رواية بناتي حياتي الفصل الخامس5والسادس6 بقلم ولاء يحيي

لين من فرحتها تاهت عن الكون وفضلت بصي لسليم من غير ما تكلم ونسيت انها تقريبا في حضنه وسليم عاوزها تفضل كده ومتبعدش عنه بس تفوق وتبعد عنه وتجري وتسيبه  وهي حاسه انها طايره من الفرحه 

سليم  ببتسامه وفرحه :ااااااه طعمه طعامه بنت الايه بحبها اوي 

لين تطلع جري علي الجناح الخاص الكانو بيجهزه فيه وترمي نفسها علي الكرسي وتحط ايدها علي قلبها من كتر ما بيدق من الفرحه بس تلقي الباب بيخبط 

لين  لنفسها : لا مش ممكن يكون هو لا مستحيل يكون مجنون لدرجه دي وتقوم للباب ومن وره مين 

صافي : افتحي يا لين انا صافي 

وتفتح لين الباب ويدخله البنات  التلاته جري ويشدها وياخدها لوجوه الجناح  

لين بستغراب : في ايه مالكم 

الاء : اعترفي حالا قالك ايه وايه حصل 

لين بستعباط :هو مين دا 

شوشو  :بت بطلي استعباط احنا شوفنكم دلوقتي وانتم مع بعض وكان ماسك ايدك وتايهين في عيون بعض 

 

لين بفرحه  تتنهد :  ااااه طيب بصو  هقولكم بس  مش دلوقتي عشان الفرح يلا ننزل دلوقتي عشان سيلا

 

البنات : ماشي بس هنعرف كل الحصل بتفصيل 

لين : اوكي يلا بينا 

 

ونزله البنات ودخله القاعه ورحت لين لمامتها واديتها  الفون  وطلعه عند سيلا مع البنات الوفقين لقيت سليم وقف مع الشباب و بيضحك وبصص ليها  ورح مربع ايده وعوج راسه وغمز ليها  رحت اتكسفت اوي وابتسمت وبصت في الارض   وفضلت طول الفرح ترقص مع البنات واختها وكل ما يقرب منها ولد تبعد وتبص لسليم تلقيه بصص عليها ومبتسم وجيه وقت الرقص السلو الاخيره رحت لين  شده فاروق عشان ترقص معه قبل ما حد من الشباب يجي  ياخدها ترقص معه 

فاروق :.في ايه  يا بنتي انا ما  صدقت ايمان سيباني ارقص وكل البنات الحلوه دي وقفه و انتي عاوزني ارقص معكي يا لينو بصي  سيبني ارقص مع صحبتك الحلوه دي وارقصي انتي مع رامي 

لين  بغيظ : هترقص معايه ولا اروح انادي ايمان  وقولها انك بتعاكس في البنات 

فاروق :لا خالص ارقص  معكي  وامري لله 

ويبداء الرقص وكل اتنين يرقصه سوا

 سيلا واحمد  ولين مع  فاروق  امير مع اخته سميه شوشو مع طلال رامي مع  رشا   وريهام مع محمد جوزها سليم مع  شروق  اخته و سالم مع  سها  وغيرهم كتير 

لين بترقص  ومبتسمه وعنيها علي سليم  وهو زيها وبشفيفه راح قالها بحبك اتكسفت و ابتسمت  وخبت وشها في كتف فاروق بس كان في حد كمان متابع معهم وشاف سليم وبص علي لين شاف فرحتها حس ان قلبه انجرح وان حلمه ضاع منه وقلبه وجعه

 ويخلص الفرح والخوف يبداء في قلب لين  فسيلا لاول مره هتبعد عنها و لاول مره هتنام في مكان سيلا مش موجوده فيه

 ف وهي  مسكه في  ايد فاروق يحس بيها وانها بتترعش فيبص عليها 

فاروق بقلق : لين مالك يا حبيبتي بتترعشي كده ليه

 

لين وعنيها مليانه دموع :سيلا مش هتروح معنا يا انكل هروح لوحدي 

فاروق حس ان لين هتعيط : لا بقولك ايه امسكي نفسك كده سيلا مجنونه دي ممكن تسيب الفرح واحمد وتروح معنا لو شفتك كده 

رامي  حس ان لين فيها حاجه فقرب منهم

رامي بخوف :  في ايه مالك يا لين انتي تعبانه

لين بدموع : سيلا مش هتروح معايه يا رامي بقيت لوحدي 

رامي ببتسامه  : كلنا معكي يا لين متخافيش 

فاروق :بقولك ايه خدها انت بره علي العربيه وروحها وخد حد من البنات معك مش عاوز حد يحس بيها  ويشوفها بشكل دا 

