رواية خفايا الماضي الفصل الثالث3بقلم حنين ابراهيم الخليل
دخلت جميلة إلى منزلها و ما إن أغلقت الباب حتى وجدت الذي يمسكها من تلابيبها
إسلام بغضب:كنتي فين لحد دلوقتي يا ختي
جميلة:اه اه إستنى بس و أنا هفهمك
لتخرج والدتها على أصواتهما العالية :فيه إيه يا ولاد المجانين إنت و هي ،ياولا سيب أختك إنت بترجها كده ليه؟
جميلة:ياما حوشي إبنك عني
إسلام:بقولك إنطقي كنتي فين إنتي مش مكلماني من ساعتين و قايلالي إنه صحبتك هتوصلك ؟
جميلة: يا عم إديني فرصة أتكلم طيب
ليتركها إسلام بعد أن بدأت تشعر بالدوار
جميلة:اه راسي إسنديني ياما حاسة إني هرجع من الي عمله إبنك فيا
الأم بحنان:تعالي يا قلب أمك أقعدي هنا لغاية ما أجبلك عصير ليمون
جلست جميلة على الأريكة و الأم ذهبت لإحضار العصير و هي تنظر الى إبنها بلوم
قصت جميلة ما حدث منذ أن أنهت معه المكالمة وصولا إلى لحاقهم بملك لمواساتها و التخفيف من حزنها
سليمة بحزن :يا حبيبتي ربنا يرحمها و يصبر أختها
إسلام: ربنا يرحمها و يرحم جميع موتى المسلمين،بس برضو كنتي تتصلي
جميلة:أسفة بقى من الربكة نسيت أتصل ،
إسلام بتنهيدة:ولا يهمك أنا بس قلقت عليكي لما إتأخرتي
جميلة بابتسامة:أنا عارفة إنك بتعمل كده من خوفك عليا ثم قامت و إحتضنته ربنا يخليك ليا يا أحسن أخ في الدنيا يلا تصبحو على خير
إسلام ووالدته مع بعض :و إنتي من أهله يا حبيبتي
سليمه بضيق:مش قلنا نبطل تشدد ونسيبها على راحتها شوية ؟
إسلام:مش بإيدي ياما إنتي عارفه إني بخاف عليها من الهوا
سليمة :مهو حبكم و خفكم الزيادة ده هو اللي خلى شخصيتها ضعيفة و متعرفش تتعامل مع ناس غيرنا ده أنا مصدقت بقى عندها صحبات و قررت تجيبهم يذاكرو،سليمة بتنهيدة : يابني هي أخيرا قررت تعيش بشكل طبيعي بعد ما أبوك الله يرحمه عقدها بسبب تحكماته المبالغ فيها مش عايزها تنتكس وترجع تقفل على نفسها تاني بسبب تخويفك ليها طول الوقت من الدنيا و الناس الي عايشينها
إسلام:حاضر يا أمي بس قولها تخلي تلفونها مفتوح عشان أعرف أطمن عليها من الوقت التاني
قالها وهو يهم بالخروج
سليمه:إنت رايح فين دلوقتي مش إنت لسا جاي من مأموريتك ؟
إسلام:أيوة بس عندي شغل ضروري لازم أعمله و هرجع
_______
بعد ساعات في مكان غريب كان الناس يتجمهرون أمام قفص حديدي منترظرين بدأ المنافسة ليدخل هو وسطهم وهو يراقب الوضع بتحفز
شخص1: شكل المواجهة النهاردة هتبقى نار
شخص2: رأيك مين الي هيكسب
شخص 1:آنا طبعا
شخص 2:هي صحيح منافسة ذكية بتعرف تساير خصمها لحد ما يتعب و تضر. ب ضر. بتها بس المرة دي جايبلناها أنجيلا ودي روسية يعني have no mercy(لا ترحم)
ليجدو رجل يدخل وسط الحلبة و هو يحمل الميكروفون
: أيها السادة الحضور جولة جديدة من الحماس بعد أن وضع الكل رهانه دعونا نبدأ النزال
على الجهة اليسرى لدينا المقا.تلة المقنعة التي عودتنا علىالمفاجأت آناااكونداا
في مواجهة خصمها العنيد أنجيلا فاس فاسي
نضرت له أنجيلا بغضب ليركض المعلق وراء آنا و الجمهور يضحك على تصرفاته
