رواية عنان المدمر
الفصل الحادي عشر11
بقلم فاطمة ابراهيم
اسلام : انا قولتلك اللي انتي عايزاه انا هعمله لو عايزه
تسبيني براحتك ....بس انا مش هسيبك ومش هطلقك والبيت دا بيتك ...
رحمه : بس بابا ...قاطعها اسلام وهو يأخذ مفاتيحه : باباكي خلاص نساكي ...
Flash back &&&
إسلام تحرك بسيارة تجاه منزل والد رحمه واوقف السياره ونزل ذهب الي منزلها ....
اسلام وهو يترك علي الباب.....والدها من الداخل ....
والدها : طيب ياعم ياللي علي الباب هو انا ههرب يلعن ا**** وفتح ونظر لمن يقف وقال له افندم ....
إسلام وهو ينظر له باشمئزاز : انت بتكون والد رحمه صح ....
سميره من الداخل سمعت اسم ابنتها المختفيه من فتره ...
سميره وهي تجري تجاهه: بنتي يا استاذ تعرف عنها حاجه..
إسلام وهو ينظر اليها بشفقه : ايوه ..
حسن والدها وهو يشتمها بنت ال**** ماشيه علي حل شعرها وجابتلنا العار يوم ما هربت من عريسها ....
اسلام بعصبيه : انت ازاي تتكلم عن مرات إسلام الاسيوطي كده وانت لو مكنتش بس راجل كبير في السن انا كنت عرفتك مقامك ...انا جاي اقولك
بنتك دي تنساها خالص ...فاهم واياك تتكلم عليها كلمه وحشه ....
سميره ببكاء : والنبي يا بني قولي طريق بنتي فين ...عايزه اشوفها ...
حسن : هه راحت رخصت نفسها ليك ...بدام عايزه تتجوز كانت توافق علي العريس اللي جايبه لها حته كان هيعيشها عيشه مرتاحه وكان دافع فيها اد كده ....
إسلام بسخريه : ااه دافع فيها انت كنت بتبيع بنتك ...
حسن بغضب منه وايضا خوف : انا مش ببعها دا حقي اللي صرفته عليها طول عمرها ...
اسلام بسخريه :هه عايز كام ...لمعت عين حسن ...إسلام مليون ...حسن فتح فمه ..
إسلام : مالك الرقم قليل انا عارف انها اغلي من غلوس الدنيا كلها ...نخليهم خمسه ..
حسن بغباء : خمسه ايه يا باشا ...
اسلام وهو يضحك عليه هذا الاب الجشع الذي يبيع ابنته ...
اسلام: مليون ..خمسه مليون ..ايه وحشين ...
حسن سريعا ظنن منه ان يرجع اسلام في كلامه : لاء يا باشا وحشين ايه بس دول حلوين خالص وحلال عليك البت ...
سميره وهي تلعنواليوم الذي تزوجت به هذا الشخص الحقير ..
سميره : يا باشا احنا مش عايزين حاجه احنا عايزين رحمه دا هي اللي حلتي عايزه اشوفها ...
حسن وهو يضربها بالقلم : انتي تخرسي خالص يا *** وش فقر زي بنتك بالظبط ...
اسلام بغضب وقد اصبحت عينيه لونها ازرق غامق اشبه للاسود من كثرة غضبه: هوااااااا أنا قولتلك ايييييييه شكلك مش بتفهم صح وذهب الي سميره و ربط علي ظهرها وقال هوديكي لبنتك يا امي ...
حسن ومش هامه غير الفلوس : ماشي يا باشا ماتفقناش هتديني الفلوس امتي ... بعد كده ابقي اعمل اللي عايزه ... بس انا بحب فلوسي كاش مش بحب شغل الشيكات دا ...
اسلام بتقزز من ذالك الشخص ويحاول ان لايضربه : بكره الفلوس هتتبعتلك يا.... يا ..واللهي مش عارف الاقيلك اسم محترم يليق عليك كلهم اسماء ****هي اللي تليق عليك ...
حسن ببرود : يا باشا انت قولي اللي انت عايزه المهم الفلوس ... اقولك خد دي فوق البيعه وببلاش عشان تعرف ان انا احسن منك .... كان يشاور علي سميره ...