رامي: حاضر تعالي يا لين 

  ومسك ايدها وسندها واخد لين وخرج علي عربيته وركبها في الكرسي الجمبه واتصل برشا اخته  عشان تيجي معهم وخدها ومشي بلعربيه من غير ما حد يشوفهم  غير سليم طبعا الشافهم وهم خرجين من ظهرهم وكان هيتجنن ليه لين تمشي مع رامي لوحدها ودخل يجيب شروق عشان يحصلهم رامي كل شويه يبص علي لين  وهي بصه من شباك العربيه ودموعها نزله من غير صوت  وبص علي اخته رشا ال قعده ورهم لقها راحت في سابع نومه من التعب والرقص طول الفرح 

رامي  وهو بيبص للين :  تحبي نوقف  علي النيل  شويه تشمي هوا هترتاحي 

لين : ياريت (وتبص علي رشا تلقيها نيمه علي الكنبه ) طيب ورشا هنسبها هنا لوحدها 

رامي: احنا هنقف قدام العربيه هنا مش هنروح بعيد 

وينزله ويقفه علي النيل وهم بصين ليه بس بعد شويه رامي حس ان لين بردانه فقلع الجاكت بتاع البدله وحطه علي كتفها  فلين بصتله 

رامي ببتسامه : البسيه احسن تبردي انتي اصلا عمله مجهود كبير النهارده  و نزله رقص من اول الفرح لاخره

لين وهي تبتسم :  ما انت كمان كنت بترقص  تعرف اول مره اشوفك بترقص  دا انت مرقصتش غير سلو في فرح ريهام  لا وطلعت بترقص حلو اوي 

رامي   بضحك :  اصل موهبي مش بتطلع كده بساهل وبعدين كانت فرحان هنخلص من سيلا ومقلبها فينا  بس انا ناوي اخد سي دي الفرح دا واخبيه احسن اختك  ساعه بتقلب مرتضي منصور وممكن مع اول غلطه تنشري ال سي دي ههههه

لين تضحك بصوت انوثي جميل وطبعا الضحكه دي بتسحره رامي ويتوه عن الدنيا  و يبص  ليها بنظره كلها حب 

رامي :   انا بحب ضحكتك اوي وخصوصا لو انا كنت السبب لضحكه دي  لما بتضحك بحس ان كل الدنيا ملكي 

لين تبتسام وتكثف 

رامي ببتسامه لما حس انها اتكسفت : وكمان بحب لما بتكثفي مني كده ووشك يحمر وتبقي فروليه 

لين  ببتسامه رقيقه : فروليه كل الناس بتقولها طمطمايه انت خليتها فروليه 

رامي بنظرت حب ويوقف قدمها  ويبص في عينها 

رامي : ما انتي مش زي كل الناس انت حاجه خاصه ومختلبه عن اي حد  عندي 

لين  تحس لاول مره بنظرت رامي وتحس ان فيها حاجه وان دا مش نظرة طبيعيه دي نظرة ( وتخاف تقول نظرة حب) 

لين ببتسامه بتحاول تداري خوفها : وانت عارف مكانتك عندي انت و امير وسالم اخواتي 

رامي بحزن : طيب هو مش ممكن يبقالي مكان غير المكان   الاخ  انا نفسي اكون ليه مكان تاني في حياتك 

لين وبدا الخوف يكبر جوه  قلبها 

لين :  هو فيه مكان افضل  ولا اجمل من الاخ عند اخته 

 

رامي :  فيه اني ابقي حبيبك وجوزك دا مكان احسن  مكان بتمناه طول عمري  مكان بحلم بيه طول عمري وكنت بنج واتفوق عشان احقق الحلم دا 

لين انصدمت وقلبها بقي يدق وخايفه تخسر رامي وخايفه اكتر تجرحه وتكون سبب في وجعه وفضل جوها صوت بيكلمها 

لين لنفسها : انتي ازي محستيش بدا ازي اول مره تشوفي النظره دي انت ازي تسبيه يوصل للمرحله  انه يحبك  و يتعلق بيكي كان الصوه دا جوها وهي سكته  وبصه لرامي بصدمه  

رامي بترجي  : ارجوكي ردي عليه قوليلي  لو في امل بسيط حتي اني ممكن في يوم اوصل للمكان دا عرفيني وانا هستني عمري كله لحد ما اوصله  انا مش مستعجل حتي لو  هفضل العمر كله هعيشه بس عشان  اكبر الامل دا  وتحبيني في يوم من الايام (ويسكت ويبص للارض  ويرجع يبص ليها  ويبتسم )

