رواية طفلة في ثوب انثي
الفصل السادس6
بقلم غادة عبد الرحمن
كل ما تبحثون عنه تجدونه عندي عنف، ضرب، ذل منذ ولدت وأنا أعيش كل ذلك كم بكيت من ليلي حتي نهاري وأنا اتمتم بأمنية واحدة " يا الهي استرد امانتك فهو لا يستحق العيش " وكيف لا وهو سبب كل آلامي. إنه أبي
بعد خبر وفاة زوجي وزوجته جاء أحد الجيران و تبرع بكسر باب المنزل بمساعدة أبي حتي يفكوا حصاري
مرت ثلاثة أيام العزاء وفي اليوم الرابع جاء ضيف غريب: السلام عليكم ورحمه الله وبركاته
- وعليكم السلام مين حضرتك؟
- أنا محمود سعد محامي الحاج مجدي الله يرحمه
- أهلًا أهلًا نورتنا يا بيه
- فين الست حرمه ومين حضرتك؟
- أنا ابوها يا بيه ثواني واندهالك
جالس المحامي ينتظر حتي أقبلت عليه دهب مع والدها: أهلًا بحضرتك أنا دهب
- ايه شغل العيال ده انتوا بتهزروا معايا ولا ايه؟
- لا والله يا بيه دي دهب بنتي ومرات مجدي الله يرحمه
- لا حول ولا قوة إلا بالله أنتِ صغيرة اوي عندك كام سنة
- كمان شهرين واتم ١٨
- يعني كمان قاصر؟
حاول ابيها أن يتدارك الموقف: خير يا بيه عايزها في ايه من غير كتر كلام؟
نظر له المحامي نظره تحمل الكثير من الاشمئزاز ثم أردف موجهًا الحديث إلى دهب: بصي يا بنتي طبعًا بعد
موت مجدي ومراته أنتِ الوريث الوحيد ولو
في طفل عرفيني بس في الغالب مجدي
ملوش قرايب فالورث كله ليكي
التمتعت أعين والدها في طمع ليستفسر: والورث ده قد ايه كده؟
في أراضي وفي عماره في المركز، والبيت هنا و حاجات تانية كمان
- يا ما شاء الله يا ما شاء الله
- كل ده هيكون تحت تصرفك لما أخلص الإجراءات عن إذنك دلوقتي
بعد مغادرة المحامي جلس والدها بجانبها ليردف بفحيح كالأفعى: بنتي نور عيني متقلقيش من حاجة أبوكي هيقف جنبك ومش هيخلي حد يزعلك أبدًا
نظرت له باستغراب شديد كيف تحول هكذا فجأة
- متستغربيش اهو أنا كنت بعمل كل ده لمصلحتك
واديكي هتبقي من أصحاب الأملاك
لم تجيبه اكتفت بالمغادرة إلى حجرتها التي ما أن دخلتها حتي توالت عليها الذكريات السيئة التي عاشتها فيها
- قومي فزي اعمليلي كوباية شاي
لملمت ثيابها الممزقة وارتدت إحدى عبائتها وتوجهت إلى الأسفل لتنفذ مطلبه
- اتفضل الشاي
نظر لها باشمئزاز وأخذه من يدها وارتشف منه لتتغير ملامح وجه ويضع الكوب علي الطاولة ويلتفت إلىها
- ايه القرف اللي جيباه ده؟
- ده ده شاي
- شاي بقي ده اسمه شاي امال العلقم يبقي ايه
- والله
لم تكمل حديثها فقد امسك الكوب وسكبه
بداخل ثيابها لتحترق من حرارته
- عشان تتعلمي بعد كده ازاي تعملي الشاي يا دهب فلصو
عادت إلى الواقع تتلمس كتفها مكان الحرق الذي ترك اثاره علي جلدها
وفي منزل بدأت ازهار الحب بالتفتح وانبعاث عطرها
- قمر يا قمر بابا وصل
- بجد يا فريدة طب روحي قبليه عقبال ما اغير الهدوم دي
