CMP: AIE: رواية مع وقف التنفيذ الجزء الثاني2 الفصل الثاني عشر12بقلم نجمة براقة
أخر الاخبار

رواية مع وقف التنفيذ الجزء الثاني2 الفصل الثاني عشر12بقلم نجمة براقة

رواية مع وقف التنفيذ 
الجزء الثاني2 الفصل الثاني عشر12
بقلم نجمة براقة

كل الكُره والحقد المتبادل بينهم" ظهر في نظراتهم لبعضهم في مواجهة كانت قادره على قتل احدهم لولا تدخل "حاتم" قبل أن يشتبكو ليحول بينهم 

يونس يشير لضياء = انت تمشي، مفصول من الشغل ( يشير لنانسي)  وانتي تعالي...  تعالي خايفه ليه... مش هعمل حآجه ( يحاول مسكها لتختبئ خلف ضياء ليشير للأمن بأخراجه )  
ضياء = في  داهيه  شغلك  بس انا  مش  همشي من غيرها ( يمسك يدها)
يونس بغضب= ووووسع ياحاتم 
حاتم= اهدا مش كده.. خلاص يا ضياء امشي انت 
يونس= انت هتحايله ( يدفعه ليمسك بيد ضياء ويلكمه لكمه علي وجهه يطرحه ارضآ ليقع على مرفقه ويظل يلتوي ويغمض عينيه من شدة الالم، لتصرخ نانسى وتجسي علي ركبتيها وتحاول رفعه ولكن يونس يشدها من ذراعها لتنهض وتدفعه بغيظ)
نانسى بغيظ= ابعد عني...انا معملتش حآجه، ولو مش مصدقني بلغ عني( تنزع الخاتم وترميه بوجهه وتعود مره اخرى الي ضياء ليقف هو وينفث بغيظ  ليشر للأمن)
يونس = خرجوهم بره...( يتطلع للمواظفين ويصرخ بوجههم) كل واحد على شغله بتتفرجو علي أيه
( قالها وعاد لمكتبه وهو غاضب، ليأتى الأمن ويرفعو ضياء لتبعدهم نانسى عنه )
نانسى= ابعدو عنه.. هنمشي لوحدنا 
حاتم= سيبوهم...( يذهبو ليقف امامها) ايه اللي حصل
نانسى تعطيه الهاتف= شوف بنفسك، وادهولو هو اللي جابو
ضياء يأخذه منه = فرمتيه بطلي عبط بقا
نانسى= مفهوش حآجه ، خليه يشبع بيه 
حاتم يأخذه ويقرا الرساله= ولما انتي معملتيش حآجه هيبعتولك مبلغ زي ده ليه... وكمان ايه؟! ( يتابع قرائه بصوت عالي) برافو عليكي قدرتي تخليه يخطبك اتشطري وخليه يتجوزك وليكي ضعف المبلغ...( يتطلع  بها  ويتابع) ماهو مغلطش في حآجه وعنده حق اهو
نانسى= انا معرفش مين باعتها، دا أكيد واحد بيكرهو( تتنهد وتتابع) بس  هو ريحني باللي عمله، ومبقاش ليه عليه جمايل
حاتم= والله ممكن بردو... طيب يلا اتفضلو لما يهدا هفهمو
نانسى= مبقاش يفرق معايا يفهم ولا لأ.. يلا 

( قالتها لضياء ثم ذهبو سويآ وهو يمسك بمرفقه ويتألم حتى وصلو لخارج الشركه لينظر إليها ويجدها تبكي)

ضياء= بطي عياط انا مش ناقصك 
نانسى ببكاء= انا مش عارفه ازيتهم في ايه علشان يعملو فيه كده
ضياء يضغط على أسنانه من شدة الالم= ماهو من هبلك.. اااه لا مش قادر
تنسى ماهي فيه لتقف امامه بقلق = يلا هنروح المستشفى 
ضياء بألم= استني شويه 
تمسك بذراعه= متقوليش استني انت تعبان أوي

(يتطلع الي يدها الممسكه به ليبعدها عنه، وهي تنظر إليه باستغراب ثم يتهرب من نظراتها  ليتركها  وهي خلفه ويونس بالأعلي ينظر اليها)

نانسى = انت بتعاملني كده  ليه  فهمني؟!
ضياء = ملاذ اسكوتي دراعي بينقح عليه  بلاش تكوني  انتي  وهو 
نانسى تمسك مرفقه وتضغط عليه = انت هتقول  في  ايه ولا  اكسرهولك 
ضياء يبعدها = اااااه...  يخربيتك  اللي  خلفوكي اااه 
نانسي بعبس = اسفه اوي مش  قصدي...  بس انت  اصلك قليل الذوق 
ضياء بألم= اسكوووتي..  افصيييلي انا  تعبتلك 
نانسى = طيب  يلا هنروح  المستشفى 
ضياء = مش قادر اتحرك..  وقفي تاكس
نانسى = حاضر  

وقفت في  وسط الطريق  تشير لتاكسي وهو ينظر لها وسط ألمه وعندما تنظر له  يبعد نظرة عنها ولكنها تلاحظه 

نانسى = مالك؟!
ضياء = مفيش يلا بسرعه وقفي الزفت 
( تُشير لتاكسي  حتي وصلهم لتعود إليه بسرعة وتقف امامه) 
نانسى = يلا
ضياء = طيب  وسعي اعدي ازاي 

(نانسى تبتعد عن طريقه ليصعد التاكسي بجانب السائق وهي تصعد بالخلف.. ويظل ينظر لها من وقت لأخر بشكل لا ارادي ليجدها تنظر لشارع بشرود ودموعها على وجهها ليمسك منديل ويمد يده للخلف حتي انتبهت له واخذته منه،  لتنظر  له في  المرأه  بعد ذلك وتجده يحاول إخفاء ألمه لتبتسم بخفه وهو  يراها ليدير وجهه بتجاهل ) 

#نانسى 

مش عارفه  ازاي  مش  طايقني كده و وقف جمبي في  المشكله...  وبردو مش  فاهمه  انا  مزعلاه في  إيه 

