CMP: AIE: رواية رغد الفصل الثاني2بقلم حنين ابراهيم الخليل
أخر الاخبار

رواية رغد الفصل الثاني2بقلم حنين ابراهيم الخليل


 رواية رغد الفصل الثاني2بقلم حنين ابراهيم الخليل


في منزل رغد بعد مغادرة أسيل 
رغد: ليه عملتي كده أحرجتينا خليتيها مشيت من غير حتى ما تشرب حاجة 
شيماء برفعة حاجب: هو إنتو بتحسو وبتحرجو زي الناس أمال هي لسا بتجي عندنا ليه هي مش حاسة إني مش طايقاها يباي عليها دي جبلة 
رغد والدموع بدأت تترقرق في عينيها رغم انها تعرف بأن والدتها لن تتأثر بيها ولا بكلامها ك العادة: إنتي متضايقة إن هي الوحيدة الي فضلتلي من صحباتي بعد ما خليتي كل صحباتي بعدو عني من إسلوبك معاهم لما كانو ييجو يزروني 
شيماء بغضب ك المعتاد عندما تناقشها رغد أو تعبر عن رأيها: صحباتك قصدك بصاحباتك البت الصايعه الي إسمها تسنيم
رغد وصوتها بدأ يختنق: صايعة عشان كانت بتجي تترجاكي تخليني أكمل تعليمي 
شيماء وهي بتعوج فمها: قال تعليم قال تقدري تقوليلي هتعملي إيه بالعلام لما تتجوزي لا هيفيدك وأنتي بتقوري الكوسة ولا وإنتي بتغسيلي المواعين ولا وأنتي بتكوي هدوم جوزك أسمعي ثم هدأت قليلا بعد أن رأت دموع رغد وبكاؤها الذي بدأ يزداد إسمعي مني يا بنتي محدش هيخاف على مصلحتك قدي صحبتك دي كانت غيرانة منك عشان إنتي كنتي مخطوبة وهي لا كانت عايزاكي تفضلي بايرة زيها 

رغد وقد إتسعت حدقتيها: غيرانة وبايرة؟ يا ماما دي كان عندها أقل من 17 سنة وبعدين هي جات بعد لما محصلش نصيب و الي بتقولي خطيبي غار في داهيه وإترجيناكي أنا وهي إنك تخلي بابا يرجعني للمدرسة 
شيماء بقلة صبر: بصراحه كده أنا قولت إن مفيش داعي نرجع نصرف على درستك وكتبك ومواصلاتك تاني وأن الي يفضل من مرتب أبوكي يا دوب نحوش منو لجهازك وياريت يكفي
رغد تعبت من الكلام مع أمها: أنا هروح أطفي على الفرن وأحضر السفرة شوية وياسين وبابا يوصلو دخلت رغد الى المطبخ شوية ورن جرس المنزل وفتحت شيماء دخل ياسين وأبوه من بعده 
ياسين ببرود: السلام عليكم 
شيماء: وعليكم السلام ورحمة الله وبركاته 
عبد الرحمن (والد رغد) السلام عليكم ورحمة الله 
ردت شيماء ورغد بعد أن خرجت من المطبخ: وعليكم السلام ورحمة الله وبركاته ياسين أبتسم لما شاف رغد وجري عليها حضنها وباس خدها ورغد تلقائي إبتسمت وحضنت أخوها وبدأت تسأله ماذا فعل في المدرسة وهي تنزع الحقيبة من على ضهره وهو يجيبها وبحماس
رغد: يلا روح إتوضى وصلي لحد ما أجهزلك الغدا
شيماء: سيبي الواد بتغدا الأول زمانه جعان وبعدين يبقى يصلي كانت رغد ستجيب ولكن ياسين سبقها: لا أنا هصلي الأول إنتي عارفة إن بعد الغدا ببقى عايز أنام وأنا مش عايز أكسل عن الصلاة في وقتها
شيماء: طيب براحتك 
دخل ياسين وأبوه إتوضو وصلو و رغد حضرت السفرة وقعدو يتغدو 

في منزل أسيل 
فتحت أسيل الباب بالمفتاح وألقت السلام بمرحها المعتاد: السلام يا أهل الدااار والدها بإبتسامة بشوشة وعليكم السلام ورحمة الله وبركاته 
والدتها بعد أن خرجت من المطبخ وهي تحمل ملعقة في يدها: وعليكم السلام يا أنسة سولي يلا روحي غيري هدومك وإغسلي لغاية ما احضر السفرة 
أسيل: أنا هصلي الأول وأرجع أتغدا
والدة أسيل: تمام تقبل الله منك 
أسيل: منا ومنك يا حبيبتي 
وذهبت أسيل لتأدي فرضها ثم جلست مع والديها وبدأو في تناول الغداء 
هديل (أم أسيل): رحتي ل رغد النهار ده؟ 
أسيل: أيوة يا ماما بتسلم عليكي هي أمها 
هديل: أمها؟  هي كلمتك ولا ضايقتك في حاجة؟ 
أسيل: إنتي عارفة إنها مش بتضايق حد غير رغد لو شوفتيها النهار ده كانت عاملة إزاي بلبسها البيتي الواسع وهو مبلول من تنضيف البيت وشعرها الي ربطتو بشال ولا كأنها أرملة بتجري على أربع عيال وأمها صحيت من النوم بتسألها عن الغدا جهز ولا قاعدة ترغي رغم أنها كانت منضفة البيت ومجهزة الغدا وبرضو أمها مش عاجبها 
أم أسيل محاولة تغيير الموضوع: مخلصة شغل البيت ومحضرة الغدا بنت شاطرة والله 
نضرت لها أسيل بطرف عينها: قصدك إن أنا مش شاطره ولا إيه
هديل: لا طبعا يا حبيبتي أنتي ست البنات دا إنتي ركزي دلوقتي في دراستك وشغل البيت والطبيخ مش هيهربو 
والد أسيل: دا كفاية أكلاتك وتكاتك الي بتعمليها كل ويك أند 
أسيل بعد أن قامت وأحتضنتهم: ربنا يدمكم نعمة في حياتي يا أحلى أب وأم في الدنيا 
عند رغد 
جالسون حول مائدة رغد تحاول إيجاد طريقة لبدأ الكلام 
رغد: أحم بابا ممكن أطلب منك طلب 
عبد الرحمن: إتفضلي يا بنتي 
رغد: أنا عايزة أروح كل يوم بعد الضهر للمسجد الي جنبنا عشان أحفظ قرأن 
شيماء.......
تعليقات



حجم الخط
+
16
-
تباعد السطور
+
2
-