رواية انا ضحية ولست بعاهرة
الفصل السادس عشر16
بقلم فللوس
ﻋﻢ ﺣﻤﺪ : ﺑﻌﺪﻳﻦ ﺍﻟﻤﻐﺮﺏ ﺟﺎﻳﻚ ﻋﺮﻳﺲ
ﺳﺎﺭﻩ ﺑﺈﺳﺘﻌﺠﺎﺏ : ﻫﻬﻬﻬﻬﻪ ﺍﺑﻮﻱ ﻋﺮﻳﺲ ﺷﻨﻮ ؟؟
ﻋﻢ ﺣﻤﺪ : ﻋﺮﻳﺲ ﺑﻤﻌﻨﻰ ﻋﺮﻳﺲ
ﺳﺎﺭﻩ ﻣﺨﻠﻮﻋﻪ : ﺍﺑﻮﻱ ﺍﻧﺎ ﻛﻨﺖ ﻋﺮﻭﺱ ﻗﺒﻞ ﺍﻳﺎﻡ ﻣﻌﺪﻭﺩﻩ ، ﻭﺑﻌﺪﻳﻦ ﺩﻩ ﻭﻗﺖ
ﻋﺮﺱ ؟ ﻭﻧﺎﺳﻲ ﺣﺎﻝ ﺍﻣﻲ .. ﻭﺳﻴﺒﻚ ﻣﻦ ﺩﻩ ﺍﻧﺖ ﺍﺳﺘﺸﺮﺗﻨﻲ ﻗﺒﻞ ﻳﺠﻴﻨﻲ ﺯﻭﻝ
ﺇﺫﺍ ﺍﻧﺎ ﻣﺴﺘﻌﺪﻩ ﺗﺎﻧﻲ ﻟﻠﺒﺎﺏ ﺩﻩ ﺃﻭ ﻻ
ﻋﻢ ﺣﻤﺪ : ﺷﻮﻓﻲ ﻳﺎﺑﺖ ﻧﻄﻤﻲ ﺍﻻﺳﺘﺸﺎﺭﻩ ﺩﻩ ﺗﺎﻧﻲ ﻣﺎﺑﻨﻔﻊ ﻣﻌﺎﻱ ، ﺟﺎﻳﻴﻚ
ﻋﺮﻳﺲ ﺍﺳﺘﺎﺫ ﻣﻌﺎﻱ ﻓﻲ ﺍﻟﻤﺪﺭﺳﻪ ﺯﻭﻝ ﻣﺤﺘﺮﻡ ﻭﺳﺎﻋﺪﻧﻲ ﺍﺭﺟﻊ ﻟﻠﺸﻐﻞ ﻛﻤﺎﻥ
ﺳﺎﺭﻩ ﺑﺘﺒﻜﻲ : ﺍﺑﻮﻱ ﺍﻧﺎ ﻣﺎ ﺳﻠﻌﻪ ﺑﻴﻦ ﺍﻳﺪﻳﻚ ﺗﺒﻴﻌﻨﻲ ﻭﺗﺸﺘﺮﻳﻨﻲ ﺑﻲ ﺭﺍﺣﺘﻚ ،
ﻋﺸﺎﻥ ﺯﻭﻝ ﺳﺎﻋﺪﻙ ﺗﻘﻮﻡ ﺗﺠﻴﺒﻮ ﻟﻲ ﺑﺘﻔﻜﻴﺮﻙ ﺍﻻﻧﺎﻧﻲ ﺩﻩ
ﻋﻢ ﺣﻤﺪ ﻳﻨﻬﺮﺍ ﻭﻳﺼﺮﺥ ﻓﻴﻬﺎ : ﺍﻧﺎﻧﻲ ؟؟ ﺣﺼﻠﺖ ﺗﻘﻮﻟﻲ ﻋﻠﻲ ﺍﻧﺎﻧﻲ ﻛﻤﺎﻥ؟؟
ﺍﺳﻊ ﺍﻻﻧﺎﻧﻲ ﻓﻴﻨﺎ ﻣﻨﻮ ؟؟ ﺍﻧﺎﻧﻲ ﺍﻧﺎ ﺍﻟﻌﺎﻳﺰ ﺍﺳﺘﺮﻙ ﺑﺎﻟﺴﺘﺮﻧﻲ ﻭﻻ ﺍﻧﺘﻲ ﺍﻟﻔﻜﺮﺗﻲ
ﺗﻠﺒﻲ ﺭﻗﺒﺎﺗﻚ ﻭﺗﻐﻠﻄﻲ ﻭﻻﺗﻔﻜﺮﻱ ﻓﻴﻨﻲ ﺇﺫﺍ ﺭﺍﺳﻲ ﺣﻴﻮﺿﻰ ﻗﺪﺍﻡ ﺍﻟﻨﺎﺱ ﺍﻭ ﻻ ،
ﺍﻟﻤﻮﺿﻮﻉ ﺩﻩ ﻣﻨﺘﻬﻲ ﻭﻣﺎﻋﺎﻳﺰ ﻛﻼﻡ ﻛﺘﻴﺮ ﻭﺍﻟﻤﻐﺮﺏ ﺍﻟﺰﻭﻝ ﺩﻩ ﺣﻴﻜﻮﻥ ﻫﻨﺎ ،
ﻭﻳﻜﻮﺭﻙ ﻓﻴﻬﺎ ﻭﻳﻄﻠﻊ ﺑﺮﻩ ﺍﻟﺒﻴﺖ ...