#ضياء 

انا لو مزعقتش،  وبينت اني مخنوق منها مش هقدر اخفي مشاعري وهتفهم، مع اني مش متحمل اشوفها زعلانه كده، وهاين عليه اجيب يونس امسح بيه الاسفلت علشان اللي عمله معاها...  لكن ارجع واقوله كويس انه عمل كده علشان مازن 

« مكتب يونس»

كان يقف امام الشباك ليأتي حاتم ويحدثه

حاتم= كان لازم تفكر قبل ما تعمل حآجه
يونس بضيقه= انا اتسرعت فعلاً، بس ده ميمحيش ان ممكن يكون اللي في الرساله ده حقيقه،.. وانا كنت هعرف منين
حاتم= انت عارف الاعيب فاروق، ممكن جداً يكون هو اللي عملها 
يونس= وفاروق او غيره ايه عرفهم اني جمبها... مش هستبعد اللي اتقال غير لو اتاكدت من اللي قالته في الاول
حاتم= وهتتأكد ازاى وانت متعرفش حد من اهلها
يونس= مش عارف 
حاتم= انا شايف انها لو طلعت مظلومه وحبيت تصلح معاها مش هتقدر 
يونس= بس اعرف الاول وبعد كده اشوف انا اللي هسامحها علي خروجها مع الواد ده ولا لا
حاتم= وانت عاوزها تعمل ايه بعد ما ضربتها
يونس= حتي لو دبحتها متروحش مع ده بذات
حاتم= اشمعنا ده بذات
يونس= من أول يوم جه فيه وانا مش مرتاحله وكل يوم قربها منه بيزيد 
حاتم= متزعلش نفسك دلوقتي كل حآجه تبان 
يونس= ازاي بس وانا معرفش عنها حآجه؟!.. اوصل لاهلها ازاي؟!، دي حتى في القصة اللي قالتها مقالتش عناوين ولا اسماء كامله
ـــــــــــــــــــــــــــــــــــــــــــــــــــ
« في المستشفي» 

بعد وضع الضمادات وربط ذراعه جلست جانبه 

نانسى= الحمدلله مفيش كسر،  ربنا ستر
ضياء = الحمدلله 
نانسى = طيب انا مُطره اسيبك هنا
ضياء = هتروحي فين 
نانسى= همشي 
ضياء = تمشي تروحي فين 
نانسى= هشوف مكان اقعد فيه وادور على  شغل 
ضياء= مفكرتيش ترجعي لاهلك
نانسى= مش هرجع، تلاقيهم اتبرو مني
ضياء= احنا معانا اللي يثبت برائتك، واكيد هيصدقو لما يشفوه
نانسى= انت متعرفهاش دي هتطلع منها ببساطة واخويا هيصدقها زي ما بيصدقها دايما
ضياء= تبقى مش عارفه بتتكلمي مع مين، انا ضياااء يابت في ايه
نانسى= ههههه حمدالله على السلامة 
ضياء= متحلميش انا بساعد صاحبي اللي انتي نسيتيه عشان صاحب شركة معفن
نانسى = مش عارفه مالك،.. حاسه انك بتقصد تبان كارهني.... اية السبب،.. مع انك طيب والله وجدع، ف انا مش فاهمة العبرة من الطريقة دي
ضياء = ولا تفرقي معايا عشان اقصد اوصلك حآجه..  ده كفاية دراعي اللي اتشرشخ بسببك انتي مضره باللي حوليكي
توطئ برأسها= عندك حق... الف سلامة عليك( قالتها واستدارت لتمشي ليوقفها صوته)
ضياء= رايح فين
نانسي= ماشيه
ضياء= ماشية رايحه فين
نانسى= مش عارفه
ضياء=  انا هشوفلك مكان يكون قابلتي مازن
نانسى= لا كفاية كده انت تعبتك معايا قوى
ضياء= مش عشانك انا بعمل كده عشان مازن ( يتنهد ويتابع) هحجزلك الليله في اوتيل وبكره نشوف هتعملي إيه
نانسى= لأ مش عايزة
ضياء بزهق=  لأما كده، لاما تتصلي بمازن، حآجه من الاتنين
نانسى= مش عارفه هقابله ازاي 
ضياء = وانتي قلقانه من ايه
نانسى = انا لو قابلته هكون مخلياه استبن...  وهجرحو اكتر 
ضياء= استبن؟!  وانتي زعلانه علي يونس يعني؟!  حبتيه ولا ايه ( قالها وهو ينتظر اجابتها بترقب) 
نانسى تأوم نافيآ= مش حب بس رغم اللي عمله ف هو وقف جمبي وكان كويس معايا...  وحتي بعد اللي حصل مديالوه عذره الرساله مكنتش هينه بردو 
ضياء = انتي حره في حياتك بس لو مفيش ثقه اي علاقه هتبوظ
نانسى= عندك حق 
ضياء = طيب  قررتي إيه؟!
نانسى = مش  عارفه...  قولي  انت اعمل  ايه  وانا هعملو 
ضياء = واثقه في  رأيي يعني؟! 
نانسى= بعد اللي  عملته معايا  لازم  اثق فيك،..  زائد...  اني اقتنعت اني غبيه  فعلاً ومحتاجه اللي يقرر عني ( تدمع لتتابع)  انا تعبت مش عارفه عايشه ليه،  ومش  عارفه  عملت  ايه وحش علشان يحصل  كده  معايا ( تجلس وتوطئ رأسها لتضع يدها علي وجهها وتبكي،  وينظر اليها وقلبه يؤلمه لبكائها وحزنها ويحاول وضع  يده على رأسها  ولكنه يتراجع) 
ضياء = كفايه نكد انا مش ناقص...  ( يخرج هاتفه ويتصل بمازن وهي تعتدل وتمسح دموعها) 

مازن = ايوه يابني 
ضياء = عاوزك تجيني دلوقتي 
مازن = اجيلك فين 
ضياء = على المستشفى،  انا عملت حادثه 
مازن ينهض بصدمه = حادثة... طيب  طيب  مستشفى إيه  

(بعد وقت يأتي مازن ويفتح الباب بسرعه ويتقدم عنده بقلق)

