رواية حكاية الطفلة اثيل
الفصل التاسع عشر19
بقلم شهد عبد الله
اول م وصلنا شفنا عربية وائل جم الباب سند طوالي انفعل وعبودي قلبت خلقتو وقفت العربية في بداية الشارع واتلفت عليهم اسمعوني كويس انتو قلتو اولاد كبار اوعكم تقللو من احترام ابوكم او تسالو انا م محوجاكم زول والمطلوب منكم تحترمهو سند قال لي لا ابوي ولا شي
=سند دا انت الواعي😒 اوعك ي ماما تسال ولا تتكلم معاهو فاهم
-ان شاء الله
= حبايبي م تزعلو نفسكم ماضي وانتهي وانتو بدايتي وحياتي الحلوه❤️وم برضى زعلكم ابدا❤️
-م عشانك ي غاليه نحن ساكتين 🙂❤️
عبودي قال لي خلاص خلصتو المشهد😂😂لينا ساعه واقفين هنا🙂 دخلنا لقيت ايمان في وشي سلمت علي بشوق ❤️ سلمنا عليهم كلهم مشينا انا واولادي نسلم علي عمو حامد دخلنا لقينا معاهو وائل عمو حامد قام سلم علي قال لي كيفك ي بت الغالين❤️ سند قال لي قصدك عبد الرحيم واريج؟ عمو حامد بعاين لي بخلعه 😳😳 قلت لي مصيرهم يعرفو وهم م صغار🙂 سلمو عليهو وعاينو لي ابوهم نظرات حتي انا م قدرت افسرها خلعوني شديد لم م سلمو عليهو جيت طالعه وائل مسكني من يدي شديد قالي عملتي شنو انتي😡😡😡😡 اولادي لي م سلمو علي سند جاء فك يدو وختاني وراء ❤️ قال لي م عملت شي جابت رجال يقفو معاها علي قولك😂 يلا حبيبي مشينا وائل عيونو في حتتشرط من الخلعه لمن طلعنا قلت لي لي عملت كدا ي ماما
= انتي كوم والدنيا كوم وائل يهبشني م بسالو لكن انت خط احمر والبتعداك ميت والله وماف زول يقلل احترامك وانا عايش زي م انت في عيوني العالم كلو يختك في عيونو ❤️ خالتو انتصار قالت لي ولدتي والله❤️بستو في راسو ودخلت المطبخ لقيت ياسمين واقفه عاوزه اطلع عبودي دخلني❤️ قال لي ايمان ايمو الطقه شنو 😂😂❤️جعنا امدرمان بعيده
=انت ياتو يوم شبعت؟😒
-صحي الكلام دا ي اثيل🌚
قلت ليهابري ولدي م اكال ي ايمان😂😂❤️ بقينا نخت في الفطور وعبودي يشاغل فيني شي غزل ومره اغاني وكملني بوس😂😂❤️ شال من الاكل ضربتو في يدو قال لي ي امي ي قلبي🤤❤️
=بطل حنك واطلع بره😂
-افوتك وين انا م بسيبك🌚
=عبودي انقلع بادبك ي ولد😂😂😂
-انت مالك قاسيه كدا🌚
=نفس كلام ابوك😂😂طوالي صره وشو وطلع ايمان قالت اجي دا مالو😳 قلت ليها بحكي ليك بعدين😂🙂ختينا الفطور وطلعنا اكلنا وبكري جاب الدلوكه نغني😂😂😂ايمان قالت لي الولد دا م شديد
=نفس حركات محمد😂😂😂🌚❤️
-اي والله😂😂قالو خالتو انتصار تدق ليهم 😂😂❤️وبدينا نغني حنانه النسا اهلو م نسانا😂😂😂وايمان تزغرد غنينا للعصر استغفرنا قلت لي ايمان ارح بيتو معاي ارجعو السبت
=اشوف محمد واكلمك
-محمد م عندو مشكله😂🌚
=خلاص سمح
المغرب مشينا مع ايمان بيتهم شالو غيارتهم وطلعنا 😂ميمو فرحانه بي لدن 😂 ويتوسوسن ويضحاكو براهم قلت ليهم الليله باليل😂🌚
عبودي قال لي نمشي شارع النيل😂❤️
=انا وانت سوا🤤
