رواية انا ضحية ولست بعاهرة
الفصل الواحد والعشرون21
بقلم فللوس
ﺍﻟﺪﻛﺘﻮﺭ ﻣﺒﺘﺴﻢ : ﺃﻟﻒ ﻣﺒﺮﻭﻙ ، ﺳﺎﺭﻩ ﺣﺎﻣﻞ ...
ﺣﺴﺎﻡ ﺑﺎﻟﺨﺒﺮ ﻣﺎﻋﺮﻑ ﻳﺒﻜﻲ ﻭﻻ ﻳﺰﻋﻞ ﻭﻻﻳﺘﺼﺪﻡ ﻭﻻ ﻳﻘﻊ ﻭﻻﻳﻌﻤﻞ ﺷﻨﻮ ﻭﻛﺎﻥ
ﺑﺘﺴﺄﻝ
( ﻣﺘﻴﻦ ﺳﺎﺭﻩ ﺣﻤﻠﺖ ﻭﻳﺎﺩﺍﺏ ﻟﻴﻬﻢ ﺣﻮﺍﻟﻲ ﺍﺳﺒﻮﻋﻴﻦ )
ﻭﺣﺎﻟﻮ ﺑﺎﺍﻟﺼﺪﻣﻪ ﻛﺎﻥ ﻧﻔﺲ ﺣﺎﻝ ﺳﻌﻴﺪ ، ﺃﻡ ﺳﻌﻴﺪ ﻭﺍﻫﻠﻪ ﺑﺎﻟﻔﺮﺣﻪ ﺑﻘﻰ
ﻳﺰﻏﺮﻃﻮ ﻓﻲ ﺍﻟﻤﺴﺘﺸﻔﻰ
ﺃﻡ ﺳﻌﻴﺪ ﺗﺤﺘﻀﻦ ﻭﻟﺪﺍ : ﺃﻟﻒ ﻣﺒﺮﻭﻭﻭﻙ ﻳﺎﻭﻟﺪﻱ ﻭﺍﺧﻴﺮﺍ ﻛﺪﻩ ﻣﻤﻜﻦ ﺍﻣﻮﺕ
ﻣﺘﻀﻤﻨﻪ ﺑﻌﺪ ﻣﺎﺍﺷﻮﻑ ﺯﺭﻳﺘﻚ ﺍﻟﺼﺎﻟﺤﻪ
ﺳﻌﻴﺪ ﻛﺎﻥ ﻣﺨﻠﻮﻉ ﻃﺒﻌﺎ ﻭ ﻟﻤﻦ ﺷﺎﻑ ﺍﻣﻪ ﻣﺒﺴﻮﻃﻪ ﺑﻘﻰ ﻛﻤﺎﻥ ﻣﺒﺴﻮﻁ :
ﻫﻬﻬﻬﻪ ﺍﻟﻠﻪ ﻳﺒﺎﺭﻙ ﻓﻴﻚ ﻳﺎﺍﻣﻲ
ﻭﺍﺛﻨﺎﺀ ﻣﺎﺑﺒﺎﺭﻛﻮ ﻟﻲ ﺑﻌﺾ ﺑﺎﺏ ﺍﻟﻐﺮﻓﻪ ﻛﺎﻥ ﻓﺎﺗﺢ ، ﺣﺴﺎﻡ ﻣﺪﻣﻊ ﻋﻴﻮﻧﻪ ﻭﻣﺸﻰ
ﻳﻌﺎﻳﻦ ﻟﻲ ﺳﺎﺭﻩ ﺑﺎﻟﺠﻤﺒﻪ ﻭﻟﻘﺎﻫﺎ ﺭﺍﻗﺪﻩ ﻓﻲ ﺍﻟﺴﺮﻳﺮ ﻭﺑﺘﻌﺎﻳﻦ ﻟﻠﺴﻘﻒ ﻭﺍﻟﺪﻣﻮﻉ
ﻧﺎﺯﻟﻪ ﻣﻦ ﻋﻴﻨﺎ ،
ﺣﺴﺎﻡ ﻓﻲ ﺍﻟﻠﺤﻈﻪ ﺩﻳﻚ ﻣﺎﻋﺮﻑ ﻳﺪﺧﻞ ﻳﺒﺎﺭﻙ ﻟﻴﻬﺎ ﻭﻻ ﻳﻌﺘﺬﺭ ﻟﻴﻬﺎ ﻭﻻ ﻳﺴﻮﻗﻬﺎ
ﺍﻟﺨﺮﻃﻮﻡ ﻟﻤﻮﺿﻮﻉ ﺍﻟﻘﻀﻴﻪ ، ﻓﻀﻞ ﻳﺴﻴﺐ ﺳﺎﺭﻩ ﺗﻨﺒﺴﻂ ﺑﺎﻟﻠﺤﻈﻪ ﺩﻱ
ﻭﻣﺎﻳﺨﺮﺑﺎ ﺑﺎﺍﻟﺮﻏﻢ ﻣﻦ ﻋﻠﻤﻪ ﺍﻧﻬﺎ ﻣﺎﻛﺎﻧﺖ ﻣﺒﺴﻮﻃﻪ ﻣﻦ ﺟﻮﻩ ﺑﻞ ﻣﻐﺼﻮﺑﻪ ، ﺑﻌﺪ
ﺳﺎﻋﻪ ﻣﻦ ﻣﺎﺳﺎﺭﻩ ﺭﺍﻗﺖ ،
ﺳﻌﻴﺪ ﻳﺴﻮﻗﻬﺎ ﺍﻟﺒﻴﺖ ﻭﻳﻮﺩﻉ ﺍﻣﻪ ، ﻭﺃﻭﻝ ﻣﺎﻭﺻﻠﻮ ﺍﻟﺒﻴﺖ ...
