مقدمه :احيانا نحب لدرجة العشق
فيسيطر القلب علي العقل
ونسير وراء مشاعرنا دون تفكير
منا من يحالفه الحظ
ومنا من يسقط في بئر الاحزان
منا من يجد السند والعون
ومنا من يسمع الجمله الشهيره
انتى اللي اختارتى
لين بطلة روايتنا
ترى ماذا يخفي لها الحب في جعبته
روايه بناتي حياتي
الحلقه الاولي
في صباح يوم في دوله الكويت و في فيلا صغيره يسكنها رجل الاعمال المصري فؤاد مع اسرته المكونه من زوجته الدكتوره منى وابنته الكبيره سيلا 23سنه وابنته الصغيره لين 18سنه وابن اخيه امير اخو سيلا بالرضاعه و يعيش معهم منذ وفاة والدته وزواج ابيه
منى : يلا يا لين اصحي هتتأخري علي امتحانك
لين:صباح الخير يا مامي هي الساعه كام
منى :صباح النور يا حبيبتي الساعه 6 يلا قومي اتوضي وصلي وتعالي افطري عشان تنزلي
لين :حاضر يا منمن حالا هحصلك
وتقوم لين وتروح للحمام وتاخد دش وتتوضاء وتلبس هدومها وتصلي وتخرج
اعرفكم بلين هي بنوته رقيقه جدا وجميله اوي بيضه شعرها اسمر طويل اوي يوصل لنص ضهرها وعيونها واسعه لونها عسلي فاتح اوي مش طويله ولا قصيره وجسمها جميل جدا متناسق بس اجمل حاجه في لين كمان روحها الحلوه وحضوره المتميز وضحكتها وحب الكل ليها واي مكان بتروح فيه بتلفت النظر ليها وتكون محط الاعجاب من الكل هي في اخر سنه في ثانوي ومستنيه تخلص امتحانات بسرعه عشان تنزل اجازه لمصر
خرحت لين لقيت بابها ومامتها علي السفره بيفطروا
لين :صباح الخير علي اجمل اب في الدنيا وحشتني يا بابي
( وباسته في خده وهي حضناه من ظهره وهو قاعد علي الكرسي )
فؤاد :صباح النور يا ليني انا رجعت مخصوص من السفر عشان عارف اني وحشتك
لين وهي بتعقد معهم لتفطر :اممممم يعني مش عشان مثلا الشغل خالص خلص ولا عشان عندك اجتماع ضروري في الشركه الساعه 10 مع انكل حامد
فؤاد وهو يرسم علي وشه علامه الاستغراب وعدم المعرفه :ايه دا اجتماع ايه انا معرفش حاجه
منى :ايه دا يا فؤاد انت نازل الشغل النهارده انت مش قولت ان احنا هنخرج نجيب الهدايه الهننزل بيها مصر
وقبل ما يرد فؤاد يدخل امير ابن اخوه ودراعه الايمن في الشركه
امير :صباح الخير عليكم جميعا وعلي القمر بتاعي الصغنن خصوصا ويبوس لين من خدها
امير بيحب بنات عمه اوي وخصوصا لين بيعتبرها بنته كمان مش اخته
لين : صباح النور يا ميرو قلبي انا
امير :انا جهزت كل الاورق المطلوبه للصفقه ياعمي وكنت عاوز حضرتك تشوفها قبل الاجتماع عشان لو حابب تزود حاجه عشان نعرضها
فؤاد وهو يبرق لامير :اجتماع !اجتماع ايه دا يا امير هو فيه اجتماع النهارده
لين وهي تاكل وتكتم الضحكه وتنظر لبابها البيهرب من الخروج لشراء الهدايه
منى :بقي كده يا فؤاد وانا المستنيه كل دا عشان انزل معك واشتري الهدايه الهناخدها ومرديتش انزل لوحدي
فؤاد بستسلام وقد انكشف امره : معلش يا حبيبتي انتي عارفه اني لازم اخلص كل حاجه قبل ما ننزل الاجازه عشان اكون مرتاح ومنشغلش عنكم وبعدين يا موني ما انتي البتتختاري كل حاجه علي زؤقك وبعدين هو في احلي من زؤقك يا حبيبتي (ومسك يدها وبسها فبتسمت منى وحضنت ايده )
منى:خلاص يا حبيبي ربنا يقويك ويوفقك ويخليك لينا وميحرمنيش منك ابدا
لين وامير سوا بصوت مثل الكمان : تيررررررار راررررر تيرررار
منى تتكثف وتنظر للاكل وفؤاد:هو انتم لسه هنا يا مفرقين الاحبه
