رواية فارس ظلمتي الفصل الثامن8بقلم اسماء الطبلاوي
(استيقظت شمس باكرا من النوم فوضعت يدها على الفراش تتحسس اذا كان فارس ما زال نائما فوجدته بجانبها فوضعت يدها فوق راسه ومالت براسها عليه لتطبع قبله رقيقه فوق جبينه كانت كفيله بايقاظه... تحدث وهو يتمطى في الفراش قائلا لها بمرح....
فارس: طيب ما انا نايم جنبك طول الليل ايه لازمتها البوسه بتاعه القلق دي ها..
شمس بتوتر:هااا.. ايه ده انت صحيت طب صباح الخير.. قوم بقى علشان المشوار اللي قلتلي عليه..
(علم فارس انها تتهرب من سؤاله فلم يريد ان يقوم باحراجها اكثر فقال لها.
فارس: مع انك بتتهربي من السؤال بس صباح النور يا ستي... انا قمت اهو يلا قومي جهازي.
شمس بخجل: طيب لو مش هزعجك ممكن تناديلي داده حسنيه علشان تساعدني يعني.
فارس: بلاش موضوع ان داده حسنيه تساعدك حتى لو هي عارفه اللي فيها يبقى علشان منظري على الاقل وبعدين يا ستي انا موجود هساعدك ولو ما عرفتش ابقي اندهلها هو مش انا جوزك برده.
شمس: اه اه.. طبعا جوزي بس هتساعدني ازاي يعني هو مش انت قلت......!!
( قاطع فارس حديث شمس لعلمه ماذا ستقول قائلا...
فارس: شمس انا عارف كويس انا قلت ايه... وبعدين انا بقول هساعدك هو مش انتى بتعرفي تلبسي هدومك لوحدك برده..
شمس بسرعه: اه طبعا بعرف البسها بس محتاجه يعني حد يطلعلي هدوم يوصلني للحمام اغسل وشي... كمان يجيبلي...اممم
اقصد يعني......!!!!
فارس: الجزمه مش كده...
وايه المحرج في الجزمه.. افتكرتك هتقولي غيارات داخليه ولا حاجه😂 وعلى كلا كل ده سهل.. يلا قومي وانا هساعدك هجرب زي ما قلتلك ولو فشلت وده وارد هنادي داده حسنيه..
(وقف فارس واخذ بيد شمس حتى الحمام ووقف امام الباب ينتظرها حتى خرجت فاوصلها الى الفراش فجلست وتوجه هو الى الدولاب مخرجا منه فستان طويل باكمام ذهبيه اللون ذات حزام اسود وقام باعطائه لها مواليا لها ظهره يرتدي ثيابه اثناء ارتدائها للفستان حتى قالت له..)
شمس: معلش يا فارس ممكن تجيبلي حاجه ثانيه البسها غير ده علشان داااااا......
( التفت فارس ينظر لها مذهول فكم هي خلابه بهذا الثوب الذهبي كلون شعرها كاد ان يشرد ببعض الافكار ولكنه استعاد تركيزه ليقول...
فارس: ليه... انا شايف انه جميل جدا عليكى عايزه تغيري ليه بقى ممكن اعرف..
شمس باحراج: اصل الفستان ده.... هو حلو.. اكيد هو حلو لانك بتقول انه حلو... اقصد يعني ان في سوسته ومش عارفه اقفلها🙈
( ضحك فارس بشده قائلا..
فارس: والله انتى عليكى حاجات.. طب ما انا عارف انه في سوسته ادوري هقفلهالك..
( شعرت شمس بالخجل منه بشده فادارها هو باتجاهه وبدا باغلاق السحاب ويده تتلمس جسدها من اسفل ظهرها الى رقبتها عرضا وهو يحاول السيطره على المشاعر التي اجتاحته عند لمسه لها بينما هي تتنفس بصعوبه اثر لمساته...
