رواية مالك الكنز
الفصل الرابع
رنا تامر
مالك كان لسه هيخرج بس لقي صوت فون بيرن بص لاقه فون كنزي، ومكتوب ((missed call from my sister ))/((مكالمه من اختي)) ...
مهتمش وكان لسه هيخرج لقي حد بيدخل....
كنزي: انت بتعمل ايه هنا،،
مالك: يعني ايه بعمل ايه هنا،، دي شركتي والصراحه الشركه وحشتني قولت الف فيها عندك مانع،،
كنزي: لا معنديش مانع، بس ياريت تلف بعيد عن مكتبي، عشان مش سوق هو تدخل وقت ما تحب،،
كنزي خدت حاجتها ورايحه تخرج بس مالك مسكها من ايديها...
كنزي بصتله بغضب: سيب ايدي انت اتجننت،،
مالك: لما تعتذريلي علي اللي حصل في الجامعه واللي عملتيه في العربيه😌
كنزي بسخريه: ده بعينك و احسنلك تسيب ايدي عشان مش هيعجبك اللي هعمله فيك😏
مالك بغضب: انتي كمان بتهتيديني، انتي عارفه انا ممكن اعمل ايه،،
كنزي: ممكن تعمل ايه يعني،،
مالك لوي دراعها ولفها ليه وكنزي غمضت عينها وكانت مصدومه😳
مالك فضل يحسسها انه بيقرب منها وهي كانت بتغمض عينيها اكتر...
مالك قرب من ودانها: عرفتي انا ممكن اعمل ايه، احسنلك متلعبيش معايا تاني يا قطه😎
مالك ساب كنزي في حاله صدمه وطلع بره المكتب...
كنزي كانت واقفه مصدومه ومش مستوعبه ايه اللي حصل لغايه ما رامي دخل عليها...
رامي: كنزي، كنزيي...
كنزي فاقت علي صوت رامي: ايه يا رامي...
رامي: ايه يا بنتي مالك، وبعدين استاذ مالك كان بيعمل ايه هنا...
كنزي: معلش يا رامي نتكلم بعدين، عشان انا تعبانه دلوقتي...
رامي: تمام، مع السلامه،،
كنزي: مع السلامه،،
كنزي خدت حاجتها وخرجت برا الشركه كانت العربيه اتصلحت، ركبت العربيه وفي طريقها الي الجامعه عند يارا...
ــــــــــــــــــــــــــــــــــــــــــــــــــــــــــــــ
عند يارا ((في الجامعة))
يارا ببكاء: انا مش عارفه اعمل ايه يا رودي، انا مش مطمنه كل ده مجتش و لا بترد حتي😭
رودينا: اهدي يا يارا متعمليش في نفسك كده هي زامنها جايه،،
يارا لسه هتكلم لقت كنزي داخله عليها، كنزي وقفت العربيه...
كنزي راحت لي يارا وحضانتها،،
يارا ببكاء: كنتي فين قلقتيني عليكي اوي،،
كنزي بتحاول انها تكون قويه: معلش يا حبيبتي والله غصب عني،،
يارا: خلاص ولا يهمك، عايزه اعرفك علي رودينا صحبتنا الجديده،
كنزي: اهلا يا رودينا، يلا يا يارا عشان انا تعبانه وعايزه اروح،،
يارا: مالك يا كنزي،،
كنزي بعصبيه: قولتلك يلا يا يارا عشان تعبانه....
يارا بقلق: خلاص طيب اهدي روحي وانا جايه وراكي،،
كنزي راحت ركبت العربيه..
يارا: معلش يا رودي بس هي شكلها تعبانه اوي، كان نفسي تتعرفوا علي بعض في ظروف احسن.
رودينا: ولا يهمك انا مقدره اللي انتم فيه، روحي ارتاحي ونبقي نتواصل...
يارا: انشاء الله مع السلامه،،
رودينا: مع السلامه..
يارا راحت ركبت العربيه وكنزي شغلت العربيه ومشيوا....
رودينا كانت رايحه تركب العربيه عشان تروح بس لقت عربيه مالك جايه...
رودينا في نفسها: مالك!! بيعمل ايه هنا🤨
مالك خرج من العربيه ولمح عربيه كنزي وهي بتمشي...
مالك: رودي عامله ايه يا روحي...
