رواية ورد وشوك الفصل الخامس5بقلم نجمه براقه
هاله بإبتسامة: ايوه يا سحر
سحر: هاله انتي عارفه العريس اللي متقدملك ده يكون مين
تبهت ابتسامتها: اسمه كرم.... بس ليه
سحر: كرم مين؟
هاله: معرفش مقاليش
سحر: طيب نادر من امبارح يبحث عن بيدج اسمه كرم الرسام ملقاش، مفيش بيدج بالاسم ده
هاله: يعني ايه
سحر: يعني الراجل ده بيكدب عليكي، ولو مكنتيش عارفه ف هو نفسه الراجل اللي عاوز يشتري المحل واسمه "كرم عمار المهدي صاحب شركه المهدي للأنشأت"
كأن رمح اصاب قلبها قسمه لنصفين، بل اصاب روحها ف أبت دموعها ان تفارق عينيها، و تجمد جسدها فلم يأتي منها اي رد، بل اخفضت يدها دون غلق الخط وظلت جالسه تنظر للاشئ،.. ويمر الوقت وهي علي هذه الحاله حتي وصل نادر
نادر: انا موافق يا هاله.. وجاي علشان تتنازليلي عن المحل ( قالها فلم يأتيه منها رد ف يعيد كلماته) هاله بقولك انا موافق... يلا بينا....( يتابع) هاله متستعبطيش وردي عليه... بقولك جاي عشان تتنازليلي عن المحل ( نظرت اليه فأخرجت حروفها رغمآ عنها وقالت لا، ف ينهض من مجلسه)
نادر: زي ما توقعت... كنتي بتكدبي...( يتابع بخزلان) انتي طمعتي في المحل لنفسك.. وبعتينا انا واختك... بس انا مش هسيب حقي يا هاله،.. ومش هتتهني بيه طول ما انا عايش
( قالها وذهب وهي ظلت علي هذا الحال، حتي سمعت صوت صافرة سيارة بالشارع ف نهضت وخرجت من المحل لتجد كرم يفتح باب المرسم، ف تذهب إليه في خطوات ثابته و وجهه منطفي تمام، وعندما يراها يقف وينظر إليها، ف يشعر بالقلق حيال تعابير وجهها ويشعر بأنها قد عرفت شيء )
كرم: هاله؟!... مالك؟!
تدخل امامه ف يتبعها : هاله انتي كويسه؟... في ايه قلقتيني؟ حد ضايقك في اخواتك طيب؟
هاله بصوت متحشرج: بشوف في الافلام لما واحد غني يعوذ بيت او محل، بيخطف حد، او يتقل حتي،.. بس مش بيلعبو بمشاعر الناس،.. لكن انت اخترت تلعب بيه... كنت شايف ان ناقصني وجع عشان كده اخترت الطريقه دي ( تدمع) حرام عليك تعمل فيه كده، دا انا حتي مأذتكش في حاجه
كرم: انا كنت هقولك بس....( يتابع ) انا اسف يا هاله... بس انا طلبت ايدك علشان عاوزك مش علشان المحل ولا غيره
هاله بدموع: ملوش لازم تقول حاجه... انا جايه اقولك اني مش موافقه علي طلب ايدي... واقولك انك مش هتطول المحل طول ما انا عايشه ( قالتها وهمت ان تذهب ف يمسك ذراعها)
كرم: هاله انا اسف، بس اسمعيني.. وحيات بنتي انا ما طلبت ايدك غير علشان عاوزك... وعاوز احميكي من اللي ممكن يحصلك بعدين
هاله تبكي: مش هقول غير ربنا ينتقم منك... نفسي قوي اقول يخلص من بنتك بس مش هقول
( تدفع يده وتذهب )
« منزل هاله»
ميسره: مش قولتلك
نادر: مش عايز اسمع صوتك دلوقتي
ميسره: بعد ايه ياخويا،.. غبي وضيعتنا... خليها تديله المحل وتعيش في العز اللي هو فيه واحنا خلينا كده
نادر بانفعال: بقولك مش عاوز اسمع صوتك، امشي من قدامي ولا روحي لجوزك