ويضحك الجميع وتنظر لين بفرحه علي حب بابها ومامتها وتفهمهم ال مستمر من سنين
فؤاد :فين سيلا هي لسه نايمه لحد دلوقتي
لين : قصدك يا بابي هي لسه نايمه دلوقتي دي عماله ترغي مع احمد طول اليل وسمعاه عمال يقولها يا سيلا عاوزه انام مش هعرف اروح الشغل وهي نزله رغي
يضحك امير علي سيلا وخاطبها احمد وابن خالتها ويقول : دا ياعيني كل يوم تفضل تكلمه و تسهره ويروح الشغل تعبان بيكلمني امبارح بيقولي حطلها منوم عاوز انام
تضحك منى وتقول :احمد ابن اختي بيحبها ومبيحبش يزعلها ويفضل سهران عشانها وبنتك معندهاش لا رحمه ولا دم كل شويه تخليه يغير حاجه في الشقه لما طلعت روحه
فؤاد وهو بيفتكر ان في الاجازه دي هيزوج سيلا ويسيبها مع جوزها في مصر فيقول بحزن الاب :ربنا يسعدهم يارب ويتم فرحتها علي خير
لين تحس بزعل بابها ان سيلا هتجوز وتسيبه تقوم تبوسه وتحضنه وتقوله :احسن انها هتتجوز عشان افضل انا الفي حضنك وبس يا فوفو يا حبيبي
فيضحك فؤاد لحب لين ليه : لا يا اميرتي انا عاوزك انتي كمان تتجوزي وتفضل موني بس الفي حضني
فتبص ليهم لين بنظره طفوليه وترسم علي وشها الحزن والغضب :بقي كده يا بابي طيب انا قعده بقي هنا ومش هسيبكم خالص مالص بس هاااااا
يضحك الكل علي دلع لين وحبها ليهم
امير : دا انا زعلان منك يا موني زعل يعني لازم ترضعيني مع البت الرخمه سيلا وتبقي لينو اختي طيب اتجوز مين انا بقي مش لاقي عروسه في طعمتها يا ناس ( بيتكلم وهو بيقرص لين من خدودها ولين مسكت ايده عضيتها برحه )
فيضحك الكل
لين تنتبه للوقت :امشي انا عشان الامتحان دا انا نسيته
امير :استني يا حبيبتي اوصلك في طريقي
فؤاد :يلا يا بشمهندسه وشدي حيلك بقي الشركه منتظراكي
لين : اقل من مديره في الشركه دي مش هقبل
امير : الله دا انتي ناويه تاخدي مكاني بقى
لين ببتسامة جميلة :ايوه هنطلعك معاش مبكر
يضحك الكل عليهم
منى : يلا يا حبيبتي روحي احسن تتاخري و ربنا يوفقك وطمنيني اول ما تخلصي اوعي تفضلي تتكلمي مع صحابك وتنسيني
لين :حاضر يا مامي اشوفكم بخير
منى وفؤاد :في رعايه الله
و بعد انتهاء الامتحان لين واقفه مع اصحابها الانتيم شوشو وصافيه والاء وهم كوتيات بس لين بشخصيتها الجميله والمميزه بقم كلهم بيتكلموا مصري زيها
لين بفرحه : انا مش مصدقه ان احنا خلاص خلصنا المدرسه والامتحانات وهنروح الجامعه بقى
شوشو بضيق : بس الامتحان دا كان صعب اوي بجد
ترد الاء : كان مقرف دا انا لو جبت درجه النجاح هحمد ربنا
صافيه :مكنش صعب لدرجه يعني بلعكس كان في المستوي الطالب المتفوق طبعا الهو انا ولين
فتضحك لين وصافيه و تتغاظ شوشو و ألاء وكل واحده تضرب الوقف جمبها فشوشو تمسك لين وتعضها من دراعها بس بشويش هزار و الاء تقرص ودن صافيه
لين : يا عضاضه سبيني وانا مالي هو انا القولتلك متذاكريش
صافيه : اي اي وداني سيبني حرمت خالص
المهم سيبكم من الامتحان ها قوليلي بقي هنعمل ايه
شوشو :عاوزين ننظم الاجازه دي ونقضيها خروج
الاء :خروج وين يا شوشو دا هي الكويت كلها قد ايه دا هي اوضه وصاله
صافيه :تعالو نطلع مع اهلينا لبره الكويت
شوشو: والله فكره ايه رائيك يا لين و سكته ليه
لين بفرحه : انا عن نفسي مستنيه الاسبوع دا يخلص بقي وهطير علي مصر
صافيه :اوووف صحيح انتي مسافره
الاء:خليكي يا لين معنا هل اجازه ما بنعرف نتبسط من غيرك
