رواية جعلني احبه
الفصل الرابع والعشرون و الخامس والعشرون24و25
بقلم ساره بكر
رغد: انا انا لزم ارجع مصر
سليمان: اي ترجعي مصر لي
رغد: عشان اكون جمب ريم و ندي انا صحبتهم و لزم اكون معاهم
سليمان: فكري كويس يا رغد انتي عارفه يعني اي هترجي قنا
رغد: عارفه يا بابا يعني هقابل يحيي وانا مستعده جدا للمقبله دي متخفش عليا
سليمان: هو لزم يعني ترجعي
رغد: لزم اكون جمب ريم يا بابا لزم
سليمان: خلاص ماشي اجهزي و هننزل
رغد: ممكن يا بابا ترتاح انت و كنان هو اليجي معايا
سليمان: لي بس
رغد: عشان متتعبش انت يعني
سليمان: شوفي كنان لو هيرضي تمام لو لا هاجي انا
رغد استاذنت تدخل اوضه كنان
كنان: اتفضل
رغد: كنان ممكن طلب
كنان استغرب شكل رغد..
مالك يا رغد في اي انتي كويسه
رغد: اه اه انا كويسه
كنان: كويسه اي بس طب تعالي اقعدي في اي
رغد: ممكن يا كنان تيجي تنزل معايا مصر عشان اعزي صحبتي ممكن بعد اذنك و بدات دموع رغد تنزل
كنان: من غير بعد اذنك دي انا هاجي معاكي في اي حته هحجز اول طياره متقلقيش
رغد: شكرا يا كنان
في السعودية
عمر كان قاعد لقي خبر موت سليم الانصاري و صالح الديب
عمر: ان لله وان اليه راجعون
واحد صاحب عمر.. في اي يا عمر مالك
عمر: عمي سليم مات و انا لزم انزل مصر فورا هستاذن من صاحب الشغل عشان لو اتاخرت
و حجز عمر تذاكر للسفر
مر يومين علي موت سليم الانصاري و صالح الديب
امينه كانت مش في الحياه اصلا كانت بتسمع بس و مش بتتكلم
صابرين كانت بتهدي امينه و بتهدي ريم و بتخفف علي يحيي و هي كان في قلبها حزن كبير علي سليم و علي حال اختها و حال جوزها البين الحياه و الموت
ندي كانت تعبانه و كان علي معاها ديما
نزل عمر من السفر ووصل لبيت يحيي الأنصاري
في اليوم التالت للعزاء
عمر: البقاء لله
يحيي: الدوام لل.. رفع يحيي عينه في عين عمر و اخدو في حضنه اوي و دموعه نزلت
عمر: شد حيلك يا يحيي
يحيي: اقعد يا عمر
__________________________
عند الستات
رغد: البقاء لله
ريم: رغد اهئ اهئ اهئ بابا مات يا رغد
رغد: وحدي الله يا ريم وحدي الله
ريم اخدت نفس.. لا اله إلا الله.
تعالي اقعدي قوليلي انتي جيتي امتا
رغد: لسه جايه اهو كان لزم اكون جمبك
ريم: ربنا يخليكي ليا يا حبيبتي
رغد: فين هاجر و ندي
ريم: هاجر فوق مع ندي عشان ندي تعبانه شويه
رغد: طب تعالي نطلع نشوفها
طلعوا لندي و اطمنه عليها
________________________
عند الرجاله بره
دخل كنان و مكنش عارف غير عمر.. دخل و عزه علي و يحيي و كريم و سلم علي عمر
عمر: ازيك يا كنان انت جيت ازاي و عرفت من اين
كنان: جيت انا ورغد عشان تعزي صحبتها و انا جيت معاها
يحيي اسم رغد رن في ودنه و بص علي كنان..
