رواية جريمة عشق
الفصل الثالث والثلاثون و الرابع والثلاثون33و34
بقلم مريم نصار
هدى:- صباح الخير يا نينه نهاد
نهاد :- صباح الخير يا هدى يا بنتي
هدى :- ايه اللي مصحيكي دلوقتى؟؟
نهاد :- انا صاحيه من اذان الفجر
هدى :- ليه يا نينه نهاد خير حاسه بحاجه يا حبيبتي ؟؟
نهاد :- ابدا يا بنتي بس حلمت حلم وقومت على الاذان ومنمتش بعدها
هدى :- حلم خير يا رب ويا ترى بقى حلو ولا وحش
نهاد :- والله ما عارفه هو شكله بيقول انه حلو ومش عارفه برده ربنا يسترها
هدى :- طيب احكيلي و خير باذن الله
نهاد : خير اللهم اجعله خير انا شوفت جمال الله يرحمه بيجري يجري في مكان واسع و عمال ينادي يا زياد يا زياد تعال يابني قومت انا لقيت نفسي واقفه قدامه قولتله سيبه سيبه يا جمال يروح علشان خاطر هدى مراتك
جمال قال ما ينفعش نادوا علي زياد
وبعدها لقيتك انتي جايه وكنتي لابسه فستان فرح وديله طويل قوي ولقيت واحده منتقبه مسكت ايدك وحطتها في ايد واحد لابس بدله بس شكله مش واضح
وانا رحت ورا زياد و اخدته ومشيت ولقيت زياد حط حلق وخاتم ف ايدي وصحيت على كده
هدى :- بقلق والله يا نينه ما عارفه انا خايفه على زياد قوي وكمان اكون لابسه فستان فرح ده قلقني اكتر ربنا يسترها
نهاد :- ان شاء الله خير يا بنتي ممكن تكون اضغاث احلام
هو زياد فين؟؟
هدى :- قالي انه هيبات عند طاهر النهارده علشان وراهم شغل بكره عند زبون تبع طاهر وقولت يروح اهو زهقان يا كبدي مابيروحش في حته غير شغله
نهاد :-الله المستعان يا رب استودعتك زياد عندك يارب وانت لا تضيع عندك الودائع اللهم لا ترينا فيه بائس يبكينا يا رب
هدى :- اللهم امين اللهم امين يا رب
عند عاصم
--------------
عاصم :-خلاص يا ماما انامبقتش قادر ولا طايق اسمع اسمهم جاسر جاسر وهنا خلاص
ابتسام :- الله يعني انا غلطانه مش انت اللي كنت قلقان على ست الحسن هو انا يعني كنت رحت ليه مش علشان اطمنك عليها
عاصم :- اه يا ناري انا مش عارف اتلم عليها انا امبارح كنت هاموت عليها يا ماما وانتي جايه تقوليلي صبغه شعرها للزفت آدم ده لا وكمان حامل ده ايه النحس ده بس على مين انا لازم بقى الم فلوسي اللي في السوق ومفيش حل غير اني اجهز ورق مضروب واخد مريم ونسافر انتي ما تعرفيش من ساعه ما شفتها وهي لابسه فستان وعروسه وهي عامله فيا ايه
ابتسام :- طيب وحقك عند عيله الصاوي
عاصم :-اخد بس مريم وبعدها افضالهم انا من ساعة ما شوفت مريم وانا مش مركز في اي حاجه ولا عارف اعمل اي حاجه
ابتسام :- طيب مش هتروح تدارى الجرح اللي في وشك ده؟!
وبعدها الجرس رن
ابتسام :- تلاقيها سوزي
عاصم :-لا مش سوزي دي واحده تانيه
ابتسام :- يخيبك انت كل يومين مع واحده شكل
عاصم :- اووووف اوعى كده لما افتح . فتح الباب وكانت بنت في منتهى الجمال الصناعي اهلا اهلا نوال تعالى
نوال :- نونا قولي نونا
عاصم :- وماله نونا تعالى خشي بقى جوه على الاوضه دي و استنيني جوه يا نونا هوزع الست دي وجايلك يا قمر
نوال :-طيب بسرعه علشان ورايا شغل تانى كمان ساعتين اوكي
عاصم :- اوكي بس انتي مش شايفه ان ساعتين شويه
نوال :- هههههه لما نشوف ودخلت هاااى يا طنط
ابتسام :- هاى ياختي خشي خشي ما هو مش فالح غير في كده
عاصم :-طيب يلا بقى يا ماما على شقتك وتبقى اتصلي قبل ما تيجي
ابتسام :- طول عمرك ديلك نجس ماشي ياخويا انا هلم حاجتي ولسه بتتكلم معاه
فون عاصم رن وكان زياد
عاصم :- انت مين
زياد : زياد جمال فاكرني
عاصم :- اه العيل اللي رمينا ابوه في الشارع للكلاب نعم عايز ايه؟!
زياد :- بغيظ عايز رقبتك
عاصم :- وما له خدها وانت عارف ان ساعه واحده واكون جبتك تحت رجلي
زياد:- مش هتعرف لاننا مش في البيت ولا كمان الورشه ومش هتعرف توصلي ولا توصل لحد من عيلتي
عاصم :- بغيظ طلباتك يابن جمال
زياد :- تقابلني بكره الساعه ١٠ الصبح على الطريق الصحراوي ولوحدك
عاصم :- وبعدين؟
زياد :-10مليون
عاصم بصدمه:- ايه انت عبيط يالا !!!!
زياد :- انا قولت اللي عندي الساعه ١٠ ومعاهم 10مليون تشتري بيهم رقبتك
عاصم هيتكلم
زياد قطعه :-مش عايز كلام كتير انت لو ماجيتش بكره في الميعاد انا هاسلم النسخه للقسم وخلي الفلوس تنفعك ومن غير سلام وقفل
عاصم :- كسر الفون في الحيطه انا غبي انا غباااااي انا كان لازم اقتلك كان لازم اقتلك يا بن جمال
ابتسام :-وهتعمل ايه يا عاصم؟؟
عاصم شد امه من شعرها ورماها بره باب الشقه ونونا خافت من صوته وطلعت تجري وهربت منه
وعاصم كان عامل زي الطور الهايج واخد فون امه كان واقع ع الارض واتصل على شيكو :-تعالى حالا دلوقتى 10 دقايق وتكون قدامي فاهم
-----------
ف القسم
--------------- آدم بيتكلم ف الفون بيطمن ع مريم
العسكري امين :- آدم باشا
آدم :- خير يا امين
العسكرى امين :- المدير بيقول لحضرتك قبل ما تروح عايزك في مكتبه
آدم :- ماشي روح انت
الو ... ايوه يا حبيبتي طيب انا ساعه بالكتير وهكون عندك وهشوف المدير عايز ايه وجاي
مريم:- ماشي يا حبيبي خلى بالك من نفسك
آدم :- طيب اسمعي الكلام بقى علشان خاطري انا مقطعلك التفاح في طبق في التلاجه عايزك تخلصي الطبق كله
مريم :- حاضر يا حبيبي لو قدرت هاكل التفاح
آدم :- مفيش لو قدرت هتاكلي انتى الصبح طلعتى عيني على كوبايه اللبن
مريم :- اسكت يا آدم ما تفكرنيش انا اول ما شربت اللبن بعدها قلبت معدتى الله يسامحك
آدم :- معلش يا قلبي استحملي علشان بنوتى تطلع حلوه كده
مريم :- بنوتك انت من امبارح عمال تقول بنوتك والنهارده ايه اللي عرفك انها بنت؟!
