رواية رغد الجزء الثاني2الفصل الخامس والسادس بقلم حنين ابراهيم الخليل
بعد دقايق كانو الضيوف وصلو
زين و أبوه وعمه الي قعدو مع عبد الرحمن في الصالون و أمه و إتنين من عماته و خالته اخدتهم شيماء قعدو في أوضة تانية
رغد خرجتلهم وكانت لابسة دريس جميل مع الخمار و كل العيلة أعجبت بيها
وقعدت جنب أمها و كانو بسالوها شوية و شوية يهزرو ويضحكو عشان تاخد عليهم و تتعامل معاهم على طبيعتها
بعد شوية وصل المأذون و كتبو كتابهم و الستات كانو بزغرتو
بعدها زين طلب من عبد الرحمن ياخد رغد لمطعم عشان يتكلمو مع بعض براحتهم وعبد الرحمن وافق
كان وقتها عيلة زين وحتى خالة رغد صحباتها مشيو وحسنا بس الي فضلت عشان هتبات عندهم لأن بيتها بعيد
في المطعم زين إختار الطرابيزة الي هيقعدو فيها وسحبلها الكرسي
زين بإبتسامة جميلة: تفضلي أنستي
رغد بخجل: شكرا
زين قعد مقابل ها و هو يتأمل ملامحها
زين: تعرفي إنك جميلة أوي؟
رغد: شكرا دا من ذوق حضرتك
زين إبتسامته إختفت: بزمتك في وحدة تقول لجوزها حضرتك؟
رغد كأنها مازالت تسوعب وضعها الجديد: أنا أسفة
زين: احم أنا عارفة إنك لسا مش واخدة عليا عشان كده سماح المرة دي
رغد كانت تنضر له وتبتسم بخجل و خدودها أصبحت حمراء من الخجل إلى أن نطق فجأة
زين: لا لا لا كده كتير عليا، يارب صبرني
رغد بخوف: في إيه
زين قرب براسه لرغد و أشار لها أن تقترب لأنه سيخبرها بشيء مهم
زين بهمس: يعني يرضيكي حد يشوف الخدود الي زي الوردة لما تفتح دي غيري؟
رغد كانت تنضر له بعدم فهم
زين: طب مش بتفكري تلبسي نقاب
رغد بنفس الهمس: أنا طلبت من ماما تخليني ألبسه السنة الي فاتت بس هي رفضت
زين بفرحة: بالله بتتكلمي جد
رغد هزت راسها ب اه
زين طلع علبة هدايا صغيرة من الجاكت بتاعو وهو بيقولها: بصي أنا كنت هأجل الموضوع ده لغاية ما أخليكي تقتنعي بس بما أن النية موجودة،
زين وقف من مكانه وراح نحيتها قعد على ركبته بطريقة رومنسية: تقبلي الهدية المتواضعة دي مني؟
رغد كانت مصدومة من تصرفه وبتبص حواليها بكسوف على الناس الي في المطعم الي بيبصلهم بإستهزاء والي باصين بإبتسامة عشان شايفين إنه حاجة لطيفه
رغد أخدت الهدية من إيده و شكرته
زين رجع قعد مكانه: مش هتفتحيها؟
رغد فتحتها: الله نقاب وجوانتي كمان تسلم إيدك دي أحلى هدية جاتلي
زين: فرحت إنها عجبتك، عن إذنك دقيقة وراجع
رغد: إتفضل
زين راح للحمام وهي كانت بتبص للنقاب بسعادة وفجأة رفعت راسها بصدمة للواقف قدامها وبيسلم عليها
________________
عند تسنيم رجعت لبيتها وسلمت عليهم و إتفاجئت بعمتها عندهم
تسنيم: إزيك يا عمتو عاملة إيه
هاجر (عمة تسنيم): الحمدلله بخير ونتي؟
تسنيم: الحمدلله
هاجر بصت لوالد تسنيم: ها قولت إيه
والد تسنيم و والدتها كانو ساكتين ومش عارفين يجاوبوها بإيه
تسنيم شاورت لأمها بمعنى في إيه.
