رواية ليلة النعماني
الفصل التاسع والعاشر9و10
بقلم ميفو السلطان
كان فؤاد ياكل نفسه داخل المكتب وصديقه يحاول ان يهدئ من روعه.. ليها عين تجيلي.. دي عدت كل الحدود..
هنا تحدث صديقه.. فؤاد مش وقت غضب ايه اللي هيجبها وتقلك اوي كده وبثقه يا تعالجها يا تسيبها تموت.. البت هتموت وافرض..
قاطعه بغضب افرض ايه مافرضش مافرضش مانت واعي وعارف..
ليهتف صديقه. بس هيا ماتعرفش يعني غريبه انها تجيلك ..
ليصرخ فؤاد. يعني اروح اموتها واموت نفسي واموت بنتها عشان ارتاح.. قلبي بيتقطع يا كريم انا بقالي ست سنين بموت مش عارف انسي بتطلعلي في الاحلام بنت الكلاب دي.. انا هتجنن..
هتف كريم.. لازم تروح يا فؤاد ربك قادر علي كل شئ ولو البت ماتت ساعتها هتاكل نفسك اكتر..
ليهتف فواد.. قصدك اروح واعمل التحليل.. ماشي انا هروح بس عشان اثبتلك ان الو$خ هيفضل و&خ..( فعلا والله يا عم فؤاد يا غلبان) ... يلا..
ونتش مفاتيحه وتحرك هوا وصديقه بسرعه الي العنوان ليتحدد مصيره ومصير مايعتقد انها الخائنه في حكايته..ميفوميفو..
كانت ليله قد انهت عملها ورجعت عالمشفي هيا ومراد واحضرت بعض السندويتشات لياكل مراد وهيا معه كانت تحضر له كل حين واخر احد السندويتشات الفخمه هو واخته ولكن اليوم لم يكن معها المال الكثير فاحضرت بعض من الفول اذ ان فؤاد كابيه لا يحب الا سندويتشات الفول كما كان يقول لها.. دخلت وجلست في طرقه المشفي بجانب عنبر ابنتها فلا يسمحون لها بالمكوث كثيرا فتضطر الي ان تجلس بالخارج بعض الوقت ثم تذهب لبيتها لان حاله جميله خطيره لا تحتاج مرافق وتحتاح عنايه فكانت تدفع للممرضه لتمكث بعض الوقت..
استاذن مراد امه ليحضر بعض المياه من قاروره المياه اخر الطرقه..
وهنا حضر فؤاد ليجدها جالسه شاحبه ومنهكه فمسكها من دراعها وظل يهزها بغضب ويقول.. انت فاكره لما تعملي الحبتين دول هصدقك.. ايه الو$خ بتاعك رماكي بدري انا حيت بس عشان اعرف انك رخيصه عشان اقهرك واشوفك وانت بتتحسري ثم ضحك..
نظرت اليه باحتقار وهمت ان تنهره بغضب الا انه في تلك اللحظه احس بالم في قدمه من الاسفل.. فعند ذلك حضر مراد وخبطه بقدمه من الاسفل فتالم فؤاد واستدار ثم تدنت نظراته لتتسع عيناه من الصدمه.. كان فؤاد كأن صاعقه نزلت عليه وانخرس.
وهنا استدار مراد وزقه بعيدا عن امه وقال بغضب وصوت حاول ان يجعله ضخما.. مالك ومال امي يا جدع انت ماسكها كده ليه..
الا ان فؤاد ومعه كريم كان كأن علي رؤسهم الطير كانت ليله تنظر لهم بسخريه وكانت تحس وتعلم بمدي الصدمه ففؤاد نسخه من مراد.. ماترد يا جدع انت انت اخرس كان لسانه متبري منه ولا يخاف او يهاب احد. كان طفلا يتلبسه الرجوله.
هنا مسكته ليله وقالت له بس يا مراد اهدي يا حبيبي دا كان عايزنا نمشي عشان ممنوع نقف هنا...
قالها برضه َمايحطش ايده عليكي يحطها بتاع ايه ونظرات الحقد والكره تنبعث منه ونظرات الصدمه واللين باديه علي فؤاد..
تراجع كريم وسحب فؤاد معه الذي كان مسيرا تماما.. فيه ايه يا فؤاد متخشب كده ليه..
لم يعد يتحمل فجلس علي اول مكان وجده وقاله بقي مش عارف ليه..
قال كريم.. اه صح الشبه عالي بس لازم نعمل التحليل احنا كنا فاكرين انها عيله واحده طلعو اتنين يا فؤاد الموضوع مش سهل.
ليهتف فواد بقهر.. بس دا ابني يا كريم.. بص لعنيه بص لقوته ليدمع عينه شفت طابع الحسن بتاعته... الواد عينيه نار انا حاسس اني باصص في المرايه. دا انا يا كريم... انا حاسس لو شفت البنت هنهار.ايه اللي انا فيه ده يا مصيبتك يا فؤاد قلبي هيقف يا كريم .
