رواية انا ضحية ولست بعاهرة
الفصل الخامس عشر15
بقلم فللوس
ﺳﻼﻓﻪ ﺗﺸﻮﻑ ﺳﺎﺭﻩ ﺧﺎﺗﻪ ﺍﻟﺴﻜﻴﻦ ﻓﻲ ﺷﺮﻳﺎﻧﻬﺎ ﻭﺗﺼﺮﺥ : ﺳﺎﺭﻩ ﻻﺍﺍﺍﺍﺍﺍﺍ
ﺳﺎﺭﻩ ﺭﺍﺳﻪ ﺟﺎﻳﻂ ﻭﻣﺘﺠﻬﺠﻪ ﺑﺎﻟﻤﻨﻈﺮ ﻭﺳﺮﺣﺎﻧﻪ ﻭﺑﺘﺪﻣﻊ ﻓﻲ ﻳﺪﻳﻨﻬﺎ ﻭﺍﻭﻝ
ﻣﺎﺗﺤﺎﻭﻝ ﺗﺸﺮﻁ ﻳﺪﻫﺎ ﻋﻢ ﺣﻤﺪ ﻳﺠﻲ ﺧﺎﺷﻲ ﻭﺑﺪﻭﻥ ﻣﺎﺳﺎﺭﻩ ﺗﻼﺣﻆ ﻟﻴﻪ
ﻳﻤﺴﻚ ﻣﻨﻬﺎ ﺍﻟﺴﻜﻴﻨﻪ ﻭﻳﺠﺪﻋﺎ ....
ﻋﻢ ﺣﻤﺪ ﻳﻤﺴﻚ ﻭﺵ ﺳﺎﺭﻩ ﻭﻳﻘﺸﻄﺎ ﻛﻒ : ﺗﻔﻮﻭﻭﻭﻭ ﻋﻠﻴﻚ ﺩﻩ ﺁﺧﺮ
ﻣﺎﺍﺗﻮﺻﻠﺘﻲ ﻟﻴﻪ ؟؟ ﺍﻧﺘﻲ ﻋﻤﻠﺘﻲ ﺷﻨﻮ ﻓﻲ ﺍﻟﺪﻧﻴﺎ ﺧﻴﺮ ﻋﺸﺎﻥ ﺗﻤﺸﻲ ﻟﻲ ﺭﺑﻚ
ﻣﻨﺘﺤﺮﻩ ؟؟ ﻃﺎﻟﻤﺎ ﺧﺴﺮﺗﻲ ﺍﻟﺪﻧﻴﺎ ﺑﻌﻤﺎﻳﻠﻚ ﻗﻮﻱ ﺭﺍﺑﻂ ﺑﻴﻨﻚ ﻭﺑﻴﻦ ﺭﺑﻚ ﻋﺸﺎﻥ
ﺗﻜﺴﺒﻲ ﺍﻻﺧﺮﻩ ...
ﺳﺎﺭﻩ ﺗﻘﻊ ﻓﻲ ﺍﻟﻮﺍﻃﻪ ﻭﻣﺨﻠﻮﻋﻪ ﻣﻦ ﺍﻟﻜﺎﻥ ﺣﺘﻌﻤﻠﻮ ﻭﺍﻟﺪﻣﻌﻪ ﻣﺎﺳﻜﻪ ﻋﻴﻮﻧﺎ
ﻭﺳﻼﻓﻪ ﻣﺎﺳﻜﻪ ﺣﺎﺟﻪ ﻧﻔﻴﺴﻪ ﻭﺑﺘﺸﺮﺏ ﻓﻴﻬﺎ ﺍﻟﻠﻴﻤﻮﻥ ' ﻋﻢ ﺣﻤﺪ ﻳﻤﺸﻲ ﻳﺠﻴﺐ
ﺭﻛﺸﻪ ﻳﺴﻮﻗﻬﺎ ﺍﻟﻤﺴﺘﺸﻔﻰ ﻭﻓﺠﺄﻩ ﺑﺎﻟﻜﻮﺍﺭﻳﻚ ﺍﻟﺒﻴﺖ ﻛﻠﻮ ﻳﺘﻤﻠﻲ ﺑﻲ ﻧﺎﺱ ﺍﻟﺤﻠﻪ
ﻭﺍﻟﻨﺎﺱ ﺷﻐﺎﻟﻪ ﺗﺘﻜﻠﻢ ﺗﺤﺖ ﺗﺤﺖ
