رواية فارس ظلمتي الفصل الثالث عشر13بقلم اسماء الطبلاوي
(كان فارس يقف بين العمال في الاراضي الخاصه بشمس مواجها لهم وهو يتامل الارض بفرحه فلقد اثمر تعبه في رعايتها وعادت الى الحياه مره اخرى فكان سعيدا للغايه بالفرحه التي سيراها في عيني شمس عند رؤيتها لذلك الانجاز فهو يامل ذلك....
قطع شروده رنين هاتفه فاخرجه من جيبه متاملا فوجده رقم شمس فرد مسرعا قائلا...
فارس: الو ايوه يا حبيبتي في حاجه ولا ايه..
شمس: الحقني يا فارس انا تعبانه قوي... عينيا بتوجعني والصداع هيفرقع دماغي تعلالى بسرعه يا فارس انا هموت..
فارس برعب: انا جايلك حالا يا شمس.. خليكى على السرير احسن تقعي... شمس... شمس ردى عليا رحتى فين..
(رقض فارس مسرعا للمنزل بينما انقطع صوت شمس من الطرف الاخر وبينما كان يركض مسرعا غير منتبه للطريق داهمته سياره فجاه صادمه اياه ليرتمي على جانب الطريق بينما اسرعت السياره هاربه دون ان تتوقف...
( وعند شمس في غرفتها كانت تجلس مع سكر يتحدثون ويضحكون بينما تغيرت ملامح شمس فجاه قائله...
شمس: انا مش عارفه لسه فارس ما جاش لحد دلوقتي ليه هو قال لي هيجي بدري علشان نروح سوا المستشفى انا مش مرتاحه حاسه ان في حاجه غلط خايفه يكون حصل له حاجه قلبي بيقولي كده...
سكر: بعيد الشر عنه ليه بس بتقولي كده يا شمس دلوقتي يجي ونطمن عليه..
شمس: يا رب يا سكر احسن انا قلقانه عليه قوي النهارده..
(بينما كانوا يتحدثون رن هاتف سكر معلنا عن رقم شادي كانت سكر تفصل الخط عده مرات حتى سالتها شمس عن من المتصل فاجابت شادي فقالت شمس..
شمس: طب ردي يا سكر عليه هو كان رايح عند فارس يمكن يعرف هو فين.
فاجابت سكر: ايوه يا شادي اه انا في البيت... ايه بتقول ايه ماله فارس... طيب انا جايالك حالا لا لا مش هجيب شمس ما تخافش..
سكر: بصي يا شمس فارس حصلتله حادثه انا هروحله وانتى خليكي هنا هو اللي طلب كده معنى كده ان هو كويس مش عايزاك تقلقي بالله عليكى عشان. متتعبيش انا قلتلك علشان ما تبقيش قاعده قلقانه بس... انا هسيبك وهروح ومش هغيب هاجيلك بسرعه..
شمس بخوف: يعني ايه طلب كده يا حبيبي يا فارس انا كان قلبي حاسس... يلا بسرعه يا سكر ساعديني نروحله عايزه اطمن عليه بنفسي..
سكر: يا شمس هو قال ما تجيش انا هبقى اطمنك على التليفون وطالما هو بيتكلم يبقى كويس..
شمس:بلا تليفون بلا زفت انا اصلا مش عارفه تليفوني فين من الصبح.... كان زماني كلمته انا لازم اجي معاكي واطمن عليه بنفسي يلا يا سكر عشان خاطري..
سكر: يا بنتي هما جايين اصلا في الطريق شادي قالي كده والله... قال ان هو كويس انا بس هقابلهم واطمن عليهم اهدي بقى..
(لم تستمع شمس لولا كلمه من سكر بل قامت بفتح الباب وهي تتحسس طريقها الى السلم بينما تركض سكر خلفها تحاول منعها وهي ما زالت تهبط السلم ممسكه بالدرابزين حتى وصلت الى الاسفل فاوقفتها ناديه تقف امامها قائله...
ناديه: على فين يا عروسه ما تهدي شويه.. ماشيه كده ولا احم ولا دستور..
شمس: عمتي انا مش ناقصاك دلوقتي وسعي من قدامى الساعه دى..
رنا: ما تتكلمي عدل يا شمس هو ما حدش عاجبك ولا ايه اظبطي نفسك احسن اظبطك..
شمس بغيظ: اخرسي يا رنا وغوري من وشي وعديني انا لازم اروح لفارس..
رنا: ليه ماله فارس وبعدين انتى اللي رايحه تشوفيه...ههههههه هو انتى بتشوفي... جديده دي..
سكر: بطلي غلط يا بت انتى وحسبي عديها بدل ما اجيبك من شعرك وامسح بيكي بلاط الارض..
ناديه: اخرسي يا حيوانه ده انتى تربيه شوارع صحيح... طب مش هنحاسب وريني بقى هتخرجي ازاي يا ست شمس..
