تقف العربيات قدام بيت الجده في المنصوره في حي هادي جميل وكل بيت قدامه جنينيه صغيره خاصه بيه
فريد و هو واقف قدام البيت في انتظارهم : حمدالله علي السلامه نورت المنصوره يا فؤاد
فؤاد وهو يحضن اخوه : منوره بيك يا حبيبي
فريد : ازيك يا دكتوره نورتي مصر كلها
منى : الحمد الله يا حج فريد منوره بيك صحتك عمله ايه
فريد: الحمد الله بخير الغالين ولاد الغالي ازيكم يا بنات ايه القمرات دي
البنات يسلمو علي عمهم بحب وشوق ففريد طيب والكل بيحبه
فريد : ادخلو يلا الحجه من الصبح وهي في المطبخ مصمم تعمل الاكل بنفسها
فؤاد : ربنا يديها الصحه بصراحه اكل الحجه مافيش زيه
رشا وهي تضم لين ولسه مطلعوش وواقفين قدام البيت
رشا :وحشتيني يا بت ايه الغيبه دي اول مره متنزليش في نص السنه
لين وعيونها علي الواقف عند عربيته وبيقرب منهم : ما انتي عارفه يا رورو ثانوي بقي وكان لازم اركز
سليم وهو بيقرب من احمد وسيلا وعيونه علي لين
احمد : ايه يا عم الزفت انا ما صدقت ارتاح منك ومشفش وشك النهارده
(سليم واحمد اصدقاء وبيشتغلوا في شركه ديكور سوا وبيرتبوا يفتحوا شركه خاصه ليهم هما واتنين اصحابهم )
سليم :.زفت ! ماشي ياحمد انا هسكت بس عشان خاطر سيلا عارف ان سيلا هتاخد حقي (ويسلم عليها )ازيك يا سيلا حمدالله علي السلامه
سيلا ببتسامه :الله يسلمك يا سليم اخبارك ايه وازي طنط
سليم : الحمد الله بخير ( و يروح ناحيه لين ويسلم عليها)
سليم بهدوء وعينه في عيون لين : ازيك يا لين حمدالله علي سلامتك الدنيا بحالها نورت
لين وقلبها بيدق وايدها بتترعش من لمسة سليم ونظرته ليها
لين : الحمد الله الله يسلمك ازي طنط وشروق و مروه
سليم : بخير شروق اول ما تعرف انك وصلتي هتيجي تجري اصلك متعرفيش هي بتحبك وانتي وحشتيها ازاي
رامي وهو غيران لانه عارف محاوله سليم التقرب من لين
رامي : يلا نطلع مش هنفضل واقفين في الشارع كده الكل طلع وناناه مستنيكم ( ويبص لسليم) ما تتفضل يا سليم تتغدا معنا
سليم بنظره غيظ لانه عارف حب رامي للين
سليم : لا تسلم انا عندي مشوار بس هرجع بسرعه وجيب شروق ونيجي نسهر معكم
سيلا :خالص واحنا هنستناكم نسهر للصبح سوا
ويدخل الجميع لبيت الجده
الجده : اهلا اهلا ببناتي و حبايبي
سيلا ولين يجروا لحضن جدتهم وضمتهم هما الاتنين
لين :وحشتيني يا ناناه اوي
سيلا : وحشتيني يا حصيبه يا قمر
الجده ببتسامه وفرحه : يا بت قولي ناناه ايه حصيبه دي
سيلا : ناناه مين دا انتي شكلك اصغر مني وبعدين دا انا ناويه في فرحي اسيب الكل واديكي بوكيه الورد وونجوزك بعدي بقي ونفرح بيكي
فيضحك الجميع وتضرب الجده سيلا علي ايدها
الجده : يابت اعقلي انا عارفه انتي هتجوزي ازي
لين بضحك : متقلقيش يا ناناه احنا جيبنا الكتالوج بتعها معنا و هنديه لاحمد ونمضيه اقرار ان البضاعه لا ترد ولا تسترجع
فيضحك الجميع علي شقاوه البنات وكلامهم وبعد فتره من الكلام والهزار والضحك
.