آدم :- انا حاسس انها بنت وعايز بنت
مريم :- امممم ربنا يرزقك باللي بتحبه يا قلبي
آدم :- رزقني بيكى يا قلب آدم بصى هاكمل كلامي معاكي لما ارجع وفكري كده وشوفي عايزك تتوحمى على حاجه جامده بس اهم حاجه تكون موجوده
مريم :- ههههه هافكر حاضر
آدم :- باي يا روحي
مريم:- باي يا حبيبي
آدم قفل وطلع للمدير
آدم :- افندم ياباشا
المدير :- تعالي يا عريس اقعد الف مبروك
آدم :- بحرج الله يبارك فيك يافندم انا اسف هي جت بسرعه كده
المدير :- ولا يهمك انا افرحلك طبعا المهم انها تمت على خير و اجازتك بعد بكره يا سيدي و اجازه مفتوحه كمان هو احنا عندنا كام آدم باشا
آدم :- ده شرف ليا طبعا يا فندم
المدير :- ها قولي انا عرفت انك عارف معلومات ومش عايزني اعرفها ممكن اعرف سبب اني ماعرفش المعلومات دي ويا ريت تقولي المعلومات دي ايه وبخصوص مين
آدم :- اعذرني يا باشا بس عندي اسبابى الشخصيه حضرتك طبعا بتثق فيا
المدير :- بكل تأكيد طبعا لكن عايز نبذه مختصره ممكن ولو شايف انه صعب برحتك انا عارف انك بتعمل كل حاجه صح
آدم :- شكرا جدا يا فندم على الثقه لكن كل اللي اقدر اقوله لحضرتك ان في شخص انا مراقبه من فتره وعرفت عنه شويه معلومات والمصادر اكدتلي ان في دليل قوي عند احد الشهود
ولكن مش معروف وانا كلفت الرائد الطارق السيوفي وراقبه كويس وعرفنا مكانه قبل الفرح بيوم وبكره ان شاء الله نبقى نروح للشخص ده واعرف ايه الدافع من ورا مراقبته للراجل ده وكمان عايز الدليل الل خلي الراجل التاني ده مرعوب بالشكل ده
المدير :- امممم آدم كل كلامك الغاز ممكن اعرف مين مراقب مين وانت راقبته
آدم :- حاضر يا فندم ولكن اوعدني حضرتك انك هتسيبلي حريه التصرف مع الجاني
المدير :- اوعدك قولي بقى مين الجاني
آدم :- عاصم الصاوي
المدير :- عاصم الصاوي !؟ مش ده اللي كان عمه حسين الصاوي اللي اتقتل و انت طلبت مني اننا نأيد القضيه ضد مجهول ؟؟
آدم :- تفتكره حضرتك بالضبط هو ده بس دلوقت انا متاكد ان عاصم الصاوي هو اللي قتل عمه
المدير :- ومستني ايه وكمان ايه دليلك
آدم :- في حاجات كتيره بتثبت ان عاصم القاتل لكن من غير دليل واحد انما بقى انا مراقب عاصم كويس قوي من حوالي شهرين تقريبا وعاصم تحت المراقبه اكتشفنا من فتره صغيره جدا ان في شاب كبير ومعاه طفل صغير بيراقبوا عاصم وكمان اتاكدنا ان الطفل الصغير ده هو اللي كان مراقب عاصم من الاساس لانه راقبني انا كمان وراح اخد رقمي من بواب العماره والرائد طارق السيوفي راقبه من كام يوم قبل الفرح و عرفنا هو مين و بيته فين انا في الاول كنت مفكر ان الشاب الكبير هو اللي بيراقب لكن اكتشفت ان الطفل او الولد الصغير ده هو اللي بيراقب عاصم الصاوي وراقبنى انا كمان وبعض المعلومات بتاكد ان الولد ده ابوه اتوفى من فتره في حادثه ولكنها غريبه نوعا ما
المدير :- غريبه ازاي يعني!!!
آدم :- الحادثه كانت على الطريق السريع ولما روحت سالت في المستشفى من مصادري الخاصه عرفت ان المجني عليه جمال محمود كان واخد كميه كبيره من المخدرات و ابنه اسمه زياد وانا ربطت مقتل جمال بمراقبه زياد ل عاصم ورحت سالت علي جمال ده انا وطارق وكل الناس بتشهد باخلاقه و انه راجل ملتزم جدا وانه حتى السيجاره ما بيشربشهاش
ساعتها ربطت الاحداث واتاكدت ان عاصم له يد في مقتل جمال محمود
يا باشا عاصم مفكر ان عمره ما هيسيب دليل وراه
المدير :- طيب اول ما تعرف اي معلومه او دليل اقبض على عاصم ده فورا وحاول تبعد الولد زياده عن عاصم علشان مايأذهوش
آدم :- تمام يا فندم لكن اول ما لاقي دليل بعد اذنك انا مش هقبض على عاصم
المدير باستغراب :- ممكن اعرف السبب
آدم قام وقف :- ده سبب شخصي عاصم اذاني شخصيا وهو مفكرني مش واخد بالي و حاطط عينيه على حاجه تخصني
المدير :- آدم بطل الالغاز ويا ريت تقولي
آدم :- انا اسف يا فندم لكن لو حضرتك بتعتبرنى ابنك بجد خليني اربي الكلب عاصم ده وبعدها اجيبه وارميه تحت رجليك بس ليا رجاء عندك سامحني انا مش هاقدر اتكلم اكتر من كده
المدير هز راسه بتفهم:- ماشي يا آدم ولو ان ده غلط ومش معاك فيه لكن شكل عاصم ده مزودها معاك
آدم بص قدامه وقبض على ايديه نهايتك قربت يابن ابتسام
----------- بقلم Mariem Nasar
مصطفى وشرين ومحمد راحوا باركوا لاولادهم اشرف ورنا وهنا كانوا مبسوطين جدا وفرحو اكتر من طارق لانه يعتبر كان شايلهم من على الارض شيل
وكمان هنا اللي كانت مبسوطه بوجودهم قوي
وبعدها شيرين ومحمد راحوا ل مريم يطمنوا عليها وكانت شيرين اخده هديه لكل واحد فيهم هديه لاشرف وهنا وطارق ورنا وآدم ومريم
وطلعت عند مريم هي ومحمد ومصطفى انتظرهم تحت علشان ما ينفعش يطلع وجوز مريم مش موجود
واحنا طبعا لازم نحترم ده ومريم رحبت جدا بيهم وكانت مريم في منتهى السعاده
----------
ابتسام راحت قبل شيرين ومصطفى وباركت ل هنا الاول علشان تعرف اخبار مريم وسالت عليها وهنا ماتعرفش هي عملت ايه بصراحتها لابتسام وايه العواقب اللي هتحصل بعد كده انها تعرفها ان مريم صبغت شعرها طبعا ابتسام جرجرتها في الكلام
وهنا بريئه ومش عارفه ان ابتسام خبيثه وزي ما انتو عارفين ان عاصم كده عرف شكل مريم كاملا
وراحت ل جاسر وباركتله
وراحت عند عاصم تديلو التصريح
------------
خالد راح لملك وباركلها وجابلها هديه جميله وكمان ل جاسر واتصل على مريم وباركلها لانه حاسس ان آدم لسه بعيد عنه وقالها هاسيبلك هديتك انتي وآدم مع ملك
ومريم اتحايلت عليه انه يجي يعيش معاهم لكن هو رفض ومريم كانت زعلانه وبتفكر تتكلم مع آدم وتقوله على انه يعيش مع ابوه
--------------
جاسر ما بيفارقش ملك وبعد ما الضيوف مشيوا ماخرجهاش من الاوضة وكانت ملك مبسوطه جدا من اهتمامه وعزمها على العشاء في مطعم بالليل يقضي السهره بره
-----------
اما أشرف حاسس ان هنا عبيطه وبيستغل برائتها وكل شويه يقرب منها وهي ترفض علشان تعبانه وهو يعمل زعلان ومكسور وهنا تزعل على زعله وتراضيه في الاخر
ولكن هنا من جواها بتعشق اشرف وبتحبه
------------
اما طارق قاعد مع رنا في الليفنج وبيطلعوا همهم في الاكل ورنا عملتله كيك الفراوله لان طارق بيحبها وبعدها يقعد جمبها وياخدها ف حضنه لحد ما تفرج عليه
------------
آدم روح بينادي على :- مريم .. مريوم
مريم خارجه من المطبخ وماسكه فوطه ومعلقه :-حمد لله على السلامه يا حبيبي
آدم :- انتي بتعملي ايه في المطبخ يا مريم؟؟؟!!!