ميسره: جوزي ايه بقا، ما مشي... اقعدي يختي جمبه وهاتيلوه لمون يعصره علي خيبته ( قالتها وذهبت )
سحر: حبيبي هاله مش ممكن تخدعكم.. هي مكنتش تعرف انه هو
نادر بتحذير: لو سمعت كلمه واحده منك... مش هنكمل مع بعض، امشي وسيبيني دلوقتي
«بالشركة»
سامح: ايه يا باشا فيه ايه قلقتني
كرم: عِرفت كل حاجه
سامح: مين؟
كرم: هالة.. عرفت بعد ما طلبت ايدها.. وطبعآ اعتبرتني طلبت ايدها علشان المحل
سامح يجلس: اه... طيب حصل ايه؟
كرم بحزن: هيكون حصل ايه.. انتجرحت،..(يتابع بضيق) مش عارفه هوضحلها ازاي ... هبرر موقفي ازاي
سامح: مقولتلهاش ليه انك طلبت ايدها علشان عاوزها هي، مش عشان المحل
كرم: قولت، بس انا نفسي مصدقتش كلامي ( يتابع) اعمل ايه يا سامح؟.... قولي اعمل ايه؟... مش فاضل غير النهارده.. وبكره بابا اكيد هيعمل حاجه تأذيها.... وانا مش هقدر عليه
سامح بحيره: معرفش. مش عارف يا باشا
ينهض بتحدي: انا رايحلها
سامح: هتروح تعمل ايه
كرم: معرفش بس هروح ( قالها واتجه مباشرة للمحل ف لم يجدها هناك ف يجلس على احدي الطاولات في انتظارها)
كانت تحدث ياسر بالهاتف
ميسره: اخص عليك، بقا كده مش عايز تكلمني ولا ترد عليه
ياسر: فكك مني يا ميسره، انا مش مكمل في ام الجوازه دي... ومش انا اللي يتعمل فيه كده
ميسره: يوووه بقا يا ياسر... متزعلش وخلينا نفكر هنرجع حقي ازاي
ياسر: لا يا ختي هزعل وغوري رجعي حقك لوحدك ( قالها واغلق الخط)
ميسره: ماااشي يا ياسر
***
« بالمحل»
كرم: محمد تعاله
محمد: نعم
كرم: فين هاله
محمد: من شويه دخلت الحمام
كرم يأوم ايجابآ: طيب روح انت
محمد: طيب
( قالها وذهب، وكرم تسلل لداخل بدون ان ينتبه له احد وعندما وصل سمع صوت بكائها في الداخل ف طرق الباب لتفتح وتهم بالخروج ف تتوقف عندما تجده هو، وتريد ان تعود وتغلق الباب ليوقفها ويدخل معاه )
هاله : عيب اللي بيحصل ده
كرم: مش هسيبك غير لما تسمعيني
هاله : مش عاوزه اسمع حاجه ( تهم ان تذهب ليشدها لداخل ويغلق الباب)
هاله: انت كده هتبوظ سمعتي، من فضلك كفايه.. عديني
كرم: خليها تبوظ لاما تسمعيني وتريحيني
هاله : هااا.. قول وخلصني
كرم: عاوزه اقولك اني مكدبتش عليكي في كلمه من اللي قولتها
هاله : كداب.... انت ميهمكش غير مصلحتك وبس ( تدفعه ليمسك بها ويحاصرها )
هاله تنظر إليه والدموع تنهمر في عينيها: انت عاوز مني ايه تانى
كرم: عاوزك تعرفي اني مكنتش هغلب علشان اوصل للمحل،.. بس انا عاوزك انتي دلوقتي... انتي وبس
هاله: طيب ابعد بدال ما انادي محمد وتبقا فضيحه
يضع يده على وجهها: هاله اسمعيني... انتي خلاص عرفتي... انا ايه يجبرني اجيلك تانى لو مش عاوزك.... والله عاوزك وما كدبت عليكي في كلمه
(تنظر إليه وهي تبكي ف يحاول ان يضمها لتدفعه بعيدآ عنها وتفتح الباب وتخرج ليضرب الحائط بيده)
كرم: مش فاضل غير النهارده ( يتابع بتحدي ) هروحلو واشوف هيقدر يعمل ايه وانا موجود