الجده :طب يلا قوموا ناكل دا انا عمللكم كل الاكل البتحبوه
فؤاد وهو يبوس ايدها وراسها : تسلم ايدك يا ست الحبايب
ويذهب الجميع للسفره للاكل
لين : الله رقائق وممبار احمدك يا رب
سيلا : ايه دا كله حرام عليكي يا ناناه انا مش هقدر اقاوم وكده هتخن علي الفرح
الجده : ياختي اتخني خلي الواد يلقي حاجه فيكي يمسكها ولا يا حبت عين امه هيلقي عصايه في ايده
فيضحك الجميع
سيلا بكسوف : في ايه يا حجه انتي بتشرديني قدام خطيبي
لينتهي الغداء بضحك وهزار ومعكسات البنات ل الجدتهم وعمامهم
وبعد الغدا الستات تشيل الاكل ويعملوا الشاي
والجده تعقد مع ولادها الصبيان في الصالون
فايز بضيق وحزن : بقي يعني يا فؤاد مكنتش عارف تجيب امير معاك وانت راجع
فؤاد : انت عارف يا فايز امير دراعي اليمين وهو مكاني في الشركه وبعدين يا سيدي هو نازل قبل فرح سيلا بكام يوم
فايز بحزن لبعد ابنه : انا مش عارف الواد دا هيفضل بعيد عن حضني لحد امتي انا كبرت وعاوزه معايه وجمبي بقي
الجده : كبيرت ايه يا فايز دا انت اصغر عيالي وبعدين مهو قالك يا حبيبي انه هيجي عشان فرح سيلا يعني هانت اهو
فايز : اعمل ايه بس يا ماما تعبت انا مكنش المفروض اسيبه يبعد عني من وهو صغير كان لازم يتربي في حضني وكنت طلقتها هي وغارت
فريد بحزن علي حال اخوه : وبعدين يا فايز انت بتعيد في القديم ليه وبعدين سلوي بنت عمك وبتحبك وكانت حامل كنت تطلقها ازي بس
الجده : وبعدين هو راح فين ما اتربي في حضن اخوك وانت عارف فؤاد ومنى بيحبوه قد ايه
فؤاد : والله امير دا ابني وعمري ما اعتبرته غير كده
فايز وهو بيطبطب علي رجل اخوه : انا عارف يا خويه انك بتحبه وكنت احن عليه مني ربنا يباركلك و يخليلك مراتك و بناتك
فؤاد ببتسامه : ويخليلك ولادك ويفرحك بيهم يا حبيبي وانا يا سيدي قررت افتح فرع لشركه في مصر و هخلي امير يمسكه ويفضل معك علي طول ايه راءيك
فايز وهو يحضن اخوه : ربنا يزيدك من نعيمه يا حبيبي
وفي الحديقه الصغيره الخاصه بلبيت قعدين البنات سيلا و لين ورشا وسميه وسها
سيلا : هي البت ريهام هترجع امتي من السفر
رشا : كمان 10 ايام ان شاء الله هتيجي هي وجوزها وابنها يوسف هتجنن وشوفه صوره صغير كده وعثل
لين ببتسامه : انا مش مصدقه ان ريهام بقيت مامي خالص وتعرف تتعامل مع اطفال دي كانت بتخاف تبص عليهم
سيلا بضحك : فكرين لما ايمان مرات انكل فاروق ولدت صبا وريهام اول ما شافتها بتقولهم ايه دا دي معندهاش سنان و فضلت تعيط ههههههههههه
ضحكو البنات كلهم لما افتكره شكل ريهام
سميه : دا انا نفسي اعرف عملت ايه اول جوزها دي اتعملت ازاي
رشا : ما دا الكان مخوف ماما وكانت رفضه تسافر عروسه معه بعد الفرح علي طول بس الحمد الله محمد طيب وابن حلال و عرف يتعامل معها
سها : ايه راءيكم نخلي ريهام تجيبلنا الفساتين من امريكا معها
