رواية قدري انت الجزء الثاني2الفصل الرابع4بقلم نجمة براقة
براق
سماح: واحنا ايه هيودينا عند مدير المستشفى يا ولدي؟
بُراق.: هنبرء البت الغلبانه اللي ولدك اتهمها زور
سماح: ياااموري صفوان اتهم حد زور
بُراق : مش صفوان، ده ولدك الكبير العاقل، سرق سلسلتك وانتي نايمه، واتهم فيها الممرضه، يرضيكي اكده يامه
سماح: انت بتقول ايه يا ولدي، عمار ميعملش اكده أبداً، هو فين انا افهم منه
عمار : انا اهنه يامه
سماح : كلام ايه اللي بيقوله اخوك ده يا عمار
عمار: : يامه البت دي ناقصه ربايه وانا باربيها
بُراق: والربايه تكون بأنك تتهمها زور
سماح: اخص عليك يا عمار، انت تعمل اكده؟، تتهم زور؟ طيب والله ابوك ما يحس لا يروح فيها
عمار: ياااامه بقووولك ناقصه ربايه
بُراق: وانت مالك؟، تربيها ليه؟ كنت من بقيت عيلتها، ولا تكونش جوزها؟
عمار بغيظ: متخلنيش اضربك بالمركوب دلوك، قفل علي السيره، وسيبك منها، انا هنهي الموضوع بعد ما تيجي تعتذر وتحب علي يدي
بُراق: ايه الجبروت ده؟!، هي فرعنه وخلاص، يعني ايه تحب علي يدك علشان ترضا،.. شوفي ولدك الكبير العاقل يامه
عمار : بُراق متعصبنيش
سماح بحده: ولا كلمه، حسابك امعاي بعدين،.. يلا يا ولدي
عمار: يااامه
سماح: هااا، انا قولت إيه
عمار: ماشي يامه
سماح: بعد عن وشي يلعن البطن اللي جابتك
عمار: ماشي يا بُراق، فتنتها يا فتنه يا جلاب النصايب
سماح: هاااا وبعدييين
عمار: ما خلاص يامه، ايه الزعامه اللي طلعتيلنا فيها فجأه دي
««««««««««« مكتب مدير المستشفى»»»»»»»»»»»
المدير: اتفضلو
بُراق: السلام عليكم
المدير: وعليكم السلام، اتفضلو، اتفضلي يا حجه
سماح: يزيد فضلك
المدير: اقدر اساعدكم بأيه
بُراق: انا اخو عمار ادريس، اللي قال ان الممرضه سرقة السلسله
المدير: البنت اتفصلت ومشيناها، واستسمحكم تكتفو بكده علشان ابنها يتيم ومفيش حد يراعيه غيرها
بُراق: ابنها؟
المدير: ايوه
بُراق: طيب يافندم، احنا جايين نوضح سؤء التفاهم اللي حصل، والحقيقه ان الممرضه دي مسرقتش السلسله ولا حاجه، وامي ادتهالها بنفسها
سماح: ايوه صوح، انا ادتهالها هديه عن طيب خاطر
المدير: امال ليه ابن حضرتك قال انها سرقتها، وحتي هي مقالتش انك انتى اللى ادتهالها
بُراق: هو مكنش شاف امي هي وتدهالها، ويمكن البت اتكسفت تقول
المدير: لو الموضوع كده كنتو قدمتو شويه، البنت مشيت خلاص
بُراق: احنا اسفين، مكناش نعرف، بس انت ممكن تتصل بيها او تعبت حد يرجعها
المدير: تمام يا استاذ انا هتواصل معاها
بُراق: شكراً يا دكتور، وأي تعويض هي عاوزاه عن اللي حصل هندفعه
المدير: ماشي يا استاذ، هكلمها وارد وعليك
بُراق: متشكر.. يلا ياحجه
سماح: متشكرين
المدير: عفوآ اتفضلوا
