رواية فارس ظلمتي الفصل العاشر10بقلم اسماء الطبلاوي
(كان فارس يستمع لكلمات امه دون اضافه كلمه واحده بصدمه واضحه على وجهه عندما سمع سر موت والده ووصيه والد شمس بزواجه من شمس هل كان يعلم ما سيحدث فتحدث فارس قائلا بصدمه...
فارس: كل ده انا معرفوش يا ماما واللي اسمه رضوان ده عايش متمتع بفلوسنا وفلوس شمس بعد ما قتل ابويا ومن غير ما يتحاسب... لا وكمان في احتمال ان هو يكون ورا حادثه موت ابو شمس والسبب في اللي حصل لها وكمان كان عايز يخليها تفضل عاميه بقيت عمرها والاخر تموت الراجل ده ايه شيطان.
شريفه بقلق: عمل ايه في شمس فهمني يا ابني انت قلقتني.
فارس: كان بيديها زفت دواء للحيوانات بدل دواها علشان تفضل عاميه والاخر تموت..
شريفه: يا لهوي يا ضنايا يا بنتي طب وانت عرفت كل ده منين يا فارس..
فارس: اهو عرفت وخلاص يا ماما والحمد لله لحقتها قبل ما حالتها تسوء.
شريفه: يبقى فعلا عز كان عنده حق.. زمان لما شاف حبك لشمس وخوفك عليها قالي الواد ده هيطلع راجل وهيقدر يحمي حقوق بنتي لما تكبر الله يرحمك يا عز..
فارس: معقول انا كنت بحب شمس امال انا مش فاكر اي حاجه من الكلام ده ليه...عموما انا كده في حاجات كتير بدات توضحلى بس ورحمه ابويا وابوها لا ادفع رضوان الكلب التمن غالي وبكره تشوفي وتسمعي..
( دخل فارس الى غرفه شمس وجلس جوارها وهو يعتزم ان يتحدث معها قليلا لتتضح امامه بعض النقاط التي كان يريد ان يعلم حقيقتها منها فقام بايقاظها قائلا..
فارس: شمس.. شمس لو سمحتى اصحي محتاج اتكلم معاكي شويه.
( اعتدلت شمس في جلستها تفرك عينيها بنعاس قائله..
شمس: ايوه يا فارس في حاجه ولا ايه انت كويس.
فارس: شمس انا تعبان وراحتي عندك انتى عايز اسالك سؤال بسيط وتجاوبي بصراحه..
شمس بقلق: سلامتك يا فارس لو راحتك عندي مش هتاخر واسالني براحتك..
فارس: شمس هو انا ايه بالنسبه ليكى.. يعني حاسه بايه من ناحيتي..
(احمر وجه شمس خجلا من السؤال فهي لم تتوقعه لتجيب باحراج..
شمس: هو انا غلطت في حاجه يا فارس ولا ايه انت زعلان مني.
فارس: لا ابدا انا عايز اعرف انا ايه بالنسبالك وحقيقه شعورك ناحيتي ايه بس.. مش زعلان منك ولا حاجه.
شمس: لو قلتلك الحقيقه يا فارس انت هتزعل مني وانا مش مستعده ان انا اخسرك بصراحه..
فارس: ليه بس يا شمس انا عايزك تعرفي ان مهما كان ردك ايه هفضل جنبك برده وده وعد.
( خفضت شمس راسها بخجل وقد اكتسى وجهها باللون الاحمر اكثر لتقول بخفوت..
شمس: بصراحه يا فارس انا من اول ما عرفتك وانا معجبه بيك وبشخصيتك بس اللي كنت حاسه بيه كنت بخاف اقولهولك.. برغم اني حاسه اني اعرفك من زمان ومطمنه وانا جنبك بس اتفاقنا اللي ما بينا بيلغي ان انا احبك زي ما انت قلتلي.. 😔بس سامحني يا فارس ما قدرتش اعمل كده غصب عني حبيتك طريقتك في الكلام معايا كانت بتقول لي فوقي ده بيكرهك.. ورغم كده برده فضلت احبك اعمل ايه يا فارس والله حبيتك غصب عني..
( كان فارس يسمع ما تقوله شمس مدمع الاعين ودون ادراك تقدم من شمس مقبلا اياها ملتهما شفتيها في قبله طويله عازبه مليئه بالمشاعر والدموع ثم ابتعد عنها قليلا وامسك وجهها بين كفيه قائلا..