مازن = ايه  اللي  حصل؟!
ضياء = وقعت واتعورت 
مازن = ياخي انا قولت رقبتك اتكسرت، وهتموت
ضياء = انا ضياااء يلا في  إيه...  مموتش كده 
مازن = بعد الشر عنك..  بس قلقتني والله 
ضياء = اصيل يابني ( ينظر لنانسي التي تقف خلف الباب ثم يعود بنظره  إليه)  وعشان اصلك انا  لقيت  الزفته اللي قرفنا بيه طول النهار
مازن بتركيز = نانسي؟!
ضياء = اه بس مش  هي نفسها...  لقيت  قبرها 
مازن = ضياء  متهزرش يا ضياء 
ضياء= بجد ماتت،  مكنتش عارف اقولك ازاي ( يتابع بضيقه)  الله  يرحمها ويصبرك 
مازن يختل توازنه ليجلس على السرير ويدمع= ضياء اتكلم بجد 

(ضياء يبتسم ويأشر بعينه لخلف الباب ليدير مازن رأسه وينظر إليها بذهول ثم  يعود بنظره لضياء ليبتسم له بخفه،.. وهي تقف في الزوايه تبتسم وسط دموعها،  لينهض ويتقدم نحوها، ويظل ينظر لها وهو غير مستوعب ويظن انه يحلم لتبتسم له) 

نانسى = قالولي انك بتدور عليه 
(يمسح علي  رأسه بتوتر ثم ينظر لضياء ويعود بنظره إليها ويعانقها فجأه لتنتفض بارتباك ولا تستطيع ضمه.. لتنظر لضياء وتجده يبتسم ابتسامه باهته تتلاشا سريعآ ثم ينهض ويتجه  للباب ليقف للحظه ينظر لها   لتبادله النظرات بعبس ثم يخرج ويتركهم.. لتشرد الي ان ابتعد عنها مازن) 
مازن بتوتر = هههه نانسي؟!...  انا اكيد مش بحلم؟! 
نانسي بإبتسامه ظاهريه= مش بتحلم....  عامل  ايه؟! 
يمسك يديها = بقيت كويس لما شوفتك...(يتابع)  كنتي  فين..  انا فكرتك..  موتي ( قالها باختناق لتلمع دمعه في عيونه لتبتسم له) 
نانسى = مموتش، ومكنش عارفه اوصلك، وملقتش رقمك 
مازن = ايوه  انا فكرت كده  بردو( قالها بتلعثم ليتابع)  حصل ايه  معاكي وكنتي فين 
نانسى = اليوم  اللي  كلمتك فيه.. بعد  ما هربت عملت  حادثة  وقعدت شهر مش حاسه بحاجه،  وبعدها فوقت و واحد  ساعدني 
مازن ينتبه = انتي  وصلتي لضياء  ازاي  او هو  وصلك ازاي 
نانسى تشرد للحظه  ثم تتابع = النهارده بس عرفته وعرفني...  احنا  كنا  شغالين فى  نفس  الشركه 
ينتبه لشعرها وملابسها= ملاذ؟!...  انتي ملاذ؟! 
نانسى = ايوة 
يشرد للحظات = يعني انتي كنتي بتكلمي ضياء  قدامي  كل ده ولا مره عرفتك 
نانسى = انا كنت مفهماه اني اسمي ملاذ ولما عرف اسمي، عرف اني انا 
يفكر لبعض الوقت ثم يتطلع بها = كنتى بتتعاملو ازاي 
تفهم ما يفكر به= زمايل بس  هو مش بطيقني خالص،  كان  في  الاول  كويس  بعدين بقا يضايق مني من غير ما  اعمله حآجه 
مازن يبتسم = كويس أوي 
نانسى = كويس انه بيكرهني...  ده محسسني اني  ضربته بنار 
مازن بإبتسامه = ده من حظي انه كرهك،  اصلك متعرفهوش هو  تخصص بنات 
نانسى = ازاي 
مازن = قولتلك قبل كده ان حد  نصحني اخد لبني في  شقه مفروشه 
نانسى = ايوة...  هو  ضياء؟!( قالتها  بذهول  ليضحك ويجيبها) 
مازن = ههههه  هو،  بس هو  بعيد  عن الموضوع  ده جدع قوى ومسبنيش دقيقة  فى  اللى  حصلك 
نانسي  تحدث نفسها  بغيظ= فعلاً  غبيه،  طلع  وحش ونجس كمان  وانا  اللي  عماله  امدح فيه  قال
مازن = مالك 
نانسى = مفيش 
مازن = طيب  يلا بينا علشان  تحكيلي  اللي  حصل معاكي 
نانسى = ماشي 

خرجو من المستشفى واتجهو لسياره ليجدوه يستند عليها لتنظر  له بسخط، وهو يلاحظ ولكن يدعي الامبالاه ويدخل السياره بالخلف تارك نظراتها الساخطه ليخرج هاتفه ويلعب به

مازن يفتح لها الباب = اتفضلي 

(تدخل السيارة ليدخل بعدها مازن ويقود لتنظر لضياء في المرأه من حين لأخر) 

مازن= يابني 
ضياء بدون النظر إليه = ارغي
مازن يتطلع به فى  المرأه = محكتليش عرفت نانسى  ازاي 
ضياء يرتبك قليلآ = سمعتها بتكلم صحبتها وبتقولها على اللى حصل 
تتطلع به لتعقد حاجبيه= إيه...  انت مش  قولتلي  عرفت  من اسمي علي  الواتس،.. وصاحبة مين اللي انا كلمتها قدامك 
(يرفع الهاتف ويواري به وجهه  ومازن يتطلع إليه) 
مازن = إيه يابني 
ضياء = عرفتها من كلامها واسمها علي الواتساب 
نانسى= طيب  ما تظبط كلامك 
(يتجاهل حديثها ويكمل) 
مازن = سيب الزفت وكلمنا 
ضياء = بكلم البت مش  فاضيلكم 

(تتطلع إليه فى المرأه وتتابعه وهو  يركز نظره لهاتفه حتى قطع تركيزها حديث مازن) 

مازن = المتجوزه يا ضياء؟!