هو حضرتك مين
... انا كنان قريب رغد و قريب عمر
قلب يحيي دق تاني و حس اني في امل لسه
بعد العزاء طلب عمر انه يعزي امينه و صابرين
دخل عمر و شاف ريم و هي قاعده و بتعيط في حضن رغد عمر كان نفسوا ياخد ريم في حضنه و يطمنها و يحسسها انو لسه موجود و انه الفتره الفاتت كان عايش زي مش عايش بس فات الاوان و بقت ملك راجل غيرو
رغد كانت حضنه ريم و فجاه قلبها دق اووي و عرفت اني يحيي دخل غمضت عينيها اوي و خبت نفسها في ريم عشان متشوفوش بس غصب عنها لقت نفسها بتبص عليه حست انها هترتاح لما تشوفه و ارتاحت اكتر لما شافتوا مش باصص عليها اصلا و اخدت نفس
يحيي دخل شاف رغد قاعده و دموعها نزله بصلها و اتمني انها ترفع عيونها في عيونه بس هي بقت بتخبي نفسها اكتر و اكتر حس انها عمرها مهتسمحوا و شال عيونه من عليها و دخل هو و عمر و كنان ل صابرين و امينه
علي دخل قعد مع كنان و عمر و كريم لمح هاجر و ندي خرجين بره فا قام وراهم
علي: انتو ريحين فين
هاجر: كنت عوزه اشم هواي و خرجت ندي معايا
علي: انتي عامله اي انهاردا يا حبيبتي
ندي: انا كويسه اهو الحمد الله
علي: كفايه عياط بقي يا ندي عشان خاطري كفايه هتتعبي اكتر
ندي: صعب عليا اني اتخيل انه مش معايا يا علي صعب اوي بجد احساس وحش يارب حد ميحسش بي
علي: كلنا هنموت يا ندي تعالي ادخلي معايا تعالي
عمر طب يلا عشان نمشي يا كنان بقي
كنان.. طب هي رغد مش هتيجي معانا ولا اي
صابرين: مينفعش يبني تروح معاكوا بذات من بعد ما ام عمر ماتت الناس ممكن تتكلم
عمر: طب هي تقعد فين
يحيي بدون تفكير..
هتقعد هنا.
ااااااا انا اقصد انها تقعد مع ريم يعني
عمر... ماشي
كنان.. طب انا هخرج عشان مفيش هنا شبكه و انا عاوز اعمل مكلمه
لما هاجر شافت علي و ندي بيتكلموا اتكسفت و خرجت تقعد في الجنينه القدام البيت من بره
خرج كنان عشان كان بيكلم زميله في الكليه.. لمح كنان حوريه جميله قاعده في الجنينه لبسه اسود و حطه وشها بين اديها و بتعيط كنان قلبه طيب اوي و لما شفها كده من غير تردد راح لها
كنان حط ايدو عليها و بدا يتكلم.. ممكن كفايه عياط بقي عيونك هتوجعك كفايا هتتعبي
_ هتعب هتعب اي منا تعبانه تعبانه من كل حاجه لا وغير دا كلو محدش حاسس بيا خالص انا فيا تعب يهد جبل و الانا بحبهم بيبعدو انا خيفه اوي خيفه
كنان اتأثر بكلام هاجر اوي و دموعه نزلت عليها ازاي الرقيقه دي فيها التعب و الخوف و ازاي عيونها الحلوه دي تدمع كده لي كل الحزن دا في الحوريه دي
كنان حضن هاجر بهدف انه يخفف عنها و يحسسها بالامان باااس.. اهدي اهدي انا انا معاكي
كان كل الوقت دا هاجر مكنتش حسه و كانت بتتكلم عادي لكن لما هو اتكلم و هي سمعت صوته كويس انتبهت و قامت مخضوضه منه
كنان انا انا اسف بجد بس انتي كنتي زعلانه و بتعيطي
هاجر: انت مين و ازاي تقعد و تتكلم ومعايا و ازاي تحط ايدك عليا انت اتجننت ولا اي
كنان: انا بجد اسف بس انتي كنتي في حاله صعبه و انا كان لزم اخفف عنك بس
هاجر اخدت بالها من ارتباكه و واضح من شكلوا انه مش مصري شكلوا اجنبي فا محبتش انها تتكلم معاه اكتر من كده و جريت علي جوه
كنان:طب استني يا انسه انتي استني طب اسمك اي
دخل كنان وراها بس وقفوا عمر
اي يبني رايح فين
كنان: كنت داخل اكلم رغد هي مش هتيجي صح
عمر: اه يلا نمشي احنا بقي
كنان و عمر روحوا كان كل الشاغل بال كنان الحوريه الحزينه ولي في حزن كتير في عيونها
اما عمر كان حزين علي حال ريم اوي هو اه زعلان بس مفيش في ايدو حاجه يعملها الحصل حصل خلاص
___________________________
في بيت يحيي الأنصاري
_____________________
رغد: انا ازاي هبات هنا
ريم: هتنامي معايا ي رغد
رغد: طب و جوزك
ريم: لا متقلقيش
في اوضه علي
____________
علي: مش هتاكلي يا ندي
ندي: لا ي علي مليش نفس
علي: لا يلا انا مش هفرح لما يحصلك حاجه
و بداء علي ياكلها بايدو و هي حست بحنيتوا و عرفت قد اي هو طيب و حنين و حست انه بيحبها او ممكن يكون بيعطف عليها عشان بقت يتيمه
_______________________
في اوضه ريم
كانت ريم نيمه علي رجل رغد و كانت بتحكلها الحصل معاها و رغد كمان حكتلها كل الحصل معاها و الهي نويه تعمله
ريم: ازاي يا رغد هتعيشي باسم سلمي ازاي طب و اسمك انتي هيروح فين
رغد: انا اتفقت مع عمي اني هكون سلمي كده كده هو مطلعش لسلمي شهاده وفاة يعني معني كده انها لسه عيشه و انا هكون سلمي
ريم: لي ي رغد هتعملي كده
رغد:انت الوحيده يا ريم المش هقدر اقولها.