-يلا شارع النيل ي ماما🤤
=اصلن واداكم😂😂
مشينا قلبنا شارع النيل اغاني وجوطه🤤😂رجعنا 12 قالو م عاوزين ينومو الليله فوضه ي ماما🌚
سند قال لي يوم واحد في السنه😢
=طيب طيب😂😂
دخلت عملت ليهم فشار وعصير ضربت لرغد قالت جايه قلت لسند امشي افتح باب النص
-لي😳
=لي شنو رغد واثيل جاين😂
-اسي؟😳
=امشي ي ولد😂😂
جو وبكت مع ايمان💔الاولاد دخلو غرفتهم قال بحضرو فلم والبنات بعملو في كيك وانا ورغد وايمان بنتونس بعد البنات خلصو طلعنا السطوح اتونسنا نزلنا الساعه 8 صباحا 😂 قلت ليهم يلا النوم بعد دا بكري قال لي مقادرين نتكلم زاتو😂😂😂😂 مشينا نمنا كلنا صحينا قريب للمغرب عملت ليهم الغداء وقعدنا نتونس ميمو جات تبكي ي بت مالك😳
=بيكو نبذني 😭😭
-قال ليك شنو😂😂
=نبز كعب ماما
-بكري تعال قلت لي ميمو شنو😂😂😳
=قلت ليها بت اللذينه امنو قعدت تبكي حيرتني😂😂😂😂
-😂😂دا م نبذ ي ماما قصدو اهلك مؤمنين بمحمد فهمتي 😂
=هو قالها صاري وشو😭
-تاني م تصر وشك ي بكري😂😂😂❤️
ايمان قالت لي جنس دلع هو
=اسكتي ساي معذبانا عذاب 😂😂
عبودي قال ليها اكعب من حليمه😂😂😂
-ماما شوفي عبودي😭
=عبودي عليك الله م تفتحها فينا 😂😭 انابخت الاكل والاولاد في الهول
عبودي بقي يغني سمره رايقه علي لون قمح😂😭😂😭 وبكري بدق ولدن وميمو يرقصو 😂 عرفت الموضوع فيهو انه قلت لي عبودي انت حابي ليك سمراء ولا شنو😂😭
=بري حقتي حلبيه😂🌚
-كمان لا خجل لا حياء عرفني عليها😂😂
=تشوفها يوم العقد بس😌 وناس السمار براهم ولا م كده ي بكري 🌚بكري قال لي النصيحه😂😂😂 اثيل جات قالت لي ي خالتو ماما رسلت ليك صينه البطاطس عبودي قال ليها اسي كنا بنغني ليك😂😂 اجي ي دا😳 قلت لي عبودي 😳 هو زاتو اتخلع من نفسو😂😂😂البت اتخلعت ختت الصينه وفاتت 😂😂😂 سند قال لي بطل تخلف😒
=اقسم بالله م قاصد 😳
قلت لي بالغت ي عبودي ايمان قالت لي خلي عبودي بكري البسكتو لينا شنو 😂😂😂عاينت لي كان بنطط وبضحك كاتم صوت 😂😂😂 عبودي قال لينا دا مالو شغال هزاز 😂
=بري 😂😂
ضحكنا ضحك ختيت الغداء وضربت لرغد جات واثيل م جات معاها قلت ليها ماله
=بري م عارفه حيرتني
-دا المتخلف عبودي خجلها 😂
=مالو معاها حكيت ليها ضحكت ضحك قالت لي ي عبودي انت عارفه خجوله تاني شهر م بتجي بيتكم 😂😂سند قال ليها دا احلي شي فيها 🤤 عبودي قال لي ي زول شد حيلك 😂😂🌚اجي ي اولادي انتو جنيتو ولا شنو 😳قوم ي عبودي اعتذر ليها وجيبها سند قال خليها بناديها انا 😂اول م جات عبودي اعتذر😒
=استاذه اثيل اسف ياخ قالو انتي خجاله لكن اخجلي لم يكون الكلام فيك صاح م تصدقي بسرعه وتتفصلي زي الترزي😂🌚
-عبودي 😒😂
=اسف اسف 😂
قالت لي غياظ وقعدنا ناكل اتونسنا قالو في افتتاح منتجع في الحلفايه عاوزين يمشو ❤️قلت ليهم طوالي قومو البسو وانا بلبس خليت شباك الغرفه وهو فاتح في الحديقه الوراء سامعه زول بنقنق مشيت طوالي لقيت عبودي ختفت منو التلفون كانت بت😂😂😂😳قلت ليها الووو
