رواية مالك الكنز الفصل الثالث3بقلم رنا تامر
مالك خبط في عربيه كنزي وكان عارف انه هي صاحبه العربيه....
مازن: ينهار ابيض ايه اللي انت عملته ده انت خبط عربيه كنزي😱
مالك: دي لسه البدايه اللي عملته فيا مش شويه، انا هطلع اشوفها اوعي تخرج من العربيه انت فاهم....
مازن بسخريه: تمام، ربنا معاك يا بطل...
خرج مالك من العربيه وراح لي كنزي...
كنزي خرجت من العربيه وراحت لي اللي عمل كده عشان تهزقه وانصدمت لما شافته....
كنزي: هو انت 😳
مالك: ايوه انا يا قطه،كده احنا متاعدلين انتي ضايقتيني وانا كسرتلك عربيتك، و اه انصحك متعمليش نفسك شرسه تاني عشان الشراسه بتخلي الواحد يندم فيما بعد....
كنزي بعصبيه: ده انا اللي هخليك تندم، ده انا هوريك النجوم في عز الضهر....
مالك بضحك: بجد صعبان عليا العربيه، باين عليها جايلك جديده.....
كنزي بعصبيه: انت كمان بتضحك، ده انا هخليك تضحك كويس اوي....
مالك بسخريه: والله انتي تضحكي فعلا، انتي اصلا كلام وخلاص مفيش فعل....
كنزي: يعني انا كلام وخلاص ومفيش فعل، عينيا الاتنين انا هوريك الفعل صوت وصوره👌🏻
كنزي راحت فتحت شنطه العربيه وجابت منها عصايه شبه بتوع البلطجيه وراحت عند عربيه مالك وعملت فيها نفس الخبطه اللي مالك عملها في عربيتها....
مالك واقف مصدوم 😳، ومازن قاعد في العربيه مش مستوعب اللي بيحصل....
مالك فاق من الصدمه: انتي يا مجنونه ايه اللي انتي عملتيه ده، انتي ازاي تعملي كده في عربيتي 😡
كنزي بطريقه مستفزه: تقدر تقول دلوقتي انه احنا كده متاعدلين انت كسرت عربيتي وانا كسرت عربيتك، وبعدين انت كنت عايز تشوف الفعل وانا مش بحب حد يطلب مني حاجه ومنفزهاش الصراحه تبقي عيبه في حقي......
مازن طلع من العربيه وفكر انه كده ممكن يخوفها لما تشوفه بس حصل غير كده خالص 😂
مازن: كنزي ايه اللي انتي عملتيه ده....
كنزي: استاذ مازن ازاي حضرتك، لا متخدش في بالك ده كان حساب وكنا بنصفيه انا والجدع ده، وبعدين حضرتك تعرفه منين....
مازن: ده يبقي ابن صاحب الشركه و اخويا....
كنزي: اه قولتلي عشان كده شايف نفسه،واخد علي نفسه فكره غلط...
مالك: علي فكره بقي انا عارف انك بتشتغلي هناك، و ممكن اني ارفدك في ثانيه.....
كنزي: علي فكره بقي انا مش فارق معايا، و اللي عندك اعمله، واحب اقولك معلومه صغيره انه الشركه هي اللي محتجاني مش انا اللي محتاجه لي الشركه، يلا انا مضطريه امشي عشان متأخره علي شغلي، بعد اذنكم😏
مازن في نفسه: الله يخربيتك يا مالك ايه اللي عملته ده احنا اللي محتاجينها مش هي اللي محتجانا 🙄
كنزي مشيت وهي منتصره وكانت طريقها الي الشركه....
مالك بعصبيه: شوفت عملت ايه انا مالك ابو الوفا يحصل فيا كده😡
مازن بصوت واطي: يعم اسكت بقي كل شويه انا مالك ابو الوفا..انا مالك ابو الوفا، ومبتعملش حاجه، البت اللي اسمها بت جت في ثانيه مسحت بكرامتك الارض مرتين،وانت اللي فالح فيه تتفشخر بإسمك و بس،،
مالك: بتقول حاجه يا مازن،،
مازن: احم لا يا حبيبي انا بكح 😅
مازن في نفسه: مبتعرفش تشطر الا عليا انا وبس🙄
مالك راح ركب العربيه ومازن راح وراه....
راحوا علي الشركه ومالك حلف انه يعذب كنزي، وقرر انه يكمل في الشركه...(عشان يشوفها طبعا😅)
ــــــــــــــــــــــــــــــــــــــــــــــــــــــــ
عند يارا في الجامعه...
يارا كانت قاعده في المحاضره مستغربه انه مالك مجاش، خلصت محاضرتها وخرجت لي البريك...
يارا كانت قاعده في البريك زهقانه ولقت بنت قاعده لوحدها، فقررت انها تروحلها..
..