ليهتف كريم بحده.. انت بتهزر يا فؤاد قوم اما نشوف هنعمل ايه..ميفوميفو .
قام فؤاد وتماسك وذهب الي حجره البنت ليجد ملاكا نائما ذا شعر كستنائي ومغمضه وشاحبه كانت جميله طفله براقه تخطف القلب وهنا لم يتحمل فؤاد وخرج والدموع في عينيه وخرج من المشفي كان الشياطين تطارده...
اوقفه صديقه اهدي يا فؤاد مش وقت انهيار.
قال له انهيار.. انت مش حاسس باللي انا حاسس بيه انا هتجنن انا بتقطع الواد اللي فوق ده ابني والبت ملاك ملاك يا كريم هتموت يا كريم كنت هسيب بنتي تموت..انا زباله لا زباله ايه انا اوطي من الزباله.. بنتي قاطعه النفس وابني ومراتي مزلولين وانا معايا فلوس تلال ماتتصرفش. مراتي حايه تتراجاني انجي بنتي ليه يا رب عملت ايه دانا ماشي بما يرضي الله عملت ايه.. (مقعد حربايه بديلين 😠)
قال له له كريم يلا بس نشوف الاول موضوع التحليل ونبقي نتكلم..
هتف فؤاد.. لا انا مش هعمل الواد اللي فوق ده ابني..
قال له... طيب تعال كلم ليله شوف هتعملو ايه هنا رفع تليفونه وكلم احد اصدقاءه عن جميله فقال له انه سيرسل له عربه اسعاف وفي خلال يومين تكون عامله العمليه ومؤقتا سيبعث له احد اطقم الاطباء عنده الي ان تنقل البنت.. قفل فؤاد وتجلد وحاول ان يبدو قويا.
ذهب الي ليله ليجدها تسند راسها من التعب علي المقعد وفي يدها احد السندويتشات لا تاكله اما مراد فكان يجلس بجوارها قاطبا حاجبيه وياكل في صمت.
اقترب وجلس امامهم وظل يحدق بهم وكان ينظر مراد اليه غاضبا.. وهتف.. ايه هتصورنا شكلنا عاجبينك..
فلاحت شبه ابتسامه علي جانبي فمه.. ولكنه لم يرد.. وهنا فتحت ليله عينيها.
وقف فؤاد وقال لها ممكن نتكلم... هزت راسها واشارت له ان يسبقها.
قام مراد منفعلا انت تعرفيه يا ماما...
نظرت اليه... مراد فيه حاجات انت لسه صغير ماتعرفهاش اللي قدامك ده هو اللي هيدفع فلوس عمليه جميله يبقي نهدي كده وبلاش طبعك ده اقعد هنا وكمل اكلك وانا دقيقه وجايه...ميفوميفو
ذهبت ليله اليه فقال لها.... انا كلمت مستشفي كبيره. خلال يومين البنت هتعمل عمليه..
فقالت له.... ومين قالك اني هوافق علي كده انت مين عشان تقرر كده.
نظر اليها مندهشا..
ليهتف.. ايه يا ليله انت مش جيتيلي عشان ادفع العمليه واديني جيت..
قالت له... والله حمدالله على السلامه دي حاجه جميله وبسيطه.. اقتربت منه وربعت يديها وقالت... انا جيت عشان تعمل تحليل ليكو ولما تلاقيها بنتك ساعتها تعملها العمليه....
ليصرخ بها.. انت مجنونه الواد اللي هناك ده ابني..
نظرت اليه بسخريه... تمام وبالنسبه للبنت اتاكدت ازاي.. انا امهم روح اعمل تحليل وتعالي اثبتلي انك ابوهم ساعتها هقبل انك تعالج البنت. انا ولادي ولاد حرام يا فؤاد بيه اثبت بقه انهم ولاد حلال وساعتها نتكلم.. غير كده اسفه ماقبلش فلوس من حد مالناش علاقه بيه وتركته وانصرفت ياكل نفسه من الغضب والصدمه.طيب يا ليله ذلي فيا كمان براحتك ..فسبحان الله اتي اليوم الكي سيزحف فؤاد النعماني حتي يثبت انه ابوهم بعد ان وصمو بالحرام فلتثبت انت بمعرفتك انهم من لحمك ودمك.
اقترب كريم... وقال له قدر موقفها يا فؤاد دي اقل حاجه ترد بيها كرامتها وكرامه ولادها.
قال له.. في ظرف كام ساعه يكون التحليل معمول فاهم يا كريم..
ليهتف... كريم حاضر حاضر بس اهدي.
