CMP: AIE: رواية رغد الفصل السادس6بقلم حنين ابراهيم الخليل
أخر الاخبار

رواية رغد الفصل السادس6بقلم حنين ابراهيم الخليل


 رواية رغد الفصل السادس6بقلم حنين ابراهيم الخليل 



بعد أن تمت الموافقة على الخطبة بأمر من شيماء عندما أخبرتها رغد أنها صلت الإستخارة ولم ترتاح لأمر خطبتها من مراد لتقول لها بأن هذا ليس سبب مقنع ليقولوه للجماعة ليبدأ مراد في محوالات للتعرف على خاطبته وكانت البداية بأخذ رقم الهاتف الخاص بشيماء لأن رغد لم يكن لديها هاتف خاص لم تمانع شيماء حين إتصل بها وطلب منها أن يكلم رغد قليلا ويسألها بعض الأشياء لتعطي شيماء لرغد الهاتف التي كانت تنضر لها معترضة لكنها وافقت بعد إصرار والدتها على الموضوع  
رغد: ألو السلام عليكم 
مراد :  وعليكم السلام ورحمة الله عاملة ايه يا رغد 
رغد: الحمدلله وانت 
مراد: الحمدلله أنا كنت عايز أقولك أنا فرحت قد إيه لما أبوكي بلغنا موافقتك وأكمل مازحا كنت عارف من الأول أنك مش هترفضي لما سرحتي في جمالي أنا عارف برضو أني وسيم 
رغد: أحم أستاذ مراد هو في حاجة مهمة خلتك تتصل 
مراد: أستاذ؟ وحضرتك؟  هو في وحدة تكلم خطيبها بالرسمية دي رغد: يعني المفروض أكلمك أزاي 
مراد: عادي زي اي أتنين مخطوبين مش فترة الخطوبة دي عشان نتعرف على بعض وعلى فكرة أنا أشترتلك تلفون عشان نتكلم مع بعض براحتنا هبعتهولك مع حاتم 
رغد: أولا يا أستاذ مراد واضح أنك فاهم الخطوبة غلط لأنك بدأت تتجاوز الأصول فيها لأن مكانش المفروض تتصل بيا وبابا مش موجود وكمان من غير ما تستأذنه في أنك تكلمني 
ثانيا أنت مش ملزم مني دلوقتي عشان تشتريلي أي حاجة طالما أنا لسا في بيت أبويا ولو سمحت بعد كده لما  تكلمني المرة الجاية يكون عشان حاجة ضروريه وياريت يكون بحضور بابا غير كده كلامنا مع بعض مينفعش 
مراد: أنا أسف أني ضايقت حضرتك أوعدك أن المرة الجاية لما أجي أكلمك هستأذن من باباكي 
أغلقت رغد الخط مع مراد ولتفتت لتخرج من الغرفة لتجد شيماء تستمع أليها وهي تكاد تنفجر من الغيظ
شيماء: إنتي يا بت مجنونة وناوية تجنيني معاكي تلفون إيه الي مش عيزاه أمال عايزه تتعرفو على بعض أزاي وكمان أيه مش ملزم دي بدل ما كنتي كل فترة تطلبي منه حاجة أو مبلغ بسيط يساعدنا في جهازك وبعدين أذن أيه الي يطلبه من أبوكي أنتي فاكره نفسك عيله صغيرة لازملك حضور ولي أمر لما تعملي أي حاجة 
كانت رغد واقفة تستمع إلى والدتها وحدقتيها متسعتين ما الذي تفكر فيه والدتها 
رغد: ماما أنتي عايزاني أكلم راجل أجنبي عني وكمان أخد منو فلوس أنتي بتفكري إزي 
شيماء: أجنبي أيه يا غبيه دا خطيبك وكلها سنتين تلاته وتبقي مراته وبعدين أنتي لو مستغليتش فترة الخطوبة في إنك تطلبي منه أي حاجة نفسك فيها عمره ما هيجبلك حتى وردة بلاستيك أم جنيه بعد جوازكم عشان انت عودتيه على كلمة (مش عايزة حاجة ومش هطلب منك حاجة  )  هو كده هيقول عليكي جبلة مش هيفرق عندك جابلك أو ما جابش 
رغد نضرت قليلا إلى والدتها: مهو مش هيبقى غلطان لأنه مش هيفرق معايا سواء جاب أو مجابش وطالما أنا لسا في بيت أبويا فهو ملوش حق أنه يجبلي حاجة 
ثم مدت يدها وأعطتها التلفون: المرة الجاية لو إتصل وجبتيلي التلفون أنا هقفل في وشه
شيماء: يارب صبرني إيه البت الغبية الي أنا مخلفاها دي
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
على الجانب الأخر عند مراد أغلق الهاتف ورماه على السرير بغضب  دخلت له عليا أخته ليخرج للأفطار معهم لتجده غاضبا عليا،: مالك يا أبيه إيه الي مضايقك 
مراد: أبداً ياستي كنت بكلم وحدة المفروض إنها خطيبتي عشان أقولها أني هبعتلها تلفون عشان أكلمها بعد كده براحتي تخيلي قالت أيه 
عليا: قالت أيه 
مراد بسخرية: أن أنا مش ملزم منها عشان أشتريلها حاجة وأن لو عايز أكلمها بعد كده أخد إذن أبوها 
