رواية مالك الكنز الفصل الثاني2بقلم رنا تامر
كنزي و يارا وصلوا الجامعه، ويارا خرجت من العربيه، وكانت كنزي هتمشي بس لاحظت انه حد بيتخانق مع يارا🤨
كنزي خرجت من العربيه ومن غير ما تعرف الموضوع زعقت في الشخص اللي بيتخانق مع يارا(شرسه اوي كنزي😅)
كنزي بزعيق: ايه يا حمار انت مش بتشوف ولا ايه،،
مالك بصوت عالي: انتي مجنونه ولا ايه انتي ازاي تكلميني كده ،،
كنزي بصوت اعلي: ده انت بجح اوي، يعني انت غلطان وكمان بتزعق،،
يارا بتحاول تهدي كنزي: اهدي يا كنزي خلاص هو اعتذارلي،هو مكنش قصده،،
كنزي: انتي كمان بدفعيلوا،،
محمد كان جاي يشوف مالك، لكن لاحظ انه بيتخانق، راح عنده عشان يشوف في ايه 🤨
محمد: في ايه يا جماعه استهدوا بالله،،
مالك: خدني من هنا يا محمد بدل ما ارتكب جريمه،،
كنزي: لا ونبي خوفت، انت اصلا متعرفش تعمل حاجه😏
مالك بعصبيه: انتي عارفه انتي بتكلمي مين،،
كنزي بسخريه: هكون بكلم مين يعني 😏
مالك لسه هيرد عليها، الفون بتاعه رن...
مالك: انتي عارفه انه ده (شاور علي الفون) اللي انقذك مني، لولا كده كنت عرفتك انا مين،،
مالك رد علي الفون ومشي ومحمد مشي وراه... وكنزي فضلت واقفه متعصبه ويارا بتهدي فيها ولا كأنه الخناقه كانت معها هي....
يارا بتحاول تكتم ضحكتها: اهدي يا حبيبتي متعمليش في نفسك كده 😂
كنزي بعصبيه: تصدقي انتي معندكيش دم يعني انا متعصبه وانتي بتضحكي،،
يارا بضحك: انا مش فاهمه انتي متعصبه علي ايه، ده كان واقف معايا انا وقلتلك اعتذارلي، وبعدين انتي مسحتي بكرامته الارض ،،
كنزي: ازاي يعني اشوفك بتتخانقي واسكت، البارد خبط فيكي وهو اللي بيزعق 😤
يارا: معلش يا روحي، هنبقي نتكلم انا وانتي في الموضوع بعدين، ينفع بقي اروح محاضراتي وانتي تروحي علي شغلك عشان احنا اتأخرنا اوي،،
كنزي: تمام،، انا ماشيه وابقي اشوفك،،
يارا: تمام، باي يا قلبي،،
كنزي: باي يا حياتي،،
ــــــــــــــــــــــــــــــــــــــــــــــــــــــ
عند مالك، قعد هو و محمد في الكفتيريا...
محمد: بقولك انت تهدا كده وتحكيلي ايه اللي حصل،،
مالك: ونبي ما تفكرني دي بت رزله رزاله انا مشفتهاش ،،
محمد: لدرجاتي معصباك اوي كده،،
مالك: اكتر مما تتخيل، اول مره بنت تعمل معايا كده ،،
محمد: طيب انا هسيبك دلوقتي وهبقي اكلمك نتقابل وتحكيلي اللي حصل،،
مالك: ماشي مع السلامه،،
محمد: مع السلامه،،
ـــــــــــــــــــــــــــــــــــــــــــــــــــــــــ
عند كنزي، كانت بتسوق وهي بتفكر في الموقف وبتضحك علي نفسها.....
كنزي في نفسها: بس ايه الواد عضلات ايه وعيون ايه ولا شعره قمر جينتل مان كده في نفسه،،
كنزي في نفسها: لا بس الواد ده لو شفته تاني هتبقي امه داعيه عليه بجد،،
وصلت كنزي الي الشركه ودخلت لقت كالعاده المدير بيسأل عليها....