ذهب كريم واخد من البنت خصله من شعرها وذهب الي فؤاد وفعل نفس الشئ واتجه الي احد المعامل ليسرع بنفسه العمليه..ميفوميفو
كان في تلك الاثناء حضر الكونسولتو ليراعو جميله لم تتحرك ليله من مكانها وجلست عالكرسي مسنده راسها كما هيا وبجانبها مراد يتميز من الغيظ..
كان فؤاد يتجول مع الدكاتره للاطمئنان علي ابنته وابتدت التحاليل وتجهيز جميله للعمليه.. حتي ياتي نتيجه التحليل وتوافق ليله علي نقل جميله..
جلس فؤاد امامهم يحدق بهم وينتظر علي احر من الجمر رجوع كريم لياخذ ابنته ويخرج من هذا المكان القذر.. كما يراه... ظل يحدق فيهم فمراد يضع راسه علي قدم امه وليله تسند راسها مغمضه عينيها وتشعر بالارهاق الشديد.. تاه فؤاد في منظرهم واحس بالوجع فوضع يده علي قلبه لعله يخف ذلك الالم ولكن هيهات وبدا في استرجاع مافعله بها وكيف رماها بالشارع مصابه وممزقه وليس لها احد.. ست سنوات تعمل وتصرف علي اولادها.. ست سنوات وحيده بطفلين ليس لها احد... كم انتقص وزنها.. مازالت جميله ولكنها شاحبه مكسوره ضعيفه.. سرح في وجههها وتذكر ايامهم معا وكان تعابير وجهه مابين الابتسام والعبوس وتسائل في نفسه يا تري بتكرهيني اد ايه يا ليله.. يا تري اللي عملته هيجي يوم وتسامحيني عليه..
وهنا قطب قليلا ثم فتح عينيه وقال امال التحاليل اللي اكدولي عليها دي ايه... امال اللي قهروني السنين دي كلها حصل ازاي.. عموما هنشوف اطمن علي بنتي وبعدين يعد الايام علي روحه اللي عمل كده.(نوها مش نيها 😂😂) ميفوميفو..
مر بعض الوقت تقريبا ساعه استيقظت ليله ولم تنظر اليه وذهبت للاطمئنان علي ابنتها كانت لا تعتبره موجودا فهو بالنسبه اليها ميت ماهوا الا مجرد مكنه فلوس لانقاذ ابنتها..
ظل هو يلاحقها بنظراته وعيون مراد الغاضبه تلاحقه.. قال مراد فجاه... علي فكره الراجل اللي يبص عالستات مايبقاش راجل...
هنا انفجر فؤاد ضاحكا من ذلك الشقي الذي علم انه سيتعب كثيرا في الاقتراب منه...
مرت اربع ساعات وكلمه كريم وقال انا في السكه والتحليل معايا النتيجه ايجابيه ميه في الميه نسبه التطابق..
كان فؤاد متاكدا اصلا وعلي الفور اتجه الي ليله الجالسه بهدوء فقام مراد ووقف امام امه.. وقال له نعم.. مش شايفها تعبانه والا عشان هتدفعلنا القرشين هتنطلنا هنا...
ابتسم فؤاد وقال لليله... ممكن دقيقه...
قامت بهدوء تاركه مراد يتمتم بغضب.. نظر لها وقال التحليل ايجابي يا ليله انا هنقل البنت دلوقتي..
قاطعته وقالت... هو فين التحليل..
ليهتف مسرعا.. كريم جاي كلمني...
استدارت وتركته وقالت... اما تبقي تمسكه في ايدك ساعتها يبقي ليك صفه تكلمني بيها غير كده ماتهوبش لا نحيتي ولا ناحيه حد فينا.. (ايوه كده اديله ابت خليه ياكل بعضه.) . ..
ليقف هو محصورا لا يستطيع ان ينطق.
في تلك الاثناء اتصل صاحب العمل ليخبرها ان هناك طلبيه لابد من توضيبها لتتنهد فهيا متعبه هالكه كان فؤاد جالسا.
ليسمعها تقول... ياسطي فكري انا بنتي تعبانه اجي ليه انا تعبت انهارده. لتتنهد طب والنبي بلاش انا انهارده بجد مش قادره بص بكره همسح المصنع كله بدل وفاء خلي وفاء تشيل.
كان فؤاد يحس ان قلبه ينغرز فيه سكاكين العالم.
لتتنهد حاضر يا اسطي فكري هقول ايه لله الامر. لتقوم. لتهتف... مراد يا حبيبي انا لازم اروح الشغل ساعتين زمن هتيجي معايا والا اوصلك البيت.
ليهتف.. ايه فيه شغل طب هاجي معاكي اساعدك اشيل معاكي انت تعبانه.
لتهتف... لا يا حبيبي انا كويس يلا بينا. لتستدير ليهب فؤاد... راحه فين متاخر كده.
لتنظر اليه باحتقار.. وانت مالك.