لين : لا طبعا دا انا ماصدقت الامتحانات خلصت عشان ارجع مصر واشوف بقى اص( وانتبهت قبل ما تكمل فسكتت و بصة لصحابها الكانو بيبصوا عليها اوي وبيبتسموا)
شوشو :ايوه كملي كملي عاوزه تشوفي مين
الاء : اعترفي اعترفي عشان لما نقول بتحبي متقوليش تاني لا طبعا دا احنا جيران ومعارف وبس
صافيه بخوف : لين اوعي تسمعي كلامه وتدخلي الجامعه في القاهره احنا متفقين هندخل كلنا سوا اوعي تسيبينا يا لين احنا من kg سوا كلنا مفترقناش
تبص لين لها بحب وتطمنها: هرجع وهنكمل في الجامعه سوا ومش هنفترق ابدا( ويحضنوا بعض كلهم بحب بيقطع عليهم صوت تلفون لين وهو بيرن
لين : دا مين ال بيقطع علينا اللحظه النكد دي
فتضحك البنات
تطلع لين تلفونها وتبص للمتصل وتلقي مامتها فتضرب راسها بايدها
لين : اوووف دي مامي انا نسيت اطمنها خالص
لين :الووو
منى :انا قولت برده انك هتفضلي تتكلمي وتنسي تطمنيني
لين :سوري يا مامي انا لسه خارجه من شويه وكنت لسه هكلمك
منى : ايوه ما انتي كل مره بتقولي كده المهم طمنيني عملتي ايه
لين: هو دا برده سؤال يا منمن طبعا قفلتها وكله تمام
منى : الحمد الله يا حبيبتي هتعملي ايه دلوقتي هترجعي ولا هتروحي في مكان
لين: لسه بنتفق يا مامي هنقرر وهكلمك اقولك على طول انا فين
منى :اوكي يا حبيبتي انا هخرج انا وسيلا هنجيب الهدايه الهناخده معنا عاوزه حاجه اجيبهالك
لين : ميرسي يا مامي انا هشتري الهدايه بتعتي بنفسي قبل السفر
تدخل سيلا علي مامتها
سيلا : بتكلمي مين يا مامي دي لين
منى: ايوه
سيلا :طيب هاتيها اقولها حاجه
منى: خدي يا لين سيلا عاوزكي
سيلا: ايوه يا صايعه
منى وهي تضرب سيلا علي رجلها: بنت ايه البتقوليه علي اختك دا
سيلا وهي تبعد هروب من يد منى :سوري يا مامي مش قصدي
لين وهي تضحك لما سمعت صوت الضربه وكلام مامتها: احسن تستهلي
سيلا : اخرسس يا جزمه وقوليلي يلا انتي فين ورجعه امتي وارجعي حالا انا مش هنزل مع امك لوحدي
منى وهي تسمع سيلا:امك يا محترمه اسمها امك يا خساره تربيتي
سيلا وهي تعض شفيفها من صوت مامتها :سوري يا مامي قصدي مامتك حلو كده
لين وهي ميتة ضحك علي اختها :انا بقول تقفلي قبل ما تفضلي تغلطي ومامي تسمعك بدل ما نبعتك عروسه لاحمد نبعتك جثه يدفنك
سيلا بغيظ :بعد الشر ان شالله البت مرام زميلته الملزقه دي المهم تعالي بقي يا لين متسبنيش عاوزه اشتري حاجات ليه وانا بيعجبني زؤقك انتي عاوزكي معايه
لين :ياخبر يا سيلا كل العندك دا وهتشتري تاني دا انتي اشتريتي الكويت كلها سيبي حاجه لاهل البلد يا بنتي
سيلا :انتي مالك يا برده انتي دافعه حاجه من جيبك هستناكي ولو مجتيش يا لين شوفي انا هعمل فيكي ايه وانتي عارفه
لين : لا وعلي ايه الطيب احسن خالص انزلي وابعتيلي السواق بعربيتي وعرفيني انتم فين وانا هجيلكم هناك يلا سلام
الاء :ايه دا انتي هتروحي
لين :سوري يا بنات سيلا عاوزه تشتري حاجات لجوازها وانتم عارفين لو مرحتش ممكن تعمل فيه ايه
صافيه :لا يا حبيبتي روحي احسن دي ممكن تعمل فينا كلنا واختك ايدها تقيله اوي
شوشو :خالص احنا نروح النهارده كلنا عشان انا كمان هموت وانام ونتقابل بكرا من اول اليوم ونقضيه سوا
البنات سوا : اوكي اتفقنا
وكل منهم تروح وتركب عربيتها
تروح لين المول ال فيه مامتها واختها و يقضوا اليوم بالخروجة ويرجعوا بالليل الساعه 11
لين بتعب : حرام عليكي يا سيلا ايه كل دا انتي مسيبتيش مكان ولا حاجه مشترتهاش
