رواية جريمة عشق
الفصل السادس والسابع6و7
بقلم مريم نصار
عند آدم
----------
هنا اتوترت وفركت في ايديها
هنا:-انا......
ادم :-ايوه انتي ايه؟
هنا :-ااا..اايوه ايوه كنت في البيت
ادم :-هو ايه اللي ايوه ايوه انتي لحقتى نسيتي الجريمه تمت امبارح الساعه 10:45 يعنى 11 الا ربع
هنا عيطت:-حضرتك بتزعقلي ليه لاحظ انى لوحدي و اني انا اللي ابوها مات يعني انا متوتره وخايفه
ادم :- خايفه من ايه حد اتصل بيكي او حد كلمك؟
هنا :- لا
آدم :-طيب حد بعتلك رساله على فيسبوك او مثلا واتساب؟
هنا : لا لا
ادم :-طيب اهدي انا اولا اسف لاني عليت صوتي عليكى ثانيا انا بحقق مع كل الاطراف علشان نقدر نوصل لخيط صغير في القضيه
هنا :- اه اه طبعا ربنا معاك
ادم :-هو انتي بتفركى جامد في ايديكي ليه!!؟
هنا :- لا ابدا انا بس اول مره ادخل قسم وحاسه بشويه خوف
آدم اتصل بحد من العاملين وطلب لهنا عصير ليمون
ادم :- اتفضلي اشربي العصير ده وهاتهدى خالص وما تخافيش من حاجه.
هنا :- ماخافش ازاي بس .. ما بابا كان متواصل معاكم وقولتوله ما تخافش ودي كانت النتيجه!!
ادم :-هو والدك حكالك على اللي كان بيتم مابينا
هنا خافت لاتكون عملت حاجه غلط
:-لو سمحت انا ممكن امشي انا متشكره على العصير
ادم حس بخوفها
:- العفو على ايه بس في سؤال صغير
هنا : طبعا اتفضل
ادم :-حد تاني يعرف ان والدك كان على تواصل معانا؟؟
هنا سكتت وبعدها قالت
:- لا خالص بابا حكالي فى الفتره الاخيره شكله كان حاسس انه هيموت وعيطت
ادم :- طيب بطلي عياط وياريت لو حد كلمك او سالك على حاجه او شكيتي مجرد شك في اي حد كلميني وده رقمى الخاص
هنا اخدت الكارت
:-استاذن انا
ادم :- اه طبعا اتفضلي
هنا خرجت وروحت ع طول
امين العسكري :- تمام يا فندم
ادم :-فاضل مين بره؟
امين :-عاصم الصاوي
ادم :-طيب خليه يدخل
عاصم دخل
:-صباح الخير يا ادم باشا
ادم :-صباح الخير تحب تشرب حاجه
عاصم :-لا متشكر جدا لذوق حضرتك
ادم :-تمام استاذ عاصم تقدر تقولي كنت فين امبارح الساعه 10 صباحا؟؟
عاصم :-انا كنت في الشركه بتاعت عمى حسين وما خرجتش من المكتب غير ساعه ما اتصلتو عليا علشان انزل اشوف اللي حصل وجتلك على هنا امبارح لو تفتكر
ادم :- امممم اجابه طويله على سؤال صغير تمام طيب انت شاكك في حد معين يعني عمك ليه اعداء مع حد؟؟
عاصم بتنهبده
:-عمي يا ريت كل الناس تكون زي عمى حسين
ادم :- ايوه دي نفس اجابه جاسر الصاوي وانا بحقق معاه هو جاسر لما خرج من هنا يا ترى مشي ولا راح فين؟؟؟
عاصم :-لا جاسر واقف مستني بره علشان نروح نستلم عمي ونعمل مراسم الدفن وندفنه
ادم :-اه ربنا معاكم
فضل ادم يسأل عاصم وبعدها بشويه والباب خبط
ادم :-ادخل
امين العسكري:- تمام يا فندم في واحده بره اسمها مريم الجزار وعايزه تقابل حضرتك
آدم :-طيب ماشي خليها تتفضل وانت يا عاصم باشا اي حد تشك فيه كلمني زي ما اتفقنا اتفضل ومعاك رقمى
عاصم :- ان شاء الله بعد اذن حضرتك ''
عاصم خارج ومريم داخله خبطت فيه وعاصم اتاسف لها
:-مريم انا اللي اسفه ما اخدتش بالي ان حد خارج بعد الأستاذ الل خرج دلوقتي ( تقصد العسكري امين)
عاصم:- ولا يهم حضرتك وهو واقف مكانه
مريم :-احمم ممكن ادخل
عاصم :-ها اه طبعا أنا اسف مره تانيه
ادم اضايق وبقى ع اخرو ادم:-ادخلي تعالى ياحبيبتي واتفضل انت يا عاصم
عاصم هز رأسه بتفهم وخرج ومريم واقفه وسط تعجب وذهول من الكلمه اللي ادم قالها
ادم مدايق منها
:-تعالى تفضلي اقعدي
مريم :-انت ايه اللي انت قولته قدام الراجل ده
ادم :-قولت ايه مش فاكر؟
مريم :-قولت ...... قولت
ادم :-ايوه ها قولت ايه فكريني
مريم :-لا انت عارف انت قلت ايه كويس وانا مش حبيبتك علشان تقول كده
ادم قدامها وعلا صوته :-ايه زعلتي ولا خفتى على زعل اللي خبطتى فيه وبعدين مالك وقفتى وتنحتى اوي كده ليه واسفه وما اخدتش بالي ما كنتي قولي كنت اجبلكو 2عصير احسن ما هي سايبه!!!!