يارا: احم اسفه علي الازعاج بس انا قاعده لوحدي، وشوفتك قاعده لوحدك قلت اجي اقعد معاكي وبالمره نتعرف علي بعض، انا اسمي يارا حسن وانتي....
البنت: لا ولا ازعاج ولا حاجه، انا اسمي رودينا رأفت وبيدلعوني يقولوليلي يا رودي....
يارا بدهشه: سؤال بس هو انتي ليكي اخ معيد هنا في الجامعه واسمه مالك....
رودينا: ايوه بس انتي عرفتي منين...
يارا: اصل هو الدكتور الجديد اللي علينا، عموما انا اتشرفت بمعرفتك، هو انتي في سنه كام جامعه....
رودينا: انا اللي اتشرفت بمعرفتك، دي السنه اللي قبل الاخيره بالنسبالي وانتي...
.
يارا: انا السنه الاخيره بالنسبالي....
يارا و رودينا فضلوا يتكلموا مع بعض....
ــــــــــــــــــــــــــــــــــــــــــــــــــــــــ
عند كنزي..
وصلت الشركه وقالت لي الركين انه ياخد عربيتها ويوديها الصيانه ويجبهلها قبل ما تخلص شغلها....
دخلت كنزي الشركه ودخلت علي مكتبها وبدأت تشتغل....
ـــــــــــــــــــــــــــــــــــــــــــــــــــــــــــــ
عند مالك... وصل الشركه هو ومازن وملقاش الركين، فدخل الشركه وطلب من السكرتيره انه لما الركين يجي ياخد عربيته ويوديها الصيانه....
السكرتيرة لي مالك: حاضر يا فندم....
مالك دخل يستني مازن في مكتبه...
مازن بيكلم السكرتيرة: الانسه كنزي جت..
السكرتيرة: ايوه يا فندم موجوده في مكتبها....
مازن: طب قوليلها تيجي علي مكتبي..
السكرتيره: حاضر يا فندم.
مازن دخل لقي مالك موجود....
مالك: ها جايه ولا ايه.
مازن: ايوه السكرتيره هتقولها وهتيجي.
مالك: انا هقولها انه وهي نشتغل مع بعض.
مازن بغيره: ايه اللي انت بتقوله ده يا مالك، وبعدين اعتقد انها مش هتوافق...
مالك: الله في ايه يا مازن ما انت عارف اللي فيها، وبعدين ايش عرفك انها مش هتوافق؟!
مازن كان رايح يتكلم بس لقي حد بيخبط...
مازن: ادخل.
كنزي دخلت: احم حضرتك كنت طالبني يا فندم...
مازن: اقعدي يا انسه كنزي.
مالك كان قاعد علي الكنبه اللي موجوده في مكتب مازن وكنزي مخدتش بالها انه موجود...
كنزي قعدت: نعم يا فندم.
مالك بيبص لي مازن علي انه يقولها علي الموضوع...
مازن بيتكلم مع كنزي: بصي انتي واستاذ مالك هتشتغلوا مع بعض.
كنزي: افندم،مين مالك ده معلش ، وبعدين انا مش بشتغل مع حد انا شغلي لوحدي.
مالك: والله ده مش بمزاجك ده غصب عنك.
كنزي اتصدمت انه موجود، وبعد كده اتكلمت.
كنزي: هو انت بقي مالك،، بص بقي اولا كلامي مع استاذ مازن، ثانيا حتي لو صاحب الشركه نفسه قالي اني اشتغل معاك برضوا مش هيحصل انت فاهم...
مازن: لوسمحتي اهدي يا انسه كنزي، مينفعش اللي بيحصل ده.
مالك ببرود: والله ده اللي عندي يا تشتغلي معايا يا ملكيش مكان هنا.
كنزي بسخريه: تصدق احسن حاجه قولتها من ساعه ما شفت خلقتك، انا عندي اني امشي من الشركه ولا اني اشتغل مع واحد زايك..
مازن: لوسمحتي ممكن تهدي يا انسه كنزي، اتفضلي دلوقتي علي مكتبك...
كنزي خرجت وهي في قمه غضابها وراحت علي مكتبها وبدأت تشتغل...
ــــــــــــــــــــــــــــــــــــــــــــــــ،،
عند يارا في الجامعه
يارا: طيب انا كده خلاص اخدت رقمك هنبقي نتواصل، وعايزه اعرفك علي صحبتي الاتنيم.
رودينا: انشاء الله، اول ما اروح هكلمك.
يارا: تمام يلا عايزه حاجه باي
رودينا: عايزه سلامتك باي
يارا خلصت كلام مع رودينا وراحت علي محاضرتها، و رودينا كمان راحت علي محاضرتها.
ـــــــــــــــــــــــــــــــــــــــــــــــــــــ،،
((في شركه ابو الوفا))
في مكتب مازن
مالك: انا مش فاهم انت ليه خليتها تروح المكتب، انا لسه مخلصتش كلامي معاها.
مازن: انت بتضحك علي نفسك ولا عليا، انا لومكنتش خليتها تروح مكتبها كانت هتمشي خالص من الشركه...
