس»
يقف امامها وهو ممسك بها وهي زهنها شارد
يونس = ايه اللي حصل ؟!..... ملاذ
نانسى تنتبه= اه... نعم
يونس = بسألك ايه اللي حصل
نانسى = حد اتصل بيه وقالي انزل عشان في حآجه تخصني، وبعدين قفل، ولما نزلت، فجأه جت عربية من ورايا بس ضياء لحقني ( تتابع بعبس) بس هو اتعور ومش راضي يروح لدكتور
يونس = اممم... ملاذ انا بدات اتخنق بجد... بتعملي فيه كده ليه؟!.... انتي عاوزة مين؟!.. انا ولا هو ولا التالت اللي انتي مشغوله بيه
نانسى= قصدك إيه؟!
يونس= قصدي انك مش مهتمه بمحاولة قتلك قد مانتي مهتمه بضياء ده
نانسى تبتعد عنه= شوف.... انا مش هكمل
يونس = مش هتكملي ايه؟!
نانسى = في جوازي منك
يونس = اهاا.... ودا عشان مين فيهم.. هو ولا التاني
نانسى تنفعل= كفايه كده، انت شايفني إيه
يونس = شايفك مهتمه بيهم اكتر منى.... وانا لو مسألتش عليكي.. انتي مبتساليش، بس مهتمه بضياء متغير ليه، ومهتمه بالتاني عشان هيقلق عليكي.. طيب وانا وكرامتي ملهوش قيمة عندك
نانسى= انا لو بغلط او حاسه بحاجه نحيت حد فيهم مكنتش هوافق علي جوازي منك.... انت اللي شكاك... انت اللي مفيش حد بيعدي جمبك غير لما تطلعوه مدسوس عليك او بيخونك
يونس= دي حقيقه، بس انتي تختلفي.... انا من حقي لو هنكمل اني محسش انك متهمه بغيري... وهتجربي الاحساس ده لو انا اهتميت بغيرك، اتغيرت ليه، وقلقانه عليه ولا لأ..( يتابع) انا طلبت ايدك مأجبرتكش توافقي، مفيش داعي توافقي مجاملة ليه
نانسى= يمكن عندك حق، بس انا طبيعتي كده، بهتم للحوليه، وملهوش علاقه بأي مشاعر
يونس= ماشي معاكي... بس بردو لازم تكوني فاكره اللي حصلك بسبب الثقه... لازم تكوني حرمتي تهتمي لحد بعد ما ساعدتيني وكنت سبب في محاولة قتلك..... وبقولهالك تاني انا مش شاكك فيكى انا بغير عليكي... ومينفعش حد غير يشغلك لحظه واحده
تتطلع اليه لتبتسم بخفه= شكلك بحبني
يونس = هو كده فعلاً
نانسى بإبتسامة= اهاا.... ماشي
يونس= ماشي ايه
نانسي = مش ههتم بحد
يونس = مش مصدق بس خلينا ورا ال.....
نانسى= ورا الكداب، ها
يونس = ورا الساذج
نانسى بإبتسامة= خلينااا ورا الساذج
يونس = اجمل ساذج في الدنيا، بس لو تهتمي بيه شويه
نانسى بإبتسامة= يونس مش ناسي حآجه
يونس يخطوه خطوه نحوها= حآجه زي ايه
نانسي تتطلع لقربه بإبتسامه = كنت هتقتلك من شويه وانت نسيت الموضوع ده وفكرت في اهتمامي بغيرك
يونس= اوبااا تصدقي صح
نانسى= اوبااا جداً.. تفتكر مين بيحبني اوي كده
يونس = هنعرف، بس لوقتها مش عاوز جنان المفروض كنتى تفهمي ان ده فخ
نانسى= وانا هعرف منين يعنى
يونس= لما حد يكلمك وميوضحش كلامه، يبقا وراه مصيبه يا حضرت المحاميه
نانسى= معرفش بقا انا لما قالي في هديه افتكرت انك انت عاملي مفاجأة
يونس= لو انا كنت كلمتك بنفسي اقولك او هجيلك لغيت عندك
نانسى= ايوة صح( تتابع) بس تفتكر انه من طرف حسام؟!
