رواية انا ضحية ولست بعاهرة
الفصل العشرون20
بقلم فللوس
ﻭﺃﻭﻝ ﻣﺎﺗﻔﺘﺢ ﺍﻟﺒﺎﺏ ﺗﻠﻘﻰ ﻭﺍﺣﺪ ﻃﺎﻟﻊ ﻓﻲ ﺿﻬﺮ ﺳﻌﻴﺪ ...
ﺳﺎﺭﻩ ﺗﺴﻬﻲ ﻭﺍﻟﺘﻌﺒﻴﺮ ﻳﻘﻠﺒﺎ ﺑﺎﻟﺸﺎﻓﺘﻮ .. ﻣﺎﻣﺼﺪﻗﻪ ﺍﻧﻪ ﺍﺻﻼ ﻓﻲ ﺣﺎﺟﺎﺕ ﺯﻱ
ﺩﻱ ﻓﻲ ﺗﺎﺭﻳﺦ ﺍﻟﺒﺸﺮﻳﻪ ،
ﻓﺎﺗﺤﻪ ﺧﺸﻤﻪ ﻭﺑﺎﻟﺨﻠﻌﻪ ﻣﺎﻗﺎﺩﺭﻩ ﺗﺼﺮﺥ ، ﺳﻌﻴﺪ ﻭﺻﺤﺒﻮ ﺷﻐﺎﻟﻴﻦ ﻭﺑﺎﻟﺒﺴﻄﻪ
ﺣﺘﻰ ﻣﺎﺭﻛﺰﻭ ﻋﻠﻰ ﺳﺎﺭﻩ ﻟﻤﻦ ﻓﺘﺤﺖ ﺍﻟﺒﺎﺏ .. ﻭﻓﺠﺄﻩ ﺳﺎﺭﻩ ﺍﺳﺘﻮﻋﺒﺖ
ﺍﻟﻤﻮﺿﻮﻉ ﻭﺗﺼﺮﺥ ..
ﺳﺎﺭﻩ : ﻭﺍﺍﺍﺍﺍﺍﺍﺍﺍﺍﺍﺍﺍﺍﻱ
ﺻﺎﺣﺐ ﺳﻌﻴﺪ ﻳﺘﺨﻠﻊ ﻭﻳﻘﻊ ﺗﺤﺖ ﺍﻟﺴﺮﻳﺮ ﻭﺳﻌﻴﺪ ﺍﻭﻝ ﻣﺎﻳﺸﻮﻑ ﺳﺎﺭﻩ ﻗﻠﺒﻮ
ﻳﻄﻴﺮ ،ﻭﻭﻗﻒ ﻋﻠﻰ ﺣﻴﻠﻮ ﻭﺑﺸﺮﺡ ﻟﻲ ﺳﺎﺭﻩ : ﺱ ﺱ ﺳﺎﺭﻩ ؟؟ ﺍﻧﺘﻲ ﺟﻴﺘﻲ
ﻣﺘﻴﻦ ؟؟ ﻣﺎﺗﻔﻬﻤﻴﻨﻲ ﻏﻠﻂ .. ﻛﻨﺎ ﺑﻨﺘﻮﻧﺲ ﻭﺍﻟﻠﻪ
ﺳﺎﺭﻩ ﺗﻐﻤﺾ ﻋﻴﻮﻧﻬﺎ ﺑﻴﺪﻳﻨﻬﺎ ﻋﺸﺎﻥ ﺳﻌﻴﺪ ﻛﺎﻥ ﻣﻠﻂ : ﺯﺡ ﻣﻨﻲ ، ﺯﺡ ﻣﻨﻲ ،
ﻣﺎﺗﻠﻤﺴﻨﻲ
ﺳﻌﻴﺪ ﻳﺘﻐﻀﺎﺀ ﺑﺎﻟﻤﻼﻳﻪ ﻭﻳﻜﺬﺏ : ﺍﻱ ﺍﻱ ﺣﺰﺡ ﻣﻨﻚ ﺑﺲ ﻣﺎﺗﺼﺮﺧﻲ ، ﺃﺇﺍﺍﻧﺎ
ﻋﻨﺪﻱ ﻭﺟﻊ ﺿﻬﺮ ﻭﺻﺤﺒﻲ ﺩﻩ ﻛﺎﻥ ﺑﻌﻤﻞ ﻟﻲ ﻓﻲ ﻡ ﻡ ﻡ ﻣﺴﺎﺝ ﻋﺸﺎﻥ ﻣﺎﺗﻔﻬﻤﻴﻨﺎ
ﻏﻠﻂ
ﺳﺎﺭﻩ ﺗﺼﺮﺥ ﻓﻲ ﺳﻌﻴﺪ : ﺃﺳﻜﺖ ﻳﺎﻛﺬﺍﺏ ﻣﺴﺎﺝ ﻭﺍﻻﺗﻨﻴﻦ ﻣﻘﻠﻌﻴﻦ ﻫﺪﻭﻣﻜﻢ ؟؟
ﺍﻧﺖ ﻣﻔﺘﻜﺮﻧﻲ ﺷﺎﻓﻌﻪ ..
