رواية حكاية الطفلة اثيل
الفصل الثامن عشر18
بقلم شهد عبد الله
جاني سند شايل الصندوق الاداني لي ابوي خفت شديد قمت سرعه لمن خلعتهم ختفتو منو قلت لي دا لقيتو وين😳😳😳😳😳
=بسم الله ي ماما مالك؟ دا لقيتو في المخزن كنت بفتش في حاجات ولاحظت انو في شي تحت الارض لم حركت الكنبه لقيت حفره وخاتين فيها الصندوق دا السؤال انتي لي خايفه كدا؟
-انا فجاة اسمع ليك الصواريخ😳😳😳😳😳😳😳قلت ليهم دي رغد واثيل وقمنا جارين ليهم دخلنا اثيل كانت في الركن بتبكي ورغد حالتها صعبه شديد 😳😳😳😳😳😳اول م شافتني زادت زيااادة امممي ي اثيل امي ماتت😭😭💔 وبتصرخ لمن اغمي عليها 💔💔واثيل حالتها حاله💔 قلت لي الاولاد سوقو اثيل وانزلو تحت وبقيت مع رغد بحاول اهديها حاضناني وبتكورك ي حليلك ي امي😭💔 امي ي اثيل انا تاني احكي لي منو منو البشيل همي منو البخاف علي اميييييي💔 كانت بتقول امي بكل الم انا لقيت نفسي منهاره اكتر منها بالصواريخ البيت اتملا💔 الناس بتعذي رغد م كانت صابره ابدا💔💔 اسامه جاء زادت زياده وم عرفنا نهديها فقدان الام حارر شديد💔💔💔ماف زول عارفو زيي انا من قمت م شفتها💔💔حسيت بي الما وعارفه كويس البمر بيهاا💔بعد تلاته يوم من العزاء رغد قالت مسافرة بور سودان💔
=رغد انتي الكبيره لازم تصبري عشان اخوانك الصغار💔
-كيف ي اثيل وريني كيف انا م بقدر اعيش من دون امي ى اثيل انا حياتي كلها مبنيه عليها💔💔م بقدر والله م بقدر💔 اثيل انا م ودعتها م شفتها وهي ماشه واااي ي امي💔
=انتي بتعذيبها والله احمدي الله عاشت وشافتك وشافت اولادك ادعي ليها بالرحمه وربنا يصبرك 💔
-حاضر انا حسافر بكره طيران
=كلمي اسامه يحجز لي معاكم💔
-لالا ي بت و اولادك
=لا م بخليك براك اولادي م صغار بقعدو نومي وبجيك باليل اجهز شنطتك بستها ونزلت تحت لقيت اولادي في الهول سالتهم من اثيل قالو نامت 💔
= طيب ي ماما انا حسافر اسبوعين وحاخليكم براكم وانا واثقه حتخلو بالكم من نفسكم لحد م اجي واقرو كويس وماف زول يطلع بعد المغرب حاخلي ليكم العربيه وماف زول يسوق غير سند وتتطلعو المشاوير المهم بس وماف طلعه بعد المغرب ❤️وعبودي لو طلعت انا بعرفك واياك تشاكل ميلاف وانت ي سند براحه علي عبودي كونو اولاد فالحين لحد م انا اجي❤️ ميلاف قعد تبكي ي ماما انا م بقدر ولا ساعه بدونك😭😭❤️عليك الله م تمشي عبودي قال لي م حصل فارقناك ولا يوم حنقعد اسبوعين كيف عيونو مرقرقه زي العاوز يبكي❤️ سند قال لي حنمشي معاك موش عندنا شقه هناك