رودينا: بخير الحمدلله، انت اللي جابك انت مش اخدت اجازه من الشغل...
مالك: حبيت اجي اخدك، ايه مضايقه؟!
رودينا: ازاي طبعا هو انا اطول انه اخويا حبيبي يجي يخدني، بس عربيتي اعمل فيها ايه...
مالك: هبعت السواق يجي يخدها، يلا اركبي..
رودينا ركبت ومالك ركب وبعديها شغل العربيه ومشيوا الي الفيلا....
ــــــــــــــــــــــــــــــــــــــــــــــــــــــــــــ
((فيلا جاسر الدمنهوري))
جاسر بيتكلم في الفون: اطمن يا استاذ القضيه سهله، كله تحت السيطره..
الشخص: تمام يا استاذ جاسر، هبقي اعدي علي حضرتك في المكتب اديك باقي الفلوس...
جاسر: بإذن الله، مع السلامه...
الشخص: مع السلامه،،
جاسر خلص المكالمه، نارين دخلت عليه..
نارين بأبتسامه: حبيبي فاضي ولا مشغول...
جاسر: حتي لومشغول افضالك يا روحي انتي...
نارين: علي طول مدلعني كده....
جاسر: لو مدلعتكيش يعني هدلع مين غيرك...
نارين: لا انا كده هتغر ومحدش هيعرف يكلمني..
جاسر: ياسلام يا واد يا جامد انت 😂، بقولك ايه ما تيجي اقولك كلمه فوق..
نارين: عمرك ما هتتغير 😂
(نسبهم بقي براحتهم😅)
ـــــــــــــــــــــــــــــــــــــــــــــــــــــــــ
عند كنزي في العربيه..
يارا: مالك يا كنزي ايه اللي حصل معاكي ومتقوليش مفيش...
كنزي وهي مركزه في الطريق: بعدين يا يارا عشان بسوق...
يارا سكتت عشان هي عارفه كنزي لما بتكون متعصبه مبتحبش حد يكلمها...
ـــــــــــــــــــــــــــــــــــــــــــــــــــــــــ
((في فيلا رأفت ابو الوفا))
مازن وصل الفيلا وركن عربيته ودخل الفيلا...
دخل لقي مامته قاعده مع ضيوف كالعاده...
مازن دخل المطبخ...
مازن: ازايك يا داده صباح...
داده صباح: الحمدلله يا مازن بيه...
مازن: كوبيه قهوه ونبي يا داده...
داده صباح: عينيا الاتنين اجبهالك فين...
مازن: لا انا هشربها هنا، وبالمره اونسك...
داده صباح: تسلم يابني..
مازن فضل يتكلم مع داده صباح....
ــــــــــــــــــــــــــــــــــــــــــــــــــــــــــ
عند مالك في عربيته...
مالك: احم بقولك يا رودي، هو انتي عارفه يارا رفعت..
رودينا بمكر: اه لسه متعرفه عليها بس انت عارفها منين...
مالك: ماهي طالبه عندي في الجامعه، وتعرفي اختها.
رودينا: اه قولتلي، بس هي معندهاش اخوات، عندها صحبتها الانتيم اسمها كنزي...
مالك: اه، احم انا لحظت انهم مشيوا بسرعه هو في حاجه...
رودينا: مش عارفه انا كنت واقفه مع يارا وكنزي جت وهي متعصبه ومشيوا هما الاتنين،،
مالك: امممممم قولتيييلي،،
ـــــــــــــــــــــــــــــــــــــــــــــــــــــــــــــ
عند كنزي..
كنزي وصلت يارا البيت...
يارا: طب انا سيبتك طول الطريق براحتك ينفع تحكيلي بقي.
كنزي وهي بتفتكر اللي حصل...
كنزي فاقت من سرحانها وبصت لي يارا وحضانتها وهي في بكاء مستمر 😭
يارا بقلق: مالك بس بتعيطي ليه كده 🥺
كنزي حكت لي يارا كل حاجه حصلت معاها من اول اليوم...
يارا ببكاء علي كنزي: ازاي الحيوان ده يعمل معاكي كده، اهدي يا قلبي انا اول مره اشوفك ضعيفه كده، مش دي كوكي اللي انا اعرفها...
