رواية عنان المدمر الفصل الثامن عشر18بقلم فاطمة ابراهيم
سيف في نفسه: يا نهار....انا اجي في مشكله اقابل. واحده تانيه ...
وفي الاسفل...كانت تجلس في مكتبها بعدما تعرفت علي زميلاتها الجديده وتجلس معهم صديقتها الاخر ..
تاره بغيظ: عاااااا ...انا بس لو اشوفه تاني ها خلي وشه شوارع ...يلعن ابو حلاوته...
إسراء: ههههه هو انتي بتشتيمه ولا بتمدحيه...
تاره : هو اينعم واد موز كده ..بس لسانه قد كده بقي انا زفته ..الحيوان
دا يقف يبجح معايا وكمان مش عاجبه اسلوبي ويقولي انتي بيئه اوي واللهي لاخلي تميم يحبسه..
اميره زميلتها الجديده نعم هي دخلت تدريب في فريق تاره و إسراء وتعمل معهم الان ....
اميره: يا بنتي بطلي افتري بقي دا انا لسه عارفاكي من شويه
..بس اتعاطفت مع الراجل دا كل دا عشان ركن عربيته في المكان اللي عايزه تركني فيه ..يعني هو يعرف منين انك عايزه تركني هنا ..
تاره : انتي بتحاميله ولا كأنه حبيبك كدا ليه... اهدي يا بت بعيونك الخضرا ... دا..
Flashback &&
تاره وهي تذهب لكي تركن سيارتها قام شخص اخر اسرع منها بالذهاب الي هذا المكان و ركن سيارته هو..
تاره وهي تخرج بشر: انت يا عم انت انا اللي هركن هنا شيل الزفته دي ..
هو: زفته يا زفته انتي ...ما تتكلمي عدل يا بت
تاره : انا زفته ...طب شيل العربيه بتاعك دي من هنا انا مليش نفس اتخانق علي الصبح كده...واخلص ...
هو بسخريه : اخلص دا انتي بيئه اوي ..انتي لو كنتي اتكلمتي باسلوب احسن من كده كنت ركنت في مكان تاني ..بس عشان اسلوبك الزباله دا انا مش محرك العربيه واعلي ما في خيلك اركبيه ..وتركها تقف تغلي من كلامه .
ودخل الشركه....
Back &&
تاره بغضب: بقي انا اسلوبي زباله ....ماشي...
👀👀👀👀👀👀👀👀👀👀👀👀👀👀👀👀
في الجامعه كانت تخرج من المحاضره هي وايات ..
عنان: واللهي شوقتيني اني اشوفها اووي...
ايات: ههههه ماجمع الا ما وفق...هي لما قلتلها عنك قالتلي عايزه اشوفها ماتيجي معايا انهارده الشركه تشوفيها ..
عنان: وماله بدل ما انا قاعده في البيت لوحدي اخري افضل اذاكر وبس وحسام طاير في الهوا مع هدير ..والحاجه مفيش وراها غير اعملي يا عنان اغسلي يا عنان روقي يا عنان وفي الاخر ماشلتيش معلقه من علي الارض يا عنان..
ايات : هههههههههههه خلاص ماشي يلا ...
قطع طريقهم نفس الشخص ومن غيره ..
عنان: نعم..
مصطفي : فكرتي..
عنان: انا عايزه افهم اشمعن انا يعني ما في كذا واحده غيري وانت بتعرف تجبهم ازاي ليه انا...
مصطفي بصدق يبان عليه: مش عارف انا قولت عجبتيني وانا عمري ما في واحده عجبتني وشكلك من النوع الشرس ..وانا بصراحه كنت بدور علي النوع دا بس كلهم كانوا بيجوا معايا سكه ..وبيصدقوا كلامي انتي الوحيده اللي رفضتي ..وانا فعلا عايز اتجوزك ... ارجوكي فكري في كلامي
عنان و احست انه صادق واحبت ان تذيقه من نفس الكاس.
