رواية بنت ليل الفصل السادس6بقلم هدير سعيد
توقفت امي عن الحديث فجائه وبدأت فالسعال الشديد يبدو عليها انها تجد صعوبة فالتنفس تحاول ولكن بلا جدوي بدأت بالصراخ فلا ادري ماذا افعل تجمع الجيران في ثوان كانت قد فقدت وعيها تدخل عم حمدي فالامر وبدأ بأسعافها كي تستعيد وعيها فهو يعمل تمرجيا باحد العيادات ويعد طبيب الحي وضع ذلك الدواء تحت لسانها ومن ثم ظل يضغط علي صدرها مرارا وكانت ام شهد كد قسمت بصلة إلي نصفين لتضعها في انفها ظللنا قرابة النصف ساعة نحاول ان نعيدها إلي الوعي نصف ساعه كادت تقتلني رعبا جعلتني اشعر بالتيه والخوف واليتم حتي فتحت امي عينها اخيرا في تلك اللحظه تحديدا انسابت دموعي بشده وبدات في النحيب نحيب شديد لا اعلم سببه اهو فرحا بعودتها او رعبا من خسارتها انقسم الجيران بين جزاء يساعد امي وجزء يهدئ من روعي اقاربت من امي وزاد نحيبي وعلي صوت بكائي وشاركتني هي النحيب فاصبح وضعنا مُفطر للقلوب حتي ان دمع الجارات قد انساب
احد الجارات : وحدو الله بقي واهدي يا شمس امك تعبانه وانتي كده بتتعبيها زياده حرام كده
عبير : كده تخضينا يا ام شمس وتوجعي قلوبنا ينفع كده
جارة اخري : ياختي بتشوف غلاوتها في قلوبنا شكلها الحمد لله انك بقيتي بخير
ليدق الباب وتدخل ام محمد مالكة منزلنا قائلة : ايه يام شمس عامله ايه دلوقتي جبتلك لقمة تتقوتي بيها عشان تبقي زي الحصان
فتحدث عم حمدي قائلا : احنا لازم نشوف طريه نودي بيها ام شمس مستشفي حد يشوفلنا تروسيكل الواد سيد لازم نوديها الطواريء ضروري
******
غرفة نوم وثيرة طلائها مزيج بين الرمادي والابيض
يقف ايمن يعدل من هندامه امام المرأه ويرش بعض من عطره فتتقلب زوجته فالفراش وتفتح عينيها بخمول وتنظر إليه قائلة : ايه ده يابيبي انت لسه مانزلتش هو الوقت كام دلوقتي
ايمن بهدوء : ٣ ونص وبعدين انا خرجت ورجعتو خارج تاني
الزوجة: وهترجع امتي نفسي اشوفك انت ليل نهار شغل شغل انا محتاجه احس اني متجوزة
ايمن اقترب منها : حقك عليا انا عارف اني جاي عليكي بس الشغل هعمل ايه وعد هحاول افضي نفسي شويه ونسافر اي مكان نغير جو بس اخلص الصفقه دي بس وافضالك
الزوجة : ياريت يابيبي ليل كمان مفتقداك جدا وبتقولي بابي بقي وحشني ومش بشوفه خالص
دق قلب ايمن حينما نطقت اسم ليل فهو قد اختار الاسم خصيصا ليذكرة بمحبوبته : قلب بابي دي انا كل يوم بعدي عليها ونلعب شويه بس هي طماعه عاوزاني اليوم كله
الزوجة : يابخته علي الاقل بتفضي نفسك ليها ولو حبه صغيرة فاليوم لكن انا منسيه خالص
ايمن بمجامله : انتي الاصل بس هي صغيرة فبنضحك عليها انا ماليش غيركم واكمل في نفسه بعد اللي راحو
الزوجة : ينفع تفطر معايا
ايمن : قصدك اتغدي عموما انا عندي ميتنج بعد ساعه والمشوار من هنا تقريبا تلت ساعه ياعني ممكن نلحق ناكل سوا حاجه خفيفخ يلا بس بلاش كسل
فقامت الزوجة مسرعه تتصل بالمطبخ لأعداد الطعام حتي ترتدي هي ملابسها
*******
في احدي المستشفيات الحكوميه
الطبيب : الحالة صعبه جدا ومحتاجه رعايه مركزة ومفيش عندنا سراير فاضيه ممكن تروحو المستشفي **** اكيد فيها سراير
عبير : يادكتور صعب اوي ننقلها بتروسكل لحد هناك المسافه بعيده اوي ياريت تتصرف
الطبيب : انا مش في ايدي حاجه والله وهي ممكن تخرج من هنا بالاسعاف وحالتها ماينفعش تستني الرئه فيها تليف شديد والاكسجين في جسمها ٤٠ بس احنا حطنا علي التنفس الصناعي لحد ما الاكسجين يوصل لنسبه معقوله وبعدها ضروري تتنقل
حمدي : وهنجيب منين فلوس الاسعاف
نظرت عبير للجميع وقالت : عم حمدي خليك هنا مع ليل وانتي يام علي خليكي معاهم عشان لو احتاجو حاجه وانا هروح مشوار مهم اتصرف منه في فلوس واجي مسافة السكه وراجعه
ام علي : مشوار ايه ده
عبير : نظرت ليدها الدبله دي بقيت خنقاني واضيقت عليا وكنت شيلاها لعوزة واهو العوزة جت خلاص