ﺳﺎﺭﻩ ﺗﻘﻌﺪ ﺗﺒﻜﻲ ﻭﺳﻼﻓﻪ ﺗﺠﻴﻬﺎ ﻭﺗﺪﺧﻼ ﺍﻟﻐﺮﻓﻪ ..
ﺳﺎﺭﻩ ﺑﺘﺒﻜﻲ : ﺳﻤﻌﺘﻲ ﺍﻟﺤﺼﻞ ﻟﻲ ﺩﻩ ﻳﺎﺳﻼﻓﻪ
ﺳﻼﻓﻪ : ﺍﻱ ﺍﻱ ﺳﻤﻌﺖ ﺑﺲ ﺍﺻﺒﺮﻱ ﻟﺴﻪ ﺍﻟﻤﻮﺿﻮﻉ ﻣﺎ ﺗﻢ
ﺑﻌﺪ ﺳﺎﻋﺎﺕ ﺍﻟﻤﻐﺮﺏ ﻳﺪﺧﻞ ﻭﺳﻌﻴﺪ ﻳﺠﻲ ﺑﻲ ﻋﺮﺑﻴﺘﻪ ﻭﺳﻼﻓﻪ ﺗﻌﺎﻳﻦ ﺑﺨﺮﻡ
ﺍﻟﺒﺎﺏ ﻭﺗﺠﺮ ﻟﻲ ﺳﺎﺭﻩ
( ﻭﻭﻭﻭﺏ ﻋﻠﻲ ﻛﻤﺎﻥ ﺳﺎﻳﻖ ﻋﺮﺑﻴﻪ)
ﻭﺳﻼﻓﻪ ﺗﻔﻜﺮ ﺑﻴﻨﻬﺎ ﻭﺑﻴﻦ ﻧﻔﺴﺎ ﺍﺳﻊ ﺍﻟﺰﻭﻝ ﺩﻩ ﻣﺎﻓﻴﻬﻮ ﻋﻴﺐ ﻛﻮﻧﻮ ﻳﻌﺮﺱ
ﻭﺣﺪﻩ ﺳﻤﻌﺘﺎ ﺍﻧﺘﺸﺮﺕ ﻓﻲ ﺍﻟﺤﻠﻪ ، ﺑﺲ ﺗﻔﻜﺮ ﺗﺴﻜﺖ ﻋﺸﺎﻥ ﻣﺎﺗﺠﺮﺡ ﻣﺸﺎﻋﺮ
ﺳﺎﺭﻩ ... ﻋﻢ ﺣﻤﺪ ﻳﻀﻴﻴﻒ ﺳﻌﻴﺪ ﻭﻳﺪﺧﻠﻪ ﺍﻟﺤﻮﺵ ...
ﻋﻢ ﺣﻤﺪ : ﺳﻼﻓﻪ ﺟﻴﺒﻲ ﺍﻟﻤﻮﻳﻪ ﺍﻟﺒﺎﺭﺩﺓ
ﺳﻼﻓﻪ ﺗﺠﻴﺐ ﺍﻟﻤﻮﻳﻪ ﻭﺗﺴﻠﻢ ﻋﻠﻴﻪ ﻭﻋﻢ ﺣﻤﺪ ﻳﻘﻮﻝ ﻟﻴﻬﺎ ﻧﺎﺩﻱ ﻣﻌﺎﻙ ﺳﺎﺭﻩ ...