سميه : لا انا بحب اشوف فستاني وقيسه وشوف شكله عليه بعيني قبل ما اشتريه
لين وهي تشرب العصير وتبص عليهم : انا جيبت الفستان بتاعي اصلا
سيلا وهي مستغربه : جيبتيه امتي انا مسيبتكيش خالص وكل ما ننزل نشتري حاجه رجلي علي رجلك
لين بعفويه ومن غير ما تاخد بالها : جيبته من دبي لما كنت مع الب
( وتسكت وترفع حوجبها لفوق لما تفتكر ان سيلا متعرفش بليوم ال راحو فيه دبي)
سيلا وهي تنقض عليها وتمسكها من هدمها من عند كتفها زي الحرميه
سيلا : دبي رحتي دبي ومقولتيش دا انا هموتك وال لا اموتك انا ليه انا هسيب لمامي الطلعه دي
لين بالم من سيلا المسكه وقعده عليها : ااااي اي هتموتيني قومي بس وانا حكيلك
قامت سيلا ورجعت مكانها : اتفضلي احكي حالا وبالتفصيل واياكي تنسي حاجه انا بقول اهو لا وال اقولك هي مامي الهتخليكي تقولي بتفصيل ياااااا
لين وهي بتسكتها : هحكيلك والله اصبري بقي
( وحكيت ليهم كل الحصل اليوم دا والعمله فيهم طلال وعدي
البنات وسيلا عملين بيضحكه)
سيلا بضحك : اهو الواد طلال دا تربيتي وانا العلمته يعمل مقالب
رشا : ياخبر يا لين ومخفتيش تسافري لوحدك وتركبي طياره
لين : هخاف من ايه انا عارفه دبي نزلتها كتير مع بابي و الطياره ركبتها اكتر ما قعدت في بتنا
سيلا بغيظ : بس انا هوريك يا لين عشان تروحي من غيري وانتي عارفه اني كنت هموت وروح دبي اشتري جهازي من هناك
لين لترضي اختها : يا حبيبتي انا جيبتلك كل الميكب ولانجري الكان نفسك فيهم وجيبتلك كمان فستان الحنه بس ايه وووووا هيجنن عليك
سيلا بفرحه وتحضن لين : ايوه بقي هي دي لينو حبيبتي و تبوسها
يدخل سالم ابن فايز في الوقت دا
سالم : اوعي بقي وانا قول هو ايه النور الطالع من بيتنا دا
سيلا : لا يا واد كل بعقولنا حلاوه انت كنت فين يا واطي انت مش عارف ان احنا رجعين النهارده
سالم وهو يقرب من سيلا ويسلم عليها ويبوس ايدها زي الافلام
سالم : اعمل ايه بس يا ستي عمامك سابو المحلات ومشيوا هما وانا ادبست في القعده مكانهم لحد ما اقفل
ويقرب سالم من لين وينزل قدمها وهي قعده علي الكرسي ويبصلها بفرحه
( سالم مش بيحب لين الحب الاحبه ال عارفينه هو بس شايف انها العروسه المثاليه وان مافيش بنت زيها دلوقتي ادب واخلاق ورقه وجمال بس بيتمنالها السعاده عموما غير ان سلوي عماله تلعب في دماغه عشان يخطبها نفسها حد من بنات مني يبقي تحت ايدها )
سالم : هو انا لو حضنتك وبوستك علي قد ما انتي وحشاني هيحصل حاجه والله ما هيحصل حاجه
لين وهي عارفه طريقته وبتحب سالم بس زي اخوها هي بتعتبر ولاد عمامها كلهم اخواتها
لين : لا يا سلوم مش هيحصل بس غير ان رقبتك دي هتمش لوحديها بعيد عن جسمك
سالم بضحكه : اموت فيك وانت شراني كده يالهوي وحشتيني يا بت
ويدخل الجنينه في الوقت دا سليم وشروق وسليم يشوف سالم وهو مقرب كده من لين ويضايق اوي ويغير ولين تقف بسرعه من الخضه