= ي عيوني اسمعوني انا ماشه مع خالتو رغد دي م حصل قصرت معاي ومسافره بكره سته صباحا بعدين الشقه دي لو ماشين سياحه انا ماشه اسبوعين وجايه ❤️انا زاتي ح اشتاق ليكم وخلو بالك كويس حضنوني وميلاف بتبكي❤️قلت ليهم يلا النوم بعد دا طلعت لي رغد جهزت شنطها جيت راجعه منها 11 لقيت سند جهز لي شنطتي❤️جوني التلاته عبودي قال لي انتي زاتك خلي بالك من نفسك وم تبكي وتنومي بدري ميلاف قالت لي وم تاكلي اي زيوت باليل الحيرقان وم تشربي شاي كتير❤️سند قال لي ختيت ليك البندول لوجع الراس والمسكن لاي الم وختيت ليك علبه الاسعافات الاوليه تمشي وترجعي زي م انتي م عاوزين ختشه فيك❤️ قعد ابكي قلت ليهم حسستوني بتكم😂😭 عبودي قال لي اصلن بتنا قايله براك بتعرفي توصي😌سند قال لي زي م بتخافي علينا بنخاف عليك ❤️حضنتهم وفاتو نامو جهزت باقي حاجاتي مشيت اتفقدهم لقيت ميلاف بتبكي حنستها وقلت ليها امشي غرفتي لحد م اجيك دخلت غرفه عبودي لقيتو قاعد وعيونو مرقرقه
=عبودي وببكي هي كلها اسبوعين ي ولدي😂😂
-ي امي انت كل شي عندي و محور حياتي كلها واقف عليك م بقدر اعمل شي بدونك والله😭❤️الله م يحرمنا منك يااخ حضنتو وقلت لي ولا منك حبيب امك انت بستو في خدو وقلت يلا نوم وبطل رواشتك دي م اجي القالك عامل ميه مشكله❤️😂😂قعد يضحك ورقد سند كان مقبل علي الحيطه
=قوم عارفاك م نايم🙂
-عرفتي كيف🌚
=لانك الوحيد في اخونك بتعمل نايم لمن اجي افقدكم وبعد امشي انو انت بتفقدني حتى تنوم ❤️❤️
-والله ي امي م عندي غيرك وبخاف عليك من اي شي وم بحبك تبكي وبحرق الدنيا علي زعلك❤️❤️قعدت ابكي قال لي الا الدموع🌚بحبك والله العظيم سند لي عطوف وحنون الله يخليكم لي وم اتحرم منك نهائ 😭❤️❤️
-ولا منك ي اغلي م املك❤️ بستو وطلعت لقيت ميمو بتبكي حضنتها ونمنا صحيت خمسه عملت ليهم الشاي وحضرت هدوم المدارس عملت الفطور وبست عبودي وميمو كانو نايمين دخلت غرفت سند م لقيتو فتشتو لم طلعت بره لقيت منتظرني قال لي انوم كيف وانتي ماشه؟حضنتو وقلت لي م اتحرم منك ي سندي❤️رغد نزلت وسند ساقنا والشارع كلو اوصي فيه لمن وصلنا المطار حضنتو وقلت لي خلي بالك من اخوانك بستو وطلعنا❤️ هو رجع البيت زهجان وقافلة معاهو قعد في الكنبه عبودي صحى الساعه عشره قال امي لي م صحيتني
=سافرت🙂
-لي م صحيتني🙂
ميلاف صحت سلمت وفاتت المطبخ جات رقدت في رجول سند وبقت تبكي😭😭😭اشتقت ليها والله م بقدر خالص اتخيل حياتي بدونها😭عبودي قال ليها بجد هي اساس لكل شي🙂❤️
=اسي م فات شي قومو البسو عشان نمشي المدرسه
- مدرسه الساعه عشره😂
ميلاف قالت م عندها نفس تمشي ☹️ كلهم قعدو في الهول ساكتيين سند اخد نفس قال ليهم اشتقت ليها يااخ😫
عبودي قال لي بتكون وصلت؟
=لا لم تصل بتضرب لينا
-اوكي😢
ميلاف قالت ليهم م قادره اتخيل يوم امي تفارقني ربنا يطول عمرها ويخليها لي❤️سند قال ليها م تبكي