سيلا : لا طبعا لسه كان فيه اماكن عاوزه اروحها
منى : ايه يا بنتي ليه دا كله هتوديه فين دا انتي عاوزه شقه لوحدك للهدوم بس
سيلا وهي بترسم الزعل : يوه بقي يا مامي مش عروسه
يدخل امير وفؤاد ويسمعوا كلمتها
امير :عروسه مين ايه يا بت الرقه دي معرفتكيش
سيلا : انت مالك يا رخم وبعدين طبعا احلي عروسه ورقيقه بكرا نشوف مجيبك
منى :بنت اتكلمي كويس
سيلا بغيظ :سوري يا مامي
امير وهو بيعقد جمب لين ويضحك هو وهي : يعجبني فيكي شاجعتك
سيلا وهي تتوعد له : لما نطلع فوق هنشوف شجاعتك
فؤاد : محدش له دعوي ب ياسو دي ارق واجمل عروسه في الكون كله
سيلا وهي بتعقد في بحضنه : حبيبي يا بابتي يامدلعني انت
فؤاد : ها يا ياسو خلصتي كل حاجه عاوزها يا عروسه
سيلا : يعني ناقص شويه حاجات كده
لين بضحك : ايوه يا بابي ناقص تشتري حيطان المولات وتاخدها معها
سيلا بتريقه : هاهاهاها ضحكتيني يا لطيفه وبعدين انتي مالك بابي قالي اشتري كل النفسي فيه صح يا بابتي
فؤاد :.طبعا انا عندي اغلي منك انتي و لينتي ويفتح ذراعه ليضم بناته الاتنين
الصباح
تلفون لين بيرن تصحي وتمسك الفون
لين :الووو
شوشو :انتي لسه نايمه اصحي يا بنتي بقي ورانا خروج
لين :امممم اوكي هصحي اهو
شوشو : تمام يا حبيبتي اجهزي علي ما اجيلك بسياره
لين: طيب ليه نتفق هنتقابل فين واجي بعربيتي
شوشو : لا خلينا بعربيه واحده مع بعض احسن انا هفوت عليكم
لين : اوكي اتفقنا كلمي البنات بقي كمان
شوشو :حصل يا حبيبتي من بدري انا سيبتك اخر واحده عشان ترتاحي شويه
لين: حبيبتي يا شوشو يلا باي هستناكي
تصحي لين وتدخل تاخد شور وتلبس وتصلي وتخرج تلقي مامتها و سيلا بره
لين : صباح الخير وتبوس مامتها
منى :صباح النور يا حبيبتي ايه مصحيكي بدري انا مرديتش اصحيكي قولت اسيبك ترتاحي
سيلا بغيظ : ياسلام اشمعني انا بتصحيني وتزعلي لو نمت وارتحت
لين بضحك :انا ولسه مخلصه امتحانات لكن انتي بتصحي متاخر بسبب كتر كلامك واحمد يا حبيبي اليفضل هيموت وينام ومش عارف منك
سيلا وهي تحدفها بمخده :متقوليش علي احمد حبيبك يا بت انت احمد حبيبي انا بس
منى : ولم هو حبببك ارحميه شويه خالتك بتكلمني بتقولي خاسس ومش بينام كويس مرديتش تقولي بسبب بنتك ارحمي الولد شويه
سيلا بضيق : يوووه بقي هو كان اشتكي لحد فيكم احنا بنحب نسهر سوا
لين بضحك : ربنا يصبرك يا ابن خالتي والله صعبان عليه من المصيبه ال جبها لنفسه لما خطبك
سيلا وهي تجري وراء لين ولين تجري تهرب منه
سيلا: تعالي هنا والله لموتك
لين وهي تجري علي الباب وتهرب منها : مامي انا خارجه هتصل بيكي اقولك انا فين
منى :مش هتفطري
بس لين مرديتش جريت قبل ما سيلا توصلها
البنات وهم قعدين سوا في كافيه بيفطروا
صافيه بزهق : انا زهقانه وعاوزه اعمل حاجه مجنونه اعملو حسابكم
الاء : هنعمل ايه هنا احنا لو عملنا اي تصرف هنا هيوصل البيت قبل ما احنا نوصل
لين ببتسامه : طيب ايه راءيكم نطلع بره الكويت
البنات سوا :هنروح فين يعني
لين :نروح دبي
البنات وهم بيبصوا لبعض
الاء :ازي واهلنا مش هيوفقواولا هيسبونا نروح
لين : ومين قال هنقول لحد مش بنقول حاجه مجنونه هو في اجن من كده
صافيه بخوف : لا لا دا اكتر من جنان مقدرش
شوشو وهي تقف ببتسامه : انا موفقه يلا بينا
لين تقف معها : يلا حد تاني جي
الاء وهي بتبص لصافيه : ها يا صافي