مريم :- بجهز الاكل علشان نتغدا يا قلبي
آدم شد من ايديها الفوطه والمعلقه:- انا مش في التليفون منبه عليكي ما تعمليش حاجه وسماح بنت عم لطفي هتطلع تشوف طلباتك؟؟!!
مريم :- ايه يا آدم لسه بدري على الكلام ده انا لسه يا دوبك حامل في شهرين ونص لسه يا حبيبي التقيل جاي ولما ادخل في شهور الحمل الاخيره هاسيبك تتصرف براحتك
آدم :-ولو يا مريم انا مش عارف انتي ما بتسمعيش كلامي ليه انت عنيده على فكره
مريم حطت راسها على صدره:- وحشتني
آدم غضبه راح في ثانيه:- وبعدين بقى هو الواحد مش هيعرف يزعقلك ولا ايه ؟!
مريم :- ههه روحي انت والله مش هاهون ع قلبك تزعقلى
وما تقلقش عليا انا معملتش اكل انا باجهزه بس تعال معايا المطبخ كده واخدته على المطبخ
آدم :- ايه كل ده يا مريم ومين الل جاب الأكل ده؟؟
مريم :-ابله شيرين كانت هنا ولسه ماشيه ما فيش ثواني وجابت لينا الغدا ده علشان متتعبنيش واعمل اكل
و جايبه جمبري وجبات سي فود جاهزه . وكمان جابت ل أشرف وهنا وطارق ورنا
آدم :- اممم إن شاء الله نبقى نعزمهم بس انتي شكلك بتحبي السمك
مريم :- اوي بس دلوقتي حاسه انه عادي مش حاباه للدرجه دي يعني
آدم :-- طيب كويس انك مطبختيش انا عايز بنوتي تبقى ملكه كده في بطن امها
مريم قربت منه وحاوطت ايديها على رقبته:- بنوتتك برده مصمم انها بنت؟
آدم :- ايوه انتي بقى نفسك في ايه؟؟
مريم :- كل اللي يجيبه ربنا كويس لكن عايز الصراحه انا عايزه ولد
آدم :- امممم هو انتي منهم
مريم بعدم فهم:- منهم مين
آدم حاوطها من وسطها بايده وقربها منه :-اللي عايزين ولد والكلام ده علشان يشيل اسم ابوه والحوارات دي
مريم :-لا طبعا انا عايزه ولد علشان يكون شبهك انا عايزاه نسخه منك نفس الصوت الجميل ونفس العيون ونفس الشعر وحطت راسها على صدره ونفس الحنيه عايزاه يكون نسخه من آدم العدوي
آدم باس راسها :-وانا عايز بنت تكون شبهك وعايزها بت بيضه كده قشطه زيك عايزين بت جامده
مريم خرجت راسها بسرعه:- ايه بنت جامده دي بتقول على بنتك كده يا آدم جامده
آدم :-ههههه الله ايه يعني بنتي وبدلعها وبعدين بكره اي حد يعاكسها هيقول بت جامده ابوها اولى بقى ولا ايه
مريم بتحرك ايدها على زورار القميص:- امممم بكره تكبر وتتعاكس وباباها هيعكسها انا بغير على فكره
آدم :- مين اللي يعاكس بنتي ده انا افلقو نصين اللي هيفكر بس يبص لبنت مريم الجزار وآدم العدوي وبعدين انتي هتغيري من بنتك
مريم :-طبعا مش هيا تبقى مدلله باباها انا يا آدم .. لكن بردو بتمنى من ربنا ان يرزقك باللي انت بتتمناه يلا يا حبيبي غير هدومك على ما اجهز السفره
آدم باسها :- ماشي
غير هدومه ومريم جهزت السفره وتغدوا لكن مريم بعد الاكل جريت على الحمام ترجع وآدم خاف عليها واتصل على الدكتوره وطمنته ان ده شيء عادي وشالها ع السرير ونيمها وهو نايم جمبها وحضنها وحاطط ايده على بطنها
مريم :- آدم
آدم : نعم يا قلبي
مريم :- ربنا يخليك ليا تعرف اني بعشق خوفك عليا ارجوك يا آدم خليك تخاف عليا على طول اوعدنى
آدم باس ايديها:- انا اوعدك يا روحي انا بخاف عليكي من الهوا يا مريم
مريم :-على فكره ابله شيرين وابيه مصطفى جابولنا هدايا النهارده
وكمان عمو خالد اتصل عليا وجاب هديتنا لكن يا آدم عمو خالد احنا هنسيبه كده؟؟؟؟
آدم:- مش فاهم!!!
مريم :- يعني هنسيبه عايش لوحده كده
آدم فهم قصد مريم
:-مريم يا ريت ما تتكلميش في اي حاجه دلوقتي انا عايز انام
مريم :- انت بتهرب ليه يا آدم وهتنام دلوقتى الساعه لسه ١٠
آدم :- حاضر يا مريم مش هنام بس هاقولك انا سامحته علشانك وعلشان ربنا بس جوايا حاجز كده من ناحيته وكمان متدايق منه ع فلوس امي اللي راحت على واحده تانيه وعايشه بيهم بس ورحمة امي ما هاسيبها وهارجع كل قرش اخدته وهندمها على اللي عملته انا لا يمكن دي بالذات اسامحها فانا يا مريم يا حبيبتي سامحتو لكن في وجع ومش هقبل خالد انو يعيش معايا او انا اعيش معاه فهمتي و لو بتحبيني بجد ما تفتحيش معايا الموضوع ده النهارده خليني استمتع بوقتي معاكي
مريم :-حاضر يا آدم لكن اعرف اني مش هستسلم
آدم بيمسد على شعرها وسرح في ذكرياته وافتكر فريال واقسم انه مش هيسبها
وبعد فتره فاق من افكاره
آدم :- مريم
مريم :........