( ﻛﻠﻮ ﻣﻦ ﺑﺘﻬﻢ ﺩﻱ ﺑﻲ ﻓﻀﻴﺤﺘﺎ ﺍﻣﻬﺎ ﻭﻗﻌﺖ ﻭﺍﺑﻮﻫﺎ ﻃﺮﺩﻭ ﻣﻦ ﺷﻐﻠﻪ ، ﺗﺮﺑﺎﻳﻪ
ﻭﺳﺨﻪ )
، ﻋﻠﻮﻳﻪ ﺃﻡ ﻣﺪﺛﺮ ﺗﺠﻲ ﺗﻬﺪﻱ ﻓﻲ ﻧﻔﻴﺴﻪ ﻭﺍﻭﻝ ﻣﺎﺍﻟﺮﻛﺸﻪ ﺗﺠﻲ ﻳﻤﺸﻮ
ﺍﻟﻤﺴﺘﺸﻔﻰ ﻫﻲ ﻭﻧﻔﻴﺴﻪ ﻭﻋﻢ ﺣﻤﺪ ... ﺳﻼﻓﻪ ﺗﻔﻀﻞ ﺗﻘﻌﺪ ﻣﻊ ﺳﺎﺭﻩ ﻓﻲ ﺍﻟﺒﻴﺖ
ﻋﺸﺎﻥ ﻣﺎﺗﺨﻠﻴﻬﺎ ﺑﺮﺍﻫﺎ ﺑﺎﻟﺤﺎﻟﻪ ﺍﻟﻔﻴﻬﺎ ﺩﻱ ، ﻭﺗﻘﻌﺪ ﺗﻬﺪﻱ ﻓﻲ ﺳﺎﺭﻩ ﻭﺑﺎﻟﻜﻮﺍﺭﺙ
ﺍﻟﺤﺼﻠﺖ ﻟﻴﻬﺎ
ﺳﻼﻓﻪ : ﺳﺎﺭﻩ ﺑﻌﺪ ﺩﻩ ﻣﻔﺮﻭﺽ ﺗﻔﻀﺤﻲ ﻣﻮﺿﻮﻉ ﻣﺪﺛﺮ ﺩﻩ ﻋﺸﺎﻥ ﺍﻟﻨﺎﺱ
ﻣﺎﺗﺘﻬﻤﻚ ﺑﺎﻟﻌﻬﺮ ، ﺧﻼﺹ ﻛﻔﺎﻯﺔ
ﺳﺎﺭﻩ ﻣﺪﻣﻌﻪ ﻭﺳﺮﺣﺎﻧﻪ : ﻋﺸﺎﻥ ﺷﻨﻮ ؟؟ ﻋﺸﺎﻥ ﺣﺴﺎﻡ ﻳﺮﺟﻊ ﻟﻲ ﻭﻻ ﻋﺸﺎﻥ
ﺍﻟﻨﺎﺱ ﻣﺎﺗﺘﻜﻠﻢ ، ﻭﻣﻨﻮ ﺍﻟﺤﻴﺼﺪﻕ ؟؟ ﻟﻮ ﺍﺗﻜﻠﻤﺖ ﺍﻟﻨﺎﺱ ﺣﺘﺬﻳﺪ ﻛﻼﻡ ﻭﻣﺎﻋﺎﻳﺰﻩ
ﺑﻌﺪ ﺧﻤﺴﻴﻦ ﺳﻨﻪ ﺍﺷﻮﻑ ﻧﻔﺴﻲ ﻟﺴﻪ ﻣﻨﺘﺸﺮﻩ ﻓﻲ ﻣﻘﺎﻃﻊ ﻓﻴﺪﻳﻮ ﻣﻜﺘﻮﺏ ﻓﻴﻪ
( ﻣﺸﻬﺪ ﺍﻏﺘﺼﺎﺏ )
ﺳﻼﻓﻪ : ﻳﺎﺑﺖ ﻣﺎ ..
ﺳﺎﺭﻩ ﺗﻘﻄﻊ ﻛﻼﻡ ﺳﻼﻓﻪ ﻭﺗﺼﺮﺥ ﻓﻴﻬﺎ : ﺳﻼﻓﻪ ﻟﻮ ﺳﻤﺤﺘﻲ ﻣﺎﺗﻔﺘﺤﻲ ﻟﻲ
ﺍﻟﻤﻮﺿﻮﻉ ﺩﻩ ﺗﺎﻧﻲ
ﻋﻢ ﺣﻤﺪ ﻭﻋﻠﻮﻳﻪ ﻗﺎﻋﺪﻳﻦ ﻓﻲ ﺍﻟﻤﺴﺘﺸﻔﻰ ﻣﻨﺘﻈﺮﻳﻦ ﺍﻟﻨﺘﻴﺠﻪ ﻭﺍﻟﺤﺎﺻﻞ ﺷﻨﻮ
ﻟﻲ ﻧﻔﻴﺴﻪ ...