« ڤيلا عمار»
يدخل و ييقف امام اباه
عمار : ايه البصه دي؟
كرم: انسا موضوع محل الكشري
عمار: ليه ياحبيبي؟
كرم: انسا وخلاص... محدش هيقربله، وهيفضل كده وسط المشروع
عمار:و ايه السبب ؟
كرم: السبب ان البنت ابوها قبل ما يموت وصاها متفرطش فيه.. وهي مش عاوزه تزعل ابوها
عمار: مش عاوزه تزعل ابوها اللي مات؟
كرم: ايوه يا بابا ابوها اللي مات
عمار: بنت جدعه وبميت راجل.... يلا مش مهم بقا... خليه وسط المدينه وامرنا لله
كرم: وافقت بجد
عمار: طبعا يا حبيبي.. البنت دي كبرت في نظري من غير ما اشوفها، وتستاهل اننا نعدي علشانها اي حاجه
كرم بفرحه: حبيبي يا بابا متشكر اوي
عمار بإبتسامة: دا انت مهتم بيها بقا... عينك منها ولا ايه
كرم: اه، انا عاوز اتجوزها
عمار: هههههه ياااه اخيرآ... طيب ومستني ايه اجري حالا اشتري خاتم
كرم: لما توافق الاول
عمار: دلوقتي.. وتوقفها وسط الناس كلها وتقولها انا طالب ايدك ... يلا امشي
كرم : ماهي زعلانه ، استنا يكون صالحتها الاول
عمار : اسمع الكلام دي احسن طريقه تصالحها بيها
كرم : تفتكر ممكن تتصالح كده يعني
عمار : اه افتكر يلا امشي بقا لأما والله ارجع في كلامي
كرم بإبتسامة: طيب رايح
( قالها وذهب وعمار اجري اتصال)
عمار: اعمل اللي قولتلك عليه
الطرف الاخر: حاضر يا باشا
« بعد وقت»
كان يقف في محل الصاغه وينظر للخواتم ف يشعر ان اوان ذلك لم يأتي بعد، ف يعتذر ويغادر ومن ثم يتجه الي المرسم ويجلس هناك بانتظار ذهاب الزبائن وعندما بدء يقل التوافد الي المحل.. يذهب الي هناك ليجدها جالسه علي المكتب ف تنفعل عندما تراه
هاله: ايييه اللي جابك تاني، اطلع بره
(ينظر حوله ليجد الجلوس ينظرون إليه ف يشعر بالحرج)
كرم: جاي اخد كشري ( يهمس) هتخلصي شغل وتيجيني، لازم نتكلم
هاله : محمد... اديلوه طلبه
كرم بهمس: الناس بتبص علينا اهدي... و لما تخلصي لازم نتكلم، هستناكي عندي انا بقولك اهو
تتجاهل كلامه وتنادي محمد: في ايه يا محمد كل ده بتقدم الطلبات
محمد: انا ملقحتش يا ست هاله... اهو اتفضل
كرم: يارب ميكونش بارد( ينظر إليها) البارد بيكون معجن، وانا مبحبهوش
محمد: لسه مالي الطبق حالا
كرم: متشكر... هستناك يا محمد اوعا تتأخر عليه
محمد: ايه
هاله: علي شغلك يا محمد، قدم لناس اللي جت دي
محمد: حاضر ياست هاله
كرم بخفوت: انا كلمت بابا وخلاص مش عاوزين المحل... مش عاوزين غيرك انتي
هاله: ولاخر يوم في عمري مش هعوذ اكون معاك انت بذات... امشي بدال ما صوتي يعلا تاني
كرم بتنهيده: وانا هفضل مستني لغيت ما تيجي... خلصي وتعالي
هاله: اتفضل
تنهد بضيق ثم استدار وذهب لتنظر إليه والدموع تنساب علي وجنتيها ف يقف عند الباب وينظر إليها للحظات ثم يذهب الي المرسم ويضع الطبق علي الطاولة وبعد وقت يفتحه ويقلب بسرعه ثم يضع التوابل الحاره ويبدء بتناوله ثم يرميه علي الارض بانفعال
كرم: يارب متجيش وانا اروح واجيبك متكتفه.