آدم :- مريم
مريم : ........ وكانت نامت وهي على صدره اخدها في حضنه ونامو والاتنين
-----------
جاسر اخد ملك وخرجه يتعشوا بره وملك اقترحت على جاسر انهم يروحوا عند خالد يشوفوه ويسلموا عليه لان خالد صعبان علي ملك وفعلا جاسر اخدها على فيلا العدوي وابوها كان فرحان جدا و ملك وجاسر اقترحوا عليه ان ويروح يعيش معاهم لكنه رفض بشده على امل ان البيت اللي هو عايش فيه يتملي ب احفاده من آدم العدوي وجاسر اخد ملك وروح على البيت و كانوا مبسوطين جدا وشالها على السلم وطلع الاوضه وقالتله انا هدخل هاخد شاور ودخلت الحمام لفت شافت جاسر وراها وشالها ونزلها في البانيو وهي كانت محرجه جدا ولكنها اخدت على جاسر واخدو شاور مع بعض وخرجوا وسهرو مع بعض وناموا في حضن بعض
----------- بقلم Mariem Nasar
اما عند اشرف:- هنا قومي لسه بدري
هنا :- ارحمني يا أشرف انا تعبانه عايزه انام الساعه 12
اشرف :- كده يا هنا شكرا جدا ليكي انا هخرج اسهر قدام التليفزيون بره وقام وسابها
وهنا :- قامت قعدت على السرير وقالت اااه يانى منك يا اشرف وابتسمت انا عارفه انك بتشتغلني ما هو مش معقول كل شويه بتزعل بقى
بس بصراحه انا بحب طريقتك دي بحس اني بقدملك السعاده وقامت فتحت الدولاب ولبست قميص شيك جدا وخرجت وكان اشرف قاعد بيتفرج على التليفزيون وفجاءه جه حد وقعد على رجليه وكانت ريحه البرفان مدوخاه وخلته مش مركز غير في هناه اللي قاعده على رجله
هنا :- اشرف بيبى بقى انت على طول زعلان كده
أشرف :- ها .....
هنا كتمت الضحكه وقربت من خده وباسته وهمست في ودنه:- انا بحب زعلك اووي
أشرف غمض عينيه
هنا قربت وشها من وشه :-وبعشق اسلوبك جدا
اشرف خلاص مش قادر قوم هنا من على رجله وقام وشالها ودخل على الاوضه
اشرف :-- انا بحبك يا هنا
هنا قطعت كلامه ببوسه وهي اللي قربت من اشرف واشرف حب ده من هنا جدا
----------
اما عند طارق
طارق :- لا لا لا انتي غشاشه
رنا :-والله ما غشيت انت اللي غشاش
طارق :- لا انتي اللي موزعه الورق وانتي عارفه انك معاكي الواد اللي بيقوش
رنا :-لا يا طارق الورق كان معاك انت . وانت اللي وزعت عليا الورق مش ذنبي ان الولاد جت عندي
طارق :- والله انتي غشاشه و بت رخمه وكمان واخده السبعه الكومي
وبعدين اللعبه اللي قبليها كنتي واخده الجوكر ليه بقى
رنا :- يوووه يا طارق خلاص تعالى نلعب لعبه تانيه
طارق :- نلعب ايه احنا من المغرب قاعدين نلعب شويه كاندي كراش وشويه بابجي وبلاستيشن ودلوقتى كوتشينه والجوكر الواحد قاعد مش عارف يعمل ايه
رنا بزعل فهمت قصده :-احم طيب الساعه دلوقتى ٢ تعالى ننام انا تعبانه وقامت . تصبح على خير
ودخلت وهو دخل وراها انتى كل شويه هتزعلي
رنا :- ازعل من ايه باقولك الساعه ٢ هنسهر اكتر من كده ايه وبعدين قعدتي كده مالهاش لازمه فياريت ننام احسن
طارق حس بوجعها وقرب منها :- انتيي مالكيش لازمه انتي كده بتشتميني على فكره انتي محسساني اني متجوزك علشان الحاجه دي وبعدين قولتلك يا رنا كفايه وجودك جمبي انتي بتفكري ازاي يعني
رنا :-مافيش حاجه يا طارق تصبح على خير وسابته وراحت نامت
وطارق راح نام جمبها :- تصبحي على خير
بعد شويه رنا راحت في النوم وطارق صاحي وحلف انه هيرخم عليها
طارق مد ايده على جمبها ويزغزها بسيط يشد في ودنها لحد ما صحيت واتعدلت
رنا :-- ايه بقى اللي انت بتعمله ده ما نمتش ليه؟!
طارق بزعل اصلي:- محضنتكيش وانتي حبيبتي وسبتيني يرضيكي كده
رنا :- والله بجد
طارق زغزغها ورنا فضلت تضحك وبعدها :- قومي ارقصيلي
رنا : نعم
طارق :- قومي قومي ثواني وجاى قام جري على المطبخ وجاب صينيه ودخل الاوضه وطبل على الصينيه وفضل يقول
السكر غلي وانا احلي بايه .. السكر غلي وانا احلي بايه..
ورنا فصلت ضحك
ادم :- قومي يلا ارقصي يلا
السكر غلي وانا احلى بايه
قومي يا بت السكر غلي وانا احلى بايه
قومي ورنا احرجت جدا وبتضحك عليه وقامت اترمت في حضنه وهي بتضحك :- انت فعلا مش طبيعي
طارق حط الصينيه على التسريحه وضمها :- اوعي في يوم تزعلي مني وخرجها من حضنه وباسها بوسه طويله جدا وبعدها :- اوعى يا رنا في يوم تنامي زعلانه مني انا قولتلك انتي ادماني ما ينفعش اصلا تزعلي مني ويلا بقى صالحيني علشان بجد زعلان
رنا حاوطته من رقبته بايديها وقربت منه:- وانا ما اقدرش على زعلك وقربت منه وباسته وبعدها شالها للسرير حضنها وناموا
------: بقلم Mariem Nasar
كده كل العشاق نامو مبسوطين
وعاصم النوم راح من عينيه ومش عارف يفكر واتفق مع رجالته يكونوا موجودين بكره في المكان من الساعه ٩ الصبح وكمان قال لشيكو هو عيل صغير هات اربع رجاله حلوين كده وبعدها خد الواد ده وخد اعضائه هديه مني ليك
الحلقه 34
#رواية_جريمة_عشق
دمتم في امان الله
.. آدم قام الصبح مفزوع على صوت مريم في الحمام بترجع وقام بسرعه ودخل عليها سندها من الخلف هو واقف ومريم قدامه وضهرها على صدره وبتنهج
آدم :-ايه يا حبيبتي اهدي ع مهلك
مريم :- اااه مش قادره معدتي قالبه عليا قوي وكملت ترجيع
مريم اطلع انت يا آدم لو سمحت
آدم :- بس بقى انا عمري ما اقرف منك ابدا وبعدين انتي بترجعي على الفاضي ومعدتك فاضيه تعالى بس وقعد على طرف البانيو وقعدها على رجله وحضنها وحطت راسها على كتفه
مريم :- اسفه صحيتك
آدم :- اسفه ايه ولا صحتيني ولا حاجه انا كده كده كنت هصحى المهم انتي كويسه دلوقتي
مريم اعصابها سايبه هزت راسها علشان مش قادره تتكلم
آدم :- طيب تعالى خديلك شاور ممكن تفوقي
مريم :- فعلا انا محتاجه شاور
آدم شالها ونزلها في البانيو ونزل معاها وقلعها هدومها وساعدها في الشاور وخرجها بالفوطه وشالها وقعدها على السرير
ونزل باس بطنها
ادم :-انت يا بت تعبه امك معاكي ليه
عارفه لما تجي انا مش هاجيبلك شيكولاته بس لو انتي عايزه شيكولاته وكمان لعبه كبيره وجميله ماتتعبيش اميرتي تاني
ومريم حطا ايدها علي شعره ومبتسمه
:-هههههه هتسمع كلامك يعني
آدم :- طبعا دي حبيبة ابوها
مريم :- والله طيب ياخويا ربنا يهني سعيد بسعيده
آدم :- انتي غيرانه
مريم :- لا هاغير من ايه مش هي حبيبة ابوها وسع بقى لما اقوم البس وقامت من قدامه
وآدم مصدوم معقوله مريم غيرانه !!