بناتي حياتي
الحلقه الرابعه
يدخل سليم هو وشروق الجنينه ويشوف سالم وهو قريب من لين فيغير ويضايق اوي
تعالو اعرفكم بسليم ( سليم مهندس ديكور عنده 27سنه ابيض وشه رفيع جميل عنده غمزتين حلوين اوي بيظهره وهو بيتكلم او يضحك شعره بني ناعم مرجعه لورا جسمه رياضي جميل طول بعرض عايش مع مامته واخواته البنات الاتنين شروق صحبت لين اوي اكبر منها بسنه عندها 19 سنه في كليه اداب بس هي ولين اصحاب من وهم صغيرين مروه بقي عندها 25 وبتغير من لين وسيلا اوي وشايفهم بنات مدلعه وهنتعرف عليها اكتر في الروايا
ولدتهم الحجه عواطف ست قويه و شديده اوي وبتحب سليم بجنون اكتر حد بتحبه ومتعلقه بيه في الدنيا حتي اكتر من بناتها وبتخاف وبتغير جدا عليه وخايفه من اليوم الهيتجوز فيه ودايما تقول مراته هتاخده مني )
لين تقوم مخضوضه لما شافت سليم داخل بس تحاول تدري خضيتها وتجري علي شروق
لين : اهلا اهلا بشروق وحشتيني اوي
شروق تجري لحضن لين : يا بنت الذينه ايه يا بيت الغيبه دي وحشتينا اوي
لين : انتي عارفه بقي الثانويه وكان لازم اركز واذكر
شروق : وهو يا بت البيذكر بيحلو كده دا انتي بقيتي قمر
لين ببتسامه : دي عيونك يا حبيبتي الحلوين تعالو اتفضله
تروح شروق وتسلم علي سيلا و البنات ولين وقفه وحسه بغضب سليم بس مش عارفه ليه هو زعلان وفضلت سكته مكسوفه تكلم فبعدت عنه وقربت من البنات
سالم : ايه يابني مالك وقف متنح كده ما تدخل
سيلا : اهلا يا سليم اتفضل وقف كده ليه
سليم وهو يبص للين وهي وشها في الارض مكثوفه منه
سليم بغيظ : لا ابدا بس ملقيتش احمد ورامي قعدين فقولت امشي
سالم : ايه هو انا مش كفايه يابني ولا ايه
سليم : لا يا عم كفايه بس انا استغربت انك قعد مع البنات لوحدك ولازق جمب لين ( ويبص للين بضيق فلين تحس انه غيران وتفرح اوي من جوها )
سليم وهو بيعقد : هو فين احمد ورامي
رشا : كانو جوه مع انكل فواد هدخل انادي عليهم اتفضلو
ويعقده كلهم سوا ولين قعده جمب شروق و سميه وسليم قعد في وشها
ويجي احمد ورامي عليهم
احمد : ايوه بقي القعده الحلو رجعت اهو واهم حاجه وجود الوجه الحسن (يقولها احمد وهو بيميل علي سيلا )
سيلا : ايوه عشان كده من وقت ما وصلنا وانت قعد جوه وسيبني
احمد يمسك ايدها: مهو انا مكنش ينفع امش النهارده من غير ما احصر انكل فؤاد واخد منه معاد الفرح وبقاله ساعتين منشف ريقي
سيلا بهتمام : طيب ايه الاخبار طمني
رامي وهو بيقعد جمب سليم وقدام لين
رامي بضحك : يا ستي ما احمد كان عمل حسابه يحطكم قدم الامر الواقع وعمي طبعا اتعصب ولو مكنتش ناناه وطنط مني وابويه كان زمانه ضربه
سليم بضحك : انت عملت برده القولت عليه
سيلا ولين والبنات مش فهمين حاجه
لين : هو في ايه متعرفونا حصل ايه
احمد : فيه يا ستي اني حجزت القاعه وحددت اليوم والفرح كمان اسبوعين بظبط