( بعد انتهائه وقف فارس امام شمس يتاملها بعنايه وهو لا يفهم ماذا اصابه فوضع يده على قلبه ❤ لعله يهدئ من نبضاته التي لا يفسرها كلما تواجد قربها.... ثم قام باجلاس شمس وبدا بتمشيط شعرها وهي تبتسم بخجل غير منتبهه انه يراقبها في المراه... حتى انتهى فتفاجئت شمس به وهو يضع على راسها حجابا ويقوم بلفه بعنايه وهي مندهشه فهي غير محجبه😳
ثم ادارها له قائلا..
فارس: انا عارف انك مش محجبه بس انا مش عايز حد يشوف شعرك ده خالص ولا يبص عليك ولو انك بالحجاب احلى 100 مره وكده انا ما عملتش حاجه وبرده هتلفتي الانظار.. بس احب اعرف رايك لو موافقه عليه ولا لا..
شمس: فارس هو انت ممكن تصورني وانا كده علشان تفضل عندي ذكرى لاول يوم البس فيه الحجاب☺️
فارس باندهاش: ماشي هصورك بس افهم من كده انك موافقه على فكرة الحجاب من اساسها وفرحانه... ولا حاسه باي نوع من الاجبار..
شمس: جدا.. موافقه جدا... وبعدين اتفاقنا كان اني اسمع كلامك في كل كبيره وصغيره.
فارس موضحا: ده صحيح بس انا عايزك تبقي مقتنعه بالحجاب لانك لو مش مقتنعه يبقى زي قلته... وكمان اي كلام بقوله لازم تبقي مقتنعه بيه لان اتفاقنا قال برده اني اهتم برايك صح..
(انفجر كلا منهم من الضحك لتذكيرهم بعضهم البعض بشروط الاتفاق..
ثم اصطحب فارس شمس للاسفل ممسكا بيدها حتى التقت به حسنيه فنظرت لشمس قائله...
حسنيه: الله اكبر بسم الله ما شاء الله قمر يا شمس طب ما بعتليش اساعدك ليه يا بنتي..
فارس موضحا: ما نستغناش عنك ابدا يا دادا بس انتى نسيتي انها بقت متجوزه ولا ايه.. هو انا مش مالي عينكم يا جماعه..
حسنيه بسرعه: استغفر الله يا ابني ده انت سيد الرجاله بس يا ريت تبقى جوزها كمان مع اللي تحت دول..
شمس بقلق: مين يا دادا اللي تحت مخليكي مرتبكه كده..
حسنيه: دول يا بنتي هادمي اللذات عمتك وبنتها.. جايين يقعدوا معانا يومين.. قولي اسبوعين..
( تغيرت ملامح شمس فجاه من الفرح الى القلق فهي وابنه عمتها وعمتها وجميع العائله ليس بينهم عمار.. فامسكت في ذراع فارس بقوه وهي ترتجف قائله...
شمس: رنا.. رنا هنا... ما تسيبنيش يا فارس والنبي خليك قريب مني ارجوك.
فارس وهو يضم شمس له بحمايه...
: رنا مين اللي تخوفك كده وانا جنبك انا معاكي ما تخافيش يلا بينا..
(وصل فارس ومعه شمس الى الصالون حيث تجلس عمة شمس ناديه وبصحبتها رنا المغرورة فوقفت رنا مواجهه لهم تنظر لشمس بغل قائله...
رنا: ايه ده ما كنتش اعرف انك غير الجواز اتحجبتى كمان ومن امتى التقوى دي..
فارس: بعيدا عن العسل ومع اني ما اعرفش انتى مين.. الا ان حجابها ما يخصكيش في اي حاجه صح يا روحي..
شمس بارتباك:اه.. اه طبعا صح انا وفارس قررنا انى اتحجب علشان هو بيغير عليا قوي.. مش كده يا فارس..