شمس: لا انا هخرج لو انطبقت السماء على الارض هخرج... غورى بقى من قدامي بدل ما امد ايدي عليكم هو انتم هتحبسوني في بيتي يا عالم يا بجحه..
( هجمت رنا على شمس ممسكه اياها من شعرها بينما امسكت ناديه سكر تمنعها من انقاذ شمس حينما صرخت شمس متالمه بين يدي رنا قائله..
شمس: اااااااااه سيبيني يا زباله يا فارس.. يا فارس الحقني يا فارس.
سكر: وسعي يا وليه انتى... وسعي يا امنا الغوله سيبيني ابعدي ايدك عنها يا كلبه سيبيها احسنلك...
(دخل فارس للمنزل يتكئ على شادي ينظر ليرى هذا المنظر امامه بينما تتعدى ناديه و رنا على شمس وسكر بالضرب ليرفع صوته بغضب قائلا...
فارس: والله عال.... اغيب انا ساعتين عن البيت يطلع للنمل ضوافر.. ابعدوا عنهم يا زباله انتى وهي....
(ابتعدت كلا من رنا و ناديه عن سكر و شمس لتمسك سكر شمس تركض بها تجاه فارس بين ذراعيه باكيه تقول...
شمس: الحقني يا فارس مش عايزنى اجي اطمن عليك يا حبيبي.. ضربوني يا فارس ضربوني انا وسكر...
فارس: ما تخافيش يا عمري انا كويس مش هما كانوا عايزينى ارحب بيهم... انا هرحب بيهم بطريقه تليق بمعاملتهم معاكم..
( وقف فارس محتضنا شمس بجروحا في وجهه والتواء بسيط في زراعه الايسر مع غضبا يتصاعد بداخله ليصل الى ذروته امامه ناديه ورنا ينظرون له بغل وتشفي على وضعه كسر صوت الصمت شهقات شمس تبكي بين احضانه حتى قالت...
شمس: ما تسيبنيش تانى هنا لوحدي يا فارس... اول مره احس ان انا عاجزه عايزين يحبسوني في بيتي وكمان منعونا نجيلك وضربوني... انا بكرههم... بكرههم كلهم ده جزاه اللي انا عملته معاهم...
ناديه: مش شايفه انك مزوداها يا شمس شويه.... راحه تشتكي من عمتك لواحد غريب ويا ريت كلامك حصل..
رنا: عندك حق يا ماما يا ريتها على حق... الا ان كل الحكايه ان حضرتها بتدلع عليه.. ومخترعه الحكايه دي من خيالها علشان تقلبوا علينا..
سكر: بتدلع😳 هي برده بتدلع يا ظلمه ده انتى كنتى هتقلعوا شعرها وانتم ماسكينها وانتى كمان يا ست يا كبيره هتكذبي وتقولي انك ما ضربتنيش ومنعتونا نخرج.. عيب على شيبتك..😏
شادي: ضربوكم ازاي يعني هي سايبه ولا ايه... ازاي الكلام ده يا عمتي احنا فين هنا..
فارس بغضب: بس مش عايز اسمع ولا حرف لو سمحتى يا مدام ناديه.... شفتي انا بحترمك اهو😒 يا ريت بقى قبل ما نهار بكره يطلع تكوني انت وبنتك المصونه ها وهي فاهمه قصدي😉 لميتوا حاجاتكم ورجعتوا من مطرح ما جيتوا.. بدل ما اخرجكم من هنا بزفه على ظهر حمار راكبينه بالمقلوب.. 🦓وعلى فكره اقدر اعمل كده واقدر برده على حاجات اكثر من كده... ها هتلموا حاجتكم وترحلوا ولا ابعت اوصلكم على حمارين يليقوا بمقامكم الماصون..
(ابتلعت ناديه ريقها برعب فهى تعلم ما يستطيع هذا الفارس فعله و لا يوجد على قائمة امنياتها ركوبها على حمار بالعكس و يشاهدها كل من بالبلد و تصبح الترند الجديد.. لتقول مسرعه...
ناديه: لا ده انت زودتها قوي يلا يا رنا... الموضوع زاد عن حده انا ما عدتش قاعده هنا ثانيه واحده بس انا ليا كلام بعدين مع رضوان علشان نتهان بالطريقه دي في بيته...
شمس بغضب: ده بيت فارس وبيتي.. مش بيت رضوان.... فاهمين مهوش بيت رضوان...
بطلوا بقى الاسطوانه دي انتوا كذبتوا الكذبه وصدقتوها..
رنا بغضب: مستحيل امشي بالبساطه دي يا ماما.. خصوصا بعد الاهانه دي انا هقعد..
فارس بسخريه: واضح ان الصغننه... عايزه تجرب زفه الحمار احنا في الخدمه يا عروسه..
