رواية بنت ليل
الفصل السابع عشر17
بقلم هدير سعيد
كانت خطة بنان تتمثل في ان يصبح احمد احد رجال الاعمال فلا ابيها و ايمن يعرفونه من الاساس ف ان
قدم استقالته و ترأس احد المجموعات او تشارك مع بعض المستثمرين الاجانب في شركة ما سيتعرفون عليه كرجل اعمال لم يكن الامر باليسر ولكن
ليس عسيرا ايضا فحساب بكينام منذ عملت في شركات ابيها يحوي بضع ملايين من الدولارات لا يعلم
ابيها عنهم شئ وقد اتت فرصتها لتبني إمبراطورية خاصه بها ليست لأبيها وستكون هي المالكه واحمد
المفوض بالإدارة فلم يكن عليها الا اصطياد احد رجال الاعمال المتعثرين لمشاركته او شراء مجموعته او البحث عن مسقمر تتناصف مع تأسيس شركة جديده يقودها احمد فيسهل عليها ارتباطهم
نظر احمد لبنان فلم يكن يتوقع ان تضحي بأموالها من اجل بناءه هو ورغم كونه في بدأ الامر احبها حقا الا انه حسنما اصبح للمال مجالا فالامر لمعت عيناه طمعا لا حبا
بنان : كل المطلوب منك تستقيل وتقطع علاقتك بكل اللي فالشركة ومتظهرش الا وانت احمد بيه
احمد : بس ازاي اقبل اللي انتي بتقوليه ده ياعني حتي لو الناس متعرفش انه دي فلوسك بيني وبين نفسي عارف هقبلها ازاي علي نفسي
بنان : وايه المشكله انت شريك بالمجهود وبنسبه وانا صاحبة المال والنسبة الاكبر بس انت اللي هتدير كل حاجه مين غيرك ممكن اامن علي فلوسي معاه اذا كنت مامناك علي قلبي ونفسي
احمد : سيبيني افكر
بنان : يبقي مابتحبنيش
احمد : ازاي انا عمري ما حبيت حد زي ما حبيتك انتي كل دنيتي
بنان : يبقي عشان خاطري اسمع الكلام
احمد بأبتسامة نصر : خاطرك اغلي حاجه عندي بحبك اوي
بنان : وانا كمان
**********
كانت بيسان سعيدة بخبر انفصال ليل عن عمران ولكن يبقي امر قلبه فهو يحبها تتمني ان تمحي ليل من داخله لعله يراها
الام : وشك نور من ساعة ماعرفتي الخبر
بيسان : الله يا امي ياعني قصدك شمتانه فيهم انتي شيفاني وحشه كده
الام : لاء خايفه من الامل اللي اتجدد جواكي رغم اني لو مكانك مفكرش في عمران واصل
بيسان : ليه بس
الام : الجواز مش شخص واحد يابتي الجواز عيله ياعني لو جوزك حلو وعيلته وحشه ماهتعشيش مرتاحة وعمران امه ماهترتحيش معاها ابدا وزي ما خربت عليه مع ليل هتخرب عليه مع غيرها الحما الزينه مهمه زيها زي الزوج عمران تربيتي مايتعيبش بس امه هتسقيكي المرار
بيسان: ما يمكن عشان ليل كانت من القاهرة ومش واخده علي طبعنا
الام : متبرريش مهتبقيش عندها اغلي من بت اخوها مهما حُصل واهي اللي من دمها مابقيتش عليها هتبقي عليكي انتي يابت سلفتها
كانت بيسان تعلم ان امها علي حق ولكن قلبها كان يدعو الله ان يصبح عمران قدرها وزوجها فلا سلطان علي القلب مهما فعلنا
********
كانت ليل قد انهت اوراق التقديم هي وصديقتها و اتفق الفتيات علي السير والتنزه قليلا وكانت ليل قد ادخرت مبلغا صغيرا فالايام الفائته من تلك للنقود التي كان يعيطيها ايها عمها حينما كانو فالبلده فكان كلما زارهم وضع بعض من النقود في يد ابناء اخيه فادخرته حتي تستطيع الخروج مع صديقاتها
شهنده : هتروحي ياليل ولا هتيجي معانا السنيما
ليل : لاء هاجي معاكم انا واخده اذن من ماما
مروة : طب فاضل ساعه ونص علي معاد الفيلم تعالو نجيب ايس كريم
سارة : لاء عاوزين نقعد في حته الاول عشان انا مش قادرة امشي
شهنده : في جنينه قريبه تعالو نقعد فيها وناكل الايس كريم
وبعد موافقه الجميع اتجهو جميعا إلي الحديقه
سارة : انتو عارفين احنا بقالنا قد ايه متقبلناش بعد ما كنا كل يوم وشنا قي وش بعض تخيلو بقي بعد ما كل واحده فينا تدخل كليه مش هنتقابل خالص
ليل : والله سفري البلد هو اللي منعني عنكم لو كنت هنا كنت هفضل فوق دماغك
مروة : اسكتي انتي ياسوسه تتخطبي وتفسخي واحنا نايمين علي ودانا طب قولي ولا خايفه علي حتتين الجاتوه اللي هناكلهم
سارة : ياشيخة كنتي هتروحيلها الصعيد ده انتي امك بتفتحلنا كلنا محضر لما بنبعد عن البيت شارعين
شهنده : بس ازاي فيختي خطوبتك بسرعه كده ياليل انتي مالحقتيش تعرفيه عشان تسيبيه مش كان المفروض تديله فرصه
