رواية حكاية الطفلة اثيل
الفصل الثاني عشر12
بقلم شهد عبد الله
فتحت الصندوق كان فيهو ورقة وصندوق تاني متوسط زهجت شديد وقتها استغفرت وفتحت الراسالة مكتوب فيها ( بتي حبيبتي اعرفي انو انا وامك بنحبك شديد وعمرنا م كنا حنفرط فيك وحتى لو متنا نحن وفرنا ليك كل شي بعدينا ❤️م عاوزك تتكسري عاوزك تكوني ثابته زي ابوك عيشي حياتك واعملي البعجبك وحققي طموحك انتي نسخة من امك❤️وامك اقوى نساء العالم م تضعفي نهائي❤️ وم تخلي الدنيا وغدرها يغلبك واعرفي انو ابوك بموت فيك ي ميلاف❤️
#عبد الرحيم)
الرسالة دي كتبا عبد الرحيم لي بتو طيب عرف كيف حيموت ؟😳 وانا اسي حالقى ميلاف وين طيب علاقتها بي شنو؟
غمضت عيوني ورجعت لي وراء وبقيت ارتب في احداث حياتي 💔 فكرت ساعات فجاة قمت جاريه من غير طرحه💔وقفت عربية وركبت وصلت لي عندو وم عارفه وصلت كيف نزلت وانا بجري لقيتو قاعد مديني ظهرو اتلفت علي وشو كلو دموع قال كنت عارفك حتجي💔
=ماف غيرك🙂
- كان ببكي وبعاين لي
=عاوز اعرف الحقيقة🙂
-طيب تعالي اقعدي قعدت جم رجولو وانا بعاين لي بعيون كلها انكسار وخذلان💔 عرفتو دا منو؟ اي عمو حامد ماف غيرو🙂هو الوحيد الكان بلمح لي وانا م فاهمة من انا جيت كان بعاملني باستثناء وكل م يشوفوني بدمع كلامو معاي كان عميق شديد وبنظر لي نظرة حنينة وبحسسني انو ابوي❤️
بدا كلامو وقال :
قبل خمسين سنة كنا انا وابوك وعبد الرحيم اصحاب شديد ولدونا في نفس الحي في كافوري وكنا اكتر من اصحاب وم بناكل من غير بعض وبنحب بعض لدرجة يضرب٢و بيها المثل ❤️كبرنا وقمنا مع بعض انا وابوك اشتغلنا سوا وعبد الرحيم لانو اهلو مرتاحين سفرو المغرب في المغرب اشتغل واتعرف علي وحدة اسمها اريج حمدون كانت شديدة الجمال وجذابة ومشهورة في المغرب بجمالها صادف انها اشتغلت مع عبد الرحيم كانو اصدقاء وشويه شويه حبو بعض عبد الرحيم خاف يخطفوها منو لانو كانت فاتنة الجمال قرر يتزوجها بس اهلو رفضو لانها مسيحية واهل اريج رفضو تتزوج مسلم لانو خافو يغير ديانتها عارضو اهلهم واتزوجو بعض وعاشو حياة حلوة شديد عبد الرحيم اهلو اتبرو منو بعد سنتين من زواجهم اريج اسلمت واقتنعت بالاسلام ❤️وكل لي كان تمام لحد م حملت واهلها عرفو باسلامها وقرور يقتلوها طاردوهم شديد ولما ولدت قررو ينزلو السودان وماتو في حادث سير💔💔وهم متوجهين للمحميه كانو جايينا انا وابوك💔
=طيب واثيل عماد قصتها شنو وانا موقعي وين في القصة دي؟🙂
- اثيل عماد اختك الكبيرة اصغر من منذر بسنتين كانت بتشبهو شديد ومنذر كان متعلق بيها وبحبها 24ساعة مع بعض وكنتو مستقرين في امدرمان انا كنت ساكن جمبكم وائل ومنذر واثيل كانو احلي ثلاثي وابوك بحب البنات شديد واثيل جات بعد اربعه اولاد❤️عشان كدا كان بحبها في العيد قررنا نمشي جبل اولياء رحلة فعلا مشينا والاولاد كانو مبسوطين شديد لمن جينا نرجع فتشنا اثيل م لقينها💔 وبقينا نفتش بعد شهرين اكتشفنا انها غرقت💔ابوك م كان قادر يتجاوز الصدمه وامك جاتها جلطه💔 ومنذر م نطق ولا حرف الا بعد سنتين 💔ابوك كره اي شي وباع الوره والقدامو وسافر المحميه 💔 وانا مشيت معاهو ولمن عبد الرحيم عرف قرر ينزل السودان هو ومرتو وبتو وم وصل مات 💔
= طيب انت قلت كنت اصحاب شديد لي م كنت بتجينا ؟ولي ابوي م بحكي عنك!