ﺳﺎﺭﻩ ﺑﺘﺒﻜﻲ : ﺍﻧﺎ ﻣﺎﻋﺎﻳﺰﻩ ﺍﻃﻠﻊ ﻭﻳﺤﺼﻞ ﺍﻟﺤﺼﻞ
ﺳﻼﻓﻪ : ﻳﺎﺑﺖ ﻣﺎﺍﺗﻜﺴﺮﻱ ﻛﻠﻤﻪ ﺍﺑﻮﻙ ، ﻛﻞ ﺍﻟﻘﺼﻪ ﺗﻌﺎﺭﻑ ﺍﺳﻊ ﻳﻤﻜﻦ ﻳﺮﻓﻀﻚ
، ﺳﺎﺭﻩ ﺗﻮﺍﻓﻖ ﻭﺗﻤﺸﻲ ﻭﺗﻠﻘﻰ ﺳﻌﻴﺪ ﻭﻣﻦ ﺷﻜﻠﻮ ﻣﺎﺗﻄﻤﻦ ﺑﺎﻟﺮﻏﻢ ﻣﻦ ﺍﻧﻪ ﻛﺎﻥ
ﺍﻧﺴﺎﻥ ﻧﻀﻴﻒ ﻭﺃﻧﻴﻖ ﻭﻏﻨﻲ ﺑﺲ ﺣﺴﺖ ﺑﻲ ﺷﻲ ﻧﺎﻗﺺ
ﻋﻢ ﺣﻤﺪ ﺿﻤﻴﺮﻭ ﺣﺎﺭﻗﻮ ﺍﻧﻪ ﺑﺒﻴﻊ ﺑﺘﻮ ﺑﺎﻟﺮﺧﻴﺺ : ﺩﻱ ﺳﺎﺭﻩ ﺑﺘﻲ ﻭﺑﻜﻞ
ﺍﺧﺘﺼﺎﺭ ﻧﻘﺮﺍ ﺍﻟﻔﺎﺗﺤﻪ ﻭﻻ ﻣﺎﻭﻗﺘﻪ ؟؟
ﺳﺎﺭﻩ ﺗﺴﺘﻐﺮﺏ ﻟﻴﻪ ﺍﺑﻮﻫﺎ ﺯﻋﻼﻥ ﻭﺑﺨﺘﺼﺮ ﻓﻲ ﺳﻌﻴﺪ ﻛﺪﻩ
ﺳﻌﻴﺪ : ﻻﻻ ﻳﺎﻋﻤﻮ ﺍﻛﻴﺪ ﻧﻘﺮﺍ ﺍﻟﻔﺎﺗﺤﻪ ﻭﻳﻮﻡ ﺍﻟﺠﻤﻌﻪ ﻧﻌﻘﺪ ﻭﻧﺴﺎﻓﺮ ﺻﺒﺎﺡ ﻳﻮﻡ
ﺍﻻﺗﻨﻴﻦ ﻃﻮﺍﻟﻲ ﺑﻮﺭﺗﺴﻮﺩﺍﻥ ﻟﻲ ﺍﻫﻠﻲ ﻫﻨﺎﻙ
ﺳﺎﺭﻩ : ﺵ ﺵ ﺷﻨﻮ ؟؟ ﻧﻌﻘﺪ ؟؟ ﺩﻩ ﺷﻨﻮ ﺍﻟﻜﻼﻡ ﺩﻩ ﺍﺳﻊ ﺍﻧﺖ ﺍﺳﺘﺸﺮﺗﻨﻲ؟؟ ،،
ﻋﻢ ﺣﻤﺪ ﻳﻨﻬﺮ ﺳﺎﺭﻩ ( ، ﻳﺎﺑﺖ ﻭﻃﻲ ﺻﻮﺗﻚ ﺍﻧﺘﻲ ﻣﺎﻋﻨﺪﻙ ﺍﺳﻠﻮﺏ ؟
ﺳﻌﻴﺪ ﻳﺘﺒﺴﻢ ﻭﻳﻘﻮﻝ ﻟﻴﻬﺎ ﻋﺸﺎﻥ ﻣﻦ ﺍﻟﺨﻤﻴﺲ ﺣﺎﺃﺧﺪ ﺍﺟﺎﺯﺗﻲ ﺍﻟﺴﻨﻮﻳﻪ
ﻋﻢ ﺣﻤﺪ : ﺗﻤﺎﻡ ﻳﺎﺯﻭﻝ ﺍﻧﺎ ﺫﺍﺗﻮ ﻣﺎﻋﺎﻳﺰ ﺟﻮﻃﻪ ﻋﺮﺱ ﻛﺘﻴﺮﻩ ﻭﻣﻮﺍﻓﻖ ﻃﺎﻟﻤﺎ
ﻋﻠﻰ ﺳﻨﻪ ﺍﻟﻠﻪ ﻭﺭﺳﻮﻟﻪ
ﺳﺎﺭﻩ ﺗﺒﻜﻲ ﻭﺗﺼﺮﺥ ﻭﺗﺒﻮﺱ ﺭﺟﻞ ﺍﺑﻮﻫﺎ ﻗﺪﺍﻡ ﺳﻌﻴﺪ : ﻟﻴﻪ ﻳﺎﺍﺑﻮﻱ ﺑﺘﻌﻤﻞ ﻓﻴﻨﻲ
ﻛﺪﻩ ﻋﻠﻴﻚ ﺍﻟﻠﻪ ﻣﺎﺗﻮﺍﻓﻖ ﺍﻧﺎ ﺑﺘﻚ ﻳﺎﺍﺑﻮﻱ ﻟﻴﻪ ﺑﺘﺒﻴﻌﻨﻲ ﻛﺪﻩ ﻳﺎﺍﺑﻮﻱ
ﻋﻢ ﺣﻤﺪ ﻣﻦ ﺟﻮﻩ ﻣﻮﺟﻮﻉ ﻭﻳﻌﻤﻞ ﺍﻧﻪ ﺻﺎﺭﻡ : ﻳﺎﺑﺖ ﺧﺸﻲ ﺟﻮﻩ ، ﺍﻟﺰﻭﺍﺝ
ﺳﺘﺮﻩ ﻟﻠﻤﺠﺘﻤﻊ ..