ﺳﺎﺭﻩ ﺗﺪﺧﻞ ﺍﻟﻐﺮﻓﻪ ﺍﻟﺘﺎﻧﻴﻪ ﻭﺗﻘﻔﻞ ﺍﻟﺒﺎﺏ ﻋﻠﻴﻬﺎ ﻭﺗﻘﻌﺪ ﺗﺒﻜﻲ ، ﻭﻧﺺ ﺳﺎﻋﻪ
ﻛﺎﻣﻠﻪ ﺗﺘﻜﻠﻢ ﻣﻊ ﻧﻔﺴﺎ ﻭﺗﻜﺮﺭ
( ﻟﻴﻪ ﺑﺤﺼﻞ ﻣﻌﺎﻱ ﻛﺪﻩ ) ..
ﺳﻌﻴﺪ ﻃﻠﻊ ﺻﺤﺒﻪ ﺑﺮﻩ ﺍﻟﺒﻴﺖ ﻭﻣﺸﻰ ﻳﺪﻕ ﺑﺎﺏ ﺍﻟﻐﺮﻓﻪ ﺍﻟﺘﺎﻧﻴﻪ ﻋﺸﺎﻥ ﻳﺤﻨﺲ
ﺳﺎﺭﻩ ﻣﺎﺗﻜﻠﻢ ﺯﻭﻝ ..
ﺳﺎﺭﻩ ﺑﺘﺒﻜﻲ : ﻋﺎﻳﺰ ﺷﻨﻮ ؟؟
ﺳﻌﻴﺪ : ﺍﻓﺘﺤﻲ ﺍﻟﺒﺎﺏ ﻳﺎﺳﺎﺭﻩ ﻧﺘﻔﺎﻫﻢ
ﺳﺎﺭﻩ : ﻣﺎﻋﺎﻳﺰﺍ ﺍﺷﻮﻑ ﺧﻠﻘﺘﻚ ﺩﻱ ﺯﺡ ﻣﻨﻲ
ﺳﻌﻴﺪ : ﻟﻮ ﻛﻼﻣﻲ ﻣﺎﻋﺠﺒﻚ ﻭﺍﻟﻠﻪ ﺣﺰﺡ ﻣﻨﻚ
...
ﺳﺎﺭﻩ ﺗﻔﺘﺢ ﺍﻟﺒﺎﺏ ﻭﺳﻌﻴﺪ ﻳﺘﻔﺎﻫﻢ ﻣﻌﺎﻫﺎ ..
ﺳﻌﻴﺪ : ﺳﺎﺭﻩ ﺍﻛﻴﺪ ﻣﺎﺣﺘﻜﻠﻤﻲ ﺯﻭﻝ ﺻﺎﺡ
ﺳﺎﺭﻩ : ﻟﻤﻦ ﺗﻄﻠﻘﻨﻲ ﻣﺎﺣﺎﻛﻠﻢ ﺯﻭﻝ
ﺳﻌﻴﺪ ﻳﻤﺴﻚ ﺳﺎﺭﻩ ﻣﻦ ﺭﻗﺒﺘﺎ ﻭﻳﺨﻨﻘﺎ : ﺍﻧﺘﻲ ﻣﻔﺘﻜﺮﺍ ﻧﻔﺴﻚ ﻣﻔﺘﺤﻪ ؟؟ ﺍﻧﺘﻲ
ﻋﺎﺭﻓﻪ ﻟﻮ ﻛﻠﻤﺘﻲ ﺯﻭﻝ ﺍﻧﺎ ﺣﺎﻋﻤﻞ ﺷﻨﻮ
ﺳﺎﺭﻩ ﺗﺼﺮﺥ : ﻭﺍﺍﺍﺍﺍﺍﺍﺍﺍﻱ ﻓﻜﻨﻲ ﻭﺍﻟﻠﻪ ﻣﺎﺑﺨﻠﻴﻚ
ﺳﻌﻴﺪ : ﻋﺎﺭﻓﻪ ﺣﺎﻋﻤﻞ ﺷﻨﻮ ؟؟ ﺭﺩﻱ ﻟﻲ ﺑﺎﻻﻭﻝ
