رواية بنت ليل
الفصل الخامس عشر15
بقلم هدير سعيد
كادت بنان ان تجن فقد اختفي ايمن وهشام ولا تسطيع معرفه شئ فقد ترك كل عيونها حوله اسفل منزل ليل
وكانت بكينام تحاول الاتصال به بلا كلل فقد ظنت ان ليل قد اخبرته كل شئ فكانت في حالة هياج عصبي شديد خشية فقدان ابنها ظلت تتذكر ما مضي وعيونها تقطر دما لا دموع
فلاااااااااش باك
ايمن : جيسي انا مش قادر اكمل وفجاءة لاقيت نفسي في ترتيبات خطوبه انا مشاعري متلخبطه وقلبي حاسس انه الخطوه دي غلط
جيسي بدموع : الغلط عندي اللي خلاني فكرت انه هتحبني من حبي ليك وانا عارفه انك مش شايفني اساسا انا اللي غلطانه اني موجوده هنا دلوقتي
والتفت لتذهب
ايمن وهو يمسك بذراعها : انتي مش غلطانه الغلط فيا لاني مش قادر ابدلك الشعور ده وانا متاكد انه مش هقابل افضل منك يمكن لو انا كان قلبي معايا قبل الخطوة دي مكنتش هشوف احسن منك
جيسي : وفر اي كلام بس عشان شكلي قدام الناس انا اللي هقول مش عاوزة اكمل
ايمن بحزن : تمام جيسي هنفضل صحاب
جيسي : مظنش بعد اذنك
******
بكينام : ياعني ايه اوقف ترتيبات الخطوبه
ايمن : جيسي قالت انها حاسه اننا اتسرعنا ومش عاوزة تكمل
بكينام : ولا عاوزة تسيبك عشان عرفت بعلاقتك بالجربوعه اللي جاتلك المستشفي وانت عيان عندها حق طبعا لما ابن الاصول والحسب والنسب ينسي نفسه ويبص لوحده زي دي اكيد مش هتنزل من نفسها وتوافق انها تتساوي بالبنت دي
ايمن : ماما ايه اللي بتقوليه ده مين دي اللي جاتلي المستشفي
بكينام : ياعني مش عارف الحشرة اللي اسمها مروة
ايمن لنفسه عشان كده كل ما اتصل بيها تقفل في وشي : وانتي طبعا مسكتيلهاش
بكينام : وانت منتظر مني ايه لما اشوف ابني يعرف الاشكال دي
ايمن : طب بصي انا مفيش حاجه بيني وبين مروة بس خليكي مستعده انك هتخطبيلي صحبتها ومش هسمحلك تهيني البنت اللي بحبها واختارتها بنفسي
وذهب مسرعا قبل ان تهب عاصفتها في وجهه وتركها تدمر كل محتويات الغرفة حتي انه سمع صراخها بعدما غادر الفيلا من الاساس
********
عمران : مالك ياليل
ليل : احنا اتفقنا اننا هنعيش فالقاهرة ليه عمتي جت امبارح قالت انه الاتفاق ملغي واني هعيش هنا علي طول
عمران : انا ملغتش اي اتفاق وهنفضل زي ما احنا اول كام سنه هنا وبعد كده نرجع القاهرة
ليل : ده كلام عمتي والله
عمران : انا قولتلك كلمتي انتي معندكيش ثقه فيا
ليل : بجد ياعمران انا هتخنق من الشويه اللي قضيتهم هنا وهموت وارجع لما عمتي قالت كده اتخنقت وخفت انا اتعودت علي العيشه هناك خلاص
عمران : متشليش هم ماليش بركه غيركم وانا عارف هرضيكم انتو الاتنين ازاي
ليل بابتسامه : ماشي
عمران : اخيرا الدنيا العتمة نورت تاني ورد معلش ياورد اندهيلي مرات خالي
صفاء وهي تدخل من الباب من غير ما تنادي ولا حاجه انا جيت اهو كنت بعملك الحمام المحشي اللي بتحبه
عمران : وتعبتي نفسك ليه بس تسلم يدك
صفاء : عقبال ما اعملكم حمام الصباحية يارب
عمران :يارب
ليل في نفسها يارب ارضيني بعمران وشيل ايمن من بالي يارب
عمران : سرحتي في ايه ياليل
ليل : ها لا مفيش
عمران : بعد اذنك يا مرات خالي ننزل انا وليل وورد ومحمد واحمد ومريم الجنينة اللي فالمركز بكرة
صفاء : ماشي اهم يغيرو جو بس متأخرهمش عشان هنحضر شنطنا للسفر بقي
عمران : بسرعه كده
محمد : يووووه ياعم ده احنا هنفرقع من الزهق هنا
******
بااااااك
هشام وصل إلي المشفي وجلس في المطعم المخصص للزوار واعطي إلي ايمن الأوراق