كنزي بتوتر: سأل عليا صح 😢
السكرتيره: ده من الصبح،،
كنزي بخوف: ربنا يطمنك يا شيخه،،
السكرتيره: طب الحقي ادخلي قبل ما يجي يسأل عليكي تاني 🙄
كنزي: حاضر،،
دخلت كنزي بس ملقتش حد فعقدت علي الكرسي...
كنزي في نفسها: الحمدلله يارب لسه مجاش، بس هو ليه الكرسي مديلي ضهره كده، هو حتي الكرسي متعصب مني،
الكرسي لف واللي قاعد طلع مازن....
مازن بنظره خوف: اهلا بيكي يا انسه كنزي انا عارف انك مهمه في الشركه وشغلك حلو، بس ده ميدكيش الحق انك تتأخري في شغلك يا انسه فاهمه...
كنزي فضلت تهز في راسها بمعني حاضر لغايه ما مازن افتكرها علقت....
مازن: خلاص يا بنتي انتي علقتي ولا ايه، طيب بصي انا سيبتك المرادي بس لو اتكررت تاني مش هكون بتكلم بالطريقه دي خالص هيكون في طريقه تانيه اتفقنا
كنزي: اتفقنا، بس و ممكن سؤال صغير
مازن: اتفضلي،،
كنزي: هو من ساعت ما شفت حضرتك في الانترفيو،، برضوا معرفتش مين حضرتك،،
مازن بضحك: انا مازن ابن صاحب الشركه،هو كان بيحصل بينا شغل بس مش كتير،هو استاذ رأفت دلوقتي في شغل تاني عشان كده خلاني مكانه انهارده،،
كنزي: اه تمام،،
مازن: طيب تقدري تتفضلي علي شغلك،،
كنزي في نفسك: احم ايه الاحراج ده، يارب هو انا ايه اللي بيحصل معايا انهارده هو اللي بنعمله في الناس هيطلع علينا ولا ايه 😂
مازن بينده علي كنزي وهي سرحانه....
مازن: يا انسه كنزي،،
كنزي خرجت من تفكيرها علي صوت مازن،،
مازن: نعم يا فندم
مازن: بقولك اتفضلي علي شغلك
كنزي باحراج: حاضر يا فندم، عن اذن حضرتك،،
كنزي خرجت وهي في قمه توترها...
كنزي في نفسها: يارب استرها معايا انا كان مالي ومال اللي بيشتغلوا بس ياربي، يارب صبرني وساعدني 😢
كنزي دخلت مكتبها وبدأت تشتغل واندمجت بجد في الشغل(وما ادراكم لما الواحد يندمج في حاجه اسؤالوني انا😂)
ـــــــــــــــــــــــــــــــــــــــــــــــــــــــــ
عند يارا في الجامعه،،
دخلت المحاضره وارتحت لما ملقتش الدكتور وصل...
دخل الدكتور و يارا انصدمت لما شافته..
يارا في نفسها: يلهوي ده مش بعيد ينتقم مني بسبب اللي كنزي عملته فيه، يارب ما يكون هو، يارب ما يكون هو 😭
دخل الدكتور واتكلم وعرف نفسه....
الدكتور: السلام عليكم ورحمة الله وبركاته، عاملين ايه انا الدكتور الجديد، اعرفكم بنفسي، انا مالك رأفت ابو الوفا..
يارا اول ما سمعت صوته اتأكدت انه هو، فضلت متوتره وتفرك في ايديها وبتفكر هو هيعمل فيها ايه....،،
مالك بينده علي يارا: انتي يا انسه،،
يارا: حضرتك بتكلمني انا،،
مالك: ايوه انتي،،
يارا: نعم حضرتك،،
مالك: لوسمحتي ركزي عشان انا بدأت أشرح...