كنزي ببكاء: صحبتك وقعت من اول الطريق يا يارا 😭
يارا بقوي وتحدي: لا يا كنزي، انا مش عايزاكي تقعي من اول اللعبه لسه اللعبه مستمره لحد اخر نفس مش هنستسلم انتي فاهمه...
كنزي هديت ورجعت قوتها...
كنزي بتحدي: انتي عندك حق، لسه اللعبه مستمره وطلما هو ابتدي كده فانا هانهي عليه بنفس الطريقه...
يارا بفرحه: هي دي كنزي اللي انا عارفها عمرها ما تبقي ضعيفه ابدا، يلا ياحبيبتي اسيبك انا واهطلع عشان زمان مامي قلقانه عليا..
كنزي: اوكي يا روحي، مع السلامه...
يارا: مع السلامه حبيبتي...
يارا طلعت وكنزي روحت علي الفيلا...
ـــــــــــــــــــــــــــــــــــــــــــــــــــــــ
((في فيلا رأفت ابو الوفا))
خرج مازن من المطبخ وطلع الي اوضته...
مازن دخل اوضته، دخل الحمام اخد شاور وطلع قعد علي السرير وهو بيفكر في كنزي...
رأفت وصل الفيلا وطلع علي اوضته دخل الحمام اخد شاور...
وبعد كده راح علي اوضت مازن...
خبط رأفت باب اوضت مازن وبعد كده دخل...
مازن: ازايك يا بابا حضرتك رجعت امتي..
رأفت: لسه راجع من شويه، كنت عايزك في موضوع..
مازن: اتفضل يا بابا...
رأفت: كنت عايز اسألك هو اللي حصل انهارده مع كنزي، عشان جاتلي باين عليها مضايقه...
مازن كان متوتر ومش عارف يقول لي باباه اللي حصل ولا لا...
رأفت: مازن، انت يا بني روحت فين؟
مازن فاق علي صوت باباه: ها يا بابا، انا معاك يا حبيبي.
رأفت: طيب يابني قولي ايه اللي حصل انهارده مع كنزي...
مازن بتوتر: ها انا معرفش ايه اللي حصل مع كنزي يا بابا...
رأفت بشك: متأكد انك متعرفش حاجه 🤨
مازن: لا يا بابا معرفش 😬
رأفت: ماشي هعمل نفسي مصدقك، بس لو طلعت عارف حاجه ومقولتش عقابك هيبقي شديد انت فاهم...
مازن: ح. ح. حاضر يا بابا 😥
رأفت خرج من الاوضه، و مازن اخد نفسه بالعافيه...
مازن في نفسه: منك لله يا مالك، انا كان مالي ومال الحوار المهبب ده....
ـــــــــــــــــــــــــــــــــــــــــــــــــــــــــ
((في فيلا جاسر الدمنهوري))
وصلت كنزي الفيلا وركنت العربيه...
دخلت الفيلا، لقت الفيلا هاديه...
كنزي في نفسها: احسن انه البيت هادي اما الحق اطلع انام لحسن انا تعبانه ومش قادره....
طلعت كنزي اوضتها، دخلت اوضتها ودخلت الحمام اخدت شاور وطلعت قعدت علي السرير تفكر هتعمل ايه في مالك؟
بعد تفكير طويل استسلمت للنوم...
ـــــــــــــــــــــــــــــــــــــــــــــــــــــــــ
((في فيلا رأفت ابو الوفا))
مالك و رودينا وصلوا الفيلا ودخلوا وهما بيضحكوا وبيهزروا...
رانيا: ربنا يفرحكم دايما يا ولادي، تعالوا.. تعالوا..
مالك و رودينا مستغربين و راحوا عند مامتهم..
مالك: عامله ايه يا ماما..
رودينا: عامله ايه يا مامي..
رانيا: الحمدلله يا حبايبي..
مالك: يارب دايما، مالك يا ماما شكلك عايزه تقولي حاجه...
رانيا: اه الصراحه، بقولك يا رودي اطلعي انتي اوضتك عشان عايزه اخوكي في موضوع...
رودينا: حاضر يا مامي..
رودينا طلعت اوضتها ورانيا قعدت مع مالك..
مالك: نعم يا ماما موضوع ايه اللي عايزاني فيه..
رانيا: ما انا هقول اهو، بص هو انا عندي واحده صحبتي لسه متعرفين علي بعض جديد وعندها بنت زي القمر ومتخرجه من كليه هندسه، ايه رأيك نروح نتقدملها؟..
