رواية مالك الكنز
الفصل الخامس5
بقلم رنا تامر
كنزي دخلت لي مالك...
كنزي: افندم🙄
مالك بهدوء: احم، اتفضلي اقعدي يا انسه كنزي..
كنزي قعدت بهدوء وهي مستغربه...
مالك: اولا احب اعتذرلك علي كل اللي حصل، ثانيا اتمني انك توافقي تشغتلي معايا😇
كنزي: ايه التغير المفاجئ ده 🤨
مالك: والله انا المهم عندي دلوقتي الشغل وبس..
كنزي بتحدي: وانا موافقه...
كنزي كانت من جواها مبسوطه انها هتشتغل مع مالك، بس كانت بتفكر هتعمل معه ايه فيما بعد(ميكس بين الحب والانتقام)
مالك في نفسه: اخيرا وافقتي، استلقي واعدك يا حلوه 😏
مالك: تمام اوي، شغلنا هيبدأ من بكره هتكوني في المكتب اللي جمبي..
كنزي: تمام، استإذن انا عشان ورايا شغل..
مالك: اتفضلي..
كنزي خرجت وراحت علي مكتبها ومالك فضل قاعد يفكر هيعمل معاها ايه...
ــــــــــــــــــــــــــــــــــــــــــــــــــــــــــــــ
عند كنزي راحت مكتبها وهي بتفكر هتعمل ايه في مالك...
كنزي في نفسها: ده انت هتشوف معايا ايام عمرك ما شفتها في حياتك، وضحكت ضحكتها الشريره، نييههههه نييهههه😂😈
رامي دخل عليها ولقها سرحانه فضل ينادي عليها...
رامي: كنزي كنزييي.
كنزي فاقت علي صوت رامي...
كنزي: احم، رامي انت جيت امتي...
رامي: لسه داخل، ايه يابنتي هو انا مدخلش عليكي الا و الاقي سرحانه، مالك في ايه؟
كنزي: رامي انا هحكليك كل حاجه، بس اولا متقولش لحد و ثانيا تساعدني...
رامي: سرك في بير يا كوكي(بير مخروم يا اخويا 😂)، واكيد هساعدك يعني(مقولكوش رامي ده قد ايه هو صديق وفي لي كنزي)...
كنزي حكت ليه كل حاجه بينها وبين مالك واتفقت معه انه هو ويارا وهي هيعملوا خطه انتقام من مالك...
رامي: يا بنت اللذينه، ده انتي دماغك دي سو..
كنزي رفعت لاقيه البدله واتكلمت بغرور: احم امال انت فاكر ايه، يارب ابعدنا عن اذيه الغير وكتر يارب من اللايك والشير، نييهههه نييههه 😈
رامي بضحك: لا مش معقول انتي فظيعه اوي...
كنزي: طيب هبقي اكلمك انت ويارا عشان اتفق معاكوا علي الخطه...
رامي: اشطا، خلصانا يا زيمكس..
رامي خرج من مكتب كنزي، وكنزي اندمجت في شغلها...
ـــــــــــــــــــــــــــــــــــــــــــــــ،،
عند مازن في مكتبه قاعد بيفكر في كنزي وبيفتكر موقف حصل اول مره شافها...
flash back....
مازن كان بيركن العربيه و خرج من العربيه، وكان في طريقه انه يدخل الشركه لكن خبط في حد..
مازن: انا بجد اسف مقصدش...
كنزي وهي بتلم حاجتها: ولو قصدك هو يوم باين من اوله...
مازن نزل بيلم معاها حاجتها: انا بجد اسف...
مازن اول ما شافها سرح في عيونها اللي شبه البحر...
كنزي لاقته سرحان: انت يا استاذ، يا جدع انت...
كنزي في نفسها: ده سرحان في ايه ده، يلا خليني امشي مش ناقصه تخلف علي الصبح...
كنزي مشيت من قدام مازن، ومازن فاق لاقها مشيت فضل يمشي وراها..
مازن: انتي يا انسه، استني بس..
كنزي وقفت وردت عليه بفارغ الصبر: نعم عايز ايه...
مازن: احم، الكلام اخد وعطي مش كده يعني...
