رواية جريمة عشق
الفصل الحادي والثلاثون و الثاني والثلاثون31و32
بقلم مريم نصار
هستنى تعليقاتكم . دمتم في آمان الله
#رواية_جريمة_عشق
بسم الله نبدأ
نهاد صرخت وهدى خرجت بسرعه :-بسم الله في ايه يا نينا نهاد
نهاد :- انزلي اجري وجيبيلي زياد لسه نازل انزلي
هدى :- طيب افهم انتي بتصرخي ليه
نهاد :- يوووه انا قلت انزلي هاتيه .. قوليله نانا بتموت بسرعه ابنك هيموت نفسه .. ابنك رايح لعاصم برجليه انزلي
هدى :- خرجت جري ع البلكونه والحمدلله لمحته وطاهر كان معاه وزياد لسه بيركب وراه على الموتوسيكل:-
زياد يا زياد الحق نينه نهاد تعبانه قوي
زياد سمع الكلمه . وجيري هو وطاهر وكمان الجيران ونهاد عملت نفسها انها تعبانه وصممت ان زياد يفضل جمبها اليوم كله
------------
. اليوم بالنسبه . للعرسان طارق وجاسر واشرف بيمشي ببطء ..لكن بالنسبه ل رنا وهنا وملك خلاص كام ساعه و يكونوا جاهزين . واليوم بيعدي بسرعه ..
. آدم بيحاول على قد ما يقدر يخلص شغله . وصمم ان بيتر يكون موجود في الفرح اول واحد . ومصطفى جاب هديه لشيرين وفستان علشان فرح ابنهم وحجز لها ليله في الفندق علشان يجدد ذكريات زواجهم .. ومحمد اتفق انه هيقضي الليله عند اولاد عمه علشان مش هيبقى حابب البيت من غير وجود اشرف ورنا ومريم ... ومحمد قال لابوه انه هيخربها في الفرح
اما خالد جهز كل حاجه على اكمل وجه ودبح كمان عجلين بمناسبه فرح بنته ملك ووزعهم على الفقرا وراح يجهز نفسه علشان يروح على القاعه قبل منهم ويستنى علشان مشتاق يشوف ابنه ومراته لتانى مره من يوم كتب الكتاب
اماعاصم مخنوق ومتدايق لان جاسر بعتله كارتين دعوه علشان يعزمه بمناسبه فرحه وفرح اخته هنا
وعاصم مش عايز يروح لكن عايز يشوف مريم باي طريقه وفك الشاش من على وشه وكان وشه في اثار خفيفه لكن حرف H واضح في خده وده دايقه جدا لكن هو كمان قام يجهز نفسه هو وابتسام علشان يروحو الفرح . وكمان سوزي اتصلت عليه وعرفته انها كمان معزومه من طرف جاسر
---------بقلم Mariem Nasar
مريم قاعده والبنات بتحط ماسكات ورنا وملك وهنا صمموا ان مريم لازم تهتم بنفسها و تعمل زيهم بالظبط ولكن مريم رفضت وبتصميم شديد منهم انهم هيزعلوا منها و لازم تهتم بنفسها مش شرط تكون عروسه علشان تهتم بجمالها ومريم وافقت وكل حاجه هما بيعملوها للعرايس بيعملوها ل مريم بالظبط
وبعدها آدم بعت غدا ل مريم وكل الموجودين كانو مبسوطين جدا من آدم لأنهم كانوا واقعين من الجوع واتصل عليها وطمنها وقالها انه هيحاول ع قد مايقدر يخلص شغله ويجيلها ع السنتر ياخدها وأكد عليها انها تاكل كويس علشان اليوم طويل عليهم .. وكمان قال
آدم :- مريم افتحى شنطتك كدا
مريم :- ثوانى حاضر .
مريم فتحت الشنطه وكان موجود فيها شيكولاته وكان ملفوفه ف لفة هدايا وعليها ورقه صغيره ومكتوب عليها . الساعه دلوقتي ٥ وعايز اقولك انك وحشتينى اوى بحبك adam
مريم بسعاده:- والله انا الل بموت فيك وبعشقك ربنا مايحرمنى منك يا آدم انت رزق يا آدم
آدم :- حبيبتي انتى الل ربنا رزقني حبك
وقفلو الاتنين وكان عندهم احساس مختلف وعيزين يكونو ف حضن بعض ف اللحظه دي
وبعدها بشويه
هنا اتكلمت مع مريم
هنا :-عارفه يا مريم انتي جميله اووي وكمان بالنقاب اجمل بس ساعات بزعل علشانك
مريم :- بتزعلي ليه مش فاهمه
هنا :- يعني كل ده نقابك . واللبس ده ما بيدايقكيش
مريم ابتسمت :- وهل حافظ الشيء يؤذيه .. انا عمري ما اتدايقت من نقابي .. بالعكس ده فخر لياا وكمان زينه للمراه وانتي ماشيه كده بتبقى واثقه من نفسك . و ماشيه بفخر وبعزه وكرامه . ماشيه و متاكده ان مفيش راجل هيلاقي فيكي فتنه واحده يبص عليها .. او ظاهره علشان يطمع فيها وكمان النقاب يا هنا مش للجميله وبس . و برده هاقولك ان مفيش بنت وحشه النقاب للعفيفه اللي زاهده الدنيا ومش طمعانه في الفتن
هنا :- بس يا مريم مش كل المنقبات البنات بيتجوزو . لان وشهم بيبقى متغطي في اكيد النقاب هيأخرهم عن الجواز . عن البنات التانيه
مريم :- حبيبتي انا اهو منتقبه واتجوزت قبل منكو . وبعدين النقاب طاعه والزواج رزق فكيف لطاعه ان تمنع رزق
هنا :- مش لاقيه كلام تقوله ومريم حست ان هنا محتاره وكمان ملك وقالت .. بصي يا هنا انا لما ببقى في بيتي ببقى ملكه وبلبس احسن لبس وببقى شبه العروسه كل يوم لكن لما بخرج لازم البس نقابي ولبسي محترم لان كده ببقى وانا خارجه بتزين للجنه . يا ترى بقى اللي بتخرج بشعرها ولبسها ضيق والميك اب دي بقى بتزين لايه ولمين.. !!؟
والكل سكت بعدها وهنا وملك فكروا وقالوا فعلا احنا لما بنخرج بشعرنا وبنحط ميكب بنتزين لمين ول ايه
.. سؤال وكل واحده لازم تفكر فيه
--------
رنا بعدها بشويه سالت الميك اب ارتست:- حضرتك لسه بدري صح ..
. ردت عليها:- خلاص يا حبيبتي اخر مرحله وهاتلبسه الفساتين
مريم :- تعرفي يا رنا انا متفرجتش على الفساتين بتاعتكم ولا شوفتها
ردت الميك اب ارتست:- انتي عروسه معاهم صح
مريم :- بزعل لا لا ابدا انا اختهم وقاعده معاهم بس
البنت :- بصراحه فكرتك عروسه لاني لاحظت انك منقبه اول ما دخلت
مريم :- وايه المشكله
البنت :- لا ابدا انا لسه جايلي دلوقتي فستان من بره وكمان بالنقاب بتاعه وكنت حابه اجربه على اي بنت لكن انا حاسه انه مقاسك ف أنا دلوقتي نفسي اجربه عليكي قبل منهم علشان اشوفه عليكي ممكن .
مريم قلبها بيتمنى ولكن مش هينفع:- لا متشكره جدا لسه هجرب وكده هتعب نفسي على الفاضي
ملك :- وفيها ايه يا مريم جربيه عليكي يمكن يطلع حلو وبعدين نفسي اشوفك وانتي لابسه فستان فرح
رنا :- اه بالله عليكي يا مريم فكره حلوه جدا البسيه ونشوفه عليكي واقلعيه تاني مش هتخسري حاجه
هنا :- بليز يا مريم وحياتي عارفه كمان البسيه وهصورك وانتى لابساه كمان للذكرى انتي ملبستش فستان في فرحك وكمان جتلي فكره تانيه
كلهم :- ايه هي يا هنا
هنا :- ايه رايكم مريم تلبس الفستان واحنا كمان نلبس الفساتين بتاعتنا ونتصور كلنا احنا الاربعه جمب بعض
ملك :- واو فكره تجنن
رنا :- والله حركه جامده
مريم :- لا يا بنات اخاف ل آدم يعرف ويتدايق اني غيرت هدومي بره
كلهم قاموا شدوها:- يلا بقى مش هنقول ل آدم حاجه وحياتي
رنا قالت:- وحياة آدم عندك تقومي تلبسي الفستان ده انا هتجنن واشوفك بالفستان
هنا :- يلا يا مريم وبعدين انتي كده كده هاتغيري هدومك بره علشان الفستان اللي هتلبسيه
ملك :- يلا بقى يا مريومه اسمعي الكلام
رنا قالت:- وحياة آدم انتي مش بتحبيه ولا ايه
مريم :- لا مش كده ابدا بس ... لكن
كلهم :- وحياه آدم عندك توافقي
مريم :- استسلمت والبنت اخدتها علشان يطلعوا الدور التاني
مريم :- ايه ده هو اللبس فين
البنت :- هنطلع على السلم ده واللبس فوق والميك اب وتنزلي عروسه من هنا انا هاقيس عليكى الفستان بس يا رب يطلع مظبوط عليكى واشوفه عليكى وبعدها تنزلي للبنات و تتصوري زي ما هما حابين مع اني ممكن ارفض علشان كده خساره ليا لكن علشان خاطرك انا هوافق تتصوري
مريم :- شكرا جدا لذوقك
البنات طلعو هما كمان لكن كل واحده في مكان ولبسه وكان فستان رنا عليه حجاب و كانت هنا وملك بشعرهم عند مريم لبست الفستان وكانت جميله جدا جدا بمعنى الكلمه ولما شافت نفسها بالفستان مكنتش مصدقه لكن برده الفرحه مش كامله هي هتقيس وبس
البنت :- بسم الله ما شاء الله انتي في منتهى الجمال يا ريتك بجد عروسه وتخرجي من عندي انتي بجمالك ده بالفستان ممكن تعمليلي دعايه للسنتر
مريم :- احم شكرا ممكن اشوفه في المرايه
البنت :- هاعملك ميك اب خفيف جدا الاول وهنلبسك النقاب وبعدها تنزلي تشوفيه تحت
مريم :- هو لازم يعني الميك اب
البنت :- صدقيني الميك اب
خفيف لايذكر انتى اصلا زى القمر مش محتاجه ميكب بس لازم شويه حاجات كده وهلبسك النقاب والطرحه والتاج وهتنزلي تتصوري بس بشرط
مريم :- ايه هو البنت هربط عينيكي بشريط خفيف علشان تشوفي نفسك تحت بالنقاب والفستان في المرايه الكبيره انا مش هاوريكي نفسك في المرايه غير بعد النقاب موافقه
مريم :- موافقه بس بسرعه ارجوكي لان العرسان زمانهم جايين وانا لسه هغير هدومي والبس
البنت :- ما تقلقيش انا معاكي والبنات هتخلصي في ثواني تعالي اقعدي
البنت خلصت مريم وعملتلها ميك اب خفيف جدا ولبستها النقاب والطرحه وحطتلها التاج وكمان جابت الجزمه بكعب عالي وكانت جميله جدا و مريم كانت خايفه لا تقع من على السلم وهي نازله
مريم : نازله من على السلم والبنت رابطه عنيها و ماسكاها متخافيش واحده واحده على مهلك انتي بسم الله ما شاء الله زي القمر بجد البنات هيتصدمه لما يشوفوكي
مريم :- هو السلم ده طويل كده ليه
البنت :- هههههههه علشان بس انتي نازله درجه درجه علشان الكعب العالي خلاص يا قلبي وصلنا اهو .. ثواني هنادي البنت دي تيجي تمسك ايدك .. ايوه هاتي ايدك هنا يلا كملي انا وراكي اهو .. ايوه خلاص تعالي هنا احنا داخلين على البنات
مريم :- هو الجو ساقعه ..