مريم :- انا مش هتجادل معاك ممكن نتكلم في المهم؟
ادم بينفخ بضيق
:-اتفضلى سامعك
مريم :-دلوقتي حضرتك انت طلبت مني طلب ما يرضيش ربنا انت عارف اني لما اروح شقتك واكون معاك ده اسمه ايه !!!!!
ادم :-سميه ولا حاجه.
انا عملت معاكي ديل وانتي وافقتي فما لوش لازمه لانه مش هياكل معايا الحكم والمواعظ بتاعتك دي.
مريم :-ماشي انا هوافق اجيلك البيت لكن بصفه رسميه وياريت ما تعترضتش.
ادم :-موافق هنضرب ورقتين
مريم قامت من مكانها وبصت ليه بكرهه وقالت
:-ورقتين عرررررفى ليه واخدني من الشارع ولا ما ليش عيله ولا يكون علشان انت متعود على الحرام يبقى الكل متعود عليه يا ريت تفوق وتتقى الله فى الانسانه اللي قدامك اللي انت كسرتها و دمرت حياتها ومستقبلها
ادم اتاثر لكلامها ودموعها اللي تجمعت في عينيها
ادم:-يعني انت عاوزه ايه دلوقتى
مريم :-بص انا مش هجبرك على حاجه انا هاقولك دلوقت على اللي انا عاوزاه وانت حر تعمل اللي تحبه انا دلوقتى عايشه مع اختي وأولادها حوالي 3 سنين وقولت الحمد لله
وعشت ف سعاده وكنا مبسوطين لحد امبارح بس .... انا حافظت على نفسي انا لبست النقاب ده علشان ربنا اولا
وثانيا علشان ما حدش يطمع فيا اكتر من اللي طمعو قبلها وحاولت على قد ما اقدر اقرب من ربنا وتيجي انت في الاخر عاوزني اكون .....
. اللي هيحصل بينا ده انت اللي عاوزه يحصل وده هيكون في ميزانك انت يوم القيامه فلو هتتحمل عقاب ربنا ليك خلاص انا موافقه ولو بس جواك شويه رحمه يبقى تتجوزني وشرررعي
الكوره دلوقتي في ملعبك وانت اختار وانا مش همنعك.
و دمعه نزلت من عينيها وآدم واقف ونفسه يقولها ما تعيطيش انا من ساعة ما شوفتك وانا نفسي اضمك لحضنى
سكوت تام بينهم لحد ما ادم كسر السكوت ده
:- تمام موافق احنا هنتجوز
مريم اتنهدت بارتياح
:-شكرا انك فهمتني
ادم :-احنا هنتجوز بس مش عند مأذون
مريم :- مش فاهمه!!!!
ادم :-هنتجوز عند محامي بعقد يعني
مريم :-ممكن اعرف ليه
ادم :-انتي ما لكيش بقى في ليه دي خالص انتى كنتي عايزه حاجه وحققتهالك خلاص
مريم :-طيب هاقولهم ايه في البيت؟؟؟
ادم :-والله دي مشكلتك انتى بقى مش مشكلتي انا قولي اللي يعجبك.
مريم : بصوت واطي ده انت انسان بارد
ادم :-بتقولي ايه؟؟
مريم :- ما قولتش انا ماشيه.
ادم:-قرب منها ومسكها من دراعها وشدها عليه
مريم:- سيب دراعي انت مش من حقك تمسك دراعي كده عيب وحرام
ادم متغاظ من انها بتتكلم بصيغة الامر وضغط على دراعها اكتر وهي ما بينتش انها بتتالم منه
آدم :-مين اللي بارد؟!
مريم :-اا. ..م... مفيش حد
آدم :- انتى قولتي انسان بارد مين يا مريم بارد؟
مريم اتوجعت من مسكته وحست ساعتها بفرق الطول بينو وبينها ورفعت راسها وبصتله وتقابلة عنيهم واول مره مريم تاخد بالها
ان ادم شكله وسيم وعيونه خطفتها وبرفانه دخل ع قلبها قبل أنفها وادم سرحان في عيونها الزتوني وواحده واحده قبضت ايد ادم ارتخت من دراع مريم
مريم :- لو سمحت عايزه امشي
آدم :- بصوت مبحوح تمشي فين؟!
مريم :-اروح بيتنا
ادم هز راسه ببلاهه
:-اه هنروح بيتنا
مريم لسه هترد فون آدم رن ومريم فاقت وبعدت عنه
وآدم :-احممم
وراح يرد على الفون
:- الو حبيبي ازيك يا طاروق
مريم بصتله وبصوت واطى
:-انا هامشي
ادم شاورلها بايده تستني
آدم :-ها .... قولت ايه معلش اه يا حبيبي انا تمام
طارق ........