مالك: تاني يا ماما موضوع الجواز ده تاني، هو مش كنا خلصنا من الموضوع ده...
رانيا: ياحبيبي انا نفسي افرح بيك، وبعدين دي غير اي واحده دي قمر انا شوفتها...
مالك: معقول رانيا هانم اخيرا عجبها حد، وبعدين كل مره تقولي كده وبتطلع اسوء من اللي قبلها...
رانيا: لا والله دي غير، وبعدين احنا نروح وانت تشوفها عجبتك كان بيها معجبتكش خلاص هتخسر ايه يعني...
مالك: وهي مش بنأدمه وعندها مشاعر افردي عجبتها واتعلقت بيا اعمل ايه...
رانيا: انشاء الله هي كمان هتعجبك...
مالك بفارغ صبر: خلاص ماشي يا ماما...
رانيا بفرحه: يعني انت موافق...
مالك: ايوه يا ماما، قولي الميعاد وانا ابقي اجهز...
رانيا: بكره بليل الساعه 8.
مالك بدهشة: قوام كده عايزة تخلصي مني، هقول ايه امري لله...
مالك طلع اوضته وساب مامته في فرحتها...
مالك دخل اوضته و بعد كده دخل الحمام اخد شاور وطلع قعد يفكر في كنزي وحس بالذنب من اللي عمله فيها...
بعد تفكير طويل استسلم للنوم...
ــــــــــــــــــــــــــــــــــــــــــــــــــــــــــــــ
عند رانيا...
رانيا بتتكلم في الفون: ايوه يا نارين، مالك وافق وانتي عملتي ايه مع بنتك...
نارين: والله لسه متكلمتش معها في الموضوع عشان جت من الشغل تعبانه ونامت اول ما تصحي هتكلم معاها في الموضوع واقولك...
رانيا: تمام، بس بسرعه في الرد..
نارين: حاضر، مع السلامه..
رانيا: مع السلامه..
رانيا قفلت مع نارين وراحت تكلم رأفت في الموضوع...
ــــــــــــــــــــــــــــــــــــــــــــــــــــــــ
((في فيلا جاسر الدمنهوري))
نارين قفلت مع رانيا وراحت تكلم جاسر في الموضوع...
نارين: جاسر عايزه اكلمك في موضوع..
جاسر قفل الكتاب اللي كان بيقرأ فيه وركز مع نارين..
جاسر: نعم يا قلبي..
نارين: احم، يعني هو في عريس متقدم لي كنزي..
جاسر: طيب حلو، بس هو انتي مش فرحانه..
نارين: لا فرحانه بس هو انا مقولتش لي كنزي..
جاسر: خلاص سهله لما تصحي قوليها، هو العريس جاي امتي..
نارين: جاي بكره الساعه 8 بليل، وبعدين الموضوع مش سهل زس مانت متخيل لانه كنزي رافضه فكره الجواز..
جاسر: خلاص سيبلي انا الموضوع ده...
نارين: يعني انت هتعرف تقنعها...
جاسر: بإذن الله نامي واطمني، تصبحي على خير 🙂
نارين: وانت من اهله 💕
ــــــــــــــــــــــــــــــــــــــــــــــــــــــــ،،
((في فيلا رأفت ابو الوفا))
رأفت: مالك يا رانيا بقالك ساعه عمال بتهتهي ومش بتقولي حاجه...
رانيا: احم ما انا هقول اهو، في عروسه لي مالك.
رأفت: تاني عروسه تاني، ما انتي عارفه ابنك..
رانيا: لا ما هو وافق..
رأفت: ومين اللي امها داعيه عليها،، انها تدخل عيله زي دي...
رانيا: هي بنت واحده صحبتي لسه متعرفه عليها في النادي بنتها زي القمر...
رأفت: معقول في حد عجبك وكمان زي القمر، ماعلينا اسمها ايه البنت دي...
رانيا: اسمها كنزي، ومتخرجه من كليه هندسه..
رأفت بصدمه: احم انتي قولتي كنزي..
رانيا بإستغراب: اه اسمها كنزي...
رأفت: اسم بابها ايه..
رانيا: وانا ايش عرفني انا هعملها بطاقه، انا اللي اعرفه عنها انها متخرجه من كليه هندسه و اهلها مبسوطين عايشين عيشه مرتاحه، بس ده اللي اعرفه...