البنت:- علشان التكييف بس خلاص ارفعى رجلك وعدى خطوه كبيره اقفي هنا بااااس تمام كدا
مريم :- ايه الاصوات دي
البنت :- ثواني هافك الشريط البنت فكت الشريط وكانت المفاجاه
مريم فتحت عينيها شافت نفسها قدام السنتر
وآدم واقف قدامها وماسك بوكيه ورد خرافه ولابس بدله عريس في منتهى الجاذبية و جايب عربيه جميله جدا جدا جدا ومتزينه بطريقه خرافيه
مريم واقفه مصدومه ومش مصدقه وبتبص حواليها شافت نفسها في الشارع وفي عربيات وشافت اختها ومصطفى ومحمد وكل الناس منتظراهم بالعربيات بره وكمان شافت العرسان واقفين ورا آدم طارق وجاسر واشرف واقفين علشان كل واحد ياخد عروسته بالدور
مريم بصت تحت قدامها وكانت واقفه في قلب من الورد مرسوم على الارض كانت واقفه في نص القلب بالظبط
آدم قرب عليها قدام الناس كلها ونزل على ركبته ومسك ايدها :- تقبلي خاتم الجواز ده وتقبلى نعمل فرحنا انهردا
مريم مفتحه عينيها ومش مصدقه بجد والدموع في ثانيه كانت الرد على سؤاله
وآدم لبسها الخاتم في ايدها وباس ع أيدها وقام وقف قدامها :- يا رب اكون بس حققت ولو جزء بسيط من احلامك
مريم لا اراديا اتنطتت وحضنته :- انا مش مصدقه مش مصدقه يا آدم انت ... انت اللي عملت كل ده انا يا آدم انا فرحانه جدا
اشرف قرب عليهم:- ايه بقى خلاص عايز اشوف هنا بس يا مريم الفستان جامد عليكي ولا عينيكي في النقاب انت لو مكنتيش خالتي وقبل ما يكمل الكلمه كان كوع آدم في معدته قدام الناس
اشرف :- ااااه ابو اللي يعاكس حد يخصك تاني
آدم :- قرب على مريم ومد ايده ليها واخد ايديها حطها في دراعه:- اتفضلي يا اجمل عروسه واخدها وفتحلها باب العربيه وكانت العربيه دي هديه من بيتر وصمم انه هو اللي يسوق العربيه وكانت بجد عربيه فخمه جدا .. هنا نزلت وبعدها رنا وبعدها ملك وكل واحده عريسها جه يستقبلها أشرف باس هنا من جبهتها وايديها واخدها وراح على العربيه
كمان طارق جه ولما شاف رنا حضنها بدون مقدمات وقال بصوت عالي اخيرا انا بحبك اخيرا رنا بقت مراتي يا جدعان و كل الموجودين ضحكوا على جنون طارق
وجاسر كمان قرب من ملك وباس على ايديها وراسها واخدها على العربيه
كل عريس حط ايد عروسته ف دراعه واخد عروسته على العربيه وكانت الاربع عربيات اجمل من بعض وكانت كل عروسه ليها بريقها الخاص وكل عروسه في عيون عريسها شايفها اجمل واحده عن كل الموجودين ركبو عربياتهم وكانت زفه جميله جدا
---------بقلم Mariem Nasar
في عربيه آدم
مريم مكلبشه في ايده وبتتنفس بصعوبه وحاسه انها هيغمى عليها من الفرحه
آدم حس بيها وشال ايديها من ايده وباس على راسها:- اهدي مفيش حاجه انا حبيت اعملهالك مفاجاه يا رب تكون عجبتك
مريم :- عجبتني بس عجبتني دي هتموتني انا حاسه ان قلبي بيدق بسرعه يا آدم
آدم بخوف:- طيب اهدي بقى وخلي فرحتنا تكمل احنا دلوقتي هنطلع نعمل سيشن انا وانتي
مريم :- آدم انت عملت كل ده طيب ازاى وامتى انت كنت شاري فستان البسه النهارده وكمان قولتلي لازم البس العقد بتاع ماما نور انا لبسته
آدم :- بس بس اديني فرصه اجاوبك و هاقولك كل حاجه انا يا ستي لما عرفت ان فرحهم كلهم في يوم واحد قولت ليه لا .. اعمل انا كمان فرح ل مريم في نفس اليوم . احنا ما بقلناش حوالي اربع شهور متجوزين يعني انتي لسه عروسه برده
وطارق قالي انه هيروح يختار فستان الفرح هو ورنا . وانا قولتله يخليها تاني يوم ورحت هناك وانا قولتلك اني ورايا ماموريه وفهمت طارق على كل حاجه ونبهت عليهم كلهم ان ما حدش يقولك اني كنت موجود هناك .. معاهم واول مادخلت سنتر الفساتين عيني وقعت على الفستان ده . وبجد بحمد ربنا ان ما حدش اختاره انا رحت حجزته اول واحد واشتريته كمان .. يادوبك اشتريته من هنا جت واحده عايزه تشتريه لكن الحمد لله . وبعدها الكل استغرب وانا شرحتلهم كل حاجه و نبهت عليهم الموضوع يكون في السر
وكمان نبهت على هنا تتصل عليكى وكمان قولتلهم يتحايلوا عليكي تلبسي الفستان لمجرد انك تقسيه . واتفقت مع الميكب ارتست وبس . وجبتلك الجزمه والنقاب وكل مستلزمات لبس العروسه وكل ده تم بمساعده رنا طبعا وملك وهنا و نبهت عليهم لو انك عرفتي حاجه قبل ما تشوفيني انا هافركش الفرح للكل
مريم :- يعني الكل كان عارف حتى ابله شيرين
آدم :- بصراحه لا شيرين عرفت النهارده انا رحتلها وطلبت ايدك من شيرين ومصطفى هههههه والحمد لله وافقوا عليا
وانهردا اشتريتلك الخاتم ده خوفت اشتريه قبل كده تشوفيه معايا
مريم :-عارف بجد بجد انا مبسوطه جدا انا مش عايزه حاجه من الدنيا تاني انت دخلت على قلبي فرحه كبيره جدا يا آدم
آدم :- يا رب دايما تعيشي مبسوطه وانتي معايا
مريم :- والعربيه دي . دي هايله دي رهيبه بجد ما شاء الله اللهم بارك
آدم :- العربيه دي هديه من بيتر اول لما عرف قالي والله ما حد هايزفك غيري وكمان العربيه من عندي
مريم :- امال عربيتك فين؟؟
آدم :- عربيتي قدام البيت رحت لبست وركنتها وعزمت عم لطفي وبيتر جه خدني بالعربيه دي وجينا على هنا
مريم :- طيب وشغلك
آدم :- بصراحه ده اللي مزعلني
مريم :- ليه ياحبيبى؟؟
آدم :-رحت اقدم على طلب اجازه قالوا انهم محتاجيني بكره وبعده . لكن بعد بكره اقدم على اجازه زي ما انا عايز انا اسف بجد يعدوا اليومين دول واخدك ونسافر
مريم :- آدم انا بعشقك بجد وبعدها اتكسفت وخافت لا يكون بيتر سمعهم
آدم :- ما تخافيش بيتر حاطط سماعه ومشغل ميوزك بصوت عالي ما تقلقيش انا مأمن كل حاجه انا بقى مش بعشقك وبس انا بعشق التراب اللي انتي بتمشي عليه .. ما تجيبي بوسه .
مريم : هههههه انت مش طبيعي انا بجد مبسوطه و حاسه اني طايره وعايزه ارقص
آدم :- نعممم ترقصي لا استهدي بالله كدا . علشان مرنكيش العلقه التمام
احنا دلوقتي كلنا هنطلع مع بعض نعمل سيشن حلو كده وبعدها هنطلع على قاعه الستات وما فيش راجل يلمحك انا لو اطول اشيلك وادخلك القاعه وماحدش يشوفك هاعملها وكمان لو اطول اعمى عيون كل رجاله العالم عنك هاعملها
مريم :- انا بموووووت فيك ربنا يخليك ليا يا رب
مريم حست بدوخه ومسكت راسها
آدم : مالك يا حبيبتي تحبي نروح
مريم : نروح لا طبعا واضيع يوم زي ده ابقى هبله و مجنونه
أشرف
جاب ل هنا عربيه مفتوحه من غير سقف
أشرف :- هنا انتي جميله اوي اوي اوي مبروك يا هنايا
هنا :- الله يبارك فيك انا مش مصدقه حاسه اني بحلم انا حاسه اني ملكه الدنيا كلها بايدي .. ووقفت وفردت ايديها انا بحبك يا اشرف بحبااااااااااااااك ودي كانت اول مره هنا تعترف ل اشعرف بحبها في العلن
أشرف :- اقعدي يا مجنونه هتوقعي نفسك خلي اليوم ده يعدي على خير
وانا كمان بعشقك
جاسر ماسك ايد ملك في العربيه وهي متوتره
جاسر :- انتي النهارده احلى واحده في العالم كله
ملك :- بتوتر متشكره
جاسر :- الف مبروك يا ملاكي
ملك :- الله يبارك فيك
جاسر :- مالك متوتره ليه
ملك :- مش عارفه حاسه اني خايفه
جاسر :- حوطها بايده على كتفها:- طول ما انا جمبك ما تخافيش وبعدين باس على ايديها وقالها ما تقلقيش من اي حاجه اطمني انا مش هجبرك على اي حاجه انا بس مش طمعان غير في حضنك
ملك كلام جاسر طمنها وحطت راسها على كتفه:- انا بحبك اوي يا جاسر انت عوض ربنا ليا انت رزق ربنا يجعل في قلبك الحنيه دايما من ناحيه ملاكك حبيبتك
-------- بقلم Mariem Nasar
اما طارق المجنون كان مهيبر وجايب عربيه ل رنا وواخد رنا جمبه ومش راضي حد يسوق العربيه وكل شويه يضرب كلاكسات العربيه ويسقف ويطلع راسه من الشباك ويقول رنا بقت مراتي انا اتجوزت يا جدعان هههههههههههه
رنا خافت من تصرفاته وخافت منه بعد ياترى هيعمل فيها ايه :- مالك يا طارق سيطر على نفسك شويه
طارق هههههههههههه كأنه شارب:- اسيطر .. اسيطر دا انا هاسيطر سيطره ده انتي هتموتى يا سوسو هههههههههههه
رنا :- وشها اتغير وخافت وطارق هنا ضحك بصوت كله
رنا بصتله جامد :-طارق انت بتخوفني ليه
ركن العربيه على جمب ومسك ايديها :- حسيتي بايه انتي كل يوم تلعبي باعصابي وانا بقى قولت اجرب بس بجد انا اسف انا زودتها شويه و باس ايديها :- انا بهزر معاكي انا مشتاقلك يا رنا بس مشتاق لكلامك وضحكتك مشتاق لهزارك وكل حاجه حلوه فيكي انا فرحان وبعبر عن ال جوايا وعلى فكره انتي اجمل عروسه في الكون كله
رنا استريحت:- الله يسامحك
طارق:- يا رب يا ختي هو انا قولتلك مبروك النهارده وهو بيشغل العربيه
رنا:- لا
وهو بيسوق العربيه بسرعه ودايس بنزين وبيضرب كلاكسات مبروك يا عروسه مبروك يا رنا انا اتجوزت يا جدعان هههههههههههه
وصلو كلهم لمكان معين وراقي علشان يتصوروا السيشن والتصوير هاقوله بالترتيب علشان ما حدش يتلخبط
آدم ومريم مع بعض
وبعدها طارق واشرف وجاسر وادم كلهم مع بعض لوحدهم من غير العرايس