ﺳﺎﺭﻩ ﺗﺨﺎﻑ ﻭﺗﺪﻣﻊ ﺗﺎﻧﻲ : ﺍﻫﺎ ﺍﻫﺎ ﺷﻨﻮ ﺣﺘﻌﻤﻞ
ﺳﻌﻴﺪ : ﺑﺮﻓﺪ ﺍﺑﻮﻙ ﻣﻦ ﺍﻟﻤﺪﺭﺳﻪ ، ﻭﺗﺎﻧﻲ ﺣﻴﺮﺟﻊ ﻣﻔﻠﺲ ، ﻋﺎﺭﻓﻪ ﻟﻴﻪ ؟؟ ﻋﺸﺎﻥ
ﺍﻧﺎ ﺍﻟﺒﺼﺮﻑ ﻋﻠﻰ ﺍﺑﻮﻙ ، ﻭﻟﻮ ﻃﻠﻘﺘﻚ ﻳﺎﻣﺘﺨﻠﻔﻪ ﺍﻧﺘﻲ ﻧﺎﺳﻴﻪ ﻛﻼﻡ ﺍﻟﻨﺎﺱ
ﺣﻴﻜﻮﻥ ﺷﻨﻮ ؟؟ ﺣﺘﻜﻮﻧﻲ ﻓﻲ ﻧﻈﺮﻫﻢ ﻋﺎﻫﺮﻩ ﺭﺳﻤﻲ ﻛﻮﻧﻚ ﺇﺗﻄﻠﻘﺘﻲ ﻣﺮﺗﻴﻦ
ﻓﻲ ﺧﻼﻝ ﺷﻬﺮ ﻭﺍﺣﺪ
ﺳﺎﺭﻩ ﺗﺒﻜﻲ : ﺍﻧﺎ ﻣﺎﺷﻐﺎﻟﻪ ﺑﻜﻼﻡ ﺍﻟﻨﺎﺱ ﻳﺎﺥ ﻭﺍﻟﺤﻴﺤﺼﻞ ﻳﺤﺼﻞ
ﺳﻌﻴﺪ : ﻭﻛﻼﻡ ﺍﻣﻚ ﻟﻤﻦ ﻗﺎﻟﺖ ﻟﻴﻚ ﻓﻲ ﺍﻟﻤﺴﺘﺸﻔﻰ ( ﻟﻮ ﺳﺘﺮﺗﻲ ﻧﻔﺴﻚ ﻣﻊ
ﺳﻌﻴﺪ ﺩﻩ ﺍﻧﺎ ﺭﺍﺿﻴﻪ ﻋﻨﻚ ) ﺑﺮﺿﻮ ﻣﺎﺷﻐﺎﻟﻪ ﺑﻴﻪ ؟؟ ﻭﻻ ﻣﻔﺘﻜﺮﺍﻧﻲ ﻣﺎﺳﻤﻌﺖ ؟؟
ﺳﺎﺭﻩ ﺗﻘﻌﺪ ﺗﺒﻜﻲ ﻭﺗﻜﻔﺖ ﻓﻲ ﻧﻔﺴﺎ ﻭﺗﻜﺮﺭ
( ﺩﻱ ﺷﻨﻮ ﺍﻟﺒﻼﻭﻱ ﺍﻟﺤﺼﻠﺖ ﻟﻲ ﺩﻱ )
ﺳﻌﻴﺪ : ﺧﺘﺎﻣﺎ ﻛﺪﻩ ﺍﻧﺎ ﻃﻼﻕ ﺩﻩ ﻣﺴﺘﺤﻴﻞ ﺍﻃﻠﻘﻚ ﻋﻴﺸﻲ ﻣﻌﺎﻱ ﺑﺎﻟﺴﻤﻨﻪ
ﻋﺸﺎﻥ ﺍﻋﻴﺶ ﻣﻌﺎﻙ ﺑﺎﻟﻌﺴﻞ ، ﺍﺳﺘﺮﻳﻨﻲ ﻋﺸﺎﻥ ﺍﺳﺘﺮ ﺍﺑﻮﻙ ﺍﻟﺒﻴﺴﺘﺮ ﻋﻠﻴﻜﻢ ..