ﻭﻳﻘﻮﻡ ﻳﻘﺪﻡ ﺳﻌﻴﺪ ﻟﺒﺎﺏ ﺍﻟﺸﺎﺭﻉ .. ﺳﺎﺭﻩ ﺑﺴﺒﺐ ﺍﻟﻤﻮﺿﻮﻉ ﺧﺸﺖ ﻓﻲ ﺻﺪﻣﻪ
ﻧﻔﻴﺴﻪ ﺍﻧﻪ ﺍﻟﺠﻤﻌﻪ ﺍﻟﻔﺎﺗﺖ ﻛﺎﻧﺖ ﻣﻊ ﺣﺴﺎﻡ ﻭﺍﻟﺠﻤﻌﻪ ﺍﻟﺠﺎﻳﻪ ﺣﺘﻜﻮﻥ ﻣﻌﻘﻮﺩ
ﻋﻠﻴﻬﺎ ﻣﻦ ﺳﻌﻴﺪ ...
ﻟﻤﻦ ﺟﺎﺀ ﻳﻮﻡ ﺍﻟﺠﻤﻌﻪ ( ﻳﻮﻡ ﺍﻟﻌﻘﺪ ) ﻃﺒﻌﺎ ﺍﻟﻀﻴﻮﻑ ﻛﺎﻧﻮ ﺑﺴﺎﻁ ﻋﺸﺎﻥ ﺍﺻﻼ
ﺍﻟﺨﺒﺮ ﻣﺎﺍﻧﺘﺸﺮ ﺷﺪﻳﺪ ﻏﻴﺮ ﻟﻠﺠﻴﺮﺍﻥ ﺍﻟﻘﺮﺍﺏ ' ﻟﻤﻴﺎﺀ ﻭﻋﻠﻴﺎﺀ ﻳﺴﻤﻌﻮ ﻣﻮﺿﻮﻉ
ﺍﻟﻌﻘﺪ ..
ﻟﻤﻴﺎﺀ : ﺷﻮﻓﻲ ﺍﻻﻓﻌﻰ ﺟﺎﺕ ﻣﻦ ﺣﺴﺎﻡ ﻭﺍﺳﻊ ﻋﻘﺪﻭ ﻋﻠﻴﻬﺎ
ﻋﻠﻴﺎﺀ : ﻭﺍﺗﺨﻴﻠﻲ ﺍﻣﻬﺎ ﻓﻲ ﺍﻟﻤﺴﺘﺸﻔﻰ ﺍﻟﺤﺎﻟﻪ ، ﺍﻟﻠﻪ ﻧﺠﺎﻙ ﻳﺎﺣﺴﺎﻡ ﻣﻦ ﺍﻟﻨﺎﺱ
ﻋﺪﻳﻤﻴﻦ ﺍﻟﺪﻡ ﺩﻳﻞ
ﻟﻤﻴﺎﺀ : ﻭﻗﺎﻟﻮ ﻋﺮﺱ ﻭﺟﻮﻃﻪ ﻣﺎﻑ ﻭﺻﺒﺎﺡ ﺍﻻﺗﻨﻴﻦ ﺣﻴﻤﺸﻮ ﺑﻮﺭﺗﺴﻮﺩﺍﻥ ﻃﻮﺍﻟﻲ
ﻋﻠﻴﺎﺀ : ﻭﻭﻭﺏ ﻋﻠﻲ ﺫﻛﺮﺗﻴﻨﻲ ﺍﻻﺗﻨﻴﻦ ﻋﺮﺱ ﺍﻟﺴﺮ ﺻﺎﺣﺐ ﺣﺴﺎﻡ ﻳﺎﺭﺑﻲ ﺑﻜﻮﻥ
ﺿﺮﺏ ﻟﻴﻪ
ﻟﻤﻴﺎﺀ : ﻣﺎﻋﺎﺭﻓﻪ ﻭﺍﻟﻠﻪ ، ﺑﺲ ﺣﻘﻮ ﻧﻀﺮﺏ ﻟﻲ ﺣﺴﺎﻡ ﺍﻟﻤﺼﺪﻭﻡ ﺩﺍﻙ ﻭﻧﺸﻮﻑ ﻟﻴﻪ
ﻋﺮﻭﺱ ﺑﺪﻝ ﺍﻟﺨﺒﻴﺜﻪ ﺩﻱ
ﻋﻠﻴﺎﺀ : ﻃﻠﻘﺎ ﻭﺍﺳﻊ ﻋﻘﺪﺕ ﺗﺎﻧﻲ ﻳﻌﻨﻲ ﻭﻻ ﺷﻐﺎﻟﻪ ﺑﻲ ﺣﺴﺎﻡ ﺍﻟﻮﻗﺤﻪ ، ﺷﻮﻓﻲ
ﺍﻧﺎ ﻣﺎﺑﻀﺮﺏ ﻟﻲ ﺣﺴﺎﻡ ﺑﻀﺮﺏ ﻟﻲ ﺇﺑﺮﺍﻫﻴﻢ ﻋﺸﺎﻥ ﺣﺴﺎﻡ ﻣﺎﺑﺴﻤﻊ ﻛﻼﻣﻨﺎ ..