- لمن مات عبد الرحيم و انا وابوك اختلفنا💔والمشكلة كانت كبيرة شديد كلها بسبب انانيت ابوك واتفرقنا للابد وم كان عندنا نفس نشوف بعض قبل 8سنة في واحد من اصحابنا كان في الدكتور وسمع بي مرض ابوك ضرب لي كلمني وانا م كان عندي شجاعة اواجهه ولمن عرفت انو حيعرس ليك رسلت وائل ولدي مع منذر وابوك م عارف انو وائل ولدي انا فعلا حصل زي م اتوقعت وعرسك ليهو كنت مبسوط شديد ❤️ لانك حتكوني معانا ❤️ولمن جيتي كنت لازم امثل قدامك اني م عارفك وانو الحصل صدفة 💔
=السبب شنو الخلاك انت وابوي تتفارقو؟ لدرجة انك عرفتو حيموت وم شفتو
-السبب دا م بقدر اوريك لي
= طيب وميلاف وين؟ وانا دخلي في الموضوع شنو وين مفتاح الصندوق المتوسط؟
-خلي السفارة المغربية تجاوبك
=لي انا حاسة انا الحقيقة دي ناقصه؟ وانك مكذب علي
-امشي السفارة وتعالي اوريك الباقي
=طيب 🙂سلام
قمت من جمبو وياداب وعيت لنفسي انو لابسة عباية من غير طرحه لميت شعري وسلمت علي خالتو انتصار وامي شلت طرحه منهم ومشيت
وصلت البيت مرهقة شديد وكلمت حاموت بسيطة علي دخلت استحميت وطلعت جبت اولادي اكلتهم ونمنا صحيت بصوت وائل بكوروك انتي وحدة مجنونه ومهملة 😡واولادك ديل لو ماتو م بتجيبي خبرهم يسموك ام ليه
=مالك اسي انت في شنو
-ماف شي في انو عبودي ولدك عندو حمه ونفسو كتم الا رغد مشيت بي الدكتور وقاعدين من صباح الرحمن في المستشفى طلعونا المغرب وانتي م جايبه خبر
=😳💔بتين مرض لي م كلموتوني رغد م جابت لي سيرة
-انا قلت ليها م تكلمك انتي لو فاضية كان عرفتي😡😡
=اسفة 🙂
جاء ضربني كف لم وقعت 💔
=انت لي بتعاملني كدا🙂ولا يكون عشان ابوك جبرك تعرسني ؟
وقف مسافة مصدوم انتي القال ليك كدا منو😳
=ابوك وابشرك عرفت الحقيقة بس لسه ناقصة وقريب حاعرف كل شي🙂
-اثيل انا ومدا يدو زحيت منو سرعه
=لالا م انا شكرا ليك ي استاذ وائل وشكرا للدنيا الختتني في مواقف زي دي ✋🏻 💔 مشيت اطمانيت علي ولدي ورقدت نمت زي التقول م مضروبة اصلن اتعودت💔 صحيييت الصباح بصوت سند وعبودي بتشاكلو قلت ليهم مالكم ؟
سند قال لي عبودي بشيل لعباتي ي ماما😡عبودي ضربو قال لي حقتي انا والشكلة بدت😂😂😂حجزتهم وشلتها منهم الاتنين قلت ليهم حامشي اجيب ليكم تاني وحدة 😗❤️م تزعلو وارحكم نتسكوك😗شلت عبودي وسند معانا اتسوكنا وعملت ليهم الشاي شربو وقالو ماشين لي اثيل يلعبو معاها قلت ليهم طيب دخلتهم الحمام اتشاكلو في الصابونه😂😂😂😂قلت ليهم ي ماما الله يرضى عليكم اهدو م تجنوني😢 سند قال لي نجننك زي اثيل😂😂😂عبودي بقى يقول ماما المدنونه 😂😂😂ولحد م لبستهم وطلعو عبودي بغني ماما المدنونه 😂ضحكني ضحك لبست وطلعت السفارة سالت من المسؤول وصفو لي مكتبو دخلت