و حضنها من الخلف وهي واقفه قدام الدولاب
:-حبيبتي غيرانه علشان قولت على بنتي حبيبة ابوها طيب ما هي حبيبتي وبس
ولفها ليه انما انتي بقي حبيبتي وروحي وقلبي وعقلي وكل حاجه حلوه في الدنيا
مريم ابتسمت :- ربنا ما يحرمنا منك يا دومي يا حبيبي
آدم :- الله. ربنا ما يحرمنا منك انا مش مصدق هو ممكن اعمل عيله كان حلم بالنسبالي وانتي حققتهولي
ربنا ما يحرمنا منك يا قلبي تعالى بقى البسك هدومك علشان افطرك و تاخدى الحقنه وانزل
مريم حست بشعور غريب انها ممكن تبعد عن آدم وطردت الفكره وقالت ممكن تكون دى هرمونات حمل وقربت من آدم وباسته من شفايفه بكل حب وشوق ولهفه
آدم :- وحشتينى .
مريم:- انت اكتر آدم اخد مريم ف حضنه
مريم :- انا مشتقالك اوى
آدم شال مريم ع السرير :- وانا هموت عليكى
وبعده فتره مريم نايمه ف حضن آدم
مريم :-هو لازم حقنه
آدم :- طبعا لازم الدكتوره قالت ماعرفش تثبيت و ايه و كلام كبير كده انا مش فاهمه
مريم :- اصل انا بخاف من الحقن
آدم :- ما تخافيش انا ليا طريقتي الخاصه و بغمزه هتاخديها ومش هاتحسى بيها
وبص في الساعه يلا يا قلبي علشان الساعه ٩ ونص يدوبك الحق شغلى انا هاقوم اخد شاور وبعدها هاعملك الاكل وجري من قدامها
ومريم ضحكت من قلبها بسعاده على آدم وتصرفاته
آدم جهز فطار وأاكل مريم وشربها اللبن بصعوبه جدا وكمان قعدت تجري منه وهو بيدلها الحقنه واخدت وقت جامد واخيرا اخدتها
آدم بيجهز حاجته
:- حبيبتى الساعه ١٠ وربع انا هانزل علشان اتاخرت
مريم واقفه ومش قادره تقعد من مكان الحقنه
وآدم ضحك عليها هتفضلي واقفه كده قربت منه ولبسته الساعه الله يسامحك مكانها وجعني قوي
آدم :- لما اجي انا ها نسيكي الوجع
مريم اتكسفت وباس خدها :-حبيبتي انا الف سلامه عليكي يا روحي
واخص عليا علشان انا وجعتك وانا علشان كده هعوضك وهاحاول اجي بدري و هعزمك في احسن مطعم موجود فيكي يا جمهوريه و هاحجز لك مكان خاص و نتغدى مع بعض علشان بس مكان الحقنه ده غالي عندي قوي هههههه
مريم خبطته على صدره :-يلا بقى امشي
آدم :-حاضر ساعتين كده وجهزي نفسك حتى لو مش هاجي بدري انا هستاذن علشانك كمان ساعتين
نتغدى وارجع ع الشغل
ولما ارجع بليل نجهز الشنط علشان تقضي اجمل شهر عسل انا واميرتى وبنوتي الحلوه وباس بطنها وخدها ونزل
ومريم واقفه بعد ما نزل وحاسه ان قلبها مقبوض
---------بقلم Mariem Nasar
طاهر نايم وزياد حاسس انه مش لازم ياخد طاهر معاه علشان لو جراله حاجه
وعايز طاهر كمان يكون في امان . زياد خرج من عند طاهر ومعاه نسخه من الدليل وكمان اخد معاه حديده وسكينه علشان يحمي نفسه بيها وخرج وركب مواصلات وكان شايل السكينه في البنطلون والحديده في ايده والنسخه ع الفون
زياد وصل للمكان المحدد لكن كان بعيد شويه وكان واقف ومستخبي وشاف هناك ٣ عربيات كبيره متفيمه ونازل منهم ٤ رجاله بودى جارد جسمهم ضخم جدا ومبالغ فيهم
عاصم كان واقف وجمبه واحد ماسك شنطه وكانت تشبه الصندوق ومش كبيره قوي
زياد لما شاف الناس دي خاف هو كان مفكر ان عاصم هيخاف وهيقابله لوحده
زياد فكر بسرعه وخرج الفون ورن علي عاصم
عاصم رد عليه
زياد :- انت فين
عاصم :- انا واقف في المكان مستنيك من بدري
زياد :- انت جاي لوحدك
عاصم شاور للرجاله وركبوا العربيات وركنو بعيد شويه وقاعدين في العربيه بحيث زياد ميشوفهمش وشيكو استنى في العربيه
عاصم :- ايوه جاي لوحدي ومعايا العشره مليون والساعه داخله على 11 وانت قولت ١٠ انا واقف هنا من بدري انت بقى فين
زياد قلبه اتقبض :- انا شويه وجاي
زياد حاسس بالخطر وقفل معاه واتصل بسرعه على..
--------------
آدم في المكتب و بيحقق مع مجرم :-يا اهلا يا اهلا انت ياض مش كنت هنا من سنه تقريبا وعملت معاك الصح
انطق يا روح امك عملت كده ليه؟؟
#: والله يا باشا ما عملت حاجه انا بريئ بريء
آدم قام ومسكه من شعره جامد:- وحياه امك بريئ والكاميرات والفيديو دي ايه بتتبلى عليك انطق يالا
بدل ما اخلي اصغر واحد في السجن يعلم عليك وانت عارف بقى لما آدم العدوي يحب يعلم على حد .. ولا ايه يا آمين
أمين :- ده . ده امه تبقى داعيه عليه يا آدم باشا ده لا مؤاخذه بيطلع من السجن وعايز يدفن نفسه من اللي جراله واللي شافوا
آدم :- ها يا روح امك هتتكلم كده بالهداوه ولا ابعتك ع الزنزانه وهيكون فيها ٧ رجاله مستنيينك بعدد ايام الاسبوع
وضربه برجله هتنطق انا ما عنديش صبر
#: حاضر . حاضر هاعترف يا باشا ابوس ايدك اعتقني لوجه الله
آدم :- اعتقك . تقتل راجل عجوز علشان موبايل وتقولي اعتقك ده انا هطلع عين امك النهارده وعلا صوته وانا مش فاضيلك
#: حاضر . حاضر اللي حصل يا باشا .........