رجعنا ل أوضة ابوي ف لقيت غاده اهناك، تجاهلتها مع ان من جواي اتهزيت عند شوفتها، وهي زي عادتها كملت في جمودها ومجافاتها ليه، وكأنها عاوزه تنهي اخر خيط في العلاقه دي
عمار: ارتحت دلوك؟
سماح: قفل في الحديت، وحسابك امعاي بعدين ياولد الظبطه
عمار: ما خلاص يامه، اديكم طلعتوني عيل، بزياده عاد
سماح: عيل وستين عيل، وهو في راجل يعمل اللي عملته، ده بدل ما تشوف بت خالتك اختفت فين
عمار بنرفزه: امه انا مش عاوز اسمع سيرتها تاني نهائي.. هي اللي اختارت تمشي
سماح: مشت من رزالتك وزعيقك فيها عمال علي بطال
عمار: كلام ايه اللي بتقوليه ده، امال لو مش عارفة هي عملت ايه امعاي،.. وعملت ايه مع نوره.. ومش بسببها ابوي راقد بردك؟.. دي احسنلها اني مدورش .. لأني لو عترت عليها مش هضمن اللي هعملوا فيها
بُراق: بسببها كيه؟، ايه دخل دره في اللي حصل ل ابوي؟؟
عمار: اللي حصل ان نوره كرت واحده بلطجيه علي نهله.. ف ابوك عرف لما المره البلطجيه دي جت البيت رجعت الفلوس لابوك وقالت انها مش هضربها... تقدر تقول ضميرها صحي يعني،..ف ابوك كان عاوز يمشي نوره من البيت.. بس الست دره اعترضت ومخلتهوش يمشيها، وقال ايه خلتها تروح لدكتور نفساني علشان تتعالج علي اساس هتبقا ملاك
بُراق: محدش قالي الكلام ده قبل اكده.. ونوره كيه تكري علي الحجه نهله،.. وايه خلا المره ضميرها يصحي فجأه، هو في مجرم ضميره بيصحا، ولا تكونش سنو وايت جنابها
سماح: اهو صحي وخلاص
بُراق بشك: لا انا عاوز افهم النقطه دي،.. واحده بلطجيه ومتعوده تضرب، ايه يخليها تتراجع وكمان ترجع الفلوس، ولحد البيت كمان،.. مكلمتهاش ليه علي جمب وادتلها الفلوس
عمار: احنا دلوك في اصرار دره انها تقعد نوره، مش في قصة توبة البلطجيه يا بُراق
بُراق: دره طيبه ومش غريب انها تعمل اكده.. بس انا مفيش حاجه واقفه امعايا غير توبة البلطجيه وجيتها وسط البيت تقول اللي حصل... غريبه شويه صوح
عمار: هي غريبه بس حصل، هنعترض علي امر ربنا
بُراق: امر ربنا اه.. يعني بلطجيه متعوده تضرب و تقتل، وفجأه شافت نهله ف تابت الي الله، زي الحرامي الي كان هيقتل نبيله عبيد في فيلم رابعه العدويه ف لما شافها تاب وصلي
عمار: يمكن عندك حق، بس البت غلبانه، و ممكن حد من بره يكون قاصد يكشف نوره، بس نهله محدش شاف منها حاجه عفشه أبداً
سماح: البت معملتش حاجه اقعد علي حيلك، دا انا بنفسي قعدت ساعه اقنعها توافق علي صفوان وهي تبكي وتقولي له حرام نكسر قلب مرته
يمط فمه: ياحبيبتي، شوفلي منديل يا عمار دمعتي هتفر مني... طيب وايه جبرها يامه لما هي معوزاش تجوزه وخايفه علي قلب مرته لا يتكسر