المعلق بخوف: أبوس إيدك إلحقيني و إقريلي الكلمة دي نضرت له آنا من الأعلى للأسفل باستهزاء: فاسيليفيتش
المعلق: أنجيلا فاسيليفيتش
ليخرج ويترك الساحة للمصارعتين ليبدأ النزال بينهما
آنا وهي تقف أمام منافستها رافعة رأسها: ودي أجيب سلم عشان أوصلها ولا أعمل أيه طيب
لتتفاجأ بها وهي تمسك بها من تلابيبها وترفعها ف أنجيلا كانت ضخمة البنية مقارنة مع آنا
أنجيلا بسخرية: ليس هنالك داعي يا صغيرتي فقط أطلبي مني و سأحملك
آنا كانت تحاول التملص من يدها وهي تحرك رجليها المعلقان في الهواء
آنا: لا لا لا كده غلط على بريستيجي على فكرة أنتي مش ماسكة بنت أختك الي قفشتيها بتسـ،رق الشكولاطة المفروض إني منافستك
أنجيلا بسخرية: أنتي أقل من أن أعتبرك منافسة لي صغيرتي
ثم رمتها من يدها كما لو كانت دمية صغيرة قد ملت من اللعب بها لتصطدم الأخرى بالقفص الحديدي و تصرخ بوجع
آنا وهي تهض وتنفض ملابسها: مش بالحجم هي
أنجيلا وهي مازالت مستهينة بها أشارت لها بالتقدم: هيا يا عزيزتي أريني مالديكي
لم يمضي دقايق على بدأ النزال حتى بغاتتها آنا حين لفت يديها حول عن.قها ورجليها حول خصر.ها
آنا: بما انك معتبرني بنت أختك إيه رأيك يا خالتو تاخديني لفة كده على ضهرك
أنجيلا كانت تحاول المقاومة و أنزال آنا من ضهرها لكن آنا كانت قد أحكمت وثاقها
الشخص 1:مش قولتلك محسومة ل آنّا
إسلام: بس النزال لسا مخلصش
شخص: بالنسبة للأناكوندا خلص بمجرد ما لفت حولين خصمها كده فضلها الحركة الخاصة و اللعبة تنتهي
قبل أن يسأل إسلام عن شيء وجد أنجيلا مغشية عليها وسط الحلبة إثر ضربة خاطفة وجهتها آنا نحو عنقها لتفقدها وعيها معلنة فوزها في النزال وخرجت من الحلبة بسرعة لتلحق بذلك الذي كان يطالعها من بعيد
آنا: جو يا جو إستنى
جو دون أن يلتفت: قولت قبل كده يا تبعدي عن الطريق ده يا تعبري إنك عمرنا ما تقابلنا ولا نعرف بعض
آنا: خلاص أخر مرة إعتبره ماتش إعتزال
لم يلتفت لها لتقف هي أمامه و تعانـ،قه: عشان خاطري يا جو متزعلش مني
: جوزف أبي يريد مكالمتك
آنا وهي مزالت تعانق جو: هاي مايا كيف حالك؟
مايا بضيق: بخير، لم أكن أعرف أنكي ستعودين للقتال بعد أن منعك جو أخر مرة يبدو أن كلامك ليس له قيمة عندك
آنا: والدك طلبني بالإسم لم أشأ أن أضعه في موقف محرج أمام شركاءه بالنسبة لجو سيسامحني لأنه يحبني
قالت أخر كلمة وهي تتطلع عليه بنظرات القطط 🥺
جو وهو يمسح على خدها: حسنا لكن عديني أن لا تدخلي الحلبة مجددا و أنا سأكلم راكيش لكي لا يستدعيكي مرة أخرى
آنا وهي تشدد على إحتضانه بسعادة: أعدك
غادرت مايا بسرعة قبل أن يلاحظ أحد دموعها
بعد دقيق
جو: خلاص مشيت سيبي بقا
آنا: شفتها وهي بتعيط؟
جو: ومالك مبسوطه كده ليه
آنا: عشان كانت بتحاول توقع بينا، يلا وصلني للبيت
جو: يلا،
خرجا سويا ليركبا الدراجة النارية
جو: على فكرة إسلام كان حاضر النهاردة
آنا نزعت قناعها وهي تركب خلفه: اه أنا الي بعتله الدعوة هحتاجه الفترة الجاية
جو بضيق: ملك خليكي بعيدة عن الموضوع عشان خاطري و أنا هجيب حق أختي بإيدي
ملك: وأنا مش هيهدالي بال غير لما أشوف نها،يتهم بعيني