ﺳﻌﻴﺪ ﻣﺒﺴﻮﻁ: ﺃﻧﺎ ﺑﻜﺮﻩ ﻋﺎﺯﻣﻚ ﻓﻲ ﺃﺣﻠﻰ ﻣﻄﻌﻢ ﻓﻲ ﺑﻮﺭﺗﺴﻮﺩﺍﻥ ﻭﺣﺸﺘﺮﻱ
ﻟﻴﻚ ﻃﻘﻢ ﺍﻟﺪﻫﺐ ﺍﻟﻌﺎﻳﺰﺍﻩ
ﺳﺎﺭﻩ ﻣﺪﻣﻌﻪ : ﻋﺸﺎﻥ ﺷﻨﻮ
ﺳﻌﻴﺪ : ﻋﺸﺎﻥ ﻭﻟﺪﻧﺎ ﻳﺎﺳﺎﺭﻩ
ﺳﺎﺭﻩ ﺑﻐﻀﺐ ﻭﺗﺼﺮﺥ : ﻭﻟﺪﻧﺎ ؟؟ ﻭﻟﺪﻧﺎ ﻛﻴﻒ ﻭﺍﻧﺖ ﻣﺎﻟﻤﺴﺘﻨﻲ ﺍﺻﻼ
ﺳﻌﻴﺪ : ﻭﻃﻲ ﺻﻮﺗﻚ ﺍﻟﻌﺎﻟﻢ ﻛﻠﻪ ﺳﻤﻊ ، ﻓﻬﻤﺖ ﺍﻧﻲ ﻣﺎﻟﻤﺴﺘﻚ ، ﻋﺎﺭﻓﻮ ﺗﺒﻊ
ﺣﺴﺎﻡ ﺑﺲ ﻣﺎﻑ ﺯﻭﻝ ﺣﻴﻨﻘﺶ ..
ﺳﺎﺭﻩ ﺑﺘﺒﻜﻲ : ﺣﺴﺎﻡ ﻟﻮ ﻟﻤﺴﻨﻲ ﺍﻧﺎ ﺯﻭﺍﺟﻲ ﺑﻴﻚ ﺩﻩ ﻛﺎﻥ ﺣﻴﻜﻮﻥ ﻣﺤﺮﻡ ﻣﻦ
ﺍﻻﺳﺎﺱ ..
ﺳﻌﻴﺪ ﻳﺴﺘﻐﺮﺏ : ﻃﻴﺐ ﺩﻩ ﺣﻖ ﻣﻨﻮ ؟؟
ﺳﺎﺭﻩ ﺗﺒﻜﻲ ﻭﺗﻘﻊ ﻓﻲ ﺍﻟﻮﺍﺿﻪ ﻭﺗﺘﺮﺟﻒ : ﺩﻩ ﺗﺒﻊ ﻣﺪﺛﺮ ، ﻭﺗﺼﺮﺥ ﻭﺗﻜﺮﺭ
( ﺍﻟﻠﻪ ﻳﻠﻌﻨﻚ ﻳﺎﻣﺪﺛﺮ ﺍﻧﺖ ﻭﺍﺻﺤﺎﺑﻚ ﺍﻟﺨﺮﺑﺘﻮ ﻋﻴﺸﺘﻲ )
ﺳﻌﻴﺪ ﻳﻬﺪﻱ ﻓﻴﻬﺎ ﻭﻳﺘﻤﺘﻢ : ﺧﻼﺹ ﺧﻼﺹ ﺧﻼﺹ ﻭﻃﻲ ﺻﻮﺗﻚ ، ﺍﻟﺠﻨﻰ ﺩﻩ
ﺍﻧﺎ ﺑﺮﺑﻲ ﻭﻣﺎﺣﻨﻜﻠﻢ ﺯﻭﻝ ﺍﻟﻤﻬﻢ ﺍﻧﺘﻲ ﺍﺭﺗﺎﺣﻲ
ﺳﺎﺭﻩ : ﻳﺎﺭﺍﺟﻞ ﺍﻧﺖ ﻣﺎﻋﻨﺪﻙ ﺩﻡ ؟؟ ﻣﺎﺑﺘﺤﺲ ؟؟ ﻣﺎﻋﻨﺪﻙ ﻧﺨﻮﻩ ؟؟ ﺍﻗﻮﻟﻴﻚ ﺩﻩ
ﻃﻔﻞ ﻣﻦ ﺟﺮﻳﻤﻪ ﺍﻏﺘﺼﺎﺏ .