سماح: مش اخوك قعد يروح المحل بتاعهم كل شويه لغيت ما الناس مسكو سيرتها، ف ابوها جه يشتكي لابوك منه، راح ابوك طالبها لصفوان.. ولما ورحنا وبقت تبكي وترفض ابوها زعقلها وكان هيضربها
بُراق: يعني الناس حكو عليها وابوها جه... متقوليش عمها جه مع ابوها
سماح: ايوه جه صوح
بُراق: سبحان الله، ايه العيله اللي كلها معجزات دي، يعني ابوها دائماً عيان، بس لما جه يشتكي كان بصحته واقطع دراعي لو حد فيكم سمع انه عيان بعد جواز بته من صفوان
كنت قاصد اقول اكده قدامها، ف خدت بعضها وطلعت، من غير حتي ما تحاول تفكر في الكلام وتستوعبه، كأنها حالفه ما تفهمني او تصتلح امعاي.. وشكلها حابه تنهي الموضوع
عمار: عاوز توصل لأيه يعني
بُراق: ولا حاجه ... بس دلوك الممرضه هترجع الشغل، والله ما تعمل حاجه تاني يا عمار ما اعرفك
عمار: والله علي حسب
سماح: مايز علي دمك دي بتجري علي يتامه
عمار باستنكار: يتامه
بُراق: ايوة يتامه، طلعت مخلفه عيل وابوه ميت
عمار: عيل؟ ( يحدث نفسه) يكون هو ولدها اللي كانت هتديلوه بوسه كبيره لما ترجع
بُراق: مالك بلمت ليه؟
عمار: ولا حاجه.. قالولك هترجع ميته
بُراق: قال هكلمها
عمار: طيب
بُراق: طيب إيه ريحني
عمار: مش هكلمها ولا هقربلها تاني
#غاده
لو كنت قعدت دقيقه كمان مكنتش هقدر اسيطر علي نفسي ومعيطش، علشان كده مشيت ورجعت البيت، وهناك لقيت نهله لسه داخله بهدوم الخروج ف وقفت اكلمها يمكن اقدر اشوف حقيقيتها
غاده: جايه منين؟
نهله : كنت عند ابوي، اصله بعافيه شويه
غاده : الف سلامه عليه.. مالو ايه تاعبه؟
نهله : القولون وعمايله، دائما ماسك فيه
غاده : الف سلامه عليه حبيبتي.. اروح اخد دوش، بُراق زمانه جاي ورايا
نهله : اهاا... طيب حبيبتي اتفضلي
غاده : شكراً حبيبتي
مشيت لغيت السلم وبعدين رجعت اكلمها
غاده : خالي كان دائما معدته وجعاه زي باباكي كده، وكان في دكتور كويس بيتابعه وخف عليه تحبي تاخدي رقمه
نهله : ماهو متابع مع دكتور هنا، شكراً
غاده : هو الدكتور قاله فيها التهابات، ولا جرثومه، ولا حموضه
نهله : جرثومه
غاده : قلبي عنده دي تعبها وحش اوي
نهله : صوح
غاده : بس بتخف لو خد باله من أكله
نهله : امي علي طول واخده بالها من وكله، وعلي طول بط و وز مسيبهوش
غاده تبتسم: اه... لا الف سلامه عليه حبيبتي، الف سلامه
نهله : الله يسلمك
مخدتش بالها من كلامها ، وبسهوله عرفت انها بتكدب في قصة تعب باباها.. وعلى كلام بُراق وعمار ومرات عمي ف هي حقيقي بتكدب.. ودي مش مشكلتي دلوقتى.. انا مشكلتي هي ازاي ممكن اعتذر، وانا لسه مش قادر اسامح في موضوع ساره
{#دره}