- ماشي الله يسهله ..... هروح اتسلى عليه لحد ما تيجي
- خرجت فريدة من الغرفة وتوجهت لوالدها: الف الحمد لله على السلامة يا بابا
- اهلا بنوارة البيت ست البنات فريدة
- أنا برده اللي نوارة البيت
- قصدك ايه يا مفعوصة
- ولا حاجة
- هي قمر فين
- مشيت
انتفض يسالها: ايه مشيت وامتي وليه
- اخذت ابنته تضحك بشده ليفهم أنها تمازحه
- اه منك ومن عمايلك
- بس بذمتك يا بابا مش عرفت قيمة قمر لما بعدت
- والله يا فريدة ٦ شهور عدوا عليا زي ألف سنة اوعي تفتكري اني نسيت امك الله يرحمها بس قمر أنا ظلمتها كتير وهي استحملت وصانت غيبتي ولولا اللي عملتوه كنت كملت ظلمي ليها ولنفسي
- خلاص يا بابا احنا كلنا سوا اهو وفي بيت لوحدنا
بعيد عن أي حد
- الله يسامحها أمي فاكرة أن أي حد هيقرب مني هياخدني منها وأنا سكت على ظلمها لأنها امي ربنا يسامحني
- كفاية بقي يا سي بابا كلام عن اللي فات روح بقي لقمر مستنياك وأنا عندي مذاكرة هروح اخلصها
كانت تجلس علي فراشها في انتظاره في توتر وقلق بسبب ما تخفيه عنه وعلي وشك اخباره به
- السلام عليكم
- وعليكم السلام يا اسماعيل
- ايه الحلاوة دي يا قمر هو البعد بيحلي كده
- يوه بقي متكسفنيش
ضمها إلى صدره وسألها: مسمحاني يا قمر
علي اللي فات
- اديك قولت اهو فات يبقي ايه لازمته
الكلام فيه
- عايز اطمن أنه خلاص
- من يوم ما تلم شملنا هنا لوحدنا بعيد
- عارف عارف
- طيب أنا عندي حاجة عايزة اقولها لك بس متزعلش مني والله ما كنت اقصد
- في ايه يا قمر حصل ايه
مسكت يده ووضعتها علي بطنها وأردفت بصوت يشبه الهمس: أنا حامل يا اسماعيل
لم تتلق رد منه بل ظل ساهمًا صامتًا
- انت زعلت مش كده والله ما قصدت ولو عايزني أنزله .
- استغفر الله العظيم بتقولي ايه بس أنا بس اتفاجأت
بس الخيرة فيما اختاره الله مبروك يا أم العيال
- لحقت كبرتني ونسيت قمر وبقيت أم العيال؟
- هههههه خلاص يا ست قمر ١٤ كمان
يجلس بأريحية في مكان ليس ملكه ولكنه يتصرف وكأنه صاحب كل شي يتحدث في الهاتف: ايوه يا صلاح .. والله البت لسه في العدة وأنا مفتحتش كلام معاها .. اصبر يا راجل هتتجوزها هتتجوزها من ساعة ما شفتها في العزا وأنت بتزن هههههههه طب يلا مع السلامة مش فاضيلك أنا صاحب أملاك دلوقتي
كانت تستمع لحديثه من خلف الستار ولكنها لن تصمت مرة أخرى: تاني تاني يا فايز انت ايه يا راجل مش بتتهد
- في ايه يا فتحيه أنتِ اتجننتي ولا ايه؟
- ايوه اتجننت .. عارف امتي لما رضيت بواحد زيك وخليته جوزي وأبو بناتي
- واحد زي وأنتِ تطولي؟
- أنت اللي كنت تطول فتحيه بنت رئيس المركز الجديد اللي اخدت ورثها وكل فلوسها وادتها ليك اللي كسرت كلام أهلها وسابت تعليمها عشانك شكلك نسيت بس خلاص من انهارده هقفلك ومش هتاذي بناتي تاني