سيلا بستغراب :اسبوعين ازي والشقه دا لسه مجبناش الفرش وبعدين القاعه لسه مخترتهاش
احمد وهو بيبص لسيلا : بصي بقي يا سيلا انا بعد عنك اكتر من كده مش قادر ومش عارف يا ستي اشوف شغلي ولا اعمل اي حاجه وانتي بعيد عني و القاعه انا اخترت احسن قاعه موجوده والشقه مش ناقصها غير انك تنوريها وبس
سيلا: ازي يا احمد انا كنت عاوزه مهندس ديكور يفرشها الشقه ويظبطها
احمد بستغراب : نعم يا روح خالتي امل انا بشتغل ايه بياع باميه
فيضحكه كلهم علي سيلا واحمد
سالم وهو يضحك : لا واضح انها واثقه فيك كمهندس
سيلا بكثوف : لا انا عارفه طبعا ان احمد احسن و اشاطر مهندس بس كنت استني شويه
احمد وهو يشد كرسيها ويبقرب وشها لوشه: انا عارف يا حبيبتي انك قلقانه زي اي عروسه هتسيب بيت اهلها بس انا احمد يا بت حبيبك هتخاف تعيشي معايه
سيلا بكثوف : لا طبعا يا حبيبي انا بستني اليوم الهكون فيه معك و في بيتك
كل القعدين يتنهدو وبيصه لبعض ويقوله .#هييييييييييييييح
رامي : ايه يا عم انت وهي خلي فيه شويه دم احنا قعدين وكلنا سنجل ارحمو
احمد بضحك : ها يا سيلا قولتي ايه عاوز اعرف رائيك
سيلا تبص للبنات وبفرحه : بنات انا هتجوز كمان اسبوعين
وتقوم تصرخ هي والبنات سوا ويحضنها ويبوسها
سالم بضحك : مبروك يا احمد يا حبيبي اخدت المجنونه
احمد بضحك : عقبالك يا حبيبي لما تاخد المهبوشه
رامي : انا بقول انك استعجلت فانت تدخل لعمو فؤاد وتقوله انك رجعت في كلامي
احمد : تفتكر يرضي
سليم بضحك : والله هتوحشنا يا صحبي كنت طيب
احمد : شكرا الله سعيكم
وتنتهي اليله بضحك وفرحه
ويفضله طول الاسابيع الفاضلين بيجهزه ويرتبه امورهم للفرح وقبل الفرح بيومين توصل ريهام وجوزها وابنها و في نفس اليوم يوصل امير كمان ويستقبلهم في المطار رامي وسالم فتوصل طياره ريهام الاول وتخرج تلقي اخوها وقف هو وابن عمها
ريهام. وهي بتجري لحضن رامي : رامي حبيبي
رامي بحب : حمدالله علي سلامتك يا حبيبتي هاتي هاتي القمر دا ( وياخد ابنها من ايدها)
ريهام : ازيك يا سالم
سالم : حمدالله علي سلامتك يا ريري نورت يا دكتور محمد
محمد : دا نورك يا سالم فيك الخير والله انا صاحبي شاف اخته وابنها نسيني خالص
رامي وهو بيسلم علي صاحبه وجوز اخته : معلش الواد ابنك العسل دا خد عقلي حمدالله علي سلامتك يا صحبي
ليخرج امير في الوقت دا
امير : مين دا ال كل عقلك يا دكتور وبعدين انت اصلا عقلك طاير من زمان انت هتلبسها للواد
سالم يجري علي امير اخوه : حبيبي وحشتني ياض
امير يحضن اخوه الصغير بشوق وحب : انت اكتر يا سالم وحشتوني كلكم
ريهام بفرحه : امير محدش قالي انك جي النهارده مش مصدقه بقالي كتير مشوفتك
امير : حمدالله علي سلامتك يا ريهام حمدالله علي سلامتك يا دكتور
محمد : الله يسلامك يا امير احلي مفاجأه والله
ويسلمه كلهم علي بعض بشوق وحب ويركبه عربيتهم للمنصوره ريهام وجوزها وابنها يركبه مع رامي و امير يركب مع سالم