عنان: احم تمام وانا موافقه ...و هخلي بابا يكلمك..
ايات باستغراب: ايه دا بكل سهوله كدا وافقتي مش دا اللي مكنتيش بطيقيه ..
عنان: عادي غيرت رأي وبعدين شكله بيتكلم جد وهو اول مره يروح ويتقدم بجد لواحده علطول بيقول بس عمره ما نفذ....
ايات: اوك براحتك يلا بينا بقي ...
في المكتب ..
اسلام : تمام ..مش عايزك تقلق ...
سيف : دا العشم يا صاحبي..بس مش عايزها تعرف ابدا ان انا جيت هنا ولا ان انا اعرفك اصلا ...هي امانه في رقبتي ..
أيهم : عيب عليك دي في شركة اخواتها..هو انا اه مش باجي هنا غير في الحاجه المهمه بس اسلام بردوا ااا قاطعه ترك علي الباب ..
سيف : طب عن اذنكم انا بقي اشوفكم وقت تاني ..
اسلام : ما تقعد يابني ..
سيف : يا عم انا هنا في القاهره اسبوع عندي شغل هنا هاجي لك تاني ..يلا سلام..
اسلام : ودعه وفتح الباب ودخلت ايات و عنان في الخارج ..
ايات : سلامو عليكوا..
تميم: وعليكوا من السلام يا اخت ايات ..
ايات بغيظ : هو انت ناطتلي في كل مكان اروحه تكون فيه ..
تميم بمشاكسه : القلب وما يريد بقي هو اللي بيمشيني..
ايات متجاهلاه: استاذه رحمه جات ..
اسلام: ايو جوا ..
رحمه : طب عن اذنك.. انا معايا عنان بره عشان كانت عايزه تتعرف عليها ممكن تدخل معايا جوه ...
اسلام بتذكر زوجته : هههههههههههه طبعا دي رحمه هتفرح اووي..جوي ...
ايات: ههههه تمام عن اذنك ..كان أيهم قد ذهب اتجاه النافذه عقب ترك الباب لكي يرد علي هاتفه..
ايهم وهو ينظر بشر لعنان بعدما دخلت ...
عنان عندما رأته: بسم الله الرحمن الرحيم انت هنا طب سلاموز انا يا ايات لحد ما الاخ دا يمشي..
تميم: ههههه ليه هو هياكلك ..
عنان: هو انت مش شايفه بيبصلي ازاي دا هياكلني..يا مامي ..
ذهب أيهم و شدها وخرج من الغرفه ...
تميم : دا ايه اللي حصل دا ..ابت كان قلبها حاسس ..
ايات باستغراب وهي كانت تخرج ولكن اوقفها اسلام..
اسلام : ما تقلقيش هتكون بخير هو اكيد في حاجه مهمه بلاش تخرجي انتي وادخلي عند رحمه دلوقتي ...
اومأت له ايات بخوف علي صديقتها فهو مرعب بالنسبه لها .
في الخارج كان يركبها السيارة ويذهب بها الي مكان خالي من الناس..واوقفها...
عنان بعصبيه: ممكن اعرف ايه اللي هببته دا ..
ايهم وهو يضرب علي المقود : هو مش انا حذرتك منه وقولتلك ابعدي عنه دا واحد و** ...
عنان : وانت مالك انا حره..وبعدين انا هنتقم للبنات واللي عامله فيهم والبنات اللي لحد دلوقتي مرجعوش..وهدوقه من نفس الكاس ..
أيهم: انتي مجنونه انتي مش في لعبه ..
عنان: انا مش عيله صغيره عشان تقولي اعمل ايه وبعدين هو انت بتراقبني هاا...
أيهم: عشان عارف انك دماغك ناشفه وهتعملي حاجه تأذيكي...مش بحركتين اتعلمتيهم يبقي خلاص لاء في حاجات تانيه كتير انتي متعرفيهاش ..