-والله ي سند نحن بدونها ولا شي😭 عبودي دموعو نزلت😢 بعد شويه الجرس ضرب سند مشي يفتح
=محمد😃 اتفضل
-ضربت لي امكم قالت براكم😂😂😂دخل شافهم ببكو مالكم منفسنين😂 ميلاف جرت لي ماما سافرت ي عمو😭
-ي عيون عمو كلها اسبوعين😘❤️
=كتيره ي عمو😭هي م حصل خلتنا😭بقي يحنس فيها
انا وصلت وقبل م اطلع من المطار ضربت سند قال ليهم ضربت😃❤️
-الووو حبيبي
=حمد لله علي السلامه ي غاليه❤️
-الله يسلمك حبيبي اخوانك صحو؟ مشو المدرسه ولا لا
=الليله م مشينا صحو متاخرين بمشو بكره
-اوعكم تغيبو ي ماما اديني عبودي اسلم عليهو
عبودي حبيبي❤️
=اثيل عليك الله ارجعي والله اشتقت ليك😭❤️
-عيون اثيل 😂😂انا اكتر والله خلي بالك من نفسك وبطل شيطنه انا ظبطت ليك المنبه خمسه اصحو للصلاة وراجع دورسك واطلعو وجهزت ليك اكلاتك في التلاجه م تمشي يوم الاربع المسبح لانو المدرب ضرب لي ولغى اليوم دا وركز في العربي م حافظ كويس❤️ وم تشاكل ميلاف مفهوم ي ماما😘
=انا بحبك يااخ😭😭عليك الله تعالي وحاضر
-عبودي بقول حاضر اسافر يومي؟😂😂😂
=الله يعدي الاسبوعين لو م جيتي بتلقيني في بور سودان😂😂
-اوعك ☹️
=بعملها والله😂
-طير اديني ميمو😒
=حتى هناك طير😂😂
هاك ليها
-ميمو ي قلبي😘طوالي بتبكي بقيت احنس ساعه😂😂😂 قلت ليها عارفاك بتخافي نومي مع عبودي وسند لحد م ارجع ❤️وم تعزبي اخوك الكبير ونومي بدري اوعك تساهري مع عبودي
=حاضر😘❤️
-يلا باي
قفلت منهم واتحركنا لبيت رغد كانت نفسيتها تعبانه شديد💔الطريق كلو تبكي وانا زاتي ابكي اول م وصلنا الثوره رغد فقدت اعاصابها والحي كلو عرفها جات💔 وتاني فتحنا بيت بكي واخوانها اكعب منها وماف زول متصبر اتخيلت حياتي بدون اولادي حمد الله كتيير❤️واتمنيت يطول عمرهم وعمري❤️ عزينا وقعدنا المغرب رغد راقده في رجولي قالت لي انتي جبل ي اثيل والله جبل💔
=كيف😂
-ماف بني ادم يقدر اتحمل الانتي اتحملتي
=عشان كدا قلت ليك قولي الحمد لله انا من اتولدت م شفتها💔واتحرمت عمري كلو من حنانها💔 الله عوضني❤️باولادي والحمد لله
-الله يديني قوتك
=انا القوة جايباها منها لو شفتيها بتشيهني كيف💔 حتي تصرفاتها زيي الفرق الوحيد انو ابوي كان راجل معاها ولحد م ماتت كان ماسك يدها💔
-ربنا يرحمهم انا م قادرة اتخيل حياتي يحصل فيها شنو بعد ابوي امي هي الربتني ومعاها حبوبه وخيلاني حبوبه ماتت واسي امي💔💔
حضنتها وقريت ليها قران لحد م نامت❤️
عند اولادي :
كانو قاعدين في سفرة الاكل ميلاف قالت ماما جيبي كاتشب تاني قعد تبكي سند قام جابو ليها خلاص يوووخ بتجي ي جماعه وانت ي عبودي اكل
=م عندي نفس اسي هي بتكون اكلت؟
-م عارف والله حاضرب ليها 💔