وكمان هنا ورنا وملك ومريم اتصوروا مع بعض
وكل عروسه تتصور مع عروسه تانيه يعني ملك ورنا وملك وهنا وملك ومريم والعكس وكل اتنين يتصوروا مع بعض
وكل عريس مع عريس وجه كمان بيتر اتصور هو وآدم وطارق وجاسر واشرف
وشيرين اتصورت مع مصطفى
وكمان محمد كان مهيبر وجري واخد مريم واتصور معاها
وكمان مع رنا واشرف اتصورو
وادم مع ملك
وجاسر مع هنا
واشرف اتصور مع مريم و رنا واتصور كمان مع شيرين
وبعدها شيرين ومحمد
ومحمد واشرف ومصطفى وشيرين ورنا وهنا وطارق كلهم في صوره واحده وآدم ومريم معاهم
وخالد اتصور هو وجاسر وملك وبعدها خالد وملك
ومريم طلبت تتصور مع خالد وراحت اتصورت معاه وكمان مسكت ايد خالد وراحت ل آدم وبنظرة ترجي وآدم وقف جمب خالد واتصوره
وبعدها آدم ومريم وخالد وملك وجاسر في صوره واحده
وبعدها خالد وملك في صوره واحده
ومحمد نده على الكل وقال كل العرايس والعرسان والعيله تقف علشان كلنا . كلنا هانتصور صوره واحده و كلهم وقفوا القصير قدام والطويل ورا ومحمد كان نايم قدامهم على الارض و كانت صوره جميله و مجنونه
(ايه اللخبطه دى حد فيكو فهم مين اتصور مع مين ماعلينا يلا نكمل )
وكان يوم عالمي في الصور لانهم ٤عرايس و ٤ عرسان الله اكبر عليهم
وكان فرح مميز جدا وكل الناس اللي بتشوفهم ما شاء الله يفرحوا جدا بعد التصوير ماخلص كل عريس اخد عروسته وراحوا على قاعه الافراح
مريم كانت في قاعه لوحدها علشان النقاب وآدم صمم انه يقعد معاها ومش هيبعد عنها خطوه
وكانت رنا وملك وهنا كلهم في قاعه واحده وعرسانهم معاهم ورقصو وغنوا وكان اكتر تلاته مهيبرين رنا وطارق ومحمد
وطارق وهو بيرقص كان زي المجنون وطالع على الاستيدج واخد المايك :- باااااس وغني ل رنا اغنيه انا لما بحب بحن بجن
(قَوْلَي لِأُمِّك يابنت جاي اللَّيْلَة أَطْلُب أَيَّدَك
وَلَا بعمري عَاقِل كُنْت وحَيَاة الْآلَة بريدك
عشتا بِطُول وَعَرْض الدَّنِيّ
مابعمرو رَأْسِي بينحني
لِمَا دخلتِ بعمري غِني
مِنْ عُمْرِي نشالله يَزِيدُك
انَّا لَمَّا بِحُبّ بحن بَجَّن
بِهَدْم بِحَرْق بِقَلْب جُنّ
الرُّوح بغيباتك بتحن
بتنده وينك
إِنَّا لَمَّا بِحُبّ بِكَفَّيّ بدربي
بدوب بِلَحْظَة مِنِّي تَقَرَّبِي
بتضحك رُوحِي بيفرح قَلْبِي
بضحكة عَيْنَك
بيك غلّى الْمَهْر كتير فكرو بيغلى عليكِ الْغَالِي
بيك عَجَّزَنِي تا يَصِير عليي نَجْم وُصُولَك عَالِي
لَو فيي الْمَاسّ بجيب مابعمرو بيغلى عالحبيب
بيرخصلك عُمْرِي و بِطِيب أَنَا دَمِي وَمَالِي
انَّا لَمَّا بِحُبّ بحن بَجَّن
بِهَدْم بِحَرْق بِقَلْب جُنّ
الرُّوح بغيباتك بتحن
بتنده وينك
إِنَّا لَمَّا بِحُبّ بِكَفَّيّ بدربي
بدوب بِلَحْظَة مِنِّي تَقَرَّبِي
بتضحك رُوحِي بيفرح قَلْبِي
بضحكة عَيْنَك
غمزيني بِعَيْنِك ياروح بغمزة بِبَيْع الْكَوْن وهمه
ع أَبْعَد دُنْيَا منروح بيرخصلك هالقلب و دمه
مَيْلِي بخصرك صوبي مَيْلِي تغنجي عليي تغميلي
ابْنِي ع ذوقك سميلي وَعَد تَكُونِي وَحْدَك امه)
طارق ولع الفرح وشجع كل واحد يغني اغنيه لحبيبته ورنا اتشجعت وطلعت هي كمان وغنت اغنيه ربنا يخليك لقلبي
ومحمد جري على آدم ومريم و اتحايل عليهم يجوا يحضروا معاهم حتى لو هيقفوا بعيد مريم كانت مش راضيه ولكن آدم قالها تعالي وهنقف بعيد وسمعو رنا
(مش قادرة لسه اصدق انك انت بقيت معايا وخلاص كل اللي ياما حلمت بيه بقى بين ايديا مش عايزة حاجة تاني خلاص حبك كفاية واحلم واتمني ايه؟ من الدنيا دا انت كتير عليا ربنا يخليك لقلبي
تبقى طول العمر جنبي كل ما اسمع حاجة عنك بعرف اني اخترت صح كان لقانا احلى صدفة ياللي جنبك ببقى عارفة انك انت جيت حياتي تِملى كل سنيني فرح من حسن حظي اني قابلتك
تقدر تقول جيتني ف وقتك مانا كنت قبلك مش عايشة وخلاص هعيش ياما عليك كنت بدور وبجد مش قادرة اتصور لو عمري كان قبلك عدى
مقابلتنيش ربنا يخليك لقلبي تبقى طول العمر جنبي كل ما اسمع حاجة عنك بعرف اني اخترت صح كان لقانا احلى صدفة ياللي جنبك ببقى عارفة انك انت جيت حياتي تِملى كل سنيني فرح)
رنا كمان هيبرت وهي بتغني وكان احساسها حلو جدا والكل بيرقص على اغنيتها
وبعدها ملك اتشجعت وغنت لجاسر اغنيه رومانسيه والكل رقص سلو وكانت عبالي حبيبي (. عا بالي حبيبي عا بالي حبيبي
أغمرك ماإتركك إسرقك مارجعك
إحبسك ماطلعك من قلبي ولايوم
اخطفلك نظراتك ضحكاتك حركاتك
علقن بغرفتي نيمن عا فرشتي
إحلمن بغفوتي تيحلي بعيني النوم
عا بالي حبيبي
ليلة الإلبسلك الأبيض صير ملكك والدني تشهد
جيب منك إنت ... طفلك إنت ... متلك إنت
عا بالي حبيبي
عيش حدك عمر أو أكتر
وحبي يكبر كلما نكبر
وشيب لما تشيب وعمري يغيب لما تغيب
عا بالي حبيبي
عابالي تكلمني وإسمك تحملني
بقلبك تخبيني من الدني تحميني
وتمحي من سنيني كل لحظة عشتا بلاك
عابالي تجرحني لحتي تصالحني
بلمسة حنونة بغمرة مجنونة
وماغمض عيوني إلا انا وياك
عا بالي حبيبي)
والكل كان مبسوط واندمج مع الاغنيه وكان يوم حافل وكان آدم ماسك ايد مريم وبيتفرجوا ومبسوطين
جاسر بعدها حب يفرفش شويه وغنى اغنيه رايحين على بيتنا ل ملاكه
(الليلة رايحين على بيتنا
ويارب يكمل فرحتنا
الحب اللى هيبقى ثالثنا
ويصحى الشوق وننام
ارقص وافرح كده من قلبك
ده انا والله حبيبى بحبك
وعهيش عمرى حبيبى وانا جنبك
ودى مش عايزة كلام
وانا وانت هنعيش حياتنا سوا
حب شوق وهوى
حب شوق وهوى بكتير
وانا وانت العين علينا هنا
كلوا جى لنا رب تمملنا على خير
وانا وانت هنعيش حياتنا سوا
حب شوق وهوى
حب شوق وهوى بكتير
وانا وانت العين علينا هنا
كلوا جى لنا رب تمملنا على خير
الدنيا خلاص مش هتساعنا
على الحب خلاص اتجمعنا
هاتلى ايديك يا حبيبى تعالى
نفرح بالايام
كل ما فينا بيحكى علينا
والناس واقفين من حوالينا
وده اكتر من اللى اتمنينا
الله بقى يا سلام
وانا وانت هنعيش حياتنا سوا
حب شوق وهوى
حب شوق وهوى بكتير
وانا وانت العين علينا هنا
كلوا جى لنا رب تمملنا على خير
وانا وانت هنعيش حياتنا سوا
حب شوق وهوى
حب شوق وهوى بكتير
وانا وانت العين علينا هنا
كلوا جى لنا رب تمملنا على خير )
والكل رقص وغنى معاه وكان الكل فرحانين جدا جدا جداا
وبعدها اشرف طلع على الاستيدج مسك المايك وقال يعني جت عليا انا يلا دقي يا مزيكا
وغني لهنا حلم السنين
( حلم سنين
عشنا وشفناه اليوم اللي اشتقنا له
إحضني قصاد الناس يا حبيبي وماله
ما بقينا لبعض خلاص
زادوا العشاق إثنين اكتب أسامينا
كان حلم سنين وسنين نبقى لبعضينا
الله على ده الإحساس
ليلة وإنت جنبي ليلة
تسوى عمري ليلة
بألف ليلة معاك
ليلة وإنت جنبي ليلة
تسوى عمري ليلة
بألف ليلة معاك
حلم سنين
قال قلبي خلاص هتنام على صوت دقاته
هيعيش وياك على طول أجمل أوقاته
حبك ولا يوم هنساه
أنا قد القول ومعاك وفيت بوعودي
وإنت استنيت وبقيت محتاج لوجودي
وأهو ربنا جمعنا
ليلة وإنت جنبي ليلة
تسوى عمري ليلة
بألف ليلة معاك
ليلة وإنت جنبي ليلة
تسوى…
تامر حسني )
وهنا كانت طايره من الفرحه ورقصت معاه
وردت عليه باغنيه رومانسيه ورقصو تانى سلو ع اغنية انا بعشقه
( انا بعشقة للدنيا ايوة هقولها انا
متفائلة بية
دة فرحة الدنيا وما فيها جاتلى فية
وبدعى ربنا كل يوم يخلينى لية
انا بعشقة بكون ضعيفة بشوفة انا بستقوى
بيه
دة حد من نوع اللى مرة بتلاقية
انا حبة نفسى تقول ما هية ملك لية
ملكنى بكل احساسى فاكرنى تملى مش ناسى
بقالى هو دة ناسى مليش بعدية
فى وقت ما يجى ادامى
بتبدا كل احلامى وتحضن صورتة ايامى
بموت انا فية
انا بعشقة معرفش لما بقابلة يومها انا
ببقى مين
بياخدنى من روحي وحياتى بكلمتين
دة اللى زيو نفسى اعرف راحو فين
ملكنى بكل احساسى فاكرنى تملى مش ناسى
بقالى هو دة ناسى مليش بعدية
فى وقت ما يجى ادامى
بتبدا كل احلامى وتحضن صورتة ايامى
بموت انا فية )
الكل فعلا كان مبسوط حتى كمان صاحب القاعه نفسه كان مبسوط جدا و قال لمصطفى انا اول مره اكون مبسوط كده اوي اول مره يكون موجود عندي اربع عرسان كده الله اكبر عليهم وغير كمان الفرحه طالعه من القلب مصطفى قال له طبعا يا صديقي الحب يصنع السعاده
مريم واقفه جمب آدم مبسوطه جدا
آدم همسلها تحبي تغنيلي
مريم :- انا لا لا انا هابقى اغنيلك لما نروح
ادم:- طيب انتي حافظه اغاني؟
مريم :- لا بس في اغنيه يعني معلقه معايا وكنت سمعتها مره بالصدفه عند رنا وكانت بتوصفك حستها فيك
آدم :- طب يلا غنىهالي
مريم بتوتر:- هنا لا ارجوك يا آدم
آدم :- علشان خاطري بصي اهمسي في ودني وغنيهالي .. انتى مفكره انك ممكن تغنيهالي قدامهم لا طبعا
مريم قربت من ودن آدم وخدها ع خدو وايد آدم حولين وسطها وصوتها كان هادي جدا وحنين
وغنتله اغنيه بيت كبير.