ليبتلع ريقه ليهتف... ليله انت راحه تشيلي ايه اقعدي انا موجود.
لتبتسم بسخريه.. لا والله طب يا سيدي حمدالله عالسلامه. عن اذنك.
ليهتف بقهر... يا ليله احنا متاخر انت ماعتيش محتاجه اقعدي انا موجود.
لتنظر اليه بقرف... انت عمرك ماكت موجود ولا هتبقي موجود.
لتتركه وترحل الي المصنع وهو القهر ينهش داخله ليشتعل وقلبه يحرقه ليذهب ورائها ويقف بعيدا يراقبها ليجدها تدخل وتقترب من احد كومات الكراتين وتجلس مراد الذي اعترض كان يريد ان يحمل معها ولكنه صغيرا.
لتبدا في شيل الكراتين كانت منهكه ويبدو عليها التعب ليحس بقلبه يكويه ليضرب علي مقود السياره ويصرخ.. ليه ليه ليه يتعمل فينا كده ليه. ليظل يراقبها ودموعه تنزل لا يستطيع ان يقترب فهيا لن تدعه.. ليهتف حقك عليا يا عمري حقك عليا يا واخده قلبي انا واطي وزباله حقك عليا هموت يا قلبي بتشيلي ايه وانت تعبانه صالبه طولك بالعافيه وانا قاعد اربي في لحمي واحزن علي عمري بخت كان ربنا خدك.. ليفكر في شئ كيف يجعلها تترك ذلك العمل الحقير.
ليجدها تنتهي وتجلس علي الارض وتحتضن مراد بقوه وتحني راسها كانت تستريح لفتره ليجدها تقوم مره اخري وتمسح مكان البضاعه كل ذلك ليمسك قلبه بحسرته يا حسره قلبك يابن النعماني يا قهرتك مراتك بتمسح ارضيات يا جاحد منك لله قلبي يا عالم القهره في قلبي اعمل ايه هموت البت مذلوله منك لله ذليت مراتك ياهبل مين عمل مين ليه ليه كان يصرخ اروح فين اروح فين بحرقه قلبي لتنتهي ليجدها تعود الي المشفي وتتهالك علي الكرسي ليجلس محصورا والقهره في قلبه كيف انذلت تلك السنين وهو يتمرغ في النعيم كيف كانت تشيل وهيا متهالمه فقط لتحافظ علي اكل عيشها كيف عاشت لا يتخيل مدي المرار الذي عاشوه ليجلس يضع يده علي راسه وقلبه ينزف دما.
مر الوقت وجاء كريم وجرى فؤاد . لياخذ منه التقارير كان متلهفا.. سبحان الله اصبح هو من سيشعر بالجنون حتي يثبت انهم اولاده وضعته في زاويه لا يحمد عليها.. انت من عليك ان تثبت .ميفوميفو.. جري عليها واعطاها التقرير فتحته ونظرت اليه ولكنها لم تتكلم وقامت وقالت له تعالي ورايا واتجهت الي حجرات احد الدكاتره... وقالت ممكن بعد اذنك تعرفني التحليل ده بيقول ايه.. هنا انصدم فؤاد من تصرفها واحس ببعض الاذلال لنفسه واحتقار لجعلها تصل الي تلك الحاله... قرا الطبيب وقال ده تحليل dnaوالتحليل مابين الاب والطفله متطابق بنسبه مئه بالمئه ابوها يعني.. شكرت الدكتور واستدارت بهدوء وقالت...
الفصل العاشر
استدارت له، وقالت دلوقت من حقك تبتدي اجراءات نقل البنت..
اسرع فؤاد من امامها لكي ينقل البنت الي احد كبري المستشفيات لتتم العمليه في خلال يومين.
اتت ليله مع ابنتها الى المستشفى واخذوا البنت لكي يجرو بعض التحاليل وجاءت احدى الممرضات لترشد ليله الى حجره البنت دخلت ليلى ومراد الى احدى الحجرات فوجدتها جناحا كبيرا مكون من ثلاثه سرائر منهم سرير معدل باحد الاجهزه وكان يوجد في الركن الاخر انتريه كبير وبجواره ثلاجه صغيره ممتلئه بكافه المشروبات.. ميفوميفو.
دخل فؤاد ليري ان كان هناك شيء ناقص ليجد ليله جالسه وبجوارها مراد في هدوء تام مر بعض الوقت لتسال ليلى مراد هل يشعر بالجوع فاشار اليها بنعم فاخبرته انها سوف تنزل تشتري له بعض الماكولات البسيطه وتعتذر لابنها لانها لم تستطيع ان تشتري له اطعمه غاليه وكل ما ستحضره بعض من السندوتشات الفول البسيطه لان ليس معها مال لانهم اخر الشهر ووعدته انه سوف يحصل على وجبه رائعه في اول الشهر عندما تحصل على مرتبها كاملا كل ذلك امام فؤاد الذي ينهش القهر داخله وهنا خرج فؤاد مسرعا و هو يشعر بالالم على ابنه وزوجته وما يمران به وهو من امتلات خزائنه بالاموال الطائله..ميفوميفو
ذهب الى خدمه الممرضات وطلب منهم ان يعد وجبات دائمه مميزه ويحضرها الى الجناح الخاص لجميله.