ﺍﻟﺪﻛﺘﻮﺭ : ﺍﻧﺘﻮ ﺗﺒﻊ ﺍﻟﻤﺮﻳﻀﻪ ﻧﻔﻴﺴﻪ
ﻋﻢ ﺣﻤﺪ : ﺍﻱ ﺍﻱ ﺍﻧﺎ ﺭﺍﺟﻼ
ﺍﻟﺪﻛﺘﻮﺭ : ﺍﻟﻤﺮﻳﻀﻪ ﺩﻱ ﺗﻌﺒﺎﻧﻪ ﺟﺪﺍ ﻭﺍﻟﺴﻜﺮﻱ ﺑﺘﺎﻋﻬﺎ ﻣﺮﺗﻔﻊ ﺍﻟﻔﺘﺮﻩ ﺩﻱ
ﻣﺎﻣﺤﺘﺎﺟﻪ ﺇﺯﻋﺎﺝ ﻭﺻﺪﻣﺎﺕ ﻭﺣﺘﻜﻮﻥ ﻣﻌﺎﻧﺎ ﺇﺳﺒﻮﻉ ﻋﺸﺎﻥ ﻧﺮﺍﻗﺐ ﺣﺎﻟﺘﺎ
ﺍﻟﺼﺤﻴﻪ ﻭﻫﺎﻙ ﺍﻟﻮﺭﻗﻪ ﺩﻱ ﻣﻜﺘﻮﺏ ﻓﻴﻬﺎ ﺍﻟﻌﻼﺟﺎﺕ
ﻋﻢ ﺣﻤﺪ ﻳﻮﺍﻓﻖ ﻭﻳﻘﺮﺍ ﺍﻟﻌﻼﺟﺎﺕ ﻭﻳﻔﻜﺮ ﺍﺳﻊ ﻳﺪﻓﻊ ﺍﻳﺠﺎﺭ ﺍﻟﻐﺮﻓﻪ ﺩﻱ ﻣﻦ ﻭﻳﻦ
ﻭﻳﺠﻴﺐ ﺣﻖ ﺍﻟﻌﻼﺟﺎﺕ ﻣﻦ ﻭﻳﻦ ، ﻭﻳﻘﻮﻝ ﻟﻲ ﻋﻠﻮﻳﻪ ﺍﻗﻌﺪﻱ ﻣﻌﺎﻫﺎ ﺍﻧﺎ ﺑﻤﺸﻲ
ﺍﻟﺼﻴﺪﻟﻴﻪ ﺃﺟﻴﺐ ﺍﻷﺩﻭﻳﺔ ﻭﺑﻐﺸﻰ ﺍﻟﺒﻴﺖ ﺍﺟﻴﺐ ﻣﺼﺎﺭﻳﻒ ﺫﻳﺎﺩﻩ ﻭﺍﺟﻲ ، ﻋﻢ
ﻋﺒﺪﻭ ﻳﻤﺸﻲ ﺑﻴﺖ ﻣﺮﺗﻮ ﺍﻟﺘﺎﻧﻴﻪ ( ﺧﺎﻟﺪﻩ ﺍﻟﻠﻲ ﻋﻨﺪﻩ ﻣﻨﻬﺎ ﺗﻴﻤﺎﻥ ) ﻃﺒﻌﺎ ﺑﻴﺘﻬﻢ
ﻋﻠﻰ ﺑﻌﺪ ﺗﻼﺗﻪ ﺷﻮﺍﺭﻉ ، ﻭﻳﺪﺧﻞ ﻏﺮﻓﺘﻪ ﻳﺸﻴﻞ ﻣﺼﺎﺭﻳﻒ ﻭﻳﻠﻘﺎﻫﺎ ﺑﺘﻠﻢ ﻓﻲ
ﻫﺪﻭﻣﺎ
ﻋﻢ ﺣﻤﺪ : ﻣﺎﺷﻪ ﻭﻳﻦ ﻳﺎﻣﺮﻩ
ﺧﺎﻟﺪﻩ : ﺯﻱ ﻣﺎﺷﺎﻳﻒ ﻣﺎﺷﻪ ﺑﻴﺖ ﺍﺑﻮﻱ
ﻋﻢ ﺣﻤﺪ : ﻭﺑﻴﺘﻚ ﺩﻩ ﻣﺎﻋﺎﺟﺒﻚ ؟؟
