رواية فارس ظلمتي الفصل الحادي عشر11بقلم اسماء الطبلاوي
(بعد عوده فارس الى المنزل متعبا صادف دادا حسنيه عند صعوده السلم واوقفته تجذبه من يده لمكان غير مرئي تحدثه بخوف قائله..
حسنيه: الحقني يا ابني رضوان بيه عند شمس في اوضتها وجايب لها دواء بدل اللي خلص ومصمم يديهولها بنفسه وشمس متربسه بؤها و عماله تعيط..
فارس: ايه.... ازاي الكلام ده... ما كلمتنيش ليه يا دادا اوعي بسرعه.
( ركض فارس الى غرفه شمس مسرعا ليفتح الباب مقتحما الغرفه ليجد رضوان ممسكا براس شمس يحاول وضع احد الاقراص في فمها رغما عنها وهي تقاوم فانقض عليه فارس ممسكا اياه من رقبته قائلا..
فارس: انت بتهبب ايه. عايز ايه منها يا رضوان فهمني..
رضوان: رضوان كده حاف من غير بيه ولا حاج.. عيب يا فارس سيب رقبتي انا قد ابوك.. هو انا معقول هأذي شمس..
فارس: ما تقولش زي ابويا يا رضوان.. وبعدين الدكتور بتاعها غير نوعيه الدواء بتاع شمس عشان كده رفضت تاخده وبعدين انا منبه عليها ما تاخدش غير الدواء اللي انا اجيبه واديهولها بنفسي كمان ايه رايك.
رضوان: طيب يا فارس وانا اعرف منين مش تبقى تقولي.. على كل حال ابقى قولي اسم الدواء وانا اجيبهولها من عيني هو انا قصرت.. ولا عشان يعني اختلفنا شويه وزعلنا من بعض يبقى تفكر ان ممكن اضرها..
فارس: ولا تفكير ولا حاجه وما تتعبش نفسك شاكرين افضالك اتفضل يلا اطلع بره وثاني مره رجلك ما تعتبش الاوضه دي ولا تلمس مراتي مره ثانيه..و افتكر اني حذرتك..
رضوان: كده يا فارس ماشي كل شيء وليه اخر وانا مش هسكت كثير... سامع مش هسكت كثير
( خرج رضوان من الغرفه صافعا الباب خلفه فالتفت فارس لشمس مسرعا فوجدها لا تزال تضع يديها فوق فمها مغلقه اياه بقوه وتبكي بشده فاقترب منها مطمئنان لها يحتضنها وهو يقول..
فارس: اهدي يا قلبي خلاص انا هنا وما حدش يقدر ياذيك عشان خاطري بلاش عياط..
شمس ببكاء: شفت يا فارس كان عايز يديني الدواء غصب عني مع اني قلتله انك قلتلي ما اخذش علاج غير من ايدك بس هو اصر هو ليه بيعمل كده يا فارس ليه.
فارس: قريب اوي يا حبيبتي هتعرفي هو بيعمل كده ليه... وغلاوتك عندي ما هخلي حد يجي عليك ثاني ولا يئذيك واللي هيفكر بس يمد ايده عليكى هتبقى نهايته خليكي واثقه فيا انا محتاجك جنبي قوي الفتره الجايه وعايزك تساعديني..
شمس: انا معاك يا حبيبي وتحت امرك في اي حاجه هتطلبها مني.
(وبعد مرور يومان كان فارس يقف وسط اراضي شمس الواسعه يطوق شمس بذراعيه بحب محدثا لها وهو يشير بيديه ممسكا يدها قائلا..
فارس: اهو يا ستي الارض دلوقتي نقدر نقول عليها انها على اخر السنه هتنتج احسن محصول في البلد كلها..
شمس: ربنا يخليك ليا يا حبيبي لولا انك وقفت جنبي وراعيت الارض كان زمانها ماتت وكان زماني انا كمان مت وراها اصلك ما تعرفش الارض دي عندي ايه.
فارس: بعيد الشر عنك يا شمس بلاش تجيبي سيره الموت ثاني ولو على الارض يا ستي ما تقلقيش عليها اي حاجه انتى بتحبيها هحطها في عينيا زي ما انت كده جوه قلبي و جوه عينيا ولا هو قلبي مش كفايه عليكى.