#ﻭﺑﺎﻟﺮﻏﻢ ﻣﻦ ﺍﻧﻪ ﻃﻔﻞ ﺑﺮﺉ ﺑﺲ ﺑﺎﻟﺴﻮﺩﺍﻧﻲ ﺑﻨﻘﻮﻝ ﻋﻠﻴﻪ ﺟﻨﻰ ﺣﺮﺍﻡ
ﺳﻌﻴﺪ : ﺑﻨﺤﻠﻠﻪ ﻳﺎﺳﺎﺭﻩ ﻟﻮ ﺳﻜﺘﻨﺎ ﻭﺑﻨﻌﻠﻤﻪ ﻭﺣﻨﻜﻮﻥ ﻟﻴﻪ ﺍﻡ ﻭﺍﺑﻮ ﻭﻓﻴﻴﻦ
ﻭﻣﺎﺣﻴﻌﺮﻑ ﻟﻼﺑﺪ ﺍﻧﻪ ﺍﻧﺎ ﻣﺎﺍﺑﻮﻩ ﻭﺑﻌﺪﻳﻦ ﻣﺎﺷﺎﻳﻔﻪ ﺍﻣﻲ ﻣﺒﺴﻮﻃﻪ ﻛﻴﻒ
ﺳﺎﺭﻩ ﺗﺼﺮﺥ : ﺍﻧﺖ ﻣﺎﻫﺎﻣﻴﻚ ﺷﻲ ﻏﻴﺮ ﺍﻣﻚ ، ﻣﺎﺑﺘﻔﻜﺮ ﺍﻻ ﻓﻲ ﻧﻔﺴﻚ ، ﺩﻩ ﻛﻠﻪ
ﻋﺸﺎﻥ ﺗﺜﺒﺖ ﻟﻲ ﺃﻣﻚ ﺣﺎﺟﻪ ﻭﺍﻧﺎ ﻣﺎﻋﺎﻳﺰﺍﻫﺎ ، ﺍﻟﺠﻨﻰ ﺍﻟﻔﻲ ﺑﻄﻨﻲ ﺩﻩ ﻻﺯﻡ
ﺍﺳﻘﻄﻮ ﻻﺯﻡ ﺍﺟﻬﻀﻮ
ﺳﻌﻴﺪ ﻳﻌﺎﻳﻦ ﻟﻲ ﺳﺎﺭﻩ ﻭﻳﺤﻤﺮ ﻟﻴﻬﺎ ﻭﻳﺨﻨﻘﺎ
، ﻭﺳﺎﺭﻩ ﺗﺼﺮﺥ : ﻭﺍﺍﺍﺍﻱ ﻓﻜﻨﻲ ﻳﺎﺳﻌﻴﺪ ﻋﻠﻴﻚ ﺍﻟﻠﻪ ﻓﻜﻨﻲ
ﺳﻌﻴﺪ : ﻟﻮ ﺟﺒﺘﻲ ﺳﻴﺮﻩ ﺍﻻﺟﻬﺎﺽ ﺩﻱ ﺗﺎﻧﻲ ﻓﻲ ﺳﻴﺮﺗﻚ ﺣﺮﺭﺭﺭﻡ ﺣﺎﺭﺗﻜﺐ
ﻓﻴﻚ ﺟﺮﻳﻤﻪ ...
ﺣﺴﺎﻡ ﻛﺎﻥ ﺭﺍﻗﺪ ﺑﻔﻜﺮ ﻓﻲ ﺳﺎﺭﻩ ﻭﺣﺎﻝ ﺳﺎﺭﻩ ﻭﻓﺠﺄﻩ ﻳﺴﻤﻊ ﺻﻮﺗﻬﺎ ﻭﻳﻘﻮﻡ ﻋﻠﻰ
ﺣﻴﻠﻪ ﻭﻳﻄﻠﻊ ﺍﻟﺒﻠﻜﻮﻧﻪ ﺑﺲ ﻣﺎﺑﻴﺪﻩ ﺣﻴﻞ ﻭﻳﺴﻜﺖ ﻋﻠﻰ ﻛﺪﻩ ...
ﺍﻟﻴﻮﻡ ﺍﻟﺘﺎﻧﻲ ﺍﻟﻮﺍﺿﻪ ﺻﺒﺎﺡ ، ﺳﺎﺭﻩ ﺗﻀﺮﺏ ﻟﻲ ﺳﻼﻓﻪ ...