فارس: طبعا لازم اغير يا قلب فارس مش مراتي يلا بقى علشان نلحق مشوارنا.. وانتى لو سمحتي وسعي كده يا انسه😏
( انطلق فارس ومعه شمس التي تحاول كتم ضحكتها بشده تحت انظار رنا وناديه الحارقه فصعد إلى السياره ومعه شمس لينفجر ضحكا لتقول شمس...
شمس: ادفع نص عمري واشوف وش رنا وعمتي دلوقتي عامل ازاي😂
( فوضع فارس يده على فم شمس وهو يمنعها من اكمال حديثها قائلا.
فارس: اولا ضحكتك حلوه قوي ثانيا انا هخليك تشوفي وشهم وهما متغاظين بس من غير ما تدفعي نص عمرك وده وعد مني.
♕♕♕♕♕♕
(وفى فيلا ال مهران هبطت سكر من غرفتها تبحث بعينيها عنه حتى صادفت داد حسنيه فاوقفتها سائله..
سكر: صباح الخير يا دادا هو استاذ شادي خرج ولا ايه اصلى مش شايفاه يعني..
حسنيه: صباحك فل يا حبيبتي هو شادي بقى استاذ🤔 على كل حال لا هو لسه نايم ده انا ما شفتوش من امبارح العصر..
سكر بقلق: يعني ايه ما شفتهوش من العصر هو ما عداش عليك امبارح بالليل ولا انتى عديتي عليه في اوضته..
حسنيه موضحه: و اعدي عليه ليه ولا هو يعدي عليا ليه؟؟؟ هو في حاجه يا بنتي عايزه تقوليها؟؟
(هنا وشعرت سكر بالقلق الشديد على حال شادي فاسرعت الى غرفته قائله..
سكر: تعالي ورايا بسرعه يا دادا وهاتي طبق مايه ساقعه وفوطه نظيفه..
( وصلت سكر امام غرفه شادي وطرقت الباب فلم يجيب.. ففتحت الباب ودخلت لتجده نائم في الفراش عاري الصدر اصفر الوجه فركضت اليه مناديه..
سكر: شادي اصحى... اصحى وبلاش شغل عيال مكنوش كلمتين دول هتتقمص منهم..
(لكن لم يجيب شادي فوضعت سكر يدها فوق وجهه وجدت حرارته مرتفعه بشده كانت حسنيه قد اتت فوجدت سكر تصرخ بها قائله..
سكر: الحقيني يا داده بسرعه اطلبي دكتور..
♕♕♕♕♕♕
( بينما هناك في المشفى كانت شمس تخضع لبعض الاشاعات والتحاليل وفارس يقف مراقبا لكل ما يحدث كالصقر.. حتى انتهوا من الفحص فجلس فارس مع الطبيب مستفهما مستغل انشغال شمس وهي ترتب حجابها بالحمام قائلا..
فارس: طمني يا دكتور لسه في امل انها ترجع تشوف انا عايزك تقولي تفاصيل من فضلك..
الدكتور: الحمد لله لسه في امل مع ان العصب البصري حالته سائت جدا عن الاول بس من حسن حظنا ان الدواء الغلط اللي كانت بتاخده بيشتغل على البشر بشكل بطيء جدا... وما لحقش يدمر العصب بشكل كامل احنا كده مش محتاجين غير حاجه واحده.
فارس: اؤمرني.. اي حاجه بس ترجع تشوف انا وعدتها بكده ومش هخلف وعدى بإذن الله.
الدكتور باستغراب: ده وعد غريب جدا والله يا استاذ فارس.. بس هقول لك حاجه انا عايز الملف الطبي بتاع شمس انا كنت مسلموا لرضوان باشا وسبق وطلبته كذا مره علشان اتابع موضوع العمليه... بس هو كان بيتهرب بحجه انه مش لاقيه..وده حصل اكتر من مره... كمان عايز شمس تمشي على العلاج ده لمده شهر على الاقل بانتظام علشان ده هيجهزها للعمليه ده كل اللي انا عايزه منك...