=السلام عليكم 😊
-وعليكم السلام اتفضلي
= كنت عاوزة اقابل السفير المغربي 🙂
-السفير عديل😂😂والله دي بعيدة شوية لكن انا نائب السفير ومسوؤل من السودانين اي مساعدة؟
=عاوزة اسال من سوداني كان مستقر في المغرب ورجع قبل 20سنة
-😂😂لا حول لله 20سنة وبتسالي اسي انتي جادة؟
طوالي لقيت نفسي ببكي وبقول لي اي جادة يااخ 😭😭💔يعني حاكون جايه اهظر لازم اعرف معلومات عنو ياااخ انا حياتي اتخلبطت شديد وحاموت بعد شوية انا بقيت زي المجنونه م ممكن كدا ابوي يموت يقلب حياتي 😭😭😭💔 الولد بعاين لي بخلعه اداني موية قال لي طيب روقي حاساعدك واوعدك نلقاهو 💔
=لازم تلقى انا حياتي متعلقة بيهو 😭💔
-هو وين؟
=ماات💔
الولد عاين لي بخلعه مات بتين😳😳
=قبل 20سنة
-طيب وانتي بتفتشي في شنو ؟
=اي معلومة عنو 💔وعن بتو
-حاضر حافتشو ليك
=عليك الله شوفو لي ي استاذ
-احمد
طيب ي احمد جيت طالعة لفتني
-يااا
=اثيل
-اسمو منو وكامل لو سمحتي
=عبد الرحيم محمد يوسف
-طيب اديني رقمك عشان لو لقيتو اضرب ليك
=حاضر اكتب.........09
-اضرب في اي وقت؟
=اي في وقت تلقى اضرب لي يلا سلام وطلعت
نتكلم بلسان احمد:
قال انا من الصباح كنت زهجان شديد وم عاوز اشوف زول والسكرتيرة قالت انو في بت عاوزة تشوفني رفضت وانا طالع جات داخله وصراحه اتخلعت من جمالها ❤️ملامحها م سودانية ابدا استحاله يكون بشر بالجمال دا❤️لقيت نفسي بقول تبارك الرحمن دخلت وكانت بتسال عن زول رجع ليهو 20سنة استغربت واتخلعت اكتر لم شفتها بتبكي كانت برئية شديد اتعمقت في ملامحها حتي كحل م عامله جمال موبالغة❤️ لفتتني عيونها ورموشها المليانه دموع❤️ م قدرت اقاوم واصلن ماف بني ادم م بنحني قدام الجمال ده ❤️قررت اساعدها لانو شكلو وراها قصة فعلا من تاني يوم بديت ابحث عن عبد الرحيم ولقيتو سرعه م تعبني لانو كان من اغنى راجال الاعمال في المغرب وزول معروف شديد اتعمدت م اكلمها وكنت بتقصد يومي اضرب ليها اطمئن عليها واسمع صوتها م عارف مالي شكلي حبيتها❤️ )
عندي انا كنت متوترة وقاعدة علي اعصابي ويومي احمد بضرب وم عرف شي💔 بعد اسبوع ونحن نايمين تلفوني ضرب طلعت الهول رديت كان احمد
-الو
=اهلين
-عرفت معلومات عنو بكرة تعالي السفارة
=انت جادي شكرا شكرا 😍😍😍❤️❤️جاية الصباح ان شاء الله❤️اوكي باي قفلت وانا فرحانه اتلفت لقيت وائل واقف مربع يدينو
-دا منو🙂
=دا احمد😍😍بتاع ال.....