. ااا عادي يا ريم
ريم: ماشي انتي هتسافري امتا
رغد:هقول لكنان و ممكن يكون بكره او بعدو
ريم: خليكي شويه دا فاضل شهر واحد علي الامتحانات امتحني و ابقي امشي حتي هتكملي تعليمك بره الكليه يعني
رغد: تصدقي فكره
ريم: ماشي خليكي هنا هنزل اجيب مياه اشرب و اجي
رغد: لا خليكي انا كده كده لبسه لكن انتي لسه هتلبسي هنزل انا اجيب المياه و اجي
نزلت رغد و كانت بتدعي ربنا في داخلها انها متشوفش يحيي و فعلا نزلت و جابت المياه و كانت لسه هتطلع سمعت حد بينادي عليها
رغد في سرها.. يارب يارب يارب يارب
يحيي: حمدلله علي سلامتك يا رغد عا عا عامله اي اخبارك
رغد وقفت و لما خلص كملت طرقها من غير كلام
يحيي: مش عوزه تردي عليا يا رغد ليكي حق بصراحه انا غلطان و كنت عاوز اقولك تسمحيني
رغد بصت ليحيي بصه كانت كفيله انها تحرقه مكانه
________________________
في بيت صالح الديب
كريم: انا طالع انام يا هاجر
كريم طلع و هاجر فضلت قاعده مستغربه خالد اوي انه مكلمهاش يطمن عليها ولا حتي بعت ليها رساله و قعدت تعيط
اكيد هيسبني اكيد مهو مش هيرضي علي نفسوا انه يتجوز واحده زي و وسط دموعها افتكرت الموقف الحصلها مع الشاب الكان في الجنينه و ضحكت...
هو انا ازاي اي حد يجي يحط ايدو عليا و انا اتكلم معاه كده بس ياتره هيكون مين دا فضلت هاجر تفكر شويه و بعدين طلعت عشان تنام
نرجع تاني عند يحيي و رغد
رغد: انت بتتاسف انت بجد بتتاسف معلش اصل وانت ماشي دست علي رجلي غصب عنك لا يا يحيي انت عملت حاجه صعبه و حرام و حاجه محدش يستحملها وانت مترضهاش لاختك او لريم بس رضتها عليا لا و كمان جاي بكل بجاحه و تقولي عامله اي هكون عامله اي انا واحده اتحكم عليا اني اعيش لوحدي عمري كله محدش هيرضي يتجوزني بسببك و هفضل لوحدي بسببك اتحكم عليا اكون لوحدي طول حياتي مره اهلي ماتوا وانا صغيره و عشت يتيمه كانوا كل البنات حوليه اهليهم معاهم وانا لوحدي بس قولت دي مشيأت ربنا انا مش هعترض عليها و الانت عملتوا لو جيت و بلغت عنك الكل هيجيب الحق عليا انا و هتطلع انت المظلوم و انا السبب رضيت بالربنا كتبه و اني افضل لوحدي بس عرفت عامله اي
يحيي: انتي مش لوحدك يا رغد انا معاكي وانا بجد اسف علي الحصل و كمان مستعد اتجوزك دلوقتي والله
رغد: يحيي انت لو اخر واحد في الدنيا انا عمري متجوزك فاهم...