تتطلع  لمازن باستنكار= متجوزه ايه...  مصاحب  واحده  متجوزه  بجد 
يتطلع  إليها  فى  المرأه  ليخفض جفنه سريعآ  وهو  يسب مازن فى  سره = لا ياعم  دي واحده  جديده  عارفها امبارح 
مازن = ههههه  يابني  ارحم نفسك  شويه
نانسى= هي  كده  حياته كلها
مازن = ايوه 
ضياء = لا مش  انتي  وهو،  خفو شويه،  واسكتو عاوز اركز مع  البنت

 ( قالها وهو  ينظر  إليها  فى  المرأه  لتلتقي عيونهم ليخفض  جفنه ثم يتابع) 
ضياء = مازن..  وصلني بيت بابا،  ولو حابب تفضي الشقه ليها ( يخرج نسخة المفتاح)  اهو  المفتاح 
مازن بحده = بس يا بابا، شقتك لو أخر شقة مش هتقعد فيها
ضياء يرمي المفتاح  عنده ويخفيها فى  نفسه = ماشي اهو  عندك وصلني للبيت بس 
يعيد له المفتاح = مش  هتقعد فى  شقتك، مضمنكش 
ضياء بإبتسامة ظاهريه= ايه ياعم  هنلبخ قدام  الأغراب،...  نزلني هنا  هكمل مشي 
مازن = هوصلك 
ضياء = نزلني يا مازن 
مازن = يابني  هوصلك 
ضياء = نزلننني يا مازن...  نزلني 
( قالها بتذمر لتنظر  إليه  وعندما  تتوقف السياره  يفتح  الباب  ويخرج، ليخرج خلفه مازن ويوقفه بعيد عن  السياره  بمسافه لتنظر اليهم، وتركز نظرها عليه  وهو  يتحدث بضيقه  ولكن  لا تسمعه) 

مازن = ضياء  انا  اسف 
ضياء  بضيقه = انا قولت  اساعد.. علشان  لو مكنتش  قالتلك ف هي بقت في  الشارع  دلوقتي،..  مش  علشان  اشقطها واروحلها يعني...  وتاني مره  تتهمني اني  هغدر بيك....( يتابع  باختناق)  انا  فيه  كل  العبر بس  مخونش صاحبي يا مازن
مازن  يعانقه= عارف يابني  والله  عارف،  انا  بهزر معاك  بس 
(يبعده عنه ويذهب) 
مازن = ضيااااء انا اسف

 ( لم يجيبه ليعود لسياره وهي تظل تنظر  إليه  وهو  ذاهب حتى دخل مازن عندها) 

نانسى = مكنش  لازم  تقوله كده 
مازن = كنت  بهزر معاه 
نانسى= باين  عليه  بيعزك
مازن بإبتسامة = احنا  صحاب  من صغرنا 
نانسى = ربنا  يخليكم لبعض 
مازن = انتي  عارفه؟! انا قولتله كلمه زي دي  لما  طلب يشوف  صورتك  ف حلف ما يشوفها،..  يعني  لو شافها كان  عرفك من زمان وريحني 
نانسى = صح 
مازن = طيب ايه رايك  هتقعدي هناك  ولا  تقعدي مع  ماما  يكون لقينا حل 
نانسى = لا انا  هتصرف متشغلش بالك 
مازن = لا طبعا  هشغل بالي،  انا  مش  هسيبك  تاني 
نانسى = مغيرتش رايك  لسة؟!
مازن = اغير رايي؟!   انتي  مبقتيش عاوزاني  ولا  ايه 
نانسى بتنهيده = ممكن  نتكلم  في  الموضوع  ده  بعدين 
مازن = اها ممكن...( يصمت للحظات  ثم يتابع  بتساؤل)  هو  انا  ممكن  اعرف  مين  الشخص  التاني  اللى  صوروكي معاه ( قالها ثم تطلع  عليها لتتنهد ثم تجيبه) 
نانسى = هحكيلك كل  حآجه 

ـــــــــــــــــــــــــــــــــــــــــــــــــــ 

كانت تقف في البلكونة تنتطر عودته، وعندما تراه تركض للباب تنتظره حتى وصل وعندما يراها يكمل طريقة لتمسك بيده 

سمر= ممكن خمس دقايق بس 

(يأوم ايجابآ ثم يذهب معها  لداخل)
 