ﻟﻤﻴﺎﺀ : ﻭﺍﻧﺎ ﺑﻀﺮﺏ ﻟﻲ ﺍﻟﺴﺮ ﻳﺬﻛﺮ ﺣﺴﺎﻡ ﺑﻌﺰﻭﻣﻪ ﺍﻟﻌﺮﺱ ﻭﺑﻨﺎﺩﻱ ﺻﺤﺒﺎﺗﻲ
ﻫﻨﺎﻙ ﻭﻧﺨﺘﺎﺭ ﻟﻴﻪ ﻋﺮﻭﺱ .
.
ﻭﻓﻌﻼ ﻟﻤﻴﺎﺀ ﺗﻀﺮﺏ ﻟﻲ ﺍﻟﺴﺮ ﻭﻋﻠﻴﺎﺀ ﻟﻲ ﺍﺑﺮﺍﻫﻴﻢ ﻭﺗﺸﺮﺡ ﻟﻴﻪ ﺍﻟﺘﻔﺎﺻﻴﻞ ﺑﺎﻟﻨﻘﻄﻪ
، ﻭﺗﺨﺘﻢ ﻟﻴﻪ ﻛﻠﻢ ﻣﻌﺎﻙ ﺣﺴﺎﻡ ﺑﺲ ﻣﺎ ﺗﻘﻮﻝ ﻟﻴﻪ ﺍﺣﻨﺎ ﺍﻟﻜﻠﻤﻨﺎﻙ ﺑﻤﻮﺿﻮﻉ ﻋﻘﺪ
ﺳﺎﺭﻩ...
ﺇﺑﺮﺍﻫﻴﻢ ﻳﻤﺸﻲ ﻳﺘﻮﻧﺲ ﻣﻊ ﺣﺴﺎﻡ ﺍﻟﻤﺼﺪﻭﻡ ﻣﻦ ﻳﻮﻡ ﺍﻟﺪﺧﻠﻪ : ﻳﺎﻣﺎﻥ ﺍﻧﺖ
ﻟﻤﺘﻴﻦ ﺣﺘﻜﻮﻥ ﻓﻲ ﺍﻟﺤﺎﻟﻪ ﺩﻱ ﻣﺎﻣﻌﻘﻮﻟﻪ ﻣﻌﺎﻙ ﻳﺎﺥ
ﺣﺴﺎﻡ : ﻣﻌﻠﻴﺶ ﻳﺎ ﻭﺩﺍﻟﻌﻢ ﺑﺲ ﻧﻔﺴﻴﺎﺗﻲ ﻣﻘﻔﻮﻟﻪ ﻭﺍﻧﺖ ﻟﻮ ﻣﻜﺎﻧﻲ ﻛﺎﻥ ﻋﻤﻠﺖ
ﻛﺪﻩ
ﺍﺑﺮﺍﻫﻴﻢ : ﻭﺍﻟﻠﻪ ﻟﻮ ﻫﻲ ﺑﺘﺴﺘﺤﻖ ﻧﻔﺴﻴﺎﺗﻲ ﺗﺘﻘﻔﻞ ﻋﺸﺎﻧﻬﺎ ﺍﻭ ﺑﺘﺒﺎﺩﻟﻨﻲ ﺑﺎﻟﻤﺜﻞ
ﻛﺎﻥ ﺑﻮﺍﻓﻘﻚ ﺍﻟﺮﺃﻱ
ﺣﺴﺎﻡ : ﻣﺎﻓﻬﻤﺖ ﻋﻠﻴﻚ
ﺇﺑﺮﺍﻫﻴﻢ : ﻳﻌﻨﻲ ﻟﻮ ﻫﻲ ﻛﺎﻥ ﻣﺼﺪﻭﻣﻪ ﺯﻱ ﻣﺎﺍﻧﺎ ﻣﺼﺪﻭﻡ ﻛﺎﻥ ﺑﻜﻮﻥ ﺯﻳﻚ
ﺣﺴﺎﻡ : ﻗﺼﺪﻙ ﺳﺎﺭﻩ ﻣﺎﻣﺒﺎﺩﻻﻧﻲ ﺑﻨﻔﺲ ﺍﻟﺸﻌﻮﺭ ﻳﻌﻨﻲ ؟؟
ﺇﺑﺮﺍﻫﻴﻢ : ﺑﺎﻟﺴﻤﻌﺘﻮ ﻭﺍﻟﻠﻪ ﻣﺎﻣﺒﺎﺩﻻﻙ