كنزي بسخريه: هو انا مقولتلكش، اصل عطي مات 😂..،،
مازن: اده انتي طلع دمك خفيف..
كنزي بجديه: ينفع تنجز وتقول عايز ايه...
مازن: انتي اسمك ايه..
كنزي: بقي هو ده اللي عايزه تقوله من الصبح، وبعدين انت مالك بأسمي كنت هتعملي بطاقه وانا معرفش...
مازن: لا اصل انتي شكلك جديده، وعايز اعرف اسمك عادي...
كنزي بفارغ صبر: اسمي كنزي، ارتحت ينفع امشي بقي عشان مستعجله...
مازن: اه اتفضلي....
كنزي مشيت وهو فضل متباعها لغايه ما اختفت...
back.....
وافتكر موقف تاني بينه هو وكنزي،،
flash back,,
كنزي دخلت غرفه الانترفيو،،
مازن لف الكرسي،، لقها هي،،
كنزي بكسوف: هو مش انت نفس الشخص اللي شفته برا وسالني عن اسمي،،
مازن: ايوه انا يا انسه كنزي،، طيب مستعده اسالك،،
كنزي بثقه: انا علي طول مستعده،،
مازن: تمام،، عرفيني بنفسك،،
كنزي:انا كنزي جاسر الدمنهوري،، 25 سنه متخرجه من كليه هندسه،، ده المشروع بتاعي،،
واديته الفايل،، مازن بص فيه وعجبه الفايل بتاعها،،
مازن: برفكت،، شغلك هايل،، انتي مقبوله معانا،، سؤال بسيط،،
كنزي: اتفضل،،
مازن: شايفه نفسك فين كمان خمس سنين،،
كنزي: اكبر مهندسه في الشرق الاوسط
مازن عجبته ثقتها في نفسها،،
مازن: مبروك الشغل،،
كنزي: الله يبارك في حضرتك،،
back,,
مازن ابتسم لما افتكر كذا موقف حصل ما بنهم، هو اه كلهم في طوله لسان كنزي، بس هو حب طريقتها دي...
ــــــــــــــــــــــــــــــــــــــــــــــــــــــــــــــ
عند يارا في الجامعه...
كانت قاعده مع رودينا وبيتكلموا...
رودينا: هو انتي وكنزي بقالكوا كام سنه صحاب...
يارا: لا احنا بقالنا كتير اوي، احنا مش مجرد اصحاب ولا حتي اخوات احنا اكتر من كده بكتير، شوفي لوقعدت احكيلك عنها من هنا للصبح مش هيكفي انا بجد بحبها اوي، احنا اصلا منقدرش نعيش من غير بعض...
رودينا: يا لدرجه دي معقوله، انا كمان كان نفسي يبقي ليا صحبه كده...
يارا: وانا روحت فين، بصي يا ستي من انهارده اعتبريني انا وكنزي اخواتك، اشطا...
رودينا بفرحه: اشطا، بجد انا حبيتك اوي..
يارا: وانا حبيتك اكتر...
ـــــــــــــــــــــــــــــــــــــــــــــــــــــــــــــ
«في فيلا جاسر الدمنهوري»
نارين كانت بتكلم رانيا في الفون...
نارين: ايوه يا حبيبتي، عامله ايه..
رانيا: بخير الحمدلله..
نارين: ها عملتي ايه...
رانيا: مفيش زي ما قلتلك انه مالك وافق، وانتي قولتي لي بنتك علي الموضوع...
نارين بفرحه: اه قولتلها و وافقت،بس بعد عذاب...
رانيا بغرور: وانا بردوا مالك وافق بعد عذاب، المهم انه هنفرح بيهم يا حبيبتي...
نارين: فعلا ده هو المهم، يلا اسيبك عشان معطلكيش، مع السلامه حبيبتي...
رانيا: مع السلامه يا قلبي...
نارين قفلت مع رانيا،وراحت عشان تجهز الحاجه..
ــــــــــــــــــــــــــــــــــــــــــــــــــــــــ
«في فيلا رأفت ابو الوفا»
رانيا قفلت مع نارين...
رانيا بتحاول تقلد نارين: اه وافقت بس بعد عذاب..