يارا: اوكي يا دكتور،،
مالك هو كمان عرف انه هي بس مهتمش لانه مشكلته بقت مع كنزي مش مع يارا....
ــــــــــــــــــــــــــــــــــــــــــــــــــــــــ،،
عند كنزي في الشركه
خلصت شغلها وبعتته لي مازن لانه رأفت كان لسه مجاش...
كنزي: ياااا اخيرا خلصت 😮💨،اما الحق اروح اسلمه لي مازن عشان امشي....
ـــــــــــــــــــــــــــــــــــــــــــــــ،،
عند يارا في الجامعه،،
يارا خلصت المحاضره علي خير 🙂
يارا في نفسها: ياااا مش مصدقه اني خرجت من المحاضره دي علي خير ،، اما الحق اكلم كنزي اقولها علي اللي حصل، ولا تكون مشغوله لا خلاص انا مش هكلمها 🤐
مالك: يا انسه..
يارا: نعم يا دكتور ،،
مالك: انا كنت حابب اعتذلك علي اللي حصل مني الصبح ومش عايزك تزعلي من طريقتي،،
يارا: لا خالص انا مش زعلانه ولا حاجه ده انا اللي محتاجه اعتذر لي حضرتك علي اللي حصل الصبح من اختي،،
مالك حب يتوه في الموضوع: هو انتي اسمك ايه؟!
يارا: اسمي يارا رفعت،،
مالك: اهلا بيكي،اتشرفت بمعرفتك واقدم اعتذاري لي المره التانيه،،
يارا: حصل خير يا دكتور 😅
ـــــــــــــــــــــــــــــــــــــــــــــــــــــ،،
عند كنزي في الشركه..
طلعت لي مازن المكتب...
كنزي خبطط ودخلت...
كنزي: استاذ مازن انا كنت جايه عشان اسلمك ملف الشغل اللي انا خلصته، انا متعوده اعمل كده مع استاذ رأفت بس هو مش موجود....
مازن: تمام مفيش مشكله هاتيه.
كنزي: اتفضل.
مازن: ماشاء الله شغلك ممتاز
كنزي: ميرسي يا فندم
مازن : علي ايه انا بقول الحقيقه لحسن تفتكري اني بجاملك، بس شكله كدا هيبقي في مشاريع بينا كتير
كنزي: ده يشرفني طبعا، بعد اذن حضرتك انا مضطره امشي
مازن: اتفضلي
ــــــــــــــــــــــــــــــــــــــــــــــــــ،،
كنزي خلصت و راحت عند يارا في الجامعه....
كنزي: الو يا يارا انا برا مستنياكي،،
يارا: انا خارجه اهو يلا باي،،
ــــــــــــــــــــــــــــــــــــــــــــــ
عند يارا،،
يارا: معلش يا دكتور مضطره امشي عشان اختي وصلت ومستنيه برا،،
مالك: اه طبعا اتفضلي ،،
خرجت يارا وراحت عند كنزي وكنزي لاحظت خروج مالك بعد يارا....
كنزي: الواد ده كان بيعمل ايه معاكي جوا، هو اتخانق معاكي تاني،،
يارا: اولا مش اسمه واد اسمه دكتور مالك لانه دكتور في الجامعه،،
كنزي في نفسها: بقي القمر ده دكتور في الجامعه والله حرام ده يتحسد كده 😂
كنزي: وثانيا ايه أنشأ الله ،،
يارا: ثانيا هو مكنش بيتخانق معايا هو كان بيعتذرلي علي اللي حصل، وبعدين انا متخنقتش معه اولاني عشان اتخانق معاه تاني،،
كنزي: بقي كده يا يويو بقيت انا اللي دلوقتي وحشه عشان بجبلك حقق، انا غلطانه، وبعدين قولتيلي بيعتذرلك ها هو ده بيعرف يعتذر،،
يارا: خلاص يا روحي متزعليش، وبعدين اه هو كان بيعتذرلي،،
كنزي بغضب: طيب في ثالثا ولا نمشي 😡
يارا: احم احم ، انا بقول نمشي احسن،،
كنزي: انا بقول كده برضو 😤
كنزي شغلت العربيه ومشيوا وكنزي وصلت يارا بيتها وبعد كده هي روحت....