صافيه : يعني هو من امتي حد فينا بيروح في داهيه لوحده يلا كلنا نروح سوا
ويقفوا كلهم ويبصوا لبعض ويضحكوا وبعدها يتحركو للمطار في عربيه شوشو
شوشو وهي بتسوق : طيب هنعمل ايه
لين :هنروح نعرف اول رحله ونحجز فيها و نقضي اليوم و نرجع علي بيوتنا من غير لا حس ولا خبر زي ما نكون بنتفسح هنا في الكويت
شوشو : والسياره
لين : هنسبها في المطار طبعا عشان نروح بيها
وفعلا وصلوا للمطار وحجزوا وطلعوا الطياره وقلوبهم بدق من الخوف
صافيه : لا لا انا هنزل كده جنان غير كل مره
لين وهي تمسكها:. اقعدي بقي خالص احنا ركبنا وحجزنا رجوع الساعه 8 هنكون في الكويت اسكتي بقي
شوشو : والله لو طلال عرف ل يطلقني ( طلال ابن عم شوشو وكاتب كتابه عليها من سنه )
الاء و هي تمثل القوه زي لين : خلاص بقي اسكتي هو يوم وهننبسط فيه
وتطير الطياره لدبي وكل من البنات جوها خوف
وبعد فتره صغير تصل الطائره لمطار دبي وينزلوا البنات
الاء : ها هنعمل ايه دلوقتي مهو مش معقول هنفضل في المطار
لين :هناخد تاكسي ل برج خليفه نعمل شوبنج ونتغدا ونرجع للمطار
وفعلا يتحركواويخرجوا ويفضلوايتفسحوا ويضحكوا ويبقي يوم حلو اوي مبطلوش ضحك وجنان واشتروا حاجات كتير ولين اشترت كل الهدايه العاوزها عشان اهلها في مصر
صافي ببتسامه : لينو انتي مش هتشتري هديه ل سليم
لين وهي بتهرب بعينها بعيد عنهم : لا وانا اشتري ليه هديه بتاع ايه
شوشو بتريقه : يعني عشان جيران ناناه و اخو صحبتك بس ومش معجبه بيه ولا بتحبيه ابدا خالص
لين وهي لسه بتهرب منهم: لا انا جيبت هديه بس ل شروق اخته لكن اجيب ليه هو ليه بتاع ايه يعني
الاء : اممممم و البرفان العود الرجالي التحفه ال كنتي بتشتريه من شويه لمين بقي
ينقذ لين قبل ما ترد رنين تلفون شوشو
لتصرخ شوشو : اووووف الحقوني طلال طلال اكيد عرف
صافيه وهي هتعيط من الخوف :مترديش مترديش
لين وهي تحاول تظهر شجاعه وهي من جوه مرعبه :. لا طبعا ردي عليه ولو سالك احنا فين قوليله في مركز التجميل بتاع نفين وانا هكلم نفين اقولها لو حد سالها احنا عندها
شوشو ترد وهي بداري خوفها : اهلين طلال
طلال : اهلا بحبيبتي وقلبي وزوجتي ونور عيوني
شوشو وهي تتنهد مطمئنه انه معرفش حاجه : يسلملي الغالي
طلال :وينك شوشو اشتقتلك عيوني
شوشو : انا مع البنات في مركز التجميل حبيبي
طلال :كنت عاوز نتغدا سوا
شوشو معلش حبيبي خلينا بكرا بتعرف لينو مسافره وهنقضي اليوم سوا
طلال : اوكي حبيبتي ابقي طمنيني عليك وسلمي علي البنات
وتقفل شوشو معه وهي بتتنهد بارتياح هي والبنات ال كانو سمعين المكلمه ودمهم هرب منهم بس توصل لها رساله من طلال علي واتساب بكلمه (بحبك 😍😘)
تبتسم وتضحك وترسل له رساله بحبك و متاخدش بالها ان Gbs شغال بناء علي طلب طلال انه يكون شغال في تلفونها دايما عشان يبقي عارف مكانها ومطمن عل يل ها ويبعت له مكانها
فيبص ل عدي اخوه الجالس امامه ويقول :فعلا هم الشوفتهم في المطار موجودين في برج خليفه
يضحك عدي علي شوشو ابنه عمه وصحباتها العرفهم كلهم من وهم صغيرين و عارف جنانهم
عدي بضحك :.طيب هتعمل ايه
طلال : هتعرف دلوقتي قوم معايه
والبنات يرجعوا الكويت بعد ما كان يومهم حلو ومجنون وانبسطواجدا ومبطلوش ضحك ويخرجوا بره المطار عشان يركبوت عربيه شوشو ويروحوا بس ميلقوش العربيه ويفضلوت يدوروا عليها ويسالوا وهم مش لقينها خالص وهيتجننوا راحت فين العربيه وقفين يدورواويلفوا حولين نفسهم