رأفت: تمام وهنروح امتي.
رانيا: بكره الساعه 8 بليل.
رأفت: طيب، تصبحي على خير..
رانيا: وانت من اهله...
ــــــــــــــــــــــــــــــــــــــــــــــــــــــــــ
((في بيت حسن))
قامت من النوم دخلت الحمام اخدت شاور وطلعت لبست لبس كاچول وعملت شعرها دفيره وكانت قمر
طلعت من الاوضه لاقت مامتها مستنيها ومحضره الفطار...
يارا: صباح الفل يا ست الكل..
نورهان مامت يارا: صباح الخير يا روحي..
يارا: ايه الفطار القمر ده..
نورهان: حبيبتي انتي اللي قمر..
يارا اكلت بسرعه وبعد كده قامت..
نورهان: رايحه فين يا حبيبتي...
يارا: بجد تسلم ايدك يا مامي بس انا مستعجله..
نورهان: كلي تاني..
يارا: هبقي اجيب حاجه من الجامعه، ادعيلي بس يا مامي...
نورهان: ربنا معاكي ويوفقك يا بنتي..
يارا: يارب يا مامي، يلا باي..
نورهان: مع السلامه حبيبتي💕
يارا مشيت وكانت طريقها الي كنزي...
ــــــــــــــــــــــــــــــــــــــــــــــــــــــــ
«في فيلا جاسر الدمنهوري»
((في غرفه كنزي))
فاقت من النوم ودخلت الحمام اخدت شاور وطلعت لبست بدله شيك كالعاده لونها زرقاء وعملت شعرها ديل حصان و حطت ميكب خفيف وكانت قمر...
كنزي وهي باصه علي نفسها في المرايه: قمر، ايه القمر ده ربنا يخليني ليا وميحرمنيش مني ابدا 😂
نارين دخلت لقت كنزي عمال بتكلم نفسها...
نارين بضحك: في ايه يا بنتي انتي اتجننتي ولا ايه،،
كنزي: احم، اده مامي، صباح الخير يا حبيبتي..
نارين: صباح النور يا قلبي، لوخلصتي انزلي عشان الفطار جهز...
كنزي: وراكي علي طول يا ست الكل...
نارين ضحكت عليها ونزلت وكنزي خلصت وخدت حاجاتها ونزلت...
ـــــــــــــــــــــــــــــــــــــــــــــــــــــــــ
«في فيلا رأفت ابو الوفا»
مالك صحي من النوم ودخل الحمام اخد شاور وطلع لبس بدله لونها رمادي وسرح شعره وكان قمر
مالك بيفكر في كنزي...
مالك في نفسه: انا مش عارف ازاي قلبي هيسمحلي اني انتقم منك وانا بحبك...
حوار مابين القلب والعقل..
🫀: انت عايز تأذيها لدرجه دي انت مش بتحبها..
🧠: اه زي ما هي عملت انا كمان هعمل..
🫀: مستحيل اخليك تئذيها..
🧠: انت ضعيف وعمرك ما هتعمل حاجه،،
🫀: الحب عمره ما كان ضعف، الحب معروف بالقوي...
🧠: الكلام ده اهبل طبعا...
مالك زهق من الحوار ده...
مالك: استوب، انا اللي هقرر هعمل ايه...
مالك جهز ونزل تحت لقي الكل مستنيه علي الفطار...
مالك: صباح الخير...
مازن: صباح الخير يا عريس..
مالك كان بياكل فجاءه فضل يكح..
رانيا ادتله كوبيه مياه: خد يا حبيبي، اشرب.. اشرب..
مالك خد كوبيه المياه وشربها وبدأ يهدا...
مازن كان قاعد جمب رودينا وبيوشوشها..
مازن: هو انا قلت حاجه غلط...
رودينا بتوشوشه: هي حاجه واحده دي حاجات كل يا مازن كل...
رانيا بصت لي مازن بتحذير...
مازن بلع ريقه بالعافيه وكان خايف...
رأفت: الحمدلله، مالك خلص انت ومازن وتاعلوا ورايا الشركه...
مالك و مازن: حاضر يا بابا...
مالك و مازن خلصوا وراحوا ورا بابهم الي الشركه...