وبعد شويه . هو ده كل اللي حصل يا باشا ابوس ايدك سيبني والله ما كنت في وعي
آدم :-عسكري امين
عسكري امين :- اومرك يا فندم
آدم :- خد الواد ده وحطه في زنزانه رعد وقوله آدم باشا بيقولك علي الفولت على قد ما تقدر
آمين اخد المتهم . والمتهم بيصرخ بلاش رعد ابوس ايدك ياباشا بلاش رعد
بقلم Mariem Nasar
فون آدم رن من رقم غريب الو
زياد :- الو الظابط ادم العدوي
آدم :- ايوه انت مين يابني
زياد :- انا زياد جمال
آدم بدهشه:- ايوه يا زياد خير ومال صوتك
زياد :- انا اسمي زياد جمال و كنت براقب
آدم قطعه:- في حد جمبك
زياد :- لا لا
آدم :- متاكد ان مفيش حد سامعك يا زياد
زياد :- لا لا انا واقف لوحدي
آدم حاسس بخوف زياد :-طيب اهدا كده وقولي في ايه
زياد :- انا اسمي زياد جمال وكنت براقب واحد اسمه عاصم
آدم :- قاطعه زياد انا عارف عنك كل حاجه وعارف كمان مراقبتك لعاصم الصاوي وعارف ان معاك دليل ضد عاصم وشاكك كمان ان عاصم له يد في قتل ابوك
زياد بدهشه :-حضرتك ياعمو عارف كل حاجه طب انت ساكت كل ده ليه وسايب عاصم ليه
آدم :- مش مهم كل ده دلوقتى انت صوتك خايف ليه ؟؟!!
زياد :- انا هحكيلك على كل اللي حصل بسرعه و ارجوك تسمعني وتلحقني
آدم بقلق :-هسمعك بس الاول انت معاك رصيد
زياد :- مش كتير
ادم:- طيب اقفل وانا هاتصل عليك وقفل واتصل على زياد
زياد :- ايوه يا عمو انا هحكيلك على كل حاجه علشان حاسس ان عاصم خلاص هيموتني وبكده حق ابويا هيروح
آدم بخوف وقام وقف:- انت فين يا زياد
زياد : هاقول يعمو انا على الطريق الصحراوي بس اسمعني الحكايه بدات يوم ......
آدم بيسمع ومصدوم ان عاصم بالشر ده وانه ممكن يلعب بحياة الناس كده وازاي يستخدم عيل صغير في جريمة زي دي
زياد :- بس يعمو ده كل اللي حصل وانا دلوقتي عايز لو جرالي حاجه تاخد النسخ اللي مع امي وتبعد عاصم عن امي وستي علشان مالهمش غيري
آدم :- زياد ارجع حالا على البيت
زياد :- ازاي وحق ابويا
آدم مغمض عينيه:- يا زياد اسمع كلامي ارجع ع البيت أو تعالى ع القسم هنا عاصم لو لمحك مش هيسيبك القتل الطريق السهل ل عاصم ومش هيسيبك انا هاجيبلك حق ابوك وده وعد من ادم العدوي
زياد :- يعني يعمو ده وعد منك
آدم :- وعد يا زياد يلا ارجع وانا معاك على التليفون اركب تاكسي وتعالى هنا على القسم
زياد :- حاضر وبيلف شاف عاصم واقف وراه واخد الفون من زياد وآدم سمع صرخة زياد
عاصم :- اهلا اهلا آدم باشا
آدم بخوف على زياد وسمع صوت عاصم وبيقول امسك الواد ده
آدم :- عاصم سيب زياد حالا
عاصم :- طبعا طبعا مش انت أمرت يبقى الكل ينفذ وماله يا باشا
آدم :- عاصم الولد صغير مش فاهم حاجه سيبه واحنا هنحل كل حاجه
عاصم :- والله صغير طيب خلينا نشوف السكينه اللي معاه دي بتعمل ايه مع عيل صغير
عاصم مسك السكينه وعمل جرح في رجل زياد
زياد :- ااااااااااه اااااه يابن الكلب ااااه ابعد عني
آدم هيتجنن
عاصم :- شوفت يا باشا انا اخدت منه السكينه وعرفته انها مش حلوه ومش لل في سنه وكمان عرفته السكينه ممكن تعمل ايه للعيال الصغيره
آدم زعق :- انت عملت ايه في زياد اقسم بالله يا عاصم لو زياد جراله حاجه الليل مش هيجي عليك فاهم
عاصم :- هههههههههههه بجد انت بتهددني انا . انا خلاص مش باقي على حاجه بما اننا بنلعب على المكشوف انت خلاص عرفت كل حاجه يبقى لازم اضمن حقي يا بوص ولا ايه
آدم :- حق . حق ايه انت ليك عين تتكلم بعد ما قتلت عمك وده مش موضوعنا دلوقتي انت مفيش عليك دليل سيب الواد يا عاصم وانا هرحمك صدقني هرحمك لو سبته يروح
عاصم :- يبقى بتحلم يا آدم تعرف انك انت العقبه الوحيده اللي في حياتي
آدم :- ليه عقبه انا اللي قتلت عمي برده بدم بارد ولا قتلت واحد غلبان علشان كان عايز يعيش ابنه في مستوى كويس انت مريض يا عاصم ولاخر مره باقول لك سيب الولد ومش هكررها تاني صدقتي
عاصم :- اوكي حاضر هاسيب زياد بس زي ما انا هاسيب انت كمان هتسيب
آدم بغموض :-عايز ايه يا عاصم الدليل الل مع زياد هسيبهولك
عاصم :- لا يا حبي الدليل معايا هو مش هيقدر يعمل حاجه وبص ل زياد ... علشان زياد هيتقتل كمان وامه انا غلطان اني سبته عايش وضغط على الجرح
زياد :- اااااه ا..اااه ا..اه
بقلم Mariem Nasar
آدم طلع من المكتب وبيفكر يركب وياخد عساكر معاه ويشغل عاصم لحد ما يوصل لكن حصل العكس
عاصم :- عايزني اسيب زياد يا آدم انت هتسيب قصاده حاجه .. و حاجه مهمه اوى ليا كمان
آدم بيطرد الفكره من راسه لانه حاسس ان هيطلب روحه
آدم :- عاصم انا هساعدك وهنحل القضيه زياد يروح وانت احرق الدليل وبكده يبقى خلاص
عاصم :- لا يا آدم باشا الدليل ما يلزمنيش قولتلك لان على ما تجيبوا الدليل وتدور عليا مش هتلاقونى هاكون سافرت انا وهي
آدم :- بيفتح باب العربيه ووقف مره واحده تسافر انت وهي تقصد ابتسام
عاصم :- ههههههه بص بقى ومن الاخر روح زياد قصاد مريم مراتك
آدم اول ما سمع اسم مريم
:-ورحمه امي ما هاسيبك يا عاصم الكلب انت اتجننت وعايز اللي يرجعلك عقلك
عاصم :- ههههه خلاص اهدا يابرو . انا هاعمل معاك ديل هتوافق زياد هينام في حضن امه مش هتوافق زياد هينام في حضن ابوه
زياد :- لا حرام عليك مش عايز اموت
عاصم :- هههههه سمعت الولد اختار حضن امه ها قولت ايه تسيب مريم اسيب زياد