وبعد وصلهم المنصوره وترحيب بيهم وفرحت الجده ان كل ولادها واحفادها حوليها وفرحه فايز اكتر برجوع امير فحب امير في قلب فايز من حبه لامينه امه الله يرحمها وعشان كده سلوي بتكرهو
فايز : ياااااا متتصورش يا امير انا قلبي مرتاح ازي وانت قدام عنيه كده
امير وهو بيوس راسه : ربنا يخليك لينا يا حج ونفضل مجمعين في خيركم جميعا
الجده بفرحه : عارف يا واد يا امير انا بقالي قد ايه مشوفتش ابوك فرحان كده
سلوي بغيظ : يعني هو احنا منكدين عليه يا ماما
مني : لا طبعا يا سلوي ماما متقصدش كده
سلوي بضيق : والله انا عارفه ماما من قبلك يا مني دي مرات عمي و متشغليش بالك بينا انتي احنا طول النهار وشنا في وش بعض مش مستنينك تيجي تفهمينا بعض
امير ليغير الحديث : فين سميه وسها ولين مشفتهومش لحد دلوقتي
الجده وهي بتشاور علي سيلا : البت المفتريه دي يا بني مشغله العيله كلها تحت امرها بعتتهم يجيبه طلب من طلباتها المبتخلص
سيلا : مبلاش انتي يا جميل مش كفايه مش عاوزه تعملي القولتلك عليه
الجده بكثوف : اختشي يا بت بدل ما اقوملك
فايز بحب : تعال يا امير يا حبيبي اطلع ارتاح اوضتك جهزه محدش بيدخلها غيرك
امير : لا يا بابا اسمحلي انا هقعد هنا مع ناناه
فايز بزعل : ليه كده يابني دا بيتك وبيت ابوك
امير : مهو هنا بيتي برده يا بابا ولا ايه
فايز : لا انت هتطلع معنا فوق في بيتي وتحت عنيه حتي وانت نايم
سلوي بغيظ من فايز : ما تسيبه برحته يا فايز هو عيل خايف يشيل الغطا من عليه
سيلا بضيق وهي بتوشوش سالم : واد يا سالم ما تسكت امك احسن انا علي اخري منها
سالم بغظ من امه : وحياتك من امبارح وانا بحاول اشد الفيشه بتعتها
سيلا : طيب ايه متشديتش ليه
سالم بضحك : الفولت كان عالي وكهربتني بعيد عنك
فتضحك سيلا وسالم
سلوي بغيظ : والله يا فايز انت فرحتك برجوع امير اكتر من فرحه فريد وسناء بريهام وحفيدهم الاول مره يشوفه دا معملوش زيك كده وبنتهم جيت شافتهم وراحت لحماتها ومزعلوش
سيلا وحاسه ان امير زعل ومخنوق من كلام مرات ابوه :. بما انك بقي يا انكل فايز امير وحشك النهارده لازم ينام معك في اوضتك في حضنك
سالم بفرحه : لله وانا معكم ياااااا انام كده انا واخويه في حضن ابويه دا حلم من احلامي ولتزم يتحقق
فايز بفرحه : انا موافق انت واخوك هتنام في حضني النهارده
سلوي بضيق : وانا اروح فين يا سيلا هانم لما ينام في حضنه
سيلا :. هو النهارده حد فينا هينام يا طنط دا اليوم القبل حنتي كله سهر ولو حضرتك بقي حبيتي تنامي مش هتلقي اجمل من حضن ناناه
الجده وهي بتبرق لسيلا : اشوف فيكي يوم يا مضروبه
فيضحك الجميع علي الجده
ويجي يوم الحنه والبيت كله مليان من الاهل وجيران والاصحاب و شوشو وصافيه والاء جم مع اهليهم يحضره الفرح فهم اصدقاء وشركاء