ايمن : ازاي البنت متسجلة بأسمي كل السنين دي وانا معرفش
هشام : لانه حضرتك محتجتش تعمل ايه ورق في قيد عائلي
ايمن : تمام محتاج بقي تشرحلي بقي كل اللي تعرفه عن غياب ليل
هشام : اكيد طبعا بس محتاج الفت نظرك لحاجة
ايمن : ايه
هشام : هو مفيش جدال انه شمس بنت حضرتك ومستحيل الشبة ده يكون بينك وبينها وماتكونش قرايب بس اول حاجه عيلة حضرتك هتعملخا
هتشكك في نسبها ليك وهتطلب تحليل DNA ووقتها ممكن يلعبو فيه عشان يثبتو بس انها مش بنتك فلو امكن تعملو التحليل ده قبل ما حد يعرف بظهورهم عشان تقطع الشك باليقين ويبقي مستحيل تزوير التحليل ده
ايمن : عندك حق لما شمس تصحي هشوف الموضوع ده اتفضل احكي بقي كل التفاصيل اللي انت تعرفها وانا معرفهاش
هشام وهو في حرج فكيف يخبره انه مان سببا مباشرا في اذي زوجته : لما حضرتك و جيسي هانم فكيتو ارتبطكم يومها بكينام هانم طلبت مني اني ابدأ ارقبك لانه وقتها انت قولت ان فيه واحده في حياتك وهي كانت عاوزة تعرف هي مين وهل من المستوي المطلوب او لاء
ايمن : ها وبعدين
هشام : وقتها فعلا بدأنا مراقبة حضرتك لفترة طويلة ومظهرش اي بنت اصلا وحياتك فالوقت ده كانت بدأت تتظبط بشكل غريب وملحوظ بدات تنزل الشركة مع والدك مبقاش في سهر ولا استهتار بس كان في حاجة واحد غريبه ليه بتاخد عربيتك وتقعد بالساعات في شارع في منطقه من المناطق شبة الشعبيه ومع استمرار الامر وعدم ظهور اي بنت فالوقت ده بدانا نتكاسل في موضوع المراقبه ده وكمان مدام بكينام بعد فترة وقفت الامر وخصوصا انه علاقتكم كانت اتصلحت بشكل كبير وهي كمان كانت سعيده بالتغيير اللي ظهر علي حياة حضرتك بس انا موقفتش المراقبه دي لانه واحد من رجالتي وقتها خد بالة انه في عربية بتراقبك وكان لازم قبل ما اعرف اي حد اعرف مين ده الاول وبيراقبك ليه ومن طرف مين
ايمن : وانا ازاي عمري ما اخدت بالي انه في حد بيراقبني
هشام : لاني اقنعتك وقتها بانه ان الاوان يبقي ليك سواق وحرس شخصي والحرس كلهم كانو تحت ايدي والوقت اللي كنت بتاخد فيه العربيه لوحدك مكنتش بتبقي مركز فسهل جدا انه حد يمشي وراك
ايمن : وطلع مين اللي بيراقبني وقتها
هشام : مدام بنان
ايمن : الله العيلة كلها بتراقبني انا بحب مين دي كانت مشكلة امن قومي علي كده
هشام : للاسف
ايمن : كمل كمل
هشام: طبعا علي ما تاكدنا انه اللي بيراقبك مش هدفه اذيتك كانت مدام
ليل ظهرت والحرس انتبه انه لما بتاخد عربيتك وتروح المكان المعتاد بدأ يبقي في بنت
بس الغريب انهم شافو البنت بتهزقك ووقتها انت فضلت اكتر من شهر مابتروحش هناك بعد ما كنت بتروح كل يوم فوقفنا المراقبه علي اعتبار انه الموضوع انتهي ولو تفتكر وقتها حضرتك رجعت تاني للسهر والخروج والسفر
وسبت الحرس والعربيه ورجعت ماتروحش الشركة فالوقت ده علي قد ما كان الموضوع محزن بس الامر ده بالذات طمن مدام بكينام انه مفيش حد في حياتك وقتها
ايمن : ياجمالها مدام
بكينام تفرح لضياع ابنها بس عشان متفرحش بصلاحه علي ايد بنت دون المستوي
********
في منزل ليل فالقاهرة تعالت الزغاريد فقد حصلت ليل علي ٩٨ % في نتيجة الثانوية العامه
صفاء ببكاء : يااااه ياريتك منت عايش ياحبيبي كنت فرحت بليل وحلمك
بيتحقق فيها بنتنا هتدخل الطب
ليل : الله يرحمه وحشني اوي
عمران : الله يرحمه بس احنا مش عاوزين نكد في يوم حلو زي ده قومو
بينا انا عزمكم عشان نحتفل بالدكتورة بتاعتنا