ﺣﺴﺎﻡ : ﺳﻤﻌﺖ ﺷﻨﻮ ﻭﻋﺮﻓﺖ ﻛﻴﻒ ؟؟
ﺇﺑﺮﺍﻫﻴﻢ : ﺳﻤﻌﺖ ﺍﻧﻪ ﺍﻟﻠﻴﻠﻪ ﺍﻟﻌﻘﺪ ﺑﺘﺎﻋﻬﺎ ﻭﺻﺒﺎﺡ ﺍﻻﺗﻨﻴﻦ ﺣﺘﺴﺎﻓﺮ ﻣﻊ ﻋﺮﻳﺴﻬﺎ
ﻃﻮﺍﻟﻲ ﺑﻮﺭﺗﺴﻮﺩﺍﻥ ﻟﺸﻬﺮ ﺍﻟﻌﺴﻞ ،ﻳﻌﻨﻲ ﺍﻧﺖ ﻫﺎﻟﻚ ﻧﻔﺴﻴﺎﺗﻚ ﻓﻲ ﻭﺣﺪﻩ
ﻣﺎﺗﺴﺘﺎﻫﻞ ﻭﺍﺳﻊ ﻋﺎﻳﻦ ﻟﻴﻬﺎ ﻣﺒﺴﻮﻃﻪ ﻭﻋﺎﻳﺸﻪ ﺍﻳﺎﻣﻬﺎ ﺍﻧﺎ ﻟﻮ ﻣﻜﺎﻧﻚ ﺑﻌﻴﺶ
ﺣﻴﺎﺗﻲ ﺑﺄﺟﻤﻞ ﻣﻮﺩ ﻋﺸﺎﻥ ﺃﺛﺒﺖ ﻟﻴﻬﺎ ﺍﻧﺎ ﻛﻤﺎﻥ ﻣﺎﺷﻐﺎﻝ ﺑﻴﻬﺎ ﻛﺘﻴﺮ
ﺣﺴﺎﻡ ﻳﺘﺨﻠﻊ : ﺍﻧﺖ ﺟﺎﺩﻱ ؟؟ ﺳﺎﺭﻩ ﺍﻟﻠﻴﻠﻪ ﻋﻘﺪﻫﺎ ؟؟ ﺍﻛﻴﺪ ﻛﺬﺍﺏ
ﺇﺑﺮﺍﻫﻴﻢ : ﺃﺳﺎﻝ ﺍﻣﻚ ﺑﺘﻮﺭﻳﻚ
ﺣﺴﺎﻡ ﻳﺘﺤﺮﻕ ﻣﻦ ﺟﻮﻩ ﻗﻠﺒﻪ ﻭﻳﻌﻤﻞ ﺭﻭﺣﻪ ﻣﺎﺷﻐﺎﻝ ﺑﺎﻟﻤﻮﺿﻮﻉ ﻛﺘﻴﺮ : ﻳﺎ ﺯﻭﻝ
ﺑﻲ ﺭﺍﺣﺘﺎ
، ﻭﺃﺛﻨﺎﺀ ﻣﺎﺣﺴﺎﻡ ﺑﺘﻮﻧﺲ ﻣﻊ ﺇﺑﺮﺍﻫﻴﻢ ﻳﺠﻴﻪ ﺍﺗﺼﺎﻝ ﻣﻦ ﺍﻟﺴﺮ ﻭﻳﺴﻠﻢ ﻋﻠﻴﻪ
ﻭﻳﺒﺎﺭﻙ ﻟﻴﻪ ﻣﺮﻩ ﺗﺎﻧﻴﻪ ﻭﻳﻌﺰﻣﻪ ﺑﻲ ﻋﺮﺳﻪ ﻭﻳﻘﻮﻝ ﻟﻮ ﻣﺎﺟﻴﺖ ﺧﻮﺗﻨﺎ ﺑﺘﻨﺘﻬﻲ
ﻭﺣﺴﺎﻡ ﻣﺎﻳﻘﺪﺭ ﻳﻘﻮﻝ ﻻ .. ﻭﻓﺠﺄﻩ ﻗﻠﺐ ﺣﺴﺎﻡ ﻳﺪﻕ ﻋﺸﺎﻥ ﺍﺗﺬﻛﺮ ﺍﻧﻪ ﻋﺮﺳﻪ
ﻓﻲ ﻧﻔﺲ ﺍﻟﻴﻮﻡ ﺍﻟﺤﺘﺪﺧﻞ ﻓﻴﻪ ﺳﺎﺭﻩ ...