يونس= وحسام هيجري ليه، دا هيجي لغيت عندك ويقتلك وجه لوجه،بس الحركات دي متطلعش غير من فاروق الكلب
نانسى= هي كانت نقصاه ده كمان
يونس= كله هيخلص منه بس الصبر
نانسى= ربنا يستر
يونس= مش عاوزك تقلقي، انا هعينلك حراسة
نانسى= ههههه حراااسه، لا مش لدرجة دي
يونس= لدرجة دي واكتر ( يتابع) بس قبلها، انا محضرلك مفاجأة بجد
نانسى= مفاجأة إيه
يونس يمسك يدها = تعالى معايا
نانسى= فهمني الاول
يونس= تعالي بس
اخذها وذهب في وسط الشركة لينادي الجميع وهو ممسك بيدها لينظر إليها بإبتسامه، حتى اجتمع الكل بما فيهم ضياء الذي يمسك مرفقه ويقف في إحدى الزوايا، يتطلع ليديهم المتشابكه، وابتسامته لها ونظراته لوجهها.. لتنظر إليه هي من بين الحضور وتجده يضم فمه بألم، ويركز نظره عليهم ويعبس وجهه وتبهت ملامحه، ليتطلع اليه يونس وهو يعلم ما به، وبعدها يتحدث بصوت مسموع
يونس= كل يوم بتسألوني ليه مرتبطتش لغيت دلوقتي.. ومهتمين بارتباطي اكتر منى انا شخصيآ، وكنت دايما بقولكم مش لاقيه البنت المناسبه،( يتطلع لنانسي) والنهارده انا جمعتكم علشان اقولكم، اني لقيتها.. ودلوقتي بطلب ايدها قدامكم كلكم ( قالها ليخرج خاتم من جيبه ويريه لها) تتجوزيني يا ملاذ ( قالها لتبتسم بخجل وهي تنظر حولها لتقع عينيها على ضياء الذي يضم فمه باستحقار لتبهت ابتسامتها وهي تلاحظ تعابيره، لتجيب بتلعثم وهي تركيزها معه)
نانسى= م... موافقه ( قالتها ثم نظرت ليونس، ليخرج الخاتم من العلبة ويضعه بأصبعها وهو مبتسم وبعدها يعانقها امام الجميع لتتعالا اصوات التصفيق والمباركات وهي تنظر لضياء الذي يتطلع إليها باستحقار وهي مازالت بين ذراعي يونس، ليتركهم ويعود لمكتبه وبعد وقت قريب لساعتين تدخل عنده ليميل على كرسيه وينظر لها من أسفل لاعلي
نانسى= انا دلوقتي بقيت خطيبة صاحب الشركه لو مقولتش في ايه، وليه بتبصلي كده، هخليه يمشيك
ضياء = خطيبة صاحب الشررركه؟!... هي الحكاية كده يعنى
نانسى= انت بتكلمني كده ليه؟!.. عملتلك ايه انا؟!
ضياء= انا صاحب مازن.... فاكره مازن
نانسى تتسع عينيها= مازن؟!..... مازن مين
ضياء ينهض= لما تفتكريه نبقا نتكلم
نانسى= لأ فهمني الاول في ايه
ضياء= في ان هو مبيعملش حآجه من وقت اللي حصلك غير انه قافل علي نفسه وزعلان عليكي، وانتي اهو عايشه حياتك ومسألتيش فيه... بس انتي قولتيها،.. خطيبة صاحب الشركه..و مازن مهما كان معاه فلوس ف هو ميجيش ربع اللي مع يونس
نانسى تدمع= انا مش فاهمه ايه الموضوع،.. بس انا مبطلتش ادور علي رقمه علشان اطمنه.. والله انا ما استندلت معاه
ضياء= انتي حره بس انا مش هقدر اقوله اني اعرفك
نانسي= امال انت عرفتني ازاي لما هو مش عارف
ضياء= عرفت من يومين بس... اتفاجأت انك انتي
نانسي= طيب انا عايزة اكلمه
ضياء= انا برا الموضوع، وياريت ميعرفش اني عرفتك... لاني مش هقدر اقوله انك اتخطبتي