-😳😳
=الوو🌚
-اهلين
=منو انتي 🌚
-انتي منو😒
=حبيبتو😒😒وهو بقول لي لا ي ماما🙆🏻♂️
-😳😳😳😳ااا
=امممم تاني م تضربي لي 😒 قفلت الصوت م غريب علي😒 قال لي طيرتي المزه ي ماما😭🙆🏻♂️
=الله يطير راسك كمان بقيت بتاع مزز😳😂😂
-ي ماما يوووخ😭
=دي الحلبيه بتاعتك😂الصوت م غريب على خالص دي منو🌚
-م عارف😢
=غايتو الله يهديك جاي شقي اصلن م زي سندي
الولد فكا ضحكه لم خلعني قال لي سندي لكن😂😂🤤سندك م مسكين وبرئ وانا جاي شيطان زيك🤤
=قصدك شنو😳ي قليل الادب 😂
-شنو ي اثيل براحه علينا نهظر نحن😂😂
فنيتو بالجزمه جات في جبهتو😂
-م لقيتي الا الجبه خربتي خلقتي😭😒
=تستاهل 😂😂😂
لبسنا وطلعنا الشارع كلو احمر لي 😂😂وزعلان عاوز يموت😂😂رجعنا متاخرين وهو صاري وشو😂😂😂بكري قال لي بالغتي معانا ي اثيل😂
=اسكت عشان م الحقك لي😒😒وطيرو نومو واقسم بالله القاكم تتضاحكو في التلفونات اكسر ليكم سنونكم😒لدن وميمو يضحكو😂😂
=وانتو يلا النوم سرعه😒
نامو وبقينا انا وايمان قاعدين في المطبخ بدون مقدمات فكت ضحكه قالت لي انتي بالغتي😂😂😂
=بالغت شنو انا زاتي اتخلعت اولادي كبرو بقو يحبو كمان😂😂🤦🏻♀️
-انتي بس غيرانه من فكره اولادك يحبو بنات🌚 سند جاء داخل باسني في راسي قال ليها ماف بت بتصل مكانها😘❤️
=سندي براي 😘❤️
-امي البحبها❤️
=م قاعد تحب موش🌚
-ابدا ي غاليه 😌❤️
عبودي جاء جراي بيكو امسك دا سند ولا عيوني كعبات😳😳🙆🏻♂️
=بري م بعرفو غايتو شايف مسيلمه الكذاب واقف جم امك😂😳
😂😂😂قلت لي ايمان الاولاد ديل وراهم قصص تعالو هنا 🌚 عبودي قال انا عاوز انوم بكري قال لي اي الوقت اتاخر انسحبو😂😂🌚سند قال لي مفروض يحصل كدا 😂😂ي اولاد تعالو هنا فاتو ولا اشتغلو بي 😂😂بقيت مع ايمان اتونسنا نمنا صحيت بدري للصلاه صلينا وعملت الشاي الاولاد دخلو نامو صحتهم ايمان طلبو ترحال قلت ليها انا بوديكم
=لالا والله ماف داعي ❤️
-والله كان بوديكم ماف داعي للترحال بكري قال لي هو وصل ودعتهم وطلعو❤️ دخلت نمت صحيت لقيت الساعه عشره😳😳😳 مشيت صحيتهم سرعه قوم ي ماما نسيتو الجم 😳 وميمو عندك درس رسم قالو م ماشين تعبانين حنيت عليهم ومشيت احضر الفطور شايفه ميمو فاتت غرفه اخوانها وم عارفه الحاصل معاهم شنو ختيت الفطور وناديتهم قاعدين بناكل شايفهم ساكتين م اتكلمو دا م من عادتهم🌚مالكم انتو😂😂😂❤️سند قال لي مالنا 🌚
=ساكتين م من عادتكم🌚
عبودي قال لي نجوط ووووب ونسكت ووبين انتي مالك ي ماما😂😂
=ماف شي حبيبي بس خليكم طبعين عشان م اخاف عليكم🌚وانت بالذات م بخاف عليك الا لمن تسكت�😂🌚
سند قال لي حقو يشتغل مزيع😂😂 عبودي قال لا ميمو مزيعه 😂
=واشمعنا ميمو🌚
-لانو لو جاها زول مستضيفنو صرا وشو ولا قال كلام ساي بتبكي في الحلقه😂😂
-عبودي اسي انا سالتك انت حقار والله😭