ـــــــــــــــــــــــــــــــــــــــــــــــــــ،،
((في فيلا رأفت ابو الوفا))
مالك ركن العربيه بتاعته،، ودخل الفيلا....
رودينا كانت قاعده بتتفرج علي التليفزيون اول ما شافت مالك جريت عليه....
رودينا: كوكو وحشتني اوي،،
مالك حضنها: اه يا بكاشه، ده انا لسه سايبك الصبح لحقت اوحشك، طلعي اللي في قلبك وقولي عايزه ايه😂
رودينا بزعل مصطنع: علي طول ظالمني كده،، انا بس عايزه خدمه صغيره 😅
مالك: اطلبي اللي انتي عايزاه،،
رودينا: انا كنت عايزه فلوس،،
مالك: اه طبعا بابا وماما مرضيوش يدوكي صح،،
رودينا: الله ينور عليك، حبيبي بتفهمها وهي طايره، ها بقي هتديني فلوس،،
مالك: امري لله، عايزه كام؟!
رودينا: بص انا هستلفهم وهرجعهم علي طول، انا عايزه 5000 جنيه بس،،
مالك: ايه يا حبيبتي عايزه ايه قولي تاني عشان مسمعتش، ده انتي الفيزا بتاعتك مفيهاش المبلغ ده 😡
رودينا: ما انا بقولك هستلفهم وهرجعهم علي طول، بلييييييييز 🥺
مالك: حاضر يا رودي، بكره ابقي فكريني ادهملك عشان تعبان دلوقتي،،
رودينا: احلي اخ ده ولا ايه، حبيبي يا اخويا،،
مالك: وانتي روحي احنا عندنا كام رودي هي رودي واحده ادلعي براحتك يا قلبي، بس متدلعيش اوي يعني عشان مفلسش، يلا تصبحي على خير،،
رودينا: وانت من اهل الخير ياقلبي،،
رودينا قعدت كملت المسلسل التركي ومالك طلع علي اوضته....
ــــــــــــــــــــــــــــــــــــــــــــــــــ،،
((في فيلا جاسر الدمنهوري))
كنزي دخلت البيت لقته هادي وقافلين النور ومفيش حد، فتحت النور لقهتم كلهم وقفين و بيغنوا ليها....
كنزي بفرحه وإستغراب: معقول انا بحلم انا مبوسطه اوي، وبعدين يارا جت هنا ازاي مش انا لسه مروحاكي 🤨
يارا: هو انا مش بعتك تجيبي حاجه بعد ما روحتيني وقولتلك هخدها منك بكره،، انا بقي في الوقت ده اخدت تاكسي وقلت لي السواق طايره، وبعدين الكلام ده مش مهم دلوقتي، المهم دلوقتي كل سنه وانتي طيبه ياقلبي وعقبال مليون سنه، اتفضلي هديتك 🎁
كانت الهديه عباره عن صورتهم مع بعض وساعه فيها صورتهم، كنزي عجبتها الهديه جدا وكانت فرحانه اوي ،،
كل العيله في صوت واحد: كل سنه وانتي طيبه يا كوكي،،
كنزي بسعاده: وانتم طيبين وبخير وربنا يخليكوا ليا وميحرمنيش منگم ابدا،،
خلصت الحفله ويارا باتت مع كنزي عشان كان الوقت متأخر، وكل واحد راح اوضته.....
ـــــــــــــــــــــــــــــــــــــــــــــــــــــ،،
((في فيلا رأفت ابو الوفا))
في اوضت مالك، مالك ومازن قاعدين مع بعض بيتكلموا....