ادم :-ماشي عرفنى قبل ماترجع من المأموريه يا حبيبي تيجي بالسلامه
آدم اقفل مع طارق وقام قعد قدام مريم على الكرسي
آدم :-اسبوع كويس !!!
مريم :-اسبوع كويس على ايه مش فاهمه؟؟؟
ادم:-هنتجوز كمان اسبوع تكوني رتبتى فيه نفسك وعرفتى تقوليلهم ايه علشان اجي اخدك ونطلع على المحامي
مريم:-اه كويس ان شاء الله وبعدين هارتب حاجه ايه ده هو يوم يعني وتاني يوم هتطلقني
ادم سكت وما ردش
مريم :-احمم طيب بعد اذنك
ادم :-روحى على طول
مريم لفت ضهرها وقالت
:-مش تعيش ف الدور انا لسه ما بقتش مراتك ومشيت.
عند جاسر...
____بقلم Mariem Nasar
جاسر قاعد واخد اخته في حضنه
عاصم قاعد قدامهم بعد ما خلصو ودفنو ابوهم
عاصم:- شد حيلك يا جاسر وفوق علشان الشركه محتاجالك
جاسر:-شركه ايه وبتاع ايه بس ما فيش حاجه في الدنيا هتعوضنى عن ابويا اللي راح الله يرحمه
هنا... بتعيط
:-انا مش مصدقه اني خلاص بقيت يتيمه الام والاب
عاصم :-ما تقوليش كده يا هنا وامي موجوده و هي بتعتبرك بنتها بالضبط ولو عايزاها تيجي تقعد معاكى كام يوم ما فيش مانع
هنا بصت لجاسر
:-ينفع يا جاسر؟
جاسر :-طبعا يا قلبي ينفع وبعدين مرات عمي هتبقى حنينه عليكى وان شاء الله هتعوضك ولو جزء بسيط من اللي راح وكفايه اللي انتي شوفتيه النهارده
هنا :-اه والله انا كنت مرعوبه وانا عند الظابط اللي اسمه ادم ده هو صغير اه بس يحسسك ان انت المجرم
جاسر :-ليه يا حبيبتي حصل ايه هو عمل لك حاجه
هنا لسه هتتكلم وسرحت شويه
:- لا خالص هو سالني كنت فين وانا قولتله ده حتى طلب ليا عصير
عاصم :-كتر خيره وع فكره ده رائد مش ظابط المهم ابعتلك والدتى امتى
هنا :-هو انت مش هتعيش معانا هنا ياعاصم
جاسر بصلها بعدم فهم
وعاصم لحق يتكلم
:- لا طبعا انا امبارح مشيت ومن
النهارده انا هاعيش في شقتي وهبقى اجي اطمن
على والدتي عندك طبعا بعد اذنك يا جاسر
جاسر :-طبعا يا عاصم البيت بيتك وانت عايش معانا من وانت عندك 18 سنه ومن خوف مراة عمي عليك تعيش وحيد فجابتك تعيش معانا وده احسن قرار عملته علشان يبقى ليا اخ
و سند
عاصم طلب من جاسر يقوم يوقف وجاسر وقف وعاصم حضنه
عاصم:-انت اللي نعمه السند انا جيت هنا وانت 7 سنين ولو حد يتكلم معايا انت اللي كنت دايما في ضهري كبرنا مع بعض وهنفضل دايما في ضهر بعض
هنا فرحت للحب اللي موجود بينهم وعاصم مشي علشان الوقت اتاخر وجاسر ضم اخته وخدها وطلعها اوضيتها
عند مريم ....
..........
بعد ما الكل اتعشي واشرف ومحمد طلعو ينامو وشيرين بتقرا قران وتصلي قيام الليل ورنا ومريم بعد ما خلصوا ورد القران بتاعهم اليومى قعدوا على السرير جنب بعض ومريم سرحانه
رنا :-مش هتقوليلي بقى مالك
مريم :-ما لي ازاي يعني
رنا:-يعني تغييرك المفاجئ ده ساكته وما بتتكلميش
كتير نظراتك واهتمامك الزايد بمحمد وكمان محمد
متغير وحابس نفسه يادوب من المدرسه للبيت وما
خرجش النهارده ودلوقت سرحانه وعرفت من ماما انك خرجتى وما حدش فينا عارف لحد دلوقتي كنتي فين ولما رجعتي ماما كانت مستنياكي تحكيلها بس ماما ما حبتش تضغط عليكي
فا ها مش هتحكيلي مالك بقى وما تقوليش ما ليش علشان مش هسالك تاني..
مريم :-بصي انا كده كده كنت هاحكيلك النهارده .....