عمر = في إيه هتقولوه تاني؟!
سمر = قبل اي حآجه..  انت عندك  شك اني  بحبك؟! 
يأوم  نافيآ = لأ،  بس اللي  بتقولوه ده  يكسر،  وانتي  فاهمه  كل  حآجه ( يتابع  باختناق)  لما  انا  اكون  ماشي  وسط الناس رافع راسي؛  وفي  نظر حد  اني مش  راجل  تبقي  بتكسريني يا سمر  
سمر تمسك يده = اكسرك؟!...  دا انا  افديك بروحي  يا عمر،..  والله  ما تطلب روحي  دلوقتي  ما هستكترها عليك...  بس ممكن  تديني مهله عشان  مش مظبطه الأيام  دي
عمر= مهله لأيه بظبط
سمر=  لأني  اظبط اموري واعيد حسباتي،  انا  لسه  مفوقتش من صدمه  موت ماما  وياسين 
عمر = خدي وقتك وانا  معاكي  بس في  المقابل  مش  عاوز انك  تجرحيني انتي  وشهد 
سمر= حاضر 
عمر = وبنسبه لشهد اقنعتك بردو انها  بريئة وطفله 
سمر = شهد  بريئة،  انتي  لازم  تصدق  كده  علشان  متندمش علي  سؤ فهمك بعدين 
عمر = سؤ فهم  ايه يا سمر، انا  سمعته بوداني بيكلمها،  انتي ليه مش مصدقاني
سمر = مش  كل  حآجه  بنشوفها بنفهمها...  شهد  لو زي ما  بتقول  كانت  اهتمت بمظهرها زي البنات  اللي  في  سنها وحملت اغانى  على  تليفونها...  شهد  كل  وقتها في  القراية  وزي مانت شايفها عقلها كبير  ومستحيل تغلط الغلط  ده 
عمر = مش عارف بقا 
سمر = فاكر  الرساله  اللي  بعتهالي معاها  يوم  ما قبلتني ومعرفتكش
عمر= فاكر....  بس  دي تختلف 
سمر = لا،  دي زي دي...  كتير  الحقيقه  بتكون  قدام  عنينيا واحنا  مبنشوفهاش، رغم ان كتير علامات بتقابلنا،  بس  احنا بنحب نتجاهل علشان  منتجرحش
عمر يتطلع  إليها = رجعتي تاني  لتلمحاتك..... لسه  بردو مُصره تشككيني فيها 
سمر = انت بره  الموضوع...  بس ممكن  اسألك  كام سؤال  وتجاوب من غير  ما تضايق 
عمر = اسألي
سمر= قولتلي  ان عنود من كتر حبها فيك عرضت عليك  تجوزو عرفي
عمر = حصل
سمر= وزي ماحنا عارفين  ان عنود ست شيك ومعاها ڤيلا وعربيات.... وفاجئتنا وقبلت تجوز في  شقه  في  منطقة  شعبية؟!
عمر = حصل واهي  عايشه  معايا على شغلانتي البسيطة
سمر = وبنسبه  لبطنها،  اللي مفروض  على  كلامك انها   داخله  في  التالت... مع جوازكم بظبط 
عمر = ايوه 
سمر = طيب  اتعب نفسك  وبص لبطنها وابحث على  شكل  بطن الست بيكون  ازاي  في  كل  شهر 
عمر = عاوزة  توصليلي ايه  من الاخر؟!..  عاوزة  تقولي  انها  حامل  من قبل الجواز  صح؟!...  قولي؟!
سمر = انا  امتي قولت  كده...  مقولتش  كده  ياعمر 
عمر  بانفعال = قولتي...  بتعملي  فيه  كده  لية افهم ( تحاول لمسه ليدفع يدها)  ابعدي متلمسنيش...  يعني  انتي  عاوزاني  اكدب عيني  اللي  شافت هيثم  اكتر من مره  داخل  لشهد،  واصدق انها  بريئة  وجايه تشككيني  في  عنود عشان بطنها كبيرة... اي  منطقه واي دين بيقول  كده  ...  ياشيخه حرام  عليكي..  انتي  كده  مش  بتضريها هي..  انتي  بتطعنيني انا  ( يتابع  بنرفزه)  ولما  انتي  شيفاني خرونق كده  قولتي  نتجوز  ليه  ..  هتعملي  ايه  بواحد زيي 
سمر = عشان  خاطري  اهدا..  انا  اسفه  والله  اسفة 
عمر يحاول فتح  الباب  لتستند عليه  وتمنعه= ابعدي عاوزة  امشي،  مش  هقعد دقيقة واحدة 
سمر = لا مش  هتمشي غير  لما  تهدا
عمر يدمع ويتحدث بقهر = انتي  فاكره  اني  ممكن  بعد  اللى  بتحاولي توصليه ليه،  هقدر  اهدا..  ولا  يكون  فاكره  لو طلع  صح  هسيبها واجيلك نعيش في  ثبات ونبات،  ..  لا يا سمر  احلفلك اني ما هقدر  اوريكي وشي  لا انتي  ولا  غيرك 
تنظر  إليه  بدموع لتطوق رقبته بذراعيه وتعانقه ليخبئ وجهه  في  كتفها ويبكي بدون  صوت ثم يبعدها ويخرج،  لتضع يدها  على  فمها وتركض لغرفتها وتظل تبكي  ،  لتأتي شهد  وتدخل عندها 

سمر ببكاء= حتى لو ياسين صور حآجه هوريهالو ازاى بعد اللي قاله.. اكيد قلبه هيتكسر
شهد= يعني ايه؟!... هتسيبي حق ياسين وحقي علشان خايفة قلبه يتكسر.. مايتكسر.. انا عن نفسى بتمنا قلبي يتعصر عصر، هو يستاهل
سمر= هو معملش حآجه يستاهل يحصله كده عشانها
شهد = عمل يا سمر...  انتي  قولتي  ان أهله مكنوش موافقين،  وهو  اللي  مسمعش كلامهم...  وضربني،  وياسين  مات بسببه،  وقال عليه  كلام  وحش  
سمر = ليه عذره،  ولو عرف الحقيقة هيعتذرلك،  بس هو ملهوش ذنب في حآجه،  هي اللي خبيثه، وشيطانه
شهد = يعني هتسيبي حق ياسين ( تدمع)  بلاش انا،  بس ياسين صغير وهما قتلوه،  هتسيبي حقه علشان خايفة عمر يزعل 
سمر = انا  مقولتش كده،  مش هرتاح غير لما اجيب حقه،  لكن انا صعبان عليه عمر 
شهد = لو صعبان عليكي سيبيني انا اقول لناس وافضحهم 
سمر تعتدل وتنظر لها بحده = انتي بذات متتكلميش علشان اللي عملتيه لسه هحاسبك عليه..  انتي شوهتي سمعتك وسمعتي وحتي مش عارفه اقنع عمر انه بيجي يهددك 
شهد = انا مكنتش فكراه هو 
سمر = انا نبهت عليكي وقولتلك متفتحيش غير لو عرفتي ان انا اللي علي الباب
توطئ برأسها = اسفه
سمر= وهنعمل ايه بأسفك دلوقتي لما سيرتنا بقت علي كل لسان في المنطقه كلها...  ربنا يسامحك،  سيرتنا نضيفه طول عمرنا ودلوقتي الناس بيقولو صدقو ما اهلهم ماتو عشان يعملو اللي عاوزينه
شهد بدموع= انا اسفه 
سمر = اطلعي وسيبيني لوحدي 
شهد = حاضر 

شهد خرجت من الغرفه لتتجه هي لدرج وتأخذ منه دفترها لتدون به ما حدث معها وهي تتذكر ما قاله للتساقط دموعها علي صفحة الدفتر