مازن: مقولكش يا مالك علي اللي حصل انهارده بابا خلاني مكانه في الشغل انهارده عشان هو راح مشوار، وماصدقت الصراحه عشان اشوف كنزي اللي انا بحكيلك عليها جايه متأخر كالعاده،بس رغم كده شاطره في شغلها و وثقه في نفسها وحتته سكره....
مالك مكنش مركز مع مازن وكان بيفكر في كنزي...
مازن: مالك انت يا بني روحت فين...
مالك انتبه علي مازن: معاك اهو كنت بتقول ايه...
مازن: واضح انك معايا، مين اللي شاغل بالك، احكيلي انا زي اخوك😂
مالك حكي لي مازن كل اللي حصل معه...
مازن بشماته: ينهار ابيض بقي كل ده يحصل معاك انت، هو ربنا بيخلص حقوق ولا ايه 😂
مالك: تقصد ايه بكلامك ده يا مازن؟!
مازن بخوف: ها لا مقصدش حاجه، ده حتي انت اخويا وحبيبي 😁
مالك: اه بحسب...
مازن عايزه يتوه في الموضوع: هو اللي انت اتخاتقت معها اسمها ايه؟
مالك: معرفش هو انا رايح اخطبها،،
مازن: طب تعرف توصفها...
مالك وصف شكل كنزي لي مازن....
مازن: اوبا دي كنزي اللي انا علي طول بحكيلك عنها...
مالك: الهمم انا لازم اردلها اللي عملته فيا...
(بس طبعا مننكرش انه مالك حبها من كلام مازن عليها وحبها اكتر لما شافها وشاف طوله لسنها وجرئتها 😅)
مازن: انت مش قولت انه اختها اعتذرتلك بدالها...
مالك: اديك قولتها اعتذرت بدالها،انا عايزاها هي اللي تعتذر، وبعدين هي مش عارفه بتتكلم مع مين ولا ايه...
مازن بضحك: معتقدش انه هي هتوافق تعتذرلك، طيب انت ناوي تعمل ايه؟!
مالك: مش عارف، انا ممكن اجي معاك الشركه، بابا اصلا كان بيتكلم معايا في موضوع اني انزل الشركه، فرصه برضوا...
مازن: اشطا، اتفقنا، يلا تصبح على خير،،
مالك: وانت من اهله....
خرج مازن وراح اوضته،ومالك قعد يفكر هيعمل ايه في كنزي لغايه ما استسلم لي النوم....
عند مازن...
مازن في نفسه: دي هتبقي درمخه بكره، بس كان نفسي اعرف مالك بيفكر في ايه، بس يلا مش مهم يا خبر بفلوس بكره تبقي ببلاش، ياسلام عليك يا واد مازن يعني قمر وبتقول حكم كمان، ربنا يخليني ليا وميحرمنيش مني ابدا يارب 😂
ــــــــــــــــــــــــــــــــــــــــــــــــــــ،،
((في فيلا جاسر الدمنهوري))
صحيت ودخلت الحمام اخدت شاور وطلعت لبست بدله شيك لونها رمادي ولبست shoes كعب وعملت شعرها ديل حصان وحطت ميكب خفيف وكانت قمر....
نارين بإستغراب: صباح الخير، اده انتي صاحيه وجهزتي كمان، ده ايه النشاط ده كله،،
كنزي بنشاط: صباح الورد، اصل انا ببقي مستعجله وبروح متأخر والصراحه زهقت من حكايه اني اروح متأخر بس فالقيت نفسي قومت بدري فأخدتها فرصه وجهزت عشان متأخرش....
نارين: طيب يا حبيبتي يارا صحيت وجهزت، والفطار جهز خلصي وانزلي...
كنزي: فوريره يا ست الكل...
نزلت نارين وكنزي خلصت ونزلت لقت الكل مستنيها...