رنا انا جالي عريس
رنا :-صفرت بفرحه هالله هالله ايه الجمال ده والله كنت حاسه
مريم :-يا بنتي اهدي كده و افهمي الحوار علشان عايزاكي تساعديني
رنا : بفرحه احكي وكل اذان صاغيه
مريم :-دلوقتي في واحد شافني واعجب بيا وعايز يتجوزني على طول من غير خطوبه ولا اي حاجه كتب كتاب على طول
رنا :-ليه هو كبير في السن ولا ايه انا مش فاهمه وهو شافك فين انتى نادرا لما تخرجي
مريم :-مش عارفه تقول ايه لرنا وفي نفسها يا ترى كام كدبه يا مريم هتكدبيها بسبب هذا الادم .
مريم :-بصي يا رنا انا موافقه عليه وعايزاكي تتصرفي وتقنعي اختي شيرين وكمان عايزاكي معايا نقنع اشرف انه جاي من طرفه
رنا :-انتي بتقولي ايه اروح اقول لماما في واحد عايز يتجوز اختك في يوم وليله كده من غير ما نعرف هو مين ولا شغال ايه!!!!
مريم :-هو رائد شرطه وانا عارفاه من فتره وكنت لازم اتاكد من انه عايز يتجوزنى فعلا ولا لا
رنا :-تعرفيه من فتره ازاي ومن غير ما تقوليلي
مريم :-المهم دلوقتي هتساعديني ولا لا؟؟؟
رنا :-هساعدك بس لما افهم واقتنع لاني مش مقتنعه ب ولا كلمه من كلامك ده
مريم :-حاضر بصي يا ستي ده رائد شرطه زي ما قلتلك و اسمه ادم و تقابلنا قبل كده وتعرفنا على بعض وهو جاد جدا بخصوص الجواز ولكن هو عنده ظروف تمنعه من ان هو يعمل خطوبه وفرح والكلام ده وهو قالي هتعرفي كل حاجه بعدين....
وبعدين يا رنا ده رائد شرطه وليه اسمه وسمعته استحاله يعني هيضرني او يأذيني ... رنا لو ليا خاطر عندك توافقي تقنعي اختى وتساعديني
رنا :-حاضر يا مريم فصلتينى انا هاروح انام دلوقت
مريم : لالا لا انتي تروحي دلوقتي تصحي اشرف وتحكيله ولما يوافق انا هدخل اتكلم معاه ونعرف هنعمل ايه لاني مش قدامي غير اسبوع واحد
رنا :-ايييييه اسبوع انتي بتهزري يا مريم....
مريم وحياتي لو في حاجه احكيلي انا مش مقتنعه اسبوع ايه يا بنتي
مريم :-يعني لازم احلف علشان تصدقي ان ما فيش حاجه خلاص يا رنا ما تعمليش حاجه وروحي نامي وانا هصرف نظر عن الموضوع خالص تصبحي على خير
رنا :-ما لك يا مريم اتعصبتي كده ليه خلاص ما تزعليش وحقك عليا انا هاروح دلوقتي وهصحي اشرف وهقوله ولما اخلص هبعتهو لك ماشي
مريم حضنت رنا
:- انااسفه بس اعصابي متوتره شويه وبجد شكرا يا رنا ربنا ما يحرمني منك
... عند ملك
__________
ملك :-بابا ما ينفعش كده انت لازم تروح المستشفى علشان ما تتعبش اكثر
خالد :-حبيبتي انا كويس ما تقلقيش عليا شويه تعب وهيعدوا
ملك :-ازاي يا بابا انت ضغطك ما بينزلش وده غلط المره اللي فاتت الضغط كان عالي جدا وقلب معاك جلطه على المخ ولولا الجيران انا ما كنتش عرفت اتصرف
خالد :-واهو ربنا ستر ما تخافيش يا بنتي دي اعمار واللي مكتوب له حاجه هيشوفها
ملك :-ونعمه بالله يا بابا ربنا يقومك بالسلامه ويخليك ليا
خالد :-بيكح .امال فيفي فين
ملك :-ما انت عارف يا بابا فيفي كل شويه عشا عمل .. غدا عمل اجتماع سهرات ده حتى ما بقتش بتسال علينا ولا عليك اتغيرت خالص يا بابا
خالد :-مسك ايد ملك وقالها معلش انا اللي استاهل ذنب ناس بتخلصه ناس ......
عند اشرف ...
أشرف :-نعععععمممم اسبوع ايه انتوانتجننو ومريم اتجننت ليه هو سلق بيض ولا ايه!!!!