ﺳﺎﺭﺓ ﻭﻫﻲ ﺑﺘﺒﻜﻲ : ﺍﻧﺎ ﺣﺎﻣﻞ ﻳﺎ ﺳﻼﻓﻪ
ﺳﻼﻓﻪ : ﺣﺎﻣﻞ ؟؟ ﺣﺎﻣﻞ ﻛﻴﻒ ؟؟ ﻭﺳﻌﻴﺪ ﻣﺎﺷﻐﺎﻝ ؟؟ ﻭﻭﻭﻭﺏ ﻋﻠﻲ ﺍﻧﺘﻲ
ﺻﺎﺡ ﻗﻠﺘﻲ ﺣﺴﺎﻡ ﻣﺎﻟﻤﺴﻚ ؟؟ ﺩﻱ ﺷﻨﻮ ﺍﻟﻠﺨﺒﻄﻪ ﺩﻱ ﻳﺎﺑﺖ
ﺳﺎﺭﻩ ﺑﺘﺒﻜﻲ : ﺍﻱ ﻭﺍﻟﻠﻪ ﻣﺎﻟﻤﺴﻨﻲ
ﺳﻼﻓﻪ ﺗﺘﺼﺪﻡ ﻭﺗﺼﺮﺥ : ﻣﺪﺛﺮ ؟؟ ﻭﺍﺍﺍﺍﺍﻱ ﻣﺎﻗﺎﺩﺭﻩ ﺍﺻﺪﻕ ، ﺍﻟﻠﻪ ﻳﺠﺎﺯﻳﻚ
ﻳﺎﻣﺪﺛﺮ ، ﺍﻟﻠﻪ ﻳﺠﺎﺯﻳﻚ
ﺳﺎﺭﻩ ﺑﺘﺒﻜﻲ : ﺍﻧﺎ ﺣﺎﻗﻄﻊ ﺍﻟﺨﻂ ﻋﺸﺎﻥ ﺍﻟﺤﻘﻴﺮ ﺩﻩ ﻫﺪﺩﻧﻲ ﻣﺎﺍﻛﻠﻢ ﺯﻭﻝ ﻭﺍﺳﻊ
ﺍﺻﺤﺎﺑﻪ ﺟﺎﻳﻴﻦ ...
ﺳﻌﻴﺪ : ﺳﺎﺭﻩ ﻓﺮﺩﺗﻲ ﺩﻩ ﺟﺎﻳﻴﻨﻲ ﺍﺳﻊ ﻣﻤﻜﻦ ﺗﻤﺸﻲ ﺑﻴﺖ ﻧﺎﺱ ﺍﻣﻲ ﻟﻮ ﻋﺎﻳﺰﻩ
ﺳﺎﺭﻩ : ﺗﻜﻮﻥ ﺭﻳﺤﺘﻨﻲ
ﻭﺃﺛﻨﺎﺀ ﻣﺎﺳﺎﺭﻩ ﻃﺎﻟﻌﻪ ﺗﻠﻘﻰ ﺻﺎﺣﺐ ﺳﻌﻴﺪ ﺍﺳﻤﻪ ( ﺣﺎﻣﺪ ) ﻧﺎﺯﻝ ﻣﻦ ﻋﺮﺑﻴﺘﻪ
ﺑﺮﻩ ﻭﻳﻌﺎﻳﻦ ﻟﻴﻬﺎ ﻭﻳﻐﻤﺰ ﻟﻴﻬﺎ ﻭﻳﻘﻴﻒ ﻗﺪﺍﻣﻬﺎ ..
ﺣﺎﻣﺪ : ﺍﻟﺤﻠﻮ ﻭﻳﻦ ﺳﻜﺘﻮ
ﺳﺎﺭﻩ ﺗﻄﻨﺸﻮ ﻭﻣﺎﺗﺸﺘﻐﻞ ﺑﻴﻪ ، ﺣﺎﻣﺪ ﻳﻘﻴﻒ ﻗﺪﺍﻡ ﺳﺎﺭﻩ ﻭﻳﺘﺒﺴﻢ ﻭﻳﺨﺪ ﻳﺪﻭ
ﻓﻲ ﺧﺪﻭﺩﺍ ، ﺳﺎﺭﻩ ﺗﺘﺨﻠﻊ ﻭﺗﺪﻳﻪ ﻛﻒ ﻓﻲ ﻭﺷﻪ ﻭﺗﺴﻔﻬﻪ ﻭﺗﻘﻮﻝ ﻟﻴﻪ ﺍﺣﺘﺮﻡ
ﻧﻔﺴﻚ ﻳﺎﺗﺎﻓﻪ ﻭﺗﺪﻳﻪ ﺿﻬﺮﺍ ﻭﺗﻤﺸﻲ ﺑﻴﺖ ﻧﺎﺱ ﺍﻡ ﺳﻌﻴﺪ ،
ﻃﺒﻌﺎ ﺣﺎﻣﺪ ﻓﻀﻞ ﻳﺒﺘﺴﻢ ﻭﺩﺧﻞ ﻟﺴﻌﻴﺪ ﺟﻮﻩ ﻋﺸﺎﻥ ﻳﻨﺠﺰﻭ ﻭﺃﻭﻝ ﺷﻲ ﻳﻘﻮﻝ
ﻟﻲ ﺳﻌﻴﺪ ...