وقبل م اتم كلامي جاء ضربني وجراني من شعري لحد م دخلني الغرفة وبقى بضرب فيني 😡😡😡😡😡ي وسخة ي قليلت الادب كمان جابت احمد ي خاينة وبتتكلمي قدامي وجاية توريني ليه😡😡😡ي بتال...... والله الا اقتلك 😡كنت مخلوعه من كلامو كان يخليني اتكلم علي الاقل😳😳😳 ضربني ساعات💔💔لمن زهج خلاني مرميه وفات نام💔 انا نمت في الارض💔 الصباح سند بجر في يدي ماما مالك
=ماف شي حبيبي
-لي وقعتي هنا🥺🥺
=م وقعت رقد براي
-انا شفت بابا لمن وقعك🥺🥺💔وقعد يبكي م عرفت اتصرف كيف اطريت اضحك قلت لي لالا بابا م وقعني😂😂نحن كنا بنلعب مصارعة عشان كده 😂❤️ وانا وقعت ونمت
-يعني بابا م ضربك
=لالا كنا بنلعب😂وحضنتو م قدرت اسيطر علي دموعي قشيتها وسالتو عبودي وين
-نايم
=لي م صحى لي اسي ارح نصحي
عاوزة اقوم م قدرتا💔دموعي سالت لقيت سند بعاين لي قلت لي امشي انت وانا بلحققك💔 اول م طلع بكيت لمن الله غفر لي جسمي كان واجعني شديد💔💔 حاولت اقوم الا بعد نص ساعه💔 اتشجعت ومشيت غرفة اولادي لقيت عبودي محموم خفتا شديد💔ضربت لي رغد جابت اثيل وطلعنا المستشفى البنتعالج فيها💔 الدكتور قال ماف شي بخوف دا التسنين عشان كدا اداني ليهو مضدات بتاع حمه وطلعنا وقفنا ترحال ركبت رغد واولادي وقلت ليها خليهم معاك قالت لي ماشة وين قلت ليها قريب
اتحركت وصلت السفارة وطوالي اتوجهت لمكتب احمد
=سلام
-اهلين اتفضلي
= اها لقيت معلومات عنو ؟
-احم طبعا الزول الانتي بتسالو عنو دا راجل غني ومشهور شديد في المغرب وهنا وفعلا نزل السودان قبل 20سنة وخلي في السفارة المغربية خزانه ضخمة باسم اثيل عماد والحيرني انو كان ماكنت انو انتي حتجي بعد 20سنة
انا اتصدمت الصراحة طيب بكون قاصد اثيل اختي الكبيرة؟ لالا مستحيل هو عارف انها ماتت 😳😳😳😳 طيب عرف كيف اني حابحث عنو بعد عشرين سنة عرف كيف حيموت😳😳😳💔 احمد قال لي الخزانه باسمك ممكن تمشي تشوفيها قلت لي بصدمة وفرح طيب يلا مشينا وبالجد الخزانه كان ضخمة شديد فتحها كان فيها كمية من الاوراق عيني وقعت علي مفتاح شلتو وعاوزة امشي عشان افتح الصندوق احمد مسكني
-والله انتي غريبة ي مجنونه😳😳😳😳زول يخلي ليك كل الاملاك والدهب دا تخليهم كلهم وتشيلي مفتاح صغير وتمشي😳😳😳اي نوع من البشر انت ياخ
=م بهمني الحاجات القلتها دي 🙂انا بفتش في نفسي وم لقيتها اقفل الخزانه دي وبرجع ليها ان شاء الله🙂وقمت جارية خليت احمد مخلوع وصلت البيت اتوجهت للغرفة شلت الصندوق كان فيهو ورقة وعلبه مربعه الورقه كانت كبيرة شديد فتحتها💔مكتوب فيها (ميلاف وانتي بتقري اكيد حيكون عندك مية استفهام💔في راسك واكيد تعبتي وانتي بتفتشي في ميلاف وانتي ميلاف❤️ايوا انتي ميلاف عبد الرحيم بتي انا حتكوني في لحظة صدمه وزهول امشي لعماد حيجاوبك علي كل شي وحتعرفي لي غيرت اسمك انا بحبك شديد وامك بتحبك اكتر مني❤️وم كنا عاوزين نمشي نخليك بس م بيدنا❤️ عاوزك تكوني قوية ومسؤولة ❤️حققي احلامك وطموحك انا عاوزك تصلي القمر😗❤️عاوزك تعفي لينا انا وامك لانو م قدرنا نعيش معاك واعرفي انو انا بحبك شديد ابوكي😍❤️)