ـــــــــــــــــــــــــــــــــــــــــــــــــــ 

ينام علي يساره معطي ظهره لعنود لتاتي من خلفه  وتضع يدها علي كتفه وتميل عليه 

عنود = مالك ياحبيبي
عمر = عاوز انام 
عنود = ما اديك صاحي 
عمر ينهض = بكره هنروح لدكتور 
عنود = اوكي حبيبي نروح ونشوف البيبي 
عمر = مستعده يعني 
عنود = ايوه بكره الصبح نروح سوا 
عمر = ماشي 
عنود = طيب قولي في ايه من ساعه ما رجعت وانت مش علي طبيعتك 
عمر = مفيش،( قالها ثم استدار لجهه الاخر وتمدد ليظل طول الليل مستيقظ ويفكر فيما قالته سمر وشهد) 

ـــــــــــــــــــــــــــــــــــــــــــــــــــ 

« في المستشفي» 

تغفو وهي جالسه على مقعدها بجانب ابيها ليفتح سعد الباب ويدخل ويجدها هكذا، ثم يتقدم نحوها لينظر إليها وهي غارقة في نومها ورأسها مائل بشكل غير مريح،  ليقرب يده بحرص ويحاول عدل رأسها.. لتستيقظ بفزع ثم تهدا عندما تجده هو 

سعد = انا 
لبني = جيت امتى 
سعد = لسه حالا 
لبني = مستنتش ليه لصبح 
سعد = مكنش ينفع اسيبك لوحدك 
لبني تتطلع اليه ثم تجيب= لا كتر خيرك 
يتجاهل ما ترمي إليه = هتروحي ونيجي الصبح 
لبني = لا 
سعد = هو مش محتاجك دلوقتى،  هو محتاج ممرضه وقعدتك مش هتفيده
لبني= مش هسيبه،  مش يمكن ميبقاليش غيره اقعد معاه ( قالتها لتدمع وتدير رأسها لتخبى وجهها منه) 
سعد= انا خالك وهتلاقيني جمبك وقت ما تحتاجيني،  وانتي  تقدري  تعيشي مع بابا وماما وانا اللي همشي 
لبني = انا مكنتش قاعده هناك غير عشانك انت..  ولو انت مش هناك انا مش هقعد
سعد= زي ما تحبي وبردو هفضل خالك وقت ما تحتاجيني هتلاقيني 
تقف امامه وتتطلع لعينيه= خالي ازاي بعد الي حصل بينا..  هو في خال يحب بنت اخته  ( تنزل كم الفستان لتكشف عن كتفها لينظر لها في صمت) خالي ازاي،  هو في خال ينفع يقرب لبنت اخته زينا ( قالتها وهي تقترب منه وتقبل عنقه) وفي واحده تبوس خالها كده بردو ( انتقلت لوجهه لتطبع قبلتها علي وجهه وهو يظل ثابت مكانه لم يحرك ساكن لتنظر اليه بغيظ) ده. مش ثبات علي الموقف ده برود...  انت بااارد ( قالتها لينظر لها بهدوء) 
سعد= ماهو علشان انتي بنت اختي منفعتيش معايا،  محركتيش ساكن عندي 
لبني = هه....  ماشي هنشوف الموضوع ده في البيت..  وهنشوف هتفضل ببرودك ده ولا لأ 
سعد= الموضوع  ده  لو اتكرر انا هضربك...  عيب اووي اما  تعملي  الحركات دي مع خالك اللي رباكي 
لبني= ماشي لو قدرت تضربني وقتها انا مش هقربلك تانى،  بس لو اتهزيت لحظه تنسي خالي دي...  انت مش خالي...  انت جوزي ولو حابب هجبلك القسيمه 
سعد= لبني،  كفايه عيب يا بابا....  مينفعش اللي بتعمليه ده حرام عليكي وعليه 
تمسك في ثيابه بغيظ= متقوليش حرام تاني ( ينزع يديها عنه بهدوء ثم يستدير على الجانب الآخر من السرير وبيظر لمصطفي لتنظر له بغيظ) 
لبني= اااابرد براحتك،  لينا بيت اعرف امسكك فيه 
يخفي بسمته = انت هتفوق امتي 
لبني = انا بكلمك 
سعد = اشششش ابوكي تعبان،  بلاش يموت ليكون بينا دم..  مينفعش الخال وبنت اخته يكون بينهم دم 
لبني بغيظ= استفزززني كده كتير،  استفزني 
سعد = ايه يا مصطفى تعبتنا يا راجل قوم 

(تنظر له وهي تفكر كيف تراوده عن نفسه لتبتسم عندما تتذكر شيء ثم تجلس وتضع قدم على الاخرى  لترفع حاجب وتنظر إليه بمكر ليتجاهل نظراتها ثم يتجه اليها)
 
سعد= هتروحي معايا؟!
لبني تقف امامه = شوف يااااا......  ياسعد ياسعد يا سعد يا سعد....  تمام  اوي اتعودت علي اسمك يا سعد 
سعد = وبعدين 
لبني = انت دلوقتي وقفت صنم.. وبتقول اني محركتش ساكن ليك علشان انا بنت اختك 
سعد = ايوه 
لبني = اوكي،  محتاجه خمس ايام وهبات معاك في اوضتك،  ولو مقدرتش اعمل حآجه انا هوافق علي  كلامك وهمشي او انت تمشي زي ما تحب 
سعد = دي اسمها قلت ادب 
لبني = تبقا  خايف 
سعد= لبني حبيبة خالو غلط يا حبيبتي،  مينفعش نتحدا بعض في حآجه زي كده 
لبني = ماهو لو انت شايف نفسك خالي بجد مش هيأثر عليك...  وبعدين خايف ليه ماهما خمس ايام وفي النهايه همشي لوووو مقدرتش اثر فيك
سعد = لا مش  هعمل كده 
لبني = تبقا خايف وضعيف وانا اقوا منك 
(سعد يتطلع بها بصمت)
لبني = لو قولت انك خايف وضعيف انا هتنازل 
سعد = انا خايف عليكي انتي لما تلاقي رفض،..  وبعدين  هتتعقدي بسبب كده 
لبني = ملكش دعوة بيه 
سعد = اوووكي موافق 
لبني تبتسم بمكر = بتوفيق 
سعد = طيب هتروحي ولا هتقعدي
لبني = هروح طبعاً 
سعد = طيب اتفضلي 
لبني = ثانيه واحده ( قالتها وعادت لأبيها لتمسح على راسه وتقبل جبينه ثم تذهب وهو يسبقها بخطوه لتلحقه وتمسك يده ليتوقف وينظر إليها) 
سعد = احنا في مستشفى 
لبني = خالي وماسكه ايدك فيها ايه دي،  ولا انت خايف من لمست الايد( قالتها وهي تحتضن كفه وترفع حاجبيها بمكر وتبتسمله) 
سعد يتنهد = لا عادى  اتفضلي  