-الو امي
=ايوا حبيبي كيف امسيتو
-تمام والله انتي كيفك اكلتي؟
=لسه م اكلت كنت عاوزه اضرب اطمئن عليكم واشوفكم اكلتو عشان الاكل ينفعني❤️
-نحن زاتنا م اكلنا امشي اكلي وخلي بالك
=حاضر حبيبي ونومو بدري عشان المدرسه❤️
بعد قفل قال ليهم م اكلت عاوزه تطمئن علينا عبودي قال حرفيا لو جبنا الكورة الأرضية تحت رجولها م حنقدر نوفيها حقها💔 ميلاف قالت ليهم عظيمه شديد وحنينه عبودي بدا ياكل وميلاف رفضت الا بعد تحانيس اخوانها بقو ياكلو فيها😂😂❤️ باليل اي زول دخل غرفتو جاتهم ميلاف شايله مخدتها حانوم وين😕 عبودي قال ليها انتي😳
=اي😕
-ي زوله انتي نايمه بتشتغلي مصارعه بس😂😂وترفسي وتشلتي تنومي معانا الصباح بنصحى بي شد عضلي😂
سند قال لي وانت ناسي نفسك مستحملك سنين وتشخر ليلك كلو زي الخروف المضبوح😒
=وانت ناسي نفسك الليل كلو تهضرب بهنايه انا اسكتك ان شاء الله امي يوم تسمعك😂😒
ميلاف قالت ليهم اسي م عاوزني يعني😔عبودي قال ليهم اسي حتبكي😂😂😂
=عبودي بطل تخلف تعالي ي ميمو نومي في النص😒 وانت زح كدا زحو ليها دخلت في نصهم سند جاب ليها اللبن ونامو ❤️صحو سته صباحا عبودي م قادر يمشي😂 سند قال لي مالك😂
=مالي شنو الشافعه دي متكومه الليل كلو في ظهري😂😂😒 اقسم بالله انا الليله شايف لي بلد😂😂
-تستاهل😂انا نهائي م جات جمبي صحيها للصلاة اسي ضرب في رجلها ميمو قومي
=م اسي ي ماما😭
عبودي قال لي شفت الزولة دي اسي تقوم تبكي فينا😂😂
-انتي صحي هي ماله اي شي تبكي دموعها دي توفرها حبه😂
=دا الدلع ي اخوي😂اتخيل معاي نكون زيها😂😂😂🙆🏻♂️
-ي مامي 😂😭😂
ميلاف اتنفضت فيهم تقطعو فيني ي جزم😡😡 سند قال ليها دا عبودي والله😂😂 عبودي قال لي انت الله دا خليه😂😂
=انا حلفت يعني😂😳
قالت ليهم كويس وقعدت تبكي سنه يحنسو فيها سند سرحها وعبودي نضف ليها جزمتها لبسوها وطلعو❤️
انا صحيت من سته م عندي حاجةاعملها بت خاله رغد قالت لي مالك بتصحي بدري؟
=اتعودت دا الوقت البصحي فيهو اولادي للصلاة❤️
-انتي معرسه يعني😳
=اي😂😂
-والله كذابه واولادك قدر شنو😳
=كبار والله عندي ولد ممتحن شهادة وولد في تانيه وبنوته في تامن
-اثيل انتي بتهظري؟😂 فاتت سالت رغد وجاتني😳😳😳واي ي اثيل م شاء الله م ظاهر عليك انا الاكبر منك لي اسي م عرستا😂😂🙆🏻♀️
=الله م ضراك ربنا يديك الفي مرادك ي رب❤️
-عندك صور ليهم عشان اصدقك😂
=عندي اي دا سند ودا عبودي ودي ميلاف😘
-حلوين حلا وبشبهوك شديد لكن ولدك الكبيير قاطع موبالغه 😳❤️م شاء الله❤️بتشاف بت بت😂
=من ولدتو والناس بتقول كدا😂😂❤️ بقيت احلق لي شعرو طوالي 😂
-الله يخليهم ليك
=احلي دعوه امين ي رب❤