ﺣﺎﻣﺪ : ﺳﻌﻴﺪ ﺍﻧﺎ ﻋﺎﻳﺰ ﺳﺎﺭﻩ ﺩﻱ ﻳﻮﻡ ﻭﺍﺣﺪ ﺑﺲ
ﺳﻌﻴﺪ : ﻫﻬﻬﻬﻬﻪ ﻛﺮﻫﺘﻨﻲ ﺑﺎﻟﺴﺆﺍﻝ ﺩﻩ ، ﺩﻩ ﻏﻴﺮ ﺃﻧﻬﺎ ﺷﻜﺖ ﻣﻨﻚ ﺍﻣﺒﺎﺭﺡ
ﺣﺎﻣﺪ : ﺷﻜﺖ ﻣﻨﻲ ؟؟ ﻛﺎﻥ ﻣﺎ ﻏﻤﺰﺕ ﻟﻴﻬﺎ ﺑﺲ
ﺳﻌﻴﺪ : ﻋﻤﻮﻣﺎ ﺍﺳﻊ ﻫﻲ ﺣﺎﻣﻞ ﻟﻤﻦ ﺗﻮﺿﻊ ﺑﻌﺰﻙ ﺑﻴﻬﺎ ﻭﺍﻟﻠﻪ
ﺣﺎﻣﺪ : ﺳﺎﺭﻩ ﺣﺎﻣﻞ ؟؟ ﻫﻬﻬﻬﻬﻬﻪ ﻃﻠﻌﺖ ﺷﻐﺎﻝ ﻭﺍﻧﺎ ﻣﺎﻧﺎﻗﺶ ﻭﻻ ﺷﻨﻮ
ﻳﺎﺳﻌﻴﺪ ؟؟
ﺳﻌﻴﺪ : ﻫﻬﻬﻪ ﺑﻄﻞ ﻳﺎﺥ ، ﺃﺭﺡ ﺃﺭﺡ ﻧﻨﺠﺰ ..
ﺣﺎﻣﺪ : ﻋﻤﻮﻣﺎ ﺍﻟﻠﻴﻠﻪ ﺍﺧﺮ ﻳﻮﻡ ﺍﻧﺎ ﺣﻨﺠﺰﻙ ﺑﺲ ﺗﺎﻧﻲ ﻛﺎﻥ ﻣﺎﻋﺰﻳﺘﻨﻲ ﺑﻲ ﺳﺎﺭﻩ
ﻣﺎﺑﻌﺰﻙ
ﺳﻌﻴﺪ : ﺻﻌﺒﻪ ﻳﺎﺣﺎﻣﺪ ، ﺑﺲ ﻧﺸﻮﻑ
...
ﺳﺎﺭﻩ ﺍﺛﻨﺎﺀ ﻣﺎﻃﺎﻟﻌﻪ ﻋﻠﻰ ﺑﻴﺖ ﻧﺎﺱ ﺃﻡ ﺳﻌﻴﺪ ﻳﻠﻤﺤﺎ ﻟﻴﻚ ﺣﺴﺎﻡ ﻣﻦ ﺑﻌﻴﺪ،
ﺣﺴﺎﻡ ﻳﺪﻭﺭ ﻋﺮﺑﻴﺘﻪ ﻭﻳﺠﺮ ﺑﺎﻟﻌﺮﺑﻴﻪ ﻋﺸﺎﻥ ﻳﻠﺤﻖ ﺳﺎﺭﻩ ﻭﺃﻭﻝ ﻣﺎﻳﺼﻼ ...
ﺣﺴﺎﻡ : ﺳﺎﺭﻩ ﺍﺭﻛﺒﻲ ﺑﻮﺻﻠﻚ
ﺳﺎﺭﻩ ﺗﺸﻮﻑ ﺣﺴﺎﻡ ﻭﺗﺘﺨﻠﻊ ﻭﺗﺘﺴﺄﻝ ﺩﻩ ﺍﻟﺠﺎﺑﻮ ﺷﻨﻮ : ﺡ ﺡ ﺣﺴﺎﻡ ؟؟ ﺑﺘﻌﻤﻞ
ﺷﻨﻮ ﺍﻧﺖ ﻫﻨﺎ ؟؟
ﺣﺴﺎﻡ : ﺍﺭﻛﺒﻲ ﻭﺑﺸﺮﺡ ﻟﻴﻚ
ﺳﺎﺭﻩ ﺗﺤﺒﺲ ﺩﻣﻮﻋﻬﺎ : ﺍﺭﻛﺐ ؟؟ ﺍﺣﺘﺮﻡ ﻧﻔﺴﻚ ﻭﺍﻭﻋﻰ ﻣﻦ ﺳﻜﺘﻲ
ﻃﺒﻌﺎ ﺍﻟﺸﺎﺭﻉ ﻛﺎﻥ ﻓﺎﺿﻲ ، ﺣﺴﺎﻡ ﻳﻨﺰﻝ ﻣﻦ ﻋﺮﺑﻴﺘﻪ ﻭﻳﻤﺴﻚ ﺳﺎﺭﻩ ﻣﻦ ﻳﺪﻳﻨﻬﺎ
ﻭﻳﺪﺧﻼ ﺍﻟﻌﺮﺑﻴﻪ ﻏﺼﺐ ﻭﺳﺎﺭﻩ ﺗﺼﺮﺥ ..