عنان ببرود: اللي عندي قولته وانا هنتقم منه و هخليه يحبني وهدمره زي ما دمر بنات كتير ...
أيهم: امممم انتي مصره ...
عنان: جدا ومش هرجع في كلامي ...
أيهم بضحكه لم تفهمها وبكل برود وهو يتحرك بالسياره مجددا: يبقي اتفاقنا....
عنان بعدم فهم : ايه..
أيهم : بعدين كل حاجه في الوقت المناسب ...
في المكتب ....
رحمه: الله امال هي فين ..
ايات: كانت معايا بره بس ..
رحمه بتعجب: بس بس ايه ..
ايات : عم المرعب اللي بره دا راح شدها وخدها وخرج ..
رحمه : المرعب ..مين فيهم..
ايات : معرفش ..هو بارد كده واحد كان قاعد مع بشمهندس اسلام ..وتميم..وكان في واحد خارج اول مره اشوفه كده..
رحمه : اه مفيش غيره صاحب اسلام بس دا طيب خالص ..مش مرعب هو شكله كده بس عشان شغله ..
دا اسلام بيحبه اوي ..
ايات : معرفش بقي اهو اللي حصل ..
رحمه: انشاء الله خير.....
بعد فتره ليست بطويله..وجدوا من يفتح الباب ويدخل..
عنان: انا جيييت ...فين بقي المزه الجديده ..
ايات قامت تجري تحضنها: عنان عملك حاجه انا خوفت عليكي اوي من عم المرعب دا...
عنان محاوله طلتيف الجو : ابعدي عني يا بت هو انا كنت مخطوفه وبغمزه ... وبعدين تعرف عن اخوك كده يا فواز .دا انا الناس كانوا بيحوشوه من ايدي يا بنتي مرعب علي نفسه .
رحمه: دي مجنونه بجد ..دا انا طلعت عاقله عنها ..واحنا اللي كنا بنحدر للعزا بتاعها دلوقتي..يلا اهي طلعت بسبعه ترواح..
عنان: بعد الشر عليا.....وبعدين مين العسل ..
رحمه: هههههههههههه ..دا انتي مشكله بالله .. انا ياستي اسمي رحمه ...
عنان : ما انا عرفه اسمك قولي حاجه جديده ... سنك ..وبحركه كانها ولد يشقت فتاه ...رقم تليفونك...حاجه كده مفيده اقدر ارخم عليكي بيها بعد كده...
رحمه : واللهي .. هههههههههههه دا انا بتشقط بقي .. تمام بس انا هصدعك علي فكره ...
عنان: يا سلام دا انا بحبه جدا ونظرت لايات التي تضرب كف علي كف.. شفتي اهو في ناس زي مش انتي وهدير اول ما اكلمكم تقولوا اقفلي صدعتينا...هي دي الناس اللي بتفهم وحدفت بوسه لرحمه قولي الرقم يا عسل ...
رحمه : ههههه...دا انتي مشكله هههههههههههه الرقم****011
في الاسفل ..
إسراء: ياربي كل دا شغل انا ايه بس كان دخلني هندسه ..
تاره : يا بنتي بطلي كسل بصي اميره مشاء الله عليها محدش سمع لها حس وبتشتغل بصمت ..انما انتي كل خمس دقايق تصوتي من الشغل افصلي بقي وركزي في اللي انتي بتعمليه
عشان يكون مظبوط...
إسراء: طب بقولك ايه ما تطلعي كده تجيبيلي قهوه من بره لحسن مش قادره اطلع ...
تاره : والله..
اميره: معلشي لو دا هيسكتها نجيب لها وحطي فيها منوم بدل الكلام دا ..
إسراء: بكره تعرفوا قمتي يا كلاب ...
تاره: اجبلك حاجه معايا يا اميره ..
اميره: شكرا ربنا يخليكي...روحي انتي
تاره: تمام ...وذهبت عند الكافي واحضرت كوب من القهوة لإسراء..وكانت ذاهبه تحضر لها النسكافيه..ولكن عندما التفتت..وقع كوب القهوه علي شخص ما ..