رسايل عمار خلتني احس متأخر اني قليلة الاصل، ولما فكرت في الحكايه من اولها لقيت اني انا الغلطانه مش هو، انا اللي تجبرت وافتريت ومفكرتش في العشره اللي بينا، وده خلاني اقفل علي نفسي الباب واقعد افكر، واذا هينفع ارجع تاني ولا له وعدا الوقت وانا لسه مش عارفه اعمل ايه.. وفي اخر اليوم جه الشخص ده وكلمني من ورا الباب
يحيي: انتي لسه موجوده؟
دره_ ايوه
يحيي: انا كنت فاكر اني هرجع مش هلاقيكي
دره: يبقي عيدك انت لما ترجع متلقنيش،.. عاوز تلهف البيت في كرشك
يحيي: بالعكس
دره _ افندم
يحيي بإبتسامة: ولا حاجه... وشكرآ علي التنضيف والطبيخ اللي لسه مدقتهوش
دره: متتعودش علشان مش هيحصل تاني
يحيي: ليه انتي ماشيه ولا ايه هههههه
دره: عاجبني فيك عينك القويه وبجاحتك
يحيي بإبتسامة: متشكره جداً، اروح اتعشا انا علي لحم بطني من الصبح
دره: طيب ياخوي
«اليوم التالي»
#عمار
حد جه وطلب من بُراق يروح لمدير المستشفى، وراح ورجع بعد شويه يقولي البت رفضت ترجع الشغل، يعني مصدر رزقها هي و ولادها اتقطع بسببي انا
بُراق: البت دي لازم ترجع يا عمار اتصرف
عمار: وانا اعملها إيه، ما عنها ما ترجع
بُراق: ياولد ابوي حرام عليك، البت بتربي يتيم وكمان في حاجه تخص ابوك هي تعرفها، لازم نفهم هي ايه الحاجه دي
عمار: ياحبيبي مش اي حاجه تتقال تتصدق، دي عندها ربع ضارب
بُراق: ولو طلع كلامها صح هنعمل ايه.. وحيات ابوك تروح تعتذرلها وتجيبها
عمار: اعتذرلهااااا؟.. علي جثتي.. اعتذرلها قال هه، انا اعتذر لعديمة الادب دي... روح نام الله يهديك... قال اعتذر قال
#ميار
كلموني في المستشفي يعتذرو عن اللي حصل، والمدير قالي ليه مقولتيش ان ولدته ادتهالك هديه،.. وشكله كده الاستاذ الصغير هو اللي عمل كده علشان الحيوان الكبير ميعملهاش، ف رفضت ارجع بعد الاهانه اللي حصلت،.. وياريتني رجعت عشان لو كنت رجعت مكنش حصل اللي حصل معايا من شويه... كنت قاعده علي المصليه بدعي ربنا انه يجبلي حقي منه، وفجأه الجرس ضرب، وانا لوحدي في البيت، وعبدالرحمن إبني في المدرسه.. في الاول افتكرت ان هو عشان معاده قرب، بس لما فتحت لقيت ست تخينه وعريضه قوي و معاها اتنين تانين
ميار: مين حضرتك؟
صبحيه _ انتي ميار يا حبيبتي؟
ميار بشيء من الخوف: اه انا ، في إيه؟
قولت كده وهجمو عليه وضربوني وبقيت احاول اصرخ وهما مش مديني نفس وفجأه الست التخينه ضربت راسي برجلها وبعدها محستش بنفسي غير وانا في المستشفي، وعبدالرحمن جمبي وهو بيبكي، ولمحت حد بيقفل الباب وبيمشي وملحقتش اعرف هو مين
عبدالرحمن: ماما
ميار بتعب: انا كويسه حبيبي، بس مين جابنا هنا؟
عبدالرحمن وهو يمسح دموعه: عمو ده ( بص ورا ملقهوش) كان هنا
ميار: عمو مين؟
عبدالرحمن: معرفش
ميار: طيب ايه اللي حصل، قولي
عبدالرحمن _ رجعت من المدرسه لقيت ستات خارجين من الشقه ولما دخلت لقيتك مليانه دمه وعمو جه شالك وجابنا هنا