إسلام وهو يكلم نفسه ايعقل ان يكون هذا رجل او اب او حتي زوج انه باع النته من قبل والان يبيع زوجته ...
سميره ببكاء : روح ياشيخ الهي ينتقم منك ضيعت بنت من معاملتك الزباله والضرب وكان همك بس الفلوس وكنت عايز تجوزها لواحد او**منك ابو هو اللي بيصرف عليه وعصبي ولازم اللي عايزه هو اللي يمشي وبيشرب مخدرات ...ودلوقتي انا ....طلقني انا اللي كان مصبرني عليك هي رحمه عشان ارحمها من تحت ايدك وبس بس خلاص انت دلوقتي بعتها .....
حسن بلا مبالاة : ههههه روحي وانتي طالق واقولك بالتلاته عشان ارتاح من القرف بتاعك انتي كمان ....
نظر له إسلام نظره قاتله اخرسته ....
فجأة سمع صوت اصتدام بالارض وجدها سميره والدت رحمه هذه المرأة الطيبه ..
حملها وذهب الي المستشفي...ولكن عندما خرج من الباب ....لحقه حسن وهو يقول : الفلوس يابيه ...
ذهب اسلام ولم يعيره اي انتباه واخذها الي المستشفي ...
ومنذ قليل ... بعت اسلام السائق لكي يأتي بوالدت رحمه من المشفي حيث انها كانت محجوزه في المشفي لكي تعمل فحص كامل .... وايضا في الصباح ذهب اسلام الي والدها واعطاه الفلوس ... وقال له : انسي ان كان ليك بنت ...
حسن : انا مخلفتش اصلا يا باشا حلال عليك البت ما تقلقش البت حلوه وتستاهل الفلوس ....هههه
Back &&&
اسلام : دا بيتك ومامتك شويه وهتوصل ولو عايزه حاجه في تليفون فوق في درج الكمودينو اللي جمبك هتلاقي فيه رقمي لو عايزه حاجه ....وسابها ومشي ...وهو يخرج قابل عم مصطفي السواق وهو يفتح الباب لسميره والدت رحمه....
سميره وهي تذهب له وتبكي : انا مش عارفه اشكر ازاي او اقولك ايه يا بني علي اللي عملته مع بنتي وانك انقذتها من ابوها دا ربنا يوفقك في حياتك يا رب ويحققلك كل اللي تتمناه ....
نظر لها اسلام بحب وباس راسها: دا واجبي يا امي رحمه دي حياتي كلها ...
ابتسمت سميره وفرحت وشكرت ربها انه استجاب الي دعائها وعوض ابنتها التي عانت من والدها بشخص مثل اسلام باين في عيونه الحب لابنتها...
اسلام : رحمه جوه ادخليلها ...
سميره : وانت يابني رايح فين مش هتدخل انت كمان الوقت اتاخر ...
اسلام وقد تذكر والدتها وحنانها : ماتخفيش عليا انا بس ورايا شغل ...
سميره : ربنا معاك يابني ... ودخلت الي رحمه ..
وفي الداخل كانت رحمه لاتعرف ان تفرح لانه لم يتركها وتمسك بها وفعل كل هذا لأجلها.....ام تحزن بس والدها والذي فعله بها وانه باعها بكل سهوله ..ولا يتوقف الامر فقط عليها لا بل انه باع والدتها ايضا ...وهنا وسمعت صوت خبط علي الباب قامت تفتح وجدت سميره والدتها..
ارتمت في حضنها وانفجرت في البكاء ......
________________________________________¶¶» وجاء الليل وكان نهايه يوم ملئ بالاحزان والجراح ... وبدأ يوم جديد ملئ بالاحداث الجديده والتقاءات جديده ...
وجاءت شمس يوم جديد باشراقها لتخبر الناس بقدوم يوم جديد ....
في منزل عنان احمد السيد ....
حنان وهي تصرخ : انتي يا زفته قومي هتتاخري علي الجامعه يا عجله انتي يلا قومي....
عنان وهي تقوم مفزوعه من صوت والدتها العالي ....