ﺧﺎﻟﺪﻩ : ﺳﻤﻌﻪ ﺑﺘﻚ ﺍﻟﺼﺮﺍﺣﻪ ﺑﻴﺨﺘﻮ لي
ﻋﻢ ﺣﻤﺪ ﻳﺮﻓﻊ ﺍﺻﺒﻌﻮ : ﻳﺎﺯﻭﻟﻪ ﻫﻮﻱ ﺃﻟﺰﻣﻲ ﺣﺪﻭﺩﻙ
ﺧﺎﻟﺪﻩ ﺗﻠﻢ ﻓﻲ ﺣﺎﺟﺎﺗﺎ: ﻟﻤﻦ ﺗﻔﻠﺢ ﻓﻲ ﺗﺮﺑﻴﺘﻚ ﺍﻧﺎ ﻫﻴﻨﻪ ﻭﺣﺪﻭﺩﻱ ﺑﻠﺰﻣﺎ
ﻋﻢ ﺣﻤﺪ : ﻗﻠﺘﻲ ﻛﺪﻩ ؟؟ ﺍﻣﺸﻲ ﺑﺮﺍﺣﺘﻚ ﺑﺲ ﺧﻄﻮﻩ ﻭﺣﺪﻩ ﺑﺮﻩ ﺑﻴﺘﻲ ﺩﻩ
ﻭﺭﻗﺘﻚ ﺣﺘﺼﻠﻚ ﻓﻲ ﺑﻴﺖ ﺍﺑﻮﻙ ﻭﺣﺮﺭﻡ ﺍﻷﻭﻻﺩ ﻣﺎﻳﻄﻠﻌﻮ ﻣﻦ ﺍﻟﺒﻴﺖ ﺩﻩ
ﺧﺎﻟﺪﻩ ﺗﺸﻴﻞ ﺷﻨﻄﺘﺎ ﻭﺗﻄﻠﻊ ﻭﺗﺨﺘﻢ ﻟﻴﻪ : ﻣﺎﺗﻨﺴﻰ ﺗﺒﺮﻭﺯﺍ ﻟﻲ ﻛﻤﺎﻥ ﺍﻟﻮﺭﻗﻪ ﺩﻱ
... ﻭﺍﻻﻭﻻﺩ ﺍﺳﻊ ﺧﻠﻴﻬﻢ ﻣﻌﺎﻙ ﺑﺲ ﻣﺴﺘﻘﺒﻠﻴﺎ ﺑﺸﻴﻠﻢ ﺑﺎﻟﻘﺎﻧﻮﻥ
ﻋﻢ ﺣﻤﺪ ﻳﻘﻌﺪ ﻓﻲ ﺳﺮﻳﺮ ﺍﻟﻐﺮﻓﻪ ﻭﻳﺪﻭ ﻓﻲ ﺭﺍﺳﻮ ﻭﻳﺴﺘﻐﻔﺮ ﺭﺑﻮ ﺑﺎﻟﻜﻮﺍﺭﺙ
ﺍﻟﺤﺼﻠﺖ ﻟﻴﻪ ﺩﻱ ﻟﺤﺪﻱ ﻣﺎﻋﻴﻮﻧﻮ ﺗﺪﻣﻊ ﻭﻓﺠﺎﻩ ﻳﺪﺧﻠﻮ ﻟﻴﻮ ﺍﻭﻻﺩﻭ ﺍﻟﺼﻐﺎﺭ
ﺍﻟﺘﻴﻤﺎﻥ ﻭﻳﺴﺄﻟﻮﻩ
( ﺑﺎﺑﺎ ﻣﺎﻟﻚ ﺑﺘﺒﻜﻲ ﻭﻣﺎﻣﺎ ﻣﺸﺖ ﻭﻳﻦ ؟؟)
ﻋﻢ ﺣﻤﺪ ﻳﺤﻀﻨﻢ ﻭﻳﻜﺬﺏ ﻋﻠﻴﻬﻢ ﺃﻧﻪ ﺃﻣﻬﻢ ﺳﺎﻓﺮﺕ ﻟﻲ ﻋﺮﺱ ﻭﺣﺘﺮﺟﻊ ﺑﻌﺪ
ﺍﺳﺒﻮﻉ ﻭﻳﺴﻮﻗﻬﻢ ﻣﻌﺎﻩ ﺑﻴﺖ ﻧﺎﺱ ﻣﺮﺗﻮ ﺍﻻﻭﻟﻰ ﻧﻔﻴﺴﻪ ...