ﺣﺴﺎﻡ ﺑﺒﻜﻲ : ﻓﺘﺮﺕ ﺍﻧﺎ ﻭﺑﻔﺘﺶ ﻭﻗﺖ ﻭﻣﻜﺎﻥ ﺃﺷﺮﺡ ﻟﻴﻚ ﻓﻴﻪ ﺍﻟﺠﻮﻩ ﻗﻠﺒﻲ ﻣﻦ
ﺍﻋﺘﺰﺍﺭ ﻭﺍﺷﺘﻴﺎﻕ
ﺳﺎﺭﻩ : ﺍﻧﺖ ﻋﺎﺭﻑ ﺍﻟﺠﺮﻳﻤﻪ ﺍﻟﺒﺘﻌﻤﻞ ﻓﻴﻬﺎ ﺩﻱ ﺷﻨﻮ ؟؟ ﺍﻧﺖ ﺑﺘﺨﻄﻒ ﻓﻲ ﺑﺖ
ﻣﺘﺰﻭﺟﻪ ؟؟
ﺣﺴﺎﻡ : ﺳﺎﺭﻩ ﻋﺎﺭﻓﻚ ﺍﻧﺎ ﻣﺎﺭﺍﺿﻴﻪ ﺑﻲ ﺍﻻﻧﺘﻲ ﻓﻴﻪ ﺩﻩ ﺑﺲ ﻋﻠﻴﻚ ﺍﻟﻠﻪ
ﺍﺳﻤﻌﻴﻨﻲ
ﺳﺎﺭﻩ : ﻣﻨﻮ ﺍﻟﻘﺎﻝ ﻟﻴﻚ ﺍﻧﺎ ﻣﺎﺭﺍﺿﻴﻪ ؟؟ ﺍﻧﺎ ﺍﻛﺘﺮ ﺑﺖ ﻣﺒﺴﻮﻃﻪ ﻓﻲ ﺍﻟﺪﻧﻴﺎ ،
ﺳﻌﻴﺪ ﻣﻌﻴﺸﻨﻲ ﺃﺣﻠﻰ ﺩﻧﻴﺎ ﻭﻋﻠﻰ ﺍﻻﻗﻞ ﻣﺎﺑﻘﻮﻝ ﻋﻠﻲ ﻋﺎﻫﺮﻩ ، ﻋﻜﺴﻴﻚ ﺍﻧﺖ ،
ﻭﻟﻮ ﺳﻤﺤﺖ ﺍﻧﺎ ﺍﺳﻊ ﻣﺘﺰﻭﺟﻪ ﻭﻟﻮ ﻗﻌﺪﺕ ﻣﻌﺎﻙ ﺑﺎﻟﻮﺿﻊ ﺩﻩ ﻛﻮﻧﻲ ﻣﺘﺰﻭﺟﻪ
ﺑﺎﻟﺠﺪ ﺣﺎﻛﻮﻥ ﻋﺎﻫﺮﻩ
ﺣﺴﺎﻡ ﻳﺘﺤﺴﺲ : ﺍﻧﺎ ﻳﻤﻜﻦ ﻏﻠﻄﺖ ﻋﻠﻴﻚ ﻭﺍﻟﻨﺎﺗﺞ ﺍﻧﺎ ﺃﺳﻊ ﺑﻌﺘﺬﺭ
ﺳﺎﺭﻩ : ﺗﻌﺘﺬﺭ ﻟﻲ ؟؟ ﺑﻌﺪ ﻣﺎﺍﺗﺰﻭﺟﺖ ﻭﺑﻘﻴﺖ ﺣﺎﻣﻞ ؟؟ ﺍﻧﺎ ﺣﺎﻣﻞ ﻳﺎﺣﺴﺎﻡ
ﺣﺎﻣﻞ ،ﺍﺗﺎﺧﺮﺕ ﺷﺪﻳﺪ ﺍﻧﺖ
ﺣﺴﺎﻡ : ﻋﺎﺭﻓﻚ ﺣﺎﻣﻞ ﻳﺎﺳﺎﺭﻩ ﻭﻛﻨﺖ ﻣﻌﺎﻙ ﻓﻲ ﺍﻟﻤﺴﺘﺸﻔﻰ ﻟﺤﻈﻪ ﺑﻠﺤﻈﻪ ،
ﻭﻣﺘﺎﺑﻊ ﺗﺤﺮﻛﺎﺗﻚ ﺛﺎﻧﻴﻪ ﺏ ﺛﺎﻧﻴﻪ
ﺳﺎﺭﻩ ﺗﺪﻣﻊ : ﺧﻼﺹ ﺍﻧﺖ ﺗﺎﻧﻲ ﻋﺎﻳﺰﻧﻲ ﻟﻴﻪ ﻭﺟﺎﻱ ﻟﻴﻪ ﻭﻋﺮﻓﺖ ﺩﺭﺑﻲ ﻣﻦ ﻭﻳﻦ
ﺣﺴﺎﻡ : ﻋﺸﺎﻥ ﻏﻠﻄﺖ ﻣﻌﺎﻙ ﻳﺎﺳﺎﺭﻩ ﻭﻋﺮﻓﺖ ﺩﺭﺑﻚ ﻣﻦ ﺳﻼﻓﻪ ﻭﻫﺪﻑ ﺍﻟﺠﻴﻪ
ﻟﻴﻚ ﻏﻴﺮ ﺍﻧﻲ ﺍﻋﺘﺬﺭ ﻛﺎﻥ ﻣﻮﺿﻮﻉ ﻣﺪﺛﺮ ﻋﺸﺎﻥ ﺍﻋﺘﺮﻑ ﺑﻲ ﺟﺮﻳﻤﺘﻪ ﻭﺍﻧﺎ ﺟﻴﺖ
ﺃﺳﻮﻗﻚ ﻋﺸﺎﻥ ﺗﺪﻟﻲ ﺑﺸﻬﺎﺩﺗﻚ ،
ﻭﻋﺸﺎﻥ ﻣﺎﺗﻘﻮﻟﻲ ﻟﻲ ﺑﻨﺸﺮ ﺍﻟﻔﻴﺪﻳﻮ ﺍﻧﺎ ﻛﺴﺮﺕ ﺗﻠﻔﻮﻧﻪ ﻭﻣﺎﺗﺸﻴﻠﻲ ﻫﻢ ﻣﻦ
ﺍﻟﻨﺎﺣﻴﻪ ﺩﻱ ..