عنان : ااااا ايه يا حنان واقفه في خناقه ايه الصوت دا هو انتي معندكيش عيال يا شيخه ...
حنان وهي تضربها : لاء يا روح امك ما عنديش عيال ..وقومي يلا مش وراكي جامعه ومشوار مهم بعدها زي ما قولتيلي امبارح ...
عنان وهي تقوم بسرعه من علي السرير مما سبب في اسقاطها : ايوه صحيح البت ايات اااااااااه يا دهرك يا عنان يا حلوه يا صغيره علي الكسر ياني ...
حنان : احسن يا زفته ويلا فزي قومي وسابتها ومشيت ..
عنان وهي تقوم : مين الست دي انا لازم اقول ل ابوحميد يغير العتبه تكون مصيبه لو بتتعامل مع الراجل كده ...فجأه تلقت بشبشب في وجهها ...
عنان : يالهووي البيت مخاوي وحنان اثرت علي العفاريت وبقو يضربوا بالشبسب هما كمان ولحظه وكانت الفرده الاخر تنزل علي وجهها ومعها صوت حنان : انا يابت علمت العفاريت يضربوا بالشبشب ...
عنان بغباء : مين بس اللي قال كده يا ست الكل وانا اموتهولك ...
حنان وهي تقترب بشر: لاء وعايزه تقولي ل ابو حميد انه يغير العتبه صح ...
عنان وهي تقوم وتجري : انا انا قولت كده دا انا بقول علي العتبه بتاع السلم عايزه تتغير لحسن وقعتني امبارح....
حنان : كانت تتكسر رقبتك يا رب ...
عنان بكل جدية: لاء بعد اذنك ما تدعيش عليا يا استاذه حنان انا امي لو عرفت باللي انتي عاملتيه دا ..
حنان : امك يا روح امك ااا هتعمل ايه امك ...
عنان وهي تهرب منها وتتجه لوالدها : هتدعبلك وتقولك جزاك الله خيرا يا اخت حنان ...ااا الحقني يا بو حميد مراتك هتاكلني ...
احمد : نفسي في مره تصحي من النوم تقوليلي صباح الخير مش الحقني ....ههههه
حنان : بقولك ايه البت دي هتموت ني ناقصه عمر وقال ايه عايزاك تغير العتبه ...
احمد : والله عندها حق ..
حنان بصدمه : نعاااااام عتبت ايه اللي تغيرها ..
احمد عتبت السلم ..
عنان بضحك وهي تغمز والدها : انا بردوا قلتلها كده وهي اللي مصدقتشي هههههههههههه ...
حنان وهي تذهب الي المطبخ وتتركهم وهي تتمتم : ربنا يصبرك يا حنان علي اللي انتي عايشه معاهم ايا كان البت ولا ابوها .... هيموتوني ناقصه عمر ....
عنان بعدما ذهبت والدتها غمزت والدها : عتبت السلم بردوا يا والدي..ههههه مااااشي
احمد : ما تتلمي يا بت كنتي هتخلي امك تقتلني دلوقتي ...
عنان وهي ذاهبه لغرفتها : ماااشي يا عم الحب مولع في الدره والموزه بتغير عليك ..
احمد : بتجيبي الكلام دا منا يا بت انتي ..
عنان بعدما ذهبت الي غرفتها ..
عنان : يادي ام الحيره بتاع كل يوم ودلوقتي حنان مش طيقاني مين هيقولي البس ايه ....
عنان وهي تقلب في الدولاب : تلبسي ايه يا نونو تلبسي ايه يا عنان ... الا الواحد معندوش اي حاجه سوده حته عشان البت اللي ابوها ميت امبارح دي طب اروح بعبايه سمرا هي دي اللي عندي ...اوووف يلا بقي ...حلو دا البسه حته جديد لسه ...وهي أنشأ الله متزعلش ...اختارت فستان لونه اخضر غامق وبه خطوط بيضاء وعليه حجاب ابيض وكوتشي ابيض ... حيث انها لا تضع الميكاب ...
وخرجت وجدت حسام هو الاخر يخرج وحنان تنظر لها نظرات ناريه واحمد واسر الذي شاهد الحوار يكاد يموتون من الضحك عليهم ..