شمس:ازاى...ده قلبك ده هو القلب اللي انا عشت عمري ادور عليه... ومش مستعده اضيعه تاني مهما حصل... تعرف يا فارس انا نفسي اشوفك اوي لو حتى ربنا يرجعلي نظري يوم واحد او ساعه واحده اشوفك وارجع عاميه تاني هبقى راضيه..
فارس: الصبر يا شمس.. مش عايز منك غير الصبر ومش هتشوفيني انا وبس لا هتشوفي الدنيا كلها وتتمتعي بكل حاجه اتحرمتى منها ومش يوم واحد العمر كله..
( كان فارس يقف يتحدث مع شمس حينما تقدم منهم عمر قائلا.
عمر: وانا اقول الدنيا منوره كده ليه اتارى شمس هانم بنفسها عندنا....
شمس: مين يا فارس اللي بيتكلم انا زي ما اكون سمعت الصوت ده قبل كده...
فارس: ده عمر البنهاوي صاحبي اعتقد دار ما بينكم كلام يوم ما جيتي عندي البيت قبل كده.
شمس: اه فعلا افتكرت اهلا يا استاذ عمر شكرا على ذوقك..
عمر: لا شكر على واجب ده فارس اخويا ومراته تبقى اختي برده..
فارس: اه انا برده بقول كده عموما تعتبرها اختك احسنلك.. ها حضرت العربيه..
عمر: العربيه بره جاهزه وفي انتظاركم من بدرى.. بس للاسف السواق مشي..
شمس: لا يا فارس والنبي مش عاوزه اركب العربيه عايزه اتمشي.
فارس: استني بس يا شمس... هو السواق مشي ليه يا عمر عجيبه يعني من امتى وهو بيمشي قبل ما يرجعني..
عمر: ما اعرفش هو صمم ان هو يمشي وقال ان عنده ظروف ولازم يروح..
شمس: خلاص بقى يا فارس اهو روح... انا بقولك عايزه اتمشي..
فارس: بس يا حبيبتي انا مش عايزك تتعبي من المشي..
شمس: لا يا حبيبي مش هتعب ولا حاجه المسافه مش بعيده نفسي اتمشى معاك شويه..
عمر: لو بتقولي كده عشان السواق مشي يعني انا ممكن اوصلك...قصدى اوصلكوا خصوصا ان الجو برد دلوقتي لو عايزين يعني..
فارس: خلاص يا عمر انت مالك احنا هنتمشى وارجع انت بالعربيه..
عمر: انا خطوتين وهبقى في البيت ..
فارس: تمام يلا اشوفك بكره بقى.
(وقف عمر ينظر فى اثرهم وهو يقول...
عمر: شمس دى مزة.. مزه.. بجد يلا ملناش نصيب..
(بينما فى قصر ال مهران وفي غرفه شريفه كان شادي يجلس امامها هو وسكر يتحدثون وكان الحوار يدور بينهم كالتالي..
شريفه: ها يا ابني كنت بتقول عايزني في موضوع مهم ولحد دلوقتي قاعد بتبحلق فيا وساكت هو في حاجه ولا ايه..
شادي: لا يا طنط مفيش حاجه في الحقيقه انا كنت هكلم فارس بس هو اليومين دول مشغول فقلت اكلمك اول لحد ما هو يروق انا في الحقيقه طالب ايد الانسه سكر.. عايز اتجوزها يعني.... اقصد اخطبها... علشان اتجوزها....بمعنى ان......
شريفه:😂 بس بس فهمتك يا ابني متلخبط ليه كده انا عن نفسي فاهمه كل حاجه من زمان وموافقه كمان ده طبعا بعد موافقه فارس وسكر..
سكر: ها🙄 انا مش فاهمه اصلا يا ماما هو بيتكلم عن ايه انا اول مره اسمع منه الكلام العجيب الغريب ده.. انت بتقول ايه يا عم انت....
شادي: نعم نعم😳 يعني ايه بقى انتى مش قلتيلي كلم اهلي... ايه هو كلام عيال...
شريفه:😂 لازم تتعود على كده يا شادي دي سكر ما تعرفش تتكلم بجد ابدا...
شادي:اه بحسب... المهم انك موافقه يا طنط وسكر عيله ومقدور عليها😏 فاضل بقى البوص الكبير يلا ربنا يستر... استعنا على الشقا بالله..
( دخل فارس وشمس الى المنزل يتحدثون ويضحكون وكان رضوان ونعمات وناديه ورنا يجلسون في الصالون حينما قال فارس لشمس بضحك...