كنزي: صباح الخير
الكل في صوت واحد: صباح النور
كنزي بضحك: انا مش عارفه ايه حوار انه كلكوا تقولوا الكلام في نفس الوقت 😂
يارا بهمس: معلش يا كوكي ينفع توصليني انهارده،،
كنزي بهمس: انتي عبيطه يا بنتي انتي من غير ما تقولي هوصلك طبعا...
يارا: ربنا يخليكي ليا وميحرمنيش منگ ابدا ياروح قلبي
جاسر: بترغوا في ايه؟
كنزي: ها احنا بنرغي، انا مكلمتش اصلا، تلاقي يارا هي اللي بتتكلم...
يارا: متوقعه منك يا ندله...
جاسر ونارين قعدوا يضحكوا علي مشكستهم لي بعض 😂
ـــــــــــــــــــــــــــــــــــــــــــــــــــــــ
((في فيلا رأفت ابو الوفا))
في غرفه مالك...
صحي بنشاطه المعتاد ودخل الحمام اخد شاور وخرج لبس بدله شيك لونها زرقاء وتحتيها تيشيرت ابيض و سرح شعره وكان قمر
مالك خلص ونزل تحت لقي الكل مستنيه...
مالك : صباح الخير
رانيا: صباح النور يا حبيبي
مالك بأستغراب: بيوشوش رودينا، احم رودي هي ماما مالها...
رودينا: لا مفيش اصل مامي عرفت انك رايح الشركه مع مازن وبابي....
مالك: اه قولتلي، هي الحكايه كده...
مالك في نفسه وهو باصص علي مازن: لحقت تقولهم يا ريوتر...
مازن لاحظ انه مالك باصص عليه فاتوتر و فضل يبص في السقف....
مالك: خلص يا مازن بسرعه عشان نلحق نروح بدري...
مازن بتوتر: ح.ح. حاضر
رأفت: هو انت يا مالك صحيح هتروح الشركه مع اخوك....
مالك: ايوه يا بابا، بس مش علي طول...
رأفت بفرحه: المهم انه انت هتروح يا بني....
مالك: يلا مضطر استأذن، يلا مازن هستناك في العربيه...
مازن بخوف: طايره، انا مخلص من بدري اصلا...
مالك: بابا حضرتك هتروح معانا...
رأفت: لا يا حبيبي رواحوا انتم وانا جاي وراكم...
مالك: تمام احنا مشين مع السلامه...
مالك راح يوشوش رودينا...
مالك: رودي الفلوس علي التسريحه في اوضتك، هتلاقيهم محطوطين في ظرف،،
رودينا فرحت جدا....
مالك ومازن ركبوا العربيه ومشيوا في طريقهم الي الشركه....
ـــــــــــــــــــــــــــــــــــــــــــــــــــــــ
((في فيلا جاسر الدمنهوري))
خلصت هي ويارا الفطار وسلموا علي نارين وجاسر ومشيوا....
كنزي وصلت يارا الجامعه وسلمت عليها ومشيت...
كنزي: لو الواد ده كلمك تاني قوليلي وانا هفرموا انتي فاهمه....
يارا: مش عارفه ليه حاسه اني مصحبه سواق توكتوك، وبعدين واد ايه بقولك معيد في الجامعه توليلي واد....
كنزي: مش احسن ما ابقي ضعيفه وبسامح علي طول زي ناس، وبعدين معيد ولا مش معيد انا هتجوزه، عموما خلي بالك من نفسك وهبقي اجي اخدك لما اخلص شغلي....
يارا: ماشي، سلام يا قلبي
كنزي: سلام يا حبيبتي
كنزي شغلت العربيه وكانت في طريقها الي الشركه، بس عربيتها اتخبطت....
كنزي خرجت من العربيه وهي مش مستوعبه اللي حصل....
كنزي راحت عشان تهزق اللي عمل كده في عربيتها وانصدمت لما شافته....
كنزي: هو انت.....