فارس مؤكدا: بالنسبه للعلاج ما تقلقش انا هدي الشمس العلاج بنفسي اما بقى الملف فانا هعرف ازاي اجيبه.
( دخلت شمس مع الممرضه اثناء حديثهم قائله: مش يلا بقى يا فارس.. ليرد: ايوه يا شمس يلا بينا..
( وفي طريق العوده من المشفى كانت شمس تجلس بجوار فارس قائله..
شمس: هو احنا كنا في المستشفى ليه وايه لازمه الاشاعات والتحاليل دي كلها..
فارس: ولا حاجه من يوم ما اغمى عليكى والدكتور قالي انه عايز يفحصك انا قلت انها فرصه اطمن عليكي ومحسش انى مقصر فى حاجه.. عشان كده وديتك النهارده بس كده.
شمس: تمام متشكره اوي على اهتمامك بيا.. بس هو احنا رايحين فين دلوقتي..
فارس: بلاش الرسميات دي يا شمس انا برده جوزك... واحنا يا ستي هنروح البيت اوصلك الاول واطمن عليكي وبعدين هروح الشغل اشوف العمال وصلوا لايه..
شمس بفزع: لا لا والنبي يا فارس.. مش عايزه اروح البيت لوحدي.. لو ليا ذره معزه عندك خدني معاك الارض وانا والله هقعد ساكته خالص ومش هعمل صوت ولا هتحرك من مكاني علشان خاطرى يا فارس وافق والله ما هزعجك..
فارس بضحك: 😂هتقعدي ساكته ومش هتعملي صوت طيب يا ستي.. تعالي معايا بس ما تلعبيش في اي حاجه 🤨وبعدين دي ارضك طالما هتبقي قدام عيني تيجي في اي وقت..
شمس ضاحكه: على فكره ضحكتك حلوه قوي اول مره اسمعك بتضحك كده..
فارس: بس ما تاخديش على كده يعني دى بتبقى فلتات..
( وصل فارس ومعه شمس الى الارض فاتى بكرسي ووضعه بجانب شجره لتجلس شمس فوقه وامرها بان لا تتحرك واتى لها ببعض الفاكهه والعصير لتاكل ثم وقف يتابع العمال التي تعمل على قدم وساق دون كلل.. وشمس تسمعه وتبتسم وهو يسترق النظر اليها كل فتره ويضحك لسعادتها..
( وفي منزل ال مهران تحديدا في غرفه شادي كان الطبيب قد انتهى من فحص شادي فاتجه الى سكر التي تقف بتوتر قائلا..
الدكتور: ما تقلقيش يا مدام هو كويس دلوقتي هو بس اتعرض لحمى بسبب الجروح اللي في وشه.. طبعا نزفت و هو شكله ما اكلش من فتره.. يا ريت ياخذ العلاج ده وياكل كويس وان شاء الله هيبقى احسن.. وتبداي الكمادات اول ما المحلول ده يخلص..
سكر: متشكره يا دكتور ربنا يطمنك..
(قامت سكر بايصال الطبيب حتى الباب ثم نادت قائله..
سكر:داده حسنيه مع الدكتور لتحت من فضلك وابعتي حد يجيب العلاج ده واعمليلي شوربه خضار وطلعهالي على طول..
( بعد انصراف الطبيب وحسنيه قالت سكر..
سكر: يعني ايه هتفضل نايم كده كتير.. ما تصحى بقى..
ثم جلست بجوار شادي ووضعت يدها على وجهه قائله..
سكر: انت عارف خليك نايم احسن انت لما بتكون صاحي بتبقى مستفز.. 😒سبحان الله صاحي ولا نايم عامل لي ربكه في حياتي..
( انصدمت سكر عندما فتح شادي عينيه قائلا..
شادى: بس انا صاحي مش نايم يا مدام سكر..