رنا :-ما فيش بيض بيتسلق في اسبوع
اشرف :-بت انتى انا متعصب وانتي بتهزري
رنا :-اومال عايزني اعمل ايه انا مش مقتنعه بكلام مريم ليا وفي الاخر زعلت مني وقالت هصرف نظر
اشرف:-يكون احسن اللي ما يجيش شاري يغور وبعدين ايه الظروف دي خلاص لما ظروفه تتحسن يبقى يجي هي مريم عنست يعني
رنا :-يعني اقولها ايه دلوقتى اشرف رفض؟
اشرف :-والله ما انا عارف موضوع انه جاي من طرفي دي سهله علشان مثلا لو هي محرجه من بابا وماما
انما بقى انه يجي ياخدها ويكتبوا الكتاب بره البيت و ياخدها من بره بره على بيته ولا ماما ولا احنا كمان منحضرش ده اسمه ايه ده ان شاء الله ده لو غلط معاها مش هيعمل كده
رنا :-ايه يا اشرف اللي انت بتقوله ده عيب كده
اشرف :-انا بقول مثال يا رنا والكلام ده مش داخل دماغي ده حتى مش هيجيي يتقدم .. واشرف قام من مكانه خارج
رنا :-رايح فييين
اشرف :- انا لازم اعرف فيه ايه وهعرف
الحلقه 7
#رواية_جريمة_عشق----
بقلم Mariem Nasar
بسم الله نبدأ
. رنا : اشرف انت رايح فين
اشرف : رايح افهم في ايه بالظبط وهعرف
رنا : طيب انا هاجي معاك
اشرف : لا خليكي هنا
رنا : طيب يا اشرف بالراحه على مريم انت عارف انها تعبانه ما بتستحملش
اشرف : سيبيها على الله وراح عند مريم وخبط و دخل وشاف مريم واقفه عند شباك الاوضه وقالها خير يا مريم و عايزك تحكيلي الحقيقه بالظبط
مريم : خير يا اشرف وحقيقه ايه اظن رنا حكيتلك
اشرف : علا صوته انا عايز اعرف الحقيقه وعايز اعرف دايره الوصل وفي حلقه ناقصه في الحكايه ومن غير كدب
مريم : وانا من امتى بكدب يا اشرف
اشرف : مقصدش اسف بس من ساعه ما رنا حكيتلي وانا مش مقتنع بكلامك ومش داخل دماغى
مريم : علت صوتها هو انتو ايه حكايتكو النهارده هي تقول مش مقتنعه وانت تقول مش مقتنع هو انا لازم اقدم شرح تفصيلي لحياتي ولخصوصياتي ايه خلاص مابقاليش رأي وعلشان احتجتلك انت واختك تقفوا جنبي هاتحكموني ولا علشان انت اكبر مني ولا كمان يمكن علشان باباك بيصرف عليا !!!!! وعايشه عندكم في البيت خلاص ما بقاش ليا حريه التصرف حتى ابسط حقوقي بتحققوا فيها و هتقولولى ايه اللي ينفع وايه اللي ما ينفعش خلاص انا مش عايزه منكم حاجه
اشرف : اهدى يا مريم انا ما اقصدش اي حاجه من اللي جات في دماغك دي
مريم : خلاص يا اشرف انا هتصرف ودلوقتي اتفضل عايزه انام
اشرف : لا مش هتفضل ولازم اعرف انتي ناويه على ايه وبعدها هاعاتبك على تفكيرك الخايب ده
مريم : انا هامشي من البيت ده الصبح و هاروح اعيش عند اخويا
اشرف : اخوكي !!!!!! وهتسبينا لمجرد اننا عايزين نفهم مثلا يعنى ولنفترض ان الراجل ده هددك بحاجه او ممكن يكون جاي من طرف اخوكي لان دي مش اول مره يعملها .... ايه مش عايزه ليه تفهمي ان ده خوف عليكي وان ا خوكي عايز من دلوقت يبيعك للي يدفع اكتر
مريم ... قعدت على كرسي التسريحه عيطت جامد
اشرف : بتعيطي ليه دلوقت انا مش قصدي اجرحك
مريم : مسحت دموعها وقامت من مكانها انا اللي عندي قولته لو موافق تساعدني يبقى كتر خيرك مش موافق برده كتر خيرك حضرتك مش مجبر تساعدنى
اشرف : انتى ليه بتكلميني بالرسميه دي كل ده علشان مش مقتنع
مريم : تاني هيقولي مش مقتنع عايز تقتنع حاضر يا اشرف هاقنعك قامت مريم فتحت دولابها وكانت في علبه صغيره وجبتها قدام اشرف وفتحتها وكان جواها فلوس كتير بصت لاشرف وقالتله تعرف الفلوس دي بتاعه ايه !!!؟
اشرف : فلوس ايه دي يا مريم
مريم : دي فلوس باباك تعبه وشقاه وضحكه مكسوره طلعت منها وبعدها عينيها دمعت وقالت فلوسو اللي كان بيديهالي في كل مناسبه وكل عيد وكل مشوار وكل مصروف بيديه ليكم وبيديني انا كمان زيكم .. وكل صفقه كان بيعملها وينجح فيها يجي مبسوط ويديلكم فلوس يديني انا كمان كان يمد ايده و يديني فلوس . وانا بمد ايدي باخد الفلوس وانا ببقى مكسوفه ومكسوره اني عايشه عاله عند جوز اختي واخويا موجود ههههههه اخوياا !!!!! اللي مشي ورا مراته وجابلي ٣عرسان واصغر عريس فيهم كان يبقى اكبر من ابوك عايز يبعنى فعلا للي يدفع اكتر زى ماقولت انت ... اخويا اللي من يوم ماسبت البيت ما سالش عليا وابوك شال مسئوليتي