سيلا تلبس الفستان ال لين جيبته ليه ويعجبها اوي والكل يتكلم علي جمالها وشياكتها ولين كانت اميره والكل بيبص عليها ومعجب بيها ويفضله يغنه ويرقصه طول اليل
ونوصل للفرح وسيلا في فستانها الابيض ويبقي زي ما اتفقت مع احمد مش عريان بس شيك جدا ورقيق وهي تكون ملكه متوجه والميكب هادي وشعرها رفعته شويه هو مش طويل زي شعر لين بس عملته تسريحه رقيقه وحطت فيه تاج رقيق مع الطرحه وكانت جميله
اما لين بقي فكانت حوريه من الجنه لبسه فستان اسود في كت بينك وبطانه الظهر لون الجسم كان فستان رقيق زيها والميكب زود جمالها وخصوصا انها مش متعوده تحط اي حاجه في وشها فكانت مفاجأه للكل وشعرها سيب علي ظهرها كل اليشوفها تخطف قلبه وعنيه
مني كانت خايفه علي بناتها اوي من الحسد و فؤاد تعب من الناس العمله تكلمه علي لين وعاوزين يخطبها
طلع فؤاد يشوف سيلا وياخدها عشان يسلمها بايده لعريسها بس قلبه بيدق و مش قادر يسبها وعمل يفتكر من اول ما اتولدت وشيلها ويفتكر كل لحظه من وهي صغيره واول مره مشيه ورحت لحضنه ويفتكر شقاوتها وضحكتها و مكنش عارف ازي النهارده هتبعد عن حضنه وكان خايف عليها اوي هي ولين وعشان كده دايما بيقربهم من ولاد اخواته عشان يبقي ليهم اخوات صبيان لما وصل لباب الاوضه ال فيها سيلا
ريهام : مالك يا عمي وقف كده ليه مش هتدخل تجيب سيلا
فؤاد : بقولك يا ريري نادي علي امير ورامي وسالم خليهم يطلعو هنا
ريهام : حاضر يا عمي حالا
وتنزل ريها تنادي ليهم فيطلعه التلاته لعمهم وكانو شباب يفرحه القلب ورجاله و البدل زودت جمالهم ورجولتهم وقفه علي باب اوضه سيلا مش عارفين عمهم عاوز ايه فخرج عمهم ليهم وهو ماسك سيلا في ايده
فؤاد ببتسامه : انا مخلفتش ولد وطول عمري كان نفسي في ولد مش عشان حاجه غير انه يكون سند وظهر لبناتي بس ربنا عوضني بيكم انتم التلاته ولادي و ولاد اخواتي فانا هسلم سيلا ليكم انتم وانتم هتسلموها لاحمد انتم التلاته عشان بعد ما موت انتم هتكون مسؤلين عنهم مكاني ويوم القيامه هسالكم انتم عليها قبل احمد
الولاد والبنات سو وعيونهم دمعت من احساسهم لخوف فؤاد وحزنه لبعد سيلا : بعد الشر عنك ربنا يطول في عمرك
فؤاد يبوس سيلا و يديها ل ولاد اخواته فامير يمسك ايدها من ناحيه اليمين و رامي من الشمال وجمبه سالم وينزله بيها
لين تقرب منه بحب : انا بقي مش هتنازل اني انزل وانا مسمه ايدك انت ( فتقرب سميه من عمها وتمسك ايده التانيه)
سميه: وانا كمان هنزل في ايدك
فيقربه كل البنات : كلنا مش هننزل غير مع حضرتك
فؤاد بضحك : انا كده هتخسد يا بنات ومني هتغير
فيضحكه كلهم بعد ما قدره يرجعه ال ضحكه علي وش فؤاد
ويوقفه الشباب التلاته قدام القاعه وبينهم سيلا قبل ما الباب يفتح والكل منتظر ان فؤاد هيدخل بسيلا بس يفتح الباب وتدخل سيلا وسط التلات شباب بشكل جميل يعجب الكل والشباب كلهم فردين جسمهم ومشيه بيها واغنيه زفوني علي بيت حبيبي شغاله زي ما اختارت سيلا لحد ما وصلها لاحمد واخدها منهم بفرحه وحب