« بالمحل»
كانت جالسه علي المكتب وهي شارده، ليقطع شرودها صوت ثلاثه زبائن يلتون من شدة الالم وفجأه يسقطون علي الأرض واحد تلو الاخر، ف تنظر اليهم بصدمه ومن ثم تسرع اليهم هي والعمال، ف يخرج محمد وينادي احدا كي يحملوهم للمستشفي ف يجتمع الناس ويأخذوهم وهي تدور حول نفسها بخوف
محمد: اهدي يا ست هاله مفيش حاجه
هاله بتوتر شديد: مفيش حاجه ازاي؟ ، التلاته وقعو.... فين محمود.... الاكل مالو يا محمد، هنروح في داهيه لو حصلهم حاجه
( تتوقف عن الحديث ومن ثم تركض اللي المرسم وتطرق الباب بسرعه ولا يجيب ف تنظر يمينها لتجد سيارته موجود ف تفهم انه بداخل لتصرخ حتي اجتمع حولها الناس)
احدهم: مالك
هاله بصراخ: اكسرو الباب بسرعه... واحد تعبان جوه، بسرعه ونبي
(اخذ الشباب يضربون الباب حتي كُسر لتجده ملقي علي الارض ويحاول اخذ نفسه ف ليحملوه الشباب ويضعوه في سياره وهي تدخل معه ف ينطلقا)
هاله ببكاء: ونبي اوعا تغمض... كرم.. خليك مفتح(تحدث السائق) بسرعه هيموت... كرم رد عليه.. بصلي
( يفتح فمه ليأخذ نفسه ولا يستطيع حتي اصبح لون وجهه اسود، وهي تنظر إليه وتهلع، ف تصرخ بالسائق ليسرع حتي وصلو المستشفى وحملوه لداخل لتقف بخارج الغرفه وهي تبكي وتدعو ان لا يصبه مكروه وتظل هكذا حتي كادت ان تهلك من الخوف ف ترا الشرطه ومعهم محمد)
هاله: في ايه
محمد: مصيبة يا ست هاله في اتنين ماتو
الضابط: انتى صاحبة محل الكشري
هاله تقف مصدومه: اه
الضابط: هاتوها
اخذوها وهي في حالة صدمه، وقد عجز لسانها عن الكلام، حتي عندما وقفت امام الضابط للإستجاوب ظلت صامته ولم تجيب، ف ضعوها بالحبس لتميل برأسها علي الحائط وتستعرض لحظاتها القليلة مع كرم حتي غفت
«ڤيلا عمار المهدي»
عمار: اتنين ماتوا؟... يلا.. كويسين
المتصل: والبنت واللى معاها في السجن دلوقتى
عمار: اها...طيب هاتلي اخوها هنا
المتصل: حاضر يا باشا
اغلق الخط ف اتصل ب كرم ولم يجيبه ف يغلق الخط ويتصل بسامح
سامح: عمار باشا اؤمرني
عمار: فين كرم
سامح: معرفش يا باشا بتصل بيه مبيردش
عمار: اتصرف هاتهولي من تحت طقاطيق الارض
سامح: امرك عمار باشا
« بعد وقت »
جاؤ ب نادر إليه وهو لا يفهم شيء
نادر: انتو جايبيني هنا ليه؟.. حد يفهمني
احدهم: اصبر
نادر: بيت مين ده؟
احدهم: ااااصبر
عمار يأتي من الأعلى: بتزعقلو ليه يا ولد
الرجل: مش صابر وعمال يسال كتير يا باشا
عمار: هو ده الصح، امال عاوزه يجي معاكم وهو مش فاهم وكمان ميسألش... يلا خد رجالتك وامشو
الرجل: امرك يا باشا ( قالها وذهب هو والباقيه)
عمار يربت علي كتف نادر: ازيك يا نادر
نادر: تمام.. مين حضرتك وعاوز مني إيه