ذهب وهو ممسك يدها لتزيد في ضمها وهو يخفي شعوره في نفسه حتى صعدو السياره لتنظر اليه بإبتسامه حتى وصلو المنزل ليتركها عند الباب ويدخل غرفته،  وهي تسلم على الموجودين وعند وقت النوم تذهب لغرفتها وترتدي فستان قصير بالون الابيض، وتضع عطر وبعض مساحيق التجميل الخفيفه، ثم تتجه لغرفته لتجده نائم ويضع الوساده علي رأسه ولكنها تعلم انه مستيقظ لتبتسم ثم تمشي وهي تدب على الأرض،  ثم تمسك هاتفها وتشغل اغنية وتتمايل امام المرأه ليرفع الوساده قليلآ وينظر إليها والي ثوبها  القصير الكاشف لساقيها وذراعيها ويظهر تناسق جسدها بشكل مثير،  ليستدير لجهه الاخرى ويبتسم وهي تطفئ الاغنيه وتذهب الي سريره وتتمدد جانبه ولا يلقي لها بال لوقت طويل لتنهض بغيظ وتمسك الوساده ليدير رأسه إليها 

سعد = خدتيها ليها 
لبني = دي مخدتي واخدها ليه 
سعد = اشبعي بيها ( قالها ليشد الغطاء علي نفسه ويبتسم لتشده من عليه بغيظ ثم ينهض وينفخ بضيق) 

سعد = اووووف يابنتي اهمدي عاوزة انام 
لبني = ما تنام حد حايشك 
سعد = انتي  حيشاني بالاغاني بتاعتك ودوشتك والقرف اللي بتعمليه 
لبني تميل عليه بدلال = مش خالي وبدلع عليكي يا سعدوشي 
سعد= ندلع في الصبح علشان دلوقتي فاصل ومصدع 
لبني = طيب ما تقول كده..  دقيقه انا هدلكلك دماغك ( تجسي علي ركبتيها وتدلك رأسه وهي تنظر له بمكر ليبتلع لعابه بتوتر ثم تميل عليه  وتطبع قبله علي جبينه بدلال ليغمض عينيه ثم تبتعد وتنظر لوجهه بإبتسامه خفيفه حتى فتح عينيه لينظر لعينيها مره وشفتيها مره  ثم يمد يده لوجهها ويتحسسه بلطف ويأخذ يقترب منها وفجأه يدفعها علي وسادتها) 

سعد = اتخمدي ها...  انا استاذك مش  هتضحكي عليه 
تنهض = استااااذي،  ماشي ( تضربه بالوساده)  نااام...  وانا  هنام  هنا  واي انسحاب هفهم انك خايف يا سععععد يا سعد 
سعد =  اتخمدي( قالها ليتمدد علي ظهره ويضع ذراعه على عينيه وهو تظل جالسه تتطلع به بإبتسامة حتى غلبها النوم ونامت جانبه ليزيح ذراعه ويستدير وينظر إليها بتأمل لترسم بسمه على شفاه،  ثم يمد يده ويمشي بلطف علي وجهها ويزيح شعرها عنه حتى  اقترب الفجر ليغمض جفنيه وقد غلبه النوم وهو يضع يده علي وجهها 

ـــــــــــــــــــــــــــــــــــــــــــــــــــ 

« منزل ضياء» 

كانت تدور في المنزل وتنظر لجدران والاثاث، والي صور ضياء المعلقة بالحائط واشيائه الموضوع في كل مكان لتقف امام صورته وتحدثها 

نانسى= بيتك غريب زيك.. اوضه حلوه والتانيه وحشه....  بس عارف رغم انك طلعت صايع وضميرك اسود ونيتك مش نضيفه بس مازن عنده حق،  جدع وصاحب صاحبك وصحبتك،  الحقيقه انت مبتقصرش أبداً، عامل زي عود كبيرت وقع على كوم قش واخد في وشك وطايح....  بس انا بردو مش عارفه انت متغير معايا ليه،  وربنا رحمك ان معنديش تليفون كنت كلمتك وسألتك متغير معايا ليه ( ظلت تنظر إليه لتجذبها ملامحه وخضرة عينيه لترفع يدها وتلمس الصوره ثم تبتعد بسرعه وتتنهد بضيقه وربكه) 

ـــــــــــــــــــــــــــــــــــــــــــــــــــ 

كان متمدد على سريره يُمسك  هاتفه ويتطلع لصورتها بملامح باهته، ليتذكر ما حدث معاها،.. دموعها،  وابتسامتها،  وقربها منه عند وقوعهم،  وطيبتها،  وساذجتها المفرطه،  وعينيها،  واخيرآ يتذكر كلمة مازن لينزل هاتفه ويتنهد بضيقه ثم يتطلع إليها مره اخرى ويحدثها في نفسه 

ضياء= عمري ما كنت  كتوم كده...  دايما  بقول اللي  حاسس بيه لاي حد،  بس دلوقتي انا مش قادر اتكلم مع صاحبي  الوحيد في اهم حآجه بمر بيها،...  محتاج  اتكلم  معاه أوي،  بس انتي السبب فأني مش  هتجرء حتى  اخليه يحس....  انا اول مره اعيش احساس الحب والكره في  نفس الوقت... انا بكرهك بجد....  ياريت عدتهالك فتح يا اعما اللي  قولتيها والله ما كان هيجرالي حآجه....  انا بكرهك يا ملاذ ( يتنهد باختناق ليتمدد ويغمض عينيه حتى وصله اتصال من زمان ليعتدل ويجيبه) 