=خلاص بدينا؟😂😂الله ينعل عبودي زاتو اسف ي ميلافي اسف 😘
-تاني م تقول لي كدا🥺
=حاضر😘
سند كان سرحان قلت لي سندي لي م قاعد تاكل 🌚عبودي قال لي اكل ي سندها😂😂
=انت اسكت😒مالك ي ماما ؟
-ماف شي حبيبتي باكل❤️
=طيب ينفعك❤️
قمت عملت ليهم عصير ودخلت ضربت لسيدة بتونس جو وقفو لي التلاته قلت ليهم خير😂 سند قال عاوزنك في موضوع🌚 قلت لي سيدة برجع ليك صلحت قعدتي وقلت ليهم تعالو قعدو سند بدا الكلام
ي امي انت اتعذبتي كتييير وتعبتي وبكيتي وزعلتي وضيعتي عمرك كلو فينا❤️ ونحن بنحبك جداومستحيل يهون علينا زعلك ولا تهوني علينا في يوم عبودي قال امي انا لو قعد اتكلم لي بكره م بوفيك حقك ي غاليه ضحيتي كتييير واتنازلتي من واجبنا نتعب ونضحي عشانك❤️ميمو قالت ي ماما كفاك زعل وكفاك حزن كفاك تعب كفاك هم انتي قايلانا م عارفين انك بتتولي مصاريفنا وبتدفعي اقساط المدراس والنوادي ؟قايلنا م عارفين انو بابا خلي ليك مسؤوليتنا عشان ينتقم منك وانتي طلعتي قدر المسؤوليه قايلانا م عارفين انك بتتعبي شديد وباليل لمن ترقدي بتكون عاوزه تموتي من التعب والالم ؟ عارفين تعبك عشانا ومقدرنو جدا سند قال لي انتي بتهتمي بينا كلنا نسيتي نفسك؟ امي انتي زاتك عاوزة اهتمام ❤️عاوزه زول يهتم بيك ويتعب عشانك انتي محتاجه ترتاحي و م تتعبي ابدا ❤️ ميمو قالت ايوا صح انتي محتاجه راحه بال ي ماما ارحمي نفسك ❤️عبودي قال انتي بديتي من اول عشانا اسي ابدي عشان نفسك❤️ عشي حياتك افصلي نفسك من الام وعيشي اثيل عماد العاوزاها انتي اصلي لي اي مكان ونحن معاك ❤️ سند قال لي من بعد الليله خلاص كفاك زعل وكفاك اي شي اقيفي هنا وابدي من جديد انا كنت ببكي 😭😭الحمد لله الله اداني ليكم حبايبي م اتحرم منكم ي غالين الدنيا اختربتني ودارت بي شديد 💔الحمد لله الله عوضني بيكم وانا الليله مبسوطه جدا معاكم واصلن بديت معاكم من جديد ❤️❤️ انتو عمر جديد ❤️سند قال لي لا من الليله دايرين نبدا من جديد معاك انتي وبس بدايه م فيها الم بدايه بدون عذاب من غير من منذر بدايه بدون ذكريات بدايه وائل فيها زيو زي اي حيطه في حياتنا بدايه فيها اثيل عماد الجديدة الطفله القويه البرئيه م عاوزين امنا المضحيه البتمشي للموت عشانا طلعي اثيل القتلوها جواك ❤️ عبودي قال نحن عاوزنك تبدي من اول تعيشي حياتك نحن بقينا رجال لبتيين حتتعبي عشانا لبتيين حضحي ؟ اقيفي خلاص ميمو قالت عاوزين نتم الطريق وحنمشي معاك خطوه خطوه ❤️طريق فيهو انا وعبودي وسند واثيل وطموحها ❤️
=😳طموحي؟
ايوا طموحك ي ماما ❤️حنرجع اي شي سرقتو الايام وظرفوها حنرجعك 20سنه لوراء وحنبدا من جديد ❤️ كفايه جدا الحصل ليك