نانسى= انت عارف اللي بيحصل معايا، وانت اللي قولتلي اوافق على يونس
ضياء= انتي مكنتيش مستنيه اقولك توافقي انتي كنتي موافقه من الاول
نانسى= صح بس انا قولت لمازن اني مش عاوزاه.. وفهمته بعدين اني وافقت علشان امشي من البيت... واهو اللي كنت خايفه منه حصل،.. وهو مش مجبر يتجوزني للمساعده.. يعنى انا مش بلعب على الحبلين زي ما بتلمح
ضياء= على الأقل كنتى سألتي عليه
نانسى= والله ما قدرت اوصله، صدق... انا كلمت صحبتي علشانه.. اعمل ايه اكتر من كده
ضياء= لا عداكي العيب فعلاً
نانسى تتطلع به= بتحبه اوي كده علشان تكرهني عشانه
ضياء بتنهيده= ايوه
نانسى= كنت جيت قولتلي وانا افهمك اللي حصل ( تتنهد وتتابع) انا اتأقلمت مع فكرة اننا صحاب، مع اننا ملناش شهرين بس كنت بتفهمني، المفروض كنت فهمت اني مش بنداله دي
ضياء بتردد= فاهمك في كل حآجه، الا انتي عايزة مين فيهم.... مش حاسس انك متحمسه قوي لجوازك من يونس... يعني عريس مناسب وخلاص
نانسى تشرد = مش لازم اتجوز عن حب... انا في الاول اعجبت بمازن لغيت ما فهمت انه كان بيكدب عليه وبعدين مبقاش في اعجاب... بس يونس ساعدني كتير وكان صريح وبيحبني، ف اكيد هختار يونس، ولا انت شايف إيه
ضياء= ومازن عمل كتير، مازن بقا عنده دليل خيانة مرات اخوكي ( تحبي تشوفيه)
نانسى بصدمه= ازاي وصلها
ضياء= وصلها
نانسى= لا فهمني
ضياء= بعتني ليها، وقدرنا نجيب محادثاتها وصورها، يعني دلوقتي تقدري ترجعي وتوري الحاجات دي لاخوكي
نانسى= انت ولا مازن اللي عمل كده
ضياء= انا، بس ده لانها كانت شافت صورته ف كان هيتكشف
(تتطلع إليه في صمت ليخفض جفنه ويتهرب من النظر إليها، لتبتسم بخفه)
نانسى= طيب انت لما جيت هنا كنت تعرفني؟!.... بصراحه؟!
ضياء= لا، انا معرفتكش غير من يومين بس
نانسى بإبتسامة خفيفه= يعني ساعدتني من غير ما تعرفني وساعدتني اوصل لصحبتي.. وحاجات تاني في التليفون، وانقذت حياتي النهارده ( تتابع ) اممم، ضياء انت بجد رغم شكلك ال.... صايع يعني بس انت انسان كويس،.. شكراً بجد
يتهرب من النظر إليها= انا ساعدت صاحبي مش انتي.... انتي متستاهليش اصلا
نانسى بإبتسامة= متشكره
ضياء يحك حاجبه = ماشي.... ممكن لو هتعرفي مازن متقوليش اني عرفتك، عشان هيزعل مني
نانسى تأوم ايجابآ= حاضر
ضياء= دلوقتي بقا تقدري تخلي خطيبك يرفدني.. يا خطيبة صاحب الشركه
نانسى بإبتسامة= لأ مش هخليه يرفدك...( تتابع) بجد مش عارفه اوصف احساسي دلوقتي
ضياء= ولا اناااا. يلا امششششي، انا بكره البنات مبيجيش من وراهم غير الأذيه... ااااه يا دراعي منك لله
(تخطو خطوات نحوه وتمسك يده لينتفض بارتباك، وهي تتطلع لمرفقه الذي يزداد تورمه لتضغط على اسنانها وتعقد حاجبيها وكأنها هي من تأذت.. لينظر لها في صمت خارجي ولكن ضربات قلبه تتسارع وهو يشعر باقترابها منه وبلمسة يدها ليده، ويريد ضم يدها ولكن لا يجرأ)
نانسى = بتوجعك
ضياء يعتدل= لا عادي