انهال عليها بالضرب كما كان في السابق وازال قناع البراءة الذي كان يرسمه لأيام حتي يستطيع أخذ ثروة ابنته لنفسه: أنتِ بتعيريني يا بنت الك لب طب تعالي بقي
لم يتركها إلا بعد تدخل ابنته لتخليصها من بين يديه ليتركهم ويذهب
كانت تداوي جراح والدتها وأردفت: ليه بس كده يا ماما احنا ما صدقنا بقي كويس معانا
- كويس ايه أنتِ عبيطه مش فاهمة حاجة
- قصدك ايه؟
- ابوكي يا هبلة عايز ياخد منك الورث وهيمضيكي علي توكيل ده غير أنه جايبلك عريس جديد من عينته ها فهمتي ولا لسه
- عريس ؟؟!!! تاني لا لا كفاية والنبي
- اهدي أنا عمري ما هسمح بكده أنا هتصرف
- كلمي اختك قمر وخليها تعدي علينا بكره ضروري
- حاضر يا ماما حاضر
- اجمدي يا بت ومتخافيش قلت لك
بعد أن تركهم هاتف اصدقاء السوء ليتقابلوا كعادتهم كل يوم ليبعثر مال ليس له
- مال مزاجك انهارده يا فايز
- سيبيني في حالي يا مهرة مش فايق لك
- اخس عليك يا فيزو تقول كده لمهرة حبيبتك
- مش بيهون عليا العيشة دي غير
فيزو بتاعتك دي
- طب ايه احكيلي؟
- سيبك أنتِ خلينا في قعدتنا الحلوة
لينغمس معها في ملذات محرمة استباح فعلها دون خوف
بعد مرور أسبوع
- أنا مسافر
- علي فين يا فايز؟
- و أنتِ من امتي بتسألي يا فتحيه
- اول مرة تسافر من سنين
- شغل بشوف مصالح بنتك ولا بلاش؟
- لا وماله شوف برحتك
خرج من المنزل ومعه حقيبة ملابس صغيرة وما
أن تأكدت من مغادرته
- دهب يا دهب
- ايوه يا ماما؟
- يلا يا بنتي ربنا يسرها لنا وجات الفرصة لحد عندنا
- بلاش يا ماما أنا خايف..
- متخافيش دي مصلحتك وأنا مرتبة كل حاجة يلا يلا
صعدت إلى غرفتها وخرجت حقيبة جمعت فيها ثيابها ومبلغ من المال وجدته في خزانه زوجها الراحل وهبطت مرة أخرى لوالدتها
- دهب فاكرة الرقم اللي اخدناه من اختك قمر لما جت
- ايوه يا ماما سجلته علي المحمول
- والعنوان
- حفظته صم
- طيب كويس اول ما توصلي تتصلي علي
خالك هاشم وهو عارف هيعمل ايه
- طب وإن سأل عليكي
- قولي له اختك بتدفع تمن اختيارها
- تعالي معايا يا ماما متسبنيش
- مينفعش يا دهب أنا خلاص رضيت بنصيبي
- سافري يا بنتي وعيشي حياتك اتعلمي يا دهب وحققي حلمك
- ليه بتقولي كده يا ماما هو أنا مش هشوفك تاني؟
- لا ازاي هشوفك وهجيلك بس يلا مش عارفة أبوكي هيقعد قد ايه بس انهارده لازم تمشي يمكن يرجع بكره وتكون الفرصة ضاعت مننا يلا يا بنتي يلا
اخذت حقيبتها وشقت طريقها إلى محطة القطار
- تذكرة القاهرة
- خدي يا بنتي رصيف ٥ كلها نص ساعة
والقطار يطلع
وصلت إلى الرصيف وانتظرت بداخل عربة القطار حتي يحين موعد انطلاقه وهي تتلفت حولها خوفًا من أن تفشل خطتها أو أن يمسك بها أحد معارف والدها
وما أن أطلق القطار صافرته وبدأت عجلاته في الحركة حتي تنفست الصعداء وسمحت لمخيلتها برسم الأحلام مرة أخرى
********