خديجة: عمتك طالبة إيدك لإبنها
تسنيم: نعااام مش موافقة طبعا
هاجر قامت بغضب:
___________
: إزيك يا رغد
رغد رفعت راسها بصدمة: مراد؟
الفصل السادس6
رغد: مراد؟ وكملت بغضب: أفندم حضرتك عايز إيه؟
مراد بإبتسامة إستهزاء: أديكي طلعتي حلوة وبتطلعي مع خطيبك و تقعدو قعدات رومنسية
رغد: والله دي حاجة متخصكش وياريت تتفضل من هنا أحسنلك
مراد وهو بيميل وحط إيديه على الطرابيزة ودا خلى رغد تقف بسرعه
مراد: ليه خايفة خطيبك يجي يشوفك واقفة بتكلمي الإكس؟
رغد برقت بصدمة وبعدين كزت بغضب
رغد : الإكس ده الي هعلم بيه على وشك لو ما حترمتش نفسك ومشيت من قدامي حالا
مراد وشه بهت من طريقتها في الكلام (دي مكانش بيطلعلها حس لما كنا مخطوبين)
: رغد حبيبتي، خير هو الشاب ده كان بيدايقك؟
رغد بإبرتباك : لا أبدا هو كان بيسأل عن نمرة حاتم إبن خالتي لأنه كان صاحبه لما قولتله إنها مش معايا كان ماشي دلوقتي
مراد: اه أنا أسف على الإزعاج، مبروك مرة تانية
زين إتضايق من الموقف وطلب الحساب ودفع و مشيو
في العربية
رغد حست إن زين متضايق منها عشان إتكلمت مع راجل غريب عنها
رغد: زين إنت زعلان مني؟
زين لا رد
رغد: والله أنا إتفاجئت بيه قدامي و..
قطعت كلامها لما زين وقف العربية فجأة وشوية وكانت هتخبط في إزاز الأمامي
زين بغضب: أنا الي ضايقني أكثر من إنه قعد يكلمك هو إنك كدبتي عليا لما سألتك وعلى فكرة أنا سمعت أخر جملة قالها
رغد كانت بتتنفس بسرعة من الخوف و فجأة إنفتحت في العياط بسبب صراخه عليها
رغد: أنا والله مكونتش عايزة يحصل بينكم مشاكل في المطعم و تخرب أول خروجة لينا بسبب واحد ما يستاهلش اهيي
زين إتضايق إنه خلاها تعيط: اوف طب بتعيطي ليه دلوقتي؟
رغد بشهقة: عشان..... إنت.... زعلان مني.. إهي
زين حاول يهدي نفسه: يا ستي مش زعلان منك بس قدري موقفي أنا الدم غلي في عروقي لما شفت راجل واقف معاكي وكمان بيبجح وبقولك إنه الإكس
رغد بغضب طفولي: إكس في عينه دا حيا الله كان متكلم مع بابا عليا و بعدين محصلش نصيب
زين بإبتسامة: مهو عشان حظي حلو خلاكي تكوني من نصيبي أنا
رغد إبتسمت بكسوف
زين مد إيدو بمنديل يمسحلها دموعها: مش عايز أشوف الدموع دي تاني، ماشي؟
رغد حاولت تبعد بإحراج:حـ حاضر
زين: يغتي على الفراولة الي عايزة تتاكل دي
رغد بحركة عفوية منها ضربته بخفة على إيده الي كان ماسك بيها المنديل : بطل بقا الله
زين بإندهاش: الله! إحنا هنبتديها كده؟ ماشي يا قمر، بس خليكي فكراها هه
رغد بلعت ريقها وهي بتقول في نفسها يقصد إيه بكلامه ده؟
وبعدها زين دور العربية و وصلها للبيت
$______________________
عند تسنيم
: أنا مش موافقة
هاجر قامت بغضب: وإحنا من إمتى بناخد رأي البنت في الأمور دي
تسنيم بصدمة: نعااام أمال مين الي ليه رأي في شريك حياتي
والد تسنيم: تسنيم أدخلي أوضتك دلوقتي
تسنيم بصتله والدموع متجمعة في عنيها وبعدين جريت على أوضتها
هاجر بترجي: أبوس إيدك يا سليم لتوافق صحيح أنا إبني طايش شوية بس هو أول ما يتجوز ويشوف إنه بقى عنده مسؤولية هيتعدل وبكرة تشوف وبعدين محدش هيخاف على مصلحة تسنيم قدي
سليم: أوعدك هفكر في الموضوع بس أجلي الكلام ده الفترة دي عشان تسنيم عندها إمتحانات
هاجر بفرحة: ربنا يخليك ليا وميحرمنيش منك يا خويا
بعد ما خرجت
خديجة: أنا عارفة إنك إنت الي مربي هاجر من لما كنتو صغيرين ومبترفضلهاش طلب بس مش على حساب بنتي أنت عارف إن إيهاب لا هو راجل بتاع مسؤولية ولا ينفع زوج لبنتك
قالتها بغضب وراحت على أوضتها
سليم بص بحزن وبعدين دخل لأوضة تسنيم لقاها قاعدة بتعيط
قعد جنبها وهو بيمسح على شعرها: مالك بس يا حبيبتي
تسنيم:.....
و