=م عارفه اقول ليكم شنو ي اولادي 😭😭❤️حضنتهم وبقينا نبكي بكييييت ارهاق السنيين وبكيييت لغدر الدنيا بكيييت علي الصبر الصبرتو اتعذبت شديد 💔كنت متاكده حيجي اليوم الله حيعوضني متاكده حيسندوني م عندي شي في الدنيا غير اولادي 💔💔م عارفه بكيييت كم ساعه كل العرفتو طلعت وجع35 سنه كل العبرات الخنقتني كل الاهات والوجع الحسيييت بيهو اولادي كانو ببكو اكتر مني حسسوني جد انهم شايلين وجعي ❤️ وصدق من قال الولد سند والم جابت بنيه مدفونه حيه ❤️ شلنا الليل بكا ونومنا حضنيين بعض الصبح صحيت قبليهم صليت ركعتين وانا ساجدة الله ي غفور ي رحيم ترحمني ي الله ترحمني وتنور طريقي ي رب تحفظ لي اولادي وتهديهم لي ويكونو من الصالحيين والصالحات ي رب تغفر لي ابوي وامي وابوي عماد ي الله الله راحه البال ي الله راحه البال وقمت استغفرت وسبحت وصحيتهم للصلاة ❤️ جيت اعمل الشاي لقيت سند عملو
=لي التعب حبيبي 🌚
-اول يوم في حياتنا الجديده ي ماما 😘❤️
نادي اخوانو وبقينا نشرب كنا مبسوطين شديد ببعض وفي حاجه قويه بتربطنا كأننا يد وحده ❤️الباب ضرب ميمو جرت تفتح كانت بتضحك عبودي قال لينا نكته😂😭😂😭 جات راجعه زي الجابو ليها خبر بكا لمن خلعتني قلت ليها مالك ي ميمو😳😳وائل جاء بعدها بضحك قال لي شكلها زعلانه من ابوها😂😂😂م اتكلمت معاهو جاء داخل سلم علي عبودي بالاحضان وباسو جاء يمسك سند زحا منو قال لي اهلن ي وائل طوالي صمتو كف وائل ي قليل الادب 😳طبعا وقفنا مخلوعين حبيت الطف الجو قلت ليهو اتفضل سند ماشي مسكتو من يدو قعدتو وناديت ميلاف م عاوزاهم يكرهو ابوهم 🙂🙂قعدنا ساكتيين وسند عروقو طلعت من الغضب قلت لي ميمو جيبو مويه لابوك جابت مويه بترجف لمن رمت الصينه قلبي اتقطع بشوفت اولادي كدا 💔💔💔ناداها تعالي ي ميلاف م تخافي مني بتي كانت حتموت بالخوف قعدت جمبو وسالهم قرايتكم ماشه كيف 😍❤️عبودي قال تمام الحمد لله بقينا ساكتين نص ساعه عبودي فقال لي اسمع عاوزين امي تقرا وتعيش حياتها
=لي امكم صغيره عشان تعيش حياتها؟😂😂
-وانت كنت صغير لمن قلت عاوز تعيش حياتك؟
=اتكلم بادب ي ولد🙂 امكم دي ماف قرايه ليها ولا تعشموها ساي😂
سند قال لا حتقرا وتعمل العاوزه من حقها🙂
=امكم عجزت😂😂
-فعلا عجزت ظلم وتعب وعذاب صح عجزت وشديد كمان💔💔
=ي استاذه اثيل دي تربيه ليك اسي ؟😂😂ديل رجالك سند عاوز يقوم مسكتو💔 ميلاف قامت من جمبو قعدت جم عبودي قلت ليهو خشو جوه دخلو ماف داعي للكلامك دا حتخلي اولادك يكرهوك🙂
=م دا الدايره انتي😂😂
- حيكرهوك صدقني وحيعشو بدون ابو🙂
=علي اساس انتي كان عندك ابو يلمك؟😂
-الله يسامحك🙂
=اثيل انا اسف والله م قصدي ابوس رجلك سامحيني ام اولادي بتي الربيتها اعفي لي😂😂😂😂منتظراني اقول ليك كدا يعني؟ انت م عندك موضوع ولا شنو😂😂😂😂
- م منتظره منك حاجه ابدا 🙂 وبمناسبه ربيتني اصحح ليك معلوماتك سقتني من بيت ابوي مربيه والباقي رباني ليهو الزمن وابدا م فضلت علي بحاجه🙂