عمار: عاوز مصلحتكم ياحبيبي... اتفضل اقعد
نادر: انا كويس كده.. فهمني في ايه
عمار: طيب ياحبيبي... و قلبي عندكم في اللي حصل، زعلت جداً.. ناس معندهاش ضمير والله
نادر بعدم فهم: مش فاهم.. مفيش حاجه حصلت
عمار: انت معرفتش لسه.. لا لا.. لا حول ولاقوة الابالله... شوف يابني انا مش عاوزك تقلق انا هخليها تخرج
نادر: مين دي اللي تخرج وتخرج منين
عمار: اختك الكبيره ، في السجن دلوقتى علشان في ناس ماتت من الكشري بتاعها
نادر بصدمه: انت بتقول ايه، وامتي ده
عمار: اهدا قولتلك انا هخرجها
نادر: يا استاذ ازاي يعني.. مستحيل يحصل كده
عمار: يابني وانا هكدب عليك ليه... روح القسم وشوف بنفسك
( يتركه ويذهب ليوقفه صوته)
عمار: انتو مش هتطولو المحل تانى طول ماهي في السجن، بس لو خليتها توافق تبيع.. انا هخرجها وهديكم الفلوس اللي اتفقنا عليها
نادر يلتفت اليه: انت عمار المهدي؟
عمار: اها
نادر يتقدم نحوه: وازاي عرفت اللي حصل، دا انا اخوها ومحدش قالي لسه... اااه صحيح نسيت ان ابنك بيحوم حوليها
عمار: مش وقت الكلام ده، يلا الحقها وبلغها عرضي
(تركه وذهب الي المحل مباشرة ف وجده مغلق وعندما يسأل الماره يخبروه بما حدث، ف يتجه الي مركز الشرطه فوراً، وهناك يسأل ويخبروه بالامر، ف يطلب مقابلتها، وبعد وقت تخرج إليه وهي منطفئه تماماً)
نادر: ازاي ده حصل... هاله كلميني بسالك ازاي ده حصل
هاله: كرم مات
نادر بانفعال : ما يموت ولا يغور في داهيه.. السم وصل للاكل ازاي
هاله: كرم مات
نادر: يوووه خليه يموت.... و ردي عليه السم وصل ازاي
( ظل يسأل ولم تجيبه ف يأتي العسكري ويعيدها للحجز)
يتحدث بالهاتف
سامح ينهض: انت متأكد
المتصل: ايوه وهو دلوقتي في المستشفى
سامح: مستشفى ايه اتكلم علي طول
ذهب فورآ الي المشفى وفي طريقه اتصل ب عمار لإخباره بالأمر، واكمل طريقه، وفور وصوله يسأل عن كرم ف يخبروه عن الغرفه ليسرع اليه ف يجده نائم ومعلق له محاليل
سامح: باشا... باشا انت سامعني
يفتح عينيه بصعوبه: سامح؟.... هاله فين؟
سامح بأسف: ارتاح انت دلوقتي
كرم: رد عليه هاله فين؟.. في السجن صح؟
سامح :
عمار يأتي: كرم حبيبي
كرم بتعب: انت اللي عملتها؟
عمار: طمني عليك دلوقتي... الدكتور قال ايه
كرم يحاول النهوض ف يسقط مره اخره: عملت معاها إيه
عمار: معملتش حاجة خليك في نفس دلوقتي
كرم بتعب: اتكلم انت يا سامح، حد يرد عليه
سامح: هي كويسه ارتاح انت بس
«يتطلع لوالده بصمت وهو يفكر ماذا قد يكون فعل بها»
« منزل هاله»
سحر: يانهااار اسود... هاله في السجن
نادر: ايوه والتهمه مش سهله.. مش عارف ممكن تخرج منها ازاى
