رواية بنت ليل الفصل التاسع9بقلم هدير سعيد
كانت بكينام ثائرة بعدما سمعت ما قالته مروة فكانت كلماتها كالسوط يجلدها
بكينام : بقي انتي حبيبة ابني انا بقي ايمن بيه الوزير ممكن يبص لجربوعه زيك انتي مش شايفه نفسك ولا لبسك انا مقبلش ان واحده في مستواكي تيجي تخدمني مش تصاحب ابني حتي لو بيتسلي ذوقه انحدر اوي وانا مسمحلوش بقي يكون خاطب جيسي الطويل بنت ماجد الطويل ويبص لوحده زيك لا لا ده اتجنن
كان منصور الوزير غاضب من ابنه ولكن اثر الصمت فهو يعلم ان بكينام لن تتورع عن انهاء هذه العلاقة
وكانت مروة تستمع الي تلك القذائف المطلقه نحوها ببكاء فهي ظنت انها ستحرج ايمن وستقترب من عائلته حينما تقف إلي جوارهم في مرضه هي ليست سيئة ولكنها تتمني ان تحيا حياة الطبقة المخمليه تتمني ان تملك قصر وسيارة و يصبح لديها رصيد من عدة اصفار فالبنك تسافر بلا حساب هكذا ظنت لم تتوقع ذلك الهجوم اما مافجائها حقا ان لديه خطيبه اصبحت لا تحتمل الكلمات فأطلقت ساقيها للرياح ركضت كما لم تركض من قبل وفي اثناء ركضها اصطدمت باحدهن علي ما يبدو انها قادمة لإيمن فملابسها وهيأتها تدل علي ذلك كانت ترتدي فستان ازرق اللون لم يتعدي ركبتيها مع حذاء ذو كعب عال وحقيبه ينير منتصفها اسم dior وعطرها يصل إلي اخر المدين
بنان صارخه : انتي مجنونه مش تفتحي
مروة بصوت مبحوح اثر البكاء : اسفه والله ما اخدتش بالي
ليصلهم صوت انثوي اخر : مالك يا بنان بتزعقي ليه
بنان : المتخلفه دي خبطني وهي بتجري
مروة بزعيق : الله ما قولنا اسفين هي صورة ما خلاص هتشتمي هشتم
بنان : لوكال اوي
كادت مروة ان تحتد عليها لو جيسي التي تدخلت مرة اخري : خلاص يا بنان حصل خير سوري يا انسه
بنان: جيسي انتي بتعتذرلها
رن اسم جيسي في اذن مروة اذن تلك هي خطيبته فتأملتها لثوان بنظرة سريعه وجدت انها لا ترتدي خاتم خطبه كانت تظن تلك الجيسي صارخه الجمال ولكنها فتاة عادية حتي ان تلك الصارخه اجمل منها بكثير
وكانت ترتدي ملابس رياضيه يبدو انها قادمه من النادي لتوها ولا تضيع اي مساحيق تجميل حتي انها لا ترتدي اي شئ مميز بنطال رياضي اسود وبلوزة قطنيه بلونها الوردي وحذاء رياضي وحقيبة ظهر
فاقت من تأملها علي انصرافهم فقالت في نفسها بقي هي دي جيسي : ده انا برقابتها دي لا شكل ولا منظر بس عندها اللي يكسب الفلوس ولا التانيه دي لابسه فستان يمكن قد مرتب بابا ٣ مرات او اكتر تحفه تحفه ياااااه لو عندي زيه
********
عبير : انا تعبت يا شمس خلينا نغمض الساعه دي كده ونقوم عشان خلاص فصلت والله
شمس : وانا كمان تعبت جدا بردو بس كنت عاوزة اعرف الباقي
عبير: هكملك هنروح من بعض فين
كانت الشمس في اوجها وكان النوم يكاد يكون مستحيل وقد اشفقت عليهم تلك العجوز فهي بلا مقصد يصلها صوتهم فالتفتت إليهم قائلة : ياحبيبي هتنمو ازاي فالشمس دي صعب هناك في ضليلة شجرة وتحتها كرسي خشب زي ده خدي دي اتغطو بيها ونامو هناك واشارت لهم حيث تلك الشجرة
*******
وصل ايمن إلي موعده في احد المطاعم الكبري دخل في هدوء كانت الانظار تحيطه فقد كسب شهرة اكثر من ابيه وخاصه بعد انتشار اخبارة وانجازاته وما يقدمه من خير عبر وسائل التواصل الأجتماعي
كانت هو اخر الحضور فالجميع بأنتظارة ولكنه تفاجئ من وجود ورد كانت مديرة الشئون القانونيه الخاصه بالشركة الأخري
يالله كم تشبه شقيقتها كام الذهول باديا علي وجهه فلم يري اي طيف يخص ليل منذ سنوات عديده كان سعيدا حزينا فهو يعشق اي شئ قادم من رائحة ليل حزين لكونه قد خسرها فهو منذ وفاتها "هكذا اخبروه " وهو شبح بلا روح لا يصدق رحيلها يتمني لو ظلت هاربه لكان ذلك اهون علي قلبه من موتها فالهارب قد يعود اما الموتي لا يعودون