=😂😂ياااخ ناكرت جميييل والله بركه لميتك كان لحقتي امك المغربيه وشردتي😂😭😂وكان ضبحوك زيها😂😂
انا بعد الكلام السمعتو م كنت قادر اشوف قدامي😳😳😳 كل القلتو وائل طلقني🙂
قام علي حيلو عاوز يضربني سند مسك يدو وقال وعيونو شرار اوعك واياك ي وائل حامد تفكر ولا بالغلط تلمسها وقتها حاتخطا اي رابط بينا وادفنك في مكان الا هي فاهم😡😡😡
=فكني ي ولد انت قليل ادب ولا شنو م ربتك هي زيها 😂😂
- لو غلط بحرف بس تاني اقسم بالله اقطع ليك لسانك عبودي فكاهم وقال لي طول عمري بعتبرك قدوة رغم اخطائك من انا صغير بحبك اكتر من نفسي عشان بقولو بشبهك🙂كبرت وبعد عرفت حقيقتك لسه بحبك وبحترمك بدون اخواني والليله بقول ليك خجلان شديد لاني واقف قدامك والمخجلني اكتر انك ابوي وي خساره ي وائل 🙂
قلت ليهم عيب ي اولاد دا ابوكم ربنا بسالكم منو 🙂سند انفعل والله م بسالو مننا زي م بحاسبنا
فيهو بحاسبو فينا وبكره لمن الله يسالك قول ليه م كنت فاضي من ياسمين سمح🙂 داير يضربو تاني عبودي قال لي عليك الله امشي وم تخليني اكرهك زياده🙂م تخليني اشيل حاجز ابوي امشي لانو لو وقفت دقيقه حتخسرني دنيا واخره🙂 ميلاف قالت لي وائل امشي من هنا سند قال لي من غير رجعه🙂 وائل كان مصدوم شديد اولادي كان واقفين حوليني وبدافعو كان درع قوة لي❤️م كنت قادرة افسر شعوري وقتها وائل طلع وشو في الارض وخجلان شديد من نفسو اتمنى الارض تنشقى وتبلعو💔اول م طلع انا انهرت في الارض وبقيت ابكي بطول حسي لحد م رغد جات ماف زول قدر يمسكني كدا عندي انهيار عصبي م كنت عاوزه الحصل لي يحصل لي اولادي💔💔 سند قال لي اعفي لي 💔
=انتو الاعفو لي لانو م قدرت اديكم الحب العاوزنو م قدرت اديكم حنان كافي م عرفت احميك لفت السنين وقفتو في نفس المكان الوقفت فيهو انا فشلت اعفو لي 💔💔💔 عبودي رفعني وهو زاتو م فيهو حيل انت م قصرتي م تعملي في نفسك كدا وم تنحني نحن حملنا كلو علي قفاك💔💔سند قال لي انتي اقوى من كدا امسحي الدموع دي 💔مسحتها ودي كانت اخر مره بكيت فيها قعدنا ساكتين بليل اي زول دخل غرفتو 💔ماف زول نام كل واحد فينا كان بتالم براهو💔اكتر زول اتعذب فينا سند لانو كان واقف وسمع كل الكلام💔اي زول في غرفتو سامع نواح التاني 💔وماف زول قادر يصبر غيرو لانو هو في زاتو نفسو منهار م نامو قلت ليهم قومو الصبح صلينا وسجودنا كان طويل شديد 💔حامل اهات واماني والم وانكسار 💔اشتركنا في دعوه وحده عاوزين استقرار وربنا يخلينا لبعض 💔💔 مرة شهرين وقدرنا نتجاوز حبه بس لسه كان في فجوة كان في صموت غريب في البيت بقيت احاول اطلعهم من الجو بتاعهم دا كانو ممتحنين وم عاوزه نفسيتهم تضرهم في شي 💔اضريت اقابل بميلاف دكتور نفسي لانو كانت تعبانه شديد 💔 سند وعبودي كانو اخف وضعا منها الليله الخميس الساعه 10بالظبط كنت قاعده في السطوح ببكي احس بي....