ﻣﺮﺕ ﺍﺭﺑﻌﻪ ﺍﻳﺎﻡ ﻛﺎﻣﻠﻪ ﺑﺎﻟﻮﺿﻊ ﺩﻩ
( ﺻﺮﻑ ﻟﻠﻤﺪﺭﺳﻪ ﻭﺍﻛﻞ ﻭﻛﻬﺮﺑﺎﺀ ﻭﻓﻮﺍﺗﺮ ﻭﻋﻼﺟﺎﺕ ﻭﻣﺴﺘﺸﻔﻰ ﻭﺇﻳﺠﺎﺭ )
ﻟﺤﺪﻱ ﻣﺎﻋﻢ ﻋﺒﺪﻭ ﺑﺎﻟﻔﻠﺲ ﻣﺎﻋﺮﻑ ﻳﻌﻤﻞ ﺷﻨﻮ ﻋﺸﺎﻥ ﻻﻋﻨﺪﻩ ﺍﺥ ﻻ ﺳﻨﺪ
ﻭﺍﻟﻤﺼﺪﺭ ﺍﻟﻮﺣﻴﺪ ﺍﻟﺒﻜﺴﺐ ﻣﻨﻪ ﺍﻟﻤﺪﺭﺳﻪ ﺍﻟﻠﻲ ﺍﺗﺮﻓﺪ ﻣﻨﻬﺎ ﺑﺴﺒﺐ ﺳﻤﻌﻪ ﺑﻨﺘﻪ
،ﻭﻓﺠﺄﻩ ﻳﺠﻴﻪ ﺃﺗﺼﺎﻝ ﻫﺎﺗﻔﻲ ﻣﻦ ﺃﺳﺘﺎﺫ ﺍﻟﻔﻴﺰﻳﺎﺀ ﺃﺳﻤﻪ ﺳﻌﻴﺪ
( ﺳﻌﻴﺪ ﻋﻤﺮﻩ 39 ﺳﻨﻪ ﺃﺳﺘﺎﺫ ﺍﻟﻔﻴﺰﻳﺎﺀ ﺃﻧﺴﺎﻥ ﺯﻛﻲ ﺟﺪﺍ ﻭﻏﻨﻲ ﻭﺷﺮﻳﻚ ﻓﻲ
ﺍﻟﻤﺪﺭﺳﻪ ﺍﻟﻜﺎﻥ ﺑﻘﺮﻱ ﻓﻴﻬﺎ ﻋﻢ ﺣﻤﺪ ﻭﻋﻨﺪﻩ ﺃﺳﻬﻢ %30 ﺑﺲ ﺍﻟﺠﺎﻧﺐ ﺍﻻﺧﺮ ﺃﻧﻪ
ﻣﻦ ﺍﻻﺧﺮ ﻛﺪﻩ # ﻛﺪﻳﺎﻧﻪ ﻣﺎﻋﻨﺪﻩ ﺷﻲ ﻟﻠﺒﻨﺎﺕ ، ﺃﺧﻮﺍﻧﻪ ﺍﻟﺼﻐﺎﺭ ﺍﺗﺰﻭﺟﻮ ﻭﺍﻣﻨﻴﻪ
ﺃﻣﻪ ﺍﻟﻮﺣﻴﺪﻩ ﺗﺸﻮﻓﻮ ﻋﺮﻳﺲ ﻗﺒﻞ ﺗﻤﻮﺕ ﻭﺑﺎﻟﻨﻘﻪ ﺍﻟﻜﺘﻴﺮﻩ ﻋﺎﻳﺰ ﻳﻠﺒﻲ ﻃﻠﺒﺎﺗﺎ
ﻭﻣﺎﻑ ﺯﻭﻝ ﻋﺎﺭﻑ ﻣﻴﻮﻟﻪ ﻏﻴﺮ ﺍﻻﺳﺎﺗﺬﻩ ﻋﺸﺎﻥ ﺑﺴﺘﺪﺭﺝ ﺑﻌﺾ ﺍﻟﻄﻼﺏ ﻋﻨﺪﻩ