رانيا بغرور وتكبر: انا ابني يتقبل بعد عذاب، هي تطول اصلا، ده انا ابني مفيش زايه ده كفايه انه ابن رانيا هانم و رافت بيه ابو الوفا...
داده صباح جت من المطبخ وراحت عند رانيا...
داده صباح: راينا هانم، انا خلصت اللي حضرتك قولتيلي عليه، اي حاجه تاني...
رانيا بتكبر: لا امشي انتي دلوقتي...
داده صباح: حاضر يا ست هانم...
داده صباح مشيت ورانيا طلعت اوضتها تفكر هي هتلبس ايه...
ــــــــــــــــــــــــــــــــــــــــــــــــــــــــ
«في شركه ابو الوفا»
في مكتب مالك...
مالك خلص شغله وراح لي مازن مكتبه...
في مكتب مازن...
دخل مالك المكتب، ومازن كان قاعد بيشتغل...
مازن: اهلا، مالك بيه، معقوله تنورني في مكتبي المتواضع...
مالك: يا شيخ اتلهي، متواضع قال، ده احلي من بتاعي...
مازن: الله اكبر، احمينا يارب من عيون الناس...
مالك: ولا مش وقت هزارك دلوقتي، انا عايزك في موضوع مهم...
مازن: ايه موضوع ايه...
مالك: كنزي...
مازن بإستغراب: مالها كنزي..
مالك حكي لمازن اللي الحوار اللي حصل مابينه وبين كنزي...
مازن بغيره: ازاي يعني الكلام ده، وازاي هي توافق...
مالك بتعجب: في ايه يا مازن، مالك اتعصبت كده ليه..
مازن لاحظ انه بالغ شويه: احم لا مفيش، انا كنت بقول يعني اني مكنتش متوقع انها هتوافق..
مالك: ولا حتي انا، انا كنت متوقع انها مش هتوافق، بس المهم انها وافقت، هو ده اللي احنا كنا عايزينوا...
مازن: اه، تمام انا خلصت شغل، وانت...
مالك: انا بردوا خلصت، ايه رأيك نروح مع بعض...
مازن: تمام، يلا بينا...
باب مكتب مازن خبط ودخلت كنزي..
كنزي اول ما شافت مالك اتنرفزت...
مازن: ادخلي يا انسه كنزي..
كنزي: احم، هو انا ملقتش رأفت بيه، فجيت اسلم لي حضرتك الشغل...
مازن خد الملف من كنزي...
مازن: تمام، اتفضلي انتي..
مالك: ايه شفاف انا ولا ايه...
كنزي تجاهلته و وجهت كلمها لي مازن...
كنزي: بعد اذنك، انا همشي...
كنزي خرجت ومالك كان قاعد متعصب..
مالك: شفت عملت ايه..
مازن بسخريه: وانت عايزاه تعملك ايه، تخدك بالحضن ولا ايه مش فاهم...
مالك: مش عارف بقي، بقولك ايه يلا نمشي عشان ماما كل شويه ترن وانا مش برد..
مازن: طيب يلا..
مازن ومالك خرجوا من الشركه و رواحوا...
ـــــــــــــــــــــــــــــــــــــــــــــــــــــــــ
عند كنزي في مكتبها...
رجعت كنزي مكتبها عشان تاخد حاجتها وتمشي...
كنزي وهي بتلم حاجتها: قال ايه انا شفاف، انا كان مالي انت شفاف ولا إزاز، ده ايه ياربي الغلب اللي انا فيه ده، مش كفايه مامي اللي جيبالي عريس معرفوش...
كنزي خدت حاجتها ومشيت...
ركبت العربيه بتاعتها وكان طريقها الي الجامعه عند يارا....
ــــــــــــــــــــــــــــــــــــــــــــــــــــــــ
«في فيلا رأفت ابو الوفا»
مالك ومازن وصلوا الفيلا...
كل واحد منهم اوضته....
رودينا رجعت الفيلا لقت الفيلا هاديه، طلعت اوضتها، دخلت الحمام اخدت شاور وطلعت قعدت علي السرير وكانت سرحانه في الشخص اللي قبلته في الجامعه...
flash back...
رودينا كانت في الجامعه...