فارس: انا كنت بعاند نفسي ما كنتش فاهم اللي بحس بيه وانا جنبك ده يبقى ايه... اتعودت على المسؤوليه في سن صغير وده خلاني جامد وناشف ما اعرفش كلمه حب لحد ما انتى دخلتى حياتي يا شمس ومليتيها نور.. دلوقتي بس اقدر اقولك معنى البوسه دي😘 معناها اني بحبك وبحبك قوي يا شمس وعمري ما هسيبك..
(ارتمت شمس في الحال بين احضان فارس تاركه لدموعها كامل الحريه لتنهمر على وجهها بغزاره وهو يحتضنها بقوه ويحتويها قائلا..
فارس: كفاية يا شمس.. دموعك دي بتموتني وبتحسسني قد ايه انا كنت غبي..
شمس: اوعى تقول كده تاني انت مش غبي انت حبيبي وسيد الرجاله كمان...🙈 عارف يا فارس انا دلوقتي بتمنى ان انا اشوف بجد اكثر من اي وقت عدى علشان اشوف الحب في عينيك ليا واصدق انك بتحبني بجد..
فارس: انا بحبك فعلا يا شمس بس انا هثبتلك اني بحبك من قبل حتى ما تشوفي وقريب قوي ما فيش بقى بوسه تصبيره لحد ما اثبتلك 😉
(وهناك عند رضوان في غرفته كان جالس مع زوجته وناديه اخته ليتحدث بغضب قائلا..
رضوان: خلاص الواد ده جاب اخره معايا ياخد ملف شمس قدام عيني ويضيع اخر امل ليا... وديني لا اقتله..
ناديه: عندك حق يا رضوان ده انا بقالي يومين هنا والواد ده بيتجاهلني كاني مش موجوده وكان البيت بيته..
نعمات: انا حذرته كثير يا ناديه ما عبرنيش اللي في راسه في راسه لازم تخلص منها هي الاول..
رضوان بعصبيه: افهمي بقى يا نعمات.. هي من غيره ولا تسوى دي مستقويه بيه ولو اختفى هقدر اسيطر عليها تاني زي الاول..
ناديه: فوق يا رضوان وخلصنا من فارس الزفت ده وبسرعه لازم شمس تفضل عاميه احسن تفتح عليك انت..
رضوان باصرار: وحياتك يا ناديه ما تخافي لو وصلت اني اقتله بايدي هقتله حتى لو هتحبس كمان هقتله.. وخلاص ده قرار من بكره يبقى جاهز بقى علشان انا هبدا العب.
( وفي احد الكافيهات على البحر كان يجلس شادي امام سكر مرتبك يفرك يديه بتوتر فى فمه كلام لا يستطيع البوح به فلاحظت سكر توتره لتقول..
سكر: شادي احنا بقالنا نص ساعه قاعدين نبص في وش بعض وبس شربنا عصير🍷 وقهوه ☕وشاي🍮 وقربنا على الغداء🥘 مش ناوي بقى تقولي ايه السر اللي انت جايبني هنا علشانه انا زهقت من القاعده دي..
شادي: انا عايز اسمعك انتى يا سكر..انا سبق وقلتلك عن كل حاجه تخصني.. وقلتلك اني بحبك وعايز اتجوزك ولسه لحد دلوقتي مستني ردك..
سكر: على فكره انا بتكسف يعني☺️ مهما كنت ببان جامده وبهزر بس انا برده في الاول وفي الاخر بنت وبتحرج ولا انت شايف ايه..
شادي: انتى مش بنت يا سكر..
سكر: نعم 😳
شادى: انتى ست البنات كلهم..
سكر: اااااه☺️
شادي: انا قبل كده قلتلك انك انتى السبب في تغييري بطلت سهر.. وبطلت شرب.. وبعدت عن اي حاجه عارف انها بتضايقك.. وكل ده بسببك عشان بحبك ومش عايز اخسرك..
سكر: والله يا شادي انا مش عارفه اقولك ايه بس المواضيع اللي زي دي يعني العريس بيروح لاهل العروسه ويطلب ايدها منهم مش بيقول لها هي🙄
بس واضح انك ما عندكش خلفيه خالص عن الموضوع😏
شادي بفرح: عريس😳 انا عريس😳 يا لهوي ياما🥴 اخيرا هبقى عريس وانت هتبقي مراتي😍 انا هروح طيران لفارس اكلمه يخرب بيت جمال امك❤
سكر: ولاااااا... استنى يلاااااا..... يا شادي وصلني البيت طيب اول... مجنون🤦🏻♀️😂
( وفي احد المناطق المظلمه في محافظه الشرقيه كان يقف رضوان مع احدهم يتحدث معه بغموض وكان الحوار كالتالي..