بناتي حياتي
الحلقه التانيه
وصلنا ان البنات بعد يومهم المجنون رجعوا الكويت وخرجوا من المطار يدوروا علي عربيه شوشو ومش لقينها
شوشو :انا كنت ركناها هنا صح ولا انا ملغبطه
ألاء : لا كانت هنا بس راحت فين
صافيه : تعالو نلف عليها يمكن ركنها في مكان تاني
لين :وانا هروح اسال الامن كده اشوف يعرف حاجه
ويروحوا البنات كل واحده في مكان يدوروا ومش عارفين العربيه فين ويرجعوا بعد نص ساعه كلهم لنفس المكان الكانو ركنين فيه
شوشو وهي هتعيط : هنعمل ايه دلوقتي هنتصرف ازي
لين : مش عارفه افكر هتجنن هتكون روحت لوحدها يعني
من بعيد واقف يراقب طلال وعدي اخوه وعدي هيموت من الضحك وهو شايف البنات هتعيط كده بس بيص علي لين وحس بخوفها فقال
عدي: لطلال كفايه عليهم بقي يا طلال البنات شكلهم هيعيطوا
طلال :سيبهم لما يعرفوا اخرة جنانهم دا انا ماسك نفسي بلعافيه
بس وهو بيبص لقي شوشو بداءت تعيط في حضن لين فقرر انه يروح ليهم
شوشو :مقدرش كده هيعرفوا وطلال مش هيسكت لازم القي السياره يا لين
لين : انا هتصل علي امير اكيد هو هيعرف يتصرف
الاء وهي تنظر لسياره الجايه عليهم : ايه دا السياره اهي يا شوشو جيه هناك بصي مش دي بتعتك
صافيه :ايوه هي يلا بسرعه نقف قدامه ونوقفه الحرامي دا
البنات وهي بتجري علي العربيه
طلال : بيعملوا ايه المجانين دول ويوقف العربيه عشان ميخبطش حد فيهم
شوشو :انزل يا حرا ( ولسه هتكمل الكلمه لقيت طلال هو الراكب السياره فاستخبت وراء لين )
لين وهي بتهدي طلال : طلال اتكلم معايه انا عشان انا الخدتها معايه
طلال وهو يبص لشوشو : ليه يا لين هي شنطه ولا طفله ( ويتكلم ويقلد شوشو) انتي فين يا شوشو انا في مركز التجميل يا طلال
شوشو : اصل انا
طلال : انتي شو اسكتي خالص مش هنتكلم هنا يلا علي السياره اوصلكم كلكم وحسابي معاكم
ويبص لسياره القربت منهم وهما مش حاسين بيها واللي ركبها عدي
طلال : عدي خد حد معك بالسياره وصله
عدي وهو بيبص للين بعشق فهو يحبها من وهم اطفال :يلا يا لين اركبي معايه اوصلك
شوشو وهي تهمس للين :اوعي تسبيني
لين ببتسامه رقيقه : ميرسي يا عدي بس سوري انا هركب مع طلال خد انت صافي والاء وتبص ليهم تلقي انهم حضنين بعد بخوف ورعب وبيعيطوا زي الاطفال فتضحك علي شكلهم وينتبه طلال علي شكلهم فيداري وشه ويضحك
عدي بحزن :اوكي علي رحتك بس ابقي خلينا نشوفك يلا صافي هاتي الاء وتعالو بوصلكم
وتبص الاء بحب ولهفه لعدي فهي بتحبه بجنون ونفسها يحس بيها
وفي سياره طلال
طلال : بصي يا لين انتي صديقتي وبتعرفي غلوتك بس انها نسافر بدون شوري وتكدب كمان لا ما بسمحها وبعدين هي لما تكدب من هلق ولما نتجوز شو بتساوي
لين :وبعدين يا طلال هو احنا عملنا ايه يعني رحنا عملنا شوبنج ورجعنا وبعدين انتم مش جوزكم قرب ولازم تشتري جهازها
طلال : اكون عارف وموافق كمان وانا لخدها مترحش من راسها
لين : قولتلك دا كان اقتراحي انا وخدتها بلعافيه انت عارف اني مسافره مصر وفرح سيلا قرب وكنت عاوزه اشتري فستان للفرح وخدتها عشان خطري يا طلال انا عمري ما طلبت منك طلب سامح المره دي
لين وطلال اصدقاء مع فرق العمر لان طلال اكبر منها ب 5 سنين ووالده شريك ل فؤاد في الشركه ولين هي القربت بينه هو وشوشو
طلال :سكته يعني يا ست عائشه ومش بتكلمي