... دي فلوس مامتك تحويشة عمرها لما تخبط عليا وتيجي تقولي محتاجه فلوس قبل ما ارد عليها تكون مدالى ا يديها بالفلوس
دي فلوسك ... فلوس مرتب كل اول شهر لما تقبض وتراضي اخواتك وتراضينى انا كمان دي فلوسكم كلكم .... ده غير علاجي ولبسي واكل وتكاليف اي مصاريف تانيه في اكتر من ٣ سنين لا عم يسال ولا خال يحن
كله يقول عادي اختها موجوده طيب سالوني مرتاحه ولا لا ؟ طيب فكروا فيا طيب على الاقل يفكروا ان اللي بيصرف عليا ده جوز اختي مش اخويا ولا ابن عمي ولا حتى قريبي عايز تقتنع اقتنع انى لما باخد جنيه وبمد ايدي علشان اخده بتكسر فيه ولو حكيت لحد ممكن يقولي احمدى ربنا انك لقيتي اللي يتكفل بيكي .... طبعا بحمد ربنا والحمد لله انه رزقني حبكم
بس انا تعبانه انا اتهديت من بعد ابويا وامي وكنت انا البنت المدلله اللي مراة اخوها كانت بتموت كل ما تشوفه ابويا جايبلى حاجه او ماما بتدلعني او اخويا هههههههه اخويا اللي كان لازم يدخل يبوسني وانا نايمه ويطمن علىا وبابا يقول في وسط العيله انا لو مت مش قلقان على مريم علشان ليها ضهر وسند اخوها حسام بس بابا ما كانش يعرف اني سندي بعد ربنا هيكون اختي .... اختي اللي لو فضلت ارد جمايلها هاحتاج عمر فوق عمرى علشان اسده وبرده مش هقدر اسده روح نام يا اشرف روح وسيبني مش عايزه حاجه من حد ولا عايزه مساعده كفايه جمايلكو مغرقاني روح
اشرف : واقف ودموعه نزلت وراح قعد على ركبه قدام مريم ومسك ايديها وباس على ايديها وقالها انا اسف اني ما كنتش ابن الاخت اللي يستاهل حبك وخلاكى شايله كل ده جواكي واوعدك اني هاقف جنبك واللي انتى عايزاه هيحصل
ومريم مسكت وشه بايديها وقالت انا اللي اسفه انى طلعت كل اللي جوايا عليك انت سامحني
اشرف : يلا قومي اغسلي وشك وروقي كده ولو عايزه تتجوزي دلوقت هانزل اجيبهولك واكتب عليكو
مريم : بشبح ابتسامه انت يعني هتساعدني
اشرف : انتي تؤمري بس وابن اختك اللي اكبر منك ينفذ وعيزك تشيلى كل الأفكار الل ف دماغك ده بيتك وهيفضل مفتوح ليكى طول العمر وانتى هنا زيك زينا مافيش فرق ابدا فاهمه
مريم : فاهمه ربنا يخليكو ليا
ولكن لياطلب صغير ينفع
اشرف : اكيد
مريم يعني لو الموضوع تم على خير عايزاك تكلم عمي شوقي علشان يكون وكيلي هو مش هيهتم ولا هيسال على حاجه انا متاكده هو هيكون موجود لان لازم ولي
اشرف : من عينيه حاضر اروح انام ولا ايه علشان ورايا كلام كتير لأم اشرف بكره وسيبيني ارتب كده الكلام في دماغي تمام
مريم : لا تمام روح ربنا معاك
اشرف : طيب تصبحي على خير
مريم : وانت بخير
اشرف : خرج وحاسس ان قلبه وجعه على مريم وراح على اوضته شاف رنا قاعده على السرير وبتعيط هي كمان
اشرف : ما لك انتي كمان هي ليله باينه من اولها
رنا : قامت جريت عليه واترمت في حضن اخوها وقالتله علشان خاطري ساعد مريم كفايه اللي هي عاشته
أشرف : انتي سمعتي اللي قالته
رنا : كنت رايحه اشوفك اتاخرت ليه او انك تزعلها غصب عني سمعت كلامها ووجعني قوي
اشرف : خلاص بطلي عياط انتي كمان انا وعدتها وهافضل جمبها على طول يلا بقى عايزه انام تاخرت
رنا : حاضر هاروح اشوف مريم و انام
اشرف : لا سيبي مريم دلوقت وروحي نامي
رنا : تصبح على خير
اشرف : وانتي بخير
كانت ليله طويله جدا على مريم واشرف ورنا والنوم جفاهم مريم ماسكه صوره ل باباها ومامتها وبتعيط لان ده جزء بسيط من السبب اللي هي حكته ولكن الحقيقه هي غير كده تماما وهي ضميرها.معذبها علشان كدبت على اشرف وبتداري علشان خاطر تنقذ محمد ورنا زعلانه على خالتها وصديقة طفولتها اشرف سرحان ومتضايق انه ازاي ما كانش حاسس بمريم وبيفكر هيقول ايه لباباه ومامته
... عدي يومين على ابطالنا وكل واحد سرحان في ملكوت لوحده واشرف اقنع مامته اللي وافقت بصعوبه جدا وخلاها توعدوا بانها ما تتكلمش مع مريم في اي حاجه وان دى رغبتها وشيرين حكت لمصطفى اللي برده كان معترض وبتتدخل من اشرف وبعد ضغط شديد من الكل وافقوا على آدم العدوي
بقلم. ..... Mariem Nasar
في الجامعه.....