(.إنت يا اللي خدت قلبي من الزمان ومن اللي فيه
خذت قلبي لدنيا ثانية أحلى من اللي حلمت بيه
أحلى عمر أنا عيشته جنبك والحنان عندك كثير
هو في كده زي قلبك لسه فيه في الدنيا خير
عمري ما أنسى أنا قبلك كنت في إيه
ومعاك بقيت أنا إيه
أنا باقي ليك ولحد ما عمري
ينتهي هفضل يا حبيبي معاك
وهعيش وأموت بهواك
أنا ليّ مين غيرك حبيب عمري
عمري ما أنسى أنا قبلك كنت في إيه
ومعاك بقيت أنا إيه
أنا باقي ليك ولحد ما عمري
ينتهي هفضل يا حبيبي معاك
وهعيش وأموت بهواك
أنا ليّ مين غيرك حبيب عمري
ياما عيشت أتمنى قبلك
يا اللي زيك مش كثير
مش مجاملة عشان بحبك
ده إنت ليّ حاجات كثير
هي كم مرة هقابل حد بيحب بضمير
حد عاش عمره عشاني وقلبه ليّ بيت كبير
عمري ما أنسى أنا قبلك كنت)
وآدم مغمض عينيه
آدم باس راسها
ادم:- انتي مش ااقل منهم علشان هما يغنولهم وانتى لا
واستاذنها وراح عند كل العرسان وطلع على الاستيدج و مسك المايك والكل في حاله بلاها ومنتظر آدم هيعمل ايه
آدم مسك المايك :- في اغاني كتير طبعا بتوصف حاله الفرحه الل احنا فيها دي وانا حابب اقولهم كلهم ل مريم مراتي وعشقى وحبيبتي وروحي لكن انا في اغنيتين بحبهم جدا وحاسس انهم مخصوص علشانها
وبعتلها بوسه ع الهوا
وغني وقال اغار عليها وآدم الكل اكتشف ان كان صوته فوق الرائع ومريم قلبها كان بيرقص وكمان اكتشفت ان حبيبها صوته يجنن والكل اندمج مع الاغنيه
وآدم وهو بيغني نزل يكمل الاغنيه وهو ماشي لحد ما وصل عند مريم
( أصابك عشق أم رميت بأسهم
فما هذه إلا سجية مغرم
ألا فاسقني كآساتٍ وغنّ لي
بذكر سليمة والكمان ونغّم
-
أيا داعيا بذكر العامرية بأنني
أغار عليها من فم المتكلمِ
أغار عليها من ثيابها
إذا لبستها فوق جسم منعمِ
-
يالييييييييييييل
-
أغار عليها من أبيها وأمها
إذا حدثاها بالكلام المنغم
وأحسد كاسات تقبلن ثغرها
إذا وضعتها موضع اللثم في الفم )
والضوء كله متسلط عليهم وكل الكاميرات عليهم ومسك ايديها وباسها وبعد ما الاغنيه خلصت غنالها اغنيه اوعديني والكل كان مبهور من شخصيه آدم
( .إوعديني، لو زعلتي مرة مني تعرفيني
لو جرحتك غصب عني تحسسيني
متشيليش جواكي حاجة تحكي ليا كل حاجة
لما هفهم هبقى أحسن صدقيني
إوعديني، لو نسيت يا حبيبتي نفسي تفوقيني
لو خدتني الدنيا مني ترجعيني
لو في لحظة زاد غروري
إشتكي لومي وثوري
بس إوعي في يوم تروحي وتسبيني
إنت قلبي و إنت روحي و إنت عيني
حد عايز أعيش معاه لآخر سنيني
إنت بالنسبة لي مش حب في حياتي
إنت كل حياتي فعلاً إفهميني
إنت قلبي و إنت روحي و إنت عيني
حد عايز أعيش معاه لآخر سنيني
إنت بالنسبة لي مش حب في حياتي
إنت كل حياتي فعلاً إفهميني
إوعديني، لو في يوم الخوف ملكني تطمنيني
لو ذكائي في مرّة خاني تفهميني
لما أقسى في يوم تحني
و أما أغلط غصب عني
قبل ما أغلط غلطة تانية تلحقيني
إوعديني، لو يبيعني الكون بحالة تشتريني
تبقي أقرب منّي ليّ تكمليني )
والكل رقص سلو علي صوت آدم في الاغنيه دي والكل هيتجنن من شخصيه آدم ورومانسيته بعدها خلص
مريم بدموع حضنته قدام الكل وكانت حاسه انها بتحلم ولما حست انها على ارض الواقع :- انت كملت مريم انهردا يا آدم انا بموت فيك بجد مش قادره اوصفلك احساسى
طبعا كل الناس مبسوطه لكن في ناس كده على جمب بتكره الخير للناس وعاصم اللي اتصدم صدمة عمره و كان هيموت فيها لما شاف مريم وآدم وكان حاسس انه عايز يولع في القاعه كلها
وابتسام متغاظه من جاسر وهنا ورنا وآدم
وسوزي معجبه جدا بشخصيه آدم ونفسها تخطفوا من مريم
اكتر الموجودين مبسوطين لكن مش الكل بيتمنى السعاده للعشاق
وطارق ورنا بيرقصوا
محمد جري على الاستديج باااااااس هو مفيش مهرجانات ولا ايييه ووقف كل العرسان وراه والعرايس وقال انا بقى هولعها و هخربها
وعايز الكل يقووووم يرقص
يلا مزيكا و غنى اغنيه رايحين نسهر وكان المهرجان بمعنى الكلمه و كل الموجودين قامو رقصو على الاغنيه وطارق ومحمد هيبرو جداااااا
(.صاحبي كلمني وقالي انزلي رايحين نسهر
رحنا قعدنا، اداني الكاس، قلتله بلاش أنا مش بشرب
طلبت عصير، مانا مش بشرب
مطلعش عصير
انا كده بشرب
شايف عصافير ودماغي بتعمل
بام بام بام بام بام بام
بوم بوم بوم بوم
يا جماعة، أنا مش لاقي تليفوني
يا جماعة، بيرن هناك ما تجبهولي
يا جماعة، سلاحف النينجا طلبوني
يا جماعة أنا شكلي خربت فوقوني
بام بام بام بام بام بام
يا جماعة، أنا مش لاقي تليفوني
بام بام بام بام بام بام
يا جماعة أنا شكلي خربت فوقوني
ولاعة
حد يجيب الولاعة
ما حد يجيب الولاعة
يا جماعة، حد يوطي السماعة
مش عارف، مش عارف ابص في الساعة
عقلي اتخدر وشي مزنهر
حاسس ب حر
أنا مضطر إني أشمر
رجلي بتزُك زُك
جسمي بيفك فك
مرة واحدة لقت قلبي عمال بي بام بام بام بام بام بام
قلبي عمال بي بوم بوم
قاعد ولا بيا ولا عليا يا جماعة
أنا شايف كائنات فضائية
وعنيا قلبت يابانية
ودماغي جواها حرب عالمية و بتضرب
يا جماعة، أنا مش لاقي تليفوني
يا جماعة، بيرن هناك ما تجبهولي
يا جماعة، سلاحف النينجا طلبوني
يا جماعة أنا شكلي خربت فوقوني
بام بام بام بام بام بام
بوم بوم )
وكان فرح بجد بمعنى الكلمه والكل كان مبسوط مبسوط جدا
وكان مصطفى مصدوم من شخصيه محمد الجديده
وشيرين كمان كانت مبهوره ومصدومه وكل المشاعر عندها وفرحانه ان ولادها بيتجوزوا وابنها الصغير شافته بيضحك من بعد فتره طويله وكمان بيرقص وبيغني
اشرف ورنا كانوا فرحانين بمحمد جدا و مريم كانت الضحكه مش مفرقاها وآدم كمان كان مبسوط وضحك من شكل محمد وطارق وهما بيرقصو قصاد بعض
---------
بقلم Mariem Nasar
مصطفى اتعرف على خالد وقررو يعملوا بيزنس مع بعض والكل كان في سعاده
ماعدا الاعداء بس ولكن خلاص هنخلص منهم قريب
خلص الفرح والكل تعب وطارق حرفيا كان ما هايبر هو ورنا
وبعد منه محمد واشرف و هنا و جاسر وملك و الكل كان سكران من الفرحه لان طارق ومحمد نشرو العدوه على كل الموجودين وكان فعلا فرح بمعنى الكلمه
والحمد لله الفرح تم على خير
ويا رب يا رب يفرح الجميع
والكل هيبدا يتحرك
وآدم:- يلا بقى يا مريم على عشنا مريم مبتسمه وقامت بتتحرك وبتقف حست بدوخه وارهاق شديد وعينيها مزغلله جدا
آدم بص على مريم شاف عينيها وحركتها مش طبيعيه وماسكه راسها
آدم :- مريم حبيبتي مالك
مريم دايخه و بتهمهم:- اا..انا دا..ايخه الحقني يا اد ......
ومكملتش واغمى عليها بين ايدين آدم
آدم :- مررررررررريم
دمتم في آمان الله
الحلقة 32
#رواية_جريمة_عشق
بقلم Mariem Nasar
بسم الله نبدأ
آدم :-مرررررريم . مريم مش مصدق
والكل طلع يجري على آدم
بيتر :- في ايه يا آدم
شيرين : ما لها مريم يا آدم
بيتر :- تعالى بسرعه هاتها على العربيه وهنطلع على المستشفى
رنا وملك وهنا وكلهم طلعوا يجروا وكمان جاسر وطارق واشرف ومحمد ومصطفى وخالد و كل الاحباب اتلموا عليهم
وآدم مش شايف حد منهم خالص
و شال مريم وجري على العربيه واخد المفاتيح من بيتر لان مريم هتبقى نايمه في العربيه ومينفعش بيتر يبقى موجود
آدم :- ركب مريم في الكرسي الخلفي ومستناش حد يركب معاه وساق العربيه بسرعه فوق المعتاد وافتكر لما رجعت ف الحمام ولما كانت دايخه ضرب بايده على الدركسيون غبي غبااااي كنت ما تسمعش كلامها و كان هيموت من الرعب
عاصم جرى زي المجنون يشوف في ايه لأن عينيه طول الوقت كانت على مريم وما لقاش قدامه غير أشرف
عاصم :- أشرف . اشررف قولي مريم مالها
أشرف :- بغيظ وانت مال اهلك!!