ضياء = افندم اي تهمه تانيه 
مازن = متزعلش  بقا ياعم،  دا انت حبيبي،  طيب  والله  مستعد أتمنك علي  عمري  وما اقلق دقيقة 
ضياء بتنهيده= انت مش فاهم حآجه....  بس  لو هموت  مش  هفكر اغدر بيك...  اطمن 
مازن = عارف والله ياصاحبي انت جدع يلا 
ضياء = شكراً 
مازن = طيب إيه 
ضياء = ايه انت...  عملت ايه معاها،  قررت إيه 
مازن = مش عارفه لسه، اهي قعده في شقتك يكون لقينا حل
ضياء يبتسم ويتابعه= مفكرتش تخليها ترجع لأهلها احسن
مازن = لأ مش  هترجع،  انا هتجوزها،  وبعدين  بقا  نشوف  هترجع  ولا لأ 
ضياء = وهي رأيها إيه 
مازن = هي  خايفه  ترجع تاني 
ضياء= طيب ما احنا ممكن نعرف اخوها اللي  حصل  وكده مفيش  مشاكل 
مازن = بتقول ان ظهورنا هيثبت كلامها حتى  لو عرف  خيانة مراته 
ضياء = ايه التفكير  السلبي ده...  هي  لازم  تحاول على  الأقل يمكن الدنيا  تتظبط وبعدين  اتجوزها.. مش  بدل ما تتبهدل 
مازن = اتجوزها  الاول  وبعدين  تروح انا مضمنش اخوها ممكن يعمل ايه 
ضياء = اممم...  كلمتها في  موضوع  الجواز؟!
مازن = كلمتها وقالتلي نتكلم  بعدين 
ضياء= قالتلك ايه اللي حصل معاها 
مازن  بتنهيده = قالتلي  وزعلت اوي انها اتخطبت بس اهو  غار...  وقالتلي  على  اللى  انقاذك ليها ( يتابع)  بس بصراحه...  انت عرفت  انها  هي  من امتي  ومتقوليش النهارده 
ضياء = النهارده بس 
مازن = لا انا  متأكد  انك  عرفها من قبل بس  ليه  مقولتليش
ضياء بتنهيده= خوفت تزعل  لو عرفت  انها  هتتخطب
مازن = ولما  قولتلي  انها  بتدور علي  واحد،  كنت قاصد وعارفها بردو 
ضياء = انا  عرفتها لما  ورتني صورة الدكتور اللى  زعلت  معاه 
مازن = طيب بصراحه،  وصدقني ما هزعل مهما كانت اجابتك 
ضياء بربكه= ايه 
مازن = وانت بتحاول توقعها،  لقيت  منها  استجابه 
ضياء = لأ،  محصلش  ولا لحظه حسيتها مالت...  هي  هبله  اه بس انا مفرقتش معاها،  .. وكمان انا مطولتش ومزودتهاش يدوب تعارف وبعد كده لا بقيت طايقها ولا هي طيقاني
مازن = وانت محستش نحيتها بحاجه؟! 
ضياء= ايه اللي  بتقوله  ده،  انا  ضياء  اخرى يومين  سلاوه وخلاص 
مازن = محستش نحيتها بحاجه يا ضياء؟!  رد علي  قد السؤال 
ضياء = لأ 
مازن = طمنتني
ضياء = ربنا يطمنك دايما 
مازن = انا  منمتش لدلوقتي وانا  بفكر في  الموضوع  ده،  ومرعوب يكون حصل حاجه تخسرنا بعض 
ضياء = تخسرنا بعض؟!...  يعني  لو حصل  هتخسرني 
مازن = لا مقولتش  كده بس  مش  هتحمل ان يكون  حصل  حآجه بينكم حتي  لو اعجاب 
ضياء بتنهيده= متقلقش يا صاحبي،  انت عارفني مش  بتاع  مشاعر، ولو حصل  كنت  حكتلك من الاول  زي ما  بحكيلك  دايما 
مازن = ماهو ده اللي  مطمني انك مجبتش سيرة زي الباقين 
ضياء = خير يا صاحبي ربنا يتملكم علي  خير 
مازن = وعقبالك 
ضياء = انا  ضياء  يلا في  إيه...  مقعش وقعتك...  يلا غور صحتني من احلي نومه
مازن = ههههه ممدتش حرف الألف  ليه
ضياء = يااااخي دا انت  عيل بارد غور  هنام 

( قالها  ثم أغلق  الخط وظل ينظر لسقف بشرود حتي  غفا) 

ـــــــــــــــــــــــــــــــــــــــــــــــــــ 

كان متمدد على  سريره يتطلع  لصورها على  هاتفه حتي وصله اتصال  من رقم غريب  

يونس = مين
عادل= كويس انك صاحي 
يونس = انت مين
عادل = انا  محسوبك احمد...  خطيب مراتك 
يونس = مراتي مين اللي  انت خطيبها
عادل= هي  مفهماك ان اسمها  ملاذ بس الحقيقة  هي  مسمهاش ملاذ هي  اسمها  نانسي ( يعتدل في  مجلسه) 
يونس باهتمام= وبعدين عاوز ايه 
عادل = عاوز اقولك  انها  مش  كويسه  وبتصاحب شباب بما فيهم  الواد اللي  اسمه ضياء 
يونس = وانت ايه دليلك 
عادل = حالا الدليل هيوصلك وتشوف بعينك افتح الواتس
( فتح  الواتساب وانتظر حتي  وصلته رسائل بصورها معه ومع مازن ليمسح على  وجهه ثم يجيب) 
يونس = ماشي هي بنت  مين عشان  مفهماني ان اهلها ميتين
يونس = بنت راجل  غلبان جابتله العار وهربت مع واحد تاني...  انا  قولتلك  عشان  ارضي ضميري ( قالها  واغلق الخط) 
يونس= الووو( اعاد الاتصال  به ولم يجيب ليعيد النظر في  الصور ويدقق النظر  بهم   ويتعرف على  مازن ليضرب رأسه بغيظ ثم ينهض ويتصل  ب حاتم) 

حاتم  بصوت نائم= ايه 
يونس = عاوز رقم مازن  ابن خالتك  او عنوانه( يتذكر شيء)  لا خلاص  أقفل انا افتكرت
تعليقات



حجم الخط
+
16
-
تباعد السطور
+
2
-