همت ليله ان تخرج قابلتها احدى الممرضات ومعها ترولي كبير عليه وجبتين وبعض الاشياء الاخرى لتخبرها ان هذه خاصه بخدمه الغرفه وان الغرفه مجهزه بالطعام الخاص بافراد الغرف فشكرتها ليله.
نظرا مراد فقال لامه.. هو الاكل ده كله بتاعنا يا ماما..
فهزت راسها واعطته وجبه ل يبدا في التهامها بنهم
ثم قالت... بص الثلاجه الصغيره فيها عصاير ممكن تاخذ منها لنفسك انهي مراد الطعام ليذهب الى الثلاجه واخذ احد المشروبات واستاذن ان ياخذ بعضا من الشوكولاته فابتسمت له واشارت بالموافقه
فقال لها مراد على فكره يا ماما عمو فؤاد ده كويس.. حلو يا ماما عمو فؤاد
فقالت له ليله باستغراب طب وانت عرفت اسمه منين
فقال لها... سمعت الراجل الكشري اللي كان معه وهو بينادي عليه هو راجل طيب بس بيبطل يبص على الستات لما يجي يا ماما. انا هاقول له بطل بص على الستات انت هتبقى كويس هو جاب لنا اكل و دفع فلوس عمليه جميله يبقى هو مش وحش يا ماما هو راجل طيب بس بتاع الستات معلش بقى لازم احذره...لابتسم ليله علي ابنها لتتنهد وتجلس. وبعد ان انهى مراد طعامه وشرابه صعد على السرير وغط في نوم عميق وجلست ليله تنظر امامها وتتامله متسائله ماذا يخبىء لها القدر..ميفوميفو
كان فؤاد قد اخر نفسه بعض الوقت لكي لا يشعرون بالحرج فدخل ليجد مراد نائما وهي جالسه حالمه لا تشعر بشيء فنظر الى الطعام لم يجد الا وجبه واحده قد انتهت هنا اتقدم ليها ببطء وحذر وقال لها انت مش هتاكلي..
نظرت اليه بعض الوقت تتامله وهي صامته ثم قامت له وقالت.. لا مش جعانه بس هانزل بعد قليل هشتري اكل
نظر اليها بدهشه وقال لها.... ليه والاكل قدامك اهوه ما بتاكليش ليه منه كان غاضبا بعض الشيء قال لها ايه هتنزلي برده تشتري سندوتشات فول..
فقامت واقتربت منه بهدوء وقالت له على فكره سندوتشات الفول دي اللي بتتريق عليها هيا اللي نجدتنا من الموت جعانين.. ربتنا و ربت اولادي ولحم اولادي منها.. فا ما تتريقش اوي و تقرف من حاجه احنا عيشنا فيها عمر ..
فهتف بهدوء.... الجناح ده معمول لنا احنا ليكي حق التصرف فيه زي مانت عايزه..
اقتربت منه اكثر وقالت له..... طب اسمع بقى يا فؤاد بيه عشان نبقى واضحين من الاول. البدايه كده ما فيش حاجه اسمها احنا ما فيش انا وانت في جمله مفيده ما فيش احنا نهائي... فيه انت واولادك اذا كنت انت موجود هنا فدا لاني عايزه كده انت هنا مجرد ممول للعمليه واب لاولادي بس لما اشوف هنتصرف ازاي في الموضوع ده فيا ريت نتعامل مع بعض على الاساس ده وكل واحد يعرف مكانه انت ابو اولادي فعلا بس انا اللي اقرر ايه اللي يتعمل وايه اللي ما يتعملش لان ولادي مش اولاد فؤاد النعماني ولادي اولاد محمود الحديدي اللي انا بعت عفش بيت امي وابويا عشان ادفع فلوس اشتري بيه لاولادي اسم ليهم عشان مايبقوش ولاد حرام.الامر هنا ليا انت مالكش صفه الا بموافقتي يا فؤاد بيه الجربوعه بتقولك مفيش احنا عارف. الخاطيه بتقولك مفيش احنا.. اللي مالهاش لا اصل ولا فصل بتقلك مفيش احنا. اللي كت بتتصرمح وبتنام مع الرجاله وفيها العبر بتقلك مفيش احنا.احنا دي اندفنت زمان احنا اندفنت مع كل خبطه في حيطة فلتك احنا انتهت مع كل سحل عالسلالم احنا انتهت مع كل ضربه حزام وكسر الايد. احنا انتهت مع فضحك لحد كل ذنبه انه حب. احنا انتهت من زمان واتقفل عليه الزمن وانهال عليه التراب. ربنا ليه حكمه ان البنت تتعب عشان اجيلك جايز عشانهم مايعيشوش من غير اب بس اي حاجه تانيه مفيش وتاني احنا دي ماتتقالش. احنا ماتت برميتك ليا في الشارع وولادي بقو ولاد حرام . فياريت خلي بالك من كلامك بعد كده متحطنيش في جمله مفيده معك في اي وقت واي زمن عن اذنك. ميفوميفو.