عنان : احم احم انا ماشيه يا جماعه سلامو عليكوا..
حنان : غوري في داهيه يلا ....
عنان وهي تفتح بابا الشقه : شوفت بقي يا ابو حميد لما اقولك غير العتبه طب انا بقي هدورلك علي عروسه وقفلت الباب بسرعه وذهبت الي الخارج وهي تضحك علي منظر والدتها و أوقفت تاكسي وذهبت إلى الجامعة..
وفي الداخل كانت حنان تنظر لاحمد بشر وتمسك سكين وهي تقطع بعض الطعام ..واحمد يبتلع ريقه ويسب في ابنته عنان .واسر كان يحاول ان يمنع ضحكته ولم يقدر ...نظرت له حنان ..
اسر : انا ورايا مذاكره سلام ..وهرب ولم يتبقى سوي احمد ..
احمد: ااه يا خونه كل واحد سابني ومشي ...مالك بس يا روحي بتبصيلي كده ليه قتلتلك قتيل ...
حنان وهي ترفع له حاجبه وتقطع الطعام بمنظر مرعب .....
احمد: لاء اوعي تكوني مصدقه كلام البت عنان دي بتهزر انتي عارفاها وبعدين دا انتي اللي في القلب يا ام حسام ...
حنان : واللهي ..
احمد : اه والله ..لاء اخص عليكي يا ام حسام انتي بتشكي فيا لا انا زعلان والله ..انا هقوم اروح الشغل بقي لهتأخر ...بس بردوا انت زعلان ....
حنان باصدمه : دا المفروض مين فينا اللي يزعل انا هتجن واللهي ...
_______________
عند عنان في الجامعه وهي تخرج من المحاضره ...
عنان : اوووف اما دكتور قرار بشكل كل دا قاعد بيتكلم ....
آيات : يلا عشان منتأخرش ...
عنان بشفقه علي صديقتها: تمام يلا يا حبي ...
وذهبت الفتيات وركبت تاكسي ونزلت الي مكان الشركه ...
تاره : يلا يا تميم انا جاهزه ...
تميم : ها ..طيب هعمل بس مكالمه واحصلك انزلي انتي اركبي السواق تحت ...
تاره باستغراب : سواق ...تمام....
تميم وهو يخرج هاتفه ...
تميم: الو ...ها روح يلا نتقابل عند احمد انا نازل ...
أيهم: انت لسه ما جتش انا هناك اصلا ...
تميم : هناك ليه ..الو الو ..نظر في الهاتف ..
ايه دا قفل في وشي .. ..
ونزل ركب السيارة وذهب الي شركه الاسيوطي ...
في الشركه كان اسلام قد نام هناك ليله امس ...ولم يرجع المنزل ...وأيهم علم انه لم يذهب الي المنزل ونام في شركته وذهب اليه وايضا لكي يتفق معه في شئ ما ....
عنان وهي تدخل الشركه هي وايات ...
عنان: ممكن بعد اذنك تقوليلي فين مكتب المدير ...
السكرتيره : فوق يا فندم في الدور ال٣٧... في معاد ...عنان نظرت لايات التي كان ظاهر عليه الحزن وكانت تابس بنطال ايود وقميص اسود وكان شعرها غير مرتب ولكن كانت ايضا جميله ولكن كان الحزن يبان علي وجهها وعيونها مملوءة بالبكاء وهي تحاول ان تخفيهم ......
السكرتيره وقد صعبت عليها منظر آيات : اتفضل ا اطلعوا بس خلي بالكم من السكرتيره اللي فوق عشان صعبه قووي...
عنان : شكرا ليكي يا قمر .....بس تعرفي هو ممكن يشغل عنده واحده محتاجه الشغل دا لفتره ...
السكرتيره: بصي هو استاذ اسلام محترم جدا وانتي قوليله علي الظروف اللي عندك وهو علي قد مايقدر هيساعدك .... بس بردوا حاولي تدخلي من غير ما السكرتيره تعرف عشان هي ..بصوت واطي ..بومه اوي ولو عرفت مش هتدخلك اصلا ..
عنان : شكرا ..ودا انا شكلي كده من كلامك دا هطلع اضرب السكرتيره ..