انا كنت في حاله م يعلم بيها الا الله💔💔😳😳😳😳لدرجة اني م برمش حتى💔💔 قضيت سنين افتش في ميلاف طلعت انا؟😳 انا ميلاف انا لو انتبهت لي اول رسالة كانت بتقول فتشي نفسك💔انا كنت بفتش في نفسي😳😳عبد
الرحيم ابوي انا💔💔 حاولت اتكلم لساني ارتبط💔 فتحت العلبه اول شي لقيتو صورة عرفت انو ديل امي وابوي💔اتعمقت فيهم شديد امي كانت نسخه مننا انا وسند💔😳اما العيون كانو عيون ابوي والفم برضو 💔 اتجلطت عديل وانا بعاين ليهم احساس قال لي صرخي واملي الدنيا بوجعك مرقي اهاتك وخلي العالم يسمع طلعي الالم الجواك اشكي واحكي عن مشارعك فضي كل شي💔 اكتفيت بالصموت🙂كان في سكون كبييير جواي رغم العاصفة قعدتا اكتر من خمسة ساعات اعاين للصورة💔 كان في صورة تانية ورسالة فتحت الرسالة (بتي الغالية❤️ي قطعة مني اعفي لاني خليتك في وقت كنتي محتاجه لي فيهو عارفه ماف شي حيعوضك حنان الام بس انتي قوية زي امك ❤️ حتكبري وتجيبي اولاد وحيعوضك❤️ي احلى ميلاف في حياتي خلي بالك من نفسك شديد و اوع تتخلي الايام تخذلك ❤️ شدي حيلك وحققي طموحك❤️
#اريج حمدون❤️)
دموعي كانت مطر💔 والاهات والالم الحسيت بي كان ممكن يقتل اي انسان طبيعي بس انا كنت خلاص اتعودت💔 شلت الشرايط وجبت الجهاز شغلتو 💔كان مصوراهو امي وبتقول ميلاف حبيبتي ماما😗ابوي قاطعها قال لي شكلو ولد😂😂😂
=انت اسكت لا بنوته واسميها ميلاف😗❤️شوفي حبيبتي ابوك دا حقار كيف 😗❤️
-والله م شاء الله بقيتي تعرفي تتكملي سوداني😂😂😂❤️
=لو م سكت انا اطلقك فاهم
-اسمها بطلقك😂😂😂🌚بعدين في مرا بطلق راجل ؟
=اي في انا😌😒
ابوي قلع منها الكاميرا قال ليها مغربية لئيمة😒 قال لي انا م عارفك بت ولا ولد كلو العارفو انك ولدي وبحبك موووووت الليلة يداب اكشتفنا انو امك حامل وعاوزين نسجل ليك اللحظات الحلو دي❤️✨
=اسمها ميلاف اتكلم معاها زي البنات م تقلب بتي ولد😒
-طيب شفتي ي ميلاف امك مسيطره كيف😂😂😂😂 بعدين حنتعذب انا وانتي ي بابا وقعدو يشتاكلو تاني😂😂
بعدين باسها في راسها وهي رضت واحتفلو وطبعا فاتحين لي الفديو💔امي مسكت الكاميرا ورتني غرفتي الحيولدوني فيها رسلو لي بوسات والشريط انتهى💔 كنت زعلانه شديد وفرحانة في نفس الوقت امي بتشبهني شديد حتى في حركاتها وكلامها ❤️ بكييت اتمنيت لو كانو عايشين م كان وصلتا هنا💔 دخلت الشريط التاني كان مكتوب فيهو لحظة الولادة❤️ امي كانت بتبكي وابوي بكاوي فيها وبتونس معاي وبقول ليها ولد ولد 😂😂❤️وهي روحها حتطلع فنتو بجزمة لم الكاميرا وقعت قالت لي اسمها ميلاف قلت ليك 😡😒✋🏻 ومصورة لحد م ولدت وجابوني❤️كانت فرحانه شديد وابوي شايلني وببكي❤️❤️وهي بتقول لي موش قلت ليك ميلاف انا الفزت😂❤️❤️✨وانتهى علي كدا اخر شريط مكتوب فيهو اخر لحظات المغرب 💔شغلتو كانو امي وابوي قاعدين في كنبه ❤️امي قالت انا م عارفة اذا حاعيش ولا لا 💔ميلاف انا بحبك اكتر من نفسي خلي بالك واحمي نفسك بنفسك الدنيا قاسية شديد 💔 عاوزة منك صبر 💔خليك قوية ي بتي وقعت تبكي ابوي بواسي فيها 💔قال لي شفتي انا عاوز اشوفك احسن زول ي احلى رائدة فضاء 😗❤️ عاوزك دايما تضحكي وتعيشي دايما تكوني مبسوطه وم تفقدينا ابدا ودموعو سالت 💔قال لي امي امشي جيبها انا كنت صغيره شديد 💔قعدوني في نصهم وبقو يلعبو معاي امي كانت حضناني شديد وكل دقيقة بتبوسني ❤️وتبكي والشريط انتهي 💔