تاره : اسفه جدا يا ااااا ...هو انت احسن ..
سيف : استغفر الله العظيم ...انتي يا بت لسانك دا ايه ..
تاره: تعرف انا حبيت القهوه اووي لانها خدت حقي منك يا بارد.
سيف: ما تلمي لسانك بقي هو انتي غلطانه وكمان عايزه تاخدي حقك اللي هو ايه بقي ..
تاره وهي تتجاهله وتذهب : ايو عشان تتكلم معايا حبو بعد كده ..
سيف بعصبيه: ايه البت دي كنت ناقصها انا...
بعدما ذهبت تاره الي المكتب وهي تضحك..
إسراء: استر يا رب بتضحكي ليه وفي القهوه ...
تاره بابتسامه نصر: ياااه اخذت حقي ياعيال باركولي..والقهوه هي السبب..
اميره : ليه اي اللي حصل..
تاره حكت لهم كل شئ .
اميره : يالهوي عليكي دا انتي جبروت يا بت ..الراجل فعلا مغلطتشي في حاجه وانتي تعملي فيه كده ..
إسراء: دا انتي سبتيله ذكري منك علي الهدوم .. ههههه
تاره : احسن ..عشان يبقي يقولي يا زفته تاني ...
إسراء بتذمر : طب والقهوه بتاعي فين ...انا عايزه قهوه..
تاره: ههههه خلاص شويه كده واجبلك واحده غيرها....
في المساء في منزل احمد السيد
احمد: ربنا يوفقكم يارب...
مصطفي : تمام نحدد الخطوبه بقي امتي ..
دخلت عنان عليهم: ما فيش خطوبه دلوقتي .. احنا هنعمل فتره تعارف كده الاول ..
مصطفي : يعني ايه ..
احمد: تقصدي ايه ...وليه كده ..
عنان: احم..بابا انا دلوقتي عندي امتحانات ةمش عايزه خطوبه وانا لسه معرفش عنه حاجه وهو اللي اعرفه عنه انو بتاع بنات ....
مصطفي : كنت ودا كان طيش شباب يا عمي ...
عنان: دا اللي عندي نعمل فتره تعارف كده ...بعدين لو هنكمل مع بعض نبقي نعمل خطوبه وكتب كتاب كمان ...
مصطفي : تمام نقرأ الفاتحه بقي...
احمد بص لعنان باستغراب علي قرارتها هذه : ....امين
عنان : عن اذنكم انا داخله جوه...
مصطفي : احم طب عن اذنك انا يا عمي...
احمد باحراج من تصرفات ابنته: تمام اتفضل ...
بعدما ذهب ناد احمد علي عنان...
احمد: عناااااااااان..
عنان من الداخل: يا صغيره علي الموت يا نونا...وخرجت له.
عنان: نعم يا بو حميد عايز حاجه اعملها لك..
احمد : ايه بقي تصرفاتك دي امبارح تقولي لاء يعني لاء ..و انهارده راجعه تقولي خلاص وافقت وكلمه يا بابا عرفه.. ومن شويه خطوبه لاء ونعمل تعارف الاول ...في ايه بقي..
عنان: ما هو اصل .انا عملت زي ماقولتوا وفكرت وقولت مش هاخصر حاجه لو جربت زي ما قولت نعمل فتره تعارف كده الاول ارتحت اكمل وكمان انا عندي امتحانات مش عايزه افكر غير فيهم ...
احمد: انا بثق فيكي وعارف انك في حاجه بس فعلا فكري في مذكرتك الاول وبعدين نبقي نتكلم في الموضوع دا ..
عنان جريت حضنته وباسته من خده: بحبك او يا بو حميد واللهي الوحيد اللي فاهمني ...ربط هو علي ظهرها ...
احمد : ربنا ينولك اللي في بالك ...وهستاااااقاطع كلامه صوت حنان ..