مالك: ما تمشي ايه المشكله الف من يحل مكانها...
مازن: مالك انا عارف انك اكبر مني وعارف انك كنت بتشتغل زمان هنا في الشركه وعارف ايه مصلحه الشركه، بس انت دلوقتي مش في الشركه وبقالك سنتين سايبها فأحب اقولك انه اللي انت بتعمله ده غلط كبير، احنا مش وقت غرام وانتقام اللي انتم بتعملوا ده....
مالك: انا مش فاهم هي عملالكوا ايه لكل ده...
مازن: انا هقولك، كنزي من ساعت ما جت الشركه وهي اثبتت كفاءتها في الشغل لغايه ما بقت اكتر واحده مهمه بين الموظفين وتخيل كل ده عملته في سنه واحده بس، عرفت بقي هي عاملالنه ايه، وكمان احنا داخلين صفقه كبيره وهي الوحيده اللي عارفه تمشيها ازاي فالو فكرت انك ترفضها زي ما بتقول يبقي احنا فلسنا يا مالك انت فاهم...
مالك في نفسه: يا بنت اللذينه بقي كل ده عملتيه ليكي حق تتنكي.
مالك: احم طيب انا مطلوب مني ايه دلوقتي؟
مازن: مطلوب منك انك تروح تعتذرلها، وتخليها تقبل انكم تشتغلوا مع بعض، انا عارف انه كرامتك مش هتسمحلك بس اعصر علي نفسك شوال لمون و روح اعتذرلها....
مالك: انت اتجننت ولا ايه، انت عارف انت بتقول ايه...
مازن: انت قولت مطلوب مني ايه، وانا قولتلك ايه اللي مطلوب منك ايه،، عايز تنفذ خير وبركه مش عايز خلاص براحتك..
مالك خرج من المكتب وكان في طريقه الي مكتب كنزي...
ــــــــــــــــــــــــــــــــــــــــــــــــــــــ،،
عند كنزي في مكتبها
خلصت شغلها وراحت عند مكتب رأفت عشان تسلمه الشغل...
رأفت: ادخل.
كنزي دخلت: احم ازايك يا فندم انا خلصت الشغل وكنت جايه اسلمه لي حضرتك..
رأفت: طب انتي مسلمتهوش لي مازن ليه؟
كنزي: لا انا حبيت اسلمه لي حضرتك، بعد اذن حضرتك انا مضطريه استأذن عشان متأخره،،
رأفت استلم منها الملف وبص فيه وكالعاده عجبه شغلها..
رأفت: شغلك حلو كالعاده، خلاص تقدري تروحي،،
كنزي: مرسي يا فندم، بعد اذن حضرتك،،
رأفت: اتفضلي.
نزلت كنزي الي مكتبها عشان تلم حاجتها وتروح...
ـــــــــــــــــــــــــــــــــــــــــــــ،،
عند يارا خلصت محاضرتها وكانت بتتصل بي كنزي لكن مش بترد...
يارا: ردي بقي يا كنزي متقلقنيش عليكي...
يارا لقت رودينا جايه عليها،،
رودينا: هاي يارا، انتي خلصتي محاضراتك ولا ايه،،
يارا: هاي رودي، اه خلصت ومستنيه صحبتي كنزي اللي قولتلك عليها،،
رودينا: اه، هي علي طول بتتأخر كده؟
يارا بخوف: لا،، ما هو ده اللي قلقني انها عمرها ما اتأخرت عليا، وكمان مش بترد عليا انا خايفه عليها اوي،،
رودينا: طب اهدي هي بتجي بعربيه ولا بتاكسي،،
يارا بقلق: لا بالعربيه بتاعتها
رودنيا: طيب اهدي هي تلاقيها في زحمه ولا حاجه، بصي انا هستني معاكي
يارا: لا انا مش حابه انك تتأخري
رودينا: ولا تأخير ولا حاجه، وبالمره اشوف صحبتك واتعرف عليها
يارا بإبتسامه خافته: تمام
ـــــــــــــــــــــــــــــــــــــــــــــــــــــــ،،
((في شركه ابو الوفا))
مالك كان في طريقه الي مكتب كنزي وكان متردد يعمل ايه، قرر انه يدخل بس ملاقش حد توقع انها مشيت بس لقي حاجتها لسه موجوده🤨
مالك كمل طريقه الي جو المكتب ولقي صورتها هي وعيلتها وصوره تاني هي و يارا...
مالك بسخريه: هي فرشه صورها في المكتب ولا ايه،، بس ايه قمر بنت اللذينه هتخليني اقول كلام مش عايز اقوله،،
كان لسه هيخرج بس لقي صوت فون بيرن قعد يدور لاقه فون كنزي، ومكتوب ((missed call from my sister ))/((مكالمه من اختي)) ...
مهتمش وكان لسه هيخرج لقي حد بيدخل😳