فارس:😂 لا ده انتى طلعتى جامدة.. قطعتى نفسي جرى خليتيني جوعت..
شمس: دلوقتي اما نطلع هتلاقي دادا محضرالنا وليمه😋 عشا محترم يعني.. تيجي اسابقك لفوق...
( فقطع حديثهم صوت رضوان يقف متعجبا موجها الكلام لفارس قائلا....
رضوان: ايه ده انت هنا.... انتوا جيتوا... ازاي قصدي فين العربيه مجتوش بيها ليه.
فارس: وايه الغريب يعني في اننا هنا مش فاهم... الجو حلو فتمشينا لحد هنا عادي يعني... ما جيناش بالعربيه سيبناها هناك..
رضوان: لا انا مش قصدي كده.... اقصد يعني ان مش كده تعب على شمس ولا ايه...
فارس: لا ملكش دعوه بشمس اظن انك مش هتخاف عليها اكثر مني.
ناديه: خلاص يا رضوان سيبهم براحتهم ده واضح ان ما فيش فايده فيهم..
فارس ساخرا: ايوه بالظبط كده اسمع كلام تنت😁 ولم الدور... اه ومن الحق اختار كلامك معايا يا رضوان وبلاش صيغه الامر علشان ما ازعلش منك اصل زعلي وحش..
(جلس رضوان في غرفته يتحدث مع احدهم عبر الهاتف قائلا...
رضوان: يعني فارس راجع اهو عادي على رجليه صحته تهد جبال هو ده اتفاقنا برده..
مجهول: انا قلتلك اللي حصل وبعدين اصبر شويه هي الدنيا طارت صربعتك على الموضوع دي هي اللي هتفضحنا....
رضوان: وحياه امك😡 انت هتعملهم عليا انت واخد فلوس بعدد شعر راسك على اساس انك هتنفذ وخلال يومين... ودلوقتي بقى معدي اربع ايام وهو داخل خارج على كيفه يحرق في دمي ودم اللى خلفونى.. هتنفذ امتى..
مجهول: سيبلي الموضوع ده وانا هتصرف فيه اول ما الاقي وقت مناسب هنفذ بس بطل تزن كتير مش قدامك غير انك تستنى انا يومها مشيت وما اعرفش حصل ايه...
رضوان: انا عايزك تنجز باسرع وقت وخليك على اتصال يلا سلام.
( اغلق رضوان الهاتف محدثه لنفسه قائلا: لسه ليك عمر يا فارس الكلب..
( بعد مرور اسبوعان كان فارس يجلس مع والدته هو وشمس وسكر فقالت شمس موجهه الحديث الى شريفه.....
شمس: والله يا ماما..و اسمحيلي اقولك يا ماما... انا مبسوطه قوي بوجودكوا هنا معايا مخليني احس ان مفيش حاجه ناقصانى ولا حتى نظري..
شريفه: طبعا يا بنتي قوليلي يا ماما .. وربنا ينورهالك يا ضنايا واحنا جنبك برده ربنا يعلم معزتك في قلبي زي سكر تمام..
فارس: بمناسبه سكر يا ماما انا شادي كان اتكلم معايا في موضوع كده وانا ما رضيتش اديله عقاد نافع الا ما اسال واتاكد... ها رايكم ايه...
شريفه: انا عن نفسي موافقه 😂ما انت فاهم يا فارس سبحان الله
سكر: انا مش فاهمه بتتكلموا عن ايه🙄 وفارس فهم ايه ها فهموني...
شمس: انا كمان مش فاهمه حاجه خالص شادي كان عايز ايه يا فارس ...
فارس: انتى اه ممكن ما تعرفيش يا شمس بس السكر فاهمه كل حاجه وبتصيع... وعلى اي حال شادي طيب وجدع وانا موافق برغم ان انى كهربته..
شمس: انت قصدك ان شادي عايز يتجوز سكر😳 بجد لا انا مش مصدقه...
سكر: مش مصدقه ليه يا اختي عشان يعني كان فلتان وصايع وبتاع نسوان 😉عيب يا بنتي ده انا سكر اغير العفريت..
فارس: ما انتى فاهمه اهو وعماله تغيري في الواد ومطلعه عينه ده انتى...
شريفه: الحمد لله انا كده اطمنت عليكم الله يرحمه طول عمره كان عنده نظره للامور وبرغم البعد اللي حصل بس برده اللي هو كان عايزه واللي ربنا عايزه تم.