# ﺑﻌﺪ _ ﻳﻮﻣﻴﻦ ﻣﻦ ﺍﻟﺠﻤﻌﻪ ﺣﺴﺎﻡ ﻳﺼﻞ ﺍﻟﺴﻮﺩﺍﻥ ﺑﺎﻟﺼﺒﺎﺡ ﻋﺸﺎﻥ ﻧﻔﺴﻪ ﻛﺎﻥ
ﻳﻠﻤﺢ ﺳﺎﺭﻩ ﻗﺒﻞ ﺗﺴﺎﻓﺮ ،ﻳﺮﻭﻱ ﻋﻴﻨﻪ ﺑﻨﻈﺮﻩ ،ﻭﻳﺴﺘﻠﻢ ﻋﺮﺑﻴﻪ ﺻﺤﺒﻮ ﻣﻦ ﺍﻟﻤﻄﺎﺭ
ﻭﻳﺠﻲ ﻣﺎﺷﻲ ﺑﻲ ﺑﻴﺖ ﻧﺎﺱ ﺳﺎﺭﻩ ﻭﻳﻠﻘﻰ ﺑﺮﻩ ﺍﻟﺒﻴﺖ ﻓﻲ ﻋﺮﺑﻴﻪ ﻭﺍﻗﻔﻪ
ﻭﺍﻟﺰﻏﺎﺭﻳﻂ ﻣﺪﻭﺭﻩ ﻭﺳﻌﻴﺪ ﻣﻨﺘﻈﺮﻫﺎ ﺗﻮﺩﻉ ﺍﻫﻠﻬﺎ ﻭﺍﻭﻝ ﻣﺎﺳﺎﺭﻩ ﺗﻄﻠﻊ ﺣﺴﺎﻡ
ﻳﺸﻮﻓﺎ ﻭﻗﻠﺒﻮ ﻳﺤﺮﻗﻮ ﺍﻧﻬﺎ ﻣﻊ ﺭﺍﺟﻞ ﺗﺎﻧﻲ ﻏﻴﺮﻩ ﺑﺲ ﻻﺣﻆ ﺍﻧﻬﺎ ﻛﺎﻧﺖ ﺑﺘﺒﻜﻲ
ﻭﻇﺎﻫﺮ ﺍﻧﻬﺎ ﻣﺎﺭﺍﺿﻴﻪ ﺑﺎﻟﺰﻭﺍﺝ ﺍﻟﻤﺰﻳﻒ ﺩﻩ ﻻﻧﻪ ﻛﺎﻥ ﺑﻌﺮﻑ ﺗﻔﺎﺻﻴﻞ ﻭﻣﻼﻣﺢ
ﺳﺎﺭﻩ ﻟﻤﻦ ﺗﻜﻮﻥ ﻣﺠﺒﻮﺭﻩ ﻋﻠﻰ ﺣﺎﺟﻪ ﻭﻫﻲ ﻣﺎﻋﺎﻳﺰﺍﻫﺎ ، ﺣﺴﺎﻡ ﺑﻘﻰ ﻳﺘﻜﻠﻢ ﻣﻊ
ﻧﻔﺴﻪ ﺟﻮﺍ ﺍﻟﻌﺮﺑﻴﻪ
( ﺍﻧﺎ ﺍﻟﺴﺒﺐ ﺍﻧﺎ ﺍﻟﺴﺒﺐ ﺍﻧﺎ ﺍﻟﺴﺒﺐ ﺑﺴﺒﺒﻲ ﺳﻤﻌﻪ ﺳﺎﺭﻩ ﺍﺗﺨﺮﺑﺖ ﻭﺯﻭﺟﻮﻫﺎ
ﻏﺼﺐ ﻋﺸﺎﻥ ﻛﻼﻡ ﺍﻟﻨﺎﺱ ، ﺑﺲ ﺍﻧﺎ ﻻﺯﻡ ﺍﻋﺘﺬﺭ ﻟﻲ ﺳﺎﺭﻩ ﻛﺎﻥ ﻉ ﺍﻻﻗﻞ ﺍﺳﺘﻤﻊ
ﻟﻴﻬﺎ .. ﻻﺯﻡ ﺍﻋﺘﺬﺭ ﻻﺯﻡ ﺍﻋﺘﺬﺭ )
ﺑﺲ ﻣﺎﻗﺪﺭ ﻳﻨﺰﻝ ﻳﻌﺘﺬﺭ ﻟﻴﻬﺎ ﻋﺸﺎﻥ ﺍﺗﺄﺧﺮ ﻭﻳﻔﻀﻞ ﻳﻌﺎﻳﻦ ﻟﻴﻬﺎ ﻟﺤﺪﻱ ﻣﺎﺭﻛﺒﺖ
ﺍﻟﻌﺮﺑﻴﻪ ، ﺳﺎﺭﻩ ﻗﺒﻞ ﺗﺴﺎﻓﺮ ﻣﻊ ﺳﻌﻴﺪ ﻃﻠﺒﺖ ﺗﻤﺸﻲ ﺍﻭﻝ ﻟﻲ ﺍﻣﻬﺎ ﻓﻲ
ﺍﻟﻤﺴﺘﺸﻔﻰ ...ﻭﺍﻭﻝ ﻣﺎﺍﻟﻌﺮﺑﻴﻪ ﺍﺗﺤﺮﻛﺖ ﺣﺴﺎﻡ ﺑﻜﻞ ﺟﺮﺍﺀﻩ ﺩﻭﺭ ﻋﺮﺑﻴﺘﻪ ﻭﺭﺍ
ﻋﺮﺑﻴﻪ ﺳﻌﻴﺪ ﻟﺤﺪﻱ ﻣﺎﻭﺻﻠﻮ ﺍﻟﻤﺴﺘﺸﻔﻰ ... ﺣﺴﺎﻡ ﺍﺳﺘﻐﺮﺏ ﺍﻟﺠﺎﺑﻬﻢ
ﺍﻟﻤﺴﺘﺸﻔﻰ ﺷﻨﻮ ﻭﻳﻔﻀﻞ ﻳﺮﺍﻗﺐ ﻗﺒﻞ ﻳﻌﺘﺬﺭ ﻟﻲ ﺳﺎﺭﻩ ..
