رواية فارس ظلمتي الفصل الثالث3بقلم اسماء الطبلاوي
(استيقظت شمس من النوم بكسل تتمطى في السرير ثم شردت قليلا عندما تذكرت ذلك الغريب الذي تحدثت معه بالامس فلا تدري لماذا لا تستطيع عدم التفكير بكلامه ولكن سرعان ما القت من راسها بتلك الافكار مناديه على دادا حسنيه فهي تنام بغرفه ملحقه بداخل غرفة شمس حتى تكون قريبه طوال الوقت..)
شمس: يا دادا..... دادا حسنيه انتى صحيتي يا حبيبتي..
حسنيه: طبعا صحيت يا ست البنات وحضرتلك فطارك اهو على ما تاكلي هاروح اناديلك شادي بيه بسرعه بس خلصي اكلك كله ها... نظرت لها شمس بحب بينما ابتسمت بعيون دامعه لتقول لها..
شمس: مش هتبطلي بقى يا دادا كلمه ست البنات دي.... الكلمه دي تقوليها لوحده كامله مش تيجي تقوليها لوحده عامي...
( قطعت حسنيه كلام شمس فهي لا تريد هز ثقتها بنفسها بل تريد العكس لتقول..
حسنيه: بس اسكتي يا شمس انتى ست البنات وكامله وزي الفل وعمري ما هبطل اقولهالك...
(تركت حسنيه شمس وذهبت لتوقظ شادي بينما جلست شمس تتناول طعامها وهي تفكر في كلام حسنيه هل حقا هي كامله اذا لما لا تشعر بذلك ولما لم يتقدم احد لخطبتها بعد قطع شرودها دخول شادي المفاجئ عليها وهو يقول....)
شادي: يا صباح الجمال يا شموسه كل يوم بتحلوى اكتر😉 ها قولي لي عايزاني في كارثه من انهي نوع النهارده😌 بس اوعي تقولي لي تركبي الفرس تانى.
شمس: لا يا شادي ما تقلقش بس تعال هنا اقعد عايزاك في موضوع بجد.
شادي: خير اللهم اجعله خير شكلك ما نمتيش وتعبانه مالك يا شمس.
( نظرت شمس مطولا لشادي ثم فركت يديها معا بتوتر قبل ان تقول له..
شمس: شوف يا شادي انا عايزاك تروح ارض الحاج غريب طبعا عارفها وتسال عن المهندس فارس مصطفى رشوان لما تلاقيه تبلغه ان انا عايزاه وتجيبهولي هنا في اوضه المكتب بتاعه بابا القديمه فاهم.
( لم يستوعب شادي ما تطلبه منه شمس لما تريد ذلك الشخص ولما تلك السريه في حديثها ليتكلم مستفهما..
شادي: استني بس اهدي اهدي عليا مهندس مين واجيبه فين هو ايه الحوار.
شمس: بعدين هافهمك اهم حاجه ما تجيش من غيره وزي ما قلت لك على مكتب بابا القديم اوعى حد يشوفك.
(تفهم شادي سريعا من تقصد شمس بكلامها ولكن لماذا ما الذي حدث لا يعلم فقال لها...
شادي: امري لله حاضر يا ستي هاروحله.. انتى قولتى ايه... فارس مش هو ده فارس بتاع شجرة🌲 الخوخ..
شمس: شطور ما انت دماغك شغاله اهو..امال رميها ليه... يلا بقى على طول فاهم على طول..
(نظر لها شادي نظره تحمل الكثير من الاسئله ولكنه يعلم انها ستقول له كل شيء فيما بعد فانصرف شادي وهو متعجب من اصرار شمس على هذا الشخص بالذات بينما جلست شمس تفكر مطولا ثم تحدثت مع نفسها قائله)
شمس: ماشي يا عمى اما اشوف مين فيكم اللي صادق انت ولا فارس ده..
(وهناك في احد شركات ال مهران كان يجلس رضوان يتحدث الى شقيقته ناديه بغضب شديد فكان الحوار كالتالي...)
رضوان: لو بس اعرف مين اللي لعب في راسها وقال لها على كل حاجه كنت خنقته بايديه دي كانت بتكلمني ببجاحه ما تتخيلهاش...
ناديه بخبث: بالعكس ده انت لازم تشوف مين اللي قال لها وتاخده على حجرك يبقى لك بدل ما يبقى عليك ولا انا غلطانه
رضوان: انتى بتقولي كده علشان ما كنتيش موجوده تشوفى الهانم وهي بتبجح فيا وبتقولي انا مش همضي على اي ورق الا لما المهندس اللي هتجيبه يقول لها ويؤكد لها كمان ان الارض بتتحسن..
ناديه: على كل حال انا و رانا هنيجي الاسبوع الجاي نقضي معاكم كام يوم كده ابقى اشوف الموضوع ده ونشوف هنتصرف ازاي...
(وصل شادي لارض الحاج غريب وقام بالسؤال عن فارس ولكن العمال اخبروه بانه لم ياتي بعد فطلب عنوان منزله فأعطوه له ليتوجه مباشره الى حيث يقيم فارس ليجده منزل متواضع بسيط فطرق الباب عدة طرقات لتفتح له سكر مبتسمه وهي تقول)
سكر: اهلا وسهلا حضرتك مين.