رضوان: زي ما فهمتك انا عايز الفرامل تبقى مهلبيه ولا كانها موجوده.
مجهول: بس كده ممكن يموت وانت عارف اللي فيه احنا ما اتفقناش على كده..
رضوان: بقولك ايه انت قابض على قلبك مبلغ قد كده... الشغل ما فيهوش عواطف ولا يموت ولا ما يموتش واحنا ما اتفقناش على حاجه غير انك تنفذ اللي انا اقوله وبس..
مجهول: بس لو الموضوع فيه موت زي ما بتقول يبقى هتفرد ايدك ب 100 الف كمان بقى..
رضوان: ده انت طلعت كلب فلوس فعلا.. بص انا هديك اللي انت عايزو.. بس بكره بالليل او بعد بكره الصبح بالكتير نبقى قاعدين كلنا بنقرا الفاتحه على روحه.
مجهول: اطمن طالما هتراضيني اعتبر الموضوع خلص.. انت هتدفع.. وانا هنفذ..
رضوان: وساعتها بقى نبقى نشوف ست شمس هترفع عينها فيا ازاي..
( وفي الصباح هناك يقف فارس على راس العمال العاملين بارض شمس يقوم بسرد التعليمات عليهم ويشرف على كل شيء وحالة الارض تتحسن.. حتى شعر فارس بيده توضع على كتفه من الخلف وما كانت الا رنا قائله..
رنا: الله ينور يا باش مهندس تسلم ايدك بصحيح الارض بقت هايله..
فارس بسخريه: تسلم ايدي على ايه.. هو انا عاملك صينيه بسبوسه يا هانم... ده شغل يا انسه.. وبعدين انت ايه اللي جابك هنا اصلا وعايزه ايه..
رنا: عايزاك انت.. عايزه مصلحتك فوق لنفسك وشوف مصلحتك مع مين شغل دماغك علشان تعدي.. لزقتك لشمس مش جايبه همها ومش هتطلعك لقدام..
فارس:😂 والله العظيم انتوا حكايه.. ده انتوا طلعتوا عيله ما يعلم بيها الا ربنا.. بس تعرفي انا كنت صح من اول ما وقعت عيني عليكى وانا فهمتك على طول..
رنا: فهمت ايه بقى وشفت فيا ايه بعينيك الحلوه دي😉
فارس: فهمت انك واحده انانيه ما بتحبش غير نفسها.. وغبيه علشان فكرتي ان وقفتي جنب شمس عايز من وراها مصلحه.. وزباله عشان فكرتى ان واحد زي انا ممكن يطب ورا واحده رخيصه زيك يا انسه رنا...
رنا: انت ايه اللي بتقوله ده يا حيوان....انت مش قد الكلام اللي بتقوله ده يا فارس.. فوق لنفسك واعرف بتكلم مين😡
فارس: هكون بكلم مين يعني😒 اصحي يا حلوه لكلامك وافهمي... اللى بتعمل زيك كده عارفه بنسميها ايه عندنا.... ولا بلاش انا برده متربي.. غوري بقى من وشي قبل ما افكر اقولك كلام ما يليقش بتربيتي..
( وهناك في غرفه ناديه بعد ساعه من لقاء رنا بفارس كانت رنا تتحرك في الغرفه ذهابا وايابا تنفجر غضبا تحطم كل ما تقع عليه عينيها بغل قائله..
رنا: انا يا ماما يقولي الكلام ده انا رخيصه.. وفي الاخر يطردني كمان انا هتجنن هو شايف فيها ايه احسن مني...
ناديه: اهدي يا رنا مش كده... اعصابك يا حبيبتي طلعيه من دماغك بقى..
رنا: مستحيل يا ماما انا عاوزاه ليا.. ويا يبقى ليا يا يموت بس شمس مش هتاخده..
ناديه: انا عارفه فارس ده شايف فيها ايه ما عندوش نظر صحيح..
رنا: دي عاميه يا ماما... عاميه... وبرده مصمم يفضل جنبها انا يسيبني بكل الجمال والانوثه دي💃 ويفضل لازق جنب اللي ما بتشوفش.. انا هطق..
ناديه: بعيد الشر عنك يا حبيبه ماما.. اصبرى بس وانتى تشوفي خالك هيعمل فيهم ايه.. ده ناويلهم على نيه سودا...
رنا: انا مفيش حاجه حطيت عيني عليها ما طولتهاش وشمس مش هتنتصر عليا مهما حصل والواد ده بقى يا ليا فيه يا هخفيه.