كانت نظرات ورد تشع كراهيه كان يستطيع قرائتها حتي وان لم ينتبه إليها الجميع هو يعلم ليتها تعلم انه عشق اختها حقا وهو اكثر المتألمين بفقدها كانت ورد تعلم انه ستقابله حتي انها هي المقترح الأول علي مدير الشركة بالاسثمار مع مجموعة الوزير لم يكن لذلك سببا إلا الأنتقام لوفاة شقيقتها الحامل ومن بعدها امها حسرة علي ليل وما رأته من عذاب في فراقهم
قطع نظرات الصمت صوت مدير الشركة : اهلا اهلا استاذ ايمن حقيقي انا سعيد بأننا هنشتغل سوا
ايمن : انا اسعد يا استاذ حازم
حازم : الاستاذة ورد راجعت العقود والبنود وطالبه تعديل كام بند واضافت شروط اضافيه
ايمن بلا تفكير : اللي تشوفه ورد يمشي
حازم عاقد حجبيه متعجبا قائلا في نفسه : ورد هو يعرفها ولا ايه ثم رفع صوته قائلا مش المحامي بتاع حضرتك يراجع العقود الأول
ايمن : اكيد طبعا استاذ مؤمن ياتري شوفت الفايل بتاع العقود ولا لسه
مؤمن : اه استاذة ورد سلمتهولي اول ما وصلت بس هما بندين اللي عليهم الاعتراض وتعديل للشرط الجزائي فقط البندين صعب نعدلهم لانهم كده بيخلو وقت التسليم مطاطي وبدون اي خسارة ليهم حين انهم عاوزين يضعفو الشرط الجزائي علينا في حال انسحبنا
ايمن : المفروض اننا نتفق انه تسليم الوحدات يبقي ليه معاد محدد الكمبوند بتاعي ليه اسم والمفروض أوراق المناقصه بتاعتكم كانت واضحه انكم قابلين بشروط مجموعتنا وبالتالي الشرط الجزائي لو هيتضاعف يبقي غلينا وعليكم ومعاد التسليم يتحددلي عشان نقدر نمشي الصفقه
*******
مرت ساعتين كان موعد الزيارة قد حان فأيقظتهم العجوز ليستعدو لزيارة مريضتهم وحينما وصلا إليها اخبرهم الطبيب ان وضعها الطبي حرج جدا ولا بد من عمليه لو انتظرت دورها المجاني ستموت قبله لا محالة
عبير : ياعني كام كده يا دكتور
الطبيب : مش اقل من ٥٠٠ الف جنيه
شمس : يالهوي ده احنا منحتكمش علي ٥٠ جنيه نجيب منين ٥٠٠ الاف
عبير : ينفع نشوفها يا دكتور
الطبيب : من ورا الازاز بس الزيارة في العنايه ممنوعه
شمس : انت بنتها هدخل دقيق واخرج
الطبيب : للاسف ماينفعش بعد اذنمم
عبير : شكلها كده مابدهاش انا لازم اروحلة انا عارفه البيت
شمس : تفتكري هيدخلونا ياخالتي هقعدلهم علي باب الفيلا يا ياخلوه ياقبلني يا مش همشي المهم يعرف حالتها
شمس : وتفتكري هيساعدها
عبير : ربنا يعلم بس اهي محاوله
شمس : طب نبص علي ماما ونروح
وخلال دقائق كانت عبير وشمس في اتجاه فيلا ايمن الوزير كان الامر صعب فهي تتحرك علي وصف ليل وما ان وصلتا الحي المفترض ان تكون بيه الفيلا حتي انبهرت كلتاهما من الشوارع والفيلات
شمس : ده احنا مش عايشين ياخالتي
عبير : وانتي فاكرة مقلب الزباله اللي عايشين فيه ده عيشه بس هي حظوظ ناس ليها احسن حاجه وناس مالهاش خالص
شمس : اشمعني ليه هما حظهم كده واحنا حظنا كده
عبير : والله ياشمس معرفش اهو نصيب بقي كنت بسأل السؤال ده لنفسي كتير بس عمري مالقيت ليه اجابه استني نروح نسأل السواق اللب هناك ده علي الفيلا الفيلل كلها شبه بعض واحنا زي اللي بيلف في دايرة
عبير : يا هندسه ماتعرفش فين فيلا ايمن الوزير
السائق بتكبر : وانتي عاوزة فيلا الوزير ليه
عبير : وانت مالك مساله شخصيه
السائق بسخريه : مسألة شخصيه معاكم انتو
كانت هناك سيارتين يتحركن بسرعة مهوله لتدخل إلي الفيلا التي تليهم مباشرة كانت فخامة السيارتين سبب قويا لجذب انظارهم فلمحت شمس اسم الوزير مدونا علي تلك الفيلا
شمس : سيبك منه ياخالتي الفيلا اهيه تعالي نروح
واقتربتا من الفيلا ليخرج إليهم فرد الأمن صائحا : انتو مين ووصلتو لهنا ازاي
عبير : هي دي فيلا ايمن الوزير
الامن : اه ياستي عندك مشكله
عبير : عاوزة اقابله
الامن : متخلفه دي ولا ايه وهي حد كده يجي يقول اقابل ايمن بيه يقابل انتو مش شايفين مناظركم يلا يا ماما منك ليها ولو عاوزين مساعده ابعتو علي المكتب اللي مسئول عن المساعدات وهما هيدرسو الحالة ويبعتولكم
شمس : مساعدة ايه انت مجنون قوله بس شمس بنت ليل وهو هيقابلنا علي طول
****