عاصم :- انا بس بسال علشان شوفتها وهي بتقع يا ترى خير مالها
أشرف :- وانت مالك برده هي تخصك علشان تسال عليها
عاصم :- مش لاقي حاجه يقولها انا بس بطمن عليها
أشرف :- وتطمن عليها ليه وبتاع ايه . هي من بقيت عيلتك اسمع يا جدع انت اول واخر مره تسال على حد من عيلتي . عيلتي كلها خط احمر فاهم وده تهديد مش تحذير
اشرف سابو وطلع يجري على العربيه علشان كلهم يحصلوا آدم
آدم وصل المستشفى وشالها وجيري بيها .
عايز دكتوره اي دكتوره حالا وصوته كان عالي
جه دكتور وقاله لو سمحت وطي صوتك انت مش داخل زريبه!!!
آدم العفاريت بتتنطط في وشه وبغضب :-ابعد عني السعادى
انا قولت عايز دكتوره ايه ما بتسمعوش
وجت الدكتوره :- خير حضرتك
آدم :- مراتي . مراتي اغمي عليها لو سمحتي فوقيها وشوفيها مالها
الدكتور :- ما تتكلم بصوت واطي يا جدع انت . ايه ما فيش حد بيغمى عليه!!!!
آدم :- اقسم بالله لو سمعت صوتك تانى لااكون مقلعك كل هدومك و هامشيك ملط في المستشفى وهخلي الكل يحفل عليك فاهم وابعد عن وشي بدال ما فرتك وشك ده دلوقتي
الدكتور خاف من آدم ومشي
واتنين شباب جايبين التورول
آدم:- ما حدش هيشيل مراتي غيري
قوليلي الاوضه فين وانا هوديها بنفسي
الدكتوره شافت خوف وحب في عيون آدم وتصرفاته واحترمت ده
الدكتوره :- الدور التاني غرفه ٣
آدم جري على السلم ماستناش الاسانسير وطلع جري وكان في ناس موجوده في الطرقه واقفه والكل بيتفرج على حاله آدم
وكأن مريم فيها حاجه صعبه جدآ
والكل صعب عليه آدم وبدؤوا يدعوا لعروسته انها تقوم بالسلامه
آدم دخل الاوضه والدكتوره دخلت والممرضه :- دي عروسه وما ينفعش اكشف عليها قدامك
آدم :-عروسه ايه دي مراتي!!!
الدكتوره :- معلش استناني بره وانا هطلع اطمنك ومتقلقلش هي تلاقيها مجهده اتفضل حضرتك
آدم :- خرج والدكتوره قفلت الباب
وآدم رايح جاي . رايح جاي ومتوتر وشاف هجوم عليه في اخر الطرقه وكانوا كلهم جايين وراه العرايس والعرسان والاهل كلهم
في ايه يا آدم طمنا
بيتر :- يا آدم في ايه طمني انا هاروح اجيب دكتوره حالا
آدم :- لا لا الدكتوره جوه بتكشف عليها
وكان في كراسي في الطرقه وكان في ست عجوزه مسنه مستنيه ابنها علشان بيكشف وكانت عجوزه جدا جدا واسنانها واقعه وماسكه عكاز
وشاورت ل آدم:- تعالى يابني
آدم راح لها :- نعم يا حجه؟؟
الست العجوزه :- ما تقلقش يابني علي عروشتك ان شاء الله هتبقى كويشه هي بش تلاقيها اغمي عليها علشان انت عارف مكشوفه في اليوم داهههه
آدم مش فايق للست دي :- اه ان شاء الله يا حجه ادعيلها
و راح مكانه
وكان في راجل شكله محترم كده كانه مدرس
وشاور ل آدم:- ان شاء الله يا ابني ربنا يحفظهالك دي منتقبة يعني ربنا ان شاء الله مش هيأيذيك فيها ابدا
آدم:- يا رب يا رب وكان مرعوب عليها والكل بيواسي آدم بره كأن مريم فيها حاجه صعبه
جوه عند الدكتوره بتكشف عليها والدكتوره اتصدمت مش معقول وشاورت للممرضه :- بصي في السونار الممرضه شهقت:- يا حوستي حامل وفي يوم فرحها اخص . اخص
والنبى لا اطلعلهم ومجرساها أدى إلى بناخده من بنات اليومين دول قال نقاب قال
الممرضه طلعت وبعلو صوتها في الطرقه:- مين عريس المحروسه اللي جوه؟؟؟
آدم جري:- انا طمنيني عليها مراتى مالها وقالت في سرها يا عيني عليك هتلبس يا حبيبي وانت مز وعسل كده يا خساره
آدم بعلو صوته زعقلها :-ما تقولي مراتي مالها ؟؟؟؟
الممرضه بعلو صوتها:- حاضر يا استاذ براحه عليا هاقولك مالها
العروسه حامل
و دخلت جوه
آدم واقف ومش مصدق والكل فرح جدا بالخبر ده
الا الدكتوره والممرضه الست العجوزه بتضحك والمدرس اتصدم
آدم حط وشه بين ايديه :-الف حمد وشكر ليك يارب انها كويسه
والكل بيهني ويبارك وشيرين عيطت ورنا حضنت ملك وهنا ومامتها بفرحه
ومحمد وطارق وجاسر واشرف باركو ل آدم
ومصطفى بكى لانه بيعتبر مريم بنته مش اخت مراته
والكل مبسوط وبيهني
آدم عايز يدخلها الممرضه:- ثواني يا أستاذ هظبطلها فستانها
قال نقاب قال
ودخلت وقفلت فى وشه الباب
آدم لسه بيفتح الباب المدرس:-
استغفر الله . استغفر الله وماشي اخص . اخص
على ده جيل اعوذ بالله . اعوذ بالله
يلا يا يا بنتي نروح اللي يعيش ياما يشوف استرها ع ولايانا يارب
آدم مش فاهم حاجه والكل متنح ومش فاهم حاجه من رد فعل المدرس
وبعدها الست العجوزه : هههههه وبتشاور بايديها اااه يا خلبوص انت هههههه بقى انت يطلع منك كل ده هههههه
وضربت ابنها بالعكاز شوفت الولد عمل ايه في عروشته خلبوص هههههه
خلبوص كبير هههههه
طارق راح للست وبعدهم فهم :-ايه يا حجه مين اللي خلبوص وبعدين انت بتضحكي على ايه؟!!
قامت ضربت طارق بالعكاز:- اخرش يا ولد انت كمان خلبوص هههههه وعلى كده بقى كل العرايش دول حوامل زي العروشه اللي جوه ههههههههه
هنا بقى الكل اتصدم وفهم رد فعل المدرس وفهمو قصد العجوزه
وآدم تنح وفكر في كلام الممرضه . العروسه حامل.
آدم راح للست:- لا لا يا حجه انتي فاهمه غلط دي مراتي
العجوزه :- ايوه هههههه يا خلبوص جاي تصلح غلطتك شباب ما لوش امان هههههه
طارق شد آدم:- اوعا انت كده باقولك ايه يا ست انتي الراجل ده متجوز الست اللي جوه دي من زمان يعني مش النهارده
العجوزه وقفت وضربت بالعكاز على راس طارق وماشيه لعب عريش وعروشه ههههه خلبوص كبير هههههه خلبوص كبير
الممرضه فتحت الباب وآدم جري على الاوضه وزقها ودخل ل مريم وقرب منها بحب وباس على ايديها
والدكتوره استغربت وفهمت ان آدم ابو اللي في بطنها وان آدم بيصلح غلطته
الدكتوره بغيظ:- المفروض يافندم انك كنت اطمنت علي عروستك الاول ومدام عارف انها حامل كنت عملت حسابك انها متتعبش في يوم زي ده
آدم :- فهم قصد الدكتوره
آدم :- حضرتك فاهمه غلط مريم مراتي على سنه الله ورسوله من ٤ شهور تقريبا وانا حبيت اعملها النهارده مفاجاه واعملها فرح من تاني علشان جوازنا كان في ظروف غامضه
الدكتوره بدهشه:- بجد!!!!!يعني مش .......
آدم :- لا لا مش .......
وبص للمرضه بصه خليتها تخاف والممرضه واقفه يا حوستي انا شتمت عليها وشكيت فيها وكمان استهزائت بالنقاب اللي هي لابساه
استغفر الله العظيم :- احم مبروك يا استاذ الف مبروك
آدم بصلها جامد:- اطلعي بره ما اشوفش وشك هنا
الممرضه خافت وطلعت بره
الدكتوره :- انا اسفه جدا طريقه دخولك بيها وكمان لبسها لفستان زفاف وانت كمان بدله فرح يعني عروسه جايه تكشف يوم فرحها ونكتشف انها حامل اكيد لازم نفهم غلط انا بعتذر
آدم : عادي حصل خير المهم هي مافقتش ليه
الدكتوره :- هي هتفوق دلوقتي انا اديتلها حقنه وكمان عايزه اقولك لازم تتغذى كويس جدا لان واضح قوي انها عندها انيميا ودي بتعمل مشاكل خلال فتره الحمل
آدم :- ايوه هي اهملت اكلها من فتره ورجعت كده من اسبوع
الدكتوره :- اسبوع ايه يا فندم مراتك حامل في شهرين ونص
آدم :- ايه ده بجد
الدكتوره :- طبعا بجد كل حاجه واضحه قدامي وهي محتاجه متابعه وياريت انا هاكتبلها على فيتامينات وحقن تبقى تاخدها في الميعاد
آدم:- ان شاء الله يا دكتوره لكن الانيميا دى هتاذيها هي أهم حاجه عندى
الدكتوره :- متقلقش كل حاجه هتتعالج وهتبقى تمام اهم حاجه تهتم باكلها وتاخد علاجها وهتبقى تمام
ومريم بدات تفوق والدكتوره خرجت
وآدم اتكلم مع مريم:- حبيبتي وروحي وعقلي حمد لله على سلامتك حرام عليكي خضتيني عليكي
مريم مسكت راسها:- اااه قومني يا آدم اااه راسي وجعاني قوي
آدم ساعدها :- اممم الف سلامه عليكي يا روح آدم
مريم :- انا فين؟؟
آدم : في المستشفى يا قلبي
مريم :- ايه ليه يا آدم ليه جبتنى المستشفى؟!!!
آدم مسك ايد مريم وحطها على بطنها:- جبتك علشان ده تعبك
مريم ايديها على بطنها ومش فاهمه حاجه
مريم :- آدم انا مش فاهمه انا بطني ما بتوجعنيش!!!!