(نظر شادي مطولا لها ولم يعلم ماذا اصابه فما اجملها فهو رغم علاقاته النسائيه المتعدده لم يصادف هذا النوع من قبل... ليتحدث قائلا...)
شادي: هااا.. اه اه هو المهندس فارس موجود هنا يا انسه..
سكر: اه موجود حضرتك مين علشان ابلغه انك عايزه...
شادي: قوليله شادي مهران ابن عم انسه شمس بتاعة امبارح هو هيفهم...
عقدت سكر حاجيبيها بطريقه مضحكه لتنظر له وتقول..
سكر: ولو اني مش فاهمه حاجه بس هابلغه اتفضل ادخل اقعد لما اديله خبر.
( دخل شادي وجلس في الصالون وهو منبهر من تواضع المكان وذوقه البسيط فهو يحتوي على صالون متواضع بينما المنزل تقريبا يحتوي على غرفتين منفصلتين وغرفه مفتوحه بها فراش وصاله صغيره وحمام ومطبخ متواضعين فتفاجا من كميه البساطه بهذا المكان ولكنه كان يشعر بكثير من الراحه فجلس ينتظر دخول فارس وما هي الا دقائق حتى خرج اليه فارس قائلا)
فارس: اهلا اهلا يا شادي بيه نورت بيتي المتواضع خير ان شاء الله..
شادي: اولا بلاش بيه دى قولى يا شادي بس... ثانيا خير باذن الله انا بس جايلك اقولك ان شمس عايزاك في موضوع مهم وهي مستنياك في الفيلا دلوقتي...
( نظر له فارس نظره قصيره ثم تحدث بنبره حاده قائلا)
فارس: وهو في بيني وبينها ايه علشان عايزاني ضروري ايه الموضوع..
شادي: والله انا مجرد مرسال انما التفاصيل عندها هي اما تقابلها هتعرف.
فارس: وانا مش هاروح اقابل حد اللي عايز يقابلني يقدر يجيلي هنا بيتي مفتوح في اي وقت انما شغل روح هاتهولي وتعال ده مش انا... ويا ريت تبلغها بكده.
( وهناك في ارض الحاج غريب كان يقف احدهم عاقدا ذراعيه امام صدره يتامل الارض بعينيه فاتى فارس الى الارض كعادته كل يوم فاخبره احد العمال ان هناك من ينتظره فتقدم فارس من هذا الذي يقف مواليا له ظهره قائلا)
فارس: قالولي انك عايزني مين حضرتك.
( ليلتفت له ذلك الشخص قائلا :
عمر: والله لولا اني عارف ان شكلى اتغير واحلويت بعد ما نضفت كنت زعلت منك اووووى..
( نظر له فارس وابتسامه خفيفه تعتلي وجهه ليقول له...
فارس: عمر البنهاوي يخرب عقلك انت لسه عايش..
( ليقوم عمر بذم شفتيه وهو يقول..
عمر: لا مت بس اخدت اجازه وجاي اسال عليك... ايه يا عم ما تنقي الفاظك ايه لسه عايش دي انت لسه مدب زي ما انت...
فارس: هيه هيه مش حلوه😒 على فكره انت لسه دمك تقيل بردوا اهو مش انا لوحدي اللي مدب ايه بقى اللي فكرك بيا بعد كل السنين دي..
عمر: عايز اشتغل يا فارس... القاهره ما بقاش فيها مجال زراعي خالص زي الاول قلت اجي اقطع عليك هنا بخبراتى المعهوده ما انت عارفني..
فارس: خبرتك ااااه على اساس انك نابغه ده احنا دافنينه سوا على كل حال مش هاكسفك سيبني بس اشوف اقدر اعمل ايه وهابلغك...
( وهناك في غرفه شمس كان يدور هذا الحديث بينها وبين شادي ليقول...)
شادي متوترا: صدقيني يا شمس حاولت معاه والله بس كل ما اجي اتكلم يقفل عليا ببرود ده حتى مش مهتم يعرف سبب دعوتك ليه انا رايي تنسي الموضوع..
شمس بانفعال: يعني ايه انسى الموضوع انا قلت هاقابله يعني هاقابله بس ولا يهمك على كل حال انا كنت عارفه انه هيرفض يجي ومش هيرضى..
شادي متعجبا: لما انتى عارفه بعتينى ليه علشان اتحرج وخلاص ما كنا وفرنا المشوار ده من اساسه.
شمس: لا انا بعتك علشان يرفض اصلك مش فاهم انا كده فهمت انه مش فارق معاه انا ابقى مين ولا بنت مين يبقى انا كان عندي حق لما اختارته...
شادي متصنعا الغضب: لا والله وانا بقى كنت كبش الفداء بتاعك وبعدين اخترتيه علشان ايه..؟ انت ناويه تتجوزي ولا ايه يا شموسه قوليلي قوليلي ده احنا اخوات..