ﺑﺎﻟﺒﻴﺖ )
ﻋﻢ ﺣﻤﺪ : ﺍﻟﻮ ﻣﻌﺎﻱ ﻣﻨﻮ
ﺳﻌﻴﺪ : ﻣﻌﻘﻮﻟﻪ ﻳﺎﻋﻤﻮ ﻣﺎﻣﺴﺠﻞ ﺭﻗﻤﻲ، ﺃﻧﺎ ﺳﻌﻴﺪ
ﻋﻢ ﺣﻤﺪ : ﻛﻴﻔﻚ ﺳﻌﻴﺪ ﻣﻌﻠﻴﺶ ﺑﺲ ﺍﻟﺘﻠﻔﻮﻥ ﺟﺪﻳﺪ
ﺳﻌﻴﺪ : ﻻﻻ ﻣﺎﻣﺸﻜﻠﻪ ، "ﺳﻤﻌﺖ ﺍﻧﻪ ﺧﻠﻮﻙ ﺗﻘﺪﻡ ﺍﺳﺘﻘﺎﻟﺘﻚ ، ﻋﻤﻮﻣﺎ ﺍﻧﺎ ﻋﺎﻳﺰ
ﺍﻗﺎﺑﻠﻚ ﺿﺮﻭﺭﻱ ﻋﺸﺎﻥ ﻳﺎﺩﺍﺏ ﺳﻤﻌﺖ ﻭﻋﺎﻳﺰ ﺍﺗﻜﻠﻢ ﻣﻌﺎﻙ ﻓﻲ ﺍﻟﻤﻮﺿﻮﻉ ﺩﻩ ،
ﻣﻤﻜﻦ ﺗﺠﻴﻨﻲ ﻓﻲ ﺍﻟﻤﺪﺭﺳﻪ ﺑﻤﻜﺘﺒﻲ ؟؟
ﻋﻢ ﺣﻤﺪ ﻳﺴﺘﻐﺮﺏ : ﺗﻤﺎﻡ ﻧﺺ ﺳﺎﻋﻪ ﺑﻜﻮﻥ ﺟﻤﺒﻚ
ﺑﻌﺪ ﻧﺺ ﺳﺎﻋﻪ ﻋﻢ ﺣﻤﺪ ﻳﻘﺎﺑﻞ ﺳﻌﻴﺪ ، ﻭﻳﺴﻠﻢ ﻋﻠﻴﻪ ﻭﻳﻘﻌﺪ
ﺳﻌﻴﺪ : ﻃﺒﻌﺎ ﺍﻟﻤﺪﻳﺮ ﺑﺎﻟﻎ ﻣﻌﺎﻙ ﻛﻴﻒ ﻳﺘﺠﺮﺃ ﻭﻳﻌﻤﻞ ﻛﺪﻩ
ﻋﻢ ﺣﻤﺪ : ﺍﻟﻠﻪ ﻳﻌﻴﻦ ﺑﺲ
ﺳﻌﻴﺪ ﻳﺘﺒﺴﻢ : ﻋﻤﻮﻣﺎ ﺍﻧﺎ ﻣﻤﻜﻦ ﺃﺭﺟﻌﻚ ﻭﻣﺎﺗﺸﻴﻞ ﻫﻢ ﻣﻦ ﺍﻟﻤﻮﺿﻮﻉ ﺩﻩ ﺍﺑﺪﺍ
ﻭﻟﻮ ﻋﺎﻳﺰ ﺑﺬﻳﺪ ﻣﺮﺗﺒﻚ ﻋﺸﺎﻥ ﺍﻧﺖ ﻗﺪﻳﻢ ﺑﻤﺪﺭﺳﺘﻨﺎ ﺩﻱ ﻭﺍﻧﺖ ﻣﻦ ﺍﺳﺒﺎﺏ ﺗﻘﺪﻣﺎ
..