بالرغم من الصدمه العايشاها كان عندي مية استفهام في راسي 💔اهلي عرفو كيف انهم حيموتو ؟💔💔وابوي عرف كيف اني حارجع بعد 20سنة باسم اثيل عماد وسجل لي اي شي ؟ عرف حتكون رغبتي علم الفلك وبشجعني احقق طموحي؟ 💔 ماف زول غيرو حيجاوبني اي عمو حامد هو الحينهي الاستفهام الفي راسي بس كنت متلفه شديد وم فيني حيل ابدا اتجدعت في السرير زي الجثه اخد نفس عمييق واستغفرت قمت صليت ركعتين وبقيت ادعيي ي الله اختبرتني كتتير وانا صابرة ومآمنه بقدرك💔ي رب تغفر لي امي وابوي ولي ابوي عماد وتدخلهم اعلى جناتك❤️ي رب تقويني وتدعمني ي الله تديني شجاعه اقدر اعيش بيها 💔 كان م عشاني عشان اولادي ي الله💔 استغفرت كتييير وقريت قران لروحهم 💔م كنت قادرة اتكلم ولا احكي لي زول انا مالي كمية الصدمه الدخلت فيني كانت كفيلة تسكتني الف سنة للقدام م كان عندي احساس ولا مشاعر م كنت عارفه انا مالي💔ولا كنت عارفه حاسة بشنو 💔 في حاجة جواي كانت جامدة وبتمنعني اعمل اي شي العبرة الخانقاني م كنت قادرة اطلع اهاتها ابدا يداب عرفت لي اخواني بكرهوني وبذات ياسر عرفت لي منذر بحبني كدا وبعاملني بالطريقة دي💔لي دايما بدافع عني وبقيف معاي ضد اي شي كلو عشان مسمني علي اختو؟ 💔💔 وفي الحقيقة انا م اختو💔 عرفت معاملت امي القاسية برغم من اهتمامها بي بس ابدا م حسستني اني بتها 💔 عرفت ابوي قدصو شنو لمن كتب لي خايف بعد اموت اخوانك يطمعو فيك💔💔سكتا مساافة بعدها مشيت لميت الصندوق والرسايل وطبلت الصندوق ولميت المفاتيح💔 رقدتا للحظة حسيت روحي طالعه استغفرت كتيير ونمت💔💔حتى م كان عندي طاقة اجيب اولادي خليتهم مع رغد 💔 صحيت الصباح لقيت وائل قاعد زي الما حصل شي💔 سالني اها عملتي شنو في موضوعك داك وبياكل عاينت ليهو بقرف💔وم رديت طلعت طوالي فوق لقيت اولادي صاحين ورغد اكلتهم وغيرت ليهم شكرتها شديد ❤️ شلتهم لقاني وائل في الشارع قال لي ماشة وين م رديت ليه اصلن كنت طالبة ترحال وشكلو وصل ركبت اولادي واتحركت وصلنا سلمت علي خالتو انتصار وامي ودخلت لي عمو حامد
=عاوزة اسمع باقي القصة🙂عاوزة اعرف الحقيقة
-سلمي اول وتعالي اقعدي جمبي❤️
قعدت لفي يدو في كتفي وضماني علي وقال انا عارف ي بتي استحملتي كتيير وعشيتي كتتير انا حاقول الحقيقة بس عاوزك توعديني بحاجتين االاولى انك تكوني قويةوالتانية انك تسامحينا اناو ابوك
=طيب💔