السكرتيره : هههه كان غيرك اشطر دي محدش بيقدر عليها وفي الاخر بطلعك انتي اللي غلطانه ...
عنان : لاء علي نفسها ..لصراحه انتي شوقتيني اني اشوفها اووي ... يلا سلام يا عسل ... بس انا حبيتك اووي. شويه وهنزل اتعرف عليكي ...يلا سلاموز بقي عشان منتاخرش ...
السكرتيره بموده : يحصلي الشرف يا قمر ...
ذهبت عنان وآيات الي المصعد ..
كان في ذالك الوقت يذهب الي داخل الشركه وفي اتجاهه الي المصعد ..
يميم : يووو مين بس اللي في دلوقتي ...هفضل مستني ...
تاره : عادي ادينا واقفين شويه دا خمس دقايق يعني ...
تميم : تاره بعد اذنك انا عرفتك انك اختي فابلاش الاسلوب دا ...
تاره بزعل : وانا عملت ايه يعني ...خلاص اهو سكت ..
تميم وهو لا يريد ان يجرحها ولكن يجب عليه ان يفوقها لنفسها ...وتنسان ...
في داخل المصعد ..
عنان : اما البت اللي قابلناها دي سكر ...وبصراحه متشوقه اوي اني اقابل البومه اللي فوق دي ...
آيات بابتسامه خافته : يا بنتي صفي النيه مش يمكن البت طيبه و احنا اللي ظالمنها ...
عنان : ايوه كده والنبي لتضحكي وتخلي الشمس تدخل.. وبعدين انا عايزه امتحن علي التدريب اللي باخده دا ...دا انا بقيت زي ظباط المخابرات بالظبط هههههههه...
فتح المصعد ..تاره : يلا اهو نزل اهو ...
تميم : اتفضلي ...
فوق عنان وهي تنظر بانبهار للمكان : وااو ايه دا انا لو اعرف كنت دخلت هندسه وجيت اشتغل هنا ... يا بختك يا عم هتشوف المنظر دا علطول ...
نظرت لها آيات وابتسمت علي صديقتها التي تحاول ان تخرجها من المود ... يلا بينا ...
عنان : هو مفيش غير المكتب الكبير دا وحواليه كام مكتب صغيرين اكيد دا بتاع المدير تعالي نقره الافته اللي عليه وندخل ...
وهم يقتربون ...عنان : مش قولتلك ..اهو مكتوب مكتب المدير إسلام الاسيووووووووو .
من الخلف سمعوا صوت : انتو ايه اللي موقفكوا كده وانتو مين اصلا سمحلكم انكم تيجوا هنا ...
عنان وهي تنظر لآيات:شكلها طيبه اووي فعلا والله هتسله ...
السكرتيره : ما تردين يا بقره منك ليها ايه انتطرشتوا ...
عنان : ما براحه علي نفسك يا قطه ..لا قطه ايه دا انتي فعلا بومه ..وبعدين اتكلمي عدل وبحترام انتي المفروض شغاله في مكان محترم وانتي واجهه للناس دلوقتي بدل المدير بما انك انتي السكرتيره بتاعه ...
السكرتيره : انتي عارفه بتكلمي مين يا بت انتي والشحاته دي ..
عنان : لاء انا كده صبري نفد وماسكه نفسي عليكي بالعافيه ..عدينا اما ندخل للمدير وبعدين ابقي افضالك ...
السكرتيره: لاء يا عنيا انا عايزه اعرف هتعملي ايه يا روح امك ...وبترفع يدها لكي تدربها ...
كان سوف يتدخل كلا من أيهم وتميم..الذي
خرجوا علي الصوت وتميم الذي عندما خرج من المصعد رأها وتسمر مكانه علي منظرها الحزين اين هي قطته الشرسه التي كانت بداخلها...ولكن توقفوا بصدمه من رد فعل عنان ...