️ مشيت لي رغد لقيتها بتبكي اتكلمت معاها وقويتها حبه مره اسبوع اولادي عزبوني بالتلفونات😂😂طلعو م عارفين اي شي وبذات عبودي شراباتو م عارفه عشان انا بجهز ليهم اي شي😂😂وكل دقيقه مكالمه من واحد فيهم يسال ❤️😂 يوم الجمعة صحو صلو الصبح وقرو قران ❤️
ميلاف قالت ليهم يلا ننظف لينا اسبوع م نظفنا عبودي قال ليها ننظف دا كلو برانا😳😳
=امي كانت بتنظو براها🙂
سند قال ليهم يلا طيب نبدا محل محل ميلاف قالت ليهم نبدا بي غرفتكم لانو وسخانه شديد عبودي قال ليها عشان نمتي معانا😂
=ي سند اتكلم معاهو😭
-عبودي اكبر😒😒
بدو ينظفو 😂في الهول ميلاف بترتب في الكنب وسند المطبخ وعبودي الحديقه الوراء بقت بتكورك ي سند وعبودي الحقوني😭😭❤️
=مالك في شنو😳
-تعال ي عبودي شوف😭
=اشوف شنو مالك😳
- م هنا ي متخلف في يدي 😭
=يدك ماله ي بت ضربتك كهرباء😳😳
-ي ريت لو ضربتني😭
سند قال ليها طيب ماله 😳
=انتو الاتنين حيوانات عاينو ضفري الصغير اتكسر كيف دا كلو من الكنبه الحقاره دي😭😭
عبودي وقع في الارض من الضحك😂😂😂😂انتي ي بت منقوليه ولا شنو عشان ظفر خلعتيني الله يخلعك😂😂😂سند قال لي عبودي م تضحك😂😂😂
=انت بتضحك لشنو😂😒
ميلاف بقت تبكي انا اشكي ليكم تتضحكو فيني حاكلم ليكم ماما 😭😭
-خلاص ي ميمو اسفين وظفرك حنتدفنو ليك في احسن شجرة موش ي عبودي😂😂 😂
=اي صح المرحوم كان طويل وحلو😂😂😂 يلا اي واحد يرجع شغلو
قالت ليهم م بقدر اشتغل انا
عبودي قال ليها لي ان شاء الله🤨
=م شايف ظفري يعني😭
-اااااا التقول يدك انقطعت سمح ي ام ظفر شايفه الكنبه ديك امشي اتمطي فيها ونحن بنخدمك ي ملكتنا 😂😂😒 موش ي سنود🌚
=صح ي عبود😂😒
فاتو اشتغلو 😂لمن حيلهم اتهدا 😂قريب للصلاة جو وقعو في بعض تعبانين وميلاف تضحك فيهم 😂😂
سند قال لينا والله امي دي ي حليلها تعبانه تعب💔
=هو كفا امك صابرة علي ميلاف دي براها بدخلها الجنه😂😂😂🙆🏻♂️
ميلاف قالت ليهم انا مالي 😭
=ماف شي 😂وقوم الصلاة م حنمشي الجامع الليله
-اوكي طيب عاوز اضرب لماجد عاوزين نقرا واياك ي عبودي تطلع😒
=خلي الطلعه الحيطبخ منو😂
-ماجد طباخ خلي يجي😂
قامو غيرو هدومهم وعبودي مشي البقاله جاب ليهم حاجات وبقو منتظرين ماجد يجي سند قال لي ميلاف البسي عبايه وم تطلعي الا اناديك سمح؟
=حاضر🥺
ماجد جاء سلم عليهم قال ليهم وين اثيل🌚
=سافرت بكا والله
-بكا منو😳
عبودي قال لي نسابتنا 😂😂😂موش ي ميمو وينا هي😂🌚
سند قال لي احترم نفسك 😒حبوبه اثيل ي ماجد
=مالك كلام عبودي صاح نسابتنا😂😂😂
-عاين انا جبتك تطبخ لينا م تنظر 😒
=كدي ادوني مويه اول🙂
-والله م جبتك من جبل اولياء هنداك بيتكم فاتح فينا بتكون شربت وطير المطبخ نحن جعنا🙂
=قليل ادب وم عندك زوق🙂 😂وحاكب ليك سم في الاكل
-م بموت براي ميمو وعبودي😂😂😂