حنان بغيره : واللهي انتي سايبه يابت مذلكرتك ليه مش وراكي امتحانات ابعدي عن ابوكي ...
عنان: مالك بس يا حنان هو انا ضرتك دا انا بنته ..وبعدين ايه الفصلان دا يا قاطعه اللحظات السعيدة ...وبعدت عنه ...اهو اشبعي بيه ...والواحد مالوش غير اوضته وسريره وتليفونه ....
احمد وهو يذهب لحنان ويضمها : ههههه ايه دا انتي لسه بتغيري من بنتك يا حنه دا انتي اللي في القلب ..
حنان : اشوفك حاضنها تاني ..
احمد: دي بنتي ..
حنان : ولو ولو بردوا انا بس اللي تحضنها فاهمه ...
احمد : بخبث: طب ما انتي اللي مابقيتيش بتحضنيني الله ..
حنان : بقي كده ..
احمد وهو يحملها : اه كده وتعالي اما اقولك علي حاجه كده .
حنان: لم نفسك احنا خلاص كبرنا وراحت علينا ..
احمد: مين قالك بس دا احنا اللي متجوزين صغيرين و ...
وفي الغرفه كانت عنان تجلس وتراجع بعض الاشياء رن هاتفها..
عنان : تلاقيها رحمه دا انا نسيت اكلمها خالص يلا اما ارخم عليها شويه ...
عنان بدراما وتتكلم بالمذكر: الو يا ناسيني لسه فاكر ترن عليا دلوقتي ..
الاخري بتعجب وتسأل: نعم هو انتي كنتي مستنيه ارن عليكي ولا ايه ...
عنان بصدمه وتحاول تكذيب نفسها: احيه ..هو مال صوتك يا رحمه عمل كده ليه هو الصبح كان ارق من كده بكتير..
الآخر بصدمه: رحمه ....رحمه مين ..
عنان: هو دا مش رقم رحمه بردوا ..
الاخر: لاء...
عنان: يا كسفتك ياقرمت... ومقلده صوت ...
عنان: الرقم الذي طلبته مغلق او غير متاح ولا يمكنك الاتصال به مجددا وارجو من مسح الكلام بتاعي من ذاكرتك وشكرا..
وقفلت السكه...
الاخر: دي قفلت السكه ...تذكر كلامها وخذ يضحك من قلبه لاول مره منذ زمن كبير ...واللهي البت دي مجنونه بجد..
ورن مجددا..
عنان : يادي النيله مش كفايه مطلعتشي رحمه ...بيرن تاني ليه ... اخذ يرن عدت مرات كثيره...
ردت عنان بصراخ: ايييييه كل الرنات دي مين انت تعرفني عشان كل دا مش قولت امسح ام الرقم .....
الاخر بعصبيه: انتي هبله يا بت انتي ما تتعدلي ..
عنان: ليه شايفني متبعتره...مين انت...
الاخر: شكلك عايزه مُفك للسانك دا ..انا اللي بطلعلك في كل مكان زي ما بتقولي اللي بحذرك من الزفت مصطفي ..
عنان وهي تبتلع ريقها: هو انت عم المرعب صاحب تميم ... احيه تاني ..وقفلت السكه مره اخري ...
أيهم بعصبيه: عم المرعب يا حيوانه...وبتقفلي تاني ..ورن مره اخري ...
عنان :ايه دا بقي..وردت ..
عنان: احم نعم عايز ايه ...
أيهم: بعد اذنك يا شاطره روحي نادي لبروسلي ابو لسانين ..
عنان بغضب: عايز ايه انجز وجيب وينجز ....
أيهم: ايوه كدا تكوني عنان ... نتكلم جد بقي شويه ..
عنان : نعم ...
أيهم : انتي كنتي عايزه تنتقمي من مصطفي صح ..
عنان: صح...
أيهم: يبقي اتفقنا...
عنان: علي ايه ...