ميار بحيره: يكون حد من الجيران
عبدالرحمن: لا
الممرضه تدخل: حمدالله على سلامتك
ميار: الله يسلمك... لو سمحتي مين جابني هنا
الممرضه _ واحد مقالش اسمه جابك ولسه ماشي حالا.. اه، ودفعلك الحساب وقالي اديلك دول يمكن تحتاجي حاجه
ادتني فلوس وانا بقيت بصالهم وانا مش فاهمه حاجه ولا عارفه هو مين، ومين الستات اللي ضربوني وضربوني ليه، وفجأه جه علي بالي الشخص اياه وكنت متاكده انه هو اللي بعتهم ، بس كانت دماغي تقيله وجسمي مكسر ومش قادره اقوم اروح اقتله، ف قولت استنا يكون خفيت
#بُراق
رجع بعد ساعات وهو مغير خلقاته ف فهمت انه مرحش اعتذر زي ما اتفقنا
بُراق ايه: ده... انت مروحتش اعتذرت
عمار: ولا هروح
بُراق: ياخي قدر، بقولك بتربي يتيم وعنديها حاجه تخص ابوك
عمار: قفل علي الموضوع يا بُراق، مرايحش يعني مرايحش، اقعد علي حيلك
بُراق: ماشي يا عمار، انا اللي هروح
سبته وروحت العنوان اللي خدناه من المدير ف لما وصلت ملقتهاش ف البيت،
#يحيي
رجعت من الصيد لقيتها ورا البيت جمب النباتات وشارده، ومع اني مش عاوزها تمشي بس قعدتها واستسلمها للوضع ده حيرني
يحيي __ لسة بردو ممشتيش؟
تنتبه له__ جيت ميته؟
يحيي __ لسه جاي
دره __ اها
يحيي __ ممكن اعرف ممشتيش ليه، لا وكمان منضفه تاني.. انتي عجبك الحال ده ولا ايه؟
دره بتنهيده __ شكلك ناسي ان ده بيتي، بس هريحك واقولك ان مفيش مكان تاني اروحله
يحيي __ ازاي مفيش مكان تانى، وانتي عايشه بقالك سنين بعيد عن البيت ده
دره __ خلاص مبقاليش مكان اهناك، و مبقتش قادره ابصلهم تاني
يحيي __ ليه؟
دره __ لأني كنت سبب في تعب صاحب فضل عليه، ويمكن يموت بسببي ( تحتشد الدموع في عينيها) بس انا اتوحشتهم قوي، وخاصه مؤيد، من امبارح بفكر اروحله بس خايفه يشوفني ويمسك فيه
يحيي __ مؤيد؟... ومين مؤيد ده؟.. حبيبك؟
تنظر إليه __ حبيبي إيه؟.. ده ولد اختي انا اللي مربياه
يحيي يتنفس براحه __ ايوه تمام.. انتي مش مخطوبه يعني
دره: له، بس كنت هتجوز ولد خالتي وانا ضيعته بغبائي.. ضيعته وجرحته كمان ( تدمع وتتابع) بس انا استسمحته كتير قوي علشان يغفرلي، و هو مقدرش يغفر.. وزاد علي زعله تعب ابوه بسببي
يحيي __ اه... هو نفسه اللي جه يدور عليكي
دره __ ايوه
يحيي __ طيب وقاعده ليه... ما تروحي
دره __ مقدراش، مش هقدر احط عيني في عينه تاني
يحيي __ مش احسن ما تفضلي زعلانه كده، روحي ويمكن يسامحك
دره __ هو مش ممكن يسامح
يحيي بنرفزه __ انا ليه شايفك مش مهتمه غير بيه هو... في غيره ترجعي عشانهم، في مؤيد، وصاحب الفضل اللي بتقولي عليه... ليه مش بتفكري غير فيه
دره __ لان هو اهم حد عندي