عبودي قال م بياكل😂 دخلو المطبخ بعد تلاته ساعات عملو بوش😂😂نقصو لميمو وقعدو ياكلو بعد شويه جاتهم بتبكي 😭😭 الختا شطه في الاكل منو قولت شطه عبودي جرا جاب مويه وسند بحنس فيها وماجد مخلوع طبعا 😂😭قال ليها انا لكن م كبيت كتير سند قال لي هي م بتاكل شطه😂😂 ساعه يحنسو فيها وهي تبكي وماجد عاوز يموت من الضحك عبودي بجري المطبخ يضحك وبجي تاني😂😂😂بعد خلاص سكتك ودخلت ماجد قال ليهم اختكم دي اصلا كدا😳😳😂🙆🏻♂️
عبودي قال لي كويس م حضرت درامه الظفر😂
=بتبكي عشان ظفر😳
سند قال لي بتبكي في اقل شي 😂😂ماجد قال بخلعه ماله عيانه😳؟
-م عيانه بس مدلعه زيادة عن اللزوم 😂😂😂
=والله الله يعينكم 😂
الاسبوعين تمو ورجعنا قلت اعمل ليهم مفاجاة اول م دقيت الجرس فتح لي عبودي
=اثيل😳
-لا خيالها انت متخلف ي ولد 😂😂
التلاته جو وقعو فيني ويبكو اشتقنا ليك ي ماما 😭انا زاتي بكييت كتييير ي عيون ماما 😭❤️واقفين في الباب بنسلم ساعه حتي دخلنا😂❤️قاعدين في الهول ميلاف وعبودي في حضني وسند في كتفي❤️سند قال الاسبوعين دي ورونا انك م اساس حياتنا انتي حياتنا نفسها ❤️ عبودي قال لي بجد ي امي بستحمل اي شي في الدنيا الا فراقك برضا الله يرحمني من اي شي الا منك ي غاليه 😭❤️ميمو قالت حقيقة ي ماما فقدناك واكتشفنا م بنعرف نعمل شي من دونك❤️فرحوني شديد قلت ليهم انا برضو اشتقت ليكم والله م يحرمني منكم جابو لي مويه وعصير وقعدو جمبي قلت ليهم حسستوني ضيفه 😂😂❤️اكلتو ولا لا
=لسه
-طيب داخله انوم وبعدين ناكل بره😂😘
نحن بنحبك🥺❤️
-انا زاتي بحبكم دخلت نمت صحيت بعد المغرب لبسنا وطلعنا قلت لي سند الحمد لله م لقيت العربية مكسره 😂😂
=والله شغاله المدرسه البيت البقالة م مشتها😂
-فالحيين 😂😂يلا اركبو
=حتودينا وين ي ماما
-اوديكم ميه مكان لي اسبوعين م طلعتكم ياخ فعلا مشينا اكلنا وم خليت محل م وديتهم ختمناها بليالي البروف كان بي عوضيه عذاب وجينا قريب للصباح اي زول دخل غرفتو نام صحيت الصبح وصحيتهم للصلاة ويوم الجمعه بنقرا قران للساعه 8 بعد خلصنا عملت ليهم الشاي ومشينا الحديقه اثناء م بنشرب سند قال لي ي ماما نحن علاقتنا شنو بالمحميه؟وائل من شندي موش؟انا لمن اتشرقت قلت لي القال ليك منو😳😳
=ماجد حبوبتو قالت لي كدا وغالطني عبودي قال لي صحي ي ماما انتي وين اهلك ولي م عندنا خيلان وناس نمشي ليهم ؟؟ ميمو قالت لي وانت شاطره وغنيانة لي م قريتي؟اسالتهم وقعت علي زي الصاقعه وم عرفت ارد😳😳قلت ليهم كل شي في وقتو حلو سند قال لي نحن م صغار ي امي المفروض نفهم ولي داسه الصندوق هناك ولي م حصل جبتي سيرة اهلك؟ اخد نفس قلت لي بتعرفو لمن تكبرو وانتو م عندكم خيلان لانو انا بت وحده😫💔 عبودي قال لي وين جدي وحبوبتي طيب