شوشو والدموع بعيونها : اسفه طلال وما بعيدها
ينظر لها طلال بحب ويكره دموعها فهو يعشقها : طيب خلاص متبكيش بس ما تكرريها مره تانيه وانا باخدك اي مكان بدك تروحيه
لين : لا والله يعني انا ريقي نشف معك وهي اسفه يا طلال تقول خالص طيب ايه راءيك بقي هي اللي قترحت وهي الخديتنا غصب وعافيه
فيضحك كل من طلال و شوشو علي اسلوب لين
تجلس لين وتنظر ل شوشو وطلال بفرحه و تتنهد وتتمني الوقت ان سليم يكون بيحبها زي ما بتحبه وتعيش معه سعيده
ويمر باقي الاسبوع بدون احداث مهم غير تجهيز كل الامور لنزول لمصر اجازه و لزواج سيلا
في مطار الكويت و لين بتسلم علي اصحابها و طلال معهم انا هستناكم اوعي حد يقول مش هيحضر فرح سيلا والله متعرفوش ممكن اعمل ايه
طلال بيغيظها : يعني هتعملي ايه يعني
لين : بسيطه هبعتلك سيلا تجيبك
سيلا تقرب منهم : في ايه انا سمعه اسمي بتقولو ايه اعترفو حالا
لين ببتسامه وهي بتبص لطلال :اصل طلال بيقول انه مش هيجي هو وشوشو الفرح
سيلا وهي بتبرق لطلال :ايه مين المش هيجي دا بتقول ايه يا طلال سمعني تاني كده
طلال بخوف هو عارف سيلا وايدها التقيله وجنانها :والله ما اقدر يا كبيره دا لو انتي عاوزني معكم من دلوقتي خديني في الشنطه بتعتك مش قولك لا
يضحك الجميع علي اسلوب سيلا و خوف طلال
و تبص لين لامير : امير هتنزل وهتيجي صح ومش هتتاخر
امير يطمنها : طبعا يا لين دا فرح اختي ومحدش هيسلمها لعريسها غيري
سيلا بضحك لا متقلقش انا هسلم نفسي بنفسي انا اصلا معترفه كمان وديني لاحمد بسرعه بقي
فيضحك الجميع ويضم امير سيلا
امير :ربنا يسعدك يا حبيبتي ويصبرك يا احمد ( فتضربه سيلا علي كتفه وبعدين تحضنه فهو اخوها ال دايما بيخاف عليها ويحميها)
و يركبوا الطياره ل مصر الحبيبه مع الاتفاق للقاء قريبا
وفي مطار القاهره ينتظر كل من فاروق وهو اخو فؤاد الصغير عنده 38سنه ظابط و معه احمد خطيب سيلا وابن خالتها هو مهندس ديكور عنده 27 سنه وقف وعيونه علي البيخرجوا هيتجنن ويشوف سيلا
و وقف معهم رامي ابن فريد اخو فؤاد الكبير عنده 27سنه دكتور وبيحب لين اوي ونفسه تحس بيه وتكون من نصيبه
احمد بفرحة : وصلوا وصلوا سيلا هناك اهي ويشاور بايده ليها وهي تجري عليه
سيلا :احمد وحشتني اوي يا حبيبي
احمد وهو يحضن ايدها : انتي اكتر يا قلبي بس خالص من النهارده مافيش سفر غير معايه وبس مش هسيبك تاني ابدا
فاروق : ياستي سلمي علينا ولا هو انتي مشوفتيش غير احمد بس
سيلا :حبيبي يا روقه وحشتني والله
فاروق لسه هيسلم بس لمح لين وصلت ليهم رح ساب سيلا وحضن لين اوي
فاروق بفرحه : لين قلبي وحشتني يا بت اوي ايه الحلاوه دي يخرب بيتك جمالك قمر يا بت ( بيتكلم وهو حاضن وش لين بايده الاتنين ويبوسها من خدها)
لين ببتسامه جميله : روقه وحشتني اوي عارف لو مكنش انت المستنيني كنت هخصمك وهزعل منك
فاروق : يالهوي علي الرقه شوفت يا واد ياحمد هخصمك وازعل منك دي انتي زي اخت البت الرخمه دي ( ويشاور علي سيلا)
سيلا وهي تضربه علي كتفه :بقي تسيبني وتسلم عليها وتقول انا البنسي الدنيا لما بشوفه ل احمد
فاروق : طبعا يا بنتي مدام لين موجوده تغور سيلا معروفه دي
فيضحك الجميع وتضربه سيلا علي كتفه بغيظ
فؤاد ومنى وهم وقفين ومحدش حاسس بيهم ففاروق مشغول ببنات اخوه و الاحب لقلبه واحمد مسك ايد سيلا زي ما يكون خايف ترجع تبعد و رامي عينه مسيبتش لين من اول ما لمحها وغيران ونفسه يحضنها زي فاروق ويسلم عليها