آدم باس بطنها وقرب من ودنها وهمس لها :-مبروك يا أم عيالي
مريم فتحت عينيها:- ايه انت بتقول ايه وبعدها استوعبت واتعدلت اكتر انت بتتكلم جد انا انا ؟؟؟؟؟
آدم :- ايوه يا قلبي انتي حامل .. هههههه العروسه حامل
مريم بدموع:- بجد يعني انا حامل انا هابقى أم وانت يا آدم انت هتبقى أب بجد؟؟؟
آدم باس أيديها:- ايوه يا وش السعد
ولسه هيتكلم الباب خبط ودخلت شيرين وحضنتها وعيطت كتير وكانت فرحانه جدا ان هيكون عندها ابن اخت
رنا وملك وهنا و اشرف ومحمد وخالد والكل بارك
وآدم لبس ل مريم النقاب
وآدم شالها وخرج والكل بارك ل آدم ومريم
آدم:- انا اسف يا جماعه عطلتكم معايا يلا بقى كل عريس ياخد عروسته وعلى بيته والكل فعلا ما صدق كلمة آدم
وكل واحد اخد عروسته على بيته
آدم شايل مريم قرب من الممرضه:- اقسم بالله انا لو مكنتش مبسوط النهارده لكنت مبيتك في القسم انهردا ع الطريقه اللي اتكلمتى بيها ع مراتى
الممرضه خافت وجيريت من قدام آدم
اخد مريم ع العربيه وكان سايق على مهله علشان أم عياله
----------------
مصطفى اخد شيرين على الجناح في الفندق علشان يعيشو يوم عسل جديد
ومحمد راح عند عمه
وخالد طلع على بيته عايش مع ذكرياته وقاعد فرحان وحزين ووحيد
وبيتر روح فيلته مبسوط وفرحان من جو الفرح وكمان فرحان ان آدم صاحبه هيبقى أب وقعد واتصل على مراته وابنه علشان مسافرين وحكي كل تفاصيل اليوم بسعاده
---------------
جاسر اخد ملك وطلعوا على الفيلا وكانت متزينه بطريقه جميله وجاسر شال ملك ودخلوا الفيلا وطلع بيها على السلم وكانت ملك محرجه جدا ودخلها على اوضه النوم ونزلها على طرف السرير
جاسر :- نورتي بيتك يا ملاكى
ملك :- ميرسي يا جاسر
جاسر :- احم طيب انا هدخل اغسل وشي كده علشان افوق لو تحبي تغيري او انزل انا تحت
ملك :-هتنزل ليه
جاسر قاعد جمبها:- انا شايفك متوتره فقولت يعني اسيبك براحتك ولو اني مش هاين على اسيبك لحظه واحده و ماسك ايديها وباسها
ملك :- احم مريم شرحتلنا في السنتر شويه حاجات نعملها اول ما ندخل البيت
جاسر :- حاجات ايه
ملك :- يعني نتوضا ونصلى ركعتين مع بعض
جاسر :-اكيد طبعا خلاص قومي اتوضى وانا كمان اتوضا ونصلي مع بعض
ملك هزت راسها:- حاضر جاسر :- تحبي اساعدك في حاجه
ملك :- لا متشكره جدا
جاسر:- طيب انا هستناكي في الاوضه اللي جمبك
جاسر خرج ومش قادر يمثل الصبر عليها اكتر من كده هي وحشاه اوي وراح غير هدومه واتوضا ومستني ملك ومجتش
جاسر راح وخبط عليها
ملك فتحت وكانت لابسه الاسدال
جاسر :- ايه يااحبيبتى اتاخرتي ليه؟؟
ملك :- معلش كنت بغير بس
جاسر :- طيب تعالى نصلي في اوضتنا هنا
جاسر وقف وملك خلفه على يمينه وصلوا الاتنين وخلصو وجاسر حاطط ايده على راسها وقال الدعاء وقام ومسك ملك من ايديها وباسها بحب
ملك حست ان جاسر وحشها جاسر بيوطى يشيل سجادة الصلاه وراح يحطها على الكرسي ولف ووقف وتنح وكانت ملك قلعت الاسدال وكانت لابسه قميص ملك واقفه بتترعش لكن هي خايفه بس عملت كده علشان حست ان جاسر متدايق
جاسر فتح بقه وقرب منها:-
ملك انتي جميله قوي قوي
ملك غمضت عينيها ورمت نفسها في حضنه و تتنفس بصعوبه:- لو سمحت طمني انا متوتره وخايفه
جاسر مسد على شعرها بحب:- انتي بنوتي الحلوه ومش عايزك تخافي من حاجه وانا مش مستعجل على حاجه ان شاله اصبر عليكي سنه لكن مش عايزك بالخوف والتوتر ده
ملك هديت نوعا ما
و جاسر شالها وحطها على السرير وقعد جمبها علشان تنام وجه يقوم هي مسكت ايده:- ماتسبنيش خليك جمبي
جاسر قعد جمبها ومش مصدق ملاكه جمبه وكل شويه ملك تحس انها بتقرب من جاسر واحده واحده وجاسر بيمسد على شعرها وباس جبهتها بحب وخدها ونزل ع شفايفها برقه وملك استكانت وجاسر طمن ملك وتبادلو الحب
وبعد فتره انتقلت ملكيتها من ملك العدوي ل ملك جاسر الصاوي
----------بقلم Mariem Nasar
أشرف اخد هنا وطلعوا على شقتهم وهنا متوتره وبتفرك في ايديها
أشرف شافها قرب منها وشالها ودخلها اوضتها ونزلها
أشرف :- مبروك يا هنايا
هنا :.........
أشرف :- باقولك مبروك ياهنا
هنا :- احم الله يبارك فيك
أشرف :- كنتي قمر النهارده
هنا :- وانت كمان جميل جدا
اشرف :- بجد يعني عجبتك و بيقرب منها
هنا :- لا ابعد عني
اشرف :- نعم ابعد عنك؟!!
هنا:- لا مش قصدي كده بس بس انا حرانه
اشرف :- لا يا هنا حرانه وشغل جو المكتب ده مش هياكل معايا وادي يستى شغلتلك التكييف . بصي تعالي اقعدي هنا بصي يا قلبي انا مش عايزك تخافي مني لاني بعشقك وعمري ما هافكر أذيكي ابدا انتي دلوقت تقومي كده تغيري و تتوضي علشان نصلي ركعتين لله مع بعض كده ايه رايك في الفكره الحلوه دي
هنا :- حلوه حاضر اطلع بره بقى
أشرف :- اطلع بره ليييييه خليني معاكى يمكن تحتاجي مني حاجه
هنا :- لا شكرا مش هاحتاج
أشرف :- طيب افكلك السوسته
هنا وشها احمر:- اتفضل بقى لو سمحت
اشرف :- حاضر يا هنايا انا كمان هغير هدومي واتوضا وكل واحد فيهم غير واتوضا واشرف وقف وهنا ورا على يمينه وصلي بيها وبعدها قال الدعاء وقعد قدامها وهي قاعده بالاسدال
اشرف :- تعرفي ياهنا انك بالحجاب بدر منور بجد انا اول مره اشوفك في الحجاب والله ما زادك الحجاب الا جمالاً
هنا :- بجد تعرف اني اتكلمت مع مريم النهارده
اشرف حب يطمن هنا ويتكلم معاها علشان تاخد عليه اكتر
أشرف :- اتكلمتى مع مريم في ايه؟ ؟
هنا :- في حكايه الحجاب وانا اقتنعت ب وجهه نظرها انت عايزني اتحجب يا أشرف؟؟
أشرف قام و هي قامت :- والله يا هنايا انا اكون مبسوط جدا طبعا لكن انا عمري ما هاقدر اجبرك على حاجه علشان انا عارف وواثق انك هتختاري الصح
هنا اندمجت معاه في الكلام وتكلموا كتير ورجعوا لموضوع الحجاب تاني
اشرف واقف بيتكلم معاها . وهنا نسيت كل حاجه ونسيت انها لابسه قميص تحت الاسدال وكان قصير جدا جدا وبتقلع في الاسدال وبتتكلم:- يعني انت يا أشرف لو انا ما لبستش الحجاب انت ممكن ما تزعلش مني وكمان مش هتجبرني عليه انا خايفه لتزعل منى لو متحجبتش بجد يا اشرف انت انسان جميل جدا وانا واثقه ان شاء الله اني هختار صح
أشرف واقف ومتنح وفاتح بقه ويغمض ف عنيه ويفتحها وهنا مش فاهمه
هنا :- اشرف باكلمك روحت فين
أشرف :- ب بلاها وشاور بايده عليها وقال روحت هنا
هنا بصدمه بصت على نفسها شافت انها قلعت الاسدال وهي مندمجه في الكلام هنا شدت غطا السري ولفت نفسها بيه انا. انا والله اطلع بره
أشرف :- ايه يا هنا اهدى يا حبيبتي واحده واحده تاخدي عليا يعني اتكلمنا مع بعض ساعه اهو وشفتك بالقميص كلها ساعتين وتبقى مراتي
هنا :- اشرف لو سمحت اطلع بره وبتفرك في ايديها وهي لفه الغطا حواليها
أشرف قرب منها بحب ومسك ايدها وباسها:- انتي كل ما توتري تفركي في ايدك كده انا عايزك تهدي خالص
ومثل عليها انه زعل:-
ولو عايزاني اخرج دلوقتي يا هنا انا هخرج وانام بره كمان انا هعمل كل حاجه انتي عاوزاها بعد اذنك
هنا : صعب عليها اشرف حبيبها:- لا خلاص خليك
أشرف ابتسم بمكر :- انتي بنت حلال والله تسمحي بقى غطا السرير ده وشاله من عليها
وشال هنا بحب على السرير وقرب منها بكل حب ورقه وباسها وهنا واحده واحده اخدت على اشرف واندمجت معاه وبعد فتره انتقلت ملكيتها من هنا الصاوي ل هنا عزيز
----------- بقلم Mariem Nasar
اما بقى طارق اخد رنا ووصل عند الشقه و فتح الباب ودخل :- ادخلي برجلك اليمين يا عروسه
رنا :-ايه يا طارق انت مش هتشلني
طارق :- اشيلك لا لا مش النهارده انا ضهري من كتر الرقص قافش عليا
رنا بغيظ دخلت:- بموت في رومانسيتك
طارق :- حبيبتي انتي لسه شوفتي حاجه اتفضلي ادخلي بيتك يا عروسه
رنا دخلت ووقفت في الصاله متوتره وطارق شايف انها متوتره ولسه هيقرب منها حس انه لازم يدخل الحمام حالا
طارق :- طيب ياحبيبتي تعالي اقعدي في اوضه النوم وانا هادخل الحمام علشان يعني انتي عارفه انا من الصبح وكده انت فاهمه بقى
رنا :- بتفهم اتفضل انت وانا هستناك هنا
طارق :- لا لا تعالى الاوضه جوه وانا هادخل الحمام
رنا :- احم حاضر اتفضل انت انا جايه وراك
طارق ساب رنا ودخل الحمام وبعد شويه بيكلم نفسه واد يا طارق رنا معاك اهي في بيت واحد يا سلام اخيرا . اخيرا ده انا ما بقاش عندي صبر انا لازم اخرج بقى انا في الحمام من بدري . يلا تلاقي رنا يا قلبي واقفه مكانها من كتر الكسوف
وطارق خرج وكان في اوضه النوم وما لقاش رنا :- اه انا حافظ رنا حبيبتي اكيد متوتره وخايفه انا لازم احتويها واقرب منها بحب شويه
طارق خرج من اوضه النوم وقف في الصاله ملقاش رنا بص في الليفنج ملقاهاش وفكر انه ممكن تكون رنا هربت وجيري يفتح باب الشقه سمع صوت رنة حاجه وقعت على الارض رجع وراح على مصدر الصوت وشاف رنا قاعده على السفره وجايبه الاكل اللي في المطبخ كله وحطاه على السفره زي ماهو وقاعده بتتعشى
طارق بصدمه راح عند رنا:- انتي بتعملي ايه
رنا بقها مليان اكل وكانت لسه المعلقه في بقها وشالت المعلقه وبتتكلم وطارق مش فاهم حاجه لانها بتتكلم وهي بتاكل
طارق قرب يجيب اخره :-رنا ابلعي الاول واتكلمي
رنا بلعت:- ابن حلال والله انا قولت ايه بقى اسلي نفسي كده في اي حاجه على ما انت تخلص حمامك تعالى تعالى اقعد كل
طارق فتح بقه:- ايه كل الاكل ده يا رنا انتي جايبه المحاشي في الحله والمكرونه في الصينيه وكمان الجلاش في الصينيه وكمان جايبه كل الفراخ والحمام ده ليه على السفره مين هياكل كل ده
رنا :-الله يا طارق انا جعانه وكمان تعبانه وما قدرتش احط الاكل في الاطباق تعالى بس اسمع مني ماما عامله شويه محاشي وفراخ جامدين جدا تعالى خد الورك ده
طارق كان هيقلب السفره على الارض وحاول يهدى نفسه :-ماشي يا رنا كلي يا حبيبتي كلي ولما تشبعي قوليلي وواقف يهز رجليه
رنا :- حبيبي والله يا طارق هو انا بحبك من شويه
طارق :- حوشى يا بت الحب اللي بيدلدق منك اخلصي بقى علشان عايزين نتوضا ونصلى علشان انا كنت هتنيل زي اي عريس ده بعد اذنك طبعا
رنا الاكل وقف في بقها و كحت وشرقت وطارق جيري وجاب الميا وشربها وخاف عليها:- رنا حبيبتي اشربي . اشربي على مهلك
رنا شربت الميه وقعدت على الكرسي
طارق :- رنا احسن دلوقتي
رنا هزت راسها اه
طارق :- طيب انتي اكلتي .. قالت اه
طارق :- ماشي خليكي زي ما انتي و قام وشال كل الاكل ورتب كل حاجه مكانها لان طارق على قد ما هو متهور لكنه مرتب جدا ورجع ل رنا وقرب منها وباس على ايديها :- احسن دلوقتى
رنا :- ايوه
طارق :- خوفتيني عليكى حرام عليكى يلا قومي بقى مع اني ضهرى قافش على لكن انا مش هحرمك من اي حاجه طارق شال رنا وهي اتكسفت وخافت من رد فعل طارق
طارق :-دخلها اوضه النوم ونزلها في نص الاوضه وقالها حبيبتي يلا بقى وانا اعصابي هاديه كده انا هدخل جوه اغير هدومي واتوضا وانتى يا قلبي كمان غيري هدومك واتوضي علشان نصلي لله ركعتين مع بعض وباس على ايديها
طارق :- عايزين حياتنا تبتدي بذكر الله وكمان انتي وحشاني قوي قوي وهموت عليكي وعايز منك عيال كتير انا بحبك قوي يا رنا
رنا خافت تتكلم:- احم
طارق :-ما تقولي حاجه يا رنا انا باكلم نفسي
رنا :- احم انا اصل يا طارق
طارق مش عايز يتنرفز:- رنا يا حبيبتي قولي بسرعه زمان آدم وجاسر وأشرف سبقوني حرام عليكي شكلي وحش كده
رنا بلعت ريقها :-بصراحه يا طارق انا مش هينفع اتوضا ولا اصلي
طارق : بغباء ليه مش هينفع !!