=بتعرفو م تتستعجلو
-من حقنا نعرف واسي كمان لانو نحن م صغار بقو ينقو فيني نص ساعة صرخت وكان اول مره اكورك فيهم قلت ليهم خلاص عاوزين تعرفو طيب اسمعو🙂🙂حكيت ليهم اي شي م نقصت ولا حرف💔💔من عمري 12 للان🙂 بعد خلصت وم كنت قادره اتكلم قلت ليهم عرفتو🙂 كانو ساكتين وبعاينو لبعض 😳😳😳واي واحد مخلوع اكتر من التاني 😳😳 سند قام وقعد جم رجولي قال لي م قادر اصدق ي ماما😳 دا كلو حصل معاك انتي؟ يعني انتي م اثيل عماد😳😳😳 الشفت صورتو دا منذر الحكيتي عنو😳😳عبودي وميلاف كانو ببكو💔💔 عبودي قال لي الليله هيبتك وعظمتك زادت عندي كتيييير 😳💔 انت ماف منك ي ماما 😳سند قال لي طيب لي م انتحرتي من اول م وائل كان بعذبك؟
=م كان عندي امل في الحياه لحد م حملت بيك وقتها كان ي اموت ي اتولد من جديد وقررت اتولد من جديد🙂💔
-امي انتي اتعذبتي شديد 💔💔وائل بعد العرفو عمل فيك دا كلو؟💔يعلم الله م راجل ومن الليله م عندي ليهو ذرة اتحرام💔
=عيب دا ابوك ي ماما ربنا بسالكم منو اذا هو غلط انتو م تغلطو انا م ربيتكم كدا
-م دي المشكله هنا💔💔الواجعني انو ابوي💔 ياخ انا ابدا م اتخيلت يكون كدا م كنت عارف دا كلو حصل ليك م كنت قايلك دخلتي المستشفى بسببو😡💔💔💔انا كنت قايل اتشاكلتو في حاجه عبودي قال لي وعملتي شنو لمن عرفتي انتي ميلاف😳💔
=ولا شي من الصدمات الكتيرة م كان عندي رد فعل كنت والداكم انت وسند وميلاف في بطني وانا م عارفه💔 قويت نفسي عشانكم
-الاستحملتي الرجال م بقدرو علي💔
=انا في حد زاتي راجل
-والله ارجل بكتيير ي ماما 💔
سند قال ومنذر من كلامك اكتر واحد بتحبي وم قصر معاك خليتي لي ؟هو وين اسي
=مني انا الما قدرت اتقبلو في قصتي منذر لانو اتعلقت بيهو اكتر من نفسي وكان ابوي واخوي ولمن عرفت الحقيقه م كان عندي شجاعه اواجهم ولا عندي نفس استمر معاهم قطعت علاقتي بيهم 💔💔
ميلاف قالت لي ماف شي لفتت انتباهي الا تعليمك 💔اهلك كان بشجعوك تحققي طموحك💔لي وقفتي ي ماما؟💔💔
=وقتها كان عمري 20 وام لثلاثه اطفال ي طموحي ي انتو وانا اخترتكم انتو واشوف طموحاتي فيكم ❤️
سند ببكي انتي ي امي انظلمتي شديد اعفي لي لاني كنت صغير وم خففت عنك اعفي لانو بارقم من ارهاقك وتعبك 💔💔 كنتي بتخدمينا وتلبي حاجاتنا اعفي لي السنين العزبتك فيها واعفي لي على كل دمعه نزلت منك وانا موجود💔
=عافية ليكم ي ضناي انا م عندي غيركم انتو اولادي واخواني واهلي❤️انتو دنيتي كلها❤️ بكينا بكا اليوم داك 💔كان اصعب يوم يمر علي بعد سنين عذااب 💔 طلعت اهات كاتماها في قلبي وانا بشكي لاولادي حسيتهم شالو حملي ❤️ ويداب ارتحت ❤️ بعد عرفو الحقيقه بقو يحترموني شديد ❤️ونهائ م اتعب او اشتغل والسماء قريب ولا دموعي❤️❤️ عبودي بقي يحترمني شديد واي شي حاضر😂😂❤️ يوم قاعد قلت لي عبودي اعمل لي قهوة