أيهم: انا كمان زيك وكنت بدور علي حد اصلا عشان اعرف احطله خطه اوقعه بيها هو ..وهو يضغط علي اسنانه ...و ابوه...
عنان: ايوه وانا ايه داخلي بقي ...
أيهم : مش انتي طول عمرك كان نفسك تكوني ظابط مخابرات...
عنان : ايو الله يسامحها بقي حنان هي اللي احبتطني..
أيهم بنفاذ صبر من اسلوبها: تمام اعتبري نفسك من دلوقتي ..بس انا لازم اختبرك الاول بنفسي..
عنان: ودا ليه انشاء الله بقي..
أيهم : كل حاجه هتعرفيها في وقتها وعشان في تدريبات تانيه لازم تكوني عارفاها عشان بعد كده ...
عنان: تمام ..بس انا ايه عرفني انك مش تبع مصطفي ايه يضمنك يعني اتصدق بالله ..
أيهم: لا اله الا الله...
عنان: تعرف انا لحد دلوقتي معرفش اسمك ايه وكل شويه اطلعلك اسم ...
أيهم بسخريه: اه واخرهم كان عم المرعب ...
عنان: ما يبقاش قلبك اسود يا جدع ...الا صحيح انت بتشتغل ايه ...
أيهم: سباك اقفلي يابت بدل ما اجي افتح دماغك ...
عنان : طب استني بس بلاش اسمك ولا شغلك يا عم الغامض انت ...
أيهم : ايه ابهريني با اسئلتك العبقريه..
عنان : ربنا يخليك يا رب ...بس قولي انت جبت رقمي من اين ...
أيهم: ملكيش فيه ...
عنان بتذمر: هو ايه اللي ملكيش فيه ...وبعدين افرض مثلا انت هاكر و هكرت التليفون وشوفت نوع الكرتون اللي بتفرج عليه تقول عليا تافهه ...
أيهم: لا ماتقلقيش...
عنان : بجد..
أيهم: انا من غير ما اعرف ايه هو الكرتون اللي بتتفرجي عليه بقول عليكي تافهه...
عنان : اتصدق انك رخم اوي اوي ومش هساعدك وهعملك بلوك ...وقفلت السكه مجددا ...
أيهم: هي البت دي مش بتعرف تعمل غير تطول لسانها وتقفل السكه...ورن مجددا...
عنان: واللهي انا قولت انك جان ومش هتنام غير لما تصالحني....
أيهم: اصالحك ...هه انا برن عشان نتفق علي مكان نتقابل فيه عشان اعرف الاخبار اول باول واعرف انتي عملتي ايه معاه انهارده...
عنان: وهو انا اصلا وافقت اني اساعدك...
أيهم: انتي مش بتساعديني انا انتي بتساعدي نفسك قبل مني والبنات اللي قبل منك بتاخدي حقهم ... وانا اللي كنت بساعدك بس براحتك .عايزه تكملي تمام مش عايزه احسن بردوا ...سلام
عنان: ايه المكان..
أيهم بابتسامه: هه ما كان من الاول ..خلاص غيرت رأي..سلام
عنان: يا سيدي عيل وغلط واللي ما يعرفك يجهلك وانا لسه معرفش عنك اي حاجه ..لازم اخاف ..
أيهم: تمام ..
عنان وهي تكلم نفسها وتبعد الهاتف عنها قليلا: دا انت بارد..
أيهم : سمعتك علي فكره..
عنان: ايه دا انا بدعيلك..
أيهم: ههههه بتدعيلي فعلا.. ماشي... بكره بعد الجامعه روحي الشركه عند اسلام مع صحبتك.... وهناك هاخدك اوديكي المكان...اللي هنتقابل فيه
عنان: وليه يا عم اللفه الطويله دي كلها ...
أيهم: معلش اسمعي الكلام...وبكره هعرفك كل حاجه...يلا سلام...
عنان: سلام .. وقفلت وهي شارده في هذه المكالمه وتراجع نفسها هل الذي فعلته الان صح ام خطأ هل تذهب غدا ام لا..قطع شرودها صوت رنين هاتفها مجددا ايضا برقم غير مسجل ولكن مختلف عن الذي قبله ....