ﺳﺎﺭﻩ ﻻﺑﺴﻪ ﺗﻮﺏ ﺍﻟﻌﺮﺱ ﻭﺑﺘﺒﻜﻲ : ﺍﻣﻲ ﺍﻧﺎ ﻣﺴﺎﻓﺮﻩ ﻋﻠﻴﻚ ﺍﻟﻠﻪ ﺍﻋﻔﻲ ﻟﻲ
ﻧﻔﻴﺴﻪ ﺳﺎﻛﺘﻪ ﻭﻣﻘﺒﻼ ﻭﺷﻬﺎ ﻣﻦ ﺳﺎﺭﻩ
ﺳﺎﺭﻩ ﺗﻜﺮﺭ ﻟﻴﻬﺎ ﻭﻣﺎﺳﻜﻪ ﻳﺪ ﺍﻣﻬﺎ ﺑﺎﻟﻘﻮﺓ ( ﺍﻣﻲ ﺍﻧﺎ ﻣﺎﻋﻨﺪﻱ ﺯﻭﻝ ﻏﻴﺮﻙ ﻟﻴﻪ
ﺑﺘﻌﻤﻠﻲ ﻓﻴﻨﻲ ﻛﺪﻩ ﻋﻠﻴﻚ ﺍﻟﻠﻪ ﺍﻋﻔﻲ ﻟﻲ )
ﺣﺴﺎﻡ ﺭﺍﻗﺒﻬﻢ ﻟﺤﺪﻱ ﻣﺎﻭﺻﻞ ﺑﺎﺏ ﺍﻟﻐﺮﻓﻪ ﻭﺍﻟﺒﺎﺏ ﻛﺎﻥ ﻣﺘﻜﻲ ﻭﻟﻘﺎﻫﺎ ﻧﻔﻴﺴﻪ ﺍﻡ
ﺳﺎﺭﻩ ﻭﺑﻘﻰ ﻳﺮﺍﻗﺐ ..
ﻧﻔﻴﺴﻪ ﺗﺤﺒﺲ ﺩﻣﻮﻋﻬﺎ ﻭﺗﺮﺩ ﻟﻴﻬﺎ : ﻣﻌﻠﻴﺶ ﻣﺎﺣﻘﺪﺭ ﺍﻓﺮﺡ ﻟﻴﻚ ﺯﻱ ﻣﺎﺍﻻﻣﻬﺎﺕ
ﺑﻔﺮﺣﻮ ﺑﻲ ﺑﻨﺎﺗﻬﻢ ﻭﺗﻬﻤﺲ ﻟﻴﻪ ﻓﻲ ﺍﺿﺎﻧﻬﺎ ( ﺑﺲ ﻟﻮ ﺳﺘﺮﺗﻲ ﻧﻔﺴﻚ ﻣﻊ ﻋﺮﻳﺴﻚ
ﺩﻩ ﻋﺎﻓﻴﻪ ﻋﻨﻚ ﻳﺎﺑﺘﻲ )
ﺳﺎﺭﻩ ﺗﺒﻜﻲ ﻟﻴﻬﺎ : ﺣﺎﺿﺮ ﻳﺎﺍﻣﻲ ﺍﻫﻢ ﺷﻲ ﻋﻔﻮﻙ ﻭﺗﺴﻠﻢ ﻋﻠﻴﻬﺎ ﺑﺎﻟﺤﻀﻦ ﻭﻧﻔﻴﺴﻪ
ﺍﻣﻬﺎ ﺗﺒﻜﻲ ﻭﺍﻭﻝ ﻣﺎﺳﺎﺭﻩ ﻭﺳﻌﻴﺪ ﻳﻮﺩﻋﻮ ﻧﻔﻴﺴﻪ ﻭﻳﻄﻠﻌﻮ ﺑﺮﻩ ﺍﻟﻐﺮﻓﻪ، ﺣﺴﺎﻡ
ﻳﺤﺎﻭﻝ ﻳﻨﺴﺤﺐ ﻭﻳﺘﺮﺍﺟﻊ ﻳﻌﺘﺬﺭ ،
ﺑﺲ ﺳﺎﺭﻩ ﺧﻼﺹ ﻃﻠﻌﺖ ﻓﺮﻕ ( 2 ﻣﺘﺮ ) ﻭﻳﺘﺨﺒﻰ ﻭﺭﺍ ﺍﻟﻤﺰﻫﺮﻳﻪ ﺍﻟﺠﻤﺐ ﺍﻟﺒﺎﺏ
، ﺳﺎﺭﻩ ﺗﺸﻢ ﺭﻳﺤﻪ ﺍﻟﻌﻄﺮ ﺑﺘﺎﻋﻪ ﺣﺴﺎﻡ ﻋﺸﺎﻥ ﻛﺎﻥ ﺑﺘﻤﻴﺰﻩ ﻣﻦ ﺑﻴﻦ ﺃﻟﻒ ﻋﻄﺮ
ﻭ ﺗﺴﻬﻲ ﻣﺴﺎﻓﻪ ﺗﺘﻠﻔﺖ ﻭﺭﺍ ﻭﺗﻌﺎﻳﻦ ﺗﻠﻘﻰ ﺣﺴﺎﻡ