ﻋﻢ ﺣﻤﺪ ﻳﻔﺮﺡ ﺷﺪﻳﺪ ﻣﻦ ﺟﻮﻩ ﻭﻳﺘﻤﺎﻟﻚ ﻧﻔﺴﻪ ﻭﻓﻲ ﻧﻔﺲ ﺍﻟﻮﻗﺖ ﻳﻔﻜﺮ ﻓﻲ
ﻛﺮﺍﻣﺘﻪ ﺍﻧﻮ ﻣﺎﻳﺮﺟﻊ ﻋﺸﺎﻥ ﻃﺮﺩﻭﻩ ﺑﺲ ﻋﺸﺎﻥ ﻣﺎﻋﻨﺪﻩ ﺣﻞ ﻳﺴﻜﺖ ﻭﻳﻮﺍﻓﻖ
ﻭﻳﺮﺩ ﻟﻴﻪ : ﺗﺴﻠﻢ ﺷﺪﻳﺪ
ﺳﻌﻴﺪ : ﺑﺲ ﺑﺸﺮﻁ
ﻋﻢ ﺣﻤﺪ ﺑﺎﺳﺘﻐﺮﺍﺏ : ﺷﺮﻁ ؟؟ﺍﺗﻔﻀﻞ
ﺳﻌﻴﺪ : ﺗﻌﺮﺱ ﻟﻲ ﺑﺘﻚ ﺳﺎﺭﻩ
ﻋﻢ ﺣﻤﺪ ﻳﻬﻴﺞ ﻓﻴﻪ : ﺍﻋﺮﺱ ﻟﻴﻚ ﺑﺘﻲ ؟؟ ﻛﻴﻒ ؟؟ ﻭﺍﻧﺖ ﺫﺍﺗﻚ ﻣﺶ ؟؟ ﺍﻧﺖ
ﺗﺎﻓﻪ ﻳﺎﺯﻭﻝ ؟؟ ﺑﺘﺴﺘﻘﻠﻨﻲ ﺍﻧﺖ ﻋﺸﺎﻥ ﻋﺮﻓﺘﻨﻲ ﻣﺤﺘﺎﺝ ﺷﻐﻞ ﻓﻲ ﺍﻟﻔﺘﺮﻩ ﺩﻱ ؟؟
ﺳﻌﻴﺪ ﻗﺎﻋﺪ ﻓﻲ ﺍﻟﻜﺮﺳﻲ ﻭﺑﻜﻞ ﺑﺮﻭﺩ : ﻓﻜﺮ ﻓﻲ ﺍﻟﻤﻮﺿﻮﻉ ﻭﺍﻧﺎ ﻋﺎﻳﺰﺍ ﺑﺎﻟﺸﺮﻉ
ﻭﺍﺣﻤﺪ ﺭﺑﻚ ﺍﻧﻪ ﻓﻲ ﺯﻭﻝ ﻋﺒﺮ ﺑﻨﺘﻚ
ﻋﻢ ﺣﻤﺪ ﻳﺼﺮﺥ ﻓﻴﻪ ﻭﻳﻄﻠﻊ : ﻟﻮ ﺍﺟﺪﻉ ﺑﺘﻲ ﺍﻟﺸﺎﺭﻉ ﻣﺎﺍﺩﻳﻬﺎ ﻟﻲ ﻭﺍﺣﺪ ﺯﻳﻚ
ﺳﻌﻴﺪ : ﺗﻠﻔﻮﻧﻲ ﻣﻌﺎﻙ ﻟﻮ ﻋﺎﻳﺰ ﺍﻟﻮﻇﻴﻔﻪ ﺑﺎﻟﺮﻏﻢ ﻣﻦ ﺍﻟﺴﻤﻌﻪ
ﻋﻢ ﺣﻤﺪ ﻳﺘﻜﻠﻢ ﺑﺮﺍﻩ ﻓﻲ ﺍﻟﺸﺎﺭﻉ ﻟﺤﺪﻱ ﻣﺎﻭﺻﻞ ﺍﻟﺒﻴﺖ ﻭﻳﻠﻘﻰ ﺍﻭﻻﺩﻩ ﻗﺎﻋﺪﻳﻦ
ﺑﻬﺒﺸﻮ ﻓﻲ ﺍﻟﺘﻠﻔﺰﻳﻮﻥ ﻭﻫﻮ ﻣﻘﻔﻮﻝ ..
ﻋﻢ ﺣﻤﺪ : ﻳﺎﺍﻭﻻﺩ ﺯﺣﻮ ﻣﻦ ﺍﻟﻜﻬﺮﺑﺎﺀ ﻭ ﺍﻟﺘﻠﻔﺰﻳﻮﻥ ﺩﻩ
ﺳﻼﻓﻪ : ﻗﻠﺖ ﻟﻴﻬﻢ ﺍﻟﻜﻬﺮﺑﺎﺀ ﺻﻔﺮ ﻭﻗﻄﻌﺖ ﻭﻣﺎﺻﺪﻗﻮﻧﻲ
ﻋﻢ ﺣﻤﺪ ﻳﺤﺘﺎﺭ : ﺩﻱ ﻛﻤﺎﻥ ﻭﻗﺘﻬﺎ ﺍﻟﻜﻬﺮﺑﺎﺀ ﺩﻱ ﻋﺸﺎﻥ ﺗﺨﻠﺺ ، ﻭﻣﺎﻟﻬﻢ ﺟﻮ
ﺑﺪﺭﻱ ﻣﻦ ﺍﻟﻤﺪﺭﺳﻪ ؟؟
ﺳﻼﻓﻪ : ﻗﺎﻟﻮ ﻃﺮﺩﻭﻫﻢ ﻋﺸﺎﻥ ﻣﺎﺩﻓﻌﻮ ﺍﻟﻘﺼﺪ ﺍﻟﺘﺎﻧﻲ ﻣﻦ ﺍﻟﺮﺳﻮﻡ ﺍﻟﺪﺭﺍﺳﻴﺔ ..