آدم بعلو صوته في الشارع :-عاصم وديني لاقتلك وديني ل اكلك باسناني وارميك لكلاب الشوارع
عاصم :- موافق ولا لا
آدم :- بيحاول يفكر في اي حل ومش عارف يعمل ايه :- روح زياد لامه يا عاصم وانا هطلعك براءه وهاسفرك بره مصر
عاصم :- انت شكلك ما بتسمعش كويس مريم انا قلت هتسيب مريم الجزار وقالها واحده واحده علشان يغيظ آدم
آدم :- ولو مسبتهاش يا عاصم
عاصم :- اوكي بسيطه خالص هاتو زياد على العربيه وشاور لشيكو . وانت الواد ده ربع ساعه و ملاقيش قلبه في جسمه وكل اعضائه تتشال والجثه تبعتوها ل آدم باشا هديه
زياد :- بيصرخ لالاااااااا
الحقني يا عمو آدم الله يخليك هيقتلوني زي ابويا وامي مالهاش حد غيري وستي ابوس ايدك الحقني ااااااه اا..اااه حرام عليك اااااه ااااه
آدم بيزعق:- عاصم انت بتعمل ايه في زياد
عاصم :- ابدا هبدأ اول عمليه سرقة اعضاء في الطريق العام هههههههههههه شرير انا صح
آدم بعلو صوته والعساكر اللي جوه خرجوا على صوته :-عاصم انت اتجننت انت خلاص الشيطان عما عنيك سيب الواد يا عاصم
عاصم :- بقولك ايه علشان انا بدات اتنرفز والشمس حاميه هتخلص وتوافق اهلا مش هتوافق يبقي سيبني اشوف شغلي
زياد :- ارجوك يا عمو آدم وحياة عيالك وحياة امك ومراتك الحقني الحقني امي مالهاش حد غيري وانا اللي بصرف عليها امي يا عمو آدم وبيعيط
آدم :- قلبه بيتكوي وفيه نار .. ينقذ الولد ولا يعمل الل الحيوان ده الي قال عليه
:- سيب الولد يا عاصم
عاصم زعق :-اقسم بالله لو ما ادتني رد حالا هتكون معايا على الفون ومش هتقفل واكون مشرحو
وهصورهولك وشوف بقى ضميرك هيبقى مستريح لما عيل ١٠ سنين ابعتلك جثته فاضي ومن غير اعضاء ده حتى عينيه هاخدها
آدم بيفكر ومغمض عينيه يعمل ايه وعايز يكسب وقت فكر . فكر يا آدم هتعمل ايه فكر فكر
عاصم كسر تفكيره :-اه ولا . لا
آدم :- طيب ما فيش حل تانى
عاصم :- لا مريم ومفيش بديل
آدم ضرب العربيه بايده وبيستحلف ل عاصم
آدم :- ماشي انا هعمل اللي انت قولت عليه
عاصم :- ومش بس كده انت اكيد في شغلك . ف انت بقى هتركب عربيتك كده زي الشاطر و هتسوقها . وكل ده وانت معايا على الفون وهتوصل تحت البيت وهتطلع ل مراتك
اوووبس اسف قصدي مراتي المستقبليه
آدم بعلو صوته :-بلاش يا عاصم بلاش كلامك ده انت كده بتكتب نهايتك بايدك ورحمة امى ماهسيبك
عاصم كمل ببرود:-وهتطلع فوق عندها واسمعها منك و انت بتقولها
آدم بعدم فهم ودمه بيغلى :-هي ايه دي
عاصم ببرود وبيقولها واحده واحده:- انتي طالق طالق طالق بالتلاته
آدم مره واحده حس انه عايز يفجر عاصم وكمان نفسه يطلع قلبه بايده لدرجة ان آدم ماسك مجموعه مفاتيح في ايده وضغط جامد واتعور والدم نازل ومش حاسس
عاصم :- ها قولت ايه ما سمعتش صوتك يعنى
عاصم سمع صوت عربية آدم وهي بتشتغل
وآدم باصص قدامه وقاله :-تمام هاعمل اللي انت عايزه
عاصم :- هتطلق مريم يا آدم
آدم مغمض عينيه:- هطلقها يا عاصم
بس ايه اللي يضمنلي ان زياد يبقى في امان
عاصم :- وحياة مريم عندي زياد هيبقى في امان اصل انت ما تعرفش انا بعشقها قد ايه
آدم قفل المكالمه ومش قادر يكمل ولا يسمع وعايز بسرعه يتصل على طارق والرقم رن تاني
آدم اخد نفس عميق ورد علشان خاطر زياد
عاصم ببرود:- اكيد الخط قطع صح يا ادم باشا قدامك قد ايه وتوصل
آدم بغيظ :-حوالي ساعه ولو الطريق زحمه ساعه ونص
عاصم :- لا لا ان شاء الله هتلحق علشان حياة زياد ماتبقاش في خطر اكتر من كده يلا اتحرك وانا هدردش معاك طول الطريق اصل عندي كلام كتير و عايز اقولهولك
وعاصم بص لشيكو :-افتحلي يابني باب العربيه لما اقعد فيها وشاور على واحد وانت اقعد جمب الواد ده عينيك عليه
واتكلم مع آدم:- تعرف يا آدم اسمحلي بقى نشيل الالقاب هههههه تعرف ان الواد زياد ده طلب في ابوه 10 مليون جنيه قد ايه الناس الفقره دول كلاب وطماعين
آدم مش عارف يفكر عاصم مش مديله فرصه يكلم حد
وآدم اتحرك بالعربيه و بيتخيل حياته من غير مريم واتخيل عاصم وعنيه بلون الدم وقال بصوت عالي لااااااا
عاصم : لا ايه بقى
آدم :- ورحمه امي يا عاصم الكلب ما هاسيبك كده عداوتي معاك انت ومن زمان مش من دلوقتى
اوعا تكون فاكر اني مش واخد بالي منك وانك عينك على مراتي ومن زمان كمان من يوم الحفله والعيال الخايبه الل انت موقفهم تحت بيتى علشان تراقبتا تبقى عبيط وانا مراقبك . وعينك ما بتنزلش من عليها انا بقى عينك دي هاقدمها ل مريم هديه على طبق. ورحمه امي لا خليك عاصم الاعور وده وعد وقسم مني ليك بس الصبر
بقلم Mariem Nasar
عاصم رجع راسه لورا وحط ايدو تحت رأسه :- اهدا يا آدم
اهدا بس انا خايف عليك لكن انت طلعت لماح بجد لماح فعلا انا عيني على مريم و من زمان من لما كانت في القسم اااه حبيتها
آدم حاطط السماعه في ودنه وركن لما سمع كلامه :- وديني يا عاصم ما هاسيبك و كل كلمه قولتها لادفعك تمنها غالي
عاصم ببرود :-تعرف اللي اسمها رنا دي بوظتلي الخطه انا كنت يوم خطوبه هنا هخطف مريم وكمان جهزتلها بايدي الحلوه دي عصير وفيه مخدر ومنوم
بس جت رنا وبوظت الخطه وتعرف كمان ان كنت هاخد هنا الشقه لاخر مره وكنت ههههه هاخد منها كل اللي انا عايزه اكيد انت مش فاهم صح