و سابتو و طلعت جري علي الاوضه
بعد مرور شهر
ريم و رغد خلصوا امتحانات و كانت رغد مبتخرجش من الاوضه خالص غير وهي راحه المدرسه و بس
ندي و علي علقتهم اتحسنت كتير عن الاول و ندي تعيشت مع الوضع و بقوا عادي
كنان كان بيفكر في الخطفت قلبه من اول نظره بس الكان مضيقه انه ميعرفش عنها اي حاجه ولا حتي يعرف اسمها
دياب حالتوا بتسوء اوي في المستشفى و الدكتور طلب من يحيي و علي يجوا بسرعه
في المستشفى
_____________
يحيي: خير يا دكتور في اي
... انا جبتكوا عشان اقولكوا اني الحج دياب قدامه ساعات و يتوفي الصدمه كانت كبيره عليه و الجلطه اتمكنت منه و هو مستسلم للموت هو مش بيقاوم بقالوا شهر عايش علي الاجهزه فا انا جبتكوا عشان لو تقعدو معاه قبل ما يموت
كانوا قاعدين في مكتب الدكتور و بيسمعوا الكلام.. قطع كلام الدكتور الممرضه جايه بتجري و بتقول للدكتور..
الحق يا دكتور المريض الفي غرفه 7 الاجهزه بتعتوا صفرت هو مات
و في اللحظه دي علي و يحيي جريوا علي اوضه دياب
#جعلني_احبه
بقلم/ ساره بكر
الفصل الخامس و العشرون
الممرضه: الحق يا دكتور المريض الفي غرفه 7 الاجهزه بتعتوا صفرت و تقريبا مات
في اللحظه دي علي و يحيي جريوا علي اوضه دياب
بعد شويه الدكتور خرج بخيب امل انا اسف يا جماعه ملحقتش انقذه الصدمه كانت شديده عليه و مستحملش البقاء لله
علي قعد علي الكرسي و بدات دموعه تنزل يحيي هربت دمعه من عيونه و نزلت بعدها دموع كتييير و قعد جمب علي
وصل الخبر موت دياب البيت و البلد كلها صابرين انهارت ومن بعد مكانت بتواسي اختها بقت محتاجه حد يوسيها
رغد كانت بتلم هدومها عشان تمشي بس لما عرفت الخبر قررت تقعد عشان ريم و كان عقلها بيفكر في يحيي هيكون بخير
تمت اجراءات الدفنه و عملوا العزاء و خلص
ريم كانت قاعده مع امها بتصبرها و رغد كانت قاعده مع ام يحيي
رغد: خلاص يا خالتي كفايه ادعيلو احسن ادعيلو
صابرين: والله يا بنتي بدعيلو بس الفراق صعب اوي انا عرضت اهلي عشانوا و هو كمان عارض اهلو عشاني و كنا بنحب بعض اوي لي لي يسبني لوحدي كده لي___ كانت بتتكلم و الدموع نزله من عيونها
* معلش دا امر الله و بعدين ربنا بيختار البيحبهم و هو عشان بيحبوا اختارو
دخل يحيي اوضه امه و ابوه
~ عامله ايه يا امي
* تعبانه يا يحيي تعبانه اوي اهئ اهئ اهئ
يحيي مقدرش يشوف امه كده و خرج من غير صوت
* يا خالتي استحملي عشان عشان يحيي هو كمان ميتعبش لزم تتمسكوا عشان تقدرو تعيشوا و تكملوا حياتكوا
~ ماشي يا رغد بس انا خيفه اوي علي يحيي الحصل كلو وراه بعضه انا مش عارفه هو هيستحمل ولا لا خيفه عليه يحصلوا حاجه يحيي مش بيتكلم و بيقول اي المزعلوا بيفضل كاتم في قلبه انا خيفه عليه اوي
* متخفيش عليه ان شاء الله هيكون تمام متقلقيش و مش هيحصلوا حاجه
في اوضه علي
علي كانت بيعيط جامد عيط اكتر من يوم موت ابوه و كانت ندي قاعده بعيد مش عارفه تعمل اي و خيفه تتكلم احسن يزعق و راحت عندو
~ اهدى يا علي دا امر الله اهدى
* اهدى ازاي يا ندي دا مكنش عمي لا دا كان ابويا انا و عمي كنا زي بعض بظبط انا زعلان علي عمي ممكن اكتر من ابويا عمي كان هو المربيني و كان بيدافع عني في كل نصيبه اعملها و كان ديما بيدور علي مصلحتي عكس ابويا تماماً ابويا علمني اني اكون جد لكن عمي علمني اني اكون حنين و جامد في نفس الوقت هو كان كل حاجه بنسبه ليا
ندي عيطت علي صعب عليها اوي و قعدت تخفف عنه
ريم كانت قاعده في الاوضه لقت الفون بتعها رن
* الو مين
-- انا اسف لو كنت ازعجتك بس انا بكلم يحيي بس مش بيرد هو كويس
ريم سمعت صوت عمر و بدات دموعها تنزل.