شمس: اتجوز ايه بطل عبط انا عايزاه في شغل روح انت بقى وانا هاتصرف..
وقف شادي رافعا كتفيه بعدم فهم وبعد مبالاه لانه عندما تقرر شمس الا تفصح عن شيء لن تفصح عنه الا اذا ارادت ولهذا سينتظر ان تقول له من تلقاء نفسه بما تفكر وانصرف شادي تاركا خلفه شمس تفكر بشده في الحديث الذي دار بينها وبين شادي وحينها لمعت في راسها فكره ستضع حادا لكل مخاوفها)
( وفي المساء عاد فارس ومعه عمر الى المنزل ليتناولا معا طعام العشاء كان عمر سعيدا بتلك الدعوه بينما كان فارس شبه متعلل من دعوته ولكنه كان مجبر فهو في بلد غريب ومن شيم فارس ان يقوم باكرام حتى وان كان لزج كحال عمر دخل فارس الى المنزل برفقه عمر ولكنه تفاجئ من من كان في انتظاره)
شمس: هو مين اللي دخل يا طنط استاذ فارس رجع ولا ايه..
( ليتوجه اليها فارس غاضبا لا يعلم لماذا ولكنه يشعر بغضب من تلك المعامله منها منذ ذلك اللقاء ليقول
فارس: على اساس انك مش شايفاني قبل كده يعني انا مش فاهم ايه ام التعالي اللي انت فيه ده...
... تدخلت شريفه في الحديث فورا ناهيه فارس عن الكلام قائله...
شريفه: فارس يا ابني اسكت انت مش فاهم حاجه هفهمك..
فارس منفعلا: تفهميني ايه يا ماما دي شايفه نفسها عليا... المره اللي فاتت بردوا عملت نفسها مش شايفاني وكانت بتكلمني وهي عماله تبص شمال ويمين هي مين يعني كلنا عباد الله انزلي على الارض شويه...
( وقتها ولم تستطيع شريفه البقاء صامته لتنظر لفارس بغضب وقد لاحظت احراج شمس وعينها الدامعه لتقول....)
شريفه: فارس قلتلك اسكت خالص هي مش شايفك اصلا عشان تبص لك افهم بقى وكفايه لحد هنا واعتذر لها..
(تعجب فارس مما تقول والدته ليفرك جبينه بعدم فهم قبل ان يتحدث قائلا..)
فارس: تقصدى ايه بمش شايفاني يا ماما هي الانسه مش........
( لتجذب شمس حقيبتها من فوق المقعد وتتنحنح باحراج قائله..
شمس: بعد اذنك يا طنط استاذن انا..
(ليقف فارس امامها موجها كلامه لها بامر قائلا....
فارس: انا لسه ما خلصتش كلامي يا انسه وما احبش حد يقاطعني وانا بتكلم ثم انك لسه ما قلتليش انتى كنتى عايزاني في ايه اتفضلي ادخلي...
شمس بدموع: وحضرتك لسه عندك استعداد تسمعني بدون اهانات..
( وهنا ياتي دور المتفرج الذي لم ينطق بحرف منذ دخوله ولكنه تحين تلك الفرصه ليقول....
عمر: يا انسه هو اكيد مكانش يقصد يهينك يا ريت تقبلى اعتذاري..
(لينظر له فارس شذرا ويقول...
فارس: وانت مال اهلك يا عمر هو انا عيل هتدافع عني ثم إنك لسه واقف هنا بتعمل ايه...
عمر موضحا: ايه يا عم مش هاتعشى ولا ايه مش انت عازمني...
فارس: عمر اتهوى وبكره هاقابلك وتانى مره ما تتحشرش في الكلام..
ثم اكمل كلامه موجها اياه لشمس قائلا..
فارس: وانتى يا انسه شمس اتفضلي معايا على الصالون نتكلم..
_ لتقول شريفه ببسمه__
شريفه: وانا هاعملكم حاجه تشربوها واجيبها لكم على الصالون.
( دخل فارس وبصحبته شمس الى غرفه الصالون يتحدثون مطولا لاكثر من ساعه وعند انتهاء حديثهم فتح الباب وخرجت شمس وخلفها فارس ليوصلها الى السياره مودعا لها فقالت شمس..
شمس: خلاص اتفقنا يا باش مهندس على معادنا..
فارس: باذن الله هكون عندك 8 الصبح تمام... ولو اني مش مقتنع بس هاجي انا بقولك هاجي علشان بس الحاحك على حضوري انما انا شخصيا انا ما بحبش اخش في مسائل عائليه لكن طالما الموضوع فى نطاق الشغل وبس انا هاجي..
شمس: وانا واثقه في كلمتك وهاستناك وانا متاكده ان انا هاعرف اقنعك بكلامي..
فارس: ايلى ربنا عايزه هيكون روحي انت بقى عشان الوقت اتاخر...
رحلت شمس وتركته يفكر بعمق في الحديث الذي دار بينهم وما سيترتب عليه من مشاكل لاحقا ولكنه حسم امره بالموافقه نظرا لما اخبرته اياه شمس..