رامي :ولو مافيش  امل انك تحبيني صدقيني عمري ما هتنزل عن مكاني كاخ  وهفضل جمبك واحميكي وعمري ما هتخلي عن اني اكون في حياتك  المهم اكون معكي 

 

لين وكل عينها دموع لانها هتجرح حد غالي عندها بس متقدرش تسكت ويفضل متعلق بيها 

لين وهي بتبص للارض  : انا يا رامي  انا مش شايفه ان ينفع نكون انا وانت غير  في مكان واحد ان احنا نكون  اخوات 

رامي بحزن شديد ووجع ورغم كده يبتسم ليها  :  وانا عمري ما هتنزل عن المكان دا وهفضل جمبك ومعكي 

ويبصه تاني الاتنين لنيل  رامي  جوها وجع والم وجرح  لين جوها  حزن وخوف علي رامي وبعد وقت مش طويل 

رامي  ببتسامه بس كلها حزن : مش يلا نروح احسن هم زمانهم اتحركو ولو وصله  المنصوره قبلنا هيقلقه علينا 

لين تهز راسها بلموفقه ويتحركه ناحيه العربيه بس يلقي عربيه وقفت جمبهم  وعملت صوت فرمله عاليه  وطبعا دا كان  سليم ونزل وهو متعصب وخصوصا ان لقهم وقفين  علي النيل لوحدهم ولين لبسه جاكت رامي  وطبعا مشفش شروق ال نايمه جوه العربيه 

سليم بعصبيه : خير يا رامي وقفين كده ليه العربيه فيها عطلت ولا  حاجه 

رامي ببتسامه : لا ابدا بس لين كانت تعبانه شويه   فنزلنا   عشان تشم هوا و ترتاح  شويه 

سليم وهو يرفع حجبه ويبص للين بغيظ  : لا سلامتك يا لين و ياتري عمله ايه دلوقتي بعد وصفه الهوا ارتحتي 

لين بحزن فليوم فيه من المفاجات والصدمات اكتر  من احتمالها فردت رد مختصر  ومن غير ما تبص ليه عشان ما يشوفش دموعها 

لين :  الحمد الله 

سليم بعصبيه شديده :  طيب كويس عن ازنكم ويركب عربيته ويطلع بيها امريكاني من كتر العصبيه  

رامي يتنهد بالم  لما يبص علي لين ويلقيها غمضت عنيها من صوه العربيه ودمعها نزله فاخر حاجه كانت عاوزها ان اليوم ينتهي بزعل سليم  منها 

رامي :  يلا يا لين اركبي عشان نروح 

تركب لين ويفضله طول الطريق من  غير اي كلام ويوصله وبعدهم بشويه يوصل الكل بس يكون التعب اتمكن منهم كلهم وينامو علي طول

  

نروح لسيلا واحمد شويه  ونشوفهم 

بعد ما دخلت سيلا الجناح الخاص للعرايس مع احمد وكل مظاهر الشجاعه الديما رسمها تختفي 

احمد بعد ما اقفل الباب ويدخل يلقيها وقفه فيمسك ايدها ويعقدها علي كرسي ويعقد قدماها علي الارض 

سيلابكثوف شديد :  انت ليه قعد كده علي الارض 

احمد بكل حب  : اعمل ايه ما انا عاوز اعقد مكان ما عنيك بتبص عشان تشوفيني 

فتبتسم سيلا ويرفع احمد وشها بايده : مبروك عليه وجودك في حياتي يا حبيبتي  عارفه انا النهارده ربنا حقق ليه اهم امنيه عندي حقق دعوي بدعيها من زمان اوي انت الدعوي الكنت بدعيها في كل ركعه و في كل صلاه 

سيلا مكثوفه :  انت كمان ياحمد كنت امنيتي وحلمي 

احمد  ببتسامه :  طيب قوم يا حبيبتي بقي عشان عاوزك 

سيلا بخوف : عاوزني ليه عاوز ايه 

احمد بضحك : عاوز اصلي بيكي  ونشكر ربنا هكون عاوز ايه يعني  (ويبص ليها بعد ما حسها اتكسفت  ويحاول يغيظها  )   اها افتكرتي ايه  اني عاوز ايه 

سيلا تكثوف وتبص للارض

 

احمد  يضحك  ااااه افتكرتي عاوز حاجه تانيه هو انتي بتفكري في الحاجات دي  وانا الكنت فكرك مؤدبه (يقولها بصوت اللمبي )

فتضربه سيلا بغيظ في كتفه  وتمشي بسرعه وهو عمل يضحك  وتدخل الاوضه عشان تغير وتلبس وتصلي معه