خلصت محضراتها وطلعت عشان تقابل يارا...
كانت جايه تمشي فا لاقت حد خبط فيها...
الشخص: ايه مش تخدي بالك، بهدلتي القميص بتاعي، عجبك كده...
رودينا: في ايه انت اللي غلطان اصلا، خبط فيا وبتزعق انت ايه حمار مبتفهمش...
الشخص: انتي كمان بتغلطي...
يارا لاحظت انه رودينا بتتخانق فا راحتلها...
يارا بهدؤ: في ايه يا رودي...
رودينا: مفيش حاجه، في واحد كان مضايقني بس خلاص...
الشخص مشي و رودينا فضلت وافقه متنرفزه...
يارا: تعالي يا روحي واهدي....
رودينا راحت مع يارا...
back...
رودينا في نفسها: انا مش عارفه ازاي سبته يمشي من غير ما اهزقه...
ـــــــــــــــــــــــــــــــــــــــــــــــــــــــــــ
عند يارا في الجامعه...
يارا كانت قاعده مستنيه كنزي بعد ما رودينا سلمت عليها ومشيت...
كنزي وصلت عند يارا، ويارا اول ماشافتها راحت ركبت معاها العربيه، وكنزي شغلت العربيه وبدأت تمشي...
يارا: عامله ايه ياقلبي...
كنزي: الحمدلله يروحي...
يارا: شكلك مش مطمني، احكيلي ايه اللي حصل..
كنزي: بعدين يا يارا، المهم دلوقتي انا عايزاكي تشوفيلي حل في المصيبه اللي هيجي يتقدملي انهارده ده...
يارا: اده هو انتي في حد هيتقدملك، كل ده يا كلبه ومتقوليليش...
كنزي: طيب اديكي عرفتي اهو ها هتعملي ايه بقي...
يارا: انا مش فاهمه انتي بيجيلك عرسان كتير ما تقبلي واحد فيهم وتخلصينا...
كنزي: يارا انتي عارفه اللي فيها، فا لوسمحتي لاقيلي حل زي كل مره...
يارا: اوك، طيب هو مش قدمنا غير الخطه بتاعت كل مره...
كنزي: يعني مش ممكن ننوع، نعمل حاجه تانيه..
يارا: لا مفيش غيرها هي دي اللي ضمننها انها بتنجح...
كنزي: تمام، انتي هتروحي معايا انتي فاهمه...
يارا: لا مش هينفع، انا مقولتش لي مامي...
كنزي: كلميها دلوقتي وقوليها، ومش هقبل اي اعذار...
يارا: طيب..
ـــــــــــــــــــــــــــــــــــــــــــــــــــ
«في فيلا جاسر الدمنهوري»
نارين بقلق: يا جاسر، كنزي مش بترد اعمل ايه انا دلوقتي..
جاسر: في ايه يا روحي اهدي كده، هي زمانها جايه في الطريق...
نارين لسه هتتكلم لقت كنزي ويارا داخلين بيضحكوا...
نارين: انتي كنتي فين يا كنزي...
كنزي: احم، انا كنت في الطريق يا مامي يعني هكون فين يعني...
جاسر: خلاص يا نارين مش وقته الكلام ده اطلعي يا كوكي جهزي نفسك...
كنزي: حاضر يا بابي...
جاسر: ازايك يا يارا، يلا اطلعي مع كنزي واجهزي معاها...
يارا: الحمدلله يا انكل، حاضر انا طالعه معاها يلا يا كنزي...
كنزي ويارا طلعوا عشان يجهزوا او بمعني اصح يستعدوا عشان يطفشوا العريس...
ـــــــــــــــــــــــــــــــــــــــــــــــــــــــ
«في فيلا رافت ابو الوفا»
في اوضه مالك...
مازن دخل عليه لاقه جاهز..
مازن: ده انت مبسوط بقي...
مالك وهو واقف قدام المرايه بيسرح شعره: لا والله ابدا، انا بس عشان اخلص من حوار امك اللي كل شويه تروح تجبلي واحده شكل،فا الاخر مش بتعجبها...
مازن: ما انت عارف امك، المهم متنساش اول ما تيجي تقولي اللي حصل عشان الصراحه موضوع جوازك ده بقي قصص ممتعه بالنسبالي...