فؤاد : انا بقول نرجع الكويت تاني يا منى شكلنا محدش مستنينا
فاروق وهو ينتبه لاخوه الكبير فيجري عليه :فؤش حبيبي حمدالله علي سلامتك يا غالي انت وصلت امتي وحشنا يا راجل
فيضحك الجميع
فؤاد وهو يضم اخوه بحب : وصلت من ساعه يا خويه وانت ولا حاسس
فاروق ببتسامه : معلش يا غالي ما انت جمبك القمر النوره مزغلال عنيه و مش شايف بسببه ويبص علي منى ويسلم عليها
منى ببتسامه : يا بكاش مش هتبطل كل مره كده تشوف البنات وتنسي تسلم علينا
ويسلم الباقي علي فؤاد ومنى و يسلم رامي علي لين وعيونه كلها عشق ليها بس لين مش شيفه دا بس منى وفؤاد شيفينه وبيتمني رامي يكون من نصيب لين فهو شاب مثال للاخلاق و التفوق
ويروحوا للعربيات ويركب فؤاد ومنى مع فاروق في عربيته ومعهم الشنط وتركب سيلا ولين في عربيه رامي وتعقد لين قدام جمب رامي وهي بتبص علي اختها ال قعده ورا جمب احمد والفرحه مليا عنيهم
وينطلقوا ل بيت العيله في المنصوره
بيت العيله المكون من خمس طوابق يسكن فيه الجده (حصيبه) مع ولادها الصبيان ( فريد و فؤاد وفايز و فاروق) كل واحد منهم منهم ليه دور عايش فيه بشقه منفصله مع مراته واولاده حتي فؤاد ليه دور بيعيش فيه لما بينزل اجازه بس كلهم دايما متجمعين في بيت الجده علي الغداء
الجده حصيبه وهي وقفه في المطبخ ومصممه تعمل كل الاكل بايدها وبيساعدها زوجات اولادها سناء وسلوي
ام ايمان مرات فاروق وهي حامل وتعبانه فقعده بامر من الجده
سناء مرات فريد وام ل( رامي و ريهام و رشا)
سناء : روحي ارتاحي انتي بس يا ماما واحنا هنخلص كل حاجه متتعبيش نفسك
حصيبه بفرحه : لا انا الهعمل كل الاكل بايدي فؤاد بيحب اكلي وانا مش تعبانه وانا وقفه اصلهم وحشوني اوي اول مره مينزلوش سنه كامله
سلوي بغيره لحب الجده ل فؤاد ومراته وبناته اكتر من اي حد ( سلوي مرات فايز ابو امير وهي غيوره وحقوده وبتكره منى وبناتها جدا و بتغير منهم
هي مخلفه سالم و سميه و سها اخوات امير من الاب )
سلوي: يعني يا ماما احنا مش هنعرف نعمل الاكل وبعدين فؤاد اصلا خد علي اكل منى من غير سمنه وزيت ال ايه اكل صحي عامله فيها ست الدكتوره
حصيبه بضيق : هي مش عامله فيها يا سلوي هي فعلا دكتوره وبعدين بقولك ايه ملكيش دعوو لا ب منى ولا البنات وابعدي شرك عنهم دول بينزلوا اجازه شهر في السنه سبيهم في حالهم واحمدي ربنا وشيلي جميل انها شالت عندك خدمه امير من وهو 7سنين وتربي مع عيالها مع ان فايز اتجوزك بس عشان خاطر امير بس الواد يا حبت عيني مقدرش يستحمل و كنتي هتتطلقي لولي منى قالت ابني وانا مرضعاه و هيتربي مع بناتي هو اخوهم
سلوي بضيق لدفاع الجده عن منى : لا هي خديته عشان مخلفتش صبيان معرفتش تجيب غير بنتين وبعد طلوع الروح
حصيبه بغضب : مخلفه بنات ايوه بس ربيته وعلمتهم وبقي نعمه البنات بيتمناهم كل شباب و اولهم ابنك ياختي سالم العاوز يتجوز لين
لسه سلوي هترد ف مسكتها سناء
سناء :خالص يا سلوي بقي بقولك روحي شوفي فايز جيه كده ولا لسه
فتذهب سلوي بغضب و تتوعد ل منى وبناتها
حصيبه : ربنا يصبرك يا فايز يابني
سناء :متزعليش يا ماما انتي عارفه سلوي مبتحبش منى عشان كانت صحبة امينه الله يرحمها وهي الجوزتها لفايز
حصيبه :عارفه يا بنتي عارفه
تدخل رشا بفرحه
رشا : وصلو يا ناناه وصلو تحت