=حاضر❤️
-😳😳😂ي ولد تعال هنا انت جنيت ارجع زي م اتعودت عليك 😂م عاوزاك كدا انا
=لا ي ماما م عاوز اهظر تاني عاوز اعمل ليك اي شي واحاول اوعضك حق سنينك الفات وخلاص بطلت هبل وعباطه🙂
-حبيبي هبلك وعوراتك دي المحليه سنيني😂😂😂🌚 اكتر واحد ضحكني في حياتي وانا م مستعده اخسر الاهبل دا لاي سبب😂😂😘
=يعني ارجع زي م كنت انا زاتي حسيت الدور م جاي علي😂😂😂🌚
-طيب نعيد تاني عبودي اعمل قهوة🌚
= الا القهوة بكرها ريحتها شديد لكن ممكن انادي سندي يعملها ليك😂😌
-ايوا دا عبودي البعرفو😂😂😂متخلف الحلو وبستو في خدو 😘😂 ورجع زي م كان حسيت بي م صدق قال لي اثيل م وريتني دور الجادي كيف فيني😌😌 سند قال لي م حلو نهائ 😂😂بعد دقتك الصعبه دي طلعت مجازفها بالعاورة ولمن بقيت جادي بقيت م بتتقابل😂😂🌚
=انت دايرني ارجع زي م كنت؟😳
-اي والله الزول م بقدر يعيش بدون العنصر المنكد حياتو😂😂😂 ميلاف قالت لي صح كلامك وبقينا نعاين لي بدون مقدمات قعد يضحك قال لينا لي حاسي بيكم عاوزين تصفقو؟😂😂 قلت لي متخلف خلاص😂🤦🏻♀️ سند قال لي وبصدق بسرعه طير قدامي نلعب بوجي🙂
=لا ماف بوبجي انا عملت الغداء حتاكلو عشان بعد المغرب حنمشي لرغد ختيت الاكل وبعد المغرب طلعنا لرغد كانت باهته حبه وانا بحاول اطلعها بقدر الامكان قلت ليها اكلتي
=م عندي نفس🙂
عبودي قال ليها م عندك نفس شنو ي خالتو والله الا عيانة نهاي كل شي ولا الطقه قعدت تضحك قالت لي دا مالو بطل الظرافه تاني رجع 😂😂🤦🏻♀️قال ليها انا من يومي ظريف وبتظارف انتو م مقدرين الموهبة الجميله دي😂😂😌 قلت لي عبودي اسكت ميلاف قالت ليها عملت ليك بسبوسه ي خالتو 🌚❤️
=عملتها لي انتي😂🌚
-اي🌚❤️
=عشان خاطرك بس ❤️عبودي قال ليها خلي الحركات اصلن انتي ملكة الطقه😂😂قلت لي سند واثيل سو لينا الشاي رقعدنا نتونس ❤️ نزلنا منهم باليل الصباح خالتو انتصار ضربت لي
-الووو❤️
=اهلين خالتو انتصار كيفك ❤️
-تمام والله انتي كيفك اشتقنا ليكم م جايننا
=بنجيكم الليه ان شاء الله 🌚❤️
-خلاص في انتظاركم❤️
لقيتهم عملو الشاي ومنتظرني كدا حتخربو طبعي😂😂سند قال لي خلي يتخرب م كفايه خربتي طبعنا ودلعتينا قلت لي العملو منو 😂
-اتخيلي بس ميمو😂
=م جادي نهائي😳 ميمو عملت شاي؟؟
قالت لي اي ي ماما شربنا كان كلو الشاي الاحمر تقيل شديد😂😂انا وسند شربنا بالعافيه عبودي الحيوان بقي يضحك وقام😂😂😒قلت ليهم يلا الليله حنمشي ناس جدو قال اشتاقو لي بكري ولدن ❤️اتحركنا عليهم اول م وصلنا.......