هنا :ايه فينك بقالك يومين ما بتجيش الكليه
رنا : ابدا يا هنا ما فيش حاجه شويه ظروف انتى عامله ايه دلوقتي احسن
هنا : اه الحمد لله احسن وخصوصا بعدما طنط ابتسام جت عندنا الفيلا حنينه جدا يا رنا عليا وبتحاول تراضيني باى شكل
رنا : طيب كويس تقويلك شخصيتك شويه
هنا : اتريقى عموما انا جبتلك المحاضرات اللي فاتتك
رنا : شكرا جدا يا هنا مش عارفه من غيرك كنت هاعمل ايه
هنا : على ايه يا بنتي احنا اخوات المهم تعالى نتصور بالكام بتاعتي
رنا : لا انا مش في المود وبعدين انت ابوكي لسه متوفي قولت لنفسي هتنسى موضوع التصوير ده شويه
هنا : اعمل ايه يعني يا رنا بحب التصوير جدا وما تبقيش رخمه وتعالى بقى
رنا : تعالي انا عارفه مش ها اخلص من ذنك ده يلا بينا
في شركه بيتر......
سكرتيره : بيتر بيه الرائد ادم بره
بيتر : دخليه بسرعه
السكرتيره : حاضر اتفضل رائد ادم
ادم : متشكر
بيتر : اهلا اهلا باللي اتغير علينا من ساعه الرقم اياااه هههههه
ادم : يا عم ولا تغيرت ولا حاجه في قضيه بس شاغلاني
بيتر : ويا ترى بقى القضيه دي حلوه زي صوتها
ادم : قسما بالله يابيتر لو مالمتش نفسك لا اتصل ب انجي واقولها لمي جوزك من الكباريهات والبسك في الحيط
بيتر : ابو اللي يزعلك وبعدين كباريهات مره واحده قول حاجه انجي تصدقها
ادم : لا ساعتها العقل عند الستات هيركن على جمب
بيتر : يا مان واطي انت المهم مالك كده متعفرت ليه
ادم : ولا متعفرت ولا حاجه انا كنت ف مشوار قريب منك هنا قولت اعدى اشوفك
بيتر : حلو اوى احنا نروح النادى وندرب ساعه واجيب ديف من النادي
ادم : يلا بينا
شركه الصاوي.....
.
الباب بيخبط
جاسر : ادخل
عاصم : مساء الخير يا جاسر
جاسر: مساء الخير تعالى يا عاصم
عاصم : كنت عايزك تمضيلى على الاوراق دي بس تقراها
الاول و تشوف كل حاجه في المشروع الجديد سليمه ولا هيكون في تعديلات
جاسر : وهو انا هقري وراك وبعدين لو انت شايفه مشروع يستاهل المجازفه ف علي خيره الله
عاصم : معلش يا جاسر دي شركتك ولازم تقف على رجليك ولازم تعرف ايه الصح من الغلط و لازم تقرا اى ملف ولوحته ورقه صغيره علشان ما حدش يمضيك على حاجه تندم عليها وبعدين ما تديش الامان لاي حد حتى ولو كنت انا
جاسر : كلام ايه ده يا عاصم دي شركتك قبل مني وانت اكيد عايز المصلحه وغير كده انا كنت مسافر بره مصر وانت هنا كنت دراع بابا اليمين الله يرحمه ف اكيد انت شايف المشروع ده كويس يعني لو مش كويس قولي ما تمضيش ولو كويس قولى على بركه الله وهمضى عاصم : يبقى على بركه الله يا ابن عمي وربنا يجعلها فاتحه خير على الشركه ان شاء الله
فون عاصم رن بيشوف مين عاصم : طيب انا معايا مكالمه امضى براحتك
جاسر : اتفضل ... عاصم خرج وجاسر بيمضي
@ الو ....وحشتني قوي
عاصم : وبعدين يا هنا احنا مش قلنا نعقل بقى
هنا :بزعل اخص عليك باقولك وحشتني بتزعقلي كده
عاصم : يا حبيبتي وانتي كمان وحشتيني بس ما ينفعش اللي انتي بتعمليه ده وغير كده وانتى بتتصلي انا كنت قاعد مع اخوكي في المكتب
هنا : اتخضت وشاف الرقم
عاصم: لا الحمد لله علشان كده باقولك ما ينفعش
هنا : طيب عايزه اشوفك
عاصم : هاشوف ولو عرفت هاجي مع جاسر النهارده بحجه ماما عايز أشوفها
هنا : لا عايزه نخرج انا وانت زي الاول انت من ساعه ما بابا مات وانت ناسيني
عاصم : لا انا كده ازعل منك قصدك ايه بكلامك ده يا هنا
هنا: انا ما اقصدش والله بس انت المفروض تسال عليا كل يوم زي الاول
عاصم : ما ينفعش علشان اولا جاسر اخوكي مش غبي ثانيا ماما عندك ولو شكت ممكن تعملي مشكله
هنا : مشكله ليه يعني
عاصم : مشكله لانك بنت عمي وعايش معاكم وعايش من خير عمي وانا كده بخون الامانه فهمتي يا هنا
هنا : بعدم اقتناع اه فهمت خلاص لما تروح نتكلم واتس
عاصم : ماشي يا قلبي
هنا : باي
عاصم : استنى
هنا : ايه
عاصم : بحبك
هنا : وانا كمان وقفلت وهي مبسوطه
عاصم رجع ل جاسر علشان يتفقوا على الشغل
---------بقلم Mariem Nasar
عند مريم.....