* عمر اهئ اهئ اهئ هاااا اهئ
~ ريم لو سمحتي اهدي و تمسكي اهدي كفايه عياط
* انا محتاجلك يا عمر انت فاهم غلط والله انا تعبانه و مش مستحمله كل البيحصل معايا دا يا عمر انا بقيت بخاف اوي
~ ريم مبقاش ينفع نتكلم و نقول كده الحصل حصل يا ريم و انتي اتجوزتي صحبي انا مش عاوز مشاكل و انا اه لسه بحبك و عشان بحبك هدعيلك اني ربنا يصبرك و يسعدك ويفرح قلبگ سلام...........
________________________
رغد فضلت قاعده جمب صابرين تخفف عنها لحد منامت و قامت تخرج تشوف ريم
كانت رغد مشيا تفكر في كلام صابرين علي يحيي.. عدت من جمب اوضه يحيي و كانت مقفوله بس مش اوي و كانت عوزه تعرف هو بيعمل اي.
بصت رغد ملقت حد في الاوضه فتحت الباب براحه و دخلت منغير متعمل صوت و اتصعقت لما سمعت صوت عياط يحيي و شافت منظره
يحيي كان قاعد علي الارض جمب السرير و كان بيعيط و بيتكلم بصوت مسموع و محسش ب رغد خالص
* يارب يارب انا كل الحوليا بيسبوني انا تعبان انا المفروض اني اكون قوي و مقعش بسهوله بس اعمل اي مش بايدي عمي الكان كل حاجه بنسبالي سابني و ابويا الكان سندي وضهري سبني و حياتي باظت و اتقلبت عليا كل حاجه حتي رغد رغد هتسبني تاني بس معاها حق انا بوظتلها حيتها بس انا مكنش قصدي و لو قعت اقولها اني مكنش قصدي اي حاجه عملتها مش هتصدق لي حق تعمل اي حاجه اااااااااااااااه انا تعبان يارب يارب الصبر من عندك يارب الصبر و القوه من عندك يارب
رغد كانت بتعيط جامد و صعبان عليها يحيي و مقدرتش تقف و خرجت جري و دخلت اوضه ريم و لحسن الحظ ريم كانت في اوضه امينه
يارب انا مش عارفه اسمحوا ولا لا بس انا مش عارفه انا بعيط لي هو صعبان عليا اوي و كل حاجه جت عليه وراه بعضها يارب اقف معاه يارب و صبره و اهدي و اغفرله غلطته العملها يارب اديلوا القوه و الطاقه عشان يقدر يصبر اهله يارب
عدت اليله و في الصباح رغد لمت هدومها عشان تمشي
و دعت الكل و كانت هتخرج من الباب وقفها صوت يحيي
~ انتي لسه مصممه تمشي يا رغد
* اه لسه مصممه مينفعش اقعد في البلد بعد الحصل خصوصاً بعد متكون انت كبيرها
~ لي مينفعش تقعدي فيها لي اقعدي
* و لما حد يجي يتجوزني هيكون الحل اي و لو قعت ارفض في البلد دي هيطلع عليا اسواء الكلام انا في غنه عن كل دا
~ انا هتجوزك يا رغد مش هسيبك ولو حبه نطلق هطلقك بس متسبنيش انتي كمان
* رغد بدموع اسفه يا يحيي بعد اذنك
خرجت رغد و ركبت العربيه مع كنان عشان تسافر كانت رغد بتعيط كل متفتكر يحيي و كان في الم في قلبها جامد متعرفش سببوا اي هي اكيد محبتش يحيي يبقي لي الالم دا
كنان استغرب منظر رغد و محبش يتكلم معاها و كان بيفكر في الحصل امبارح بعد العزاء
________________________
فلاش بااااااااااك
كنان بعد العزاء خرج عشان يمشي لمح الحوريه السوداء(هاجر) دخله البيت
* لو سمحتي لو سمحتي ممكن لحظه بعد اذنك بس
~ انت تاني عاوز اي
* انا انا بصراحه كنت عاوز اقولك sorry بجد علي اي حاجه حصلت مني مش تزعلي انا بس شوفتك زعلانه و كنت عوز اخفف عنك مش تفهميني غلط ok
~ ماشي حصل خير بعد اذنك
* ممكن اعرف اسمك ولا هيضيقك
~ لا هيضقني بعد اذنك و ابتسمت و مشيت
بااااااااااااااااك
عمر سافر رجع شغلوا تاني و كانت ريم مبتفرقش خياله ولا لحظه
في بيت كبير البلد يحيي الأنصاري
علي: انا مش هقدر اقعد هنا تاني محتاج اقعد لوحدي
ندي: يعني اي يا علي
* يعني هسافر يا ندي
~ ندي بدموع تاني يا علي تاني هتسبني لي لي بتعمل فيا كده
.............