ودخل فؤاد وهو مسك لين ومعه بنات اخواته واصحابهم مشين حوليه
مني ببتسامه : انت ليه منزلتش بسيلا وسيبت الولاد يوصلها لاحمد
فؤاد : يعني القي معايه كل البنات الحلوه دي وسيبهم مش لازم ادخل كده وسط الورود دي والكل يحسدني
مني وهي عارفه حزن فؤاد علي بعد سيلا : عقبال ما تشيل ولادها يا فؤاد وتجوز لين
فؤاد ببتسامه : ياشيخه انا مش قادره علي بعد واحده بتدعي لتانيه انسي انا جوزت سيلا عشان ابن اختك وهي بتحبه لين هتفضل في حضني
تضحك مني وتضم دراعه وتحط راسها علي كتفه
ويبداء الفرح برقصه سلو واحمد كان حضن سيلا وفرحته طايره من عيونه وسيلا مكسوفه ولين والبنات والشباب وقفين جمب بعض وفرحنين وبداء الرقص والكل اشترك وسليم كان هيتجنن كل ما يشوف لين بترقص مع سالم او رامي وعاوز يخطفها من كل العيون الهتاكلها من جمالها وكل ما يقرب منها اصحابها ( شوشو وصافي والاء) الوخدين بالهم من غيرت سليم يشدها بعيد عنه ويقربها من ولاد عمها وهو هيتجنن والغيره طلعه من عينه ونفسه يضرب كل الشباب الفي الفرح
لين كانت فرحان باختها جدا ومش واخده بالها خالص من غيرت سليم بس شوشو وصافي والاء عملين يضحكه و مصممين يجننه سليم عشان يعترف ليها وكل شويه يدخله حد يرقص مع لين من ولاد عمامها بس ريهام قربت من لين قالت ليها ان مامتها عاوزها فنزلت وراحت ليه وسليم خد باله وعينه معها عاوز يعرف رحه فين مني طلبت من لين تطلع الاوضه في الفندق ال كانت سيلا بتجهز فيها وتجيب تلفونها عشان نسيته خرجت لين بره القاعه وطبعا سليم جري خرج ورها وطبعا البنات التلاته وخدين بالهم وخرجه وراهم
لين وهي ماشيه تلقي حد بيشدها من ايدها وبيخرج بيها بعيد عن القاعه
لين بخضه : ايه في ايه وخدني فين سيبني
سليم بضيق وغضب : مش هسيبك يا لين انا ماسك نفسي عنك من الصبح
لين وهي بتشد ايدها منه وتوقف بعد ما بعده عن القاعه
لين : مسك نفسك عني ليه يعني انا عملتلك ايه وبعدين انت ازي تسمح لنفسك تمسك ايدي كده اصلا
سليم بعصبيه : كمان مش عارفه عملتي ايه عمله ترقصي من سالم شويه ورامي شويه ايه متحترمي نفسك شويه
لين بغضب : انا محترمه جدا علي فكره وبعدين دول اخواتي وارقص برحتي وبعدين انت مالك اصلا بيه بتددخل ليه
سليم يشدها من ايدها ويقربها منه اوي لدرجه انها خبطت في صدره وحطت ايدها علي صدره وهو مسك كتفها
سليم وهو باصص لعينها بحب وغيره وشوق ولهفه : بدخل لاني مسمحش للهتبقي مراتي ترقص مع حد كده انا بغير عليكي بجنون انتي اصلا ليه انا وبتعتي ومحدش يلمس حاجه بتعتي ابدا
لين وهي بتبص لعينه وبتسمع كل كلمه بيقولها قلبها بيدق مع كلامه وقربه ليها ومش عارفه تقول ايه هي فرحانه سليم اخير اتكلم
سليم وهو بيبص لعينها وتايه فيها وببتسامه رقيقه : انا بحبك يا لين