يحيي _ اه... طيب اعملي اللي تشوفيه
دره __ اروح؟
يحيي __ انتي حره
دره __ لما فتحت التلفون لقيت رسايل كتيره منه بيسأل عليه... المفروض اروح صوح
يحيي __ انتي عاوزه تروحي، وبتتكلمي معايا علشان اقولك روحي... ف روحي بتلفي وتدوري ليه
دره __ له مش اكده، انا بفضفض بس
يحيي __ احنا مش صحاب ولا من نفس العيله علشان نفضفض لبعض، انا وانتي هنا في خلاف علي مين يمشي، ف اعملي اللي عاوزاه
قولت كده ومشيت وهي جت ورايا
دره __ انت بتكلمني اكده ليه.. ومين قالك اننا في خلاف علي مين يمشي.. انا ببلاغ واحد اقدر احبسك بس انت اللي حابسني ومخلنيش امشي
يحيي __ لا مش حابسك، انتي بقالك يومين حره، تقدري تمشي، وتقدري تبلغي... وكنتي قادره تصوتي لما جه حبيبك ده
دره بغيظ __ تصدق انا غلطانه علشان مبلغتش عنك
يحيي __ روحي بلغي محدش ماسكك
دره بغيظ __ طيب إيه قولك هروح
يحيي __ ما تروحي مستنيه أيه
بصتلي بغيظ وبعدين مشيت
#دره
محبتش ابلغ واطلعه من البيت، وفكرت اني ارجع لبيت عمي ادريس واستحمل غضب عمار لغيت ما يصفالي تاني... ف طلعت من اهناك وخدت عربيه اجره وروحت للمستشفي و وقفت قدام الباب شويه وانا متردده ادخل ولا له ف استجمعت قوتي ودخلت، والكل اتفاجؤ بيه وعمار جه نحيتي ومسك دراعي بقوه وهو بيبصلي بغضب قدرت احس بلهيبه بيخرج من عينيه
عمار _ كنتي فين
بُراق يبعده عني_ ياخي اقعد في ايه
سماح _ اطلع برا دلوك يا عمار وسيبنا
عمار بغضب _ مش قبل ما تقولي كانت فين ومع مين... مع زميلك صح.
بُراق _ ما كفياك رط ايه اللي بتقوله ده، كفياك
دره بدموع _انا جايه اطمن علي عمي وهمشي يا ولد خالتي
عمار _ ملكيش اعمام اهنه انتي بعتينا كلنا
سماح _ اطلع بره بقول
عمار _ مش طالع قبل ما اعرف كانت فين ومع مين
بُراق _ ياخي ارحم نفسك وارحمنا شويه
عمار _ خليكم بعيد انتو...
وقف قدامي وبصلي بغيظ
عمار _ كنننتي فين
دره _ زي ما قولت في الاول كنت مع زميل، ارتحت اكده
قولت اكده وفجأه ضربني بالقلم بكل قوته وانا حسيت الدنيا بتلف بيه
بُراق _ يخربيتك.. يخربيتك... بتضربها ليه
عمار بغضب_ لانها مبتكدبش، وتلاقيها كانت عند زميل صح.. البت دى ترجع البيت ومتطلعش من الاوضه وإلا والله لا ادبحها
سماح بغضب_ محدش مالي عينك ياك، محدش همك.. ولا مفكر علشان ابوك راقد محدش هيوقفلك
عمار _ اماه البت دي انا المسؤل عنها، اضربها، اموتها... وعشان محدش يتدخل انا هكتب عليها الليله وهتكون مرتي اعمل فيها اللي انا عاوزه
قال اكده وخالتي ضربته علي وشه بالقلم وبعدين انا محستش بنفسي تاني، غير وانا علي سرير وهو جمبي بيبصلي وساكت ف قومت عشان امشي
دره بصوت مهزوز _ انا همشي
عمار _ اقعدي
دره تبكي_ له انا هرجع من مطرح ما جيت
