رواية الحب الهادى
الفصل العاشر10
بقلم ايه منصور
هادى: معلش مش قادر احكى النهارده ويلا البسى علشان التمرين وكده
كريم :ها كنت بتحكى عن راضى يبقى قولتلها كل حاجه
هادى :لا ،فعلا كنت جمعت شجاعتى علشان اقولها ،بس ماردتيش تسمع حاجه ،مش كده وبس لا ده افتكرت لحظه موته كمان
كريم : لسه مش قادر تنسى
هادى :لسه مش قادر انسى ازاى مات قدامى تخيل تبقى متكتف وعلشان ياخدوا حق الباشا بتاعهم يموتوه قدامى لسه فاكر نظره عينه وهو بيقولى ماتزعلش الجنه احلى ،عيطت بقهره مكانش عندى غيره ،الحاجه الوحيده اللى كانت بقيالى لما امنا ماتت كان عندى ست سنين جه اخدنى فى حضنه وقالى الجنه احلى ،كان هو كل دنيتى وكل حاجه كان يشوف عينى جت عليها كان يروح يجيبهالى ،ان شاء الله هاخد حقه حسيت وقتها انى أنا اللى مت بس ارتحت لما دينا اخدت ملامحه بتفاصيلها ،اكتر حد كان راضى بكل حاجه ح......
كريم :هادى التليفون بتاعك لسه فاتح
هادى :فاتح ازاى تلا
تلا :ليه ماقولتليش كل ده ،كل ده الم انت بس اللى حاسس بيه ،ليه ماحكتليش
هادى :طب ليه بتعيطى دلوقتي
تلا :علشانك
هادى :لحظات مرورك بالم بتعدى بكل صعوبتها بس (الانتصار على الالم لما تقدر تحكى على الالم ده بكل شجاعه )حتى لو كنت هدمع المهم انك قدرت تحكى
تلا :طيب هى مرات باباك كانت بتعذبك وبتكرهك ومش عيزاك تشتغل مع باباك وعايزه ابنها هو اللى يورث كل حاجه وانت ماتخ......
هادى :ضحك ،يخربيت المسلسلات التركيه ،اولا مرات بابا اطيب انسانه فى الدنيا ،كنت بحس ساعات أنها عوض من ربنا عن امى وغير كده هى مابتخلفش فانا كنت ابنها اللى ماخلفتهوش ،غير كده أنا بقولها ماما ،الصفاره
تلا :نهار ابيض ،انت لبست ،الكابتن هياخدك تأخير
هادى : مين الكابتن ،الرخم ده
تلا :هو هادى رخم فى التدريب غير كده طيب
هادى :وقعتى بلسانك اهو أنا رخم
تلا :اه ،نص ونص مش رخم اوى يعنى ،المهم هتتاخر
هادى :طب أنا لبست
تلا :ازاى
هادى :اصلى مش بقعد الف ساعه فى الطرحه
تلا :ضحكت جامد
هادى :صوت ضحكتك حلو
كريم :يلا يا عم النحنوح
هادى :كل واحد فى الفريق هيغطس ولكل واحد ورقه باسمه هيدور عليها ولما يجيبها يخرج
تلا :كابتن هو فى غطس فى المهمه
هادى : احنا مش بنبقى ضامنين ايه اللى بيحصل فى المهمه ،بس لازم نكون جاهزين لكل حاجه ،يلا نبدا 1,2,3
(بعد مرور ٣دقائق وخروج الجميع ما عدا تلا )
حنان :هادى تلا فين
هادى :أنا بحسبها خرجت من بدرى ومعاكى
حنان :خرجت منين ،دى عندها ضيق تنفس
(هادى نزل وجابنى ،وقعدت طول اليوم نايمه بسبب انى اغمى عليا لانى مش بعرف اقعد تحت المايه غير بالعافيه ثانتين وأخرج فنفسى انكم وكنت هموت )
هادى :حنان طق طق
حنان :ادخل يا هادى ،هى فاقت
هادى :ليه ماقولتليش
حنان :طب بعد اذنكم
هادى :حضنى ،كنت خايف تروحى منى
تلا :هادى انت اتجننت
هادى :اه وانتى السبب فى جنانى ،كنت هموت وراكى
تلا :طب ابعد مش نافع كده
هادى :بعدنا ،ليه ماقولتليش انك عندك ضيق تنفس
تلا :حبيت اجرب وأشوف يمكن أخرج ومامتش
هادى :لو جبتى سيره الموت تانى مش هتكلم معاكى
تلا :خلاص اسفه
هادى :اديكى جربتى وانا اتحولت للتحقيق
شخص ما :طق طق
تلا :اتفضل
نفس الشخص : حضرتك عندك اى اضافه على أن الكابتن هادى كان معتمد ينزلك وحضرتك عندك ضيق تنفس
تلا :ماحصلش ،هو مكانش يعرف أن عندى ضيق تنفس
نفس الشخص :قصد حضرتك أن اللى حصل كابتن هادى مايعرفش عنه حاجه او أن اللى حصل
تلا :لا يعرف حاجات كتير