محمد فتح الباب جامد و مريم كانت قاعده بتقرا قران و اتخضت من طريقه دخول محمد
محمد : انتي ازاي تعملي كده
مريم صدقت وقفلت المصحف وحطته جمبها على الكومود وقالت عملت ايه يا محمد ووطي صوتك انا مصدعه
محمد : انتى عارفه كويس ازاي توافقى تتجوزي الظابط ده وكمان اعرف من ماما واخواتي إن جوازك النهارده بالليل بإي عقل وبإى منطق اللي بتتكلمي فيه ده
مريم : اهدي وانا افهمك محمد يا حبيبي دلوقتي انت متهم في قضيه كبيره واللي عرفته لما روحت اقابل آدم في القسم تاني مره ان المتوفي ده رجل اعمال مشهور جدا واتقتل بحقنه سم وكمان ما فيش اي دليل ضد الل قتله ودلوقتي ما فيش غير بصماتك انت ..... فا انت قدامك اختيارين دلوقت الاول ... يا تتحبس وتدخل الاحداث ومستقبلك كله يدمر والتانى ....يتكمل تعليمك وتنجح في حياتك وخالتك تتجوز رائد شرطه وبكده كل الاطراف هتكون مبسوطه
محمد : يعني هو كان يقصد جوازك قصاد برائتي
مريم : بالضبط كده وبعدين انا شايفه أنه عرض كويس حد طايل يتجوز ضابط
محمد : انتي بتضحكي عليا ولا على نفسك انا لا يمكن اخلي الجوازه دي تحصل ابدا
مريم : قامت من مكانها ..محمد لو اتصرفت اي تصرف ما عجبنيش او انت حكيت لاي حد من البيت ساعتها انا هلم هدومي واعيش في الشارع او ممكن بردو اتجوز ادم ساعتها بس انت اللي هتخسر مستقبلك وما تنساش انك وعدتني
محمد : بيبص لمريم ومش مصدق كلامها ده ومحتار يعمل ايه
مريم : محمد انت حبيبي وافديك بعيوني وانا مش شايفه اني هأذي نفسي بالعكس انا هتجوز و هيبقى ليا بيت وكيان وانا مش عايزه اي حاجه وحشه تمسك انت واخواتك اوعدني انك ما تتكلمش خالص واقسم قدامي دلوقتي انك مش هتحكى لحد
محمد .. عيط في حضنها انتي بتعملي كده ليه انا بريء وماعملتش حاجه واكيد في حل تانى ليه تخسري حياتك قصاد حياتي
مريم : لا ما فيش حل بجوازى منه هيحرق الادله وبكده هما بقى يدوروا براحتهم ع الجانى الحقيقى
وانا هاكون مرتاحه انك في امان اوعدني يلا وافرحلي علشان خاطر مريومه حبيبتك
محمد . قام من حضنها وبصلها وساكت
مريم .. ها
محمد اوعدك يا مريم مش هاحكي لاي حد حاجه
مريم : حبيبي ريحت قلبي ربنا يريح قلبك يلا انزل بقى علشان اقوم اخد شاور و اجهز نفسي محمد : حاضر يا مريم
مريم : دخلت الحمام وقفلت عليها ودموع نازله في صمت وهي تحت الدش سرحانه وتايهه وبتكلم نفسها اتعلمتى الكذب يا مريم من ساعه الشخص ده ما دخل حياتك يا ترى ايه اللي هيحصل معايا ويا ترى كده انا بنقذ محمد ويا ترى هيتجوزني ويطلقني بكره يا ترى الناس هتقول عليا ايه وياتري مكتوب لي ايه ... وايه اللي مستخبيلي غمضت عينيها وافتكرت ادم وقالت انا بكرهك بكرهك وعدي وقت طويل وهي في الحمام لحد .... ما رنا جات وخبطت عليها
مريم انتي جوووووه
مريم ايوه يا رنا ثواني وخارجه خرجت مريم وعينيها وارمه من العياط وشكلها بيوصف حالتها
رنا : انتي كنتي بتعيطي
مريم : اكيد كنت بعيط
رنا : بتعيطي ليه
مريم : انتي هبله يا بت واحده هتتجوز وهستيب البيت الل كانت عايشه مبسوطه فيه اكيد لازم اعيط يعني
رنا : حضنتها ودمعت انتى هتوحشيني اووي يا مريم مش عارفه البيت هيكون من غيرك عامل ازاي بس يكون في علمك انا يوم والتاني هنط عندك
مريم لسه هترد
فونها رن وكان ادم
مريم الو....
ادم : جهزى نفسك انا ساعه واكون عندك