رواية الحب الهادى
الفصل الثاني عشر12
بقلم ايه منصور
(عدت الايام وجه يوم المهمه وانا كل يوم بدعى تعدى على خير ،تم التقسيم على حسب التدريب مجموعه (ا) ،(ب)،(ج)وكل مجموعه معاها ممرضه ودكتوره طبعا علشان الإصابات وكده )
الظابط المسؤول عن المهمه :طبعا احنا عملنا كل التدريبات المتوقع حدوثها والغير متوقعه بحيث أن اى خطر نكون جاهزين ليه ،احنا طبعا طالعين المهمه دى لأن ده اجتماع ل٣من اكبر تجار المخدرات اللى فى البلد ،اتفضلوا حضروا نفسكم
الظباط :تمام يا فندم
الظابط المسؤول :هادى عايزك
هادى :حاضر يا فندم
(هادى دخل ١٠دقايق لوحده وخرج )
تلا :خير يا هادى
هادى :بضحك ،لا مافيش بيوصينى عليكى
تلا :بطل بقى بسال بجد
هادى :كان بياكد عليا ان أنا مستهدف مش لوحدى انتى معايا ،انى اخد بالى لأن الفريق بتاعى لازم يرجع كامل وكلام شرطه بقى
الظابط المسؤول :كريم عايزك
كريم :حاضر يا فندم
هادى :ادخل دورك يلا
تلا :مالك يا هادى
هادى :خايف عليكى
تلا :وانا ايه ممكن يحصلى ،اكتر حاجه ممكن تحصل ايه هموت شهيده ،طب دى احسن حاجه
هادى :مش هسمح لده يحصل
تلا :طب يلا نروح علشان نجهز
هادى :عايزك تعرفى انى بحبك
تلا :بضحك ،عارفه
هادى :مسك ايدى ،مش مستعد أضحى بيكى
تلا :ولا انا وبعدين ،ايدك لتوحشك يابا
هادى :بحب سرسجى ،امشى خلاص فصلتينى
تلا :اقابلك فى المهمه ،باى
هادى :باى ياختى ،تقوليش طالعين رحله
حنان :تلا مامتك بتتصل من بدرى
تلا :ازيك يا ماما ،عامله ايه وحشتنى والله
ماما :مابترديش عليا ليه
تلا :كنت فى اجتماع
ماما :ليه ماقولتليش أن هادى متجوز ومخلف
تلا :انتى عرفتى منين
ماما :مراته ياختى جت تطلب ايدك هى وأبوه ومرات ابوه
تلا :والله ما كنت اعرف
ماما :ولا هادى نفسه يعرف
تلا :ماما احكيلى براحه كده
ماما :حاضر
Flashback
ماما (مديحه ):ياحج يا حج ،الباب بيخبط
بابا (عبدالرحمن ):.......
مديحه :فين ده ،هو كل حاجه أنا اللى اعملها
داليا :السلام عليكم
مديحه :وعليكم السلام ورحمه الله وبركاته
داليا :أنا ابقى .........
مديحه : مايصحش نتكلم من على الباب اتفضلوا
عبد الرحمن:مين يا مديحه
مديحه :طب دقيقه ،وطى صوتك وغير هدوم البيت واطلع
عبد الرحمن :مين اصلا هنا
مديحه :والله ما عرف بس دول ناس شكلهم بهوات اوى ،اطلع عقبال ما اعملهم حاجه يشربوها
عبد الرحمن:السلام عليكم
داليا :وعليكم السلام ،اسفين جينا من غير معاد
مديحه :لا ولا يهمكم ،اتفضلوا العصير
داليا :بابا يكون عبدالرحيم باشا صاحب معظم شركات العقارات والمسؤوله عن بناء معظم الابراج الموجوده حاليا فى القاهره
عبدالرحمن :تشرفنا يا عبدالرحيم باشا ،بس خير أنا مش فاهم حاجه
عبد الرحيم:خير ان شاء الله ،احنا يشرفنا نطلب ايد بنت حضرتك لهادى ابننا
عبدالرحمن :بس ت.......
عبدالرحيم:عارف ان تلا مش هنا فى تدريب لمهمه فى البحر الأحمر وعادى كمان فى مهمه لانه ظابط شرطه
عبدالرحمن :بس احنا ماتعرفناش كويس
عبدالرحيم:دى تبقى المدام ،مراتى
عبدالرحمن:والده هادى
عبدالرحيم:لا ،والدته ماتت وهو عنده ٦سنين ودلال هى اللى ربته ولو أمه كانت عايشه مكانتش هتعامله هو وراضى الله يرحمه زيها
مديحه :مين راضى ؟
داليا :بدموع بسيطه ده اخو هادى ،بس الله يرحمه كان شهيد فى مهمه
مديحه :الله يرحمه ،انت طبعا أخته صح ؟
داليا :لا ،فى الحقيقه انا مش عارفه اقولك ايه
مديحه :قولى يا بنتى ماتقلقيش أنا زى والدتك
داليا :أنا مرات هادى