عليا: طب وإنت إيه الي يزعلك لما خطيبتك تبقى بنت محترمه (قالتها وهي تنضر لأخيها بأستهزاء فهي تعرف أخيها جيدا لا يستحق فتاة مثل رغد فهي ستعاني معه بسبب تعدد علاقاته مع البنات التي تكاد أن تقسم بأن معضمها لم ينتهي فأمثال أخيها يرفع شعار أنا رجل أفعل ما يحلو لي وأتحدث مع من يعجبني من الفتيات ولكن التي سأتزوجها يجب أن تكون عفيفة و تحافظ على نفسها فقط لزوجها) 
مراد: والله؟ يعني لما البنت تكلم خطيبها دا هيقلل من إحترمها 
عليا: اه لأن تحت مسمى خطيبها في حدود كتير إنت لازم تحافظ عليها من بينهم مينفعش تكلمك من غير وجود مِحرم معاكم 
مراد: طيب يا ست الشيخه يلا نروح نفطر علشان متأخّر على شغلي 
عليا لفت نضرها سخريته من كلامها 
عليا: يلا يا أخويا
(هو أيه حكاية ست الشيخة دي الي بقو يقولها لأي واحد بيحاول ينصحهم في الدين) 
بعد أشهركان عيد ميلاد رغد قد أقترب رغد لم تكن تحتفل به لكن ياسين كان يريد أن يحتفلو به ليراها تبتسم من جديد لذالك أخبر والده وترجاه أن يشترو كعكة صغيرة ليحتفلو مع العائلة وبعض صديقاتها وافق عبد الرحمن على الفكرة خصوصا أنه يعرف بأن رغد قد إشتاقت لصديقاتها وأعطى ل شيماء من أجل شراء كعكة عيد الميلاد التي ذهبت بدورها ل نجاة ودعتها وكلمت حاتم وطلبت منه ان يدعو مراد للحفل
تكملة الفصل 6 #رغد
قبل الحفل حضرت أسيل وتسنيم لمساعدة رغد في التحضير للحفلة فهن يعتبرون أنفسهم إخوات وفي أي مناسبة لأي واحدة منهن تكون الباقيات حاضرات للوقوف بجنب أختهن 
أسيل: يلا يا تسنيم علقي الزينة دي هناك 
تسنيم: ماشي هاتيهم وإنتي هتعملي إيه
أسيل: هحضر المشاريب و المقبلات قبل ما الضيوف يوصلو 
شيماء خرجت من المطبخ: مكنش في داعي يا بنات تتعبو نفسكم
أسيل: ولا تعب ولا حاجة يا طنط رغد دي أختي وأنا مبسوطه أوي إني قدرت أجي و أساعد  
 شيماء: ربنا يديم المحبة بينكم 
تسنيم: يارب  
بعد قليل جاءت نجاة و إبنتها كالعادة بعد أن إنتهو من كل شيء فتحت لها تسنيم الباب تسنيم: أهلا وسهلا بحضرتك يا طنط إتفضلي 
نجاة: يزيد فضلك وحضرتك تبقي مين 
تسنيم: أنا تسنيم صاحبة رغد من إبتدائي وزي الأخوات حضرتك تبقي خالة رغد مش كده 
نجاة: عرفتي منين 
تسنيم: اصل رغد فيها شبه منك أكثر من أمها بسم الله ماشاء الله واضح إن طنط شيماء كانت بتعزك أوي لدرجة إن بنتها  طلعت شبهك 
إبتسمت نجاة بتكلف: أنا داخلة أشوف شيماء بتعمل ايه عشان أساعدها يلا يا بثينة 
أسيل خرجت من المطبخ: السلام عليكم  يا طنط أحنا جهزنا كل حاجة قبل ما رغد تيجي هي وياسين وأبوهم من برا عشان نفاجئها بالحفلة 
نجاة: ماشي ربنا يباركلم (ودخلت الى المطبخ الى شيماء) 
نضرت أسيل الى بثينة التي كانت ترتدي (المني دريس) الذي لايغطي الساقين وكانت ترتدي تحته(الجينز)  والذي بدوره طوته طية بسيطة من الأسفل والدريس كان عليه حزام يحدد وسطها فكرت أن تنصحها بالحسنى 
أسيل: الدريس حلو 
بثينة بتفاخر: ميرسي 
أسيل: بس مش شايفة إنه محدد جسمك شوية 
لتقلب بثينة عينيها بملل أين سمعت هذا الكلام من قبل: لا هو بيتلبس كده 
لتقاطعهما تسنيم أسيل يلا ساعديني عشان أخلص الزينة وسحبتها من يدها 
أسيل بخفوت: في إيه أنتي مش كنتي خلصتي كل الي وراكي 
تسنيم بنفس الخفوت: اه وأقعدي يا حبيبتي مش كل ما تشوفي وحدة معدية تقعدي تنصحيها لغاية مابقو يقولولك معقدة
أسيل: ربنا أمرنا بأمر بالمعروف والنهي عن المنكر أنا بعمل واجبي بالنصيحة وهي بعدها حرة تاخد بيها أو لا
تسنيم: أنا عارفة يا حبيبتي بس في ناس متنفعش معاهم النصيحة وإلا كانت سمعتلي لما كلمتها قبل كده (وشردت قليلا عندما تذكرت شيء) 
أسيل: وأنتي كلمتيها أمتى قبل كده 
تسنيم: ها مره شوفتها في كافيه 
أسيل: نصحتيها عن الحجاب؟ 
تسنيم: اه اه عن الحجاب وعادت لشرودها مرة أخرى
بعد قليل حضر الجميع المدعوين من الأقارب الذين حضرو قبل وصول رغد وياسين ووالدها لمفاجاءتها 
أسيل: كده كل المعازيم وصلو ياطنط 
شيماء: لا لسا خطيب رغد وعيلته 
ليدق الباب وذهبت تسنيم لتفتح بعد أن أرتدت حجاب مناسب عندما انهو أعمالهم 
تسنيم بعد أن رأت من يقف عند الباب أتسعت حدقتيها من الصدمه: أنت.؟..........

تعليقات



حجم الخط
+
16
-
تباعد السطور
+
2
-