وقف قبالي وقعدني _ وفين المطرح ده؟ مع مين؟ راجل ولا مره؟، ف البلد ولا في بلد تانيه؟
دره _ مليكش دعوه، انا ماشيه ( جيت اقوم وقعدني تاني)
عمار بحده _ مش هتمشي، انا قولت هتجوزك، وهتكوني مرتي، وبعد اكده اعيد تربيتك من اول وجديد... والأهم ( بصلي بنظرات غضب وهو بيصك علي اسنانه قبل ما يكمل) اني اعرف اذا كنتي سليمه ولا بيعتي شرفك زي ما بعتينا
دره بذهول: ايه اللي انت بتقوله ده... عمار انت بتهزر صح
عمار _ مش بهزر،.. احنا هنكتب الكتاب ونروحو البيت ونشوف سلمتي نفسك لحد ولا له.... ولااا انتي مبقتيش تحبيني
دره بغضب _ كنت.. بس من الدقيقة دي انا بكرهك وعندي اموت ولا اني اتجوزك
عمار _ مش باخد رايك، انا بعرفك... وغلاوة اختك عندي لا هربيكي من اول وجديد يا دره
دره ببكاء_ انت بتعمل امعاي اكده ليه، انا دره يا عمار...بت خالتك
عمار _ مشكلتك بتنسي، وخليكي لغيت ما تفتكري لوحدك،.. وقوليلي دلوك،.. كنتي مع كريم صح؟
دره بدموع _ له
عمار _ امال كنتي مع مين
دره _.....
عمار يصرخ بها _ بقولك كنت مع مين
دره تفزع ف تجيب وهي ترتجف _ كنت عند واحده صحبتي
عمار _ صحبتك مين؟
دره_ تهاني
عمار _ كنتي فين يا دره بقووول.. اتكلمي احسنلك
دره تبكي _ قولت كنت عند تهاني
يمسك شعرها من اسفل الطرحه_ بقول كنتي فين يا دره
دره ببكاء _ مش هقولك، واه كنت مع واحد ارتحت اكده
قولت اكده وفجأه لقيت قلم نازل علي وشي ومسحتش بنفسي تاني
#عمار
سيبتها وروحت اوضة ابوي»
سماح _ ارتحت دلوك
عمار: روح هات المأذون وتعاله
بُراق _ انت مالك؟، ايه اللي شقلب حالك اكده؟... بقيت ظالم ليه؟
عمار _ لو مش عاوزينها تموت،.. دلوك تروح تجيب المأذون واتنين يشهدو ، والا اقسم بالله لا اقتلها
سماح _ يا خسارة تربيتي فيك يا ولد بطني
عمار _ يلا يا بُراق مستني ايه ما تخلص
بُراق _ المأذون مش هيرضا يكتب من غير موافقتها
عمار _ انا هعرف اخليها توافق، روح انت بس
بُراق _ قولتي ايه يامه
سماح تبكي _ وانا ليه كلمه عاد ما خلاص اخوك شاف نفسه واتفرعن
عمار _ انا بستر علي فضيحتها، ده بدل ما تشكروني
بُراق _ البت مغلطتش انت اللي شيطانك راكبك
عمار _ اربع ايام بره البيت ومكنتش قاعده عند ولا واحده من
صحابها اللي نعرفهم، وتقولي مغلطتش
بُراق _ ما تقول انك عاوز تزلها احسن انت عارف انها مغلطتش، بس انت جه علي مزاجك الموضوع
عمار_ فكر زي مانت عاوز ، بس هتجوزها غصب عنها وعنكم
بُراق عنده حق انا عاوز اتجوزها علشان ازلها، واخلص منها اللي
عملته ومش هيرضيني غير اكده... مفيش حاجه
هتخليني ارتاح غير وانا متملكها بالكامل..
وده اللي كنت بفكر فيه وناويه قبل ما ارجعلها الاوضه والاقيها.....