ـــــــــــــــــــــــــــــــــــــــــــــــــــــــ
«في فيلا جاسر الدمنهوري»
نزلت لقت الفطار جاهز ومستنينها...
كنزي: صباح الورد
جاسر: صباح الخير ياقلبي، بقولك يا كنزي كنت عايزك في موضوع مهم...
كنزي: خير يا بابي...
جاسر: في عريس متقدملك...
كنزي: ايـــــــــه، عريس ايه يا بابي، مامي الكلام اللي بابي بيقولوا صح ولا هزار..
جاسر: هي الحاجات دي فيها هزار يا حبيبتي...
كنزي: بس يا بابي حضرتك عارف اني مش قابله فكره الجواز...
جاسر: معلش يا حبيبتي نفسنا نفرح بيكي ونشوفك عروسه قبل ما ربنا يفتكرنا...
كنزي: بعد الشر عليكم، متقولش كده تاني يا بابي ربنا يخليكو ليا وميحرمنيش منكم ابدا، خلاص اناموافقه، الميعاد امتي..
نارين: انهارده الساعه 8 بليل...
كنزي: قوام كده عايزه تخلصي مني يا ست الكل، مكنش العشم يا ام كنزي، بس بشرط لو عجبني تمام، و لو معجبنيش يبقي ميلزمنيش 😂، اتقفنا..
جاسر ونارين في صوت واحد: اتفقنا..
كنزي: يلا انا مضريه امشي عشان مستعجله، باي..
جاسر ونارين: باي..
كنزي راحت لي العربيه وكانت يارا وصلت هما الاتنين ركبوا العربيه وكنزي شغلت العربيه وكان طريقها الي الجامعه...
ـــــــــــــــــــــــــــــــــــــــــــــــــــــــ
«في شركه ابو الوفا»
مالك و مازن وصلوا الشركه وكل واحد راح مكتبه...
في مكتب مالك...
مالك بيطلب السكرتيره: اطلبيلي انسه كنزي...
السكرتيره: انسه كنزي لسه مجتش يا فندم..
مالك: طيب لما توصل خليها تيجي..
السكرتيره: حاضر يا فندم..
مالك قفل مع السكرتيرة، وبيفكر في كنزي...
مالك في نفسه: يا انا يا انتي يا كنزي...
محمد دخل علي مالك...
محمد: ايه يا عم عاش من شافك فينك كل ده...
مالك: حبيب قلبي عامل ايه واحشني والله...
محمد: وحشتك ايه بقي، ده انا لفيت عليك الدنيا..
مالك: يا بني ما انا موجود اهو..
محمد: مختفي ليه، وسبت الجامعه ليه؟!
مالك: ده موضوع طويل هحكوهلك بعدين، المهم انت تشرب ايه...
محمد: لا مش عايز حاجه، اه صحيح انا عرفت انك هتتجوز، مبروك يا عريس 😅
مالك: انت لحقت عرفت، وبعدين ما انت عارف اللي فيها انه انا مليش في الجواز، انا بس بوافق عشان ماما كل شويه تجبلي واحده شكل وتقولي ده غير اي واحده، وبتطلع اوحش من اللي قبلها..
محمد بضحك: والله مامتك دي غريبه، ما تسيبك براحتك، عموما انا كنت جاي اشوفك، يلا اسيبك عشان تشوف شغلك، سلام يا برنس..
مالك: سلام..
خرج محمد ومالك ركز في شغله...
ـــــــــــــــــــــــــــــــــــــــــــــــــــــــ
عند كنزي في العربيه...
كنزي وصلت يارا الجامعه...
يارا: عايزاكي قويه تمام 👌
كنزي: متخفيش عليا انا احسن من امبارح، خلي بالك من نفسك، هبقي اعدي عليكي باي يا قلبي..
يارا: باي حياتي..
يارا راحت الجامعه وكنزي شغلت العربيه وكان في طريقها الي الشركه...
ـــــــــــــــــــــــــــــــــــــــــــــــــــــــ
«في شركه ابو الوفا»
وصلت كنزي الشركه...
كنزي: طلبني صح،،
السكرتيره: لا، بس في حد تاني عايزك..
كنزي: مين ،،
السكرتيره: مالك بيه ،،
كنزي: ياختي ومالك فرحانه كده ليه 😒
كنزي دخلت لي مالك...
كنزي: افندم🙄