رنا :- قربت منه ووشوشته في ودنه
طارق فتح عينيه على الاخر :- يادي السواد عليك يا طارق
يا حظك الاسود يا طارق
يا اللي امك داعيه عليك وعلى بختك يا طارق
أوعى من وشي وبص ل رنا بغيظ واخد غطا و مخده و سابها وطلع بره الاوضه متنرفز
رنا حست انها مخنوقه وزعلت وبعدها غيرت هدومها ولبست بيجامه وكانت بتعيط وخرجت من جوه ورايحه على السرير علشان تنام ودمعتها على خدها شافت طارق واقف في الاوضه وهي وقفت وقرب منها وباس على راسها:- انا اسف انا بجد اسف انا مش عايزك تفهميني غلط انتي وحشاني وده سبب اني اتعصبت بس بجد حقك عليا انا اسف سامحيني
رنا بدموع :-وانا ذنبي ايه يا طارق انا قولتلك لسه بدري على ميعاد جوازنا انت اللي صممت وانا كنت خايفه واهو حصل
طارق مسح دموعها وباس عيونها :- حقك عليا بقى خلاص بطلي عياط دموعك دي بتكوينى ودخلها في حضنه :- عارفه الحضن ده عندي بالدنيا كلها انا بحبك قوي بجد والله مش قصدي اللي انا عملته انتي عارفه ان اي عريس بيبقى ملهوف على عروسته وانتي مش عروستي وبس انت حبيبتي وحياتي
ورفع وشها بايديه باقولك ايه
رنا :- نعم
طارق :-ما تجيبي بوسه تصبيره
رنا بخجل قربت منه لانها متطمنه وقربت من خده وباسته
طارق مش كده البوس بيبقى كده وقرب من شفايفها وباسها بوسه طويله بكل حب وشوق طارق حس ساعتها انه هيموت من كتر دقات قلبه السريعه وشالها ونيمها في السرير وفضل جمبها واخدها في حضنه ونامو في حضن بعض
-----------بقلم Mariem Nasar
آدم شال مريم لحد باب الشقه وفتحلها الباب ودخلت وشافت مفاجاه جميله ان آدم زين الشقه كلها بطريقه جميله جدا
مريم فرحت جدا و حضنت آدم :-النهارده بجد اسعد يوم في حياتي
انت حققتلي كل حاجه . كل حاجه يا آدم انا مش عارفه اشكرك ازاي
انت حنين قوي انت رزق ربنا رزقني حبك انا اكيد عامله حاجه حلوه في حياتي علشان ربنا يرزقني بيك انا اكتر من بعشقك وبكت يا رب ربنا يقدرني واقدر اسعدك واكون الزوجه الصالحه اللي اتمناها قلبك
آدم خرجها من حضنه :-انتى تزعلي تعيطي تفرحي تعيطي انا اللي رزق برده ولما انا رزق انتي ايه!!!
انتى جنه آدم في الدنيا انا عايزك على طول مبسوطه وانا اللي اسعد انسان في العالم كله انا ربنا راضي عني علشان انتى موجوده في حياتي انتي حبك سحر واتملك منى عارفه لولا الجريمه اللي حصلت دي انا مكنتش هعشق كده انتى جريمة عشق يا مريم انتي حبيبتي
انتي احتليتي كياني وروحي انتي عايشه في عقلي انا يا مريم الدم اللي بيجري في شرياني مكتوب باسم مريم . مريم وبس
مريم بكل حب :-نفسي اقدملك حاجه تعبر عن حبي ليك نفسي اثبتلك بجد اني بعشقك اكتر منك بمراحل انا جوايا صراع ما بين اني بعشقك وما بين مرحله ما بعد العشق
انت ابويا واخويا وابني وجوزي وعشقي وكيانى وقلبي وعقلي وشريانى انت كل حاجه حلوه ربنا خلقها
آدم :- ياااه انا كل ده . وكمان انتي قدمتيلي النهارده احلى هديه واجمل هديه بجد وحط ايده على بطنها ونزل على ركبه وباس بطنها انتى جواكى حته مني ومنك انتى جواكى عشقي وحبي وروحي انتى قدمتيلي احلى حاجه في الدنيا انا بجد مش لاقي كلام اوصفه انا كنت فرحان جدا ومبسوط وبعد ما عرفت انك هتبقى ام بنوتي الحلوه فرحتي بقت اضعاف الاضعاف وحاسس ان السعاده النهارده ما توزعتش على حد غيري انا وبس
انا بحبك قوي يا مريم وقام وقف
مريم غمضت عينيها بحب واتنهدت :- عارف يا آدم احلى حاجه ايه
آدم :- ايه يا روحي
مريم :- اني مش بحلم
آدم :- لا يا قلبي مش بتحلمي ويلا بقى تعالي علشان ندخل اغيرلك الفستان ده وتنامي
مريم حطت ايديها على رقبته ايه ده هو في عروسه بتنام كده على طول ليله فرحها
آدم مشتاق لها لكن هي تعبانه وكمان حامل ومش عايز يتعبها وهو عارف انها بتعمل كده علشان تسعده وقرب عليها وباسها من شفايفها بسرعه :- حبيبتي على طول عروسه وكل يوم عروسه لكن انتى تعبانه ولازم ترتاحي شويه على الاقل
مريم رجعت خطوه لورا ومدت ايدها ل آدم :- ممكن حضرتك تقبل دعوتي ليك النهارده
آدم خلاص حصنه بينهار ولسه هيتكلم
مريم:- مش هتشلني وتدخل اميرتك اوضتها
آدم قرب منها الخطوه دي وشالها وهمس :-اميرتي وملهمتى وحبيبتي تشاور وبس وعشقها ينفذ
ودخل بيها الاوضه ونزلها وجاي يبعد مسكت ايده بسرعه:- مش هتفكلى الطرحه وتشيل التاج ولا انا مش عروسه!!
آدم قرب من ودنها وهمس:-انتي اجمل وارق واحلى عروسه ربنا خلقها انا عيوني ليكى يا مريومه
آدم بيشيل التاج والطرحة
:-آدم ايه ده يا مريم هي الست حاطه كام دبوس
مريم :-ههههههه قصدك كام علبه امال انت مفكر انا قولتلك شيل الطرحه ليه علشان تعذرني
آدم :-ايه ده . ايه ده بجد دي دبابيس كتير حبيبتي ينفع اجيب مغناطيس ويطلعوا لوحدهم
مريم:- ههههههه لا طبعا ماينفعش
آدم :-طيب تعالي اقعدي على طرف السرير هنا علشان ما تتعبيش
وشال كل الدبابيس وبعد فتره
ادم :- اهو الحمد لله اخيرا اخر دبوس
مريم قامت وآدم وفك الطرحه و اتصدم من جمال مريم ولون شعرها الجديد والميك اب كانت اجمل من اي عروسه
آدم :- انتى . انتى صبغتى شعرك
مريم باحراج :-عجبك؟؟
آدم :- هو بصراحه تحفه بس ما تعمليش كده تاني
مريم : بزعل ليه
آدم سند جبهته على جبهتها :- حبيبتي شعرك مش محتاج وكده ممكن يبوظ انتي عارفه الصبغه والحاجات دي بس عايزه الصراحه انتى جامدة اووي
مريم بدهشه جامده !!!