احمد  طلب منها بيجامته وهي جبيتها ليه واخد البيجامه وطلع يغير بره  وتخرج سيلا بعد شويه وهي لبسه الاسدال ويصلي احمد بيها ركعتين ويحط ايده علي راسها ويقول (اللهم إني أسألك من خيرها ومن خير ما جبلت عليه وأعوذ بك من شرها ومن شر ما جبلت عليه) ويخلص يلقي سيلا بصه في علي الارض  فيروح لفف وحطط راسه في حجرها ويبص لعينها فسيلا تضحك 

احمد  ببتسامه : ما انا هوصل لعينكي هوصلها حتي لو هقف علي راسي دا انا اتجوزتك عشان افضل بصص عليهم وانت عاوزه تحرميني منهم وبصه للارض 

سيلا :  يعني انت اتجوزتي عشان عنيه بس

احمد يقوم يتعدل ويمسك صوابعها وهي تبص عليه 

احمد وهو بيعد علي صوابعها :  لا  طبعا اتجوزتك عشان عنيكي و حلاوتك وشقاوتك وطعمتك وجنانك ( ويروح وقف مره واحده )   

احمد :  يووووه بقي دا الحاجات كتير اوي صوابعك مش هتكفي اعد عليها ( ويروح رفعها بين ايده ويشلها )تعالي جوه عشان اعرف اعد برحتي

 ويغمز لها فتخبي وشها في صدره ويبدا مع بعد دنيا جديده وعالم اول مره يزروه هم الاتنين بس يكون بحب وتفهم ورضا

ويبدا يوم جديد  يوم بيحمل مشاعر مختلفه فيه ال نام مبسوط و فيه الطار النوم من عينه والدموع زارته طول اليل

 

و وقت بقي  العصر ولين هربانه وعمله نفسها نايمه ومخرجتش بره اوضتها  خايفه تقابل رامي ومش عارفه هيتعامل  معها ازي بعد  الحصل امبارح  خايفه يتغير معها وتخسره كاخ 

وفي نفس الوقت  خايف اكتر ان سليم يكون زعلان  منها ومش عارفه ازي تفهمه وتكلم معه  

بس يدخل عليها اصحابها ليصحها ويسلمو عليها قبل ما يسافره 

شوشو :  ايه النوم دا كله اصحي بقي احنا شويه وهنمشي 

لين :  سبوني انام  مش عاوزه اقوم 

 

صافي :مافيش نوم مش كفايه هربتي امبارح ومقولتيش الحصل قومي حالا احكيلنا كل حاجه 

لين وهي بتقوم وتعقد وتتنهد بالم وحزن  يحسه بيه 

ألاء بقلق :  مالك يا لين فيه ايه انتي كنت مبسوطه امبارح  والفرحه كانت مليا عنيكي  حصل ايه

 

حكت ليهم لين كل الحصل من اول اعترف  سليم لحد لما  شافها وهي وقفه مع رامي علي النيل بعد ما تعبت عشان سيلا هتسيبها  مشي وهو زعلان  لين خبت عنهم  مشاعر رامي ال اعترف  بيها  ليها محبتش تعرف حد انه بيحبها  وحبت انه يفضل سر بينها هي ورامي 

شوشو :   ياخبر  وبعدين دا  كده شكله زعل اوي  وفهم غلط  

ألاء :  بلعكس انا شيفه انه كده بيغير والغيره دليل علي حبه 

صافي : ما هو اصلا اعترف ليها بحبه يا الالء بس لين لسه مقالتش ليه عن مشاعرها وهو كده ممكن يفتكر انها رفضه  دا حتي ممكن يفتكر ان في حاجه بنها هي ورامي 

 

لين بخوف :  بس انا بحبه  هو  اوي وانتم عارفين انا من زمان بستني اليوم اليعترف بيه  بحبه ونفسي يبقي من نصيبي واكمل حياتي معه 

شوشو :  مهو عشان كده لازم تفهميه  الحصل وبسرعه وتعرفيه مشاعرك 

لين بتفكير :  اشوفه ازي وفين وبعدين انا ممكن اتكثف اقوله اني بحبه  انا قدمه مبعرفش اتكلم 

الاء : بس كده ممكن يبعد عنك ويفتكر انك رافضه حبه وان في حاجه بينك انتي ورامي 

لين  بحزن :  يبعد هو احنا لسه قربنا عشان  يبعد 

شوشو :  عشان كده لازم تقبليه وتكلمي معه 

وفعلا قررت لين انها لازم تقابل سليم

 