سحر: اكيد حد عمل كده... مفيش غيره الراجل اللي بيضحك عليها هو اللى يعملها
نادر : هو دلوقتي في المستشفي... بس انا شاكك في ابوه
سحر : ليه
نادر: بيقولي لو خليتها توافق تبيع هيخرجها ويدينا الفلوس
سحر : يبقا هو مفيش غيره.. انت لازم تبلغ عنه وتوديها في داهيه
نادر: وانا قده يا سحر
ميسره تأتي: طيب ومستني إيه علشان تروح تكلمها وتخليها توافق
نادر : مش هتبطلي العاده دي يابت انتي
ميسره: انت اللي كان صوتك عالي... قومي ياحبيبتي خليني اقعد جمب اخويا قومي
نادر: مش هتقوم اترزعي هنا
ميسره: طيب ياخويا.... اسمعني بقا... دي فرصتنا ولو ضيعتها عمرها ما هترجع تاني
سحر: يعني ده كل اللي همك ومش همك اختك اللي في السجن
ميسره: سكت مراتك يا نادر
سحر: لا يسكتني ولا اسكتو داخله اوضتي( قالتها وذهبت)
نادر: انتي طالعه وحشه كده لمين، يابنتي ارحمي نفسك شويه
ميسره برفعه حاجب: خلينا في مصلحتنا دلوقتي وانسا لسان سحر اللي بتتكلم بيه... ركز معايا
نادر: طيب اتلمي لا اطحنك
ميسره: اسفه وادي راسك ابوسها... بس ورحمة ابوك ياشيخ تسمع كلام الراجل... هي دلوقتي غصب عنها لازم تبيع وبكده مش هنخسرها وهنفضل اخوات وحبايب... ها يا نادر.. الله يهديك اعمل اللي بقولك عليه
نادر بتنهيده: مقدميش حل تاني، انا معنديش حق المحامي أصلا
ميسره: شوفت بقا... قوم روحلها واقنعها
نادر: طيب
ميسره: برافو حبيبي يلا وكلمني قولي عملت إيه
نادر: طيب
ذهب لغرفته ليجد سحر تنظر له بصمت
نادر: مالك بتبصيلي كده ليه
سحر: هي دي مش اختكم اللي ربتكم... انتو ليه بتتصرفو معاها كده
نادر: واحنا عملنا ايه دلوقتى.. ما الكلام كله قدامك اهو
سحر: مبتفكروش غير في الفلوس ومش هممكم حد.. انا اقدر أئتمنك علي نفسي ازاي وانت مش أمين علي اختك اللي ربتك
نادر: وانتي شوفتيني ازيتها في ايه بقا... كل ده عشان طلبت حقي... وانا دلوقتي بعمل كده ليه مش علشان تطلع من السجن
سحر: انت بتعمل كده عشان الفلوس، مش عشانها
نادر: لا يا سحر انا اه عاوز الفلوس وشايف ان دي فرصه، بس عمري ما كنت هسيبها في الحاله دي... انا مش وحش اوى كده
سحر: طيب روح شوف يمكن ربنا يفك سجنها
نادر: رايح.. واعدلي وشك ده.. انا بعمل كده عشاني وعشانك، مش هاخد الفلوس لوحدي
سحر: مش عاوزه فلوس، ولا تهمني أبداً
نادر: احنا كده مش هنخلص.. انا هروح اشوف هاله وبعدين نشوف ايه حكايتك
مر بالسجن ولم يوافق الضابط علي المقابله ف لم يعرف ماذا يفعل ف عاد الى عمار وقال له ما حدث
عمار: انا هكلم المحامي واخليه يجيلك الصبح، ويروح معاك وهو هيخليك تقابلها
نادر: طيب، بس انا عاوز اعرف مين اللي عمل كده؟