ﻭﺃﺛﻨﺎﺀ ﻣﺎ ﺳﺎﺭﻩ ﻛﺎﻧﺖ ﺑﺘﺼﺮﺥ ﻭﺳﻌﻴﺪ ﺑﻀﺮﺑﻬﺎ ﻭﺑﺘﻨﺎﻗﺶ ﻣﻌﺎﻫﺎ ، ﺍﺧﺖ ﺳﻌﻴﺪ
ﻛﺎﻥ ﺟﺎﺕ ﺗﺸﻴﻞ ﺍﻟﻠﻴﻤﻮﻥ ﻣﻦ ﺳﺎﺭﻩ ﻭﻟﻤﻦ ﺗﺴﻤﻊ ﺍﻟﻜﻮﺍﺭﻳﻚ ﺗﺮﺟﻊ ﺗﻜﻠﻢ ﺍﻣﻬﺎ ..
ﺍﺧﺖ ﺳﻌﻴﺪ ﻣﺨﻠﻮﻋﻪ : ﻣﺎﻣﺎ ﺳﺎﺭﻩ ﻭﺳﻌﻴﺪ ﻗﻌﺪ ﻳﺘﺸﺎﻛﻠﻮ
ﺍﻡ ﺳﻌﻴﺪ ﻣﺨﻠﻮﻋﻪ : ﺷﻨﻮ ؟؟ ﺍﻧﺖ ﺟﺎﺩﻩ ﻳﺎﺑﺖ ؟؟ ﺷﻜﻞ ﺷﻨﻮ ﻭﻫﻢ ﻓﻲ ﺷﻬﺮ
ﺍﻟﻌﺴﻞ ؟؟ ﻭﺳﻌﻴﺪ ﻣﺘﻴﻦ ﻭﺻﻞ ﺑﻴﺘﻮ ؟؟
ﺍﺧﺖ ﺳﻌﻴﺪ : ﻟﻘﻴﺖ ﻋﺮﺑﻴﺘﻮ ﺑﺮﻩ .. ﻭﺳﺎﺭﻩ ﺑﺘﺼﺮﺥ
( ﻭﺍﺍﺍﻱ ﻭﺍﺍﺍﻱ ﻭﺍﺍﺍﻱ )
ﺍﻡ ﺳﻌﻴﺪ ﺗﻀﺤﻚ ﻭﺗﻨﺒﺴﻂ : ﻫﻬﻬﻬﻬﻪ ﺍﻣﺸﻲ ﻳﺎﺑﺖ ﺍﺳﻊ ﺧﻠﻌﺘﻴﻨﻲ ، ﺩﻱ ﺍﻣﻮﺭ
ﻋﺮﺳﺎﻥ ، ﺍﻟﻠﻪ ﻳﺤﻔﻈﻚ ﻟﻲ ﻳﺎﺳﻌﻴﺪ ﺭﻓﻌﺖ ﺭﺍﺱ ﺃﻣﻚ
ﺑﻌﺪ ﺳﺎﻋﻪ ﻣﻦ ﺗﻬﺪﻳﺪﺍﺕ ﺳﻌﻴﺪ ، ﺳﺎﺭﻩ ﺗﻀﺮﺏ ﻟﻲ ﺑﺖ ﻋﻤﻬﺎ ﺳﻼﻓﻪ ﻭﺗﺤﻜﻲ
ﻟﻴﻬﺎ ﺍﻟﺤﺼﻞ ﺑﻴﻨﺎﺗﻬﻢ ...