آدم حاوطها من وسطها:- جامده وموزه وبت كده من الاخر و مراتي و بعاكسك عندك مانع؟؟؟
مريم حطت ايديها حوالين رقبته :-ما عنديش مانع وانت كمان واد مز كده وجامد وبطل
آدم ضحك بصوته كله :-بطل والله ماحد بطل الا انتى
مريم حطت راسها على صدره تاني:- انا بحبك يا آدم
وبعدها قلعت الفستان وآدم غير هدومه ومريم لبست قميص جديد علشان خاطر آدم يكمل فرحته وقرب منها:- انا خايف عليكي انتي تعبانه وحامل كمان
مريم :- تؤ الفرحه مخلياني زي الفل
آدم قرب منها وباسها
ومريم اندمجت معاه وشالها وراح بيها على مكان الحب والغرام وكانت اجمل ليله بالنسبه ليهم
---------بقلم Mariem Nasar
كانت ليله جميله على الكل
آدم ومريم . واشرف وهنا . وجاسر وملك .. ومصطفى وشرين
الا ياعيني طارق الغلبان ورنا المسكينه
في الصباح
جاسر فتح عينيه و شاف نفسه في السرير لوحده و افتكر انه كان بيحلم لكن شاف فستان ملك عرف انها حقيقه جاسر قام يشوف ملاكه فين خرج من الاوضه و نازل على السلم شم ريحه شياط راح جرى على المطبخ وشاف ملك لابسه قميص جميل وده حرك مشاعره
ولكن شاف الدخان اللي كانت على البوتاجاز
جاسر :- في ايه يا ملك ايه الدخان ده
ملك بزعل:- انا اسفه يا جاسر انا قومت قبل منك وقولت اعملك فطار وكمان الداده جت قولتلها روحي نامي انتي وانا هجهز كل حاجه ومعرفتش اعمل ايه دخلت على النت اشوف اي وصفه وشوفت طريقه البيض بالبسطرمه ومشيت على الطريقه بالظبط لكن ماعرفش ايه اللي حصل سبت كل حاجه على البوتاجاز والنار شغاله ورحت اغير هدومي رجعت لقيت كل حاجه سودا زي ما انت شايف . بجد ناس ما عندهاش ضمير
جاسر كاتم الضحكه و حضنها من الخلف :- صباح الحب الاول
ملك :- صباح الخير
جاسر :-فعلا ناس ما عندهاش ضمير المفروض وهما بينزلوا الوصفه على النت يقولوا خلي بالك يا ملك ما تطلعيش تغيري هدومك وكمان ما تسبيش النار عاليه على الاكل علشان هيتحرق
صدقي انا هارفع قضيه عليهم وكتم الضحكه
ملك لفت ل جاسر:- انت بتهزر صح . انت تقصد اني ماكنش المفروض اسيب الاكل كل الوقت دي على النار
جاسر :- حبيبتي البيض بالبسطرمه مابياخدش وقت المهم الحمد لله انك بخير وبعدين مين قالك تتعبي نفسك وازاي تقومي من حضني
ملك بدلع:- حبيبي انا كنت عايزه اعملك الفطار و اجيبهولك لحد عندك
جاسر :-ملك انا بحذرك اول واخر مره افتح عيني من النوم وملقاكيش جمبي فاهمه
ملك باسته من خده:- سوري يا حبيبي فاهمه
جاسر :- باقولك ايه
ملك :- نعم
جاسر :- القميص ده حلو قوي عليكي
ملك :- بجد عجبك قولي رايك بجد
جاسر :- و هو بيشيلها عيوني حاضر هاقولك راي فوق
ملك :- بحبك يا جاسر
جاسر :- قلب جاسر
-----------
عند اشرف فتح عينيه على همس هنا في ودنه:- قوم بقى انت وحشتني قوي عايزه اشوف عيونك
أشرف فتح عينيه وابتسم:- صباح الحب يا قلبي
هنا :- صباح الراحه والامان وحشتني
أشرف اتعدل وباسها من خدها وشاف في اكل على الترابيزه اشرف :- ايه ده يا حبيبتي الاكل ده انتى عملتيه امتى؟؟؟
هنا :- لا مش انا اللي عملته ده بابا مصطفى بعته مع السواق واتصل عليك وانت ما ردتش اتصل عليا وقالي صحي اشرف ياخد الاكل علشان تفطروا
أشرف :- وانتى فتحتي للسواق
هنا :- ايوه يا قلبي سبتك تنام صعبت عليا
أشرف بصدمه:- فتحتي وانتي لبسه كده!!!!؟؟؟
هنا :- ايه ده يا اشرف معقول هفتح للسواق وانا بالشكل ده على العموم شكرا على ثقتك فيا انا فتحتله وانا لابسه الاسدال عن اذنك
وبتتحرك اشرف مسكها بسرعه:- تعالي هنا ايه بس زعلتي ليه
هنا :- ما فيش حاجه يا اشرف واضح انك ما بقتش تثق فيا من يوم ما صارحتك باللي حصل زمان
أشرف :- انتى غبيه صح في فرق مابين الغيره وما بين الشك يا جزمه فاهمه انا بغير عليكي وبعدين انا سالتك علشان انتي تقريبا مش لابسه ههههه
هنا اتكسفت :- احم
اشرف :- ايه حرانه اشغل التكييف يا بت بغير عليكي وبعدين لو فتحتي موضوع الحيوان ده تاني صدقيني هتزعلي مني يا هنا فهمتي؟؟؟
وما تزعليش
هنا :- اوكي خلاص قوم بقى علشان نفطر مع بعض
اشرف :- لا لا انتي زعلانه
هنا :- لا يا اشرف مش زعلانه
أشرف :- والله زعلانه
هنا :- صدقني بجد انا مش زعلانه
اشرف :- لا لا زعلانه مني و لازم اصالحك
هنا :- تصالحني ازاي يعني؟!
أشرف :- هتعرفي دلوقتي ده انا لازم اصالحك ولازم اراضيكي لحد ما تحلفي انك مش زعلانه وقرب منها تعالي
هنا :- تاني يا اشرف
أشرف :- هو احنا لسه عملنا حاجه لسه بنقول بسم الله
------------
عند المسكين طارق رنا نايمه جنب طارق او عامله نفسها نايمه لانها زعلانه علشان حاسه ان طارق جواه زعلان وكانت نفسها طارق يكون مبسوط
وطارق صاحي وعيونه كلها على رنا وبيتامل في جمالها وهو ما بقاش زعلان قوي المهم ان حبيبته جمبه طارق بدا يرخم علي رنا علشان يصالحها
طارق :- رنا . رنا قومي
رنا : ........
طارق :- رنا رنوش حبيبتي قووومى
رنا : ........
طارق :- انا عارف انك صاحيه وغلاوه طارق عندك بقى قومي
رنا فتحت عينيها وطارق قلبه دق وقرب عليها وباس عينيها بحب:- صباح الادمان
رنا استغربت:- صباح الايه!!!؟؟
طارق :- الادماااان انتى ادماني انا مدمنك يا رنا ولازم اشوفك اول ما اصحى علشان احس اني عايش
رنا ابتسمت :-صباح الخير تحب اقوم اعملك فطار
طارق قرب منها وعايز يفرفشها:- هو انتي هتفضلي زعلانه كده انا مش زعلان انتى بقى زعلانه ليه!!؟؟
رنا بدموع:- كان نفسي اخليك مبسوط وفرحان
طارق :- وحد قالك اني مش مبسوط ولا فرحان حبيبتي انتي فهمتيني غلط وبعدين يعني احنا مش هنفضل كده على طول كلها يومين واللي مفرحني وجودك جنبي انتى حبيبتي . وحبيبتي جمبى هعوز ايه تاني
رنا :- بجد يا طارق يعني مش زعلان طارق قرب منها وباسها من شفايفها والله دلوقت مش زعلان وبعدين مش شرط يعني في حاجات تانيه نعملها
رنا : بعدم فهم حاجات ايه
طارق : هههههه في احضان وحاجات من دي
رنا وشها احمر:- احم عيب يا طارق
طارق :- عيب ده انا هخليكي بعد شهر انا اللي هاقولك عيب يا رنا ههههه
رنا اتكسفت وجت تقوم
طارق :- تعالي هنا انا عايز حضن
رنا :- بس يا طارق
طارق : - ده كفايه طارق دي تعالي تعالي
----------بقلم Mariem Nasar
اما عند آدم
فتح عينيه وكانت مريم نايمه في حضنه وهو على جمبه وعينيه على وش مريم بيتامل فيها
ورجع شعرها ورا ودنها :- سبحان من خلقك ايه في الجمال
مريم بدات تفوق فتحت عينيها وشافت اجمل ووش
صباح :- العشق
آدم :- صباح اللؤلؤ والمرجان صباح الياسمين صباح القمر صباح كل حاجه حلوه
مريم باست كتفه بحب :-صباح قلبي انت . احلى يوم بيبدا لما اشوفك انا مش عارفه انا نمت ازاي امبارح كنت هلكانه ههههههههه
آدم اتعدل وباس بطنها:- قولتلك بلاش بس انتي بقى اللي مابتقدريش تقاومي سحر ال آدم
مريم :- فعلا ودي حقيقه ومين يقاوم سحرك
آدم بحب باس راسها:- حبيبتي وبنوتي الصغيره انتى ربنا يخليكلي لقلبى
مريم :- ويخليك لروحي
آدم :- يلا بقى علشان فاضل ساعه على ميعاد شغلي يدوبك اعملك كوباية لبن وافطرك كويس قبل ما انزل
مريم بزعل:- ليه متخليك معايا انهردا
آدم باسها :- اتمنى العمر كله اكون ف حضنك بس غصب عني يا روحي وبعدين انتي عارفه ما انا فهمتك على كل حاجه يومين وهنسافر كلنا مع بعض احنا اتفقنا كلنا هنسافر على لندن
مريم :- لندن انت مش قولت تركيا وبعدها لندن
آدم :- حبيبتي هما عايزين نكون كلنا مع بعض و هنبقى معاهم يومين وبغمزه ومن غير ما يعرفوا اخطفك على تركيا
مريم بفرحه:- بجد يعني هنكون لوحدنا
آدم :- طبعا هاكون انا وعشقي لوحدنا
مريم :- حبيبي انت يا ادم
آدم :- وانتى عشق الادم والله
مريم :- طيب هتيجي امتى علشان نروح انهردا للعرسان نباركلهم
آدم :- نروح فين
مريم :- ايه ياحبيبى ملك اختك عروسه وانت اخوها ولازم تباركلها وكمان رنا واشرف ولاد اختى ولازم نباركلهم وانهردا الصباحيه
آدم :- ماشى انا هبقى اعدى عليهم وانا راجع من الشغل
مريم :- طيب وانا هروح ازاى؟؟!!
آدم :- لا ياحبيبتى مش هتروحي ف حته انتى تعبانه وحامل مش هينفع
مريم :- لا يا آدم انا مش تعبانه لوسمحت خلينى اروح
آدم :- ممنوووع فاهمه واسمعى الكلام مفيش حركه كتير ليكى
مريم حاولت تاثر عليه وباسته برقه:- علشان خاطر مريومه حبيبتك
آدم باسها:- وحيات مريومه حبيبتى مفيش خروج ولو عملتى ايه صحتك عندى بالدنيا
مريم اتقمصت:- الله بقى يا آدم
آدم :- الله بقى بقى يامريم وافرديها واضحكى ومفيش خروج انا هاقوم اجهزلك الفطار علشان الأنيميا اللي عندك دى وكل يوم تشربى كوبايتين لبن صبح وليل
مريم ربعت ايديها .........
آدم :- بت يلا قوليلى بحبك يا ادومى ههههه
مريم :- ههه بعشقك يادومي
------------
عاصم قاعد مع ابتسام وكانت لسه جايه من عند العرسان بتبارك ل جاسر واخته هنا بتحكيله كل حاجه عن جاسر وملك وهنا واشرف وقالتلو ان هنا عايشه في شقه فخمه وكمان سالتها عن لون شعرها الجديد هنا بغبائها قالتلها كلنا صبغنا شعرنا حتى مريم ورنا
وحكتله ع كل حاجه حتى حمل مريم
وعاصم قاعد بيغلى من الحقد ورقم جديد اتصل عليه
عاصم :- الوووو
زياد :- الو عاصم الصاوي؟؟
عاصم :- ايوه مين معايا؟؟
زياد :- انا اللي رعبتك الايام اللي فاتت انا اللي بعتلك الفيديو وكمان معايا منه اكثر من 100 نسخه انا اللي هلف حبل المشنقه حوالين رقبتك
عاصم :- ههههههه انت صوتك ما يدلش انك راجل كبير يعني صوتك حته عيل ما لوش لازمه
زياد :- طبعا انا صغير بس ارجل منك يا عاصم يا صاوي وصدقني دليل قتلك لحسين الصاوي في ايدي دلوقتي
عاصم قام وقف انت مين
زياد :- انا زياد جمال