ﺳﺎﺭﻩ ﺗﺘﻔﺎﺟﺊ ﺑﻜﻼﻡ ﺣﺴﺎﻡ ﻭﺗﻔﺮﺡ ﻣﻦ ﺟﻮﻩ ﺑﺲ ﻣﺎﺗﺒﻴﻦ ﻟﻴﻪ ﻭﺗﻜﺬﺏ ﻋﻠﻴﻪ :
ﺃﺇﺍﺍ ﺳﻼﻓﻪ ﻛﻠﻤﺘﻚ ؟؟ ﺍﺍ ﺍ ﺍ ﺍﻧﺎ ﺍﺻﻼ ﻋﺎﺭﻓﻪ ﻭﺣﺮﺟﻊ ﺍﻟﺨﺮﻃﻮﻡ ﺑﺮﺍﻱ ﻣﻊ ﻧﻔﺴﻲ
، ﺍ ﺍ ﺍﻧﺎ ﻭﺳﻌﻴﺪ
ﺣﺴﺎﻡ : ﻋﻤﻮﻣﺎ ﺍﻧﺎ ﻣﺆﺟﺮ ﺍﻟﺸﻘﻪ ﺍﻟﺠﻤﺒﻜﻢ ﻟﻮ ﺍﺣﺘﺠﺘﻲ ﻣﺴﺎﻋﺪﻩ ﺍﻧﺎ ﺟﻤﺒﻚ
ﺳﺎﺭﻩ : ﻟﻮ ﻧﺰﻟﺘﻨﻲ ﻭﺑﻄﻠﺖ ﺗﺴﺄﻟﻨﻲ ﺑﺘﻜﻮﻥ ﺑﺎﻟﺠﺪ ﺳﺎﻋﺪﺗﻨﻲ ...
ﺳﺎﺭﻩ ﺗﻨﺰﻝ ﻣﻦ ﻋﺮﺑﻴﻪ ﺣﺴﺎﻡ ﻭﻗﻠﺒﻬﺎ ﺑﺎﻟﻔﺮﺣﻪ ﻳﺪﻕ ﻛﻮﻧﻬﺎ ﺷﺎﻓﺖ ﺣﺴﺎﻡ
ﻭﻋﻴﻮﻧﻬﺎ ﺑﺘﺪﻣﻊ ﻓﺮﺣﻪ ﻭﺣﺴﺮﻩ ﻋﻠﻰ ﺭﺩﻭﺩﻫﺎ ﺍﻟﻘﺎﺳﻴﻪ ﻟﺤﺴﺎﻡ ﻭﺗﺼﻞ ﺑﻴﺖ ﻧﺎﺱ
ﺍﻡ ﺳﻌﻴﺪ ﻭﺗﺘﻮﻧﺲ ﻟﻠﻤﺴﺎﺀ ﻟﺤﺪﻱ ﻣﺎﻳﻀﺮﺏ ﻟﻴﻬﺎ ﺳﻌﻴﺪ ﻋﺸﺎﻥ ﺗﺮﺟﻊ ﺍﻟﺒﻴﺖ ..
ﺳﺎﺭﻩ ﺗﺮﺟﻊ ﺍﻟﺒﻴﺖ ﻭﺗﻠﻘﻰ ﺳﻌﻴﺪ ﻭﻣﻌﺎﻩ ﺻﺤﺒﻪ ﺣﺎﻣﺪ ﺳﻜﺮﺍﻥ ﻟﻂ ..