وتركت له الحجره وغادرت وهنا تصنم فؤاد وشعر بانه في وسط الثلوج وان بروده تجتاح جسمه من مدى قسوه كلامها ليعلم ان الطريق امام ليله مازال طويلا ليتهالك ويشعر بسلخات في عروقه وهنا اخذ قرارا انه يتقرب من اولاده و يكسبهم في صفه وسيكون لهم نعم الاب ثم بعد ذلك ستكون لليله النصيب الاكبر في القرب منه واقسم علي انه سيستعيد عشقها مره اخرى حتى لو كلفه ذلك روحه وانه سيصبر عليها حتى لو صعدت روحه بين يديها. ميفوميفو
خرجت ليلى مسرعه الى احدى الحمامات وضعت يدها على قلبها وتجري دموعها على خدها شعرت بالاستياء وفجاه قالت لنفسها مالك زعلانه ليه زعلانه على ايه مش ده اللي رماكي في الشارع بهدومك مش ده اللي كسرك ونعتك بابشع الالفاظ مش ده سبب اللي انت فيه مش ده االي قالك بتلزقيلي ولاد حرام خبطت ليلى على قلبها بس بقه وانت بتدق ليه كده عايز تخرج من مكانك ليه ده ابو عيالك ابو عيالك وبس ما لوش مكان ثاني في حياتك ومش هيبقى ليه مكان اجمدي يا ليله سنين و انت عامله زي الجبل بلاش تيجي على الاخر وتهيني نفسك مع واحد ما يستاهلش حاجه.... ميفوميفو
جلس فؤاد واضعا يده على راسه في الحجره يشعر بالام الشديد ويشعر بقله الحيله لاول مره في حياته.. وهنا دق تليفونه وكانت تلك العمه على الطرف الاخر تصرخ به انت فين يا فؤاد بقى لك يومين ما اعرفش عنك حاجه هتجنن يا ابني انت فين
تنهد فؤاد وقال لها معلش يا عمتي انا اسف هابقى اقول لك على كل حاجه بعدين في حاجات جددت وهاقول لك عليها.... (يا حزن الحزن ده هيقول لي الوليه العقربه على كل حاجه يا حزنك يا فؤاد يا اهبل يا ابن الاهبل)😬😬) ...
قالت له ما لك يا ابني صوتك مش عاجبني في ايه يا فؤاد طمني
قال لها طمني يا امي انا كويس و هابقى كويس وكلنا هنبقى كويسين ولما اجي احكي لك على كل حاجه بس تطمئني
فقالت طب يا فؤاد والنبي ما تتاخرش علي يا حبيبي عشان انا قاعده على اعصابي انا ما ليش غيرك يا ابني خلي بالك من نفسك يا حبيبي واغلقت الخط ثم ندهت علي قائد الحرس وقالت له لازم تقول لي فؤاد فين انا هتجنن ما اعرفش عنه حاجه.
قال..... يا مدام فيروز فؤاد بيه مع الحرس الخاص بتوعه وانا ما اعرفش هم فين.. فصرخت.. انت لو ما عرفتيش هو فين دلوقت انت هتبقى بره حالا.
اتصل قائد الحرس لاحد الحراس و علم ان فؤاد بيه معه سيده وابنتها مريضه في المستشفى وسيجري لها عمليه وده كل اللي يعرفه فذهب قائد الحرس واخبارها
فظللت تدور وتدور يا ترى مين دي يا فؤاد مين البنت دي مين الست ان حاسه ان قلبي هيخرج من مكانه.
ظلت تاكل في نفسها لازم اعرف لازم اعرف حالا فيه ايه بس اعرف ازاي والحراس بتوعه دول ما حدش يقدر يخترقهم قوي و يقرب منهم طب انا هفضل اهري و اكل في نفسي كده ده انا اموت محروقه لحد ما يجي... (الاهي تموتي يا بعيده محروقه ولا مقتوله ولا متفرفته منك لله يا رب تاكلي في نفسك لحد ما تموتي😎😎) ... لم يكن امامها الا ان تنتظر لتعلم ماذا يحدث. ميفوَميفو
اثناء ذلك الوقت اوصي فؤاد صديقه كريم ان يذهب الى صاحب العمل الذي تعمل عنده ليله ليعطيها اجازه شهر مدفوع الاجر ويعطيه بعض المال ليتكتم على ذلك ولا يعرف احدا فاتتصلت بها فوزيه لتبشرها بالخبر بانها ستاخذ اجازه شهر مدفوعات الاجر وهنا شعرت ليله بالسعاده القصوي وحمدت ربها ان صاحب العمل احن عليها وعلى ابنتها اخيرا رجعت ليله الى الحجره وهي سعيده لتجد مراد يستفيق من نومه.