عمار: مش فاهم؟
نادر: مين حط السم في الاكل؟
عمار: وانا ايه عرفني، انا مبروحش هناك
نادر: امال انت عرفت منين؟... وهطلعها ازاي؟
عمار: ملكش دعوه... اللى يهمك اختك تخرج وتاخدو الفلوس وخلاص
نادر: وابنك اللي اتسمم ده حقه عند مين
عمار: في ايه يا نادر انت عاوز تجيب لنفسك الصداع، وتحصل اختك ولا ايه
نادر: لأ... بس انا بردو اضمن منين انها لو وافقت وباعتلك انت هتدينا حاجه
عمار: اللى يضمنلك انها طول ماهي مُتهمه بالتهمه دي الحكومه هتتحفظ علي المحل، لكن لما تخرج تقدر تبيع عادي
نادر: طيب وانت ايه ضمنك انها تنفذ كلامها بعد ما تخرج
عمار يبتسم: مفيش حد يقدر يلعب مع عمار المهدي، وزي ما خرجتها اقدر اسجنها تاني و اوديها و اوديكم ورا الشمس انتو كلكم، وبردو اخد المحل
نادر: اها
( قالها وذهب وفي الصباح ذهب إليها)
نادر: ازيك يا هاله
هاله: كرم حصله ايه؟.... مات؟
نادر: معرفش، بس مفتكرش
هاله بدموع: ليه متفتكرش
نادر: لأني بالليل قابلت ابوه ومكنش باين عليه حاجه
هاله : ابوه؟
نادر: ايوه... هاله انا حاسس ان الراجل ده هو اللي حط السم، دا رجل مش سهل
تتذكر حديث كرم ف تسيل دموعها اكثر: هو فعلاً
نادر: انتي كنتي عارفه انه هيعمل كده
هاله بدموع: لا
نادر؛ طيب انتي عارفه قالي ايه
هاله: إيه
نادر: قالي يقدر يخرجك من السجن
هاله: والمقابل
نادر: تبيعيلوه المحل... وهيديكي الفلوس اللي قال عليها
هاله بدموع: عاوزه اشوف كرم
نادر: كرم ايه دلوقتي ودا وقته
هاله: مش هرد غير لما اشوفه
نادر: يعني لو شوفتيه ممكن توافقي
هاله: لما اشوفه هرد
نادر: طيب انا هشوف وارد عليكي
هاله: متجيش من غيره
نادر: طيب، هحاول
عادة للحجز وهو عاد لعمار واخبره بشرطها
عمار: مالها بيه
نادر: مقالتش، بس قالت مش هترد غير لما تشوفه
عمار: اها... تمام بكره نشوف
نادر: واختي هتفضل في السجن لبكره
عمار: هي اللي اختارت نعملها إيه
نادر: ما انت تجبلها ابنك ونخلص
عمار: تؤ... يلا ارجع بيتكم
« بالمستشفى»
سامح: رايح فين يا باشا انت لسة تعبان
كرم: انا كويس.. وسع
سامح: يا باشا استنا كده غلط... طيب نسأل الدكتور
كرم: قولت وسع... واتصلي بالمحامي خليه يروح على القسم دلوقتى حالا
سامح: طيب انا هوصلك
كرم: ماشي
« بالقسم»
كرم: عاوز اشوفها من فضلك
الضابط: مش مسموح النهارده
كرم: يا فندم من فضلك دي مسأله مهمه، ومش هاخد اكتر من خمس دقايق
المحامي: لو سمحت يافندم خلينا نقابلها
الضابط يتنهد: خمس دقايق بس
كرم: ماشي
تأتي بعد وقت لتجده جالس ويظهر عليه التعب ف تنظر إليه والدموع تنهمر في عينيها
هاله بصوت متحشرج: انت عايش بجد