ﻋﻢ ﺣﻤﺪ ﻳﺘﺬﻛﺮ ﺍﻧﻪ ﻣﺎﺩﻓﻊ ﺍﻟﺮﺳﻮﻡ ﻭﻳﻤﺸﻲ ﺍﻟﻤﺪﺭﺳﻪ ﻳﺘﻜﻠﻢ ﻣﻊ ﺍﻟﻤﺪﻳﺮﻩ ﺑﺲ
ﺗﺮﻓﺾ ﺗﺮﺟﻊ ﺍﻭﻻﺩﻩ ﺍﻟﻤﺪﺭﺳﻪ ﺍﻟﻤﺮﻩ ﺩﻱ ﺑﺪﻭﻥ ﻳﺪﻓﻊ ﺍﻟﻘﺼﺪ ، ﻭﻳﻄﻠﻊ ﻣﻨﻬﺎ
ﻭﺑﺎﻟﺤﺴﺮﻩ ﻋﻴﻮﻧﻮ ﺗﺪﻣﻊ ﻭﻳﻄﻠﻊ ﺗﻠﻔﻮﻧﻪ ﻭﻳﻀﺮﺏ ﻟﻲ ﺳﻌﻴﺪ ﻭﻳﻘﻮﻝ ﻟﻴﻪ ﺗﻌﺎﻝ ﻟﻲ
ﺍﻟﺒﻴﺖ ﺑﺎﻟﻤﻐﺮﺑﻴﻪ ﻛﺪﻩ ﻭﺳﻌﻴﺪ ﻳﻮﺍﻓﻖ ...
ﻋﻢ ﺣﻤﺪ ﻳﺪﺧﻞ ﺑﻴﺘﻪ ﻭﻳﻨﺎﺩﻱ ﻟﻲ ﺳﺎﺭﻩ
ﺳﻼﻓﻪ ﺗﺴﺘﻐﺮﺏ : ﻳﺎﺳﺎﺭﻩ ﺍﺑﻮﻙ ﺑﻨﺎﺩﻳﻚ
ﺳﺎﺭﻩ ﺗﺠﻲ ﻭﻣﻨﺰﻻ ﺭﺍﺳﺎ: ﺍﻱ ﻳﺎﺍﺑﻮﻱ
ﻋﻢ ﺣﻤﺪ ﺣﺎﺑﺲ ﺩﻣﻮﻋﻮ : ﻣﻌﻠﻴﺶ ﻳﺎﺑﺘﻲ ﻋﺸﺎﻥ ﺿﺮﺑﺘﻚ ﻋﻠﻴﻚ ﺍﻟﻠﻪ ﺳﺎﻣﺤﻴﻨﻲ
ﺍﻧﺘﻲ ﻋﺎﺭﻓﺎﻧﻲ ﺑﺤﺒﻚ ﻗﺪﺭ ﻛﻴﻒ
ﺳﺎﺭﻩ : ﻣﺎﺗﻘﻮﻝ ﻛﺪﻩ ﻳﺎﺑﺎ ﻣﻦ ﻳﻮﻣﻲ ﻣﺴﺎﻣﺤﺎﻙ
ﻋﻢ ﺣﻤﺪ : ﻋﺎﻳﺰ ﺍﻗﻮﻝ ﻟﻴﻚ ﺣﺎﺟﻪ ﻳﺎﺑﺘﻲ
ﺳﺎﺭﻩ : ﺃﺗﻔﻀﻞ ﻳﺎﺍﺑﻮﻱ
ﻋﻢ ﺣﻤﺪ : ﺑﻌﺪﻳﻦ ﺍﻟﻤﻐﺮﺏ ﺟﺎﻳﻚ ﻋﺮﻳﺲ