ﺳﻼﻓﻪ : ﻻﺍﺍﺍﺍﺍ ﺍﺻﻠﻮ ﻣﺎﺑﺼﺪﻕ ؟؟ ﻃﻠﻊ ﻛﺪﻳﺎﻧﻪ ﻭﻣﺎﺷﻐﺎﻝ ﻋﺪﻳﻞ ﻛﺪﻩ ؟؟
ﺳﺎﺭﻩ ﺑﺘﺒﻜﻲ : ﺍﺗﺨﻴﻠﻲ ﻭﺑﺠﻴﺐ ﺭﺟﺎﻝ ﻛﻤﺎﻥ ﻓﻲ ﺍﻟﺒﻴﺖ
ﺳﻼﻓﻪ : ﻭﺍﺍﺍﺍﻱ ﺷﻮﻓﻲ ﻗﻮﻩ ﻋﻴﻨﻪ
ﺳﺎﺭﻩ : ﻳﺎﺥ ﻫﺪﺩﻧﻲ ﻭﺍﻧﺎ ﻣﺎﻋﺎﺭﻓﻪ ﺍﻋﻤﻞ ﺷﻨﻮ ﻣﻌﺎﻩ
ﺳﻼﻓﻪ : ﺍﺳﺘﺤﻤﻠﻴﻪ ﺍﻟﻔﺘﺮﻩ ﺩﻱ ﻃﺎﻟﻤﺎ ﻣﺎﺑﻠﻤﺴﻚ ، ﺩﻩ ﻛﻠﻮ ﻟﻲ ﺻﺎﻟﺤﻚ
ﺳﺎﺭﻩ ﺑﺘﺒﻜﻲ : ﻣﺎﺑﻘﺪﺭ ، ﻣﺎﺑﻘﺪﺭ ﺍﻋﻴﺶ ﻣﻊ ﺯﻭﻝ ﺑﺎﻟﺸﻜﻞ ﺩﻩ .. ﺍﻧﺎ ﻟﻴﻪ ﺑﺤﺼﻞ
ﻟﻲ ﻛﺪﻩ ﻳﺎﺳﻼﻓﻪ
ﺳﻼﻓﻪ : ﻳﺎﺭﻳﺖ ﻟﻮ ﻛﻨﺖ ﺟﻤﺒﻚ ' ﺑﺲ ﺩﻩ ﻛﻠﻮ ﻟﻲ ﺧﻴﺮ ، ﻭﻋﺸﺎﻥ ﺧﺎﻃﺮ ﺍﺑﻮﻙ
ﺍﺳﺘﺤﻤﻠﻴﻪ ﻟﺤﺪﻱ ﻣﺎﻋﻢ ﺣﻤﺪ ﻳﻠﻘﻰ ﺷﻐﻞ ﺟﺪﻳﺪ ﺑﻌﺪﻳﻦ ﺍﺗﻄﻠﻘﻲ ﻭﺍﻟﻘﺎﻧﻮﻥ ﺑﻘﻴﻒ
ﻣﻌﺎﻙ ﻓﻲ ﺍﻟﻨﻘﻄﻪ ﺩﻱ ﻣﺆﻛﺪ .. ﻭﺑﻌﺪﻳﻦ ﺑﺎﻟﺠﺪ ﻋﺸﺎﻥ ﺗﺒﻌﺪﻱ ﻣﻦ ﻛﻼﻡ ﺍﻟﻨﺎﺱ
ﺳﺎﺭﻩ : ﺧﻼﺹ ﺗﻤﺎﻡ ، ﺍﻫﺎ ﺍﻣﻲ ﻭﺍﺑﻮﻱ ﻛﻴﻒ ؟؟
ﺳﻼﻓﻪ : ﺗﻤﺎﻣﻴﻴﻦ ﻭﺍﻟﻠﻪ
ﺳﺎﺭﻩ ﺗﺪﻣﻊ : ﺍﻧﺎ ﺣﻜﻴﺖ ﻟﻴﻚ ﺍﻧﻲ ﺷﻔﺖ ﺣﺴﺎﻡ ﻓﻲ ﺍﻟﻤﺴﺘﺸﻔﻰ ؟؟
ﺳﻼﻓﻪ ﺗﺘﻤﺘﻢ ﻭﺗﺨﺘﺼﺮﺍ ﻋﺸﺎﻥ ﻋﺎﺭﻓﻪ ﻧﻔﺴﻬﺎ ﻟﻮ ﻓﺘﺤﺖ ﻣﻮﺿﻮﻉ ﺣﺴﺎﻡ ﺣﺘﺘﻢ
ﻟﻴﻬﺎ ﺍﻟﺒﺎﻗﻲ ﻭﺣﺴﺎﻡ ﻭﻋﺪﻫﺎ ﻣﺎﺗﻜﻠﻢ ﺳﺎﺭﻩ ﺑﻲ ﻣﻮﺿﻮﻉ ﻣﺪﺛﺮ ﻟﺤﺪﻱ ﻣﺎﻳﺨﻠﺺ
ﻭﺗﺨﺘﺼﺮ ﺳﺎﺭﻩ ﻭﺗﻘﻄﻊ ﺍﻟﺨﻂ ..