دخل عليهم فؤاد متجهما صامتا ينظر اليهم بقهر شديد.
فاقترب منه مراد وامسك يده لينظر له فؤاد بدهشه وقال له... حبيت اشكرك على الاكل اللي جبته وعلى انك هتعمل العمليه لاختي انت راجل طيب بس انا عايزه اقول لك حاجه اقترب منه وهمس في اذنه وقال له عمو انت هتبقى كويس بس بطل تبص على الستات عشان حرام وابتعد عنه وابتسم له
وهنا اخيرا ابتسم فؤاد ليشعر بالفخر ان له ابن هكذا صغير كبير.. رجل صغير في هيئه طفل يفتخر به اي انسان يتمنى ان يكون ابن له.. مع انه لا يستحق ذلك.. ميفو ميفو.....
جاء وقت العمليه حضنت ليله ابنتها وقبلتها كما احتضنها فؤاد وقبلها و استودعتها الله و تمنى ان تعود ابنتها لها سليمه ظلت عمليه البنت اربع ساعات وليله على اعصابها تدور وتدور فحاولا فؤاد ان يقترب منها ويهدئها فنهرته لكي يبتعد عنها ويتركها وشانها.
فاقترب منه مراد و قال.. ما تزعلش معلش ماما لما بتبقى زعلانه بتتكلم كلام يزعل ما تزعلش يا عمو.
ابتسم له فؤاد وذهبا يجلسان بعيدا حتى خرجت جميله من العمليه وهنا هم الدكتور وبشرهم ان العمليه تمت بنجاح و انه لم يعد هناك اي خطر على حياه جميله.
هنا انهارت ليله اخيرا فسنينها اتعبتها كانت ترتعب علي ابنتها وانها في اي وقت ستضيع منها لتنهار وتنهار وتحس انها ستسقط من القهر ليندفع فؤاد ويشدها اليه بقوه ليعتصرها بين يديه وهيا تنتحب ومراد يقف لا يفهم شئ ليقترب ويشد امه ويهتف.. ايدك يا عم انت.
ليتنهد فؤاد بغلب فليله كانت مستكينه.
ليصعد مراد علي احد الكراسي ويحتضن امه ليخفق قلب فؤاد من ذلك الفتي الذي يشع رجوله فاجهشت ليله بالبكاء و حمدت ربها انه رد اليها ابنتها.
ا نقلت جميله الى العنايه واخبرهم الدكتور انه في خلال يومين ستنزل جميله الى حجرتها ليتم شفاءها ويتم رعايتها ذهب فؤاد الى الطبيب وطلب منه ان يبقى جميله في المستشفى اكثر وقت ممكن ربما شهر او اكثر لانه لو يغادروا المستشفى فلا يعلم ماذا سيحدث بينه وبين ليله...
مرت الايام ونزلت جميله الجناح وشعر الجميع بالسعاده وتعلقت جميله بفؤاد وتعلق هو بجميله حتى انهم لم يكونوا يصمتون وكانت ليله تراقبهم واحيانا تبتسم علي مشاغبه ابنتها لابيها ولكنها كانت تداري ذلك ولكن فؤاد كان يلاحظ ذلك بسهوله فهي تتصنع التجهم طول الوقت..
هنا تدخل مراد غاضبا قائلا لفؤاد وجميله هو احنا مش هنبطل الدلع الهبل ده فنظرت جميله اليه واخرجت لسانها
اما فؤاد فضحك فيه ايه يا مراد باشا انت زعلان ليه يا مراد؟
قال لا مش زعلان بس مش باحب الدلع الماسخ وجميله ما بتصدق حد يدلعها
قال.... جميله بنوته واي بنت تحب ان يدلعها حبايبها.
نظر اليه مراد قال له طب ما ماما بنت عمري ما شفت حد بدلعها
اطرقت ليلى وجهها في الارض خجلا من كلام مراد وشعره فؤاد بالالم من اجل حبيبته فهتف بخبث والله يبني فيه ناس هتموت وتدلعها بس هيا اللي قلبها جامد..
.رمقته بغضب وقامت وخرجت من الغرفه ووجهها احمر بشده..