عنان: احم الو..
رحمه: عنان ايه الرقه دي يا بت دا انتي الصبح كنت شغاله شقط..
عنان: هو انتي يا رحمه الكلب .....ا انتي بسببك من شويه اتحطيت في حتت موقف محرج....
رحمه: انتي يا بت احترمي نفسك دا انا اكبر منك بتلات سنين ...ايه رحمه الكلب دي..اسمي بشمترجمه رحمه
عنان: ياختي دا انا امي اكبر مني باكثر من ٢٥ سنه وبقولها يا حنان عادي يعني... ايه بقي يا ختي بشمترجمه دي ...مش عليا يا عسل ....
رحمه: هههههههههههه ماشي يا عم الجامد انت....لقيتك ساكته كده ومكلمتيش...
عنان: لاء ما لسه كنت هكلمك بس كنت بتخانق علي السريع كده ..واهو ...ايه اخبارك بقي دلوقتي ..ها بتعملي ايه...
رحمه: يعمر بيتك يا شيخه دا انتي مشكله ...
عامتا انا قاعده حاليا باكل فشار وبتفرج علي ...
عنان : بتتفرجي علي ايه ..
رحمه: بصي دا سر وانتي اول واحده تعرفيه تمام ...
عنان : هههههههههههه حاسه هتقولي تيمون وبمبه🐗
رحمه بصدمه: ايه دا انتي مخاويه ولا ايه...
عنان: هههههههههههه...لاء هههههههههههه اصل انا دا نفس السر بتاعي ...التليفون بتاعي عليه كل أجزاءه هههههههههههه ..
رحمه : دا انا مطلعتش لوحدي اللي عندي طفوله متأخره بقي.. هههههههههههه..دا انتي فيكي حاجات كتير شبهي اووي . ههههه...
عنان: يا سبحان الله انتي كنتي فين من زمان يا بنتي .. ههههه..
عند آيات كانت تجلس تذاكر في غرفتها..ولكن صدح صوت هاتفها...
ايات : رقم مين دا .. ومردتيش..صدح مره اخري ..
ايات : الو....مين ..
الاخر: ههههه الدرجة دي مش عارفه صوتي ..
ايات بشك: مين..
الاخر: اللي بينطلك في كل مكان..
ايات: انا قولت بردوا عايز ايه يا رخم ..
الاخر: والله انا ليا اسم دا انا كل البنات بتكرش عليا وعلي اسمي اشمعن انتي كل مره تقوليلي حاجه جديده ..مره اخ و مره كابتن و مره بارد ودلوقتي رخم ..
ايات: هههههههههههه عايز ايه يا تميم ارتحت ...
تميم: ياااه دا انا اسمي طلع زي العسل منك انبي تقوليه مره كمان كده...
ايات: هي لعبه اخلص عايز ايه..
تميم: مالك بس يا جعفر يا خويا اهدي كده...
في الخارج ..كانت تجلس امام التلفاز ..وجدت الباب يكسر ويدخل هو من كانت تخشاه..
والدتها برعب : عا عايز ايه يا حاتم ...وايه الداخله دي ...
حاتم : هو سكتناله دخل بحماره بس معلش انا جيت اصلح اللي سكتنا عليه..
ماجده والدت آيات: اهدي يابني و..
ايات التي خرجت علي الصوت :انت عايز ايه مننا ابعد عننا بقي ..
Flashback,,,
ايات : هههههههههههه واللهي طلع دمك خفيف ..
تميم: طبعا احنا بس عايزين نانول الرضا ..
ايات : احم احنا صحاب وبس بلاش دماغك تروح لبعيد ..ووووسمعت صوت الباب ..
ايات : بسم الله الرحمن الرحيم..ايه اللي حصل دا..
تميم بخوف عليها: ايات في ايه وايه الصوت اللي عندك دا .