حمدي : طول عمرك اصيله يا ام شهد
انصرفت عبير واثناء سيرها كانت تفكر ماذا لو ذهبت لتخبر ايمن بمكان ليل وشمس ووضعها الصحي هل ستصل اليه هل رجل مثل هذا سيقابل امرأة مثلها ان ذهبت إليه وصلت إلي الصائغ واستلمت المال واعطته الخاتم وعادت وتم نقل ليل إلي المشفي الاخر بعدما تأكدو من وجود احد الاسرة في غرفة الرعاية المركزة
وكانت عبير قد حسمت امرها بانها ستذهب فالغد وتحاول رغم صعوبة الامر
شمس : انا هستني مع ماما روخي انتي ياخالتي
عبير بحنو : واسيبك لوحدك ماينفعش هستني معاكي لحد ما نطمن عليها سوا
كانت عيني شمس قد انتفخت من كثرة البكاء
فمسحت عبير عينيها قائلة كفاية دموع كده يا شموسه امك هتبقي زي الفل وهتفوق وهتبقي في احسن حال
شمس : يارب ياخالتي ده انا ماليش غيرها
عبير : ربنا يطولك في عمرها لا ليكي يا شمس ليكي ابوكي انا بفكر اصلا احاول اروحله عشان يمكن لما يعرف انها تعبانه كده يوديها مستشفي حلوة تتعالج فيها
شمس : ياعني اللي رماها ورماني زمان هيبصلخدها دلوقتي واللي زي ده هنوصله ازاي اصلا
عبير : متظلميهوش يا حبيبتي انتي لسه متعرفيش حاجة بس هنوصله ازاي هي دي المشكله امك سيبالي عنوان الفيلا هروح الصبح البوسته اشوف لو لسه بيبعتو جوابات زي زمان نبعتله واحد ونكتبله عنونا اصل اكيد لو روحناله عند حرس زي الافلام هيمنعونا
شمس : وانتي واثقه انه لو وصله الجواب هيسأل عننا كان دور علينا كل السنين اللي فاتت
عبير : ويمكن دور وماوصلكوش ابوكي مكنش وحش ياليل بس الظروف
شمس : ظروف ايه
فلاااااش باك
كنت متوقعه رفض امي فلم اتوقع انها تقبل ان اتزوج في قريتنا وانا التي تربيت هنا في قاهرة المعز فكيف لي ان احيا هناك ولكن امر قبولها جعلني حائرة بين القبول والرفض فانا اريد ان احيا بالقاهرة واتم دراستي واتزوج فيما بعد فلست مستعده إلي الزواج الان لم اكن ارفض عمران كشخص ولكن مال قلبي لذلك الوسيم فوجدتني املي شروطا اعلم انها ستنهي الامر حتما
ليل : بس انا مش حاسه اني قد مسئولية الجواز دلوقتي
الام : واحنا بنقولك اتجوزي حالا لسه سنتين ولا انتي رافضه عمران
ليل : عمران ما يتعيبش بس انا مش عاوزة اعيش فالبلد واروح برجلي لشغل الارض والبهايم ووجع القلب
لو عاوزني يبقي يجي يعيش هنا فالقاهرة
الام : وده اسمه كلام يسيب حاله ومحتاله ويجي هنا يعمل ايه
ليل : وانا مش هعيش فالبلد مقدرش ابعد عنك انتي واخواتي
الام : واقول لعمتك كده ازاي انا يارب ييسرهالي يارب كانت العمة تحدث عمران وتخبره بالأمر فأخبرها انه سيأتي فالغد لحسم الامر ومعرفه رأي ليل
دخلت صفاء اثناء حديثهم فعلمت بالامر فوجدت انها فرصه جيدة لتخبر ليل عمران بنفسها وهذا سيرفع الحرج عنها
******
ظل ايمن في غرفته يتذكر ليل وما وصل إليه وكيف ربط نفسه بجيسي وشعر انه قد تسرع بتلك الخطوه ولكن قد وجد نفسه مضطرا ظل يفكر كثيرا حتي اختنق وقف في الشرفه ليجد هاتفه يرن فتح الخط اذا بالمتصل هو مروة
ايمن بضيق : ازيك
مروة : مالك
ايمن: مخنوق شويه
مروة : توقعت هتتصل تطمن عليا بعد الامتحان
ايمن : كنت مشغول شويه عملتي ايه
مروة : ختامه مسك كان احسن امتحان فيهم
ايمن : طب كويس الحمد لله
مروة : بس مشوفتكش واحنا مروحين
ايمن : ما انا قولتلك اتشغلت شويه
مروة : خسارة كانت دي اخر فرصه اشوفك انا حتي لما انزل كمان يومين هبقي مع البنات ولو انت جيت هيعرفو انه انا اللي قولتلك
ايمن : هتبقو كلكم خارجين
مروة : ايوة كلنا احنا اتفاقنا علي كده
ايمن وقد شعر انه قد.اشتاق ليل : طب هنشوف يمكن الاقي طريقه واشوفكم بيها كأنها صدفه
مروة : بجد
ايمن : ايوه
مروة وقد وجدت انها ستدفع مبلغ وقدرة : طب انا هقفل غشان لازم اروح
ايمن : هبقي اتصل بيكي
مروة : اتصل الساعه ٧ عشان اعرف ارد عليك
ايمن : تمام