تتطلع إليه= ممكن تسمع الكلام وتروح لدكتور... علشان خاط.....( تتراجع لتتابع) عشان خاطر مازن
ضياء يتطلع إليها بتمعن = عشان خاطر مازن اعمل اي حآجه
نانسي بإبتسامة خفيفه= ربنا يخليكم لبعض..... يعني هتروح
ضياء= هروح
نانسى بإبتسامة= ماشي الف سلامه عليك
ضياء= شكرآ
( تتطلع إليه للحظات ثم تستدير وتمشي لتقف عند الباب وتعود بنظر إليه لاخر مره لتجده يتطلع بها ثم تبتسم وتذهب لتعبس ملامحه ثم يجلس ويميل على كرسيه)
#ضياء
علي ما يبدو ان واحده من اللي لعبت بيهم، دعت عليه بالعذاب وربنا استجاب.. مش ممكن اللي بيحصل ده... بقا انا بمشي اتغزل في اي واحده معديه، ومش قادر ابص لدي بس... بقا انا ضياء اللي عمري ما اتهزيت اقع الوقعه دي
( جلست علي مكتبها، لتنظر للخاتم للحظات وهي تتحسسه ليشر ذهنها فيما يحدث وما قاله ضياء، ثم تميل على الكرسي وتغمض عينيها لتشعر بعد لحظات بيد تلمس وجنتيها واصبع يلامس شفتيها لتفتح عينيها بفزع وتقف بسرعه وترتطم به ليحيطها بذراعيه)
يونس= بتفكري فيه صح
نانسى تحاول ابعاده= عيب كده
يحكم امساكها= قوليلي بتفكري في مين وانا اسيبك
نانسى = مبفكرش في حد
يونس= امال ليه شرقت وانا قاعد لوحدي
نانسى = اشرب ميه
يتطلع لشفتيها= مفيش ميه.. عندك حل تاني
نانسى= لأ.. ومتفكرش مجرد تفكير
يونس يضمها إليه أكثر= افكرش في ايه مش فاهم
نانسى= انت فاهم( تبعده) متقربليش لغيت ما نتجوز
(يقترب منها مره أخرى ليضع يده خلف رأسها والاخره يحيطها بها ثم يقلبها لتبعده عنها بغيظ ثم تمسك علبة المناديل وتضربه بها )
نانسى بغيظ= يونس امشي من قدامي دلوقتي
يونس بإبتسامة= انتي قولتي اشرب
نانسى تبكي= حرام عليك انا بكره الطريقه دي( تمسح شفتيها بكفيها) قرف
يونس بإبتسامة= قررررف... انا مقرف
نانسى= ايوه دي مش رومانسيه ده قرف
يونس= ههههههه ااااه هتتعبيني انا عارف
نانسى= يونس بجد والله هزعل لو كررتها تانى
يونس بإبتسامة= متزعليش نفسك، مش هكررها تانى( قالها لتصلها رسالة على هاتفها لينظر إليها وهي تمسكه وتفتحها ويلاحظ تحول ملامحها للارتبارك)
يونس= ايه
نانسى بتلعثم= م معرفش ايه ده
(يأخذ منها الهاتف ويقرا الرساله ليعود بنظره إليها)
يونس وهو يقترب منها= ليه؟!... لييه؟!
نانسى تنظر له= ليه آيه؟!... انا معرفش ايه ده
يشدها من شعرها بغضب= دفعلك كام
نانسى تنظر له بدموع= محدش دفعلي حآجه سيبني.. والله ما اعرف حآجه
يشد شعرها اكثر = لا بس صدقتك،.... كنتى مقنعه اوى.. قال وانا صعبان عليه انك اتظلمتي واخوكي عاوز يقتلك.. وكنت هبكي من كتر حزني عليكي
تشد في شعرها منه وتبكي= والله ما بكدب عليك، دا اللي حصل فعلاً
( يجتمع الموظفين بما فيهم ضياء، ليجده ممسك بشعرها ويصرخ بوجهها، ليدخل اليهم ويبعده عنها)
ضياء = بتضربها ليه
يونس = ابعد بدل ما تتأذي
ضياء يقف امامه = قدامك اهو
نانسى ببكاء = ضياء امشي انت
يتطلع بها بحده = اركني على جمب
تعليقات
إرسال تعليق