رواية فارس ظلمتي الفصل الثاني عشر12بقلم اسماء الطبلاوي
(وفي المساء بعد عوده فارس من العمل مرهقا دخل الى غرفته هو وشمس ليتفاجئ بشمس تجلس فوق الفراش بانتظاره مرتديه بيبي دول ابيض اللون قصير قليلا عاري الصدر بعض الشيء... فحتى الان لم يتمم زواجهم وها هي تطالب باتمامه بعد تاكدها من مشاعره ومشاعرها ايضا لينظر لها فارس بصدمه فهو يعرف ما معنى هذا ولكن هل سيصمد امام هذا الجمال الملائكي ويسيطر مشاعره ام ان كل دفاعاته ستنهار لتقول...
شمس بدلع: فارس انا عارفه انك فارس واقف بعيد ليه تعالى جنبي.
فارس: لا مش بعيد ولا حاجه اديني جيت اهو.. ها يا ستي عامله ايه النهارده..
شمس: عامله عروسه يعني مش شايف.. ها قولي ايه رايك..
فارس: لا شايف طبعا زي القمر يا حياتي.. بس كده تبردي روحي غيري هدومك يلا..
شمس: اغير ايه هو انا لحقت البسه علشان اغيره ايه يا فارس في ايه مالك..
فارس: مليش يا حبيبتي انا كويس.. خلاص خليكى..
ليهمس فارس في نفسه: يا رب صبرني.
( وقفت شمس في مواجهه فارس تقترب منه حتى التصقت به و وضعت راسها على صدره تتحسس جسده بيديها ثم اقتربت من وجهه وهي تقف على اطراف اصابعها لتطوله وطبعت قبله فوق خده ثم قبله رقيقه فوق شفتيه وبدات توزع قبلات صغيره بجرأه هي لا تعهدها على نفسها.... اخذت تقبله قبولات رقيقه متفرقه فوق وجهه وهي تعبس بازرار قميصه نازعه اياه حتى اصبح عاري الصدر فبدات تتحسس هذا الصدر القوي باطراف اصابع يدها وهي تقبله وهو مغمض العين محاولا السيطره على نفسه بينما اقتربت من فمه تقبله قبله طويله لتعبر له بها عن حبها الكبير فامتدت يدي فارس دون شعور تمسك بخصرها يتحسس جسدها بضعف مقبلا اياها بشغف فوايلي انه ينهار😱 ولكن سرعان ما تدارك الموقف وقام بابعادها عنه في الحال وهو يلهث قائلا...
فارس: شمس انا تعبان وعايز انام ويا ريت تنامي انتى كمان..
(ظنت شمس ان فارس يعتقد بانها تفعل ذلك لأرضائه فقط او شئ من هذا القبيل لتقول انه...
شمس: بس يا فارس انا ما عنديش مشكله في ان يحصل حاجه بينا انا مراتك وبحبك..
فارس: انا بقى عندي مشكله دلوقتي وبقولك نامي... يلا اسمعي الكلام....
(اصبح صوت فارس عاليا دون ان يدرك ذلك وهو يقول لها تلك الكلمات المؤلمه لتشعر شمس بالخجل والحزن لتقول بدموع..
شمس: ياااااااه للدرجه دي عندك مشكله في انك تقبلني يا فارس ده انا فكرت انك حبيتنى خلاص.....ده انا اتصرفت معاك عكس طبيعتي وحاولت ابقى جريئه علشان ما تحسش اني مش عاوزاك ولا حاجه... وابينلك حبي يبقى ده ردك عليا.... على العموم انا هنام بس مش هنا لا هناك ولوحدي......
( ظلت شمس تتحسس طريقها حتى الغرفه الاخرى وهي تبكي حتى وصلت لتدخل صافعه الباب خلفها باكيه ليقول فارس بحزن..
فارس: ليه يا شمس مش فهماني انا مش عايز كده وانتى حاسه اني بشفق عليكى... عايزك تبقي شايفاني وشايفك عايزك تحسي باللي انا هحس بيه مش عايزك تفكري اني بقربلك علشان صعبانه عليا... اكيد هصلح اللي حصل ده حقك عليا يا شمس...
(وهناك في غرفه ناديه كانت تجلس بانتظار رضوان حينما فتح الباب ودخل قائلا..
رضوان: خير يا ناديه نعمات قالتلي انك عايزاني حصل ايه..