ناديه: هي كلمه يا رنا ومش هعيدها ثاني ورايا نلم حاجتنا وحالا يلا..
( بعد انصراف ناديه ورنا تتبعهم شياطينهم يحترقون غيظا من ما فعله فارس بهم واهانته لهم اقترب شادي من فارس قائلا..
شادي: كان لازم حد يحط حد لغرور الناس دي.. بس بصراحه عجبتني يا كبير..
سكر بفخر: هو فارس كده اي فرس حرنان بيعرف يلجمه مش فارس يا ابني..
شادي: والله عندك حق فارس وهو فارس.. كملها جمايل من عندك يا رب😂
شمس بقلق: فارس يا حبيبي انت كويس طمني عليك والنبي ايه اللي حصل بالضبط وحادثه ايه اللي عملتها..
فارس: ما تخافيش يا قلبي جوزك اسد دي كانت حركه كده بتاعه عيال... كارت ارهاب يعني مش اكثر... بس واضح انى لازم اعرفهم مين فارس رشوان..
( وفي المساء ذهبت ناديه الى رضوان في الشركه وجدته يغلي غيظا يتحرك يمينا ويسارا دون عقل لتقول له..
ناديه: عجبك اللي عمله سي زفت ده فينا انا وبنتي.. والبهدله اللي بهدلهالنا..
رضوان: سيبيني يا ناديه في حالي... سيبيني🤦 انا مش طايق نفسي انتى مش شايفاني بعمل ايه اديني بتنيل الم اوراقي وحاجاتي وكله بسبب فارس وزفت ونيله... وده بسبب غباوتك انتى وبنتك.. خلاص مش قادرين تستحملوا شويه..
ناديه: بلاش غلط يا رضوان واحنا كنا عملنا ايه وبعدين ايه اللي معفرتك كده..
رضوان: عايزه تعرفي ايه اللي معفرتني يا اختي... اللي معفرتني ان الباشا بعت لفرع الشركه هنا وفي كل الفروع الثانيه واصدر امر بما ان هو المسؤول عن كل املاك شمس اني ما اخدش اي قرار اداري ولا ا استلم اي مركز رسمي وكمان لو حاولت ادخل الشركه ثاني يمنعوني... عرفتى حصل ايه يا اختي...
ناديه:يعنى ايه.... بقى حته عيل زي ده يعمل فينا احنا كده ده كان مستخبي فين بس يا ربي..
رضوان: يلا نمشي من هنا بسرعه يا ناديه قبل ما حد يحس بوجودي... الورق ده لو ما خرجش معايا هروح في 60 داهيه لازم نمشي حالا يا ناديه..
( هم رضوان وناديه للخروج حينما اوقفهم امن الشركه وبعض المحاسبين عند الباب قائلين..
الامن: حضرتك ممنوع تخرج من هنا باي ورقه معاك الورق ده كله ملك الشركه ولازم حضرتك تسلمه لينا فورا..
رضوان بغضب: انت بتقولى انا الكلام ده يا حيوان... انت مش عارف انا مين وسع من قدامي خليني امشي..
الامن: يا فندم ما فيش داعي للغلط.. دي اوامر فارس بيه وشمس هانم احنا مجرد مامورين بالتنفيذ وبلاش نستعمل العنف مع حضرتك او ممكن نطلب الشرطه وهي تتصرف معاك...
(وقف رضوان مذهولا وهو يشاهد الامن ياخذون منه كل الاوراق والمستندات وقاموا باصطحابه حتى بوابه الشركه وتركوه نظر لهم رضوان بغضب قائلا..
رضوان: انا رضوان مهران اتهان واطرد بالطريقه دي... بس على مين وديني يا فارس لاندمك على كل غلطه غلطها في حقي اللي ضيعته من ايدي...
) وهناك لدى فارس كان يجلس مع شمس يحدثها بشان العمليه محاولا اقنعها باجرائها قائلا..
فارس: يا شمس ما تصغرنيش انا اتفقت مع الدكتور وحددلي بكره للعمليه..
شمس برعب: لا يا فارس.. لا....
انا خايفه انا عندي اعيش معاك عاميه على اني اموت واسيبك..
فارس: بعيد الشر عنك يا قلبي مش انتى يا شمس قولتي نفسك تشوفيني... ايه بقى المانع انك تعملي العمليه وتخفي وتشوفيني وتفرحي قلبي بيكي..
شمس: قلتلك خايفه يا فارس خايفه... دي عمليه خطيره ما اقدرش اجازف بيها انا خايفه اسيبك انا ما صدقت لقيتك يبقى بالبساطه دي اروح اعمل عمليه ممكن ما اخرجش منها وما عدتش ابقى معاك تاني...
( اثناء حديثهم طرقت شريفه الباب ودخلت مستاذنه لتوجه كلامها لفارس قائله..
شريفه: فارس لو سمحت سيبني مع شمس شويه عايزاها في كلمتين على انفراد..