# ﺑﻌﺪ _ ﺃﺳﺒﻮﻉ ﻣﻦ ﺍﻟﻤﻌﺎﻧﺎﻩ ﺩﻱ ...
ﻣﺪﺛﺮ ﺍﻋﺘﺮﻑ ﺑﻲ ﺟﺮﻳﻤﺘﻪ ﺑﺲ ﺍﻟﻤﺤﻜﻤﻪ ﻃﻠﺒﺖ ﺍﻧﻪ ﺳﺎﺭﻩ ﺗﻜﻮﻥ ﻣﻮﺟﻮﺩﻩ ﻋﺸﺎﻥ
ﻫﻲ ﺃﺳﺎﺱ ﺍﻟﺤﺪﺙ ،
ﺳﻼﻓﻪ ﺗﻜﻠﻢ ﺣﺴﺎﻡ ﻭﺗﻮﺭﻳﻪ ﺩﺭﺏ ﺳﺎﺭﻩ ﺑﺲ ﻣﺎﺗﺤﻜﻲ ﻟﻴﻪ ﺑﻲ ﺧﺼﻮﺻﻴﻪ ﺯﻭﺟﻬﺎ
ﺳﻌﻴﺪ ... ﻭﺣﺴﺎﻡ ﻫﺪﻓﻪ ﻛﺎﻥ ﻳﻌﺘﺬﺭ ﺑﺎﻻﻭﻝ ﻋﺸﺎﻥ ﻣﺎﻳﺤﺴﺴﻬﺎ ﺍﻧﻪ ﻧﻈﺎﻡ
ﺣﻴﻜﺴﺒﻬﺎ ﺑﺒﺮﺍﺀﺗﻬﺎ ﻣﻦ ﺍﻟﻌﻬﺮ ...
ﺣﺴﺎﻡ ﻃﺒﻌﺎ ﻛﺎﻥ ﻭﺻﻞ ﺑﻮﺭﺗﺴﻮﺩﺍﻥ ﻭ ﺃﺟﺮ ﺑﻴﺖ ﻋﻠﻰ ﺑﻌﺪ ﺷﺎﺭﻉ ﻭﺍﺣﺪ ﻣﻦ
ﺑﻴﺖ ﻧﺎﺱ ﺳﺎﺭﻩ ﻭﺳﻌﻴﺪ، ﻭﻓﻀﻞ ﻳﺮﺍﻗﺒﻬﺎ ﻭﻳﻠﻘﻰ ﺍﻟﻮﻗﺖ ﺍﻟﻤﻨﺎﺳﺐ ﻭﻳﻘﻮﻝ
ﺍﻟﻌﺎﻳﺰﻩ .. ﻭﺃﻭﻝ ﻳﻮﻡ ﺷﺎﻑ ﺳﺎﺭﻩ ﻻﺣﻆ ﺍﻧﻬﺎ ﻣﺎﻣﺒﺴﻮﻃﻪ ﻭﻋﺮﻑ ﺃﻧﻬﺎ ﻋﺎﻳﺸﻪ ﻣﻊ
ﺳﻌﻴﺪ ﻏﺼﺐ ﻋﻨﻬﺎ ... ﻑ ﻧﻔﺲ ﺍﻟﻠﺤﻈﻪ ﺳﻌﻴﺪ ﺑﻘﻰ ﻳﺠﻴﺐ ﺍﺻﺤﺎﺑﻪ ﻋﺎﺩﻱ
ﺍﻟﺒﻴﺖ ﻭﻳﺸﺘﻐﻠﻮ ﺑﻲ ﺭﺍﺣﺘﻢ ﻭﺳﺎﺭﻩ ﻣﺎﺑﻲ ﻳﺪﻫﺎ ﺷﻲ ﺗﻌﻤﻠﻪ ...