مالك بيبصله بقرف: ليه انشاء الله، انت مش جاي معانا...
مازن: لا، رودينا اللي هتروح معاكوا...
مالك لسه هيتكلم لقي رانيا و رودينا داخلين...
رانيا: ها يا حبيبي خلصت ولا لسه...
مالك: ايوه يا ماما خلصت...
رودينا: ايوه يا عريس، ده انت هتطلع احلي من العروسه...
رانيا بتكبر: طبعا لازم يبقي احلي مش ابن رانيا هانم ورافت بيه...
مازن بيحاول يكتم ضحكته: اماال...
رانيا: انت بتتريق يا ولد، وبعدين انت لسه مجهزتش ليه...
مازن: احم اصل انا مش رايح معاكوا، انا هقعد هنا، اصل عارف ايه اللي هيحصل، زي كل مره..
رودينا كانت واقفه جمبه فا ضربته بإيديها...
مازن بص علي رودينا وهي برقت ليه، وهو فهمها..
رودينا حبت تتوه في الموضوع: احم يلا يا جماعه مش هنمشي ولا ايه...
مالك فهمها و راح عمل زيها: ايوه يلا يا ماما...
كلهم خرجوا من الاوضه، ونزلوا تحت كان رأفت مستنيهم في العربيه...
رودينا بتوشوش مازن: انا لولايا انت كنت انتهيت...
مازن بيوشوشها: نردهالك في الافراح يا اوختي..
مازن سلم عليهم وهما مشيوا وكان طريقهم الي فيلا جاسر الدمنهوري...
ومازن فضل في الفيلا...
مازن في نفسه: اخيرا بقيت لوحدي اما نشوف بقي ايه اللي هيسليني في الفيلا دي...
ــــــــــــــــــــــــــــــــــــــــــــــــــــــــ
«في فيلا جاسر الدمنهوري»
في اوضت كنزي...
يارا: قمر يا روحي...
كنزي: اوعي تكوني صدقتي اني فعلا عروسه، احنا خططنا هتمشي زي ما هي اوعي تنسي انتي فاهمه...
يارا: طبعا فاهمه، متخفيش مش هنسا..
كنزي: يلا ربنا يسمحنا، يارب ابعدنا عن اذيه الغير وكتر يارب من الليك والشير، وضحكت ضحكتها الشريره، نييهههه نييههه 😈😂
(طيب احب افهمكوا ايه هي الخطه دي، الخطه هي انه كل ما عريس يجي يتقدم لي كنزي، كنزي و يارا يجيبوا لي العريس عصير ويحطوا فيه حبوب هلوسه ويخلوه يعمل حاجات غريبه ويطلعوا العيب فيه هو وكنزي تطلع الملاك البرئ، عرفتوا ايه هي الخطه😂)
ـــــــــــــــــــــــــــــــــــــــــــــــــــــــ
عيله مالك وصلوا فيلا جاسر الدمنهوري...
جاسر ونارين استقبلوهم بأحسن استقبال...
دخلوا وقعدوا يتكلموا حبه..
رانيا: هو فين العروسه يا نارين..
نارين: جايه حالا، ثواني هطلع انديها..
نارين رايحه تنادي كنزي، لقتها نازله هي ويارا، كنزي كانت لبسه فستان سوريه لونه بينك وعامله شعرها ديل حصان وكانت اميره، ويارا كانت لبسه فستان ابيض و سيمبل ومسيبه شعرها وكانت قمر...
رودينا بتوشوش مالك اللي كان باصص في الأرض ومش طايق نفسه: اوبا بص قدامك كده يا مالك...
مالك بص لقي كنزي نازله فا اتصدم...
مالك في نفسه: دي ايه اللي جابها هنا دي لا مش معقول تكون اللي في بالي...
نارين: اهي العروسه جت اهي...
رانيا: ماشاء الله، قمر يا مرات ابني المستقبليه(ايه جو الهندي ده😂)...
كنزي نزلت وراحت قعدت واول ما شافت مالك اتصدمت...
كنزي بصدمه: هو انت 😳
مالك: هو انتي 😳