~ و كمان مش بترد عليا ماشي يا علي طلقني قبل متسافر
* انتي طالق يا ندي بس خليكي قاعده هنا في البيت و هاتي هاجر كمان تقعد معاكي عشان كريم هيسافر
~ كتر خيرك اوي يا علي
علي نزل و معاه شنطه هدومه
~ انت رايح فين يا علي
*هسافر يا يحيي خلاص مش قادر اقعد هنا
_ هتسبنا لي يبني تاني بقي افهم دلوقتي المفروض تكون جمبنا و جمب مراتك
* وانا مش قادر يا امي اقعد مش قادر بجد محتاج فتره راحه و هرجع و بالنسبه لندي انا طلقتها بس هتقعد هنا لحد متهدي و لو عوزه تتجوز انا معنديش مانع
_ اي طلقت مراتك طلقتها منك لله يابني منك لله امشي امشي من هنا اطلع بره مشوفش وشك منك لله يا علي يبني منك لله
علي خرج و ساب امه وراه بتدعي عليه كان لسه هيركب العربيه
* علي استني عاوز اكلمك استني
~ عاوز اي يا يحيي مني
* انا عاوز اعرف انت عملت كده لي
~ يحيي انا مش قادر اتكلم لو سمحت
* لا انا لازم اعرف احنا مش بنعرضك في اي حاجه عاوز اعرف عملت كده لي حرام عليك
~ حرام عليا لا يا يحيي مش حرام عليا مش حرام عليا اني عاوز ارتاح بره البيت كام يوم انا لحد دلوقتي مش مستوعب اصلا اني دا كلو حصل في شهر واحد حيتنا اتبهدلت يا يحيي انا عاوز ارتاح
* انا معاك في كل دا معاك اني الحصل كتير عليا في شهر واحد يحصل كل دا و موافق انك من حقك ترتاح بس ندي مراتك ذنبها اي دي بقيت وحيده و اخوها عمل زيك و عاوز يرتاح و قرر انو يسافر و اختهت خطوبتها اتفشكلت المفروض انت تكون معاها يا علي
~ زنبها اني حبتها و اتعلقت بيها يا يحيي و هي كمان اتعلقت بيا و هتسيب درسها عشان انا هشغلها انا مش عاوز اكون عائق قدمها و بعد متخلص هرجعها تاني علي زمتي بس تخلص درستها الاول
* غلط انك عملت كده بصراحه يا علي انا مش معاك في دا كان ممكن تخليها علي زمتك و تذاكر برضو
~ الحصل حصل يا يحيي اشوف وشك بخير
علي رجع و قعد في الشقه بتعتوا في مصر
في امريكا
رغد: مالك يا كنان في اي لما جينا وانت متغير في اي
~ مش عارف يا رغد انا حصل معايا حاجه و مبتفرقش خياله خالص
* طب قول اي الحصل
~ يوم العزاء بتاع الراجل الاول مش بتاع امبارح دا شوفت بنت جميله اووي اووي كانت قاعده و بتعيط و في العزاء بتاع امبارح شوفتها برضو و اتكلمت معاها بسيط جدا و من بعدها وهي مش بتفارق خيالي خالص خالص
* طب هي مين ولا اسمها اي
~ لا منا معرفش مرضيتش تقولي حاجه
* طب اوصفلي شكلها كده
~ هي مش بيضه اوي ولا سمره و رفيعه مش اوي حلوه يعني و رقيقه اوي اوي اوي كانت عنيه حمره من البكاء و منخيرها كانت حمره برضو و صوتها رقيق زي الاطفال
* رغد حست انو بيتكلم علي هاجر.... طب بص يا كنان حاول علي قد متقدر متفكرش فيها هي حاجه مش في ايدك بس حاول و لو فضلت تيجي في بالك ابقي ادعي اني ربنا يشيلها من بالك