انا هقوم البس وروح لشروق وهو لما يشوفني اكيد هنتكلم 

صافيه ببتسامه : ان شاء الله تتكلمو وتتفهمو  احنا بقي هنسلم عليكي عشان نمشي  بس اول ما هنوصل هنكلمك نطمن عملتي ايه ( وتمسك ايدها وتبص ليها بحب)  وخليكي عارفه ان مهم يحصل احنا دايما معكي وجمبك 

لين وهي بتحضنهم : ربنا يخليكم ليه  ودايما نفضل مع بعض 

وفعلا تقوم وتلبس  بعد ما سلمت علي صحباتهم واهلعم ومشيو  وتخرج من بيتهم  وتدخل البيت القدمهم علي طول بيت سليم  بس وهي دخله تلقي سليم  كان طالع فتوقفه 

لين : مساء الخير 

سليم بضيق بس من جوه فرحان فاول مره لين تيجي  تبدا هي الكلام 

سليم : مساء النور اتفضلي شروق جوه  

لين  وهي بتبص لعيونه و تكلم بمنتهي الرقه : بس انا جيه

 اتكلم معك انت  تسمح نتكلم شويه ( سليم يبص لعينها بزعل)  بليز يا سليم لازم تسمعني

سليم ومقدرش يقاوم نظرتها ولا صوتها : طيب تعالي نعقد في الجنينه هنا 

 ويدخله سوا ويقعد في جنينه بيت سليم 

سليم وهو حاسس ان لين مكثوفه ومرتبكه فهي عمله تلعب في ايدها 

سليم : اتكلمي يا لين انا سمعك 

لين بكثوف : ااانا بس كنت عاوزه اقولك  وسكتت ومعرفتش تكمل 

سليم   بضيق : بصي بقي لو جيه تقولي ابعد عنك

لين بخوف :  لا طبعا انا مش عاوزك تبعد 

سليم بفرحه وبتسامه : انا اصلا لسه مكلمتش كلامي انا كنت هقولك  اني  هبعد عنك  عمري انت بتعتي وليه انا وبس

 ومش هتنزل عنك وال هسيبك لاي مخلوق تاني 

لين تبصله وتبتسم : طيب كويس 

سليم  ببتسامه : هو ايه دا الكويس وبعدين ممكن اعرف انتي ليه مشيتي لوحدك مع رامي بعد الفرح  ما خلص وستنتيش عمي فؤاد 

لين : انا مكنتش لوحدي  مع رامي  رشا كانت موجوده بس نامت في العربيه انا بس تعبت لما لقيت سيلا هتبعد وكنت بعيط ف انكل فاروق قال لرامي يروحني لاني مكنتش حاسه بحاجه ومضايقه  وعشان كده وقفنا نشم هواء عشان اهدي 

سليم. يتنهد :  لين انا هقولك تاني انا بحبك وبحبك اوي كمان ومبقدرش اشوف حد بيقرب منك وخصوصا لو الحد دا بيحبك وعاوز ياخدك مني  

لين بستغرب وتسرع : بيحبني انت مين قالك 

سليم بعصبيه: يعني قالك انه بيحبك وانتم سوا امبارح صح 

لين: لا مش ( وقبل ما تكلم قطعها سليم) 

سليم :اوعي يا لين تكدبي واوعي في يوم تخبي عني حاجه انا عارف مشاعر رامي ليكي من زمان بس المهم عندي مشاعرك انت انا عاوز اعرفها 

لين تبتسم وتبص للارض

 سليم يبتسم علي كثوفها : لا انا عاوز اسمع 

لين : تسمع ايه 

سليم: الكلمه ال بستني اسمعها منك من زمان

 

لين تبص لعيونه وتسكت

 سليم : عنيكي بتقولها بس عاوز بس نفسي  اسمعها منك

 

لين تبتسم وتبص للارض :المهم انك حساسها 

سليم بضحك: طيب مش هتقل عليكي النهارده بس مش هتنازل  اني اسمعها قريب اوي اعملي حسابك  مش هسيبك كتير المهم دلوقتي  انا عاوزك معايه علي طول يا لين 

لين  بستغراب : تقصد ايه 

سليم : انك تفضل في مصر متسافريش تاني  تفضلي هنا معايه وتعيشي قدام عنيه وفي حضني  يعني نتجوز يا لين   

لين بصت ليه بصدمه مش مصدقه انه عاوز يتجوز علي طول كده 

في الوقت دا كانت خرجه مروه اخت سليم وشافتهم قعدين سوا و بيتكلمه فدخلت جري 

مروه :ماما ياماما الحقي بسرعه