ناديه: مش خير خالص يا رضوان ايه اللي حصل معاك في موضوع فارس...؟؟؟ انت مش قلت يومين ونخلص منه داخلين على الشهر اهو وهو لسه عايش ايه مستنى اما يخلفو واتشل... دي رنا مقطعه نفسها عياط على البهدله اللي بهدلهالها وانت لسه ما نيلتش حاجه...
رضوان: بالراحه عليا يا ناديه انا لسه عند كلمتي بس الواد ده كانه بسبع ارواح.. كل ما ادبرله موته يفلت منها ابن الجنيه... انا مش عارف ده محجب ولا ايه... بس اطمنى انا موصي عليه جامد ممكن في اي لحظه يجيني خبره ده انا دافع في الموضوع ده دم قلبي ولازم يخلص وقريب...
ناديه: ادينا بنسمع منك كلام اما نشوف هنترحهم عليه امتى سى فارس ده..
رضوان بشر: قريب بس انت اصبري عليا.. كله باوانه ونهايته قربت..
(وفي غرفه فارس استيقظ من نومه متعب وحزين مما حدث بينه وبين شمس بالامس فتوجه للغرفه الملحقه ليبحث عن شمس فلم يجدها فتح الحمام ولم يجدها ايضا بدا البحث في جميع ارجاء المكان ولكن بلا جدوى فخرج من غرفته يبحث عنها كالمجنون يعتصره الخوف عليها وبعد بحث طويل ذهب لغرفه والدته فطرق الباب ففتحت له شريفه ليسالها عن شمس بخوف..
فارس: يا ماما شمس مش لاقيها هي ما جتش عندك..
شريفه: وطي صوتك هتصحيها هي نايمه جوه عندي دي يا حبه عيني جاتلي امبارح متاخر وهي مموته روحها من العياط استاذنت تنام معايا... بتقولي افتكرت امها وابوها فاتخنقت شويه..
فارس: طيب حسبي يا ماما اما ادخل اطمن عليها واخدها اوضتنا
شريفه: يا فارس بقولك نايمه يا حبيبي... سيبها يا ابني مرتاحه وخليها معايا لحد ما ترجع من شغلك هو انا هاكلها يعني ما تخافش عليها..
فارس: طب هطمن عليها بس يا ماما ومش هاخدها وسعي بقى يا حاجه..
(دخل فارس راقضا ليطمئن على شمس فوجدها مستغرقه في النوم متورمه الاعين بفعل الدموع فحزن بشده لانه السبب في حالتها هذه فتنهد بقله حيله وهو يقترب منها يقبلها فوق جبينها قائلا...
فارس: سامحيني يا قلب فارس بس خلاص هانت لسه يومين وافهمك كل حاجه...
( وفي نهار اليوم التالي كانت شمس قد عادت لغرفتها وعندما استيقظ فارس توجه فورا للغرفه الملحقه التي ما زالت تنام بها غاضبه فتح الباب ودخل فوجدها شبه عاريه ترتدى ثيابها فتحدثت وهي تحاول ان تغطي نفسها...
شمس: ايه ده في حد بيعمل كده مش تراعي ان معاك بنت في المكان..
فارس: بس انا خبطت الباب يا شمس قبل ما ادخل..
شمس بغضب: وانا ما اذنتلكش تدخل يبقى ما تدخلش..
فارس موضحا: ما تكبريهاش يا شمس انا جوزك يعني عادي ما حصلش حاجه..
شمس: لا حصل كثير واهلا وسهلا يا سي جوزي..
( وهنا ولم يتمالك فارس من امساك اعصابه فانقض على شمس وممسكا يديها خلفها وجهه امام وجهها مباشره وتحدث اليها بغضب يعض اسنانه غيظا ليصرخ قائلا...
فارس: عيب يا شمس لما تكلمي جوزك كده وانا فهمتك 100 مره ان الاسلوب ده انا ما بحبوش وانا جوزك وانتى عارفه وفاهمه كويس اشوفك على اي وضع وفي اي وقت فاهمه ولا لا...
شمس بخوف شديد: فاهمه فاهمه يا فارس بس ما تضربنيش والنبي خلاص...
(شعر فارس برعب شمس الزائد وارتجافها بين يداه فاخذها بين احضانه مسرعا يحتويها مطمئنا لها غير مصدق انها تظن به انه كان سيقوم بضربها ليقول بحب..
فارس: انتى هتجننيني يا شمس ازاي تفكري اني ممكن امد ايدي عليكى لاي سبب ده انا تتقطع ايدي قبل ما اضربك يا قلبي..