ﺳﺎﺭﻩ : ﺩﻩ ﺍﻟﻤﻘﻌﺪﻭ ﻟﻠﻮﻗﺖ ﺩﻩ ﺷﻨﻮ ﻳﺎﺳﻌﻴﺪ ؟؟ ﺍﻧﺎ ﺭﺿﻴﺖ ﺍﻧﻚ ﺗﺠﻴﺐ
ﺍﺻﺤﺎﺑﻚ ﺑﺲ ﻣﺶ ﻟﺪﺭﺟﻪ ﻳﻘﻌﺪﻭ ﻟﻠﻤﺴﺎﺀ ﻭﻳﺴﻜﺮﻭ
ﺳﻌﻴﺪ : ﻣﻌﻠﻴﺶ ﻣﻌﻠﻴﺶ ﺍﺳﻊ ﻫﻮ ﺳﻜﺮﺍﻥ ﺧﺸﻲ ﺍﻟﻤﻄﺒﺦ ﺍﻋﻤﻠﻲ ﻟﻴﻪ ﻗﻬﻮﻩ
ﻳﺼﺤﻰ ﻭﻳﻤﺸﻲ
ﺳﺎﺭﻩ ﺗﺘﻐﺎﻅ ﻭﺗﺘﺪﺧﻞ ﺍﻟﻤﻄﺒﺦ ﺗﺴﻮﻱ ﺍﻟﺠﺒﻨﻪ ﻭﺳﻌﻴﺪ ﻳﺪﺧﻞ ﺍﻟﺤﻤﺎﻡ ﻳﺎﺧﺪ ﺩﺵ
، ﺣﺎﻣﺪ ﻳﻤﺸﻲ ﻳﻘﻔﻞ ﺑﺎﺏ ﺍﻟﺤﻤﺎﻡ ﻋﻠﻰ ﺳﻌﻴﺪ ﻣﻦ ﺑﺮﻩ ﻭﻳﻤﺸﻲ ﻟﻲ ﺳﺎﺭﻩ ﻓﻲ
ﺍﻟﻤﻄﺒﺦ ،
ﻭﺃﻭﻝ ﻣﺎﻳﺪﺧﻞ ﺍﻟﻤﻄﺒﺦ ﻳﻠﻘﻰ ﺳﺎﺭﻩ ﻣﻘﺒﻼ ﻋﻠﻰ ﺍﻟﺒﻮﺗﺠﺎﺯ ﻭﻳﻤﺸﻲ ﻋﻠﻴﻬﺎ ﻭﻳﻤﺴﻜﺎ
ﻣﻦ ﻭﺭﺍ ، ﺳﺎﺭﻩ ﺗﺘﺨﻠﻊ ﻭﺗﺸﻮﻑ ﺣﺎﻣﺪ ﻭﺗﺼﺮﺥ ﻭﺗﺪﻓﻖ ﺍﻟﻘﻬﻮﻩ ﻓﻲ ﻗﻤﻴﺼﻪ ..
ﺣﺎﻣﺪ ﻳﻌﺎﻳﻦ ﻟﻲ ﻗﻤﻴﺼﻪ : ﺍﻧﺎ ﺍﻟﻠﻴﻠﻪ ﺣﺎﻧﺠﺰﻙ ﺣﺎﻧﺠﺰﻙ
ﺳﺎﺭﻩ : ﻭﺍﺍﺍﺍﺍﺍﻱ ﺍﻟﺤﻘﻨﻲ ﻳﺎﺳﻌﻴﺪ
ﺳﻌﻴﺪ ﻳﺴﻤﻊ ﺍﻟﺼﻮﺕ ﺑﺲ ﺍﻟﺒﺎﺏ ﻛﺎﻥ ﻣﻦ ﺑﺮﻩ ﻣﻘﻔﻮﻝ ﻭﻳﺼﺮﺥ : ﺣﺎﻣﺪ ﻻ ﻳﺎ
ﺣﺎﻣﺪ ﺍﻓﺘﺢ ﺍﻟﺒﺎﺏ ﻳﺎﺣﺎﻣﺪ ﻣﺎﺗﻌﻤﻞ ﻛﺪﻩ ﻗﻠﺖ ﻟﻴﻚ ﺑﻌﺪ ﻣﺎﺗﻮﺿﻊ ﺍﻻ ﻭﻟﺪﻱ
ﻳﺎﺣﺎﻣﺪ ..
ﺣﺎﻣﺪ ﻳﻤﺴﻚ ﺳﺎﺭﻩ ﻭﻳﺤﺎﻭﻝ ﻳﺘﺤﺮﺵ ﺑﻴﻬﺎ ﻭﺷﻐﺎﻝ ﻳﺒﻮﺱ ﻓﻴﻬﺎ ﻭﺳﺎﺭﻩ ﺗﺼﺮﺥ
ﻭﺗﺸﻴﻞ ﺍﻟﻄﻮﻩ ﻭﺗﻀﺮﺑﻪ ﻓﻲ ﺭﺍﺳﻪ ﻭﺗﺠﺮ ﻋﻠﻰ ﻏﺮﻓﺘﺎ ﻭﺗﻘﻔﻞ ﺍﻟﺒﺎﺏ ،
ﺣﺎﻣﺪ ﻳﻀﺮﺏ ﺍﻟﺒﺎﺏ ﺑﻲ ﻛﺮﺍﻋﻪ ﻳﺤﺎﻭﻝ ﻳﻜﺴﺮﻩ ﻭﺳﺎﺭﻩ ﺗﺼﺮﺥ ﻭﻋﺎﺻﺮﺍ ﺍﻟﺒﺎﺏ
ﺑﺎﻟﺴﺮﻳﺮ ﻭﺗﻀﺮﺏ ﻟﻲ ﺳﻼﻓﻪ ﺗﻠﻔﻮﻥ
ﺳﻼﻓﻪ ﻧﻌﺴﺎﻧﻪ : ﺃﻟﻮ ﻳﺎﺑﺖ ﺻﺤﻴﺘﻴﻨﻲ ﻣﻦ ﺍﻟﻨﻮﻡ
ﺳﺎﺭﻩ ﺑﺘﺼﺮﺥ : ﺳﻼﻓﻪ ﻭﺍﺍﺍﺍﻱ ﺃﺿﺮﺑﻲ ﻟﻲ ﺣﺴﺎﻡ ﻳﻠﺤﻘﻨﻲ