ليل : عمتي هي السبب فالخطوبه وفي فسخها انا كنت متفرج بس احسن جت من عندهم انا مكنتش حساه خالص
سارة : وانتي يا ست مروة عملت ايه فالاخ اللي كان ورانا طول الامتحانات
مروة ظهر الضيق علي وجهها حينما تذكرت فعلة امه وكلماتها : ما تفكرينيش
شهنده : وشك اتغير ليه كده ايه وراكي مصيبه
كان الامر ثقيلا علي قلبها فشاركتهم به حتي يخف عن صدرها الضيق وقصت لهم كل ما حدث كانت ليل ملتزمة الصمت و شعرت بكلمات مروة وكأنها توجه لها فكادت تبكي وحقدت علي ايمن في ذات الوقت فكان يقترب صديقتها وفي نفس الوقت يحاول فتح مجال للحديث بينهم
شهنده : الغلط من عندك يامروة بس اهو درس واتعلمتي الناس دول لا شبهنا ولا زينا يابنتي الفلوس بتتجوز فلوس وبس احنا بالنسبه ليهم ولا حاجه
مروة وهي تنظر الي الارض : للاسف
سارة : اظن انه الحب بيغير وهو اتصل بيكي بعدها كان المفروض تردي عليه وتعرفيه كلام مامته وتشوفي هو هيقف معاها ولا معاكي
شهنده : هو كان وعدها بحاجه انتي كمان وبعدين فرضا بيحبها ازاي تدخل وسط عيله كارهين وجودها ومستقلينها لا طبعا
ظلت الفتيات تتحدث طويلا وليل ساهمه حزينه القلب تحاول ان تجاري حديثهم حتي لا يظهر عليها الالم الذي تشعر به
*******
كان ايمن يقود سيارته وجوارة صديقه يبثه همومه ويتشاركان تدخين المخدرات
ايمن : انا هموت عليها بجد مكنتش متخيل اني ممكن اطلع بحبها اصلا
حسام : طب يابني هي لو عرفت انت مين وابن مين هتفكس لخطيبها واجري وراك
ايمن : ولو هي عملت كده انا هامن ليها ياعني وبعدين
ياعني هي كانت ادتني فرصه كلام انا اول ما حاولت اكلمها نزلت فيها تهزيق ونهت كلامها انها مخطوبه ومايصحش كده
حسام : طب انساها وبكره تلاقي غيرها
ايمن مش عارف ومش متخيل اني ممكن ماشوفهاش تاني كل يوم ببقي عاوز اروح عند بيتها بخاف الاقيها نازله مع خطيبها اتهور فمابروحش اصلا وحشتني اوي
حسام وهو يلتفت حوله :هو احنا فين يابني ايه المكان الغريب اللي انت جايبنا فيه ده
فينتبه ايمن دون وعي انه سار باتجاه منزل ليل
ايمن : شكل البتاع ده عماني لدرجة جينا عند بيتها من غير ما احس
حسام : يانهار اسود انطي بكينام لو عرفت انه انت بتحب واحده عايشه فمكان زي ده ممكن يحصلها حاجه بس المكان زحمه ازاي والناس لابسين ازاي الحق دول محجبات
كان ايمن في واد اخر فقد وقعت عيناه علي ليل
حسام : انت يابني في ايه روحت فين
ايمن : اهيه جت اهيه
حسام وهو يلتفت حيث اشار ايمن : مين فيهم في يجي ٤ بنات
ايمن : اللي لابسه نبيتي دي
حسام نظر بتمعن إليها ثم قال بتعجب بتعجب : دي اللي مطيره النوم من عينك يابني ما في احلي منها هي حلوة وكل حاجة بس في الاحلي انا فكرت هشوف ملكة جمال عشان تبقي واقع فيها كده
ايمن : اولا هي زي القمر ثانيا الحب مش بالجمال اصلا ده لو كان في احلي من ليل
حسام : الله يهديك بس انت منين بتقول مخطوبه ومنين مفيش دبل او خواتم خطوبه في ايدها
ايمن : مش عارف تفتكر كانت بتشتغلني
حسام : معرفش
ايمن : هنزل اشوف
حسام : استني يا ابني دي طلعت من بدري ابقي تعالي في يوم تاني
******
فالوفت الخالي وفي المشفي
كان ايمن قد اتجه إلي المعمل حتي يتم اخذ عينة فحص الحمض النووي بعدما تاكد انه ليس هناك من يتبعه ومن ثم ذهب إلي العنايه المركزة ليستطلع امر ليل
ايمن : هي هتفضل نايمه كده لحد العمليه
الطبيب : لا هو مجرد.ما جسمها يرجع يتشبع من الاكسجين تاني هتفوق وتبقي طبيعيه وتتعامل وممكن تخرج من المستشفي كمان وتمشي علي علاج وبخاخات لحد ما تعمل العمليه بس في اي لحظه ممكن الرئه يحصل فيها فشل وتتوقف طبعا القلب وقتها هيتوقف بالتباعيه فالافضل اننا نعمل العمليه في اسرع وقت
ايمن : وهي العمليه دي بتنجح
الطبيب : العمليه دي اتعملت مرة واحده بس في مصر نسبة نجحها وفشالها مناصفه ياعني
ايمن : نسفرها بره لاحسن
مستشفيات العالم
الطبيب : هنا او بره مش هتفرق المهم يبقي في متبرع
ايمن : ينفع اشوفها
قبل ان يرد الطبيب وجد هاتفه يرن ليجد المتصل زوجته
ايمن : بتقولي ايه ايوه جاي حالا اهو