-قصتك بدات قبل 20 سنة بعد م اثيل ماتت ابوك قرر يجي السودان ويخليك فيهو ويسجلك باسم اثيل عماد عشان يحميك وم يلقوك فعلا نزل السودان وسجل اي شي باسمك واتحرك علي المحميه هناك العربية اتقلبت بيهم وماتو وقتي💔انا وعماد لم عرفنا الخبر اتصدمنا شديد لمن وصلنا كانو ميتين وبس انتي العايشة والغريبة م حصل ليك اي شي كنتي انت ومعاك صندوق 💔شلناك ودفنا اهلك وانا اتعلقت بيك شديد عمرك كان خمسة شهور واثيل من ماتت م كان طولت 💔عماد حباك اكتر من نفسو ومن جيتي بقول ليك اثيل اثيل لمن قررت اشيلك عارضني واتشاكلنا شكله كبيرة واصلن اهل ابوك كانو بفتشو عليك بعد سمعو بموتو انا قررت اوديك لي اهلك بس عماد عارض وقال حيربيك واي واحد بقول عاوزك💔والصراحه كنا طمعانين في القروش اكتر منك💔💔وانا بالذات كنت شايف القروش اكتر مما شايفك عماد قال انو عبد الرحيم ضرب لي وقال يسجلوك باسمو ويربيك هو انا ابدا م صدقت كلامو 💔 لاني كنت اقرب لابوك منو💔 مشينا الخرطوم السفارة المغربية واتاكدنا انو ابوك فعلا غير اسمك لاثيل عماد وقتها طلعنا ليك شهادة ميلاد انا وعماد ورجعنا المحميه انا بعد عرفت الاملاك العندك خطفتك💔وقعدتي معاي شهرين وكنت مهتمي بيك شديد وحبيتك زي انتصار بتي💔عماد لقاني وهددني حيكلم الشرطه وشالك انا خليت المحميه واستقريت في بري 💔 بعد 12سنة عرفت انو منذر اخوك بقرا ادراة اعمال وجبرت وائل يخش نفس الكلية عشان يصاحبو واصلن هم من صغار مع بعض بس لم كبرو ملامحهم اتغيرت وم اتعرفو علي بعض وبقو اصحاب وبعد م عرفت عماد حيعرس ليك لانو حيموت وخايف عليك من ياسر وخالد يطمعو في قروشك 💔انا رسلت وائل وكنت عارفو عاوز ياسمين جبرتو ورسلتو يعرسك م كان راضي ابدا بس كان مضر يمثل قدامك💔 قبل سنتين لم عماد عرف انو وائل ولدي ضرب لي وحكي انو حيموت وصاني عليك وقال لي انو ابوك عبد الرحيم قال ليهو لم تتمي 20 سنه يورك الحقيقة بس عماد كان عمرو قصير وكلفني بالمهمة دي وقال اخليك تعرفي الحقيقة براك عماد بحبك شديد ❤️لانو معتبرك اثيل بتو ومنذر متعلق فيك اكتر من اثيل اختو وحتى انا كنت طمعان في قروشك لكن يعلم الله اني بحبك زي انتصار بتي ❤️وم حقصر معاك نهائ وم بتمنى انك تسامحينا 💔✨
انا سكت مسافة لانو م كنت قادرة استوعب كلامو 💔 عرفت لي وائل بعاملني بالقسوة دي عشان مجبور علي 💔
قلت لي طيب عبد الرحيم ابوي كيف عرف انو رغبتي علم فلك ولي هو وامي مشجعني علي وبقولو لي حققي طموحك ؟
-امك اصلن كان بتقرأ علم فلك ودي كانت رغبتها بتها تبقى زيها عشان كدا خلو عماد يزرع فيك من انتي صغيرة فكرة علم الفلك ويشجعك عليها❤️
= ابوي وامي ماتو كيف🙂🙂من كلامهم ورسايلهم كانو عارفين حيموتو 🙂 كانو بوصوني وحتي ابوي عارف انو حيموت عشان كدا سجل اي شي باسم اسم اثيل دي طيب لي غيرو اسمي من ميلاف لي اثيل دا مكان حادث سير يعني انتحرو😳😳💔
-م دي الحقيقة الانا عاوزك تتقوي فيها 💔
غيرو اسمك لي اثيل عشان اهلك امك م يلقوك ويقتلوك 💔 بعد اسلام امك اهلها قررو يقتلوها وبذات لمن عرفوها ولدت اهلك م انتحرو اهلك ماتو مقتولين 💔💔💔✨
=مقتولين كيف😳😳😳😳😳😳😳😳😳القتلهم منو ؟
-للاسف جدك وخيلانك 💔💔✨وكانو عاوزين يقتلوك قمنا غيرنا اسمك ولي اسي لو لقوك حيقتلوك💔💔💔
انا اول م سمعت الكلام دا😳😳💔........