كرم: اه
هاله بدموع: كنت خايفه تموت زي اللي ماتو
كرم: مموتش.. انا اسف يا هاله كل اللى بيحصل دا بسببي،.. بس انا هصلح كل حاجه
هاله تبكي: تصلح ايه بقا...بعد ايه.. ذنبهم ايه الناس اللي ماتوا.... حرام والله حرام...( تتابع) قول لابوك موافقه على البيع، انا خلاص مش عاوزه المحل
كرم: لا مش هتبيعي وهتخرجي دلوقتى حالا
هاله: يعني ايه
كرم: يعني هتخرجي
( قالها وخرج لينادي الضابط ف يأتي ويجلس )
الضابط: تمام كدا؟
كرم: لا لسه.... انا جاي اقول مين اللي حط السم في الاكل لزباين
الضابط: مين؟
كرم: انا
هاله بصدمه: انت بتعمل ايه؟... لا يا حضرت الظابط مش هو والله... دا اتسمم معاهم
كرم: انا اتسممت عشان ايدي لمست السم وكلت بيها.... و انا بعترف... ان انا اللي حطيت السم
الضابط: وليه عملت كده؟
هاله ببكاء: مش هو... كرم وحيات بنتك اسكوت.... عشان خاطري بلاش
كرم: عملت كده علشان رفضتني، وكنت عاوز انتقم منها
الضابط ينظر اليهم للحظات قبل ان يتحدث: يعني مش بتحاول تشيل التهمه عنها
كرم: في حد يشيل تهمة محاولة قتل، عشان حد بردو
الضابط: اه ليه لأ
كرم: لا يافندم انا بقول الحقيقه، انا اللي حطيت السم عشان كنت متضايق منها
الضابط بتنهيده: اها... اكتب يابني
هاله: يكتب ايه... مش هو والله ماهو
يمسك بها وينظر لها: هاله خلاص انا
اعترفت... اهدي واقعدي دلوقتي
هاله ببكاء: حرام عليك بتعمل فيه كده ليه انت
كرم بخفوت: اسكوتي، انا حر...انا عاوز كده... المهم متزعليش منى
هاله ببكاء: مش زعلانه.. مش زعلانه والله، ... وحيات بنتك بلاش انت كده بتأذيني مش بتساعدني
كرم: انا عارف بعمل ايه... بابا مش هيسيبني اتحبس،.. بس انتي هتخسري المحل عشان تطلعي.. اهدي ولما يقولك امشي اسمعي الكلام
هاله بدموع: لو مطلعتش والله لا هاجي اسلم نفسي واقول انك بتكدب، انا بقولك اهو
كرم يبتسم: ماشي
هاله بدموع: خالي بالك من نفسك
كرم: متشغليش بالك
الضابط: احم... نبدء الاستجاوب ولا نجيب شجره واتنين لمون
كرم: نبدء يافندم
العسكري: والد الاستاذ طالب يدخل يا باشا
الضابط: خليه يدخل
يدخل بعد لحظات: كرم
كرم: اتفضل يافندم... انا بعترف اني انا اللي حطيت السم ( قالها وهو ينظر لوالده)
عمار: لا يافندم هو تعبان ومش عارف بيقول إيه
كرم: انا كويس وبكامل قواي العقليه، وعارف بقول ايه
عمار يقترب منه ويحدثه بخفوت: واللي بتعمله ده فيه عقل
كرم بنفس النبره: اه... وهاله هتخرج ومش هتبيع المحل
عمار يضم فمه بغضب: تمام.. اتحبس،.. وانا مش هخرجك
غير لو وافقت تبيع،.. وخلونا نشوف مين فيكم هيضحي اكتر ( قالها وهو ينظر لهاله)