ﺳﻌﻴﺪ : ﺳﺎﺭﻩ ﺍﻧﺎ ﺍﺻﺤﺎﺑﻲ ﺍﻟﻠﻴﻠﻪ ﺟﺎﻳﻴﻦ ﻇﺒﻄﻲ ﻟﻴﻨﺎ ﺍﻛﻠﻪ ﻇﺎﺑﻄﻪ
ﺳﺎﺭﻩ ﻣﻤﻐﻮﻇﻪ : ﺳﻌﻴﺪ ﺍﻧﺎ ﺍﻟﻠﻴﻠﻪ ﻣﺎﺷﻪ ﺍﺑﻴﺖ ﻣﻊ ﻧﺎﺱ ﺍﻣﻚ
ﺳﻌﻴﺪ ﻳﻨﻬﺮﺍ: ﺍﻧﺘﻲ ﻋﺎﻣﻠﻪ ﻣﻔﺘﺤﻪ ؟؟ ﻓﻲ ﺑﺖ ﻓﻲ ﺷﻬﺮ ﺍﻟﻌﺴﻞ ﺑﺘﺒﻴﺖ ﺑﺮﻩ ؟؟
ﺳﺎﺭﻩ : ﻋﺸﺎﻥ ﺻﺤﺒﻚ ﺩﺍﻙ ﺍﻣﺒﺎﺭﺡ ﻋﻤﻞ ﻟﻲ ﺣﺮﻛﺎﺕ ﻏﺮﻳﺒﻪ
ﺳﻌﻴﺪ : ﺍﺻﺤﺎﺑﻲ ﺩﻳﻞ ﻛﻠﻬﻢ ﺳﻮﺍﻟﺐ ﺯﻳﻲ ، ﻣﺎﻋﻨﺪﻫﻢ ﺷﻲ ﻟﻴﻚ
ﺳﺎﺭﻩ ﺗﻤﺶ ﺗﺠﻬﺰ ﺍﻻﻛﻞ ﻭﺣﺴﺎﻡ ﺑﺮﺍﻗﺐ ﺍﻟﺒﻴﺖ ﺑﺘﺎﻋﻬﻢ ﻣﻦ ﺑﺮﻩ
ﺗﻤﺖ ﺳﺎﻋﺘﻴﻦ ﻭﺍﺻﺤﺎﺏ ﺳﻌﻴﺪ ﻃﻠﻌﻮ ﻣﻦ ﺑﻴﺘﻬﻢ ، ﺣﺴﺎﻡ ﺑﻜﺸﻒ ﻭﻣﺴﺘﻐﺮﺏ
ﻣﻦ ﺍﺷﻜﺎﻝ ﺍﻻﻭﻻﺩ ﺍﻟﺒﻄﻠﻌﻮ ﻣﻦ ﺑﻴﺖ ﺳﺎﺭﻩ ﻭﻣﺎﻳﺮﻛﺰ ﻣﻌﺎﻫﻢ ،
ﺑﻌﺪ ﻣﺴﺎﻓﻪ ﻳﻘﺮﺭ ﻳﺠﻴﺐ ﻣﻮﺍﺩ ﺗﻤﻮﻳﻨﻴﻪ ﻭﻳﻨﺰﻝ ﻣﻦ ﺍﻟﺸﻘﻪ ﺑﺘﺎﻋﺘﻪ ﻭﻳﺸﻴﻞ
ﻣﻔﺘﺎﺡ ﻋﺮﺑﻴﺘﻪ ﻭﻳﻨﺰﻝ ، ﻑ ﻧﻔﺲ ﺍﻟﻠﺤﻈﻪ ﺳﺎﺭﻩ ﺣﺴﺖ ﺑﻲ ﻣﻐﺚ ﻏﺮﻳﺐ
ﻭﺭﺍﺳﻬﺎ ﺩﺍﺥ ..
ﺳﺎﺭﻩ : ﺳﻌﻴﺪ ، ﺳﻌﻴﺪ ﺍﻟﺤﻘﻨﻲ
ﺳﻌﻴﺪ : ﻓﻲ ﺷﻨﻮ ﻣﺎﻟﻚ ﻳﺎﺑﺖ
ﺳﺎﺭﻩ ﻃﺎﺷﻪ : ﺑﻄﻨﻲ ﻃﺎﻣﻪ ﻣﺎﻋﺎﺭﻓﻪ ﻣﺎﻟﻲ
ﺳﻌﻴﺪ ﻳﻤﺴﻚ ﻳﺪ ﺳﺎﺭﻩ : ﺍﺭﺡ ﺍﺭﺡ ﻋﻠﻰ ﺍﻟﺤﻤﺎﻡ ...