عنان: تؤتؤ لاء بصراحه بيئه اووي لاء وكمان بدخلي الام وكنتي ناويه ناااويه تمدي ايدك عليا ...ثم سمعوا صوت تكسير عظام ..نعم عنا امسكت يدها قبل ان تصل الي وجهها وقامت بكسرها ... دا بس قرصه ودن عشان تبقي بعد كده تحترمي اي حد ومتجبيش سيره الام بعد كده ..ماشي وااه ابقي قصري الجيب شويه لحسن لسه في حته مش باينه .. حيث كانت ترتدي جيبه تكاد تصل الي منتصف فخدها ..وقميص داخل الجيبه ومفتوح من الامام ....
عنان بمرح وهي تنظر لآيات : بركاتك يا انكل مراد تعالا شوف يا ابو حميد انا عملت ايه بدل ما بتقلس عليا و تكسر مقاديفي......
آيات الله يخربيتك : انتي كسرتي دراع البت ..
عنان وعيونه تطلق شرار: ما بحبش اشوف حد مش مظبوت ومعدلوش وهي مش تمام اصلا واللي يجيب سيره امي مش اكسره دراعه لاء اقطعله لسانه وبعدين انتي مش شحاته زي ما هي قالت فدا درس يا قطه ويا ريت تتعلمي قالت اخر جمله وهي تنظر لها بقرف ...
السكرتيره بالم : اااااه دا انا هوديكي في ستين دا هيه يا بنت ****
عنان وعيونها تتطلق شر ...وايات تمسكها : والنبي خلاص كفايه كده ويلا نمشي انا مش عايزه اشتغل خلاص و...
اسلام من الخلف : اعتزري حالا يا سما ...
سما وهي تبكي اكثر : استاذ اسلام شوف الحيوانات دول عملوا فيا ايه ...
عنان : يا آيات سبيني اطلع دروس انكل مراد مش هعملها حاجه واللهي ..يرديكي تعب الراجل يروح علي الارض يعني سبيني بس ....
تميم : هههههههههههه يا بنتي انتي هتعملي ايه اكتر من كده ..بصراحه عجبتيني دا انا كظابط معرفتش اعمل معاها كده ..بصراحه بردتي ناري اصلها بتستفزني اووي ..
نظرت له سما بشر ...ونظر له ايهم لم يعرف ما معناها ..
عنان : سبيني يا ايات بقي شوفتي اهو كل الناس مش طيقاها ...
ايهم: خلاص يا استاذه بعد اذنك ...وانتي يا سما اعتذري ..
سما ببكاء من الالم : لاء مش هعتزر وكمان هسجنها ..
عنان : يا مصبر العقل والدين يا رب في حركه انا اتعلمتها بتكسر الرقبه ..سبيني يا ايات هروح بس اعمل عليها بروڤا واجي بسرعه مش هتأخر والله ...
أيهم وهو يذهب اليها : ما تهدي بقي ...نظرت له عنان بشر وهو قابلها ببرود .. واخذها وذهب بعيد عن سما ..
سما : وكمان بتبجحي يا زباله ...
عنان : اوع كده وسبني هروح وهرجع تاني ياعم انت مش هتخطف متقلقش ...
أيهم وهو يحاول منع ابتسامته : بس بقي..
إسلام : سما ..
سما وتحاول ان تتدلع ولكن كان الالم شديد ..
نعم ..
عنان : يا معفنه حتي وانتي مش قادره بردوا بتتدلعي ...
اسلام : وهو ينظر لها ...ويحاول هو الاخر منع ابتسامته من هذا الموقف الذي لايسمح للضحك مجالا ..
ولكن تميم كان يضحك بكل صدر رحب : لاء جامده بصراحه انتي عملتي اللي محدش عارف يعمله دا انتي عايزه تمثال ...
ولكن هذه المره نظر اليه أيهم بشر علي طريقته التي يتكلم بها معها ...
إسلام : انتي مرفوده واتفضلي السواق تحت هيوديكي المستشفي تجبسي دراعك ...
سما : نعم دا هيا اللي قلت ادبها ..
عنان وهي تنظر لهم ببراءة : انا ..
تميم : هههههههههههه شوف البراءه ياولاد ..
أيهم : ولو علي القضيه اللي عايزه تسجنيها بيها ..عنان بدأت تخاف ..
انا هرفعهالك ..عنان وقلبها وقع ...وآيات تنظر بصدمه ...