شمس بدموع: بعيد الشر عنك يا حبيبي انا بس مش قادره افهمك... يوم ما كنت مستنياك اول ما قربت منك حسيت انك كنت عايزني زي ما انا عايزاك وكنت مبسوطه اوووي بقربك مني.... وفجاه بعدتني عنك من غير سبب وزعقتلي... كسفتني وكسرت بخاطري ببرودك.. قولي ايه السبب
انا عايزه افهم..
فارس: معاش ولا كان اللي يكسر قلبك ولا يحرجك ويكسفك ابدا يا عمري... انتى اللي فهمتيني غلط في اللي حصل واخدتى في وشك من غير ما تسمعي ومشيتي... وبقالك يومين بتتجاهليني... انا كل الحكايه انى مش عايز ده حاليا وعندي اسبابي... بس اوعي دماغك تروح بعيد لا انا جامد اوووي💪🤨 بس انا عايزك تصبري عليا كام يوم كمان وانا هشرحلك كل حاجه.. بس وحياتي بلاش زعل وما عدتيش تنامي بعيد عن حضني تاني فاهمه..
شمس بطاعه: فاهمه ومعاك يا قلبي وهستنى..
( وقف شادي يحدث سكر في الجنينه الخاصه بالفيلا ليقول..
شادي: انا بس عايز افهم ليه فارس مأجل كل حاجه تخص جوازنا.. ده مش راضي حتى نعمل خطوبه اليومين دول هو مش موافق عليا ولا ايه..
سكر: يا شادي فارس وشمس اليومين دول بيمروا بازمه صعبه هو فارس قالي كده.. بس ما قالش نوع الازمه وطلب مني اننا نصبر شويه ما فيهاش حاجه لما نستنى حبه اعتبرنا بنتعرف..
شادي: انتى شايفه كده يا سكر.. طالما ده رايك انا موافق وعلى كل حال انا بحترم قرارات فارس وهو اكيد عنده نظريه في قراره ده وانا هستنى يا ستي لو حتى العمر كله بس ارضي عني بقى وقوليلي الكلمه اياها انا هتجنن..
سكر: يووووه يا شادي ما انا قلتلك اما نتخطب رسمي هقولك
( لم يكتمل الحديث بينهم عندما رات نعمات من شرفه غرفتها شادي وهو يضحك مع سكر فنادت على شادي صارخه قائله..
نعمات: شادي اطلعلي على اوضتى حالا عاوزاك..
(نظر شادي لسكر بحب مستاذنا اياها فكانت سكر تشعر بقلق ولكن شادي طمئنها وتوجه لغرفه والدته فطرق الباب ودخل متسائلا...
شادي: نعم يا ماما بتزعقي كده ليه على فكره انا مش عيل عشان تكلميني بالطريقه دي..
نعمات: انت تخرس خالص يا شادي.. و رد عليا كنت واقف بتعمل ايه مع البنت دي انطق
شادي: اولا يا ماما ما اسمهاش بنت اسمها سكر وبلاش طريقه كلامك دي ده لو عايزانا نتكلم... ثانيا انتى شوفتينا واقفين في الجنينه يعني مش في اوضه نوم مثلا فبلاش افوره... ثالثا انا وهي كنا بنتفق على شويه حاجات تخصنا عادي يعني..
نعمات: وهو في ايه بقى ان شاء الله يخصكم انتم الاثنين وبتتفقوا عليه..
شادي: فرحنا...... طبعا كنا بنتفق هنعمله امتى الفستان والبدله والشبكه عادي يا ماما... زي اي عرايس مش فاهم استغرابك بصراحه..
نعمات بخضه: وحياه امك انت اتجننت يا شادي تتجوز مين... ما كانت قدامك شمس ولسانا اتدلدل معاك عشان تتجوزها وانت مش راضي.... تقوم تتجوز الجربوعه دي عايز تموتني بالحياه يا شادي
شادي: لو سمحتى يا ماما بلاش غلط في سكر.. دي برده عروسه ابنك شأتوا ام ابيتوا هتجوزها برده... انا مش عيل هرجع في كلامي... وانا اصلا بحبها..
نعمات:حبك برص... لا يا شادي هترجع في كلامك واحنا بقى مش موافقين واستلم بقى من ابوك لما اروح ابلغه ان حضرتك عايز تتجوز حته الشحاته دي اللي اخوها عايز يسرقنا ويحطنا في كرشه..
شادي: يسرقنا ويحطنا في كرشه😏 طيب طيب... عموما سيبي ابويا في حاله سيبيه مشغول بالقرف اللي وراه... وانا بلغتك وخلاص وبرده هتجوز سكر..