ههههههه انا كنت هغتصبها اه والله كنت هغتصب بنت عمي
وتعرف كمان ان اختك ملك دي بوظتلي خبطة العمر امضا كان جاسر خلاص هيمضي ع التنازل بس جت اختك وبوظت كل حاجه
وكنت هخطفها هي وهنا وكمان رنا عارف كنت هاعمل فيهم ايه
آدم واقف بالعربيه وهو مغمض عينيه ومش عايز يسمع:- اخرس يا عاصم اخرس ورحمة امى يا عاصم ما هاسيبك
عاصم :- كنت ها قلعهم هدومهم واتفرج اممممم يا سلام
بس مريم لا طبعا مريم دي تخصني انا هتفرج عليها لوحدي انما التلاته دول هنا وملك ورنا بصراحه هما جامدين قوي
برده كنت هاغتصبهم كل واحده فيهم على الاقل ٣ مرات ههههه اصل انت ما تعرفنيش واسال سوزي السكرتيره ما هي عينها منك برده هههههههه
بس جه الواد ده عمل نفسه راجل وانت عارف هو عمل ايه ما انا كمان سمعته وهو بيحكيلك جه ز ياد وبوظلي كل خطتطي
يعني انت اخدت مني مريم
.. ورنا بوظتلي خططتى هي وملك
وهنا الغبيه موافقتش وراحت اتجوزت كلب بس معلش اللي ما اخدتوش النهارده هاخده بكره اهو كلها ساعات وتبقى مريم في حضني
آدم عينيه بلون الدم واعصابه خلاص وبينهج
عاصم :- انت مافيش صوت جمبك ليه انت واقف بالعربيه صح
آدم اتحرك وساق العربيه وعاصم فضل يستفز فيه وآدم ساكت ما بيردش عليه وعايز يقتل عاصم حالا
عاصم :- ايه يا كوتش احنا رغينا كتير والساعه فصلت وكلمتك تاني كل ده لسه ما وصلتش
آدم مش طايق صوته وقرفان منه ١٠ دقايق واوصل
عاصم اوكي ومش هتقفل انا عايز اسمع طالق طالق طالق ٣ مرات بوداني وبعدها انت تنزل وتسيبها في الشقه وانا هتصرف وهعرف اجيبها لحد عندي من غير ما اتحرك
آدم وصل لقمة غضبه ومش قادر ولا عارف يعمل ايه خايف وصل تحت البيت وب يقدم رجل وياخر التانيه وخايف وقلبه وجعه
وطلع على السلم ببطء وماسك الفون ف ايدو المتعوره ومش عايز يطلع اول مره بيتمنى انه ما يطلعش ولا عايز يشوفها
. مش عايز لا وانها ممكن تكون اخر مره وآدم طرد الفكره بسرعه من دماغه
عاصم حتى ما طلبش طلقه واحده لا ده طلب التلاته بيحرمها عليه حتى لو عاصم مش هياخدها ودماغه شغاله تفكير ومش قادر
وعاصم بيستعجله علشان صبرو قرب ينفد
وادم خلاص وصل لحد باب الشقه و سامع صوت صريخ زياد وبيفتكر امه وهو بيصرخ عليها وافتكر مريم اللي وعدها هيكون معاها العمر كله وطلع المفتاح علشان يفتح وايديه فيها دم وحاسس انه ما فيهوش اعصاب وخلاص هينهار
بقلم Mariem Nasar
آدم لتاني مره بيتحط ما بين اختيارين اصعب من بعض الاول موت امه وسفر اخته وابوه وعاش وحيد والتاني فراق . روحه عنه هيطلق مريم تحت ضغط من الد اعدائه
و اخيرا وبعد معاناه الباب بتفتحو ودخل ادم اول خطوه
وعاصم بيزعقله انه يخلص يطلق بسرعه
لكن ادم مش سامعه خالص هو خلاص محبوس دلوقتى ومتكتف ومش عارف يعمل ايه وصل لاوضه النوم وعاصم نبه على آدم انه ما تقفلش ابدا وعايز كلام آدم مع مريم يبقى بحدود
آدم مشي كام خطوه ووقف قدام الباب وغمض عينيه وبيتمنى انه يفتح ما يلاقيش مريم موجوده
آدم فتح الباب واقف عند الباب مريم شافته
مريم :- آدم حبيبي حمد لله على السلامه وقربت عليه اخص عليك اتصل عليك وانت ويتنج وما تردش عليا بس بما انك قدامي دلوقتى انا خلاص مسمحاك ومسكت ايده . والايد المتعوره مداريها وماسك بيها الفون
بقلم Mariem Nasar
تعال :- انا كنت بتصل عليك علشان اسالك البس اي طقم وفتحت الدولاب وقالت انا هفرجك على كام طقم وانت تختار انا بحب ذوقك اوي ديما . انت عازمني على الغدا يبقى تختارلى
مريم طلعت كام طقم من الدولاب وفردتهم على السرير وشافت آدم واقف وهو مغمض عينيه وبيخرج نفس بالبطيء مريم :-ايه يا آدم مالك وبعدين شيل السماعه دي من ودانك انت بتسمع حاجه
آدم هز راسه بلا
مريم :- امممم يعني سمعني . ايوه . ايوه انا عرفت سكوتك ده ايه اكيد وحشتك صح
وبتفكر دلوقت تقولي كانسلى الغدا يامريوم علشان انا محتاج اميرتي في حضني دلوقتي وقربت على آدم و حطت ايديها على رقبته و راسها على صدره تعرف ان بنوتك سمعت كلامك وما تعبتنيش . فعلا دي بقى مدلله باباها بجد
آدم دمعه نزلت من عينه ومش قادر
وعاصم ضاغط على آدم وفي الاخر عاصم جرح زياد جرح اكبر وكان زياد بيصرخ باستمرار وعياط وبيترجى آدم انه يحميه علشان خاطر امه
مريم سمعت ضربات قلب آدم وكان بينهج :-ايه ده يا آدم قلبك بيدق بسرعه كده ليه
وياريت ما تقوليش دقات حب واشتياق لا دي دقات متلخبطه دقات سريعه فوق العاده دقات خوف يا آدم قولي فيك حاجه؟؟؟
آدم حاسس انه مش قادر ينطق ولا يتكلم ومغمض عينيه ومريم نزلت ايديها ورفعت راسها ومسكت ايده التانيه شافت الدم والفون ف ايده
مريم بصدمه :- آدم ايه الدم اللي في ايدك ده انت مجروح وعيطت؟!!
تعالى . تعالى اقعد . اقعد وجريت علشان تجيب علبه الاسعافات
ومسك الفون ف ايدو التانيه
وعاصم هدده واقسم انه لو مطلقش حالا هيقتل زياد ومجهز للعمليه وكمان هياخد اعضاء زياد ومن غير بنج
وزياد صوت عياطه وجع قلب آدم
مريم رجعت بسرعه ونزلت على ركبها وآدم قاعد على سرير وبتنضف في الجرح ودموعها نازله
عاصم أمر شيكو انه يبدأ بفتح بطن زياد ويطلع الكبد اول حاجه وقال ل آدم قدامك ثانيه واحده
آدم غمض عينيه واتكلم مريم:-
مريم رفعت عيونها بدموع:- نعم يا قلب مريم الف سلامه عليك
آدم :- انتي طااال