ايات وهي تخرج : مش عارفه هطلع اشوف اهو .وفجأه صرخت بهذه الكلمات وهو معها علي الهاتف لم تدري انه مازال معها واغلقت الهاتف ووضعته في جيبها ..
Back,,,
حاتم بابتسامه شريره: اهلا اهلا با بت عمي اللي دايره علي حل شعرها..
ايات: اخرس قطع لسانك انا اشرف منك يا زباله..
حاتم: هه ماشي ويلا عشان خلاص عمي ومات وانتي هتيجي معايا دلوقتي البلد يا يا عروسه عشان كتب كتابك ...
ماجده بصدمه: ايه اللي بتقوله دا يابني..
ايات: انت مجنون ولا ايه مين دي اللي كتب كتابها وعلي مين اصلا ومين اللي قالك اني همشي من هنا ...
حاتم وهو يذهب باتجاهها ويمسكها من شعرها: لسانك ما يطولش سامعه .ايو كتب كتابك عليا يا بت عمي لما نوصل البلد علطول فاهمه ..ههه امال عايزه الاراضي تروح لواحد غريب ولا ايه ...
ايات وهي تحاول ان تبعده عنها : ااه يا و** يا حقير ..كل دا عشان الارض والفلوس اللي من زمان بتلفوا عليهم من لما كان ابويا عايش ...انسه ان دا يحصل ...
حاتم وهو يشد اكثر: انتي اللي تنسي الكلام دا وانتي مرتي ولا نسيتي ان البت مالهاش غير ابن عمها ..والارض كمان دي هتكون بتاعي وانتي لو عليكي ونظر لها نظرات حقيره ..
انا اصلا لولا دماغ ابوكي ال****كان زمانك مراتي من زمان بس يلا اهو ريح وجه الوقت اللي انا انفذ فيه ..
ايات: ابعد عني يا حيوان وحذاري تجيب سيرت ابويا علي لسانك دا تاني هو اللي كان خايف منه وحاول يبعدنا عنه اهو بيحصل ..وانت يا زياله يا**** لولا انك حاولت تتحرش بيا اكتر من مره وانا صغيره وكمان مش مكفيك وجاي تكمل ابعد عني بقي ...اااااااااااااه..حيث انه ضربها تحت صراخ ماجده ..اياااات
ماجده ببكاء : ابعد عنها ابوس ايدك خد الارض والفلوس بس سبها حرام عليك ...
حاتم وهو يبعدها حتي اصتدمت بالارض: ابعدي يا وليه يا خرفانه انتي مش عارف ماريحتيش زي جوزك ليه انتي كمان....
ايات: ااااه ماماااا ابعد عني حرام عليك سبني بقي..
حاتم : رجاله جهزوا العربيه وخدوا الوليه دي شوفوها لو ماتت ارموها ولو لسه فيها النفس نزلوها العربيه يكش تموت ونخلص منها هي كمان حيث انها اغمي عليها .....
واخرج مخدر ورش علي وش ايات .
ايات وهي تغيب الوعي: ماماا.... تميم.....
حاتم وهو يحملها
وينزل بها الي السياره : هو دا بقي حبيب القلب اللي جه اتقدملك ...يا*** ماشي و ديني لاوريكي..
كان كل هذا تحت مسامع تميم الذي كان قد تجهز وفي طريقه الي
منزلها و سمع كل الكلام الذي قاله وكل الضرب والعنف الذي فعله معها ... ولكنه وجد الصوت يقطع علم انه فعل بها شئ خدرها به وايضا
سمع اخري شئ قالته وهو اسمه ... فتح الهاتف وان المكالمه مستغرقه مده طويله وهو كظابط عرف ان يتتبع طريق سيرها...وغير طريق سير سيارته وذهب خلفها ..
تميم وعينيه تحولت
الي اغمق درجه من الألوان : الو ...... عايزك تحصلني علي المكان اللي رايحه..افتح الجي بي اس..