~ بس انا مش عوزها تتشال انا في سنه تلته كليه و باقيلي سنه و اخلص لما اخلص هرجع مصر و شوفها لو لسه مكنتش اتخطبت هخطبها
* ربنا يكتبلك الفي الخير.. انا هطلع انام
في الصباح
رغد قامت و صلت الضحي و لبست و نزلت قعدت علي الفطار
سليمان: رغد كده ورقك كله تمام اخر مره هسالك انتي موافقه عشان اسجل في الكليه
~ انا والله موافقه و كمان في قرار عوزه اقولكوا عليه
___ خير في اي
~ انا نويت و النيه لله اني اللبس النقاب عوزه ابداء سنه جديده و اسم جديد و شكل و حياه جديده
سليمان: انا اكيد مش هعارض يا بنتي الف مبروك ربنا يكملك بعقلك
كنان: مبروك يا رغد
رغد: لا قولي سلمي بقي
(رغد كانت طول الوقت بتزن علي عمها انو هي تكون سلمي بنتوا الماتت و هو كده كده مطلعش ليها شهاده وفاه و كنان كان مشجعها جدا علي الموضوع دا عمها مكنش موافق في الاول عشان دا تزوير ولو الحكومه عرفت فيها سجن بس لما هي اصرت سمع كلمها و سلم امره لله و بكده هتعيش رغد باسم سلمي الماتت)
___________________________________
بعد سنتين
دخلت سلمي كليه الطب الكانت بتحلم بيها ديما و كانت ديما علي تواصل مع ريم و فرحت اوي لما ريم دخلت كليه الاثار النفسها تدخلها من زمان
يحيي بقي هو كبير البلد من بعد ابوه و بقي يحكم بعدل و قلبوا قفل علي حب رغد بس
ندي عاشت حيتها عادي في البيت كانوا كلهم بيعملوها حلو جدا بس ميمنعش اني كانت ديما بتفكر في علي و ميمنعش اني حبها لي مقلش و خلصت المدرسه و كانت هتقدم في المعهد
علي خلص رساله الدكتوراه بتعتوا و بقي دكتور في كليه طب بيطري و كان بيطمن علي ندي من يحيي و علي امه بس و قرر انو يرجع عشان خلاص الكل وحشوا
كنان خلص سنه تلته و سنه رابعه و كانت الحوريه السوداء مبتفرقش خياله لحظه و من حبه ليها رسم ليها رسمه جميله و وضعها في الاوضه الخاصه بي عشان لما توحشوا يبصلها و يكلمها كمان و قرر يفاتح ابوه في موضوع انه يرجع مصر
كريم سافر و اشتغل بره مصر علي امل انه ينسي ريم بس كانت بتسيطر علي عقلوا و كان بيسال علي ندي و هاجر
هاجر خلصت سنه تانيه و لسه هتدخل تلته بس كانت ديما بتفكر في الشخص الغريب الكان في العزاء كان واخد كل تفكيرها
______________________________________
في يوم كانت سلمي في الكليه فا سمعت بنات بيتكلموا علي بنت بطريقه وحشه جدا و بيقولوا عليها اوحش الكلام في الدنيا بقي عندها فضول تشوف البنت دي هما لي بيتكلموا عليها كده و قعدت تدعيلها كتير و هي قعده دخلت بنت من لبسها يبان انها اجنبيه و كمان مش مسلمه قعدت جمب سلمي و اتفاجأت اني هي البنت الكانوا البنات بيتكلموا عليها و اتفاجات اكتر اني البنات دول صحبها
وعدت الايام و قرر انها تكلم البنت دي و استنتها في الكفتريا