هنا خرج فؤاد ورائها ليجدها تضع يدها علي قلبها ليبتسم ويقترب منها دون ان تحس ليقول ببراءه مالك يا ليله انت كويسه خير...
تجمدت مكانها وقالت له ايه مفيش حاجه...
قال... طب احنا مش جه الوقت اننا نقول للعيال اني ابوهم..
قالت..... وهتقلهم ايه معلش اتاخرت شويه علي بال ماكتشفت انكو ولادي بعد مارميت امكو في الشارع...
استجمع نفسه وعلم انها تريد ان تغضبه.. اكيد هنشوف حل.. ليله انا عارف اللي حاسه بيه.
لتنظر اليه بقهر.. عمرك يا فؤاد بيه ماهتحس اما تنذل وتترمي رميه الكلاب ويبقي في ايدك حتتين لحمه حمرا مش عارف تاملهم ساعتها هتحس.
ليتنهد ويصبر فهيا تؤلمه. ليهتف انا مش هحاسبك علي اي كلام تقوليه.
لتقاطعه تحاسب مين يا بتاع انت انت مين اصلا ايه البجاحه دي انا اقول ماقولش انا حره وهفضل طول عمري حره ماحدش كاسر عيني. اما تبقي ادتني جنيه واكلتني بجنيه تبقي تنطق يا بيه يا عالي.
ليهتف.. انا اهوه قاطم وسايبك تذلي فيا براحتك.
لتهتف.. اذل فيك.. بجد.. طب معلش حقك عليا دا شويه ذل. تعالي علي نفسك.
ليهتف.. انت ازاي بقيتي كده ليله انت مش كده.
لتنظر اليه بغل. كتر خيرك انت السبب في كل اللي انا فيه انت السبب في ذلي مش هقلك ربنا يكفيك شر الذل نفسي تدوق حسره القلب علي غدر الحبيب (هيدوق هيدوق 😭😭) ساعتها هتعرف يعني ايه غرزه. ووحله. انا جوازتي منك وحله.
لينظر اليها مبهوتا.
لتهتف ايوه وحله وغرزه. وحله اني ماتجوزتش راجل يصون لحمه. وحله اني اتجوزت راجل بيرمي عرضه في الشارع وغرزه اني انطعنت لدرجه ماعتش بحس تصدق سنين بتعدي زي المخبوطه مابحسش بالدنيا عايشه اربي ولادي وبس. بتقلي اتغيرتي. ماسالتش نفسك كنا بناكل ازاي بنام ازاي مستورين والا عريانين ماسالتش نفسك وانا بكتب اسم ولادي باسم واحد تاني كت حاسه بايه وشكلي ايه ودا يغمز ودا يبص. ايام وسنين امسح لما ايدي اتهرت واشيل لما ضهري انحني. عارف انا عندي حانيه الضهر اهون الف مره من حنيه الراس. انت مشتني من بيتك راسي محنيه بس انا خرجتي من بيتك رافعه راس ليا وحنيه ليك. انت اللي اللي محني وشايفاك محني. كنت بدعي عليك في كل صلاه واهوه ربنا ردلي حقي وموقفك قدامي مابتنطقش.
ليزيح بوجهه حتي لا تررى دموعه ليرجف قلبها فمهما كانت تقسو وتغرز كلماتها بداخلها شئ له.
ليهتف بصبر وتجلد.. انت كتي قايلالهم ايه.
لتتنهد بقهر وتهتف.. كت قايله انك مسافر ماقدرتش اقول انك ميت للاسف.
ليتنهد طب خلاص حقي يا ليله من فضلك نحي كرهك ليا في جنب اديني فرصه ادي ولادي حقهم. يا ليله ولادي حقهم اب حتي لو عمل االي عمله انا عندي حاجات هقولهالك بس بالله توافقي. لتطرق وتتنهد. ليهتف.. نقلهم ان كان فيه ظروف تمنعني .. طب بصي هنقلهم كنت مسافر. حبيت اعملها مفجأه ونزلت مخصوص عشان نعمل العمليه ومانقولش الا اما العمليه تنجح..
لتهتف.. عارف لو بأيدي كت خرجتك من حياتهم لانك ماتستاهلش. بس انا مش زيك ظالمه ولا جاحده. انا كل اللي يهمني مصلحه ولادي. لتتنهد وتفكر. طب وهتقول انك كنت فين..
ليهتف مندفعا.. هنقول كنا متخانقين خناقه كبيره...
لتقول.. طيب مع انه كلام اهبل بس ماشي..
ليهتف. دول عيال يا ليله اي حاجه هيصدقوها..ميفوميفو..لتتنهد وتستدير فمصلحه اولادها وحقهم فوق كل شئ دخل فؤاد ومعه ليله ليجد مراد يشاكس اخته
لتتكلم ليله وتقول لهم انا عايزه اقولكو حاجه مهمه وهنا نظر اليها اولادها باهتمام و....