ﺳﺎﺭﻩ ﺃﺛﻨﺎﺀ ﻣﺎﻣﺎﺷﻪ ﺗﺴﺘﻔﺮﻕ ( ﺗﻄﺮﺵ )
ﻭﺑﺪﻭﻥ ﻣﺎﺗﻮﻋﻰ ﺗﻘﻊ ﻓﻲ ﺍﻟﻮﺍﺿﻪ ، ﺳﻌﻴﺪ ﻳﺘﺨﻠﻊ ﻭﻳﻠﺒﺲ ﺟﻼﺑﻴﺘﻮ ﻭﻳﺸﻴﻞ ﺳﺎﺭﻩ
ﺑﻴﺪﻳﻨﻪ ﻭﻳﻨﺰﻝ ﺑﻴﻬﺎ ﺍﻟﻌﺮﺑﻴﻪ ﻋﺸﺎﻥ ﻳﻮﺩﻳﻬﺎ ﺍﻟﻤﺴﺘﺸﻔﻰ ﻭﺍﺛﻨﺎﺀ ﻣﺎﻧﺎﺯﻝ ﺣﺴﺎﻡ ﻛﺎﻥ
ﺟﻮﻩ ﺍﻟﻌﺮﺑﻴﻪ ﻭﺃﻭﻝ ﻣﺎﻳﺪﻭﺭ ﺍﻟﻌﺮﺑﻴﻪ ﻳﻼﺣﻆ ﺳﻌﻴﺪ ﺷﺎﻳﻞ ﺳﺎﺭﻩ ،
ﺣﺴﺎﻡ ﻳﺘﺨﻠﻊ ﻭﻳﺠﺮ ﻳﺸﻮﻑ ﻣﺎﻻ ﺳﺎﺭﻩ ﻭﻳﺘﺬﻛﺮ ﺍﻧﻪ ﻣﺎﻟﻴﻪ ﺣﻖ ﻳﺘﺪﺧﻞ ،ﻭﻳﻔﻀﻞ
ﻳﺮﺍﻗﺐ ﺳﻌﻴﺪ ﻣﺎﺷﻲ ﻭﻳﻦ ﻭﺑﺎﻟﻌﺮﺑﻴﻪ ﻳﺘﻌﻘﺒﻪ ..
ﺳﻌﻴﺪ ﺟﺎﺭﻱ ﺑﺎﻟﻌﺮﺑﻴﻪ ﻭﺍﺗﺼﻞ ﻟﻲ ﺍﻣﻪ ﺗﻠﺤﻘﻪ ﻓﻲ ﺍﻟﻤﺴﺘﺸﻔﻰ ﻭﺳﻌﻴﺪ ﺟﺎﺭﻱ
ﻭﺭﺍﻩ ، ﻭﻳﺼﻞ ﺍﻟﻤﺴﺘﺸﻔﻰ ﻭﻳﺪﺧﻞ ﺳﺎﺭﻩ ﻟﻠﺪﻛﺘﻮﺭ ...
ﺳﻌﻴﺪ ﻗﺎﻋﺪ ﻣﻨﺘﻈﺮ ﺍﻣﻪ ﺗﺠﻲ ،ﻭﺣﺴﺎﻡ ﻣﻘﻠﻖ ﻋﻠﻰ ﺣﺎﻝ ﺳﺎﺭﻩ ﻭﻭﺍﻗﻒ ﻗﺮﻳﺐ
ﻟﻲ ﺳﻌﻴﺪ ،
(ﺳﻌﻴﺪ ﻳﻠﻤﺢ ﺣﺴﺎﻡ ﻭﻳﺘﺬﻛﺮ ﻛﺄﻧﻪ ﺷﺎﻓﻪ ﻗﺒﻞ )
ﻭﺑﺎﻟﻠﺨﻤﻪ ﻣﺎﻳﺮﻛﺰ ﻣﻌﺎﻩ ، ﻭﺑﻌﺪ ﻣﺎﻳﺼﻠﻮ ﺍﻫﻞ ﺳﻌﻴﺪ ، ﻳﺠﻴﻬﻢ ﺍﻟﺪﻛﺘﻮﺭ ...
ﺍﻟﺪﻛﺘﻮﺭ : ﺍﻧﺘﻮ ﺗﺒﻊ ﺃﻫﻞ ﺍﻟﻤﺮﻳﻀﻪ ﺳﺎﺭﻩ ؟؟
ﺳﻌﻴﺪ ﻭﺃﻫﻠﻪ ﺑﺼﻮﺕ ﻭﺍﺣﺪ : ﺃﻱ ﺃﻱ ﻳﺎﺩﻛﺘﻮﺭ
ﺣﺴﺎﻡ ﻭﺍﻗﻒ ﺑﺎﻟﺠﻤﺒﻪ ﻭﻣﻘﻠﻖ ﻳﻌﺮﻑ ﺍﻟﺤﺎﺻﻞ ﺷﻨﻮ ﻟﻲ ﺳﺎﺭﻩ ...
ﺍﻟﺪﻛﺘﻮﺭ ﻣﺒﺘﺴﻢ : ﺃﻟﻒ ﻣﺒﺮﻭﻙ ، ﺳﺎﺭﻩ ﺣﺎﻣﻞ